Transparency Myanmar

transparency.myanmar@gmail.com

yangonchronicle2011
Document yangonchronicle2011

Snapshot of the item below:
yangonchronicle2011

၂၅.၁၀.၂၀၁၂

ပြည်တွင်းသတင်း

  1. ရခိုင်အရေးနှင့်ပတ်သက်၍ NLD နှင့် ၈၈ မျိုးဆက်တို့ကြေညာချက်နှင့် ပန်ကြားချက်ထုတ်ပြန်
  1. နေပြည်တော်နှင့် တိုကျိုအား ညီနောင်မြို့တော်သတ်မှတ်မည်
  2. မြစ်ဆုံစီမံကိန်း အမှန်တကယ် လုံးဝရပ်ဆိုင်းပြီ

ပြည်တွင်းပါတီ၊ နိုင်ငံရေးသတင်း

  1. မြန်မာနိုင်ငံ၏ ကြွေးမြီ မည်မျှရှိကြောင်း လွှတ်တော်၌ မေးခွန်းမေးမြန်း
  2. ဥပဒေချိုးဖောက်သည့် အုပ်ချုပ်ရေးပိုင်းတာဝန်ရှိသူများအား အရေးယူနိုင်ရေးအဆိုတင်သွင်းမှုအား ဆွေးနွေး

သတင်းနှင့် ဆောင်းပါးများမှ ကောက်နှုတ်ချက်များ

******************************

ပြည်တွင်းသတင်း

ရခိုင်အရေးနှင့်ပတ်သက်၍ NLD နှင့် ၈၈ မျိုးဆက်တို့ကြေညာချက်နှင့် ပန်ကြားချက်ထုတ်ပြန်

လက်ရှိ ရခိုင်ပြည်နယ်၊ မြောက်ဦးမြို့နယ်နှင့် မင်းပြားမြို့နယ်အတွင်း ဖြစ်ပွားလျက်ရှိသော ပဋိပက္ခများနှင့်ပတ်သက်၍ အမျိုးသားဒီမိုကရေစီ အဖွဲ့ချုပ်(NLD)ပါတီမှ ကြေညာချက်တစ်စောင်နှင့် ၈၈ မျိုးဆက်ကျောင်းသားများအဖွဲ့မှ မေတ္တာရပ်ခံပန်ကြားချက်ကို အောက်တိုဘာလ ၂၅ ရက်နေ့တွင် ထုတ်ပြန်ခဲ့သည်။

ရခိုင်အရေးကိစ္စနှင့်ပတ်သက်၍ NLD ပါတီမှ ရခိုင်ပြည်နယ်ဒေသအချို့တွင် အဆောတစ်လျင်ဖြစ်သည့် စိတ်ငြိုငြင်စေမှု(သို့မဟုတ်) အန္တရာယ် ဖြစ်လိမ့်မည်ဟု စိုးရိမ်ဖွယ်ရှိသဖြင့် တားဆီးနိုင်ရန် ပြစ်မှုဆိုင်ရာ ကျင့်ထုံးဥပဒေပုဒ်မ ၁၄၄ အရ အမိန့်ထုတ်ပြန်ထားကြောင်း၊ ရခိုင်တိုင်းရင်းသားနှင့် ဘင်္ဂါလီ လူမျိုးတို့အကြား ကျောက်ဖြူ၊ မင်းပြား၊ မြောက်ဦး၊ အမ်းဒေသများတွင် ပဋိပက္ခများ ထပ်မံဖြစ်ပွားလာသဖြင့် လူအသေအပျောက်များရှိခဲ့ပြီး ဒဏ်ရာရရှိသူ အများအပြားလည်းရှိကြောင်း ၀မ်းနည်းဖွယ်ရာ ကြားသိရကြောင်း၊ ရခိုင်ပြည်နယ်၌ဖြစ်ပွားခဲ့သော ပဋိပက္ခများကို ထိန်းသိမ်းရေးနှင့် တည်ငြိမ်အေးချမ်းမှု ရရှိစေရေးအတွက် နိုင်ငံတော်အစိုးရနှင့် လုံခြုံရေးဆိုင်ရာ တာဝန်ရှိသူများက ပိုမိုဝီရိယစိုက်ထုတ် ဆောင်ရွက်ရန် လိုအပ်ကြောင်း၊ နိုင်ငံတော်အစိုးရနှင့် လုံခြုံရေးဆိုင်ရာတာဝန်ရှိသူများက ပိုမိုထိရောက်သောလုပ်ဆောင်မှုများ အမြန်ဆုံးဆောင်ရွက်ပါရန် အလေးအနက် တိုက်တွန်းကြောင်း ထုတ်ပြန် ကြေညာခဲ့သည်။

ထို့ပြင် လက်ရှိဖြစ်ပွားလျက်ရှိသော ရခိုင်အရေးနှင့်ပတ်သက်၍ ၈၈ မျိုးဆက်ကျောင်းသားများအဖွဲ့က ရခိုင်ပြည်နယ်အတွင်း ဖြစ်ပေါ်နေသော ပဋိပက္ခများသည် ပြည်ထောင်စု မြန်မာနိုင်ငံသားအားလုံး၏ အရေးကိစ္စဖြစ်သည်ဟု ကျွန်ုပ်တို့၈၈မျိုးဆက်ကျောင်းသားများမှ ခံယူကြောင်း၊ ပဋိပက္ခများ ဖြေရှင်းရာတွင် လူ့အခွင့်အရေး၊ အမျိုးသားရေး၊ ဒီမိုကရေစီပြုပြင်ပြောင်းလဲရေး ရှုထောင့်များကို အခြေခံလျှက် အများပြည်သူ သဘောတူလက်ခံနိုင်သည့် ငြိမ်းချမ်းစွာဖြေရှင်းခြင်း နည်းလမ်းသာလျှင် အသင့်လျော်ဆုံးဖြစ်ကြောင်း၊ ပဋိပက္ခများကို အကြမ်းဖက်ဖြေရှင်းခြင်းအားဖြင့် ရလဒ်ကောင်းများ ထွက်ပေါ် လာလိမ့်မည်ဟု ကျွန်ုပ်တို့အနေဖြင့် ယုံကြည်ခြင်းမရှိကြောင်းနှင့် ရခိုင်ပြည်နယ်တွင် ယခုလတ်တလောဖြစ်ပွားနေသည့် အကြမ်းဖက်မှုများ လုံးဝရပ်ဆိုင်း သွားရေးအတွက် ရဟန်းရှင်လူ မိဘပြည်သူ ကျောင်းသားကျောင်းသူများနှင့် သက်ဆိုင်ရာတာဝန်ရှိသူအားလုံး ဝိုင်းဝန်းကူညီထိန်းသိမ်းပေးစေလိုကြောင်း မေတ္တာရပ်ခံပန်ကြားချက် တစ်စောင်ကို ထုတ်ပြန်ကြေညာခဲ့သည်။

ရခိုင်ပြည်နယ်အတွင်း အောက်တိုဘာ ၂၁ ရက်နေ့ ည ၁၀ နာရီ ၃၀ မိနစ်အချိန်မှစတင်၍ မင်းပြားမြို့နယ်အတွင်း နေထိုင်ကြသည့် ကျေးရွာ အချို့မှ လူနေအိမ်များအား မီးရှို့ဖျက်ဆီးမှုများ စတင်ပြုလုပ်ခဲ့ရာမှ မင်းပြားမြို့နယ်နှင့် မြောက်ဦးမြို့နယ်များတွင် လူမျိုးစုအချင်းချင်း ပဋိပက္ခများ ဖြစ်ပွားခဲ့ကြပြီး အောက်တိုဘာလ ၂၂ ရက်နှင့် ၂၃ ရက်နေ့အထိ ဆူပူအကြမ်းဖက်မီးရှို့မှု ဖြစ်စဉ်များ ဆက်လက်ဖြစ်ပွားလျက်ရှိကြောင်းသိရသည်။

ထို့ပြင် အောက်တိုဘာလ ၂၄ ရက်နံနက် ၉ နာရီအချိန်မှစတင်ကာ ရခိုင်ပြည်နယ် စစ်တွေမြို့တွင် ပညာရေးကဏ္ဍနှင့်ပတ်သက်၍ တက္ကသိုလ် ကျောင်းသားများမှ ငြိမ်းချမ်းစွာဆန္ဒထုတ်ဖော်မှုများပြုလုပ်ခဲ့ပြီး အောက်တိုဘာလ ၂၅ ရက်နေ့တွင် တိုင်းရင်းသားငြိမ်းချမ်းရေးကွန်ယက်မှ သံဃာတော် အပါး ၁၆၀ ကျော် လူပုဂ္ဂိုလ် ၅၀ ဦးခန့်&#