Posts
 | yangonchronicle2011 |
၅.၁၁.၂၀၁၂
ပြည်တွင်းသတင်း
- ကြွေးကျန်ရှိသည့် မြန်မာနိုင်ငံအားကမ္ဘာ့ဘဏ် ဒေါ်လာသန်း ၈၀ ထုတ်ချေးရန် အတည်ပြု
- ယခုနှစ် အစိုးရဘတ်ဂျက်လိုငွေပြမှု ၄.၅ ရာခိုင်နှုန်းရှိ
- သန်းခေါင်စာရင်းကောက်ယူမှု အငြင်းပွားဖွယ်ဖြစ်ပေါ်လာနိုင်
- မြန်မာ့ငြိမ်းချမ်းရေးလုပ်ငန်းစဉ်များတွင် EU ကူညီမည်
နိုင်ငံရေးသတင်း
- ဖယ်ဒရယ်ပြည်ထောင်စုစနစ်အား SNLD ပါတီကန့်ကွက်
သတင်းနှင့် ဆောင်းပါးများမှ ကောက်နှုတ်ချက်များ
**********************************************************************************************
ပြည်တွင်းသတင်း
ကြွေးကျန်ရှိသည့် မြန်မာနိုင်ငံအားကမ္ဘာ့ဘဏ် ဒေါ်လာသန်း ၈၀ ထုတ်ချေးရန် အတည်ပြု
မြန်မာနိုင်ငံအား ကမ္ဘာ့ဘဏ်မှ အမေရိကန်ဒေါ်လာသန်း ၈၀ ကိုထပ်မံထုတ်ချေးပေးသွားမည်ဖြစ်ကြောင်း နိုဝင်ဘာလ ၃ ရက်နေ့တွင် အင်းယားလိတ်ပိာုတယ်၌ ကျင်းပပြုလုပ်ခဲ့သည့် ကမ္ဘာ့ဘဏ်၏ သတင်းစာရှင်းလင်းပွဲတွင် တာဝန်ရှိသူတစ်ဦးက အတည်ပြုပြောကြားသည်။
ကမ္ဘာ့ဘဏ်အနေဖြင့် မြန်မာနိုင်ငံမှကြွေးမြီများရရှိရန် ကျန်ရှိနေသေးသော်လည်း နိုင်ငံရေး၊ စီးပွားရေးဖွံ့ဖြိုးတိုးတက်မှုများကို အားပေးသည့် အနေဖြင့် ယခုကဲ့သို့ ကူညီထောက်ပံ့မှုများပြုလုပ်ပေးရခြင်းဖြစ်သည်။ ယခု ကမ္ဘာ့ဘဏ်မှထပ်မံထုတ်ချေးမည့် ဒေါ်လာသန်း ၈၀ ကို မြန်မာနိုင်ငံ၏ ကျေးလက်ဒေသဖွံ့ဖြိုးရေးလုပ်ငန်းများနှင့် ဆင်းရဲမွဲတေမှုလျှော့ချရေးလုပ်ငန်းများတွင် အသုံးပြုသွားမည်ဖြစ်ကြောင်း သိရသည်။
ယခုကဲ့သို့ မြန်မာနိုင်ငံအားဘဏ်ချေးငွေများ ထပ်မံထုတ်ချေးနိုင်ရန် ကမ္ဘာ့ဘဏ်မှ ဂျပန်နိုင်ငံအစိုးရနှင့် အာရှဖွံ့ဖြိူးရေးဘဏ် (ADB)တို့နှင့် ပူးပေါင်းလုပ်ဆောင်ခဲ့ခြင်းဖြစ်သည်။ လက်ရှိအချိန်တွင် မြန်မာနိုင်ငံမှ ကမ္ဘာ့ဘဏ်သို့ အမေရိကန်ဒေါ်လာသန်း ၄၀၀ နှင့် အာရှဖွံ့ဖြိုးရေးဘဏ်သို့ ဒေါ်လာသန်း ၅၀၀ နီးပါး ကြွေးကျန်ပေးရမည် ဖြစ်ပြီး မကြာသေးမီ ကာလအတွင်းကလည်းကမ္ဘာ့ဘဏ်မှ မြန်မာနိုင်ငံမှ ပေးရမည့်ကြွေးကျန်များကို ၂၀၁၃ နှစ်ဦးပိုင်းတွင် ပေးချေရန် ထုတ်ပြန်ကြေညာခဲ့သည်။
ကမ္ဘာ့ဘဏ်သည် မြန်မာနိုင်ငံအစိုးရ၏ စီးပွားရေးကဏ္ဍအတွက် အသေးစားနှင့်အလတ်စား စီးပွားရေးလုပ်ငန်းများအတွက် ချေးငွေများ အလွယ်တကူထုတ်ပေးနိုင်ရေး၊ အလုပ်အကိုင်အခွင့်အလမ်းများ ပိုမိုပေါ်ပေါက်လာရေးနှင့် ပုဂ္ဂလိက ကဏ္ဍဖွံ့ဖြိုးတိုးတက်ရေးကို အားပေးကူညီရန် စသည့် ကဏ္ဍသုံးရပ်တွင် ကြားဖြတ် မပာာဗျူပာာအစီအစဉ်ဖြင့် အဓိကကူညီမှုများပေးသွားမည်ဖြစ်သည်။
YC
------------------------------------------------------------------------------------------------------
ယခုနှစ် အစိုးရဘတ်ဂျက်လိုငွေပြမှု ၄.၅ ရာခိုင်နှုန်းရှိ
၂၀၁၂-၂၀၁၃ ဘဏ္ဍာနှစ်အတွက် ပြည်ထောင်စုအစိုးရ၏ စုစုပေါင်းအသုံးစရိတ်မှာ GDP ၏ ၂၄.၅ ရာခိုင်နှုန်းရှိပြီး ဘတ်ဂျက်လိုငွေပြမှုမှာ ၄.၅ ရာခိုင်နှုန်းခန့်ရှိကြောင်းသိရသည်။
ယခုနှစ်အတွင်း ဘတ်ဂျက်လိုငွေပြရခြင်းမှာအခွန်ထမ်းများက နိုင်ငံတော်သို့ပေးသွင်းနေရသည့် အခွန်ငွေများမှာများပြားလွန်းသည်ပာု ပြောဆို မှုများရှိသည့်အတွက် အစိုးရမှ အခွန်ကောက်ခံမှုများလျှော့ချခဲ့ရာတွင် အခွန်အကောက်ရငွေများမှာ နည်းပါးသွားခြင်းအတွက်ကြောင့်ဖြစ်သည်။ ထို့ပြင် နိုင်ငံတွင်းရှိ လုပ်ငန်းရှင်များကအခွန်ရှောင်တိမ်းမှုများနှင့်ဌာနတွင်းရှိဝန်ထမ်းများ၏ အကျင့်ပျက်ခြစားမှုများမှာလည်း နိုင်ငံတော်အခွန်ရငွေနည်းပါးရခြင်း၏ အကြောင်းရင်းများတွင် ပါဝင်ကြောင်းသိရသည်။
၂၀၁၂-၂၀၁၃ ဘဏ္ဍာရေးနှစ်အတွက် နိုင်ငံတော်အသုံးစရိတ်များ ခွဲဝေချထားရာတွင် ကာကွယ်ရေးအသုံးစရိတ်မှာ ကျပ်သန်းပေါင်း ၁၈၇၇၇၁၄ ဖြင့်ထိပ်ဆုံးမှ ဦးဆောင်လျက်ရှိပြီး ပညာရေးအသုံးစရိတ်မှာကျပ်သန်းပေါင်း ၆၁၇၁၅၀ ဖြစ်ကာ ကျန်းမာရေးအသုံးစရိတ်မှာ ကျပ်သန်းပေါင်း ၃၆၆၂၄၄ ရှိကြောင်းသိရသည်။
ယခင် ၂၀၁၁-၂၀၁၂ ဘဏ္ဍာနှစ်တွင် ကာကွယ်ရေးအသုံးစရိတ်မှာ စုစုပေါင်းအသုံးစရိတ်၏ ၂၃.၆ ရာခိုင်နှုန်း၊ ပညာရေးအသုံးစရိတ်မှာ ၄.၁၃ ရာခိုင်နှုန်းရှိခဲ့သည်။ ၂၀၁၀-၂၀၁၁ ဘဏ္ဍာနှစ်တွင် ကာကွယ်ရေးအသုံးစရိတ်မှာ ၅၁ ရာခိုင်နှုန်းသို့ရောက်ရှိခဲ့ပြီး ကျန်းမာရေးကဏ္ဍတွင် ၁၀.၂၉ ရာခိုင်နှုန်း သို့ရောက်ရှိခဲ့သည်။
လက်ရှိအချိန်တွင် ၂၀၁၃-၂၀၁၄ ခုနှစ်ဘဏ္ဍာငွေအရ အသုံးဆိုင်ရာဥပဒေကိုရေးဆွဲပြဋ္ဌာန်းနိုင်ရန် စီစဉ်ဆောင်ရွက်လျက်ရှိသည်။ နိုင်ငံတော် အသုံးစရိတ်ပိုင်းတွင် ခွင့်ပြုထားသည့်အသုံးစရိတ်များကို သက်ဆိုင်ရာဥပဒေ၊ နည်းဥပဒေ၊ စည်းမျဉ်း၊ စည်းကမ်းများ၊ လုပ်ထုံး၊ လုပ်နည်းများနှင့်အညီ ကျခံသုံးစွဲနိုင်ရေးမှာ နိုင်ငံတော်စီးပွားရေးဖွံ့ဖြိုးမှုအတွက် အရေးကြီးလှကြောင်း ပြည်တွင်းစီးပွားရေး ပညာရှင်တစ်ဦးက ပြောကြားသည်။
YC
------------------------------------------------------------------------------------------------------
သန်းခေါင်စာရင်းကောက်ယူမှု အငြင်းပွားဖွယ်ဖြစ်ပေါ်လာနိုင်
လက်ရှိအချိန်တွင် ရခိုင်ပြည်နယ်အတွင်းရှိဘင်္ဂါလီအချို့ထံ၌ မြန်မာနိုင်ငံသားကတ်များတွေ့ရှိနေရသည့်အတွက် ပြည်လုံးကျွတ်သန်းခေါင် စာရင်း ကောက်ယူမှုများတွင် အငြင်းပွားမှုများ ဖြစ်လာနိုင်ဖွယ်ရှိကြောင်း ဥပဒေပညာရှင်တစ်ဦးကပြောကြားသည်။
သန်းခေါင်စာရင်းကောက်ယူခြင်းသည် လူဦးရေစာရင်းဇယားပြူစုရန်သာ ဖြစ်သည့်အတွက် နိုင်ငံသားကတ်ရှိသည်ဖြစ်စေ၊ မရှိသည်ဖြစ်စေ ကောက်ယူသွားမည်ဖြစ်ကြောင်း လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ ဒုတိယညွှန်ကြားရေးမှူးဒေါက်တာခိုင်ခိုင်စိုးက နိုင်ငံပိုင် သတင်းစာပါ အင်တာဗျူးကဏ္ဍတွင် ပြောကြားခဲ့သည်။
အဆိုပါ သန်းခေါင်စာရင်းကောက်ယူသည့်အချက်များသည် ၁၉၈၂ ခုနှစ် မြန်မာနိုင်ငံသား ဥပဒေအရနိုင်ငံသားဖြစ်ရေး၊ မဖြစ်ရေးနှင့် လုံးဝ သက်ဆိုင်ခြင်းမရှိကြောင်းနှင့် နိုင်ငံသားအရည်အချင်းပြည့်ဝသူများကိုသာ နိုင်ငံသားကတ်ပြုလုပ်ပေးမည်ဖြစ်ကြောင်း ၎င်းက ဆက်လက်ပြော ကြားသည်။
ပြည်လုံးကျွတ်လူဦးရေနှင့် အိမ်အကြောင်းအရာသန်းခေါင်စာရင်းကောက်ယူမှုကို ၂၀၁၄ မတ်လ ၃၀ ရက်နေ့မှ ဧပြီလ ၁၀ ရက်နေ့အထိ မြန်မာတစ်နိုင်ငံလုံးတွင် တစ်ပြိုင်နက်တည်းကောက်ယူသွားမည်ဖြစ်ကြောင်းသိရသည်။
YC
------------------------------------------------------------------------------------------------------
မြန်မာ့ငြိမ်းချမ်းရေးလုပ်ငန်းစဉ်များတွင် EU ကူညီမည်
မြန်မာနိုင်ငံ၏ ပြည်တွင်းငြိမ်းချမ်းရေးလုပ်ငန်းစဉ်များ ပိုမိုအကောင်အထည်ဖော်ဆောင်ရွက်နိုင်ရန် ဥရောပသမဂ္ဂ(EU)မှ ကူညီထောက်ပံ့မှုများ ပြုလုပ်ပေးသွားမည်ဖြစ်ကြောင်း နိုဝင်ဘာလ ၃ ရက်နေ့တွင် ရန်ကုန်မြို့၊ ရွှေလီလမ်းရှိ Myanmar Peace Center တွင် သဘောတူလက်မှတ် ရေးထိုးခဲ့သည်။
ဥရောပကော်မရှင်ဥက္ကဋ္ဌ Jose Manuel Barroso နှင့် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့ ဒုဥက္ကဋ္ဌ သမ္မတရုံးဝန်ကြီးဌာန(၄) ပြည်ထောင်စုဝန်ကြီးဦးအောင်မင်းတို့က မြန်မာ့ငြိမ်းချမ်းရေးလုပ်ငန်းစဉ်များတွင်ကူညီသွားရန် သဘောတူလက်မှတ်ရေးထိုးခဲ့ခြင်းဖြစ်သည်။ ယင်း သဘောတူညီမှုအရ သမ္မတ၏ခွင့်ပြုချက်ဖြင့်တည်ဆောက်ခဲ့သော Myanmar Peace Center(MPC)အတွက် ဥရောပသမဂ္ဂ(EU)က ယူရိုခုနှစ်သိန်းထောက်ပံ့ပေးခဲ့ပြီး ငြိမ်းချမ်းရေးလုပ်ငန်းစဉ်များအတွက် လာမည့် ၂၀၁၃ ခုနှစ်တွင် ဒေါ်လာသန်း ၃၀ ကူညီထောက်ပံ့ပေးသွားမည်ြဖစ်ကြောင်း သိရသည်။
ထို့ပြင် ဥရောပကော်မရှင်ဥက္ကဋ္ဌ Jose Manuel Barroso သည် နိုဝင်ဘာလ ၃ ရက်နေ့တွင် နိုင်ငံတော်သမ္မတဦးသိန်းစိန်နှင့်တွေ့ဆုံ၍ မြန်မာ-ဥရောပယူနီယံ(EU) နှစ်နိုင်ငံအကြား ဆက်ဆံရေးအဆင့် တိုးမြှင့်ဆောင်ရွက်ရေး၊ မြန်မာနိုင်ငံ၏ ငြိမ်းချမ်းရေးဖော်ဆောင်မှုလုပ်ငန်းစဉ်များတွင် EU မှကူညီထောက်ပံမှုများပြုလုပ်သွားရန်၊ မြန်မာနိုင်ငံ၏ ပညာရေး၊ ကျန်းမာရေး၊ ဝန်ထမ်းစွမ်းရည် မြင့်မားရေး၊ သဘာဝဘေးအန္တရာယ် ကြိုတင်ကာကွယ်ရေးနှင့် လူနေမှုဘဝမြင့်တင်ရေး ကဏ္ဍများတွင် EU မှကူညီထောက်ပံ့မှုများပြုလုပ်ပေးသွားရန် ဆွေးနွေးခဲ့သည်။
လက်ရှိအချိန်တွင် မြန်မာနိုင်ငံအတွင်းရှိ ပြည်တွင်းတိုင်းရင်းသားလက်နက်ကိုင်(၁၁)အဖွဲ့အနက် (၁၀)ဖွဲ့နှင့် ငြိမ်းချမ်းရေး သဘောတူညီမှုများ ရရှိခဲ့ပြီး ပြီးခဲ့သည့်အောက်တိုဘာလ ၃၀ ရက်နေ့တွင် ကချင်လွတ်မြောက်ရေးတပ်မတော်(KIO)နှင့် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့တို့ တရုတ်နိုင်ငံရွှေလီမြို့၌ တွေ့ဆုံဆွေးနွေးမှုများ ပြုလုပ်ခဲ့သည်။
YC
***************************************
နိုင်ငံရေးသတင်း
ဖယ်ဒရယ်ပြည်ထောင်စုစနစ်အား SNLD ပါတီကန့်ကွက်
ဒီမိုကရေစီနှင့်မိတ်ဆွေပါတီများက ထုတ်ပြန်ကြေညာခဲ့သည့် ဖက်ဒရယ် ပြည်ထောင်စုစနစ်အား ရှမ်းတိုင်းရင်းသားများ ဒီမိုကရေစီအဖွဲ့ချု့ပ်မှ တိကျုပြတ်သားစွာ ကန့်ကွက်လိုက်ကြောင်း ယင်းပါတီ ၂၄ နှစ်ပြည့်မွေးနေ့တွင် ထုတ်ပြန်ကြေညာခဲ့သည်။
ရှမ်းတိုင်းရင်းသားဒီမိုကရေစီအဖွဲ့ချုပ်မှ ယင်းစနစ်အား ကန့်ကွက်ရခြင်းမှာ နှစ်ပေါင်းရာချီ တည်ရှိနေခဲ့သော အမျိုးသားလက္ခဏာများဖြစ်သည့် အမည်နာမအခေါ်အဝေါ်များအားဖျက်သိမ်းပြီး အမည်သစ်များဖြင့်ပြောင်းလဲခေါ်ဝေါ်ဖွဲ့စည်းမည့် ပုံသဏ္ဍာန်ကြောင့် ဖြစ်ကြောင်းရှမ်းတိုင်းရင်းသားများ ဒီမိုကရေစီအဖွဲ့ချုပ်မှ တာဝန်ရှိသူတစ်ဦးကပြောကြားသည်။
မြန်မာနိုင်ငံအတွင်း ဖက်ဒရယ်ပြည်ထောင်စုစနစ် အသုံးပြုရေးကိစ္စရပ်နှင့် ပတ်သက်၍ ဒီမိုကရေစီနှင့်မိတ်ဆွေ (၁၀)ပါတီမှ အောက်တိုဘာလ ၈ ရက်နေ့တွင် ပြုလုပ်ကျင်းပခဲ့သည့် အထူးအစည်းအဝေးတွင် ယင်းစနစ်အား နိုင်ငံတော်အစိုးရထံသို့တင်ပြရေး သဘောတူညီ ခဲ့ကြသည်။
ပြည်ထောင်စုရွေးကောက်ပွဲကော်မရှင်မှ ရှမ်းတိုင်းရင်းသားများဒီမိုကရေစီအဖွဲ့ချုပ်ကိုဇွန်လ ၁၂ ရက်နေ့တွင် ကြေညာချက်အမှတ် (၃၀/၂၀၁၂)ဖြင့် နိုင်ငံရေးပါတီတည်ထောင်ခွင့်ပြုပေးခဲ့ပြီးပါတီမှတ်ပုံတင်အမှတ်စဉ်မှာ (၅၆)ဖြစ်သည်။
YC
***************************************
သတင်းနှင့် ဆောင်းပါးများမှ ကောက်နှုတ်ချက်များ
“ကျွန်မအနေနဲ့ ဘယ်ဘက်ကိုမှ လိုက်မှာမဟုတ်ပါဘူး။ ဘာဖြစ်လို့လဲဆိုတော့ နှစ်ဖက်စလုံးနေရာကနေ ထွက်ပြေးလာကြရတာပါ။ ကျွန်မရဲ့ ရပ်တည်ချက်ကတော့တရားဥပဒေစိုးမိုးရေးကို ပထမဆုံးဆောင်ရွက်ဖို့ပါပဲ။”
နိုဝင်ဘာလ ၇ ရက်နေ့ထုတ် မြန်မာပို့စ် ဂျာနယ်အတွဲ (၄) ၊ အမှတ် (၄၃) တွင်ပါဝင်သော “ရခိုင်ပြည်နယ်တွင် ဖြစ်ပွားခဲ့သော အရေးကိစ္စများနှင့် စပ်လျဉ်း၍ နှစ်ဦးနှစ်ဖက်သည်းခံပေးကြရန် ဒေါ်အောင်ဆန်းစုကြည် ပန်ကြား”သတင်းမှ ဒေါ်အောင်ဆန်းစုကြည် က BBC သို့ပြောကြားချက်အား ကောက်နှုတ်ချက်။
------------------------------------------------------------------------------------------------------
“ဒေါ်လာသန်းရာနဲ့ချီမက ကုန်ကျလိမ့်မယ်။ အဲ့ဒါကို အားလုံးအတိအကျတွက်ချက်ပြီးမှ ပြောနိုင်မယ်။ အဲဒီစီမံကိန်းကို အကောင်အထည် ဖော်ဆောင်ရွက်တဲ့အခါမှာ နိုင်ငံတကာအတွေ့အကြုံရှိကုမ္ပဏီတွေနဲ့လည်း ပူးပေါင်းဆောင်ရွက်သွားမယ်။ ဂျပန်အစိုးရလည်းပါဝင်မယ်။ အခြားနိုင်ငံ တွေပါခေါ်ဖို့ရှိတယ်။ နိုင်ငံတစ်နိုင်ငံရဲ့ ကုမ္ပဏီတစ်ခုတည်းကိုလက်သိပ်ထိုးပေးလို့မရဘူး။ ဒီစီးပွားရေးဇုန်မှာ နိုင်င့ပေါင်းစုံစက်ရုံတွေပါဝင်မယ်။ ကိုယ့်နိုင်ငံက ရင်းနှီးမြှုပ်နှံသူတွေအတွက်လည်းထည့်သွင်းစဉ်းစားရမယ်။ အသေးစားစက်မှုလုပ်ငန်းတွေ ပါဝင်နိုင်အောင်လည်း ထည့်သွင်း စဉ်းစားထားတယ်။”
နိုဝင်ဘာလ ၇ ရက်နေ့ထုတ် Open News Journal အတွဲ (၅ )၊ အမှတ် (၅) တွင်ပါရှိသော “သီလဝါအထူးစီးပွားရေးဇုန် မြန်မာအစိုးရနှင့် ဂျပန်အစိုးရတို့ ပူးပေါင်းဆောင်ရွက်သွားမည်” သတင်းမှ သီလဝါစီးပွားရေးဇုန် စီမံခန့်ခွဲမှု ကော်မတီဥက္ကဌ ဦးဆက်အောင် ၏ပြောကြားချက်အား ကောက်နှုတ်ချက်။
------------------------------------------------------------------------------------------------------
“PR ပေးမယ်ဆိုရင်တိုင်းပြည်ဖွံ့ဖြိုးရေးအတွက်သာမက နိုင်ငံခြားရောက်နေတဲ့ ဒုက္ခသည်တွေ နိုင်ငံရေးခိုလှုံခွင့်နဲ့နေတဲ့သူတွေ Green Card ရထားသူ တွေနဲ့ အမေရိကန်က မြန်မာနိုင်ငံ ဒီမိုကရေစီအတွက် အထူးဗီဇာ ထုတ်ပေးထားသူများကိုပါ ထည့်သွင်းစဉ်းစားရမည်။”
နိုဝင်ဘာလ (၅) ရက်နေ့ထုတ် Street View Journal အတွဲ (၁) အမှတ် (၄၃) တွင် ပါရှိသော “နိုင်ငံခြားသားအမြဲတမ်းနေထိုင်ခွင့် PR စနစ်မြန်မာနိုင်ငံ၌ စတင်တော့မည်” သတင်းမှ ဒုတိယသမ္မတဦးဥာဏ်ထွန်း၏ ပြောကြားချက်အား ကောက်နှုတ်ချက်။
********************************************************************************************
| Google Drive: create, share, and keep all your stuff in one place. |  |