Posts
 | Yangon Chronicle(Quotes & Comments) |
|
|
၂၅.၂.၂၀၁၃
သတင်းနှင့်ဆောင်းပါးကောက်နှုတ်ချက်များ
“နိုင်ငံရေးအကျဉ်းသားတွေလည်း တော်တော်များများကျန်ပါသေးတယ်။ ဒီလူတွေ ခြွင်းချက်မရှိ အမြန်ဆုံးလွတ် မြောက်လာဖို့ အရေးကြီးပါတယ်။ ဒီလူတွေကို လွှတ်ပေးဖို့ ကျွန်တော်အကြိမ်ကြိမ်ပြောဆိုနေသလိုပါပဲ။ နိုင်ငံတကာ ကလည်း ဒီနိုင်ငံရေးအကျဉ်းသားတွေလွှတ်ဖို့ ကိစ္စအရေးကြီးတယ် ဆိုတာကို ပြောဆိုနေပါတယ်။”
ဖေဖော်ဝါရီလ ၂၈ ရက်နေ့ထုတ် Envoy Journal အတွဲ (၃) အမှတ် (၄၁) တွင်ပါရှိသော“မတ်လလူ့အခွင့် အရေးကောင်စီညီလာခံတွင် မြန်မာနိုင်ငံနှင့် ပတ်သက်သော လူ့အခွင့်အရေးအစီရင်ခံစာ ကင်တားနား တင်သွင်းမည်” သတင်းမှ ကင်တားနား၏ ပြောကြားချက်အားကောက်နှုတ်ချက်။
-----------------------------------------------------------------------------------
“စီမံကိန်းမရပ်လို့ကတော့ အဲဒီအရပ်ဒေသလည်း မုံရွာမြို့လည်း ပျက်မှာပဲ၊ မြန်မာပြည်ကြီးလည်း ပျက်မှာပဲ၊ စီမံကိန်းမရပ်ရင် လုပ်ကိုင်ရာကနေစီးဆင်း ပျော်သွားတဲ့အဆိပ်နဲ့ ပတ်သက်တဲ့အရည်တွေဟာ ချင်းတွင်းမြစ် ထဲရောက်မယ်။ မုံရွာတဝိုက်ဒေသတွေပျက်မယ်။ ချင်းတွင်းမြစ် ထဲကနေအဆိပ်ရည်တွေ စီးသွားတော့ အောက်ပိုင်းတစ်လျှောက်လုံး ဧရာဝတီအထိအကုန်ပျက်မှာပဲ၊ ဒီတော့ ဒီကြေးနီစီမံကိန်းကို လက်ပံတောင်း မှာမရပ်ရင် မြန်မာပြည်တစ်ပြည်လုံး ပျက်တော့ ဇာတ်ကိုခင်းတာပဲ”
ဖေဖော်ဝါရီလ ၂၈ ရက်နေ့ထုတ် Envoy Journal အတွဲ (၃) အမှတ် (၄၁) တွင်ပါရှိသော“မြန်မာတစ်နိုင်ငံလုံးပျက်စီးနိုင်သည့် လက်ပံတောင်းစီမံကိန်းကို လုံးဝလက်မခံ” သတင်းမှ လက်ပံတောင်းတောင် ကာကွယ်ရေးကော်မတီနာယက ကဗျာဆရာ၊ စာရေးဆရာကြီးတစ်ဦး ဖြစ်သော ဦးအံ့မောင်၏ ပြောကြားချက်အားကောက်နှုတ်ချက်။
----------------------------------------------------------------------------------------------
“ဒီလိုမျိုးဆွေးနွေးပွဲမှာတော့ ဒီလောက်ကြီးမလိုဘူးလို့ ယူဆပါတယ်။ ဒါ တစ်ဖက်နဲ့တစ်ဖက် အရမ်း မယုံကြည်ရတဲ့အချိန်၊ တစ်ဖက်နဲ့တစ်ဖက် အရမ်း အခက်အခဲ ဖြစ်တဲ့အချိန်မှသာ လိုတာပါ၊ ကျွန်တော် ဒီလိုပဲ နားလည်ထားပါတယ်။ ဒီမှာတော့ အဲဒီအဆင့်တွေ ကျော်နေပြီလို့မြင်ပါတယ်”
ဖေဖော်ဝါရီလ ၂၆ ရက်နေ့ထုတ် မဇ္စိုမဂျာနယ် အတွဲ (၂) အမှတ် (၂၃) “အစိုးရ၏ ငြိမ်းချမ်းရေးအဖွဲ့နှင့် UNFC တို့ နှစ်ဖက်သဘောတူသည့် ကြားလူထား၍ ဆွေးနွေးမည်” သတင်းမှ ငြိမ်းချမ်းရေးအကျိုးဆောင် ဦးလှမောင်ရွှေ၏ ပြောကြားချက်အားကောက်နှုတ်ချက်။
-----------------------------------------------------------------------------------------------
“ဒီလိုဖွင့်ပေးလိုက်တဲ့အတွက် နိုင်ငံခြားရင်းနှီးမြှုပ်နှံမှုချင်သူတွေအတွက် ပိုအဆင်ပြေလွယ်ကူစေလာပါတယ်။ တိုင်းပြည်စီးပွားရေးတိုးတက်မှုမှာ အဓိက အခြေခံက ငွေကြေးကဏ္ဍပါ၊ ငွေကြေးကဏ္ဍတိုးတက်ဖို့ဆိုတာ ဘဏ်တွေပိုကောင်းအောင်လို့ အလုပ်လုပ်ရမယ်လေ၊ ဘဏ်တွေမတိုးတက်ရင် စီးပွားရေး မတိုးတက်ပါဘူး၊ ဒါ့ကြောင့် ဖွင့်ပေးလိုက်တယ် ထင်ပါတယ်။”
ဖေဖော်ဝါရီလ ၂၆ ရက်နေ့ထုတ် မဇ္စိုမဂျာနယ် အတွဲ (၂) အမှတ် (၂၃) “မြန်မာဘဏ်များကို အမေရိကန်ပိတ်ဆို့မှု ရုပ်သိမ်း” သတင်းမှ အာရှစိမ်းလန်းမှု ဖွံ့ဖြိုးရေးဘဏ် AGD ၏ မန်နေဂျင်းဒါရိုက်တာ ဦးရဲမင်းဦး၏ ပြောကြားချက်အားကောက်နှုတ်ချက်။
---------------------------------------------------------------------------------------------
“ဒီနေ့နဲ့မနက်ဖြန် ဆန္ဒသဘောထားတောင်းခံတာကို လုပ်မယ်လို့သိရတယ်။ အစိုးရဲ့နောက်တစ်ကြိမ် ဆွေးနွေး တဲ့အခါမှာ ဘယ်လိုအချက်တွေ ဆွေးနွေးမယ်ဆိုတာ အောက်ခြေကပြည်သူတွေကို တင်ပြတယ်။ ပြည်သူတွေ ဆီက အကြံဥာဏ်တွေ ဆန္ဒသဘောထားတွေကိုလည်း တောင်းခံတယ်”
ဖေဖော်ဝါရီလ ၂၇ ရက်နေ့ထုတ် မြန်မာပို့စ်ဂျာနယ် အတွဲ (၅) အမှတ် (၉) တွင်ပါရှိသော “အစိုးရနှင့် ဆွေးနွေးရန် ကချင်တိုင်းရင်းသား များထံမှ သဘောထား KIO တောင်းခံ” သတင်းမှ ကချင်ငြိမ်းချမ်းရေး အကျိုးဆောင်ဦးလမိုင်ဂွမ်ဂျာ၏ ပြောကြားချက်အား ကောက်နှုတ်ချက်။
----------------------------------------------------------------------------------------
“နိုင်ငံခြားက ဒီမှာဘဏ်တွေလာဖွင့်မယ်ဆိုရင် ချေးငွေရဲ့ အတိုးနှုန်းကလည်း နည်းနိုင်တယ်။ ပြည်တွင်းဘဏ် တွေက အတိုးနှုန်းလျှော့မပေးနိုင်ဘူးဆိုရင်၊ လျှော့နိုင်တဲ့သူတွေကို ခွင့်ပြုပေးသင့်တယ်လို့ထင်တယ်။ ဒါမှမဟုတ်လည်း အကျိုးတူပူးပေါင်းပြီးလုပ်ပေါ့။ နိုင်ငံခြားသားတွေ ဘဏ်လာဖွင့်မယ်ဆိုရင် စီးပွားရေး လုပ်ငန်းရှင်တွေအားလုံးလိုနေတဲ့ အတိုးနှုန်းလျော့ကျရေးအတွက် အဆင်ပြေသွားမယ်”
ဖေဖော်ဝါရီလ ၂၇ ရက်နေ့ထုတ် မြန်မာပို့စ်ဂျာနယ် အတွဲ (၅) အမှတ် (၉) တွင်ပါရှိသော “နိုင်ငံခြားသားဘဏ် များဝင်ရောက်လာပါက ဘဏ်တိုးနှုန်းများ လျော့ကျသွားနိုင်မည်” သတင်းမှ စီးပွားရေးလုပ်ငန်းရှင် တစ်ဦးဖြစ်သည့် ဦးနှင်းဦး၏ ပြောကြားချက် အားကောက်နှုတ်ချက်။
********************************************************
| Google Drive: create, share, and keep all your stuff in one place. |  |