Posts
 | INTERNATIONAL MEDIA (1) |
နိုင်ငံတကာသတင်းများ
- အထူးအစီရင်ခံစာ-မြန်မာနိုင်ငံတွင် မူဆလင်များသတ်ဖြတ်ရေး ဗုဒ္ဓဘာသာဘုန်းတော်ကြီးများ လှုံဆော်အားပေး (အပိုင်း - ၁)
(8 April 2013 ရက်စွဲပါ Reuters မှ Jason Szep ရေးသားသော SPECIAL REPORT- Buddhist monks incite Muslim Killings in Myanmar ကိုဘာသာပြန်ပါသည်)
(UPI သတင်းဌာနမှ 8 April 2013 ရက်စွဲပါ Myanmar conflict troubles Jimmy Carter ကိုဘာသာပြန်ဆိုသည်)
အထူးအစီရင်ခံစာ-မြန်မာနိုင်ငံတွင် မူဆလင်များသတ်ဖြတ်ရေး ဗုဒ္ဓဘာသာဘုန်းတော်ကြီးများ လှုံဆော်အားပေး
(8 April 2013 ရက်စွဲပါ Reuters မှ Jason Szep ရေးသားသော SPECIAL REPORT- Buddhist monks incite Muslim Killings in Myanmar ကိုဘာသာပြန်ပါသည်)
အပိုင်း ၁
ဗုဒ္ဓဘာသာဘုန်းတော်ကြီးသည် မူဆလင်အမျိုးသမီးငယ်တစ်ဦးကို ဖမ်းချုပ်ထားပြီး လည်ပင်းတွင် ဓါးထောက်လျက် “မင်းတို့ ငါတို့နောက်က လိုက်လာရင် သူ့ကို သတ်လိုက်မှာနော်” ဟု ရဲများကို ရန်စလျက် ပြောသည်ဟု မျက်မြင်တစ်ဦးက` ပြောပါသည်။ ဗုဒ္ဓဘာသာလူအုပ်ကြီးသည် ဓါးများကို ကိုင်ဆောင်လျက် မူဆလင် (၁၀၀) ခန့် နောက်မှ အဆိုပါ မြန်မာပြည်အလယ်ပိုင်းမှ မြို့လေးတွင် လိုက်လံပြေးလျက်ရှိပါသည်။
ထိုနေ့က မတ်လ (၂၁) ရက်ကြာသာပတေးနေ့ ဖြစ်ပါသည်။ နာရီပိုင်းအတွင်း မူဆလင် ၂၅ ဦးခန့် အသတ်ခံရပါသည်။ ဗုဒ္ဓဘာသာလူအုပ်ကြီးသည် ၎င်းတို့၏ခန္ဓာကိုယ်များကို မင်္ဂလာဈေးရုံဟုခေါ်သော တောင်ပေါ်သို့ သယ်၍ မီးရှို့ခဲ့ကြပါသည်။ အချို့အလောင်းများကို သားသတ်ရုံမှာကဲ့သို့ ခုတ်ထစ်ပြီး ရေကန်ဘေး ရွှံ့နွံများထဲရှိ ကိုင်းတောထဲတွင် တွေ့ရပါသည်။ Reuters မှ ကင်မရာမင်းသည် အသက် ၁၀ နှစ် သို့မဟုတ် ၎င်းထက်ငယ်သော ကလေးနှစ်ဦး၏ မီးလောင်ထားသော အကြွင်းအကျန်ကို တွေ့ရပါသည်။
မြန်မာနိုင်ငံတွင် ၂၀၁၁ ခုနှစ် မတ်လ၌ ၄၉ နှစ်ကြာ စစ်အုပ်ချုပ်ရေး ပြီးကတည်းက တိုင်းရင်းသားအပေါ် ထားရှိသော အမုန်းတရားမှာ ဝုန်းခနဲ ထွက်ပေါ်လာပါသည်။ ၎င်းသည် ပျံ့နှံ့လာခဲ့ပြီး တိုင်းပြည်၏ ဒီမိုကရေစီ အသွင်ကူးပြောင်းရေးကို ခြိမ်းခြောက်လာခဲ့ပါသည်။ တိုင်းရင်းသားများကို ရှင်းပစ်သည့် လက္ခဏာများ ပေါ်ထွက်လာပြီး အားပေးအားမြှောက်ပြုသူများ ကိုလည်း အရေးယူခြင်းမရှိပေ။
မြို့တော် နေပြည်တော်မှ မိုင် ၈၀ (၁၃၀ ကီလိုမီတာ) သာဝေးသော လူတစ်သိန်းခန့်နေသော အဆိုပါ ဖုန်ထူသော မြို့ကလေးတွင် လေးရက်အတွင်း အနည်းဆုံး လူ ၄၃ ဦးခန့်သေဆုံးခဲ့ပါသည်။ လူပေါင်း ၁၃၀၀၀ ခန့်မှာ နေအိမ်များ၊ လုပ်ငန်းများကို စွန့်လွှတ်ခဲ့ရရာ အများစုမှာ မူဆလင်များ ဖြစ်ကြပါသည်။ ဗုဒ္ဓဘာသာလူအုပ်ကြီး ဦးဆောင်သော အဆိုပါ သွေးစွန်းသောဖြစ်ရပ်များသည် မြန်မာနိုင်ငံအလယ်ပိုင်းတွင် အခြားရွာ ၁၄ ခုခန့်အထိ ပြန့်နှံ့သွားခဲ့ပြီး အာရှတွင် တိုင်းရင်းသားပေါင်းစုံ ကွဲပြားခြားနားမှုအရှိဆုံး တိုင်းပြည်တစ်ခု၌ မူဆလင်များ စိုးရိမ်နေရမည့်အနေအထားကို ဖြစ်စေပါသည်။
မျက်မြင်သက်သေ ၃၀ ကျော်ကို တွေ့ဆုံမေးမြန်းထားမှုအပေါ် အခြေခံလျှက် အဓိကရုဏ်းအပေါ် စစ်ဆေးခဲ့ရာ မိတ္ထီလာတွင် မူဆလင် ၂၅ ဦးအား သတ်ဖြတ်မှု၌ ဗုဒ္ဓဘာသာရဟန်းများက ဦးဆောင်ကြောင်း ပေါ်ထွက်ခဲ့ပါသည်။ အဆိုပါ သတ်ဖြတ်မှုများမှာ ရဲများ၏ မြင်ကွင်းရှေ့တွင် ဖြစ်ပျက်ခဲ့ပြီး ဒေသဆိုင်ရာ သို့မဟုတ် ဗဟိုအစိုးရ၏ ဝင်ရောက်ကိုင်တွယ်မှု လည်း မရှိခဲ့ပေ။ နံရံတစ်ခုပေါ်တွင် ရေးထားသော ဂရပ်ဖတီတစ်ခုက မူဆလင်ရှင်းလင်းမှု ကို တောင်းဆိုထားပါသည်။
ရန်ကုန်မြို့မှ နာရီအနည်းငယ်သာ ကားမောင်းရသောခရီးတွင် ရှိသော အခြားမြို့များတွင် ဖြစ်ပွားသော မငြိမ်သက်မှုများမှာ စနစ်တကျ စီစဉ်ထားမှုများ ရှိခဲ့ပြီး ရဲများမှာ မမြင်ချင်ယောင်ဆောင်ထားသဖြင့် အားပေးအားမြှောက် ပြုသည့်သဖွယ် ဖြစ်နေပါတော့သည်။ မတ်လ ၂၁ ရက်နေ့က သတ်ဖြတ်မှုအပြီးတွင်ပင် တိုင်းဒေသကြီး ဝန်ကြီးချုပ်သည် နောက်ထပ် သုံးရက် ဆက်လက်ဖြစ်ပေါ်နေမှုကို မရပ်တန့်နိုင်ခဲ့ပေ။ ထို့ကြောင့် ထရပ်ကားများကို မီးရှို့၍ လမ်းပိတ်ထားခြင်း၊ ကယ်ဆယ်ရေးလုပ်သားများကို ခြိမ်းခြောက်ခြင်းနှင့် ပတ်ဝန်းကျင်အခြေအနေတစ်ခုလုံးကို ဆိုးရွားသွားအောင် လုပ်ခဲ့သော ရက်ဒီကယ်ဘုန်းတော်ကြီးများ လက်ထဲသို့ လုပ်ချင်ရာလုပ်လေတော့ဟု အာဏာထည့်ပေးလိုက်သည့်သဖွယ် ဖြစ်နေပါတော့ သည်။
ထိုဖြစ်ရပ်အတွက် ဗုဒ္ဓဘာသာများတွင်ပင် တာဝန်ရှိသည် မဟုတ်ပေ။ ၎င်းတို့သည် အဓိကရုဏ်းကို စတင်ဖြစ်ပေါ်စေသည် ဖြစ်ကောင်းဖြစ်မည်ဖြစ်သော်လည်း ပထမဆုံးသေဆုံးသူမှာ မူဆလင်များ၏ အသတ်ခံရသော ဗုဒ္ဓဘာသာ ဘုန်းတော်ကြီး တစ်ပါးဖြစ်ပါသည်။
မိတ္ထီလာသတ်ဖြတ်မှုကြီးသည် ပြီးခဲ့သည့်နှစ်က မြန်မာနိုင်ငံအနောက်ပိုင်းတွင် ဗုဒ္ဓဘာသာများ စီးစဉ်သော ပြင်းထန်သော ဖြစ်ရပ်နှင့် အစိုးရက နှောင့်နှေးပုံအား Reuters မှ အသေးစိတ်တင်ပြခဲ့ပြီးသည့်ပုံစံနှင့် ထပ်တူပင် ဖြစ်ပါသည်။ ယခုတစ်ကြိမ်တွင်မူ တိုင်းပြည်၏အလယ်ပိုင်း မဟာဗျူဟာကျသောမြို့တွင် သွေးစွန်းသောဖြစ်ရပ် ဖြစ်ခဲ့ရပါသည်။ ထို့ကြောင့်ပင် ပြုပြင်ပြောင်းလဲရေးသမား ဦးသိန်းစိန်သည် လုံခြုံရေးတပ်ဖွဲ့များအပေါ် အပြည့်အဝ ချုပ်ကိုင်နိုင်မှု ရှိ မရှိ မေးခွန်းများ ထွက်ပေါ်လာပါသည်။
ဗုဒ္ဓဘာသာအများစုနေထိုင်သော တိုင်းပြည်တွင် ယခုမငြိမ်သက်မှုသည် ဖုံးကွယ်နေသောအမှန်တရားတစ်ခုကို ထုတ်ဖော်ပြလိုက်သလို ဖြစ်ရပါသည်။ ၎င်းမှာ ဘုန်းတော်ကြီးများသည် လွန်ခဲ့သော ဆယ်စုနှစ်မှစ၍ မူဆလင်ဆန့်ကျင်ရေး မငြိမ်သက်မှုများတွင် အဓိကကျသော ကဏ္ဍမှ ပါဝင်နေသည်ဆိုသည့် အချက်ဖြစ်ပါသည်။ အဆိုပါပြင်းထန်သော ဖြစ်ရပ်များနှင့် ဆက်စပ်နေသော လူ ၄၂ ဦးအား ဖမ်းဆီးထားသည် ဆိုသော်လည်း ဘုန်းတော်ကြီးများသည် ပြဿနာကို မီးမွှေးပေးခဲ့သည့် ၉၆၉ ဟုခေါ်သည့် ဗုဒ္ဓဘာသာအမျိုးသားရေး လှုပ်ရှားမှုကို ဆက်လက်လုပ်ဆောင်နေပါသည်။
ဆန်းစစ်မှုများအရ ယခုစေ့ဆော်မှုသော အကြောင်းမှာ ဘာသာရေးကြောင့်သာမဟုတ် စီးပွားရေးနှင့် သက်ဆိုင်သော အကြောင်းများလည်း ရှိသည်ဟု အကြံပြုများ ရှိပါသည်။ မြန်မာနိုင်ငံအလယ်ပိုင်းနှင့် မိတ္ထီလာတွင် မူဆလင်များမှာ ယေဘုယျအားဖြင့် ဗုဒ္ဓဘာသာများထက် ပို၍ ချမ်းသာကြပါသည်။ မြန်မာတနိုင်ငံလုံးတွင် မူဆလင်ဦးရေသည် ၅ %ခန့်ရှိပြီး မိတ္ထီလာတွင် မူဆလင်ဦးရေသည် သုံးပုံတစ်ပုံခန့် ရှိပါသည်။ ၎င်းတို့သည် နေရာကောင်းများတွင် နေအိမ်များ ပိုင်ဆိုင်ပြီး လျှပ်စစ်ပစ္စည်းဆိုင်များ၊ အဝတ်အထည်ဆိုင်များ၊ စားသောက်ဆိုင်များနှင့် မော်တော်ဆိုင်ကယ် လက္ကားဆိုင် ကြီးများ ပိုင်ပါသည်။ ၎င်းတို့သည် မိတ္ထီလာ ဗုဒ္ဓဘာသာအများစုထက် ဝင်ငွေကောင်းပြီး ဗုဒ္ဓဘာသာများမှာ အလုပ်သမားများ လမ်းဘေးဈေးသည်များသာ ဖြစ်ပါသည်။
မြန်မာနိုင်ငံသည် ရာစုတစ်ဝက်ခန့် စစ်တပ်များ၏ မှားယွင်းသောအုပ်ချုပ်မှုအောက်တွင် အထီးကျန်ခဲ့ရာမှ စတင် လွတ်မြောက်လာရာ အာရှတွင် နောက်ဆုံးထွက်ပေါ်လာသည့် ဈေးကွက်မျက်နှာစာသစ်အဖြစ် အားကောင်းသော စီးပွားရေးအကျိုးစီးပွားများ အသင့်နေရာယူပြီး စောင့်နေသည့်သဖွယ် ရှိပါသည်။ မကြာသေးမီက ပြင်းထန်သော ဖြစ်ရပ်သည် ကာလကြာရှည်ကတည်းက စီးပွားရေးကောင်းမွန်စွာ ထူထောင် ထားသော မူဆလင်အသိုင်းအဝိုင်းကို နောက်ဆုံး ဖြစ်ပေါ်လာသည့် စီးပွားရေးအခွင့်အလမ်းများမှ ဖယ်ထုတ်နိုင်လေမည်လားဟု ခြိမ်းခြောက်လာသည့် သဘောရှိပါသည်။ မြန်မာနိုင်ငံ၏ ပြုပြင်ပြောင်းလဲရေးကာလတွင် မငြိမ်သက်မှုများအတွက် မီးထိုးပေးမှုသည် ရုန်းကန်ရမည့်ကိစ္စရပ်များ၏ အစိတ်အပိုင်း ဖြစ်လာပါသည်။
ဒေါ်အောင်ဆန်းစုကြည်သည် တင်းမာမှုများ ရပ်ဆိုင်းသွားအောင် မလုပ်နိုင်၍ ၎င်း၏ပုံရိပ် အားနည်းသွားနိုင်ပါသည်။ ဒေါ်အောင်ဆန်းစုကြည်သည် ဗုဒ္ဓဘာသာကိုးကွယ်သူဖြစ်ပြီး တရားဥပဒေစိုးမိုးရေး မရှိလျှင် ပြင်းထန်သောဖြစ်ရပ်များ ပျံ့နှံ့နိုင်ကြောင်း သတိပေးသည်မှ လွဲ၍ ဘာမှ မပြောခဲ့ပေ။
ဒေါ်အောင်ဆန်းစုကြည်သည် အဆိုပါကိစ္စအတွက် အင်တာဗျူးလုပ်ရန် ငြင်းဆိုခဲ့ပါသည်။
(ဆက်လက်ဖော်ပြပါမည်)
ဗုဒ္ဓဘာသာဝင်များနှင့် မွတ်စလင်များအကြား ပဋိပက္ခကြောင့် ဂျင်မီကာတာ စိတ်အနှောက်အယှက်ဖြစ်
(UPI သတင်းဌာနမှ 8 April 2013 ရက်စွဲပါ Myanmar conflict troubles Jimmy Carter ကိုဘာသာပြန်ဆိုသည်)
photo credit by AP
မြန်မာနိုင်ငံရှိ ဗုဒ္ဓဘာသာနှင့် မွတ်စလင်အသိုင်းအဝိုင်းအကြား ဆူပူအကြမ်းဖက်မှုများက အစိုးရ၏ နိုင်ငံရေး ပြုပြင်ပြောင်းလဲမှုလုပ်ငန်းစဉ်များကို အန္တရာယ်ဖြစ်စေသည်ဟု အမေရိကန်သမ္မတဟောင်း ဂျင်မီကာတာက ပြောကြားသည်။
မြန်မာအစိုးရသည် ပြီးခဲ့သည့် မတ်လအတွင်း ဗုဒ္ဓဘာသာဝင်များနှင့် မွတ်စလင်များအကြား ဖြစ်ပွားခဲ့သော ဆူပူအကြမ်းဖက် တိုက်ခိုက်မှုများကို တုံ့ပြန်သောအားဖြင့် ကာဖျူးအမိန့်နှင့် အရေးပေါ်အခြေအနေထုတ်ပြန်ခဲ့သည်။
သမ္မတ ဦးသိန်းစိန်ကမူ ထိုသို့ ဗုဒ္ဓဘာသာများနှင့် မွတ်စလင်များ အကြမ်းဖက်တိုက်ခိုက်ခဲ့ကြသည့် ကိစ္စနှင့် ပတ်သက်၍ နိုင်ငံရေးအခွင့်အရေးသမားများနှင့် ဘာသာရေးအစွန်းရောက်များကို ပြစ်တင်ပြောဆိုထားသည်။ မတ်လ ၂၀ ရက်နေ့က စတင်ဖြစ်ပွားခဲ့သော အဆိုပါ အကြမ်းဖက်မှုများကြောင့် လူပေါင်း ၄၀ ခန့်အနည်းဆုံးသေဆုံးခဲ့ရပြီဖြစ်သည်။
မြန်မာနိုင်ငံတွင် ခွဲခြားဆက်ဆံသည့် ဓလေ့စရိုက် ပေါ်ထွန်းလာသည့်ကိစ္စနှင့်ပတ်သက်၍ စိုးရိမ်ပူပန်မိသည်ဟု သမ္မတဟောင်း ဂျင်မီတာကာက မြန်မာပြည်ခရီးစဉ်အတွင်းပြောဆိုသည်။
“လတ်တလော ဘာသာရေးဆိုင်ရာ အကြမ်းဖက်မှုတွေနဲ့ တင်းမာမှုတွေနဲ့ပတ်သက်ပြီး ကျွန်တော့်အနေနဲ့ အင်မတန် စိုးရိမ်ပူပန်မိပါတယ်။ ကျွန်တော်မြန်မာပြည်ကိုရောက်တဲ့အချိန်ကစပြီး အမုန်းပွားတဲ့ပြောဆိုမှုတွေကြားခဲ့ရပြီး ဆူပူ အကြမ်းဖက်တယ်ဆိုတဲ့ သတင်းတွေမကြာခဏ ဖြစ်ပေါ်နေတဲ့အတွက်ကြောင့် အင်မတန်စိတ်အနှောက်အယှက် ဖြစ်ရပါတယ်” ဟု ၎င်းကပြောသည်။
မြန်မာနိုင်ငံသည် ၂၀၁၀ ပြည့်နှစ်တွင် ကျင်းပခဲ့သော အထွေထွေရွေးကောက်ပွဲကာလမှ စတင်ခဲ့သည့် နိုင်ငံရေးပြုပြင် ပြောင်းလဲမှုများအတွက် နိုင်ငံတကာအသိုင်းအဝိုင်း၏ အသိအမှတ်ပြုခြင်းခံခဲ့ရသည်။ သို့သော် ဆူပူအကြမ်းဖက်မှုများ မကြာခဏဖြစ်ပွားနေခြင်းကြောင့် အဆိုပါပြုပြင်ပြောင်းလဲရေးဖြစ်စဉ်အတော်များများ နောက်ကြောင်း ပြန်လှည့်သွားဖွယ်ရှိသည်ဟု လူ့အခွင့်အရေးအုပ်စုများက ပြောကြားသည်။
“လတ်တလော ဆူပူအကြမ်းဖက်မှုတွေက ခင်ဗျားတို့ တိုင်းပြည်အတွက် ရထားတဲ့ ကောင်းသတင်းကျော်ကြားမှုကို ထိခိုက်စေမယ့် အန္တရာယ်ဖြစ်စေပါတယ်” ဟု ၎င်းက ဆိုသည်။
| Google Drive: create, share, and keep all your stuff in one place. |  |