Posts
 | Current News |
ပြည်တွင်း နိုင်ငံရေး၊ စီးပွားရေး သတင်းစဉ်
- တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့ (WGEC)မှ အစိုးရနှင့် အဆင်ပြေရန် ကြိုးစားနေ
- ပြည်တွင်း အကြမ်းဖက်မှုများ မဖြစ်ပွားစေရန် ဘာသာပေါင်းစုံမှ ထုတ်ပြန်ချက်ထုတ်ရန်အတွက် လက်မှတ်ရေး ထိုး
နိုင်ငံရေးတွေ့ဆုံမှုပြီးမှသာ တစ်ပြည်လုံးအပစ်အခတ်ရပ်စဲရန် တိုင်းရင်းသားလက်နက်ကိုင်များ လိုလား
တိုင်းရင်းသားလက်နက်ကိုင်အဖွဲ့အစည်းများအားလုံးနှင့် နိုင်ငံရေးအရ တွေ့ဆုံဆွေးနွေးမှုများပြုလုပ်ပြီးမှသာ တစ်ပြည်လုံး အပစ်အခတ်ရပ်စဲရေးလုပ်သင့်ကြောင်း တိုင်းရင်းသားလက်နက်ကိုင်အသိုင်းအဝိုင်းနှင့် နိုင်ငံရေးအသိုင်း အဝိုင်းက သုံးသပ် ပြောကြားထားကြောင်း သိရသည်။
KNU မှအထွေထွေအတွင်းရေးမှူး ဖဒိုစောကွယ်ထူးက “တစ်ချို့အပစ်ရပ်ဖို့ ဆွေးနွေးရမဲ့အချက်တွေ ကျန်သေး တာနဲ့ ညှိနှိုင်းရမဲ့အချက်တွေ ကျန်နေသေးတာအတွက် တန့်နေတာဖြစ်တယ်။ အဓိကက နိုင်ငံရေးအရသွားမယ်ဆိုရင် နိုင်ငံရေးအရဆွေးနွေးရမယ့် အချက်တွေကို ကတိကဝတ်ပြုပြီးမှ ပဋိပက္ခတွေပြေလည်သွားမဲ့ သဘောရှိတယ်။ တစ်ပြည်လုံး အပစ်ရပ်ဖို့ ကြေညာရုံနဲ့ မပြီးဘူး။ တစ်ပြည်လုံးအပစ်ရပ်တဲ့နေရာမှာ ဘာတွေပါသင့်တယ်ဆိုတာကို နိုင်ငံရေးအရ ကတိက ဝတ်ပြုပြီးမှ ဆက်လို့ရမယ်” ဟုပြောသည်။
ထိုကဲ့သို့ နိုင်ငံရေးအရတွေ့ဆုံခြင်းဆိုသည့်နေရာတွင် တိုင်းရင်းသားလက်နက်ကိုင်တစ်ဖွဲ့ချင်းစီမဟုတ်ဘဲ တိုင်းရင်းသား အဖွဲ့အစည်းများအားလုံး သမ္မတအပါအဝင် အစိုးရအဖွဲ့၊လွှတ်တော်၊ တပ်မတော်စစ်ဦးစီးချုပ်ပါဝင်၍ တစ်ပြည်လုံးအတိုင်း အတာဖြင့် အပစ်အခတ်ရပ်စဲရေးတွင် ပါဝင်ရမည့်အချက်များကို ဆွေးနွေးရမည်ဖြစ်ကြောင်း ၎င်းက ပြောသည်။
ရှမ်းတိုင်းရင်းသားများ ဒီမိုကရေစီအဖွဲ့ချုပ်ဥက္ကဋ္ဌဦးခွန်ထွန်းဦးက “ အခုက KIA နဲ့အဆင်မပြေသေးဘူး။ တအောင်းပလောင် နဲ့ကလဲ ပြည်နယ်အဆင့်တွေ့ထားပေမဲ့ တိုက်ပွဲတွေပြန်ဖြစ်နေတယ်။ အခုတိုင်းရင်းသားတွေ ပြောလာ ကြတာရှိတယ်။ အပစ်ရပ်လက်မှတ်က အရင်ကတည်းကလဲ ထိုးခဲ့တာတွေရှိတယ်။ တိုက်ပွဲတွေ ပြန်ဖြစ်တယ်။ အပစ်ရပ်တဲ့ လက်မှတ်ထိုးဖို့ ဆွေးနွေးတာထက် နိုင်ငံရေးအဓိပ္ပာယ်ပါတဲ့ ဆွေးနွေးပွဲတွေ လုပ်ဖို့လိုလားတယ်။ ဒါပြီးမှ တစ်နိုင်ငံလုံး အပစ်အရပ်လက်မှတ်ထိုးဖို့ ပြောလာကြတယ်။ နိုင်ငံရေး မပြေလည်မှုတွေကြောင့်ဘဲ လက်နက်ကိုင်တိုက်ပွဲ ဝင်တာ ဖြစ်လာတာကိုး။ ဒီလိုနိုင်ငံရေးအရ ဆွေးနွေးပွဲတွေ အရင်လုပ်ပြီးမှ အပစ်ရပ်တာ လုပ်ရင် ပိုအဆင်ပြေမယ်။” ဟုပြောသည်။
လက်ရှိအချိန်တွင် အစိုးရမှ တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးဆွေးနွေးပွဲများ ပြုလုပ်နေသော်လည်း အောက်ခြေတွင် တပ်ဖွဲ့များအချင်းချင်း ယုံကြည်မှုမတည်ဆောက်နိုင်သေးခြင်းအပါအဝင် ငြိမ်းချမ်းရေးဆွေးနွေးပွဲများတွင် နိုင်ငံရေးအရ ဆွေးနွေးရမည့်အချက်များကို ထည့်သွင်းသဘောတူနိုင်ခြင်းမရှိသည့် အခြေအနေများကြောင့် တိုင်းရင်းသား လက်နက်ကိုင်အချို့နှင့် ငြိမ်းချမ်းရေးဆွေးနွေးပွဲများ ဆက်လက်ရှေ့ တိုးဆောင်ရွက်နိုင်ခြင်းမရှိသည့် အခြေအနေများဖြင့် ကြုံတွေ့နေရခြင်းဖြစ်ကြောင်း တိုင်းရင်းသားလက်နက်ကိုင် အသိုင်း အဝိုင်းနှင့် နိုင်ငံရေးအသိုင်းအဝိုင်းက သုံးသပ် ပြောကြားထားခဲ့သည်။
YC
တိုင်းရင်းသား ပူးပေါင်းဆောင်ရွက်ရေး အလုပ်အဖွဲ့ (WGEC)မှ အစိုးရနှင့် အဆင်ပြေ ရန် ကြိုးစားနေ
ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC)မှ တစ်နိုင်ငံလုံး အပစ်အခတ်ရပ်စဲ ရေး အတွက် နိုင်ငံရေးအာမခံချက် မရှိသေးကြောင်း စက်တင်ဘာလ ၈ ရက်နေ့က ထိုင်းနိုင်ငံ ချင်းမိုင်မြို့တွင် ပြုလုပ်သော ပြည်တွင်း ငြိမ်းချမ်းရေးဖော်ဆောင်ရေး အဖွဲ့ နှင့် ပြည်ထောင်စုအဆင့် ဆွေးနွေးပွဲတွင် ပြောဆိုခဲ့သော်လည်း တိုင်းရင်းသားလူမျိုးများ ပူးပေါင်း ဆောင်ရွက်ရေးအဖွဲ့ (WGEC)မှာမူ အစိုးရနှင့် အဆင်ပြေရန် ကြိုးစားနေကြောင်း သိရှိရသည်။
“ကျွန်တော်တို့ကတော့ အစိုးရနဲ့ ပြေလည်အောင် ကြိုးစားနေတာပဲ။ ညှိနှိုင်းပွဲတွေလည်း အကြိမ်ပေါင်း များစွာ လုပ်ပြီးပြီ။ ကျွန်တော်တို့ဘက်က WGEC ရဲ့ မူဘောင်တွေကို တင်ပြထားတယ်။ အစိုးရ ဘက်တော့ အဲဒီမူဘောင်တွေကို ငြင်းခုံစရာ သိပ်မရှိဘူး လို့ ပြောတယ်။ အကြမ်းဖျင်းအားဖြင့်ပေါ့။ အသေးစိတ် ကိစ္စ တွေကိုတော့ ညှိနှိုင်းနေတယ်” ဟု WGEC အဖွဲ့ဝင် RCSS/SSA ၏ ပြောရေးဆိုခွင့်ရ ပုဂ္ဂိုလ် ဗိုလ်မှူးကြီး စိုင်းလှက ပြောကြားသည်။
ယခုကဲ့သို့ UNFC နှင့် WGEC တို့အကြားတွင် သဘောထားကွဲလွဲမှုများ ရှိနေသော်လည်း လက်ရှိ WGEC မှ ချမှတ်ထား သော နိုင်ငံရေးဆွေးနွေးပွဲ မူဘောင်များမှာ လက်ရှိ UNFC မှ ကိုင်စွဲနေသော အခြေခံမူခြောက်ချက်နှင့် များစွာ ကွဲလွဲမှုမရှိကြောင်း သိရသည်။
WGEC အဖွဲ့သည် နိုင်ငံရေးဆွေးနွေးပွဲ မူဘောင် တွင် အပိုင်းလေးပိုင်း ခွဲခြားထားပြီး နှစ်ဖက်လုပ်ငန်း စဉ်များ ပူးပေါင်းရေး၊ တစ်ပြည်လုံး အပစ်အခတ်ရပ်စဲရေး၊ နိုင်ငံရေး ဆွေးနွေးပွဲ နှင့် ပြောင်းလဲရေးကာလ အတွင်း လက်နက်ကိုင်တပ်ဖွဲ့ဝင်များ၏ နေထိုင်ရေးဆိုင်ရာ ကိစ္စရပ်တို့ပါဝင်ကြောင်း သိရသည်။
“WEGC အနေနဲ့ နိုင်ငံရေးဆွေးနွေးပွဲအတွင်း မူဘောင်တွေရှိတယ်။ ခေါင်းစဉ်ကြီးတွေ၊ ခေါင်းစဉ်ငယ် တွေရှိ တယ်။ အားလုံးတော့ ဖြစ်လာနိုင်မှာ မဟုတ်ဘူး။ ဒါပေမဲ့ ကြိုးစား လုပ်ဆောင်နေတယ်” ဟု ဗိုလ်မှူးကြီး စိုင်းလှက ဆက်လက် ပြောကြားသည်။
တိုင်းရင်းသားများ ပူးပေါင်းဆောင်ရွက်ရေးအဖွဲ့ (WGEC) တွင် ယခင်က ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) မှ ၁၁ ဖွဲ့ အပါအဝင် UNFC မဟုတ်သော RCSS/SSA ၊ ALP (ရခိုင် လွတ်မြောက်ရေးပါတီ) နှင့် လူထုအခြေပြု အဖွဲ့အစည်း ခြောက်ဖွဲ့လည်း ပါဝင်ကြောင်း သိရသည်။ WGEC အဖွဲ့သည် ပြီးခဲ့သည့် ၂ဝ၁၃ ဧပြီလတွင် နိုင်ငံရေးအရ ဆွေးနွေးပွဲများ ကျင်းပသည့် မူကြမ်းအား ရေးဆွဲခဲ့ပြီး ထိုမူကြမ်းအား အစိုးရနှင့် ဆွေး နွေးရာတွင် ကော်မတီတစ်ခု ထပ်မံဖွဲ့ပြီး ဆွေးနွေးရန် ဆုံးဖြတ်ခဲ့သည့်နောက်ပိုင်း ၂ဝ၁၃ ဇွန်လတွင် UNFC အဖွဲ့မှ WGEC မှ နုတ်ထွက်ခဲ့သည်။
ယခုလက်ရှိတွင် WGEC (တိုင်းရင်းသားများ ပူးပေါင်းဆောင်ရွက်ရေးအဖွဲ့) သည် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့နှင့် စက်တင်ဘာလ ၁၁ ရက်နေ့ (ယနေ့) တွင် ရန်ကုန်မြို့ မြန်မာငြိမ်းချမ်းရေးစင်တာ တွင် နိုင်ငံရေးမူဘောင်များ တိတိကျကျ သတ်မှတ်နိုင်ရေး ဆွေးနွေးသွားမည်ဖြစ်ပြီး အဆိုပါ ဆွေးနွေးပွဲသို့ WGEC ဘက်မှ ရှမ်းပြည် ပြန်လည်ထူထောင်ရေးကောင်စီမှ ဗိုလ်မှူးကြီး စိုင်းလှ၊ ဒု - ဗိုလ်မှူးကြီး စိုင်းငင်း တို့နှင့် ကရင် အမျိုးသား အစည်းအရုံး (KNU) မှ အထွေထွေ အတွင်းရေးမှူး ပဒို စောကွင်းထူးဝင်း တို့ တက်ရောက် မည် ဖြစ်ကြောင်း သိရသည်။
YC
ပြည်တွင်း အကြမ်းဖက်မှုများ မဖြစ်ပွားစေရန် ဘာသာပေါင်းစုံမှ ထုတ်ပြန်ချက်ထုတ်ရန်အတွက် လက်မှတ်ရေး ထိုး
မြန်မာနိုင်ငံ ပြည်တွင်း၌ ဘာသာရေး၊ လူမျိုးရေးဆိုင်ရာ ပဋိပက္ခများနှင့် အကြမ်းဖက်မှုများ ထပ်မံ မဖြစ်ပွား စေရန်အတွက် ပူးပေါင်းလက်တွဲလုပ်ဆောင်သွားမည်ဖြစ်ကြောင်း စက်တင်လာလ ၁၀ ရက်နေ့တွင် ပြုလုပ်ကျင်းပခဲ့ သော တတိယအကြိမ်မြောက် ဘာသာပေါင်းစုံ ဆွေးနွေးပွဲတွင် သဘောတူ ကြေငြာချက်တစ်ခု လက်မှတ်ရေး ထိုးထုတ်ပြန် နိုင်ခဲ့ကြောင်း သိရသည်။ ဆွေးနွေးပွဲကို မစိုးရိမ်တိုက်သစ်ဆရာတော် ဦးဝီးရသူ ခေါင်းဆောင်သော ကိုယ်စားလှယ်အဖွဲ့များ၊ ငြိမ်းချမ်းရေးချစ်ကြည်ရေး သံတမန်ကွန်ရက်တို့မှ ဦးဆောင်ဆွေးနွေးခဲ့ကြပြီး ဘာသာပေါင်းစုံ သဘောတူ လက်မှတ်ရေးထိုးခဲ့ကြသည်။
“ဥပဒေမဲ့တုံ့ပြန်ခြင်းကြောင့် တိုင်းပြည်လူမျိုး၊ ဘာသာ၊ သာသနာ ထိခိုက်နစ်နာရကြောင်းကို အများပြည်သူ သိမြင်နားလည်ပြီး ဥပဒေမဲ့တုန့်ပြန်ခြင်းမျိုး ရှောင်ကျဉ်နိုင်အောင် ကျယ်ပြန့်စွာ ဟောပြောပို့ချ ဆုံးမသွားမယ်ဟု ကတိပြုခဲ့ပါတယ်” ဟု အဆိုပါဆွေးနွေးပွဲတွင် ဆရာတော် ဦးဝီရသူမှ မိန့်ကြားခဲ့သည်။
ဆွေးနွေးပွဲတွင် ငြိမ်းချမ်းရေးချစ်ကြည်ရေးသံတမန်အဖွဲ့မှ တာဝန်ခံ ဒိုင်းမန်းဦးရွှေကြည်က “ဖြစ်ပွားခဲ့သော အဓိကရုဏ်းများရဲ့ အကြောင်းအရင်းများကို ရှာဖွေကြည့်တဲ့အခါ အမျိုးသမီးများကို အကြမ်းဖက်ခြင်း၊ သံဃာတော်များကို အကြမ်းဖက်ခြင်းနှင့် အုပ်စုဖွဲ့အနိုင်ကျင့်ခြင်း ကိုတွေ့ရှိရသဖြင့် ထိရှလွယ်သော အကြမ်းဖက်အနိုင် ကျင့်ခြင်းဖြင့် ပြဿနာရှာ ရန်စခြင်းများကို အစ္စလာမ်ဘာသာဝင်များအနေဖြင့် လုံးဝမပြုလုပ်မိအောင် မြန်မာနိုင်ငံလုံး ဆိုင်ရာ အစ္စလာမ်ဘာသာရေး အဖွဲ့ချုပ်ကြီးက ဆုံးမသွန်သင်ခြင်းဖြင့် ပဋိပက္ခများ ကာကွယ်နိုင်မည်ဖြစ်ပြီး ငြိမ်းချမ်းရေးကို တည်ဆောက်နိုင်မည်” ဟုပြောသည်။
ထို့ပြင် မြန်မာနိုင်ငံ ဓမ္မတက္ကသိုလ် ကံဘဲ့နှစ်ခြင်း အသင်းတော်မှ ဖေကမ္ဘာငြိမ်းက “တိုင်းပြည်ငြိမ်းချမ်းရေးအတွက် ကောင်းရာကောင်းကြောင်း အရှင်ဘုရားတို့ ဆောင်ရွက်သည်ကို တစ်တပ်တစ်အား ကူညီသွားပါတယ်” ဟုပြောကြား ခဲ့သည်။
ဘာသာပေါင်းစုံတွေ့ဆုံပွဲကို ဇူလိုင်လအတွင်း ၂ ကြိမ်ပြုလုပ်ခဲ့ပြီး ယခုတွေ့ဆုံမှုသည် တတိယအ ကြိမ်မြောက်ဖြစ်သည်။
YC
| Google Drive: create, share, and keep all your stuff in one place. |  |