World News, Australia, 20th December 2010
၂၀၁၀ ၏ စိတ်ဝင်စားဖွယ်ရာ ကောင်းသော ပုံရိပ် အချို့တွင် မြန်မာနိုင်ငံမှ ဒေါ်အောင်ဆန်းစုကြည် နှစ်ပေါင်းများစွာ ထိန်းသိမ်း ခံထားရာမှ ပြန်လည် ပေါ်ထွက်လာခြင်းနှင့် နိုဘယ်ဆု ချီးမြှင့်မည့် အခမ်းအနားတွင် Liu Xiaobo မတက်ရောက်နိုင်ပဲ ၎င်း၏ ထိုင်ခုံ နေရာတွင် ကွက်လပ် ဖြစ်နေခြင်း စသည် တို့သည် လတ်တလောတွင် ထင်ရှားသော ပုံရိပ်များ ဖြစ်သည်။
အာရှတိုက်၏ လူ့အခွင့်အရေးနှင့် ပတ်သက်၍ သနားဖွယ်ရာ ကောင်းသော အဆိုပါ နိုင်ငံ နှစ်ခုသည် စိတ်ဝင်စားဖွယ် သတိပေး ခံနေရသော နိုင်ငံများ ဖြစ်ရာ အာရှသည် စီးပွားရေးအရ စွမ်းအားများ ပြည့်နေသော ဒေသ ဖြစ်သည့် နည်းတူ ကမ္ဘာပေါ်တွင် ဆက်ဆံရ အခက်ဆုံး အစိုးရများ ရှင်သန် ကြီးထွားရာ ဒေသလည်း ဖြစ်နေသည်ဟု ဆိုနိုင်သည်။
နိုင်ငံခြား အစိုးရများက စိတ်ဆိုးခြင်း၊ အင်တာနက်နှင့် လူမှုရေး မီဒီယာများကြောင့် အချို့အာရှ နိုင်ငံများက သဘော ပေါက်လာခြင်း ရှိသော်လည်း ဒေသတွင်းရှိ အာဏာရှင်များနှင့် အကျင့်ပျက် ခြစားနေသော အစိုးရများသည် ပျော့ပြောင်းမည့် အသွင် သဏ္ဍာန် မပြသေးပေ။
"သူတို့ဟာ လူ့အခွင့်အရေးကို လေးစားမှု မရှိပဲ အခြေအနေ တော်တော်ကို ဆိုးဝါးနေပါတယ်" ဟု Human Rights Watch အာရှ ဌာနခွဲမှ Dave Mathieson က ပြောကြားခဲ့သည်။ "သူတို့ဟာ ကမ္ဘာ့ လူ့အခွင့်အရေး စံတွေနဲ့ ဆန့်ကျင်ပြီး စနစ်တကျ ပြင်းပြင်းထန်ထန် တုံ့ပြန်နေပုံ ရပါတယ်" ဟုလည်း ၎င်းက ဆိုသည်။
အနောက် နိုင်ငံများမှ နားလည်ထားသော ဒီမိုကရေစီနှင့် အာရှ တန်ဖိုးများသည် ကိုက်ညီမှု မရှိဟု တစ်ချိန်က ငြင်းချက် ထုတ်ခဲ့သော နိုင်ငံများ ထံမှလည်း ယခုအခါ ဝေဖန်သံများ မကြားရတော့ပဲ ပုံတူ ကူးထားသော ဒီမိုကရက်တစ် လုပ်ငန်းစဉ်များကို ရှေ့တန်းတင် လုပ်ဆောင်လာကြသည်ကို တွေ့လာရသည်ဟု ၎င်းက ဆိုသည်။
"နိုင်ငံ အတော် များများဟာ ဒီမိုကရေစီ အကြောင်း ပြောလာကြပြီး၊ အနည်းဆုံးတော့ ကျွန်တော်တို့ ရွေးကောက်ပွဲ လုပ်နေပါတယ် ဆိုပြီး တိုးတက်မှု ရှိနေကြောင်း ပြောနေကြပါတယ်။ ဒါပေမယ့် အများစုကတော့ လွတ်လပ်သော အမြင်များ ဖော်ထုတ် မရပဲ၊ အဖြေ မထွက်သော အခြေ အနေမှာပဲ ရှိနေဆဲပါ" ဟု ၎င်းက ပြောသည်။
မြန်မာ ဗိုလ်ချုပ်များသည် ပြီးခဲ့သည့် နိုဝင်ဘာလက ဆင်းရဲနေသော တိုင်းပြည်တွင် နှစ်ပေါင်း နှစ်ဆယ် အတွင်း ပထမဆုံး ရွေးကောက်ပွဲကို ပြုလုပ်ပေးခဲ့သော်လည်း၊ ဒေါ်အောင်ဆန်းစုကြည်၏ အတိုက်အခံ မပါဝင်မှုနှင့် ကန့်ကွက်မှုများကို လစ်လျူရှုခဲ့ခြင်းကြောင့် ရွေးကောက်ပွဲကို တရား မဝင်အောင် ပြုလုပ်ခဲ့သလို ဖြစ်ခဲ့ရသည်။
အသက် (၆၅) နှစ်ရှိ မြန်မာ့ ဒီမိုကရေစီ ခေါင်းဆောင်မှာ ပြီးခဲ့သည့်လက ပြန်လည် လွတ်မြောက်လာခဲ့ပြီး ပြုံးရွှင်စွာဖြင့် စိတ်ဓာတ် မြင့်မားစွာ ရှိနေသည်ကို တွေ့ရသည်။ သို့သော် သူမ၏ အနာဂတ်မှာ စစ်အစိုးရ၏ သနား ညှာတာမှု ပေါ်တွင် မသေချာ မရေရာ တည်နေဆဲ ဖြစ်သည်။
သီရိလင်္ကာ နိုင်ငံတွင်လည်း ပြီးခဲ့သည့် ဇန်နဝါရီလက ရွေးကောက်ပွဲကို တိုင်းပြည်၏ တမီးလ် ကျားသူပုန်များနှင့် ကာလရှည်ကြာ ပြည်တွင်းစစ် အပြီးတွင် ကျင်းပခဲ့သည်။ အဆိုပါ စစ်အပြီးတွင် စစ်ရာဇဝတ်မှုများ ကျူးလွန်ကြောင်း စွပ်စွဲချက်များ ပြင်းထန်စွာ ထွက်ပေါ်ခဲ့သည်။
သမ္မတ Mahinda Rajapakse သည် ၎င်း၏ ပြိုင်ဖက် စစ်ဦးစီးချုပ်ဟောင်း Sarath Fonseka အပေါ် အပြတ် အသတ် အနိုင်ရပြီး ပြန်လည် ရွေးကောက် တင်မြှောက်ခံရသည်။ Sarath မှာလည်း အကြီးအကျယ် လိမ်ညာမှုကြောင့် ဖမ်းဆီး ထောင်ချခံခဲ့ရသည်။
ပြီးခဲ့သည့် လက Grisly ဓါတ်ပုံအသစ်များ ထွက်ပေါ်ခဲ့ရာ သီရိလင်္ကာတွင် လူသေများ တောင်ပုံရာပုံ ရှိနေပုံနှင့် စစ်ပွဲ နောက်ဆုံး အဆင့်တွင် ကွပ်မျက်နေပုံ ရသည့် ပုံများ ပေါ်ထွက်ခဲ့သည်။ စစ်ပွဲအတွင်း တိုင်းရင်းသား တမီးလ် အရပ်သား (၃၀၀၀၀) ခန့်အထိ သေဆုံးခဲ့ကြောင်း အချို့ လူ့အခွင့်အရေး စောင့်ကြည့်ရေး အဖွဲ့များ၏ အဆိုအရ သိရှိရသည်။
အထက်ပါ နှစ်နိုင်ငံ ဖြစ်သော မြန်မာနှင့် သီရ်ိလင်္ကာ တို့သည် တရုတ်ကို အဓိက မဟာမိတ်အဖြစ် သတ်မှတ်ထားကြသော နိုင်ငံများ ဖြစ်သည်။
၎င်းတို့၏ မဟာမိတ် ဖြစ်သော Beijing က ကော်မတီ၏ ဆုံးဖြတ်ချက်အား ကြောက်ရွံ့စွာ တုံ့ပြန်ခဲ့ပြီး၊ ပြီးခဲ့သည့် အပတ်က ကျင်းပသော အခမ်းအနားအား သပိတ်မှောက်ရန် နိုင်ငံ နှစ်ဆယ်ခန့်သို့ ဖိအားပေးခဲ့သည်။ အဆိုပါ အခမ်းအနားအား CNN နှင့် BBC တို့မှ တိုက်ရိုက် ထုတ်လွှင့်စဉ် တရုတ်တွင် ပိတ်ပင်ထားခဲ့သည်။
တရုတ်နိုင်ငံသည် ကမ္ဘာပေါ်တွင် အဆိုးရွားဆုံး အကျင့်စရိုက်များကို ထောက်ခံ အားပေးနေကြောင်း Asia Society အမှုဆောင် ဒုဥက္ကဋ္ဌ Jamie Metzl က Wall Street Journal ခေါင်းကြီးပိုင်းတွင် စွပ်စွဲ ရေးသားထားသည်။
"ယနေ့ လူ့အခွင့်အရေးကို ကြီးမားစွာ ချိုးဖောက်နေတဲ့ နိုင်ငံတွေ အတွက် အဓိက အကာအကွယ် ပေးနေတဲ့ နိုင်ငံဟာ တရုတ် ဖြစ်ပါတယ်" ဟု ၎င်းက ဆူဒန်၊ မြန်မာ၊ မြောက်ကိုးရီးယား၊ ဇင်ဘာဘွေနှင့် အီရန်တို့ကို ညွှန်းဆို၍ Metzl က ပြောကြားခဲ့သည်။
"ဘာလို့လဲ ဆိုတော့ တရုတ်က ဒီအစိုးရတွေကို အကာအကွယ် ပေးပြီး၊ သယံဇာတတွေ ကတစ်ဆင့် အကျိုးစီးပွား ဖြစ်အောင် လုပ်နေတာ။ ဒီတော့ ဒီအစိုးရတွေရဲ့ ချိုးဖောက်မှုတွေ အပေါ်မှာ နိုင်ငံတကာရဲ့ လုပ်ဆောင်မှုတွေ အရာမထင် ဖြစ်ရပါတယ်" ဟု ဆိုသည်။
Metzl က ပြောကြားရာတွင် တရုတ်သည် ၎င်း၏ လျင်မြန်စွာ တိုးတက်မှုကြောင့် အပေါင်း လက္ခဏာ ဆောင်သော ဖြစ်ပေါ်မှုများ ရှိနိုင်သော်လည်း ကမ္ဘာကြီးက လူ့အခွင့်အရေးနှင့် ပတ်သက်၍ စည်းမျဉ်း စည်းကမ်းများ ချမှတ်ရန် ကြိုးစားမှုများမှ ရာစုနှစ် တစ်ဝက်ခန့် ဘေးချော် ထွက်နေခဲ့သည်။
ကမ္ဘာတစ်ဝှမ်းရှိ ကံဆိုးသော လူအများစုသည် ၎င်းတို့၏ အစိုးရများ၏ ကြီးမားစွာ နှိပ်စက်မှုများ ခံနေရပြီး၊ ၎င်းတို့သည် နိုင်ငံခြား တိုင်းပြည်များ၏ အကူအညီကို မရသလောက် ဖြစ်ပြီး၊ တရုတ်ကိုပင် ကျေးဇူး တင်ကြရမည် ဖြစ်သည်။
အာရှ လူ့အခွင့်အရေး ကော်မရှင်၏ နှစ်ပတ်လည် အစီရင်ခံစာတွင် ဒေသတွင်း နိုင်ငံများအား ၎င်းတို့၏ ပြည်သူများအား တိုးတက် ဖွံ့ဖြိုးမှုများ ခံစားစေရန်နှင့် အရပ်သား ပိုင်ခွင့်များ၊ စီးပွားရေး၊ လူမှုရေးနှင့် ယဉ်ကျေးမှု ပိုင်ခွင့်များအား အကာအကွယ် ပေးရေး တိုးတက်စေရန် တိုက်တွန်းထားသည်။
သာမန် လူတန်းစားများ အတွက် ယခုကိစ္စသည် နိုင်ငံရေးအရ ငြင်းခုန်ရမည့် ကိစ္စသာ မဟုတ်ဘဲ နေ့စဉ် ရဲ၏ ညှဉ်းပမ်းမှု၊ အမျိုးသမီးများ အပေါ် ရက်စက်မှုများ၊ ဆင်းရဲ မွဲတေမှု၊ ဘာသာရေး အရ နှိပ်ကွပ်ခံရမှုများနှင့် တရားရေး စနစ်၏ မပြည့်စုံမှုများ အပေါ် ရုန်းကန်နေရခြင်းက လက်တွေ့ ဖြစ်နေသည်။
"အာရှ တစ်လွှားမှာ လူတွေဟာ ၎င်းတို့ရဲ့ ပိုင်ခွင့်တွေကို သိလာကြပြီး၊ သူတို့ ရပိုင်ခွင့်တွေ တိုးတက်အောင် ကြိုးစား အားထုတ်နေကြပါတယ်" ဟု ကော်မရှင်က ပြောသည်။
"ပိုမို ကောင်းမွန်တဲ့ အနာဂတ်ဟာ ပြည်သူတွေ ကိုယ်တိုင် စလုပ်နိုင်မှု ပေါ်မှာ မူတည်နေပါတယ်။ ဒါပေမယ့် လူတွေရဲ့ လုပ်ဆောင်မှုတွေ အပေါ် အစိုရရဲ့ တုံ့ပြန်မှုကတော့ လုံးဝ ပြည့်စုံမှု မရှိပါဘူး" ဟု ကော်မရှင်က ဆိုသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named
http://transparencymyanmar2010.blogspot.com/ upon their request.
Posts
