Posts
Reuters, 16th January 2010
တပ်မတော် အုပ်ချုပ်သော မြန်မာနိုင်ငံ၏ အနှစ် ၂၀ အတွင်း ပထမဆုံး အကြိမ် လွှတ်တော် ရွေးကောက်ပွဲများကို ယခုနှစ်တွင် ကျင်းပရန် စီစဉ်ထားပါသည်။ သို့သော် ဆောက်လုပ်ဆဲ လွှတ်တော် အဆောက်အဦးမှာ ယခုတိုင် မပြီးသေးသဖြင့် လာမည့် လ အနည်းငယ် အတွင်း မဲပေးပွဲများ ကျင်းပရန် အခွင့်အရေး အနည်းငယ်သာ ရှိပါသည်။
ရွေးကောက်ပွဲ ကျင်းပမည့် ရက်ကို စစ်ဖက် အစိုးရက ယခုတိုင် သတ်မှတ်ခြင်း မရှိသေးပါ။ သို့သော်လည်း အောက်တိုဘာလ (သို့) ယင်းထက် စော၍ ကျင်းပနိုင်သည်ဟု အချို့က မှန်းဆ နေပါ သည်။
မြန်မာနိုင်ငံ၏ မြို့တော် နေပြည်တော်ရှိ လွှတ်တော် အဆောက်အဦးကို ရှားရှားပါးပါး ခဏတာ မြင်တွေ့ခဲ့ရာတွင် မပြီးသေးသော လမ်းများမှသည် ငြမ်းဆင် ထားဆဲ စုလစ်မွန်းချွန် အမိုးများနှင့် အဆောက်အဦး ၃၁ လုံးကို ဆေးသုတ်ခြင်း အထိ လုပ်စရာများစွာ ကျန်ရှိနေသေး သည်။
အဆောက်အဦးများ၏ အတွင်းပိုင်း အပြီးသတ်ရန် အပါအဝင် လုပ်ငန်းများ မည်မျှ ကျန်ရှိ နေသေးသည် ဆိုသည်ကိုမူ တည်ဆောက်ရေး လုပ်ငန်းခွင်ကို တွေ့မြင်ခဲ့သူ ရိုက်တာ သတင်းထောက်က ပြောကြားနိုင်ခြင်း မရှိပါ။
သို့သော်လည်း မြန်မာနိုင်ငံ၏ အကြီးဆုံး မြို့တော်ဟောင်း ရန်ကုန်မှ ကီလိုမီတာ ၃၂၀ (မိုင်၂၀၀) ကွာဝေးသော၊ ရှောင်ပုန်းလိုသူ စစ်ဖက် အုပ်ချုပ်သူများ သီးခြား နေထိုင်ရန် ရွေးချယ်ခဲ့သော၊ နေပြည်တော်သည် လွန်ခဲ့သော ၄ နှစ် ဘာမှ မရှိသည့် အနေအထားမှ မြို့တော်အဖြစ် လျင်မြန်စွာ ပျံနှံ့ ကြီးထွားလာသည်ကို ကြီးမားသည့် ဖွံ့ဖြိုးမှုများက သက်သေပြ နေပါသည်။
ရှင်ဘုရင်များ နေထိုင်သော နေရာဟု အဓိပ္ပါယ် သက်ရောက်သည့် နေပြည်တော်သည် ဝန်ကြီးဌာန အဆောက်အဦးများ၊ အစိုးရ အိမ်တော်များ၊ အရပ်ဖက် ဝန်ထမ်း အိမ်ယာများ၊ ရောမပုံစံ တိုင်လုံးကြီး များဖြင့် ဆင်ယင်ထားသော မပြီးသေးသည့် သမ္မတ အိမ်တော်များဖြင့် ဖွဲ့စည်းထားသော ဝင်္ကပါ တစ်ခုသဖွယ် ဖြစ်၍ ၎င်းအရာ အားလုံးသည် ဖုံထူသော၊ ခြောက်သွေ့သော ဖုန်းဆိုးမြေ အဆင့်မှ ပေါ်ပေါက်လာခဲ့ခြင်း ဖြစ်သည်။
ဂုဏ်ယူစွာ တခမ်းတနား အလှဆင်မှုများ ဖြစ်သည့် ရေများစွာ အသုံးပြုထားသော မြက်ခင်းစိမ်းများ၊ မတွေဖူးသော ကျောက်တုံးစီ နံရံများသည် အာရှတိုက်၏ အဆင်းရဲဆုံး တစ်နိုင်ငံ ဖြစ်သည့် မြန်မာနိုင်ငံတွင်းမှ အခြား နေရာများနှင့် ကွဲပြားနေပါသည်။ သက်ကယ်မိုး ထရံကာ တဲများဖြင့် နေထိုင် ကြသော အနီးတဝိုက်မှ ရွာများနှင့်လည်း များစွာ ကွာခြားလှပါသည်။
ဂေါက်ကွင်း ၅ ကွင်း၊ အပန်းဖြေ ပုံစံ ဟိုတယ် ၇ လုံး၊ သောက်သုံးနိုင်သော အဆင့် ရှိသည့် ဘုံဘိုင် ရေပေးစနစ်၊ အနောက်တိုင်း ပုံစံ ဈေးဝယ် စင်တာ၊ ကြီးမားသော တိရိစ္ဆာန် ဥယျာဉ်၊ ကျယ်ပြောလှသော ရေပန်းဥယျာဉ်၊ ကြီးမား ခန့်ထည်သော အစိုးရ စံအိမ်ကြီးများဖြင့် ဆွဲဆောင်မှု ရှိစေရန် ပြင်ဆင်ထားသော နေပြည်တော်တွင် ၂၄ နာရီ လျှပ်စစ်မီး ပေးထားသော်လည်း ကျန်တစ်နိုင်ငံလုံး တွင် စွမ်းအင် မလုံလောက်၍ လျှပ်စစ်မီး ပျောက် ဒုက္ခရောက်လျက် ရှိပါသည်။
ပြောင်လက် တောက်ပလှသော ရုပ်ရှင်ရုံ အပါအဝင် နေပြည်တော်ရှိ အဆောက်အဦး များစွာကို ခေတ်မီ ဆောက်လုပ်ရေး စက်ကရိယာများ မပါဘဲ ပြင်းထန်သည့် အပူဒဏ် အောက်တွင် အလုပ်သမားများ ပင်ပန်း ဆင်းရဲစွာ လုပ်ကိုင်ရသည့် ကြောက်မက်ဖွယ် ဆောက်လုပ်ရေး စနစ်ဖြင့် တည် ဆောက်ခဲ့ခြင်း ဖြစ်သည်။
နေ့စား အလုပ်ကြမ်း လုပ်သူ အမျိုးသမီးများသည် ဆောက်လုပ်ရေး လုပ်ငန်းခွင်တွင် အုတ်ခဲများကို ခေါင်းပေါ်ရွက်၍ တပင်တပန်း သယ်ဆောင်ကြရသလို၊ အလုပ်ကြမ်းသမား အမျိုးသား များမှာလည်း သစ်သားရိုးတပ် တံစဉ်များ၊ ပေါက်တူး ပေါက်ပြားများဖြင့် မြေယာ ပြုပြင် ရှင်းလင်းမှုကို လုပ်ကိုင်နေကြပါသည်။ တပ်မတော်က အသစ် ဖောက်လုပ်ထားသော ရန်ကုန် နေပြည်တော် အဝေးပြေး လမ်းမပေါ်တွင် နွားလှည်းများဖြင့် သစ်များ သယ်ဆောင်နေသည်ကို တွေ့နိုင်ပါသည်။
နေပြည်တော် တည်ဆောက်ခြင်း၏ ကုန်ကျစရိတ်ကို ထုတ်ဖော် ပြောကြားရန် အစိုးရက ငြင်းဆန်ခဲ့သော်လည်း ဒေါ်လာဘီလျံနှင့် ချီ၍ ကုန်ကျလိမ့်မည်ဟု သံတမန် ရပ်ကွက်က ပြောကြားပါ သည်။ တိုင်းပြည် ရင်ဆိုင်နေရသော နာတာရှည် ဆင်းရဲ မွဲတေမှုများ၊ တစစီ စုတ်ပြတ်နေသော အခြေခံ အဆောက်အဦးများ စသည့် ဦးစားပေး ကိစ္စများကို ဆောက်ရွက်စေလိုသော ကူညီ ထောက်ပံ့ရေး အဖွဲ့ များ၏ ဝေဖန် ပြစ်တင်မှုများလည်း ပေါ်ထွက်လာပါသည်။
မြန်မာ အစိုးရ၏ လူ့အခွင့်အရေး ချိုးဖောက်မှုများကို တုန့်ပြန် ဆောင်ရွက်သည့် အနေဖြင့် အနောက်နိုင်ငံများက အရေးယူ ပိတ်ဆို့ထားသော်လည်း ကျွန်းနှင့် သစ်မာများ၊ သဘာဝ ဓာတ်ငွေ့များမှသည် အဖိုးတန် မြန်မာ ကျောက်မျက်များ အထိ ရှိသော ကြွယ်ဝသည့် မြန်မာ သယံဇာတ ရင်းမြစ်များကို မက်မောနေသူ တရုတ်နှင့် အရှေ့တောင် အာရှနိုင်ငံ များကြောင့် မြန်မာအစိုးရ၏ သံတမန်ရေးနှင့် ဘဏ္ဍာရေး အခြေအနေ တောင့်တင်း ခိုင်မာလာသည်ကို နေပြည်တော် မြင်ကွင်းက ထင်ဟပ်ပြနေပါသည်။
ပျောက်ဆုံးနေသော အသက်ဝိညဉ်
"မြို့တစ်ဝှမ်း ပြန့်ကျဲနေတဲ့ နိုင်ငံခေါင်းဆောင် အိမ်တော် ၃ လုံးရယ်၊ ဝန်ကြီးဌာန ရုံးတွေရယ် အပြင် အခု လွှတ်တော် အဆောက်အဦး ၃၁ လုံးကို အစိုးရက ဘယ်လို ပြီးအောင် ဆောက်မှာလဲ" ဟု နေပြည်တော်၏ အရွယ်အစား ကြီးမားမှုကို အံအားသင့်နေသူ ရန်ကုန်မှ အနောက်နိုင်ငံ သံတမန် တစ်ဦးက မေးခွန်း ထုတ်ပါသည်။
"ဆောက်လုပ်ဆဲ အဆင့်သာ ရှိသေးတဲ့ အဆောက်အဦးတွေကို ဘယ်လို မြန်မြန် ဆောက်မှာလဲ ဆိုတာ အံသြစရာပဲ" ဟု ၎င်းက ပြောကြားပါသည်။
သို့ရာတွင် အရေးကြီးဆုံး အရာတစ်ခု ပျောက်ဆုံးနေပါသည်။ အသက်ဝိညာဉ်ပင် ဖြစ်ပါသည်။ အစိုးရက ၎င်း၏ ဝန်ထမ်းများ၊ အလုပ်သမားများ အားလုံး နီးနီးကို နေပြည်တော်သို့ ရွှေ့ပြောင်းခဲ့ပြီး ၄ နှစ်ခန့် ကြာသည့် တိုင်အောင် လူစည်ကား ရှုပ်ထွေးနေသော မြို့လယ် နေရာများကို မတွေ့ရပါ။
နေပြည်တော်တွင် လူဦးရေ တစ်သန်း ရှိသည်ဟု အာဏာပိုင်များက ပြောကြားသော်လည်း အဆိုပါ အရေအတွက်မှာ ပတ်ဝန်းကျင်ရှိ မြို့နယ် ၄ ခုကြောင့် ဖောင်းပွနေခြင်းသာ ဖြစ်သည်။ နိုင်ငံခြားသားများကို တားမြစ်ထားသော်လည်း ပြည်ပ ခရီးသွား ဧည့်သည်များကိုမူ ကြိုဆိုသည်ဟု ဆိုပါသည်။ နေပြည်တော်ကို ကြည့်ရသည်မှာ အမြင့်ဆုံးမှ တစ္ဆေမြို့ တစ်ခု အလား ခံစားရပါသည်။
ဆယ်လမ်းသွား ၂ လမ်းစာ ကျယ်ပြန့်သော လမ်းမကြီး တစ်ခု အပါအဝင် နေပြည်တော် လမ်းများမှာ ရှုပ်ထွေး၍ ကျယ်ပြန့်သော်လည်း လူသူ ကင်းမဲ့နေပါသည်။ သာမန် အရပ်သားတို့၏ ကားများမှာ နည်းပါးလှသည်။ မြို့တော်၏ အလယ်ဗဟိုဟု ဆိုရမည့် လမ်းငါးခွ ဆုံရာ အဝိုင်းတွင် လူသူ ခြောက်ကပ် ၍ ကျူးဘား အုန်းပင်များနှင့် အလှစိုက် ပန်းပင်များသာ ရှိပါသည်။
စားသောက်ဆိုင်များတွင် ညအခါ လူစည်ကားသော်လည်း မြို့တော်၏ အဆင်တန်ဆာများ ဖြစ်သည့် ဥယျာဉ်များမှသည် မီးများ လင်းထိန်နေသော အဆင့် ၂ ဆင့်ပါ ဂေါက်သီး လေ့ကျင့်ရေးကွင်း အထိ ကြောက်မက်ဖွယ်ရာ လူသူ ဆိတ်သုဉ်းနေပါသည်။
ရန်ကုန်မှ နေပြည်တော်သို့ အမြန် လမ်းသစ်ကြီးပေါ်တွင် နာရီ အနည်းငယ် မောင်းနှင်ရပြီး ကား ၆ စီး ခန့်သာ တွေ့မြင်ခဲ့ရပါသည်။
အစိုးရ ခေါင်းဆောင်များ ပျော်ရွှင်စွာဖြင့် ရန်ကုန်တွင် ထားရစ်ခဲ့သူမှာ ငြိမ်းချမ်းရေး နိုဘယ် ဆုရှင်၊ ပြည်သူ ချစ်သော အတိုက်အခံ ခေါင်းဆောင် ဒေါ်အောင်ဆန်းစုကြည် ဖြစ်ပါသည်။ ယခင်နှစ် သြဂုတ်လက သူမအား အကျယ်ချုပ် ထိန်းသိမ်းထားခြင်းကို အစိုးရက ထပ်မံ သက်တမ်းတိုး ခဲ့ပါသည်။
ရွေးကောက်ပွဲ မတိုင်မီ ဒေါ်အောင်ဆန်းစုကြည် လွတ်မြောက် လာနိုင်သော်လည်း ၁၉၉၀ ရွေးကောက်ပွဲတွင် NLD ပါတီ အပြတ်အသတ် အနိုင်ရအောင် ဦးဆောင်ခဲ့သည့် သူမအား ယခု တစ်ကြိမ် နိုင်ငံရေးတွင် အဓိက ကဏ္ဍမှ ပါဝင်ခွင့်ကို မျှော်လင့်နိုင်မည် မဟုတ်ဟု နိုင်ငံရေး ကျွမ်းကျင်သူ တချို့က ပြောကြားပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.