Posts
RTT News, 12th March 2010
ရွေးကောက်ပွဲ ဥပဒေသစ်ကြောင့် စိတ်မကောင်း ဖြစ်ရသော်လည်း မြန်မာ အစိုးရနှင့် နိုင်ငံရေး ဆွေးနွေးပွဲကို ဆက်လက် ပြုလုပ်သွားမည်ဟု အမေရိကန် အစိုးရက ပြောကြားခဲ့ပြီး အရေးယူ ပိတ်ဆို့မှုများကိုလည်း ဆက်လက် ချမှတ်ထားမည်ဟု ဆိုသည်။
ယခင်နှစ် ဇူလိုင်လတွင် အမေရိကန် ပြည်ထောင်စုက မြန်မာ အစိုးရအပေါ် အရေးယူ ပိတ်ဆို့မှုများကို သက်တမ်းတိုးခဲ့ပြီး မြန်မာနိုင်ငံမှ ပို့ကုန်များကိုလည်း ထပ်မံ တားမြစ်ခဲ့သည်။
အဆိုပါ တားမြစ်မှုအရ မြန်မာနိုင်ငံမှ ကျောက်စိမ်းနှင့် ကျောက်မျက် ပို့ကုန်များကို ၃ နှစ် ပိတ်ပင်ထားပြီး မြန်မာ ကျောက်မျက်များ အမေရိကန်တွင် ရောင်းချခြင်းကိုလည်း တားမြစ်ထားသည်။
ထိုင်းနိုင်ငံသို့ ရောက်ရှိနေသော အမေရိကန် လက်ထောက် နိုင်ငံခြားရေး ဝန်ကြီး Kurt Campbell က သောကြာနေ့တွင် ပြောကြားရာ၌ ရွေးကောက်ပွဲ ဥပဒေသစ်ကြောင့် အလွန်ပင် စိတ်အနှောင့်အယှက် ဖြစ်မိပြီး စိုးရိမ်မိသည်ဟု ပြောဆိုခဲ့သည်။
ဒီမိုကရေစီ ထွန်းကားရေးကို အားပေးရန် ကြိုးပမ်းရာတွင် မြန်မာ စစ်ဖက် အုပ်ချုပ်သူများ ဆွေးနွေးစရာ များစွာ မရှိကြောင်း ပြောကြား၍ ရွေးကောက်ပွဲ ဥပဒေသစ် အပေါ် မကျေနပ်မှုကို Campbell က ဖော်ပြခဲ့သည်။
ပြည်သူတို့ ကြာမြင့်စွာ စောင့်မျှော်နေသော ရွေးကောက်ပွဲ ဥပဒေကို မြန်မာစစ်ဖက် အစိုးရက ယခု ရက်သတ္တပတ်တွင် ထုတ်ပြန် ကြေညာခဲ့ပြီး ယခုနှစ်ကုန် ကျင်းပမည်ဟု ၎င်းတို့ ကတိပေးထားသော မဲရွေးပွဲများ ကျင်းပရန် ပြင်ဆင်နေသည်ဟုလည်း ဆက်လက် ကြေညာခဲ့သည်။
ဥပဒေသစ်အရ အထိန်းသိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်ကို ပါတီနှင့် နိုင်ငံရေးအရ မဆက်နွယ်ရန် တားမြစ်ထားပြီး ရွေးကောက်ပွဲ မဝင်နိုင်အောင် ပိတ်ပင်ထားသည်။
ရွေးကောက်ပွဲ ဥပဒေသစ်ကို အမေရိကန် နိုင်ငံခြားရေးဌာနက ကြာသပတေးနေ့တွင် ကန့်ကွက် ဆန့်ကျင်လိုက်ပြီး ဒီမိုကရေစီ လုပ်ငန်းစဉ်ကို လှောင်ပြောင်သော လုပ်ရပ်သာ ဖြစ်သည်ဟု ပြောကြားခဲ့သည်။
မြန်မာနိုင်ငံသည် လူ့အခွင့်အရေးကို ကြီးကြီးမားမား စနစ်တကျ ချိုးဖောက် ကျူးလွန်နေခြင်း ဖြစ်သည်ဟု အမေရိကန် ပြည်ထောင်စုနှင့် ကုလသမဂ္ဂက စွပ်စွဲ ပြောဆိုလိုက်သည်။
ကုလသမဂ္ဂ လူ့အခွင့်အရေးဆိုင်ရာ အထူးအရာရှိ Tomas Ojea Quintana က ကုလသမဂ္ဂသို့ တနင်္လာနေ့တွင် တင်သွင်းသော အစီရင်ခံစာတွင် "ထိုနိုင်ငံ အတွင်းရှိ ပြည်သူအများစုမှာ အခြေခံ အခွင့်အရေးဖြစ်သော စားစရာ၊ နေစရာ၊ ကျန်းမာရေးနှင့် ပညာသင်ခွင့် စသည်တို့ကို ပိတ်ပင်ခံနေရသည်" ဟု ဖော်ပြထားသည်။
၎င်းအစီရင်ခံစာတွင် မြန်မာ အာဏာပိုင်များကိုလည်း ပြင်းထန်စွာ ဝေဖန်ထားသည်။
ကြာသပတေးနေ့က ထုတ်ပြန်ခဲ့သော ၂၀၀၉ နှစ်ပတ်လည် လူ့အခွင့်အရေး အစီရင်ခံစာတွင် ဖော်ပြထားသော မြန်မာနိုင်ငံတွင်းမှ အဆိုးဝါးဆုံး ပြစ်မှုများကို အမေရိကန် နိုင်ငံခြားရေးဌာနက ကိုးကား ပြောကြားခဲ့သည်။
အတိုက်အခံ နိုင်ငံရေးသမားများ၏ အခွင့်အရေးကို ဖိနှိပ် ချိုးဖောက်ခြင်း၊ ထောင်ချခြင်း စသည်တို့ကို ဆက်လက်၍ ပြုလုပ်နေသည့်အပြင် ရှမ်း၊ ကရင် စသော တိုင်းရင်းသား ဒေသများတွင် တိုက်ခိုက်မှုများ တိုးမြှင့်နေသည့် အတွက် မြန်မာအစိုးရကို ပြင်းထန်စွာ ရှုတ်ချခဲ့ကြသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.