Posts
ကုလသမဂ္ဂက ထုတ်ပြန်လိုက်သော သတင်း ပေးပို့ချက် တစ်ရပ်အရ မြောက်ကိုရီးယားသည် ကုမ္ပဏီများကို အသုံးပြုကာ နျူကလီယာနှင့် ဒုံးကျည် နည်းပညာများကို တင်ပို့ ရောင်းချလျက် ရှိကြောင်း၊ အီရန်၊ ဆီးရီးယားနှင့် မြန်မာနိုင်ငံတို့ကို အကူအညီ ပေးခဲ့ကြောင်း သိရသည်။ အနောက်တိုင်း သံတမန်များ၏ ပြောကြားချက်ကို ကိုးကားပြီး ကုလ သမဂ္ဂက အဆိုပါ သတင်း ပေးပို့ချက်သစ် တစ်ရပ်ကို ထုတ်ပြန်လိုက်ခြင်း ဖြစ်သည်။
အဆိုပါ သတင်းပေးပို့ချက်ကို ကုလသမဂ္ဂမှ ကျွမ်းကျင်သူများက ပြုလုပ်ခဲ့ခြင်း ဖြစ်ပြီး မြောက်ကိုရီးယားလက်နက်တင်ပို့မှုများနှင့် စပ်လျဉ်း၍ အသေးစိတ် ဖော်ပြ ရေးသားထားသည်ဟု အမည်မဖော်လိုသူ သံတမန် တစ်ဦးက Reuters သတင်းဌာနသို့ ပြောကြားသည်။
"အစီရင်ခံစာထဲမှာ ပါတဲ့ အသေးစိတ် အချက်အလက်တွေက အရမ်း အံ့အားသင့်စရာ ကောင်းလောက်အောင်တော့ မဟုတ်ပါဘူး။ အခြေခံကျကျ ပြောရရင် မြောက်ကိုရီးယားဟာ နျူကလီယာနဲ့ ဒုံးကျည် နည်းပညာတွေကို ဟန်ပြ ကုမ္ပဏီတွေ၊ ကြားပွဲစားတွေကို အသုံးချပြီး တင်ပို့ ရောင်းချခဲ့တယ် ဆိုတာကို အစီရင်ခံစာ တစ်ရပ်အနေနဲ့ ထုတ်ပြန်ခဲ့တာပါပဲ" ဟု ၎င်းက ဆိုသည်။
"အဓိက ပြောချင်တဲ့ အချက်ကတော့ မြောက်ကိုရီးယားဟာ အီရန်၊ ဆီးရီးယားနဲ့ မြန်မာကို အဲဒီလို ပုံစံမျိုးနဲ့ ကူညီ ထောက်ပံ့ခဲ့တယ် ဆိုတာပါ" ဟုလည်း ဆက်လက် ပြောသွားသည်။
မြောက်ကိုရီးယားနှင့် ပတ်သက်သော သက်သေ အထောက်အထားများမှာ ပဏာမ သဘောလောက်သာ ဖြစ်ပြီး နောက်ထပ် အသေးစိတ် စုံစမ်း စစ်ဆေးမှုများ ပြုလုပ်ရန် လိုအပ်မည် ဖြစ်သည်ဟု ဆိုသည်။
အနောက်တိုင်း သံတမန်များနှင့် ထောက်လှမ်းရေး အရာရှိများက မြောက်ကိုရီးယားသည် ကန့်သတ် ပိတ်ပင်ထားသော နည်းပညာများကို အီရန်သို့ တင်ပို့ခဲ့သည်ဟု ကာလ ကြာရှည်စွာ သံသယ ဖြစ်ခဲ့ကြသည်။ အမေရိကန် ပြည်ထောင်စုနှင့် သူ၏ မဟာမိတ် နိုင်ငံများကလည်း မြောက်ကိုရီးယားသည် အရပ်ဘက်သုံး အဏုမြူ စွမ်းအင် အစီအစဉ်ကို ဟန်ပြ ပြုလုပ်ကာ နျူကလီယာ လက်နက်များ တီထွင်နေသည်ဟု သံသယ ဝင်လျက် ရှိသည်။
အီရန် အစိုးရက အဆိုပါ စွပ်စွဲချက်များမှာ မဟုတ်မမှန်ကြောင်း ငြင်းပယ်ပြီး မိမိတို့၏ နျူကလီယာ ဆိုင်ရာ ရည်မှန်းချက်များသည် ငြိမ်းချမ်းမှု ရှိကာ လျှပ်စစ်စွမ်းအင် ထုတ်လုပ်ရန်သာ ဖြစ်ကြောင်း အာမခံ ပြောဆိုသည်။
အနောက်ကမ္ဘာမှ သူလျှိုများကလည်း မြန်မာနိုင်ငံသည် မြောက်ကိုရီးယားမှ နျူကလီယာ နည်းပညာကို ရယူရန် စိတ်ဝင်စားလျက် ရှိသည်ဟု သံသယ ဖြစ်လျက် ရှိသည်။ ပြီးခဲ့သည့် ၂၀၀၇ ခုနှစ်တွင် အစ္စရေးက ဆီးရီးယား နျူကလီယာ ဓာတ်ပေါင်းဖို တစ်ခုကို ဗုံးဖောက်ခွဲပစ်ခဲ့သည်။ အနောက်ကမ္ဘာမှ အရာရှိများ အဆိုအရ ဆီးရီးယား၏ နျူကလီယာ ဓာတ်ပေါင်းဖိုသည် မြောက်ကိုရီးယား ဒီဇိုင်းကို အခြေခံထားခြင်း ဖြစ်သည်ဟု ဆိုသည်။ သို့သော် ဆီးရီးယားက မိမိတို့သည် နျူကလီယာ လက်နက်များကို လျှို့ဝှက်စွာ တီထွင် စမ်းသပ်မှုများ မပြုလုပ်ခဲ့ကြောင်း ငြင်းပယ် ပြောဆိုသည်။
အဆိုပါ မြောက်ကိုရီးယား ဆိုင်ရာ အစီရင်ခံစာသည် ယခုအခါ လုံခြုံရေး ကောင်စီ အဖွဲ့ဝင်များထံသို့ ရောက်ရှိသွားပြီ ဖြစ်ကြောင်း၊ တောင်ကိုရီးယား ရေတပ် စစ်သင်္ဘော တိုက်ခိုက်ခံရမှုနှင့် ပတ်သက်ပြီး မြောက်ကိုရီးယားအပေါ် ပြစ်တင် ပြောဆိုမှုများ အပေါ် နိုင်ငံပေါင်း ၁၅ နိုင်ငံ ပါဝင်သည့် အဖွဲ့ ဆွေးနွေးရန် ပြင်ဆင်နေချိန်တွင် ယင်းအစီရင်ခံစာ ထွက်ပေါ်ခဲ့ခြင်း ဖြစ်ကြောင်း သိရသည်။ မတ်လအတွင်း ဖြစ်ပေါ်ခဲ့သော တောင်ကိုရီးယား စစ်သင်္ဘော တိုက်ခိုက် ခံရမှုတွင် သင်္ဘောသား ၄၆ ဦး သေဆုံးခဲ့သည်။
မြောက်ကိုရီးယားသည် ၂၀၀၆ ခုနှစ်နှင့် ၂၀၀၉ ခုနှစ်တို့တွင် နျူကလီယာ ကိရိယာ စမ်းသပ်မှုများ ပြုလုပ်ခဲ့သောကြောင့် ကုလသမဂ္ဂ၏ ပိတ်ဆို့ အရေးယူမှုကို ခံထားရသည်။ အဆိုပါ ပိတ်ဆို့ အရေးယူမှုအရ ကွန်မြူနစ် မြောက်ကိုရီးယား အနေဖြင့် နျူကလီယာနှင့် ဒုံးကျည်များ ရောင်းဝယ်မှုများ ပြုလုပ်ခွင့် မရှိပေ။
အီရန်နိုင်ငံသည်လည်း ယူရေနီယံ သန့်စင် ထုတ်လုပ်မှုကို လျှော့ချရန် ငြင်းပယ်ခဲ့သောကြောင့် ကုလသမဂ္ဂ၏ ပိတ်ဆို့ အရေးယူမှုကို သုံးကြိမ်တိတိ ခံခဲ့ရသည်။ အနောက်ကမ္ဘာက အီရန်သည် အဏုမြူဗုံး ထုတ်လုပ်ရန် ကြိုးစားလျက် ရှိသည်ဟူသော စွပ်စွဲ ပြောဆိုခဲ့သော်လည်း တီဟီရန် အစိုးရက မဟုတ်မမှန်ကြောင်း ငြင်းပယ်ခဲ့သည်။ မိမိတို့၏ နျူကလီယာ အစီအစဉ်များသည် ငြိမ်းချမ်းရေးကို လုံးလုံးလျားလျား ဦးတည်ပါကြောင်း ပြောဆိုထားသည်။
Reuters သတင်းကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.