Posts
CNN News, 27th May 2010
တောင်ကိုးရီးယား၏ ရေငုပ်သင်္ဘော တိုက်ဖျက်ရေး လေ့ကျင့်မှုကို တုန့်ပြန်သည့် အနေဖြင့် မြောက်ကိုးရီးယားက "မိမိတို့ထံ ထိပ်တိုက် ဦးတည်လာခြင်းကို ထိပ်တိုက် ရင်ဆိုင်ခြင်းဖြင့်သာ တုန့်ပြန်မည် ဖြစ်ကြောင်းနှင့် မီးကုန်ယမ်းကုန် စစ်ပွဲဆင်နွှဲ တိုက်ခိုက်သွားမည် ဖြစ်ကြောင်း'' ကြာသပတေးနေ့က ပြောကြားခဲ့သည်ဟု မြောက်ကိုးရီးယား နိုင်ငံပိုင် သတင်းဋ္ဌာန အဆိုအရ သိရှိရသည်။
"ယခုအခါ တောင်ဖက်မှ ရုပ်သေးအုပ်စုက DPRR (မြောက်ကိုးရီးယား) ကို ဗြောင်ကျကျ စိန်ခေါ်လိုက်သည်။ ၎င်းတို့၏ ထိပ်တိုက် ရင်ဆိုင်မှုကို မြောက်ကိုးရီးယားက ထိပ်တိုက် ရင်ဆိုင်မှုဖြင့်သာ တုန့်ပြန်မည် ဖြစ်ပြီး မီးကုန်ယမ်းကုန် တိုက်ခိုက်သွားမည်'' ဟု မြောက်ကိုးရီးယား KCNA သတင်းဋ္ဌာနက ထုတ်ပြန်လိုက်သည်။
KCNA သတင်းဋ္ဌာနက မြောက်ကိုးရီးယား ခေါင်းဆောင်များကို သစ္စာဖောက်များ အုပ်စုဟု သုံးနှုန်း ပြောဆိုခဲ့ပြီး အကယ်၍ ၎င်းတို့သည် မြောက်ကိုးရီးယား၏ ဆန္ဒကို နားလည်မှု လွဲမှားခဲ့ပါက မကြုံဖူးသော ကြောက်မက်ဖွယ် အကျိုးဆက်များနှင့် ရင်ဆိုင် ကြုံတွေ့ရလိမ့်မည်ဟု ပြောကြားခဲ့သည်။
တောင်ကိုးရီးယား စစ်သင်္ဘော တစ်စင်း မတ်လက နစ်မြှုပ်ခဲ့ခြင်း အတွက် ဆိုးလ်က ပြုံးယမ်းကို အပြစ်တင်ခဲ့ပြီးနောက် ကိုးရီးယား ကျွန်းဆွယ်တွင် တင်းမာမှုများ မြင့်မားနေသည့်ကြားမှ ယခု တုန့်ပြန်မှု ထွက်ပေါ်လာခြင်း ဖြစ်သည်။
သင်္ဘောသား ၄၆ ဦး အသက် ဆုံးရှုံးခဲ့သော သင်္ဘော နစ်မြှုပ်မှုသည် မြောက်ကိုးရီးယားတို့ ပစ်လွှတ်သော တိုပီဒို ထိမှန်ခဲ့ခြင်းကြောင့် ဖြစ်သည် ဟု တောင်ကိုးရီးယား တရားဝင် အစီရင်ခံစာတွင် စွပ်စွဲထားသည်။
ဆိုးလ်တွင် ရောက်ရှိနေသော အမေရိကန် နိုင်ငံခြားရေး ဝန်ကြီး ဟီလာရီကလင်တန်က ချိုနန် အမည်ရ အဆိုပါ သင်္ဘော နစ်မြှုပ်မှုကို "မြောက်ကိုးရီးယား၏ လက်ခံနိုင်ဖွယ် မရှိသော ရန်စမှု'' ဟု သတ်မှတ်လိုက်ပြီး နိုင်ငံတကာ အသိုင်းအဝိုင်း အနေဖြင့် တုန့်ပြန် ဆောင်ရွက်သင့်သည်ဟု ဗုဒ္ဓဟူးနေ့တွင် ပြောကြားခဲ့သည်။
ကိုးရီးယား ပြည်သူ့ တပ်မတော်ဟု ခေါ်သော မြောက်ကိုးရီးယား စစ်တပ်၏ ဦးစီးချုပ်က "မီးကုန်ယမ်းကုန် တိုက်ခိုက်သွားရန် အစီအစဉ်သစ်များ ပြုလုပ်နေသည်" ဟု ကြာသပတေးနေ့တွင် ပြောဆိုခဲ့သည်။
ယခု ဆောင်ရွက်မှုအရ တောင်-မြောက် ကိုးရီးယား အပြန်အလှန် ပူးပေါင်းဆောင်ရွက်ရေး အတွက် စစ်ရေး အာမခံချက် ပေးထားသည့် အစီအစဉ် အားလုံးကို ရုတ်သိမ်းဖွယ် ရှိနေသည်။
ပင်လယ်ဝါရှိ မြောက်ကိုးရီးယား ထိန်းချုပ်ထားသော ဘက်မှ စစ်ရေး အနားသတ်မျဉ်း အတွင်း ဝင်ရောက်မှု မှန်သမျှကို ချက်ခြင်း တုန့်ပြန် တိုက်ခိုက်သွားမည် ဟုလည်း မြောက်ကိုးရီးယား စစ်တပ် KPA က ပြောကြားကြောင်း KNCA သတင်းဋ္ဌာနက ထုတ်လွှင့်သွားသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.