Posts
www.globalpolitician.com, By Saberi Roy, 10th July 2010
ဒေါ်အောင်ဆန်းစုကြည်အား အထိန်းသိမ်းခံ ကာလအတွင်း အမေရိကန် တစ်ဦးကို သူမ၏ အိမ်သို့ ဝင်ခွင့်ပြုမှုကြောင့် တရားစစ်ဆေး စီရင်ခဲ့ခြင်းသည် သူမနှင့် သူမ၏ ပါတီကို လာမည့် ရွေးကောက်ပွဲတွင် မပါဝင်နိုင်အောင် တားဆီးရန် ရည်ရွယ်သည့် ရိုးရှင်းလွန်းသော ဆင်ခြေတစ်ခုသာ ဖြစ်သည်။ အကယ်၍ သူမသာ အစိုးရနှင့် နောက်တစ်ကြိမ် ဆန့်ကျင် ယှဉ်ပြိုင်ရန် အခွင့်အရေး ရခဲ့မည် ဆိုပါက သူမ အောင်ပွဲရမည်မှာ သေချာသလောက် ဖြစ်နေသောကြောင့် သူမအား ရွေးကောက်ပွဲတွင် ပါဝင်ခွင့် မပေးရန် မြန်မာ အစိုးရက အသေအချာ ဆုံးဖြတ်ထားပုံ ရသည်။ အစိုးရသည် အကြံအဖန် ရွေးကောက်ပွဲ အောင်ပွဲကို အလိုရှိနေပြီး မြန်မာနိုင်ငံကို ၎င်းတို့ တရားဝင် အုပ်ချုပ်ပိုင်ခွင့် ရှိကြောင်းကို နိုင်ငံတကာနှင့် ဒီမိုကရေစီ လှုပ်ရှားသူ အားလုံးကို သက်သေ ပြချင်နေခြင်း ဖြစ်သည်။ မြန်မာ အစိုးရက စိစစ် တင်းကျပ်မှုကို အရှိန်မြှင့်နေကာ နိုင်ငံရေး ပါတီများမှာလည်း ရွေးကောက်ပွဲ အတွက် မဲဆွယ်ရန် အလံ ဝှေ့ယမ်းခွင့်၊ စုဝေးခွင့်တို့ပင် မရရှိသောကြောင့် SPDC အစိုးရ အဆိုပြုထားသော ဒီမိုကရေစီ လမ်းညွှန်မြေပုံမှာ ယခုတိုင် လမ်းကြောင်း မသဲကွဲသေးပါ။ ဤသည်မှာ နိုင်ငံတကာ ဆန့်ကျင် ကန့်ကွက်မှုများ ဆက်လက် မပေါ်ပေါက်စေရန် အတွက် စစ်ဖက် အစိုးရက တိုင်းပြည်ကို ဒီမိုကရေစီ အခွံအတွင်းမှ ဆက်လက် အုပ်ချုပ်ရန် မျှော်လင့်နေသည်ဟု ထင်ရှားနေသည်။
ဒီမိုကရေစီ၏ အနှစ်သာရမှာ လွတ်လပ်မှုနှင့် တရားမျှတမှု ဖြစ်သော်လည်း ပြည်သူတို့၏ အမှန်တကယ် အာဏာ အပ်နှင်းမှု ဖြစ်သော မြန်မာ ရွေးကောက်ပွဲများမှာမူ လုပ်ကြံ ဖန်တီးကာ ဒီမိုကရေစီကို ကန့်သတ်မည့် လက္ခဏာများ ရှိနေသည်။ စစ်ဖက် အစိုးရက စစ်အုပ်ချုပ်ရေးကို ဒီမိုကရေစီ ပုံစံတစ်မျိုးဖြင့် အစားထိုးမည်ဟု အဆိုပြုကာ ရွေးကောက်ပွဲ ကျင်းပရန် ပြင်ဆင်မှုနှင့်အတူ ဒေါ်အောင်ဆန်းစုကြည်ကို တရားစစ်ဆေး စီရင်ခြင်း ကဲ့သို့သော ကိစ္စများသည် နောက်ထပ် နိုင်ငံရေး လှည့်ဖြားမှု အစီအစဉ်တစ်ခု ဖြစ်ဖွယ် ရှိသည်။ အတုအယောင် တစ်ခု ဖြစ်ကြောင်း ထင်ရှားနေသော ဒီမိုကရေစီသည် ရန်လို ဖိနှိပ်သော စစ်အုပ်ချုပ်ရေးထက် ပိုမိုကောင်းမွန်သည့် နိုင်ငံရေး အလားအလာများ ရှိနေသော်လည်း မတရား ကြိုးကိုင် အနိုင်ယူမည့် ရွေးကောက်ပွဲများ ဖြစ်သောကြောင့် နိုင်ငံရေး စည်းကမ်း ကျင့်ဝတ် အပေါ် အခြေခံသည့် ပဋိပက္ခ အမျိုးမျိုးနှင့် မြန်မာနိုင်ငံကို နာမည်ပျက်စေမည့် လူ့အခွင့်အရေး ကိစ္စ ပြဿနာများကို ဖြစ်ပေါ်စေမည့် ကံကြမ္မာ ရှိနေသည်။
ဒီမိုကရေစီ အုပ်ချုပ်ရေး စနစ်တွင် အားသာချက်များ ရှိနေသဖြင့် စစ်ဖက် အစိုးရ အတွက် နိုင်ငံရေးအရ တရားဝင်မှု ပိုမို ရရှိလာနိုင်သလို လူမှုလှုပ်ရှားသူများ အတွက်လည်း မြန်မာနိုင်ငံ၏ လူမှုရေးနှင့် နိုင်ငံရေး လောကတွင် ပါဝင်မှု မြင့်မားလာခြင်း ဖြစ်သင့်သည်။ မြန်မာ အစိုးရ အပေါ် ဆိုးကျိုးပေးနိုင်ဆဲ အချက်မှာ အကယ်၍ ရွေးကောက်ပွဲများကို ကြိုးကိုင် ခြယ်လှယ်ခဲ့ပါက (သို့မဟုတ်) လွတ်လပ်ခွင့်နှင့် အများအကျိုး သယ်ပိုး လှုပ်ရှားမှုများကို ချုပ်ခြယ် တင်းကြပ်သည့် နည်းလမ်းများကို ပြောင်းလဲနိုင်ခြင်း မရှိပါက ဒီမိုကရေစီ၏ အနှစ်သာရနှင့် ဆန့်ကျင်သွားမည် ဖြစ်ကာ ကျင့်ဝတ်ဆိုင်ရာ အငြင်းပွားမှုများနှင့် အစိုးရ အပေါ် တကမ္ဘာလုံးက ပိုမို စိတ်ဆိုးမှုတို့ကို ဖြစ်ပေါ်စေနိုင်ခြင်းပင် ဖြစ်သည်။ ဒီမိုကရေစီ စစ်ဖက် အုပ်ချုပ်ရေး ဆိုသည်မှာ မြန်မာနိုင်ငံ အနေဖြင့် မည်သည့် လူမှုရေး ပြောင်းလဲ တိုးတက်မှုမှ မရှိဘဲ နောက်တစ်ကြိမ် နောက်ဆုတ်သွားဦးမည်ဟု ဆိုလိုဖွယ် ရှိသည်။
နိုင်ငံတကာ မီဒီယာများနှင့် လူ့အခွင့်အရေး အဖွဲ့အစည်းများမှ ရွေးကောက်ပွဲ လုပ်ငန်းစဉ် တခုလုံးကို မှန်ကန် တိကျစွာ မှတ်တမ်းတင်ခြင်း၊ ရွေးကောက်ပွဲများကို အနီးကပ် စောင့်ကြည့် လေ့လာခြင်းများ နှင့်အတူ နိုင်ငံရေး ပါတီအားလုံး နိုင်ငံရေးအရ ပိုမို ပွင့်လင်းစွာ ပါဝင်နိုင်မှုသည် အပြည့်အဝ လိုအပ်နေသော အရာ ဖြစ်သည်။ စစ်ဖက် အစိုးရသည် ဒီမိုကရေစီ အင်္ကျီဆန်းဆန်းကို ဝတ်ဆင်ကာ ယခင်အတိုင်း အာဏာရှင် အုပ်ချုပ်ရေးကို ဆက်လက် ကျင့်သုံးသွားရန် မျှော်လင့်ထားပြီး ဖြစ်သည် ဟူသော အချက်ကို ဒေါ်အောင်ဆန်းစုကြည်နှင့် အခြား နိုင်ငံရေးသမားများကို ပိတ်ပင်ထားခဲ့သော တင်းကျပ် ချုပ်ချယ်မှုများက မီးမောင်း ထိုးပြနေသည်မှာ မှန်ကန်သည်။ နိုင်ငံတကာ အသိုင်းအဝိုင်း အနေဖြင့်လည်း မြန်မာနိုင်ငံ၏ လာမည့် ရွေးကောက်ပွဲများကို သတိထားရမည် ဖြစ်ပြီး အလွန်အမင်း အချိန်မနှောင်းမီတွင် စစ်အစိုးရ၏ နည်းဗျူဟာများကို လေ့လာ စိတ်ဖြာခြင်းနှင့် တင်းကြပ်စွာ စောင့်ကြည့် လေ့လာခြင်းတို့ကို ပြုလုပ်ရမည် ဖြစ်သည်။
ရွေးကောက်ပွဲများ အတွက် တိကျ သေချာသော အစီအစဉ် မရှိခြင်းမှာ သီးခြား ကိစ္စတစ်ခု ဖြစ်သည်။ နိုင်ငံတကာ အသိုင်းအဝိုင်းသည် စစ်ဖက် အစိုးရအား တိကျ သေချာသော အစီအစဉ်နှင့် လုပ်ငန်းစဉ် ထားရှိရန် ဖိအားပေးရမည်။ မည်သို့ပင်ဖြစ်စေ၊ ယခုနှစ် မကုန်မီ အလားအလာ ရှိသော ပြောင်ကျကျ ကြိုးကိုင် ခြယ်လှယ်မှုများ အပြီးတွင် ရွေးကောက်ပွဲများ ပြီးဆုံးသွားမည်မှာ သေချာသည်။ ထိုအချိန်မှ ပြစ်ဒဏ်ဘော ပေးရန် ငိုယို တောင်းဆိုနေပါက အလွန် နောက်ကျ သွားလိမ့်မည်။ စစ်ဖက် အစိုးရ အာဏာ ဆက်လက် ချုပ်ကိုင်နိုင်စေမည့် အနေအထားနှင့် ဖြစ်နိုင်ချေ ရှိသော အစီအစဉ်များကို Amnesty International နှင့် အခြား လူ့အခွင့်အရေး အဖွဲ့များက စောင့်ကြည့် လေ့လာမှု စတင်ရန် လုံးဝ လိုအပ်နေသည်။ မြန်မာ စစ်ဖက် အစိုးရ၏ တိုက်ရိုက် (သို့) ပါးနပ်သည့် မည်သည့် ဖိအား ပေးမှုကိုမဆို နိုင်ငံတကာ အသိုင်းအဝိုင်းက စိစစ် သိရှိရမည် ဖြစ်သလို နိုင်ငံတကာ သတင်းထောက်များလည်း ပိုမို ရောက်ရှိနေသင့်သည်။ လူ့အခွင့်အရေး လှုပ်ရှားသူများ အနေဖြင့်လည်း လွတ်လပ် မျှတ၍ စစ်မှန်သော ဒီမိုကရေစီ ရွေးကောက်ပွဲ ဖြစ်ကြောင်းနှင့် အစိုးရ လိုလားသော ကိုယ်စားလှယ်လောင်းများအား မဲပေးရန် ပြည်သူတို့ အပေါ် ဖိအားပေးခြင်း မရှိကြောင်း သေချာအောင် ပြုလုပ်ကြရမည်။
မြန်မာ ပြည်သူတို့ အပေါ် မြန်မာ အစိုးရ၏ ပြုမူ လုပ်ဆောင်ပုံများတွင် အစစ်အမှန် ဟူသော စကားလုံးကို ထည့်သွင်း၍ မရနိုင်ပါ။ ထို့ကြောင့် မြန်မာ ပြည်သူများသည် မှန်ကန်သော ဆုံးဖြတ်ချက် ချကာ ဒီမိုကရေစီ အစစ်အမှန်ကို မဲပေးခြင်းဖြင့် စစ်အုပ်ချုပ်ရေးကို ဖြုတ်ချရာတွင် ကူညီကြလိမ့်မည်ဟု မျှော်လင့်ရသည်။ သို့သော်လည်း နိုင်ငံရေးပါတီများ အပေါ် ပြင်းပြင်းထန်ထန် တင်းကြပ် ချုပ်ချယ်မှုများ ပြုလုပ်နေကြောင်း သတင်းများ ကြားသိရသည့် အတွက် အထက်ပါအတိုင်း မျှော်လင့်ထားမှုများမှာ အလားအလာ နည်းပြီး ရွေးကောက်ပွဲများမှာလည်း မမျှတမည့် အလားအလာ များနေသည်။ ရွေးကောက်ပွဲများကို မတရား ကြိုးကိုင် ချယ်လှယ်မည့် အလားအလာများ နေစေကာမူ တိုင်းပြည်တွင် ဒီမိုကရေစီ ဖြည်းညှင်းစွာ ပြောင်းလဲမှု စတင်ခြင်း လက္ခဏာ ဖြစ်နိုင်သည်ဟု အကဲခတ် လေ့လာသူ အချို့က တင်ပြနေသော်လည်း စစ်အုပ်ချုပ်ရေးကို ဒီမိုကရေစီ အဖြစ် ပုံဖျက် ဟန်ဆောင်ခြင်းလောက် ဆိုးသည့် အရာ မရှိတော့ပါ။
သတိပြုစရာ တစ်ခုမှာ ဒေါ်အောင်ဆန်းစုကြည်၏ NLD ပါတီသည် ၁၉၉၀ ရွေးကောက်ပွဲတွင် အပြတ်အသတ် အနိုင်ရခဲ့သော်လည်း စစ်ဖက် အစိုးရက လုံးဝ အသိအမှတ် မပြုခဲ့ခြင်း ဖြစ်သည်။ NLD ပါတီသည် ၂၀၁၀ ရွေးကောက်ပွဲများသို့ ပါဝင်ခွင့် မရမီ အခြေအနေ များစွာကို ချမှတ် ပြင်ဆင်ခဲ့ပြီး ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသား အားလုံး လွှတ်ပေးရန် အခြေခံ ဥပဒေကို ပြင်ဆင်ရန် တပ်မတော်၏ လွှမ်းမိုးမှု လျှော့ချရန် လွတ်လပ် မျှတသော ရွေးကောက်ပွဲများ ဖြစ်ရန် အတွက် နိုင်ငံတကာ ကြီးကြပ်မှုနှင့် စောင့်ကြည့် လေ့လာမှုကို ပိုမို ခွင့်ပြုရန် တောင်းဆိုခဲ့သည်။ မြန်မာ စစ်အစိုးရ အနေဖြင့် စစ်မှန်သော ဒီမိုကရေစီကို အမှန်တကယ် လိုလားကြောင်း ကမ္ဘာကို ပြသလိုပါက အထက်ပါ တောင်းဆိုချက်များကို ဖြည့်ဆည်းပေးရမည် ဖြစ်သည်။
နိုင်ငံရေး အကျဉ်းသားများကို လွှတ်ပေးခြင်း မရှိပါက ဒီမိုကရေစီ ဆိတ်သုဉ်းမည့် အလားအလာသာ များနေသည်။ မဲဆွယ် စည်းရုံးခြင်းမှ စကာ မဲရေတွက်ခြင်း၊ နောက်ဆုံးအဆင့် ဒီမိုကရေစီ အစိုးရ ဖွဲ့စည်းခြင်းအထိ ရွေးကောက်ပွဲ လုပ်ငန်းစဉ်ကို နိုင်ငံတကာက အဆက်မပြတ် ကြီးကြပ်ရေးသည် မရှိမဖြစ် လိုအပ်ချက် တစ်ရပ် ဖြစ်သည်။
နိုင်ငံတကာ အသိုင်းအဝိုင်း အနေဖြင့် အချိန်မနှောင်းမီ စစ်အစိုးရကို တိကျသော ရွေးကောက်ပွဲ အစီအစဉ်များ ချမှတ် ထုတ်ပြန်ရန် ဖိအားပေးကာ ယခုပင် စတင် လှုပ်ရှားကြရမည်။ Amnesty International ကုလသမဂ္ဂနှင့် အခြား လူ့အခွင့်အရေး စောင့်ကြည့် လေ့လာရေးအဖွဲ့များ အနေဖြင့် မြန်မာနိုင်ငံတွင် ယခုထက် ပိုမို၍ တက်ကြွစွာ လှုပ်ရှားကြရမည်။ မြန်မာနိုင်ငံ၏ လာမည့် ရွေးကောက်ပွဲများသည် စစ်တပ်၏ အကျိုးစီးပွားကို ကာကွယ်ပေးသည့် ကရိယာတစ်ခု ဖြစ်လာနေခြင်းထက် မြန်မာ ပြည်သူများ၏ အကျိုးစီးပွားကို ဖြည့်ဆည်းပေးသော၊ စစ်မှန်သော ဒီမိုကရေစီကို ဆောင်ယူပေးသော အစစ်အမှန် တစ်ခု ဖြစ်ကြောင်း သေချာအောင် နိုင်ငံတကာ အဖွဲ့အစည်းများက ပြုလုပ်ရမည် ဖြစ်သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.