Posts
DVB, 3rd August 2010
ကုလသမဂ္ဂသည် မြန်မာနိုင်ငံနှင့် ပတ်သက်သော ၎င်း၏ လုပ်ဆောင်မှု မှတ်တမ်းကို ကာကွယ်ရန် ဖိအားပေးခြင်း ခံနေရပြီး ပျော့ပြောင်းသည့် လက္ခဏာ ပြသခြင်း မရှိသည့် အပစ်ပယ်ခံ နိုင်ငံအပေါ် ဘန်ကီမွန်း၏ သြဇာ သက်ရောက်နိုင်မှုကို မှတ်ကျောက် တင်ထားသည့် အစီရင်ခံစာ ပေါက်ကြားခဲ့သဖြင့် အဖွဲ့တွင်း၌ စကားများ ရန်ဖြစ်လျက် ရှိသည်။
Inga Brittt Ahlenius ရေးသားသည့် ယခုနာမည်ကြီးနေသော စာမျက်နှာ ၅၀ ပါ အစီရင်ခံစာသည် ဇူလိုင်လလယ်က ဝါရှင်တန်ပို့စ်သို့ ပေါက်ကြားသွားခဲ့ခြင်း ဖြစ်ပြီး "ကုလသမဂ္ဂ အထွေထွေ အတွင်းရေးမှူးချုပ်ရုံးသည် ဘန်ကီမွန်း၏ လက်အောက်တွင် မဟာဗျူဟာမြောက် လမ်းညွှန်မှုနှင့် ဦးဆောင်မှုတို့ ၃ နှစ်ကြာ ပျောက်ဆုံးခဲ့ပြီးနောက် ယိုယွင်းမှု လမ်းကြောင်းပေါ် ရောက်ရှိနေသည်'' ဟုဖော်ပြထားသည်။
အထက်ပါ မှတ်ချက်များမှာ Ahlenius ထံမှ ခွဲခွာချိန် ထိုးနှက်မှု ဖြစ်ပြီး သူမသည် ကုလသမဂ္ဂ၏ အဖွဲ့တွင်း အဂတိလိုက်စားမှု တိုက်ဖျက်ရေးဌာန UNOIOS ၏ အကြီးအကဲ ရာထူးမှ မကြာမီ အချိန်လေးတွင် အနားယူခဲ့သူ ဖြစ်သည်။
"ကမ္ဘာ့ပြဿနာတွေကို ဖြေရှင်းရေးမှာ အရေးကြီးတဲ့ လုပ်ဖော်ကိုင်ဖက် အဖြစ်ကနေ ကျသထက် ကျဆင်းခဲ့တာကို ကျွန်မတို့ တွေ့နေရပါတယ်။ မြန်မာမှာ၊ ဒါဖာမှာ၊ အာဖဂန်နစ္စတန်မှာ၊ ဆိုက်ပရပ်စ်မှာ၊ G20 မှာ လက်နက် လျှော့ချဖို့၊ ဖျက်သိမ်းဖို့နဲ့ ပတ်သက်ပြီး ကျွန်မတို့ ဘာများ လုပ်နိုင်ခဲ့သလဲ" ဟု သူမက ပြောကြားကာ အရပ်သားများကို ပဋိပက္ခများ၊ ဘေးအန္တရာယ်များမှ ကာကွယ်ပေးမည့် ကုလသမဂ္ဂ၏ စွမ်းဆောင်ရည်ကို မေးခွန်းထုတ်လိုက်သည်။
အထွေထွေ အတွင်းရေးမှူးချုပ်သည် ကုလသမဂ္ဂ အကြီးအကဲ အဖြစ် ၎င်း၏ ပထမဆုံး မိန့်ခွန်းကို ၂၀၀၇ ဇန်နဝါရီတွင် အသုံးပြုကာ မြန်မာနိုင်ငံမှ နိုင်ငံရေး အကျဉ်းသားများကို လွှတ်ပေးရန် တိုက်တွန်းခဲ့သော်လည်း မနှစ်က ဇွန်လက ဝိုင်းဝန်း ဝေဖန်ခံခဲ့ရသော ၎င်း၏ နောက်ဆုံး မြန်မာခရီးစဉ် အပြီးတွင် ထိုနိုင်ငံ၏ အကြောင်းကို မနည်းငယ် ဖော်ပြခြင်းမျှသာ ပြုလုပ်တော့သည်ကို တွေ့ရသည်။
ထို့အပြင် ထပ်တူထပ်မျှ အန္တရာယ် များလှသော မြန်မာနိုင်ငံဆိုင်ရာ ကုလ အထူးအရာရှိ အဖြစ်မှ ၂၀၀၉ ခုနှစ်တွင် ဆူဒန်သို့ ပြောင်းလဲ ခန့်အပ်ခြင်း ခံရသူ အီဘရာဟင် ဂမ်ဘာရီ၏ နေရာအား ဆက်ခံမည့်သူကိုလည်း ကုလသမဂ္ဂက ယခုတိုင် ခန့်အပ်ခြင်း မရှိသေးပါ။ ယခုနှစ် ဇန်နဝါရီလတွင် ဂမ်ဘာရီက အဆိုပါ အထူးအရာရှိ ရာထူးကို ပြန်လည် ခန့်အပ်စေလိုသဖြင့် နေရာ လွတ်နေကြောင်း ကာကွယ် ပြောကြားရာတွင် "ကုလရုံးအဖွဲ့မှူး ဗီဂျေနမ်ဘီယား" မှာ ယာယီ တာဝန် ယူထားခြင်းသာ ဖြစ်သည်ဟု ပြောဆိုခဲ့သည်။
မြန်မာအစိုးရအား ပြုပြင်ပြောင်းလဲစေရန် ဖိအားပေးရာတွင် လျော့ရဲလွန်းသည်ဟု ဝေဖန်ထားသော အစီရင်ခံစာ မကြာသေးမီက ပေါက်ကြားမှု ဖြစ်ပွားခဲ့သဖြင့် အဆိုပါ စွပ်စွဲချက်များကို ကာကွယ်ရန် ထပ်မံ ဖိအားပေးခံနေရသည်။ ကျယ်ပြန့်စွာ ဝိုင်းဝန်း ဝေဖန်နေသည့် ရွေးကောက်ပွဲများကို ယခုနှစ် ကျင်းပရန် ဦးတည်နေသော မြန်မာနိုင်ငံ အပေါ် ကုလသမဂ္ဂ အနေဖြင့် အမှန်တကယ် တစ်စုံတစ်ရာ လုပ်ဆောင်ခဲ့ခြင်း ရှိ/မရှိ ကို သတင်းထောက် တစ်ဦးက ဘန်ကီမွန်း၏ ပြောရေးဆိုခွင့်ရှိသူ မာတင်နီဆာကီကို ဇူလိုင် ၂၃ ရက်တွင် မေးမြန်းခဲ့သည်။
"ကျွန်တော်တို့ ဆက်လုပ်နေပါတယ်၊ အရင်က ပြောခဲ့သလိုပါပဲ၊ အသင်းတစ်ခု၊ ဋ္ဌာန တစ်ခု ကောင်းဖို့ဆိုတာ တစ်ဦးတစ်ယောက်နဲ့ မရပါဘူး၊ ကန့်လန့်ကာ နောက်ကွယ်မှာ ကျွန်တော်တို့ လူတွေ လှုပ်ရှားနေကြပါတယ်'' ဟု ၎င်းက ဖြေကြားသည်။ "အရာရာတိုင်းဟာ အများပြည်သူ ရှေ့မှောက်မှာ ဖြစ်ပျက်နေတာ မဟုတ်ပါဘူး၊ တစ်ခါတလေ ရလဒ်တွေ မြန်တာကို တွေ့နိုင်သလို တစ်ခါတလေလည်း ကြာတတ်ပါတယ်။ သေချာတာကတော့ မြန်မာနိုင်ငံမှာ လက်ခံယုံကြည် လေးစားထိုက်တဲ့ ရွေးကောက်ပွဲတွေ လိုအပ်တယ် ဆိုတာကို ကျွန်တော်တို့ လူသိရှင်ကြား အများကြီး ပြောခဲ့ပြီးပါပြီ'' ဟု ၎င်းက ဆက်လက် ပြောကြားသည်။
နမ်ဘီယားကလည်း Ahlenius ၏ အစီရင်ခံစာကို တုန့်ပြန်သည့် အနေဖြင့် "အထွေထွေ အတွင်းရေးမှူးချုပ် အနေနဲ့ 'ဘန်' ရဲ့ လုပ်ငန်းဟာ အမျှော်အမြင် ကြီးရပါတယ်။ 'ဘန်' က မှန်ကန်တဲ့ နိုင်ငံတကာ ဦးဆောင်မှုကို ပေးပြီး ကုလသမဂ္ဂရဲ့ ကဏ္ဍကို ထိန်းညှိနိုင်ခဲ့ပါတယ်" ဟု ပြောကြားခဲ့သည်။
သို့သော်လည်း မြန်မာအစိုးရ အတွက် တရုတ်၏ ပံ့ပိုးထောက်ခံမှုနှင့် ပတ်သက်၍ အနောက်နိုင်ငံများက ထပ်တိုက် ရင်ဆိုင်နေကြချိန်တွင် ဘန်ကီမွန်း၏ 'ပါဝါ အပျော့' နည်းလမ်းကြောင့် ကုလသမဂ္ဂအတွင်း တရုတ်လွမ်းမိုးမှု ကြီးထွားအောင် အားဖြည့်ပေးသလို ဖြစ်စေခဲ့သည်ဟု ဝေဖန် ဆန်းစစ်သူများက အငြင်းပွားလျက် ရှိသည်။
Ahlenius က "ဘန်ကီမွန်းသည် သတ္တိမရှိသူ၊ အရည်အချင်း မရှိသူ၊ ခေါင်းဆောင်မှု အတွက် ရုန်းကန် နေရသူ ဖြစ်သည်'' ဟု ပြောကြားခဲ့ရာ အဆိုပါ စွပ်စွဲချက်ကြောင့် ကုလသမဂ္ဂ ဋ္ဌာနချုပ်တွင် သိသိသာသာ တုန်လှုပ် ချောက်ခြားသွားသည့် လက္ခဏာရှိသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.