Posts
ပြီးခဲ့သည့် ၁၉၉၀ ပြည့်နှစ်တွင် မြန်မာ စစ်အစိုးရက အရပ်သားများကို မျက်နှာပန်းပြပြီး စစ်အုပ်ချုပ်ရေး စနစ် အသက်ဆက်ရန် ဟူသော ရည်မျှော်ချက်ဖြင့် ဒီမိုကရေစီ ရွေးကောက်ပွဲကြီးကို ကျင်းပပေးခဲ့ရာ မျှော်မှန်းထားသည်များ တက်တက်စင်အောင် လွဲချော်ခဲ့သည်။ ထိုကိစ္စကို တုံ့ပြန်သည့် အနေဖြင့် စစ်တပ်က ရွေးကောက်ပွဲ ရလဒ်ကို အသိအမှတ် မပြုခဲ့ပေ။
နှစ်ပေါင်း ၂၀ အကြာ၊ ယခု ၂၀၁၀ ပြည့်နှစ် နိုဝင်ဘာလ ၇ ရက်နေ့၌ စစ်အစိုးရက ဒီမိုကရေစီ ရွေးကောက်ပွဲ ကျင်းပပေးမည်ဟု ဆိုပြန်သည်။ ယခု တစ်ကြိမ်တွင် မြန်မာ စစ်အစိုးရမှ စစ်ဗိုလ်ချုပ်ကြီးများ အနေဖြင့် ယခင် ရွေးကောက်ပွဲ အတွေ့အကြုံမှ သင်ခန်းစာများကို နမူနာ ယူဖွယ် ရှိသည်။ ရွေးကောက်ပွဲ ဖြစ်စဉ် အားလုံးကိုလည်း တင်းကြပ်စွာ ကန့်သတ်လာဖွယ် ရှိသည်။
မြန်မာ စစ်အစိုးရသည် ၂၀၀၈ ခုနှစ်တွင် ဖွဲ့စည်း အုပ်ချုပ်ပုံ အခြေခံ ဥပဒေသစ် တစ်ရပ်ကို အပြီးသတ် ရေးဆွဲခဲ့သည်။ ယင်းအခြေခံ ဥပဒေအရ ပါလီမန် လွှတ်တော် အမတ်နေရာ လေးပုံ တစ်ပုံကို စစ်ဘက်မှ ရရှိမည် ဖြစ်ပြီး တိုင်းပြည် အာဏာကိုလည်း ဆက်လက် ချုပ်ကိုင်ထားနိုင်မည် ဖြစ်သည်။ ယခု ကျင်းပတော့မည့် ရွေးကောက်ပွဲ မတိုင်မီ အချိန်တွင် အတိုက်အခံ ပါတီများမှ အမတ်လောင်းများ အနေဖြင့် မဲဆွယ်မှုများ ပြုလုပ်ရာတွင် စစ်အာဏာပိုင်များ၏ ခွင့်ပြုချက် ရယူရမည် ဖြစ်သည်။ ပါတီ ဆောင်ပုဒ်များ အော်ဟစ်ခြင်း၊ အလံများ ဝှေ့ယမ်းခြင်း၊ စစ်အစိုးရကို ပြစ်တင် ဝေဖန်ခြင်းတို့ ပြုလုပ်ခွင့် မရှိပေ။
နိုင်ငံ့ဝန်ထမ်းများ၊ သာသနာ့ ဝန်ထမ်းများ၊ ပြစ်မှု ကျူးလွန်ထားသူများ၊ ပြစ်ဒဏ် ကျခံထားရသူများ အနေဖြင့် ရွေးကောက်ပွဲတွင် ဝင်ရောက် ယှဉ်ပြိုင်ခွင့် မရှိပေ။ နိုင်ငံရေး ပါတီများ အနေဖြင့် အဖွဲ့ဝင် အင်အား ၁၀၀၀ အနည်းဆုံး ရှိမှ ရွေးကောက်ပွဲ ကော်မရှင်တွင် မှတ်ပုံတင်နိုင်မည် ဖြစ်သည်။ စစ်အစိုးရ အာဏာပိုင်များနှင့် ထောက်လှမ်းရေးများ အပေါ် အမြဲမပြတ် ထိတ်လန့်နေရသူ ပြည်သူများ ရှိသည့် နိုင်ငံ ရွေးကောက်ပွဲအတွက် စစ်အစိုးရ၏ ကြောက်ခမန်းလိလိ အဆိုပြုချက် တစ်ရပ် ဖြစ်သည်။ နိုင်ငံရေး ပါတီ တစ်ခုမှ ဥက္ကဋ္ဌ တစ်ဦးက ၎င်း၏ ပါတီဝင်များကို စစ်အစိုးရ အာဏာပိုင်များက ခြိမ်းခြောက်မှုများ ပြုလုပ်ခဲ့သည်ဟု ဆိုသည်။
ဤအခြေအနေများ အားလုံးကို ကြည့်ပါက မြန်မာ ရွေးကောက်ပွဲတွင် တရားမျှတမှု ရှိလာမည့် ပုံစံမျိုး စိုးစဉ်းမျှ တွေ့ရမည် မဟုတ်ပေ။ အမတ်လောင်းများက ရွေးကောက်ပွဲသို့ ဝင်ရောက် ယှဉ်ပြိုင်မှု မပြုဘဲ သပိတ်မှောက်ရန် ပြန်လည် ခြိမ်းခြောက်လျက် ရှိသည်။
သို့သော် စိတ်မကောင်းစရာ ကောင်းသည့် အချက်မှာ အာဆီယံနှင့် တရုတ်ကဲ့သို့သော နိုင်ငံများက စီးပွားရေး ရင်းနှီး မြှုပ်နှံမှုများ ဝင်ရောက် ပြုလုပ်လိုသော မြန်မာနိုင်ငံ၏ ရွေးကောက်ပွဲ
တရားဝင် မဖြစ်ကြောင်း ထုတ်ဖော် ပြောဆိုမည့် ကိစ္စမှာ ထင်သလောက် လွယ်ကူမည် မဟုတ်ပေ။ စီးပွားရေး ဟူသော မက်လုံးကြောင့် လူ့အခွင့်အရေး ကိစ္စများကို မသိကျိုးနွံ ပြုထားလေ့ ရှိသော နိုင်ငံများ ဖြစ်သည်။
အိန္ဒိယကို ကြည့်က ပို၍ပင် ဆိုးသေးသည်။ မြန်မာနိုင်ငံနှင့် ကုန်သွယ်ရေး မြှင့်တင်နိုင်ရေး အတွက် နိုင်ငံရေးအရ အကာအကွယ်များပင် ပေးလာဖွယ် ရှိသည်။ သို့အတွက်ကြောင့် နှစ်ပေါင်း ၂၀ အတွင်း ပထမဆုံးအကြိမ် ကျင်းပတော့မည့် ရွေးကောက်ပွဲတွင် စစ်အစိုးရ အနေဖြင့် ၎င်းအလိုရှိသည့် ရလဒ်များပင် ရရှိပေလိမ့်မည်။ သို့သော် မြန်မာ ရွေးကောက်ပွဲ လွတ်လပ် မျှတမှု ရှိသည်ဟူသော ခေါင်းစဉ်အောက်မှ ရလဒ်မျိုး ဖြစ်ပါလိမ့်မည်။
Newsweek မှ ဆောင်းပါးတိုကို ဆီလျော်အောင် ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.