Posts
By Bertil Lintner, 25th August 2010
မြန်မာ အစိုးရသည် ဒီမိုကရေစီ ရွေးကောက်ပွဲကို နိုဝင်ဘာလ (၇) ရက်နေ့တွင် ကျင်းပမည်ဟု ကြေညာလိုက်သည်နှင့် အနောက်နိုင်ငံ ရေဒီယို သတင်းစားများမှ ရွေးကောက်ပွဲသည် ဒုက္ခများလှသည့် တိုင်းပြည်၏ ခေတ်သစ်သမိုင်းတွင် စာမျက်နှာသစ် ဖွင့်လှစ်လေမလားဟု ခန့်မှန်းမှုများဖြင့် အလုပ်ရှုပ်ခဲ့လေသည်။ တကယ်တမ်းမှာမူ တိုင်းပြည်၏ စစ်သား အုပ်ချုပ်သူများသည် တိုင်းပြည်အပေါ် အမြဲတမ်း အာဏာ စွဲကိုင်ထားနိုင်ရေး အတွက် အင်ပါယာ ထူထောင်ရန် ဖြစ်နိုင်ဖွယ် ရှိသည့် ဆိုးဝါးသော အစီအစဉ်ကို ဖွင့်ပြလိုက်ခြင်းပင် ဖြစ်သည်။
စစ်ခေါင်းဆောင်များသည် စတုတ္ထ မြန်မာနိုင်ငံ ထူထောင်ရန် ကြိုးစားလျက် ရှိပေသည်။ ထိုသို့ ရည်မှန်းလျက် လွန်ခဲ့သည့် ဆယ်စုနှစ် နှစ်ခုခန့်က Burma ဆိုသည့် အမည်ကို Myanmar အဖြစ် ပြောင်းခဲ့သည်။ ယခုအခါ မြန်မာနိုင်ငံ အလယ်ပိုင်းတွင် ဘုရင်များ နေထိုင်ရာ နေရာဟု အဓိပ္ပာယ် ရသော နေပြည်တော် ဟူသည့် မြို့သစ်ကို တည်ဆောက်ခဲ့သည်။
မြန်မာ စစ်တပ်သည် အရှေ့တောင် အာရှတွင် အကြီးဆုံးတွင် ပါဝင်ရာ အကယ်၍သာ ၎င်းတို့ အိပ်မက် အမှန်တကယ် ဖြစ်လာမည် ဆိုပါက ၎င်းတို့သည် သူတို့၏ စစ်တပ်ကို ဒုံးကျည်များ၊ နျူကလီယာ လက်နက်များပင် တပ်ဆင်လာနိုင်သည်။ ပါလီမန် အသစ်ကို ဖော်ဆောင်လျက် ရှိရာ နေပြည်တော်တွင် ရိုးရာ မြန်မာပုံစံဖြင့် ကြီးမားသော အဆောက်အအုံတွင် ပါလီမန် တည်ရှိမည် ဖြစ်ပြီး ၎င်းတို့၏ ခမ်းနားသော အစီအစဉ်၏ အစိတ်အပိုင်း တစ်ခုပင် ဖြစ်သည်။ ဒီမိုကရေစီ ပါတီများ သဘောထား ပျော့ပြောင်းသူများ၏ အာဏာ မျှဝေလိမ့်မည်တော့ မဟုတ်ပေ။
အရေးကြီးသော အချက်မှာ အစိုးရသည် ရွေးကောက်ပွဲအား ကိုယ်ပိုင်စစ်တပ် ရှိသော ငြိမ်းချမ်းရေး သဘော တူထားသော တိုင်းရင်းသား လက်နက်ကိုင် သူပုန် (၁၂) ဖွဲ့ခန့်ကို အစိုးရတပ် လက်အောက်ခံ နယ်ခြားစောင့်တပ် အသွင်ပြောင်းရေးကို အသုံးချခဲ့သည်။ နယ်ခြားစောင့်တပ် ပြောင်းမှသာ ၎င်းတိုင်းရင်းသားများ၏ နိုင်ငံရေး ဋ္ဌာနခွဲများကို အသိအမှတ် ပြုပြီး ရွေးကောက်ပွဲသို့ ပါဝင် ခွင့်ပြုမည် ဖြစ်သည်။
ကိုယ်စားလှယ်လောင်း တစ်ဦးလျှင် မှတ်ပုံတင် ကြေး ကျပ် (၅) သိန်း အပါအဝင်၊ သြဂုတ်လ (၃၀) ရက် နောက်ဆုံးထား တင်သွင်းရမည် ဖြစ်ရာ ခက်ခဲသော လုပ်ငန်းစဉ် တစ်ရပ် ဖြစ်သည်။ အဆိုပါ ငွေသည် ဒေါ်လာ (၅၀၀) နှင့် ညီမျှပြီး သာမန် နိုင်ငံသား တစ်ဦးအဖို့ အနည်းငယ် များနေသည်။ အစိုးရ၏ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် မဟာမိတ် တိုင်းရင်းသား စည်းလုံး ညီညွတ်ရေး ပါတီတို့ကသာ ရန်ပုံငွေ ရှိသဖြင့် တစ်ပြည်လုံး အတိုင်းအတာဖြင့် ကိုယ်စားလှယ် ဝင်ရောက် အရွေးခံရန် လွယ်ကူနိုင်သည်။
တော်လှန်ရေးသမားများ၏ သမိုင်း
မြန်မာနိုင်ငံ ရှေ့ဆက်သွားမည့် လမ်းကြောင်းမှာ ၂၀၀၆ ခုနှစ်က ကျင်းပသော တပ်မတော်နေ့တွင် ရှင်းရှင်းလင်းလင်း ထွက်ပေါ်လာခဲ့သည်။ တပ်မတော်နေ့မှာ မတ်လ (၂၇) ရက်နေ့တွင် နှစ်စဉ်ကျင်းပရာ ၂၀၀၆ ခုနှစ် မတ်လ (၂၇) ရက်နေ့တွင် နေပြည်တော်သို့ ပြောင်းရွှေ့ပြီး ပထမဆုံး ကျင်းပသော အခမ်းအနား၌ စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက စစ်သား ၁၂၀၀၀ အား မိန့်ခွန်း ပြောကြားရာတွင် "ငါတို့ တပ်မတော်ဟာ အနော်ရထာ၊ ဘုရင့်နောင်နဲ့ အလောင်းဘုရားတို့ တည်ထောင်ခဲ့တဲ့ စွမ်းအားရှိတဲ့ တပ်မတော်ထံကနေ ကောင်းမြတ်တဲ့ အမွေ ဆက်ခံတဲ့ တပ်မတော် ဖြစ်သင့်တယ်'' ဟု ဆိုခဲ့သည်။
ထိုဘုရင်များသည် တစ်ဦးမျှ ဂျပန်ကို တော်လှန်ခဲ့ခြင်း မရှိပေ။ သို့သော် အနော်ရထာသည် ၁၀၄၄ တွင် ပထမ မြန်မာနိုင်ငံကို ဧရာဝတီ မြစ်ကမ်းဘေးရှိ ပုဂံတွင် ထူထောင်ခဲ့သည်။ သူသည် မွန်တို့၏ နေပြည်တော် သထုံကို အောင်နိုင်ခဲ့သည်။ ထိုစဉ်က မွန်တို့သည် မြန်မာနိုင်ငံ အလယ်ပိုင်းကို ချုပ်ကိုင်ရန် ပြိုင်ဘက် ဖြစ်ခဲ့ပြီး၊ အနော်ရထာသည် အင်ဒမန် ပင်လယ်ထိ အင်ပါယာကို ချဲ့ထွင်နိုင်ခဲ့သည်။
ဘုရင့်နောင်သည်လည်း မြန်မာနိုင်ငံတွင် စစ်ဘုရင် အဖြစ် အောင်ပွဲခံနိုင်ခဲ့သည်။ ၎င်းသည် ၁၅၅၁ မှ ၁၅၈၁ ထိ အုပ်စိုးခဲ့ပြီး မြောက်ဖက်တွင် ပုဂံ၊ အရှေ့ဖက်တွင် ရှမ်းတောင်တန်းမှ ယနေ့ ထိုင်းနိုင်ငံ မြောက်ပိုင်း ချင်းမိုင်အထိနှင့် လာအိုရှိ ဗီယန်ကျင်း အထိ အချုပ်အချာ အာဏာ တည်ခဲ့သည်။ ၎င်းသည် ပဲခူးတွင် နန်းစိုက်ပြီး ဒုတိယ မြန်မာနိုင်ငံ၏ ထင်ရှားသော မင်းတစ်ပါး ဖြစ်ခဲ့သည်။
အလောင်းဘုရားသည် ၁၈ ရာစုတွင် အုပ်ချုပ်ခဲ့ပြီး ကုန်းဘောင် မင်းဆက်၏ ပထမဆုံး ဘုရင် ဖြစ်သည်။ ကုန်းဘောင် မင်းဆက်သည် တတိယ မြန်မာနိုင်ငံတွင် နောက်ဆုံးမင်းဆက် ဖြစ်သည်။
အလောင်းဘုရားသည် မွန်တို့ကို တိုက်ခိုက်ခဲ့ပြီး ၎င်းကို ဆက်ခံသော ဆင်ဖြူရှင်သည် ၁၇၆၇ တွင် ထိုင်းနေပြည်တော် အယုဒ္ဓယကို တိုက်ခိုက်ခဲ့ခြင်းကြောင့် ထိုင်းနိုင်ငံ သမိုင်း စာအုပ်များတွင် မြန်မာနိုင်ငံကို ဘယ်သောအခါမျှ ခွင့်မလွှတ်ရန် အကြောင်း ဖြစ်လာခဲ့သည်။
ကုန်းဘောင် ဘုရင်များသည် ၁၉ ရာစုတွင် ဖြစ်ပွားသော တတိယ အင်္ဂလိပ်-မြန်မာ စစ်ပွဲတွင် ရှုံးနိမ့်အပြီး၌ ဗြိတိသျှတို့၏ ကိုလိုနီ ဖြစ်ခဲ့ရသည်။ ၁၈၈၅ တွင် ကုန်းဘောင်မင်းဆက်၏ နောက်ဆုံး နေပြည်တော် မန္တလေး ကျဆုံးပြီးနောက် သီပေါဘုရင်နှင့် ၎င်း၏ ပါဝါရှိ မိဘုရား စုဘုရားလတ်တို့အား လွမ်းဆွေး နေသူများ ရှေ့တွင် ဗြိတိသျှတို့က ခေါ်ဆောင်သွားခဲ့သည်။ ၎င်းတို့ မိသားစုကို အိန္ဒိယနိုင်ငံ ရတနာဂီရိသို့ ခေါ်ဆောင်သွားပြီး၊ သီပေါ ဘုရင်သည် ၁၉၁၆ တွင် ကွယ်လွန်ခဲ့သည်။
ယနေ့ အချိန်ကို ပြောရလျှင် နေပြည်တော်၏ စစ်ရေး ပြကွင်းကြီးတွင် သန်းရွှေ၏ အင်ပါယာ တည်ဆောက်ခဲ့သော စံပြမော်ဒယ် စစ်ဘုရင်ကြီးများ၏ ရုပ်ထုများ တည်ဆောက်ထားသည်။ သန်းရွှေသည် စည်းလုံး ညီညွတ်သော တိုင်းပြည်ကို ထူထောင်လိုဟန် ရှိပြီး အခြေခံအားဖြင့် အောင်ဆန်း၏ ဖက်ဒရယ် မူဝါဒ၊ ပါလီမန် ဒီမိုကရေစီ အမျိုးအစားများနှင့် သဘာဝချင်း မတူသော နိုင်ငံဖြစ်လိုသည်။ သန်းရွှေ၏ မြန်မာနိုင်ငံတွင် လူတိုင်းသည် မြန်မာများ ဖြစ်ပြီး လက်ရှိ အုပ်စိုးသူများ၏ လက်အောက်ခံများသာ ဖြစ်သည်။
မှတ်သားမိသလောက် နေပြည်တော်တွင် လွတ်လပ်ရေး သူရဲကောင်း အောင်ဆန်း၏ ရုပ်ပုံများ မရှိပေ။ မြို့တော်သစ် တည်ဆောက်ခြင်းမှာ ပြီးခဲ့သည့် မြန်မာ အင်ပါယာ သုံးခု၏ အုပ်စိုးသူများ၏ ပုံရိပ်များဟု ဆိုလျှင် စတုတ္ထ မြန်မာနိုင်ငံကို စတင် အုတ်မြစ် ချခဲ့သူများအတွက် ခြင်းချက်မရှိ ဖြစ်နေသည်။ မြို့တော်သစ်၏ အဆောက်အဦး အရွယ်အစား ကြီးမားမှုများ၊ လမ်းကျယ်ကြီးများသည် ၎င်းတို့၏ ခမ်းနားမှု အတွက် အမြင်ကို ထင်ဟပ်စေသည်။
နိုဝင်ဘာ ရွေးကောက်ပွဲများသည် တိုင်းရင်းသားများကို စုစည်းရေးနှင့် အတိုက်အခံများအား အတင်း ဖိနှိပ်ထားခြင်း များအတွက် အသွင် ကူးပြောင်းရေး လုပ်ငန်းစဉ်၏ နောက်ဆုံးအဆင့် ဖြစ်ပေသည်။ ဗိုလ်ချုပ်များကလည်း ၎င်းတို့၏ မြန်မာ ဆိုသော အမည်သည် မှန်ကန်ကြောင်း မြန်မာနိုင်ငံတွင် ဗမာလူမျိုးနှင့် ၎င်း၏ တိုင်းရင်းသားများသာ ရှိကြောင်း အခိုင်အမာ ပြောဆိုလာခဲ့ပါပြီ။
အဆိုပါ ကိစ္စသည် ပညာရပ် ဆိုင်ရာ အဝန်းအဝိုင်းတွင် ရှုပ်ထွေးမှုကို ဖြစ်ပေါ်စေသည်။ အစိုးရက ၁၉၇၆ ခုနှစ်က ထုတ်ဝေသော အမျိုးသားရေး လှုပ်ရှားမှု သမိုင်း စာအုပ်တွင် မြန်မာ ဆိုသည်မှာ မန္တလေးမှ ဘုရင်မင်းဆက်များကိုသာ ဆိုလိုပြီး၊ Burma (ဗမာ) တိုင်းပြည်တွင် ကချင်၊ ကရင်၊ ကယား၊ ချင်း၊ ပအို့ဝ်၊ ပလောင်၊ မွန်၊ မြန်မာ၊ ရခိုင်၊ ရှမ်းနှင့် အခြား တိုင်းရင်းသားများ နေထိုင်ကြသည်။ အရေး အကြီးဆုံး အချက်မှာ ဗိုလ်ချုပ်အောင်ဆန်းနှင့် လုပ်ဖော်ကိုင်ဖက်များသည် "ဒို့ဗမာ အစည်းအရုံး" ကိုသာ တည်ထောင်ခဲ့ခြင်း ဖြစ်ပြီး "ဒို့မြန်မာ အစည်းအရုံး" ကို တည်ထောင်ခဲ့ခြင်း မဟုတ်ပေ။
ယခု New Light of Myanmar ဖြစ်နေသော Working People's Daily တွင် ၁၉၈၉ မေလ (၂၇) ရက်နေ့က ရေးသားခဲ့ရာတွင် ဗမာဆိုသည်မှာ ပြည်ထောင်စုကြီးအတွင်းမှ တိုင်းရင်းသား အုပ်စုများတွင် တစ်ခုသာ ဖြစ်ပြီး၊ မြန်မာ ဆိုသည်မှာ ပြည်ထောင်စုအတွင်း ကချင်၊ ကယား၊ ကရင်၊ ချင်း၊ မွန်၊ ရခိုင်၊ ဗမာနှင့်ရှမ်း စသည့် တိုင်းရင်းသားများ စုပေါင်းနေထိုင်သော တိုင်းရင်းသားများကို ဆိုလိုသည်ဟု ဖော်ပြထားသည်။
တစ်ချိန်တည်းမှာပင် နေရာ ဒေသ အမည်များ၊ အထူးသဖြင့် ရှမ်းပြည်နယ်တွင် အချို့ နေရာဒေသ အမည်များကို မြန်မာ အသံထွက်နှင့် ကိုက်ညီအောင် ပြင်ဆင်ခဲ့ရာ ယခင်က ရှမ်းဘာသာဖြင့် အဓိပ္ပာယ် ရှိခဲ့သော်လည်း၊ ပင်းတယ၊ ကျိုင်းတုံ၊ လဲချား၊ သိန်းနီ နှင့် သီပေါ တို့မှာ ယခု မည်သည့် အဓိပ္ပာယ်မျှ မရှိပေ။
ယဉ်ကျေးမှု တော်လှန်ရေး
ဒတ်ခ်ျ မြန်မာ ပညာရှင် Gustaaf Houtman က ထိုသို့ ပြုလုပ်ခြင်းအား Burma အား မြန်မာမှု ပြုခြင်းဟု ဆိုကာ ၎င်းက ၁၉၄၈ လွတ်လပ်ရေး မတိုင်မီ ဗိုလ်ချုပ်အောင်ဆန်းနှင့် တိုင်းရင်းသား ခေါင်းဆောင်များ သဘောတူခဲ့သော တိုင်းရင်းသား ပေါင်းစုံ ဖက်ဒရေးရှင်း မူလ အိုင်ဒီယာကို ဖယ်ရှားပြီး၊ စစ်တပ်၏ မြန်မာ ဆိုသည့် အဓိပ္ပာယ် ဖွင့်ဆိုချက် အသစ်ကို ဝါဒ ဖြန့်ခြင်းသာ ဖြစ်သည်ဟု ဆိုသည်။ ၁၉၈၉ ခုနှစ်တွင် မြန်မာဟု အမည် ပြောင်းခြင်းသည် ယဉ်ကျေးမှု တော်လှန်ရေးကို အစပြုခဲ့ခြင်းသာ ဖြစ်သည်။ အဆိုပါ ယဉ်ကျေးမှု တော်လှန်ရေးတွင် စစ်တပ်မှ ခန့်အပ်သော ကော်မရှင်သည် တိုင်းပြည်၏ သမိုင်းကို လက်ရှိ အာဏာရှင်များနှင့် ကိုက်ညီအောင် သဘောကျအောင် ပြန်လည် ရေးသားခြင်းလည်း ပါဝင်သည်။
နိုင်ငံတဝှမ်း ပြတိုက်များ ဆောက်ပြီး မြန်မာ့သမိုင်းတွင် ရာစုနှစ်များစွာ စစ်တပ်ကို ဗဟိုပြုရခြင်းအား ပြည်သူများအား ပညာပေးဝါဒ ဖြန့်ခဲ့သည်။ ကျောင်းပြဋ္ဌာန်း စာအုပ်များကိုလည်း အဆိုပါ ရည်ရွယ်ချက် ပေါ်လွင်အောင် ပြန်လည်ရေးသားစေသည်။ TV ဇာတ်လမ်းများတွင်လည်း တိုင်းပြည်တွင် ၁၉ ရာစု စစ်ဘုရင်များ လက်အောက်တွင် တိုင်းရင်းသား အုပ်စုများ စုစည်း ညီညွတ်စွာဖြင့် အနောက် နိုင်ငံ ကိုလိုနီများ၏ ပြင်းထန်သော တိုက်ခိုက်မှုများအား တွန်းလှန်ခဲ့ပုံကို ပြသခဲ့သည်။
မကြာမီ ရွေးချယ် တင်မြှောက်ခံ ကိုယ်စားလှယ် ၃၃၀ နှင့် စစ်တပ်မှ ကိုယ်စားလှယ် (၁၁၀) တို့သည် နေပြည်တော်ရှိ ကြီးမားသော အဆောက်အဦးကြီးတွင် နေရာ ယူကြပြီး ဗိုလ်ချုပ်များက အနာဂတ်အတွက် မြန်မာနိုင်ငံကို ပြောလေ့ ရှိသော စည်းကမ်း ပြည့်ဝသော ဒီမိုကရေစီကို ဖော်ဆောင်ကြတော့မည် ဖြစ်သည်။
၂၀၀၈ ခုနှစ် မေလက အခြေခံဥပဒေ အသစ်အတွက် ဆန္ဒခံယူပွဲ ဖြစ်စဉ်ကို ကြည့်၍ ယခု နိုဝင်ဘာ ရွေးကောက်ပွဲ ရလဒ်ကို မှန်းဆနိုင်ပေသည်။ ၉၀ % ကျော်က ထောက်ခံခဲ့သည်ဟု အာဏာပိုင်များက ကြေညာခဲ့သည်။ ထိုစဉ်က ကန့်ကွက်မဲ ပေးခဲ့ကြသော ၁၀ % သော လူများအား မဲဆွယ်ခွင့် သော်လည်းကောင်း၊ ပုံနှိပ် ထုတ်ဝေခွင့် သော်လည်းကောင်း အစိုးရက ခွင့်မပြုခဲ့ပါ။
သြဂုတ်လ (၁၉) ရက်နေ့က တင်းကြပ်လှသော မြန်မာ မီဒီယာများတွင် အစိုးရ၏ ကြေညာချက်အား ဖော်ပြရာတွင် ကိုယ်စားလှယ်လောင်းများသည် ပြည်သူလူထုသို့ မဲဆွယ် စကား ပြောရန် ခုနှစ်ရက် ကြိုတင် ခွင့်ပြုချက် တောင်းရမည်ဟု ဆိုသည်။ အများပြည်သူ၏ နေရာများ သွားလာခြင်းများကို အနှောင့်အယှက် ဖြစ်အောင် မပြုလုပ်ရန် တားမြစ်ထားသေးသည်။
အရွေးခံရသော အမတ်များသည် အခြေခံ ဥပဒေ အပိုဒ် (၃၉၆) အရ မသင့်လျော်သော အပြုအမူများကို အကြောင်းပြကာ အမတ်အဖြစ်မှ ထုတ်ပယ် ခံရနိုင်ပါသေးသည်။ ထို့အပြင် အခြေအနေများ ထိန်းမနိုင် သိမ်းမရ ဖြစ်လာပါက အပိုဒ် ၄၁၃ အရ သမ္မတသည် အာဏာကို ကာကွယ်ရေး ဦးစီးချုပ်ထံ လွှဲပြောင်းပေးရန် ပါရှိသည်။
အဆိုပါ အရာများ အားလုံးသည် စတုတ္ထ မြန်မာ အင်ပါယာအတွက် ခွင်ချထားခြင်း ဖြစ်သည်။ ယခုလ ထုတ်ဝေသော အမေရိကန် အခြေစိုက် NGO အဖွဲ့ ဖြစ်သည့် National Democratic Institute ၏ အစီရင်ခံစာတွင် မြန်မာနိုင်ငံ၏ အခြေခံ ဥပဒေအသစ်သည် စစ်တပ် အုပ်ချုပ်ရေး သက်တမ်း ရှည်အောင် ရေးဆွဲထားခြင်း ဖြစ်ကြောင်း၊ သန်းရွှေသည် အနားယူကောင်း ယူလိမ့်မည် ဖြစ်သော်လည်း၊ ဒီမိုကရက်တစ် အစိုးရ ဖြစ်လာဖွယ် မရှိဘဲ၊ အာဏာရှင် အုပ်ချုပ်ရေးသာ ရှိနေဦးမည် ဖြစ်ကြောင်း ဖော်ပြခဲ့သည်။
ယခုအချိန် အထိ ဒီမိုကရေစီ ပြောင်းလဲမှု အစစ်အမှန် ပြုလုပ်ပေးနိုင်မည့် လူငယ် သူရဲကောင်းများ သတ်မှတ်ရန် မတွေ့ရသေးပေ။ နိုင်ငံခြား ဝေဖန်သူများက ဖြစ်ချင်သည်များ ပြောနေသော်လည်း၊ သန်းရွှေ အတ္ထုပ္ပတ္တိ ရေးသားသူ Benedict Rogers ကမူ မြင်နိုင်သမျှ အနာဂတ်တွင် စစ်တပ်က အာဏာ ဆုပ်ကိုင် ထားနိုင်ရေးကိုသာ မောင်းတင်ကာ အချက် ပြနေကြောင်း ငြင်းချက်ထုတ်သည်။
မြန်မာနိုင်ငံတွင် တစ်ချိန်က အာဏာရှင် ဗိုလ်ချုပ်ကြီးနေဝင်း ရှိစဉ်အခါက ဝေဖန်သူများနှင့် ပညာရှင်များက ၎င်းသေသွားပါက တိုင်းပြည်သည် အကောင်းဘက်သို့ ပြောင်းလဲသွားလိမ့်မည်ဟု ခန့်မှန်းခဲ့ကြဖူးသည်။ ၎င်းသည် ၁၉၈၈ ခုနှစ်တွင် အာဏာမှ အနားယူသွားခဲ့ရာ၊ မြန်မာနိုင်ငံတွင် အမှန်တကယ် ပြောင်းလဲမှု ဖြစ်ခဲ့သည်။ သို့သော် သန်းရွှေ ခေါင်းဆောင်သော မျိုးဆက်သည် ပိုမို၍ ဖိနှိပ်ကာ ဘုရင်ရူးရူးခဲ့သည်။ နေဝင်းသည် မြို့တော်ကို နေရာ မပြောင်းခဲ့ရုံမက၊ အမြောက်အများ သေစေနိုင်သော လက်နက်များကိုလည်း မဝယ်ယူခဲ့ပေ။ ၎င်းသည် ပြီးခဲ့သော မြန်မာအင်ပါယာ ဘုရင်များကို တမ်းတပြီး ထိုအတိုင်း ဖြစ်စေရန်လည်း လိုက်မလုပ်ခဲ့ပါ။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.