Posts
လာမည့် နိုဝင်ဘာလ ၇ ရက်နေ့တွင် ကျင်းပမည့် မြန်မာနိုင်ငံ ဒီမိုကရေစီ ရွေးကောက်ပွဲ နီးကပ်လာသည် နှင့်အမျှ စစ်အစိုးရကလည်း ရွေးကောက်ပွဲတွင် အမှားအယွင်း မရှိအောင် တင်းကြပ်မှုများကို တိုးမြှင့် လုပ်ဆောင်လျက် ရှိသည်။ ထွက်ရှိလာမည့် ရွေးကောက်ပွဲ ရလဒ်မှာလည်း စစ်အစိုးရ ကိုယ်တိုင် ရွေးချယ် ခန့်အပ်ထားသည့် နိုင်ငံရေးသမားများ ဦးဆောင်သော ပါတီများ အသာစီးရမည့် ရလဒ်မျိုးများပင် ဖြစ်ပေလိမ့်မည်။
မြန်မာ စစ်အစိုးရသည် ဆုံးခန်း တိုင်သည်အထိ ပန်းပန်နိုင်ရေးအတွက် အစီအစဉ်မျိုးစုံ ရေးဆွဲလျက် ရှိသည်။ သို့အတွက်ကြောင့် ဗိုလ်ချုပ်မှူးကြီး သန်းရွှေ၊ ဒုတိယ ဗိုလ်ချုပ်မှူးကြီး မောင်အေးနှင့် ဗိုလ်ချုပ်ကြီး သူရရွှေမန်း အပါအဝင် ထိပ်ပိုင်း စစ်ဗိုလ်ချုပ်ကြီးများ ရာထူးမှ ယူနီဖောင်း ချွတ်ကာ စစ်ဘက်ရာထူးမှ အငြိမ်းစား ယူကြသည်။
စစ်ဗိုလ်ချုပ်ကြီးများ မည်သို့ပင် အစိမ်းရောင် ယူနီဖောင်းချွတ် အငြိမ်းစား ယူသည် ဖြစ်စေ တိုင်းပြည် အာဏာကို ယနေ့အချိန်အထိ အပြည့်အဝ ကိုင်တွယ်ထားဆဲပင် ဖြစ်သည်။ သို့အတွက်ကြောင့် စစ်ဗိုလ်ချုပ်ကြီးများ ဝတ်သည့် အင်္ကျီအရောင်ကို ကြည့်ပြီး ၎င်းတို့ အာဏာ ရှိသေးသည်၊ မရှိတော့ပြီဟု ပြောဆိုကာ အူကြောင်ကြောင် ဖြစ်မနေသင့်တော့ပေ။
နေအိမ် အကျယ်ချုပ် ဖမ်းဆီး ထိန်းသိမ်းခံထားရသော ဒေါ်အောင်ဆန်းစုကြည်က စစ်အာဏာရှင် စနစ် သက်ဆိုး ရှည်ရန်သာ ဦးတည်ထားသော ရွေးကောက်ပွဲကို မြန်မာ ပြည်သူ ပြည်သားများ သပိတ်မှောက်ကြရန် တိုက်တွန်းထားပြီး ဖြစ်သည်။ ရွေးကောက်ပွဲ ကျင်းပဖြစ်သည် ဖြစ်စေ၊ မကျင်းပသည် ဖြစ်စေ တပ်မတော်သည်သာ အထွတ်အထိပ် ဖြစ်သော အချုပ်အခြာ အာဏာကို ဆက်လက် ဇက်ကြိုး ကိုင်ထားပေလိမ့်မည်။ စစ်အစိုးရက ရေးဆွဲခဲ့သော ဖွဲ့စည်းပုံ အခြေခံ ဥပဒေအရ ရွေးကောက်ပွဲ နောက်ပိုင်း ထွက်ပေါ်လာမည့် ပါလီမန် လွှတ်တော်မှ အမတ်နေရာ ၂၅ ရာခိုင်နှုန်းကို စစ်တပ်က အလိုအလျောက် ရရှိမည် ဖြစ်သည်။ ထို့ကြောင့် အငြိမ်းစား ယူလိုက်သော ဗိုလ်ချုပ်ကြီးများ အနေဖြင့် ရွေးကောက် တင်မြှောက်ခံစရာ မလိုတော့ဘဲ ၂၅ ရာခိုင်နှုန်း ဝေစုကို အလိုအလျောက် ရရှိပေလိမ့်မည်။
စစ်အစိုးရ ကျောထောက် နောက်ခံ ပေးမှု အများဆုံး ရရှိထားသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) တွင် ရွေးကောက်ပွဲ ဝင်မည့် ကိုယ်စားလှယ် အမတ်လောင်း ၁၀၀၀ ကျော် ရှိရာ ၎င်းတို့သာ ပါလီမန် လွှတ်တော်မှ နေရာ အများစုကို ရရှိကြလိမ့်မည်။ ဒီမိုကရေစီ လိုလားသော အတိုက်အခံ ပါတီများမှ ကိုယ်စားလှယ် အမတ်လောင်းမှာ ၅၀၀ ခန့်ကသာ စစ်အစိုးရ လက်ဝေခံ နိုင်ငံရေး ပါတီများနှင့် အကြိတ်အနယ် ဝင်ရောက် ယှဉ်ပြိုင်ကြမည် ဖြစ်သည်။ သို့သော် ၎င်းတို့မှာ ရွေးကောက်ပွဲတွင် အပြည့်အဝ ပါဝင် ယှဉ်ပြိုင်ခွင့် မရရှိအောင် စစ်အစိုးရက ပြုလုပ်နေသည့် နိုင်ငံရေး အဟန့်အတားများ၊ အခက်အခဲများ ပေါင်းစုံဖြင့် ရင်ဆိုင်နေကြရသည်။ ဥပမာ အားဖြင့် ပြောပါက ရွေးကောက်ပွဲ ဝင်ရောက် ယှဉ်ပြိုင်မည့် ကိုယ်စားလှယ် တစ်ဦး အနေဖြင့် ကော်မရှင်တွင် မှတ်ပုံတင်မည် ဆိုပါက ငွေကျပ် ငါးသိန်း ပေးသွင်းရမည် ဖြစ်သည်။ ဆင်းရဲ နွမ်းပါးသော နိုင်ငံ တစ်ခုတွင် ကျင်းပမည့် ရွေးကောက်ပွဲ အတွက် ထိုကဲ့သို့ ငွေကြေး အမြောက်အမြား ကောက်ခံခြင်းမှာ လွန်စွာ ရယ်စရာ ကောင်းသည့် ကိစ္စ ဖြစ်သည်။
အမှန်စင်စစ် မြန်မာ ပြည်သူများ၏ အမှတ်သညာထဲတွင် နာဂစ် မုန်တိုင်းသင့်သူများ ပြန်လည် ကယ်ဆယ်ရေးနှင့် နေရာ ချထားရေး ကာလအတွင်း စစ်အစိုးရ အမြတ်ကြီးစား လုပ်ခဲ့မှုများကို မှတ်မိနေဆဲပင် ဖြစ်သည်။ ၂၀၀၈ ခုနှစ် နာဂစ်မုန်တိုင်း တိုက်ခတ်ခဲ့ပြီးနောက် မြန်မာ့ စီးပွားရေးနှင့် သန်းပေါင်း များစွာသော ဒုက္ခသည်များ ကယ်ဆယ် နေရာချ ထားရေးအတွက် နိုင်ငံတကာမှ အကူအညီငွေ ဒေါ်လာသန်း ၆၀၀ ကျော် ရရှိခဲ့သည်။ အများစုမှာ အနောက်နိုင်ငံများ အပါအဝင် တရုတ်၊ ဂျပန်၊ ထိုင်းနှင့် စင်ကာပူ တို့မှ ဖြစ်သည်။ အဆိုပါ ပြင်ပနိုင်ငံများ၏ အကူအညီငွေကို စစ်အစိုးရက ကြွေးမြီအဖြစ် ထပ်ခါ တလဲလဲ ဖော်ပြ ပြောဆိုခဲ့သည်။
ထို့ကြောင့် စစ်အစိုးရက ပြင်ပကမ္ဘာမှ အင်အားစုများ ဝင်ရောက်လာမှု ကာကွယ်ရေးကို ပြင်းပြင်းထန်ထန် လုပ်ကိုင်နေခြင်း ဖြစ်သည်။ နာဂစ် အစီအစဉ်ဖြင့် နိုင်ငံတကာမှ လူသားချင်း စာနာ ထောက်ထားသော အကူအညီ ပေးရေး အဖွဲ့များ၊ ဝန်ထမ်းများ ဝင်ရောက်လာမည်ကို မလိုလားပေ။ ထို့အတူ ရွေးကောက်ပွဲ ဖြစ်စဉ်နှင့် ပတ်သက်၍ ဘာတွေ လုပ်ကိုင်နေသည်၊ မဲပေးမည့်သူများ၊ ပါဝင် ယှဉ်ပြိုင်မည့် သူများ မည်သို့သော အခွင့်အရေးများ ရရှိသည် သို့မဟုတ် ပိတ်ပင်ခံရသည် ဟူသော ကိစ္စများ တွေ့မြင်သွားမည်ကို စိုးရိမ်သည်။ ရွေးကောက်ပွဲ ကာလအတွင်း အဖြစ်အပျက်များကို အကူအညီ ပေးရေး အဖွဲ့များနှင့် စေတနာ့ ဝန်ထမ်းများက နိုင်ငံတကာသို့ ပြန်လည် ဖောက်သည် ချမည်ကိုလည်း စစ်အစိုးရက ထိတ်လန့်နေသည်။
ပုံမှန်အားဖြင့် ဆိုလျှင် သတင်းစာ ဆရာများ အနေဖြင့် ပြည်တွင်းမှ အဖြစ်အပျက် မှန်သမျှကို လွတ်လွတ်လပ်လပ် ရေးသားခွင့် မရှိပေ။ ယခု လာမည့် ရွေးကောက်ပွဲတွင် နိုင်ငံတကာမှ စောင့်ကြည့် လေ့လာသူများ လာရောက်ရန် မလိုအပ်ဟု စစ်အစိုးရက ဆိုသည်။ မြန်မာနိုင်ငံသည် ရွေးကောက်ပွဲနှင့် ပတ်သက်၍ လုံလောက်သော အတွေ့အကြုံများ ရှိထားသည့် အတွက်ကြောင့် ဖြစ်သည်ဟု ဆိုခြင်း ဖြစ်သည်။ သို့အတွက်ကြောင့် မြန်မာ ရွေးကောက်ပွဲသို့ လေ့လာရေး အဖွဲ့ စေလွှတ်မည့် အာဆီယံ၏ အစီအစဉ်ပင် ပယ်ပျက်သွားခဲ့ရသည်။
သို့အတွက်ကြောင့် မြန်မာ ရွေးကောက်ပွဲ ရလဒ်ကို အသိအမှတ်ပြု ထောက်ခံမှု ပြုမည်၊ မပြုမည် ဟူသော ကိစ္စကို သေသေချာချာ ချင့်ချိန် စဉ်းစားရတော့မည် ဖြစ်သည်။ စစ်အစိုးရက နိုင်ငံတကာ အသိုင်းအဝိုင်း၏ မေတ္တာ ရပ်ခံချက် ဖြစ်သော လွတ်လပ်ပြီး တရားမျှတကာ သက်ဆိုင်သူ နိုင်ငံရေး သမားများ အားလုံး ပါဝင် ယှဉ်ပြိုင်နိုင်မည့် ရွေးကောက်ပွဲမျိုး ပြုလုပ်ပေးစရာ မလိုအပ် ဟူသည့် သဘောမျိုး ထုတ်ဖော် ပြသခဲ့ပြီး ဖြစ်သည်။ အာဆီယံသည်လည်း မြန်မာနိုင်ငံ အဖွဲ့ဝင် အဖြစ် ဝင်ရောက်လာသည့် အချိန်မှစ၍ နှစ်ပေါင်း ၁၃ နှစ်တာမျှ စိတ်ဒုက္ခ မျိုးစုံ ခံစားခဲ့ရပြီး ဖြစ်သည်။ ဆိုခဲ့ပါ ဆိုးရွားသော အခြေအနေများ အပေါ် ကုစားနိုင်ရေးအတွက် တစ်ခုတည်းသော လိုအပ်ချက်မှာ အာဆီယံ အနေဖြင့် ရွေးကောက်ပွဲတွင် ရပ်တည်မှု ခိုင်မာနေရန် လိုအပ်သည်။ အာဆီယံသည် တရား ဥပဒေကို အခြေခံပြီး နိုင်ငံတကာ စံချိန်စံနှုန်းများကို လေးစား လိုက်နာသည့် အဖွဲ့တစ်ခု ဖြစ်သည်။ နိုင်ငံတကာ ပလေယာတစ်ဦး ဖြစ်လာရေး ဟူသည့် အာဆီယံ ဦးတည်ချက် မပျက်စီးသွားရန် အဓိက လိုအပ်သည်မှာ မြန်မာနိုင်ငံ ရွေးကောက်ပွဲနှင့် ပတ်သက်၍ အမှားအယွင်း မပြုမိစေရေးပင် ဖြစ်သည်။
The Nation သတင်းစာ ခေါင်းကြီးပိုင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.