Posts
ဖမ်းဆီး ထိန်းသိမ်းခံထားရသော မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ် (NLD) သည် ပါတီအဖြစ်မှ ပျက်ပြယ်သွားပြီ ဖြစ်ကြောင်း စက်တင်ဘာလ ၁၃ ရက်နေ့တွင် ပြည်ထောင်စု ရွေးကောက်ပွဲ ကော်မရှင်က အတည်ပြု ကြေညာလိုက်သည်။ NLD နှင့်အတူ အခြား နိုင်ငံရေး ပါတီ ၉ ခုမှာလည်း တရားဝင် ပယ်ပျက်သွားပြီ ဖြစ်သည်ဟု နိုင်ငံပိုင် မီဒီယာများ၏ ရေးသား ဖော်ပြချက်အရ သိရသည်။
ဒေါ်အောင်ဆန်းစုကြည်၏ NLD အပါအဝင် နိုင်ငံရေးပါတီ ငါးခုသည် တရားဝင် ပါတီအဖြစ် ဆက်လက် ရပ်တည်ရန် လာရောက် လျှောက်ထားခြင်း မရှိခဲ့သောကြောင့် ပါတီအဖြစ်မှ ပယ်ပျက်သွားပြီ ဖြစ်သည်ဟု ရွေးကောက်ပွဲ ကော်မရှင်၏ ကြေညာချက်ကို ကိုးကားပြီး နိုင်ငံပိုင် မီဒီယာများက ရေးသား ဖော်ပြသည်။ ရွေးကောက်ပွဲ ဥပဒေများ တရား မျှတမှု မရှိသောကြောင့် ဝင်ရောက် ယှဉ်ပြိုင်မှု မပြုဘဲ သပိတ်မှောက်မည်ဟု ဆုံးဖြတ်ခဲ့ပြီးနောက် NLD ပါတီ ပျက်ပြယ်သွားပြီ ဖြစ်သည်ဟု အတည်ပြု ပြောဆိုမှုများ ရှိခဲ့သော်လည်း ယခု နိုင်ငံပိုင် မီဒီယာများက NLD ပယ်ပျက်သွားမှုကို ထုတ်ပြန်ခြင်းသည် ပထမဆုံး ဖြစ်သည်။
ရွေးကောက်ပွဲ ကော်မရှင်သို့ လာရောက် မှတ်ပုံတင်ရန် ပျက်ကွက်ခဲ့သောကြောင့် NLD နည်းတူ ဖျက်သိမ်းခံလိုက်ရသော အခြား ပါတီများမှာ ပြည်ထောင်စု ပအိုဝ်း အမျိုးသား အဖွဲ့ချုပ်၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်၊ ရှမ်းပြည် ကိုးကန့် ဒီမိုကရက်တစ် ပါတီ နှင့် 'ဝ' အမျိုးသား ဖွံ့ဖြိုး တိုးတက်ရေး ပါတီတို့ ဖြစ်သည်။
ထို့ပြင် ရွေးကောက်ပွဲ ကော်မရှင်သို့ လာရောက် လျှောက်ထားသော နိုင်ငံရေး ပါတီ ၄၂ ခုအနက် နောက်ထပ် ပါတီ ငါးခုမှာ ရွေးကောက်ပွဲတွင် လွှတ်တော် မဲဆန္ဒနယ်များ အနက် အနည်းဆုံး မဲဆန္ဒနယ် သုံးခုတွင် လွှတ်တော် ကိုယ်စားလှယ်လောင်းများ ဝင်ရောက် ယှဉ်ပြိုင်ခြင်း မပြုနိုင်သဖြင့် နိုင်ငံရေး ပါတီအဖြစ်မှ မှတ်ပုံတင်ထားမှု ပျက်ပြယ်ပြီး ပါတီကိုလည်း ဖျက်သိမ်းခံလိုက်ရသည်။
နိုဝင်ဘာလ ၇ ရက်နေ့တွင် ကျင်းပ ပြုလုပ်မည့် ဒီမိုကရေစီ ရွေးကောက်ပွဲကို အနောက် နိုင်ငံများနှင့် အစိုးရ ဆန့်ကျင်ရေး အုပ်စုများက စစ်အာဏာရှင် စနစ် သက်ဆိုးရှည်ရန်သာ ရည်ရွယ်ပြီး အတုအယောင် သက်သက် ရွေးကောက်ပွဲသာ ဖြစ်သည်ဟု ပြစ်တင် ဝေဖန်လျက် ရှိသည်။
စစ်အစိုးရ အုပ်ချုပ်ခဲ့သည့် နှစ်ပေါင်း ၂၀ ကာလအတွင်း ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည်မှာ ၁၅ နှစ်တာမျှ ဖမ်းဆီး ထိန်းသိမ်းခံခဲ့ရသည်။ ယခု ပထမဆုံး ကျင်းပမည့် ရွေးကောက်ပွဲတွင်လည်း သူမအနေဖြင့် ပါဝင် ယှဉ်ပြိုင်ခွင့် ရရှိမည် မဟုတ်ပေ။ အကြောင်းမှာ စစ်အစိုးရ ထုတ်ပြန်သော ဥပဒေများအရ ဖမ်းဆီး အကျဉ်းချ ခံထားရသူများ ပါဝင်သည့် နိုင်ငံရေး ပါတီများ အနေဖြင့် ၎င်းတို့ကို ထုတ်ပယ်မှသာ ရွေးကောက်ပွဲသို့ ဝင်ရောက် ယှဉ်ပြိုင်ခွင့် ရှိမည် ဖြစ်သည်။ သို့အတွက်ကြောင့် NLD က ရွေးကောက်ပွဲကို သပိတ်မှောက်ရန် ဆုံးဖြတ်ပြီး ရွေးကောက်ပွဲ ကော်မရှင်တွင်လည်း ပါတီအဖြစ် ဆက်လက် ရပ်တည်ခွင့် လျှောက်ထားမှု မပြုလုပ်ခဲ့ခြင်း ဖြစ်သည်။
ထို့ပြင် ရွေးကောက်ပွဲ ကော်မရှင်က ထုတ်ပြန်သော စည်းမျဉ်း ဥပဒေအရ ဝင်ရောက် ယှဉ်ပြိုင်မည့် လွှတ်တော် ကိုယ်စားလှယ် တစ်ဦး အနေဖြင့် မှတ်ပုံတင်ကြေး ငါးသိန်း(ဒေါ်လာ ၅၀၀ ခန့်) ပေးသွင်းရမည် ဖြစ်ရာ နိုင်ငံရေး ပါတီများ အခက်အခဲ ဖြစ်လျက် ရှိသည်။ အဆိုပါ ငွေကြေး ပမာဏသည် သာမန် မြန်မာ ပြည်သူ အများစုအတွက် လအတော် အတန် ကြာမှ ရနိုင်သည့် ဝင်ငွေ ပမာဏ ဖြစ်သည်။
ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်မှ ခွဲထွက်သွားသူများ ဦးစီး ထူထောင်ခဲ့သည့် အမျိုးသား ဒီမိုကရေစီ အင်အားစု (NDF) က နိုဝင်ဘာ ၇ ရွေးကောက်ပွဲတွင် ဝင်ရောက် ယှဉ်ပြိုင်မည် ဖြစ်သည်။
ရွေးကောက်ပွဲတွင် ဝင်ရောက် ယှဉ်ပြိုင်မည့် ပါတီများ အနေဖြင့် ရေဒီယို သို့မဟုတ် ရုပ်မြင်သံကြား အစီအစဉ်မှ နေ၍ ၁၅ မိနစ်ကြာ မဲဆွယ် စည်းရုံးခွင့် ပြုမည်ဟုလည်း ပြည်ထောင်စု ရွေးကောက်ပွဲ ကော်မရှင်က ကြေညာချက် ထုတ်ပြန်သည်။ သို့သော် ယင်းသို့ မဲဆွယ်မှု ပြုလုပ်ရန် ရက်သတ္တ တစ်ပတ် ကြိုတင်၍ လျှောက်ထားရမည်ဟု ဆိုသည်။
AFP သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.