Posts
Bangkok Post, 13th October 2010
ထိုင်းဝန်ကြီးချုပ် အဘီဆစ်ဗဲ့ ဂျာဂျီဗားသည် မြန်မာ အာဏာပိုင်များထံမှ နယ်စပ် ကုန်သွယ်ရေး အတွက် မဲဆောက် နယ်စပ်ဂိတ်ကို မကြာမီ ပြန်လည် ဖွင့်ပေးမည့် အာမခံချက် ရရှိခဲ့သည်ဟု သိရှိရသည်။
နယ်စပ်ဂိတ် မြ၀တီ ဘက်ခြမ်းကို ပြည်တွင်း လုံခြုံရေး ပြဿနာများကြောင့် ပိတ်ထားခဲ့ခြင်း ဖြစ်သော်လည်း မျှော်လင့်ထားသည်ထက် ပို၍ စောကာ မကြာမီ ပြန်လည် ဖွင့်လှစ်ရန် အလားအလာ ရှိသည် ဟု မြန်မာတို့က ပြောကြားခဲ့ကြောင်း ထိုင်းအစိုးရ ပြောရေးဆိုခွင့် ရှိသူ ဆူပါချိုင်း ဂျိုင်ဆာမွတ်က အဘီဆစ်ကို ကိုးကားကာ ထုတ်ဖော် ပြောဆိုခဲ့သည်။
သို့သော် ၀န်ကြီးချုပ်သည် နယ်စပ် ပြန်လည် ဖွင့်လှစ်မည့်ရက် အတိအကျကို မသိရှိခဲ့ရဟု ဆူပါချိုင်းက ဆိုသည်။
ထိုင်းဝန်ကြီးချုပ်သည် မြန်မာနိုင်ငံသို့ တစ်နေ့တာ ခရီးစဉ် သွားရောက်ကာ မြန်မာ ၀န်ကြီးချုပ် ဦးသိန်းစိန်နှင့် တွေ့ဆုံခဲ့ပြီးနောက် အပြန်တွင် ကြေညာချက် ထုတ်ပြန်ခဲ့ခြင်း ဖြစ်သည်။
ထိုင်းပို့ကုန် အမျိုးအစား ၅၀ ခန့်အပေါ် အခွန်နှုန်းထား လျှော့ပေါ့ရေး အတွက် မြန်မာ အာဏာပိုင်များနှင့် ဆွေးနွေးရန် ကုန်သွယ်ရေး ၀န်ကြီးဌာနကို ညွှန်ကြားထားကြောင်း ၀န်ကြီးချုပ်က ကက်ဘိနက်သို့ ပြောကြားခဲ့သည်ဟု ဆူပါချိုင်းက ဆိုသည်။
မြန်မာနိုင်ငံ တောင်ပိုင်း ထားဝယ်တွင် ရေနက် ဆိပ်ကမ်း တစ်ခု ပူးတွဲ အကောင်အထည် ဖော်ရေးကိုလည်း ၂ နိုင်ငံ သဘော တူခဲ့ကြသည်ဟု အဘီဆစ်က ပြောကြားသည်။
မြန်မာ အာဏာပိုင်များနှင့် ထိုင်းပုဂ္ဂလိက ကဏ္ဍမှ ကုမ္ပဏီများက အဆိုပါ မဟာစီမံကိန်းကို ပူးတွဲ လေ့လာမှု ပြုလုပ်နေသည်ဟုလည်း သိရှိရသည်။
ထားဝယ် ရေနက်ဆိပ်ကမ်းနှင့် စက်မှုဇုံသစ်များ ဖွံ့ဖြိုးရေး စီမံကိန်းသည် တရားမ၀င် အလုပ်သမားများနှင့် တရားမ၀င် မူးယစ်ဆေးဝါး ရောင်းဝယ်ခြင်း အပါအ၀င် နယ်စပ်ဖြတ်ကူး၊ နိုင်ငံဖြတ်ကျော်၊ ရာဇ၀တ် မှုခင်းဆိုင်ရာ ပြဿနာများကို ဖြေရှင်းရာတွင် အကူအညီ ရလိမ့်မည်ဟု ၀န်ကြီးချုပ် အဘီဆစ်က ပြောကြားသည်။
တစ်ချိန်တည်းတွင် တနင်္ဂနွေနေ့ မနက် (၆) နာရီမှ စ၍ နယ်စပ် မြန်မာ ဖက်ခြမ်းမှ ကျယ်လောင်သော ပေါက်ကွဲသံများ ထွက်ပေါ်လာခြင်းကို ချင်းမိုင်၊ မဲအိုက်မြို့နယ်မှ ကြားရသည် ဟုလည်း သတင်း ရရှိပါသည်။
မြန်မာ မျက်မြင် သက်သေများကို ကိုးကား၍ ချင်းမိုင် အခြေစိုက် ရှမ်းသံတော်ဆင့် သတင်းစာက သတင်း ထုတ်ပြန်ရာတွင် မြန်မာဖက်မှ အမှတ် ၆၄၂ ခဲယမ်းမီးကျောက် တပ်ဝင်းအတွင်း ရှိသော ခဲယမ်း မီးကျောက် ဂိုဒေါင် ၂ လုံး တနင်္ဂနွေနေ့ မနက်က ပေါက်ကွဲခဲ့ခြင်း ဖြစ်ပြီး တစ်နာရီ ကြာခန့် ဆက်တိုက် ပေါက်ကွဲခဲ့သည်ဟု ဆိုသည်။
ခဲယမ်းမီးကျောက် တပ်ရှိသော မိုင်းဆတ်မြို့သည် ချင်းမိုင် ခရိုင် မဲအိုက်နှင့် ကီလိုမီတာ ၅၀-၆၀ ခန့် ကွာဝေးသည်။
"လက်နက်တွေ သိုလှောင်ထားတဲ့ အဆောက်အဦတွေကို မီးတောက်တွေက ၀ါးမြို ပစ်လိုက်တယ်" ဟု မျက်မြင် သက်သေများက ပြောကြားကြောင်း သိရှိရသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.