Posts
The Christian Science Monitor, By Clayton Jones, 15th November 2010
မြန်မာ လူမျိုးတွေရဲ့ လွတ်မြောက်ရေး လမ်းကြောင်းမှာ ရယ်မောဖို့ လိုအပ်တယ် ဆိုတဲ့ ကိစ္စဟာ၊ ဟာသ တစ်ခု မဟုတ်ပါဘူး။
၁၉၈၈ ခုနှစ်မှာ စစ်အုပ်ချုပ်ရေးကို စတင် ဆန့်ကျင် ခဲ့ကြတဲ့ အချိန်က စပြီး နိုင်ငံရေး ဟာသတွေဟာ မြန်မာ ပြည်သူတွေ အတွက် မရှိမဖြစ် စိတ်အပန်းဖြေစရာ ထွက်ပေါက် တစ်ခု ဖြစ်လာခဲ့တာပါ။
ဒေါ်အောင်ဆန်း စုကြည်က ဒီနိုင်ငံရေး တိုက်ပွဲရဲ့ မျက်နှာစာ ဖြစ်လာခဲ့ချိန်မှာ နာမည်ကြီး လူရွှင်တော် ဇာဂနာက ဒီမိုကရေစီ ထောက်ခံတဲ့ ဆန္ဒပြပွဲတွေမှာ ပါဝင်ရင်း သူ့ရဲ့ ဇာဂနာ ဥာဏ်ရွှင်တဲ့ အတို့ အထိတွေနဲ့ ပြည်သူတွေကို အမှန်တကယ် ထိတွေ့ခဲ့တယ်။
သူရဲ့ ရယ်ရွှင်စရာ ကောင်းတဲ့ လက်သံ ပြောင်မှုကို သက်သေပြ စရာတောင် လိုမယ် မထင်ပါဘူး။
ဒေါ်အောင်ဆန်းစုကြည် ၁၈ လ နေအိမ် အကျယ်ချုပ်ကနေ စနေနေ့က လွတ်မြောက် လာချိန်မှာ မြန်မာနိုင်ငံရဲ့ ထိပ်တန်း လူရွှင်တော်ဟာ နှစ် ၃၀ ကျော် ထောင်ဒဏ်နဲ့ အတူ မြန်မာနိုင်ငံရဲ့ နာမည်ပျက် အကျဉ်းထောင်မှာ ထောင်ဒဏ် ကျခံနေရဆဲပါ။
ဇာဂနာဟာ တပ်မတော် အစိုးရက နားဂစ်စ် ဆိုက်ကလုံးသားကောင်တွေကို လုံလောက်တဲ့ ကယ်ဆယ် ကူညီမှု မပြုလုပ်ခဲ့တာကို ဝေဖန်ခဲ့ပြီး နောက်ပိုင်း ၂၀၀၈ ခုနှစ်မှာ ဖမ်းဆီးခြင်း ခံခဲ့ရပါတယ်။
၁၉၈၉ ခုနှစ်မှာ ဇာဂနာ ပထမဆုံး အကြိမ် ထောင်ကျပြီး တဲ့နောက် သူ့ကို အင်တာဗျူး လုပ်ဖို့ ကျွန်တော် ကြိုးစားခဲ့ပါတယ်။ ဒါပေမယ့် မလွယ်ကူပါဘူး။ အစိုးရက အနံ့ မခံမိအောင် သူက ပုန်းရှောင် နေတာကြောင့် သူ့ကို ရှာတွေ့ဖို့ အတွက် ရယ်စရာ ကောင်းလောက်အောင် ဖတ်ဖတ် မောခဲ့ရပါတယ်။
ရန်ကုန်မြို့က သူ့ရဲ့ နေအိမ်ကို ရောက်သွားပြီး တံခါးခေါက်လိုက်တဲ့ အချိန်မှာ အမှောင်ရိပ်ထဲက တစ်စုံ တစ်ယောက်က လေသံ ကလေးနဲ့ " ရွှတ်၊ သူ့ရဲ့ အဖေ အိမ်ကိုသွား" လို့ တိုးတိုးလေး ပြောပါတယ်။ ဒါကြောင့် ရန်ကုန်မြို့ တနံတလျားကို ဖြတ်ပြီး သူ့ရဲ့ အဖေအိမ်ကို လိုက်သွားခဲ့ပါတယ်။ စိတ်ချရတဲ့ အချိန် အတိုင်း အတာတစ်ခု ကျော်လွန် သွားတဲ့အခါ နောက်ဆုံးမှာတော့ ဇာဂနာက စိတ်လှုပ်ရှားစရာ ဝင်ရောက်လာပါတယ်။ သူက ပြုံးလိုက်ပြီးတော့ ဟာသတွေ ဖောက်တော့ တာပါပဲ။
သူဟာ ဗိုလ်ချုပ်ကြီးတွေကို ရယ်စရာ လုပ်ခဲ့တဲ့ အတွက် ထောင်ထဲမှာ ခြေထောက်ကနေ တွဲလောင်း ဆွဲခံရသလို နည်းပေါင်း များစွာနဲ့ နှိပ်စက် ခံနေရသူ ဖြစ်တယ် ဆိုတာ အားလုံး သိအောင် ပြောပြချင်ပါတယ်။ သူဟာ အချိန်ကျအောင် စောင့်ဆိုင်းနေတယ် ဆိုပေမယ့် ပြည်သူလူထုကို ပညာသား ပါတဲ့ ပြက်လုံးတွေနဲ့ တွေ့ထိဖို့ အခုချိန်ထိ အဆင်သင့် ရှိနေပါတယ်။
ဟာသ ပြက်လုံးတွေ အတွက် ဖမ်းဆီးခံရတဲ့ ဖြစ်ရပ်ဟာ မြန်မာ နိုင်ငံပြင်ပမှာ သူ့ကို ကျော်စော စေခဲ့ပါတယ်။ သူ့ရဲ့ ရဲရင့်မှု အတွက် လေးစားခဲ့ကြပါတယ်။ နယူးယောက် အခြေစိုက် Human Rights Watch အုပ်စုက သူ့အကြောင်းကို ဖော်ထုတ်ဖို့ စီစဉ်တဲ့အခါ သူနဲ့ သိတဲ့ အနောက် နိုင်ငံသား အနည်းငယ်ထဲက တစ်ယောက် ဖြစ်တဲ့ ကျွန်တော့်ကို သတင်း အချက်အလက် ရရှိဖို့ ဆက်သွယ် လာပါတယ်။
သူ့ရဲ့ ဟာသတွေဟာ မြန်မာဘာသာ စကားထဲက စကားလုံးမျာကို များစွာ ကစား ထားတာကြောင့် အင်္ဂလိပ် ဘာသာ ပြန်ဆိုဖို့ အခက်အခဲ ရှိပါတယ်။ ဘယ်လုိပဲဖြစ်ဖြစ်၊ သူ့ရဲ့ ဟာသတစ်ခုကို ကြည့်ရအောင်၊ သူ့ရဲ့ ပရိသတ်ကို သူက ဒီလို ပြောပါတယ်။ "ကျွန်တော်တို့ နိုင်ငံက ခေါင်းဆောင်တွေကို ကြည့်ချင်လို့ သတင်းစာမှာ ကြည့်တော့ ဝါးနေတယ်ဗျ" (မြန်မာစကားမှာ "ဝါးတယ်" ဆိုတဲ့ စကားလုံးဟာ မှုန်ဝါးနေတယ်လို့ အဓိပ္ပာယ် ထွက်သလို အဂတိ လိုက်စားပြီး ချမ်းသားနေတယ် ဆိုတဲ့ အဓိပ္ပာယ် ကိုလည်း ကောက်ယူလို့ ရပါတယ်။)
ဒီလောက်ဆို သူ့အကြောင်းကို အနည်းငယ် သိလောက်ပါပြီ။
ထောင်ထဲမှာ ကျန်နေတဲ့ နိုင်ငံရေး အကျဉ်းသား ၂၀၀၀ ကျော်ထဲမှာ ဇာဂနာဟာ လူသိ အများဆုံးနဲ့ ပြည်သူချစ်တဲ့ အနုပညာရှင် တစ်ဦး ဖြစ်ပါတယ်။ ဒေါ်အောင်ဆန်း စုကြည်ဟာ သူမ လွတ်မြောက် လာပြီးတဲ့ နောက်မှာ အတိုက်အခံ နိုင်ငံရေး အကျဉ်းသားတွေ အားလုံး လွတ်မြောက်ဖို့ အတွက် တောင်းဆိုပါလ်ိမ့်မယ်။
ဇာဂနာနဲ့ အခြားသူတွေ နောက်ဆုံး လွတ်မြောက် လာမယ့် အချိန်ဟာ တပ်မတော် လက်ဝါးကြီး အုပ်မှု အောက်ကနေ မြန်မာနိုင်ငံ စတင် ရုန်းထွက်ကာစ ဖြစ်ပါလိမ့်မယ်။ မြန်မာ လူမျိုးတွေ အတွက်ကတော့ သူတို့ရဲ့ နိုင်ငံရေး အခက်အခဲ၊ အကျပ်အတည်းနဲ့ ပတ်သက်တဲ့ သူတို့ရဲ့ ကိုယ်ပိုင် ဟာသတွေနဲ့ ရယ်မောနိုင်ကြဖို့ လိုအပ်နေဦးမှာပါ။ နောက်ဆုံးမှာတော့ စည်းလုံး ညီညွတ်မှုရဲ့ အကြီးမားဆုံး အရင်း အမြစ်ဟာ ရယ်မောခြင်းပဲ ဖြစ်ပါတယ်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.