Posts
(Jan 7 2011 ရက်စွဲပါ The Nation သတင်းစာမှ Roadshow to Burma glated for January 18 ကို ဘာသာ ပြန်ဆိုသည်။)
ထိုင်းနိုင်ငံ ကန်ချနာဘူရီ ပြည်နယ်နှင့် ဘေးချင်း ကပ်ရက်တွင် ရေနက်ဆိပ်ကမ်း ဆောက်လုပ်ရန် အဆိုပြုထားသည့် နေရာ ဖြစ်သော ထားဝယ်တွင် သံမဏိ စီမံကိန်းကြီး တစ်ခု ထူထောင်ရေးနှင့် ပတ်သက်၍ ဆွေးနွေးရန် အတွက် ထိုင်းစက်မှု ဝန်ကြီး ချိုင်ဝူတီဘန်နာဝမ်သည် ထိုင်းကိုယ်စားလှယ် အဖွဲ့ကို ဦးဆောင်ကာ မြန်မာနိုင်ငံသို့ ယခုလကုန် သွားရောက်မည် ဖြစ်သည်။
ချိုင်ဝူတီသည် နေပြည်တော်သို့ သွားရောက်မည် ဖြစ်ပြီး စက်မှု ဖွံ့ဖြိုး တိုးတက်ရေး ကဏ္ဍကို ကြီးကြပ်သူ မြန်မာ ဝန်ကြီးနှင့် တွေ့ဆုံမည်ဟု ဆိုသည်။ ၎င်းနှင့် လိုက်ပါ သွားမည့် ထိုင်း ရင်းနှီး မြှုပ်နှံသူများကမူ ရေနက် ဆိပ်ကမ်းနှင့် စက်မှုဇုံ တည်ဆောက်ရန် စီစဉ်ထားသည့် ထားဝယ်သို့ သွားရောက်ကြမည် ဖြစ်သည်။
အဆိုပါ သံမဏိ စီမံကိန်း ကဲ့သို့သော စက်မှုလုပ်ငန်း အချို့ကို မြန်မာနိုင်ငံသို့ ရွှေ့ပြောင်းနိုင်မည့် အလားအလာ ရှိပြီး နှစ်နိုင်ငံလုံးနှင့် သက်ဆိုင်သည့် ပူးတွဲ ရင်းနှီး မြှုပ်နှံမှု အစီအစဉ် အဖြစ် ဆောင်ရွက်မည်ဟု ချိုင်ဝူတီက ပြောကြားသည်။
"ရေနက် ဆိပ်ကမ်း နယ်မြေနဲ့ ကြီးမားတဲ့ စက်မှုဇုန် နယ်မြေမှာ ဘယ်လို ရင်းနှီးမြှုပ်နှံမှု အခွင့် အလမ်းတွေကို ရှာနိုင်မလဲ ဆိုတာကို ကျွန်တော်တို့ မြင်ရတော့မှာပါ။ အာဆီယံ စီးပွားရေး အသိုင်း အဝိုင်း သက်ဝင် လှုပ်ရှားလာတဲ့ အချိန်မှာ အာဆီယံဟာ တစ်မိုးထဲ အောက်ကို ရောက်သွားမှာ ဖြစ်ပြီး၊ ထိုင်းနိုင်ငံဟာ ရင်းနှီး မြှုပ်နှံမှု ဗဟို အချက်အချာ ဖြစ်လာနိုင်တယ်လို့ ကျွန်တော်တို့ ရှုမြင်ထားပါတယ်" ဟု ၎င်းက ဆိုသည်။
ရင်းနှီး မြှုပ်နှံမှု ဘုတ်အဖွဲ့၏ ပင်လယ်ရပ်ခြား တာဝန်ခံများနှင့် ယခု တစ်ပတ်တွင် တွေ့ဆုံ စည်းဝေးခဲ့သော ချိုင်ဝူတီက "ရင်းနှီးမြှုပ်နှံမှု ဘုတ်အဖွဲ့ BOI ၏ ကိုယ်စားလှယ် အဖွဲ့သစ်သည် ထိုင်းနိုင်ငံ၏ ပြည်ပတွင် ရင်းနှီး မြှုပ်နှံမှုများနှင့် ပြည်ပမှ ထိုင်းနိုင်ငံတွင် ရင်းနှီး မြှုပ်နှံမှုများကို မြှင့်တင် အားပေးရန် ဖြစ်သည်" ဟု ပြောကြားသည်။ ထိုင်းနိုင်ငံက ပစ်မှတ်ထားသော ပြည်ပ ရင်းနှီး မြှုပ်နှံသူများမှာ အမေရိကန် ပြည်ထောင်စု ဥရောပနှင့် ဂျပန် နိုင်ငံများမှ ဖြစ်ပြီး၊ တရုတ်နှင့် အိန္ဒိယကဲ့သို့ ပစ်မှတ်သစ် များထံမှလည်း မျှော်လင့်ထားသည်။
ယခုနှစ်တွင် ပြည်ပမှ လာရောက် မြှုပ်နှံမှု ဘတ်ငွေ ဘီလျံ ၄၀၀ အတွက် အထူး အခွင့် အရေးများ ပေးရန် လျှောက်လွှာများကို လက်ခံ ရရှိမည်ဟု ရင်းနှီး မြှုပ်နှံမှု ဘုတ်အဖွဲ့က မျှော်လင့်ထားသည်။ ၂၀၁၀ တွင် လက်ခံ ရရှိသော ရင်းနှီး မြှုပ်နှံမှု ဘတ်ငွေ ၄၄၇ ဘီလျံမှာ BOI ၏ မျှော်မှန်းချက် ဘတ်ငွေ ၅၀၀ ဘီလျံအောက် အနည်းငယ် လျော့နည်းခဲ့သည်။
ယင်းသို့ ကိန်းဂဏန်း ကျသွားသော်လည်း ထိုင်းနိုင်ငံသည် ယခင်နှစ်က ရင်းနှီး မြှုပ်နှံမှု၊ ချဲ့ထွင်နိုင်မှု အဆင့် သတ်မှတ်ချက် ဇယားတွင် ကမ္ဘာ့ အဆင့် ၁၅ ရှိခဲ့ပြီး အာရှ၌ တရုတ်၊ အိန္ဒိယ၊ ဟောင်ကောင်၊ စင်္ကာပူတို့၏ နောက်တွင် အဆင့် ၅ နေရာ၌ ရပ်တည်နိုင်ခဲ့သည်။
ရင်းနှီးမြှုပ်နှံမှုများကို ဖိတ်ခေါ် ဆွဲဆောင်ရာတွင် ထိုင်းနိုင်ငံ၏ အားသာချက် အချို့ကို ဥပမာပြရလျှင် ပထဝီ အနေအထား အခြေခံ အဆောက်အဦးနှင့် နွေးထွေးပျူငှာမှု တို့ဖြစ်သည်ဟု ချိုင်ဝူတီက ပြောကြားသည်။
သို့သော်လည်း တိုင်းပြည် ဆက်လက် ကြီးပွား တိုးတက်စေရန် အတွက် ထိုင်းနိုင်ငံသည် ကဏ္ဍများစွာတွင် တိုးတက်ရန် လိုအပ်နေပြီး အထူးသဖြင့် 3G ကိစ္စကဲ့သို့ ပဋိပက္ခများကို ရှောင်ရှားရန် အတွက် တိုင်းပြည်၏ နိုင်ငံရေး အခြေအနေနှင့် စည်းကမ်း ထိန်းသိမ်းမှု လုပ်ငန်းဘောင်တွင် တိုးတက်ရန် လိုအပ်သည်ဟု ၎င်းက ပြောဆိုသည်။
BOI တာဝန်ရှိသူများကိုလည်း နိုင်ငံခြားရေးနှင့် ကူးသန်း ရောင်းဝယ်ရေး ဝန်ကြီးဌာနများနှင့် နီးနီးကပ်ကပ် လက်တွဲ ဆောင်ရွက်ကြရန် တိုက်တွန်းထားသည်။ ၎င်းတို့သည် သဘာဝ ပတ်ဝန်းကျင် အကျိုးပြုသည့် ရာဘာ တန်ဖိုး မြှင့်ခြင်း ကဲ့သို့သော တန်ဖိုး ကွင်းဆက် ရင်းနှီး မြှုပ်နှံမှုများ အတွက် အထူး အခွင့်အရေးများ ပေးမည် ဖြစ်ကြောင်း ကမ်းလှမ်း ကြရမည်ဟု ဝန်ကြီး ချိုင်ဝူတီက ပြောကြားသည်။
ထိုင်းနိုင်ငံ၏ BOI သည် အိန္ဒိယမှ စီးထွက်လာမည့် အိန္ဒိယသို့ စီးဝင်လာမည့် ရင်းနှီး မြှုပ်နှံမှုများကို လွယ်ကူ ချောမွေ့စေရန် အတွက် မွန်ဘိုင်းတွင်လည်း ရုံးသစ် ဖွင့်လှစ်ရန် စီစဉ်နေသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.