Posts
အကျပ်အတည်းနှင့် ကြုံတွေ့နေရသည်မှာ မမှန်ကန်ပာု ကမ္ဘောဇဘဏ် ငြင်းဆို
ဖေဖော်ဝါရီ ၂၆
မြန်မာနိုင်ငံ၏ ပုဂ္ဂလိကဘဏ်ကြီးတစ်ခုဖြစ်သည့် ကမ္ဘောဇဘဏ်သည် ဖေဖော်ဝါရီ တတိယပတ်အတွင်းက ထွက်ပေါ်ခဲ့သည့် ကမ္ဘောဇဘဏ်သည် အကျပ်အတည်းနှင့် ကြုံတွေ့နေရကြောင်း သတင်းများမှာ မမှန်ကန်ကြောင်း ကောလပာလ သတင်းများသာဖြစ်ကြောင်း ကမ္ဘောဇဘဏ်မှ ပြောရေးဆိုခွင့်ရှိသူတစ်ဦးက ပြောကြား ခဲ့သည်။
ကမ္ဘောဇဘဏ်အကြီးအကဲ ဦးအောင်ကိုဝင်းနှင့် ပတ်သတ်၍သတင်းများထွက်ပေါ်နေခြင်း ဖြစ်သော်လည်း ထို သတင်းများမှာ မှန်ကန်မှုမရှိကြောင်းနှင့် ဦးအောင်ကိုဝင်းမှာ ပြီးခဲ့သည့်ရက်ပိုင်းအတွင်း၌ ဒုတိယကာကွယ်ရေးဦးစီးချုပ် ဗိုလ်ချုပ်ကြီးမောင်အေးနှင့် ခရီးစဉ်သို့ လိုက်ပါသွားခဲ့ကြောင်းသိရသည်။
ကမ္ဘောဇဘဏ် ကောလပာလ မထွက်ပေါ်မီ CBဘဏ်အား အရင်ကောလပာလ ထွက်ပေါ်ခဲ့ခြင်းဖြစ်ကြောင်း၊ ဘဏ်ကြီး၌ အကြွေးတွေဝိုင်းနေသည်ပာု ကောလပာလမမှန်ကန် သတင်းများထွက်ပေါ်ခဲ့ခြင်းဖြစ်ကြောင်းနှင့် ယခုကဲ့သို့ ကောလပာလသတင်းများကို မယုံကြည်ကြရန် CB ဘဏ်ရှိ လက်ရှိတာဝန်ထမ်းဆောင်လျက်ရှိသော တာဝန် ရှိသူတစ်ဦးက ပြောကြားခဲ့သည်။
---------------------------------------------------------------------------------------------------------------------------------------------------------------------------------
လက်ထောက်စုံစမ်းစစ်ဆေးရေးမှူးရာထူးအတွက် လျှောက်ထားသူ သောင်းကျော်ခန့်ရှိ
ရန်ကုန်၊ ဖေဖော်ဝါရီ ၂၅။
ပြည်ထဲရေးဝန်ကြီးဌာနလက်အောက်ရှိ အထူးစုံစမ်းစစ်ဆေးရေး ဦးစီးဌာန( BSI)က ဝန်ထမ်းအသစ်များ ခေါ်ယူခဲ့ရာ လျှောက်ထားသူအရေအတွက်မှာ ဖောင်ပိတ်ရက်(၂၅.၂.၂၀၁၁)တွင် သောင်းကျော်ရှိနေကြောင်း သွားရောက်လျှောက်ထားခဲ့သူအချို့နှင့် ယင်းဌာနနှင့် နှီးစပ်သူများထံမှ စုံစမ်းသိရှိရသည်။
ကိုယ်တိုင်သွားရောက်လျှောက်ထားသူ ကိုနောင်(အမည်လွှဲ)က " ကျွန်တော် ဒီနေ့ဖောင်သွားတင်လာတာ။ ကျွန်တော့် ဖောင်နံပါတ်စဉ်က ခြောက်ထောင်ကျော်နေပြီ။ ဒီဖောင်ကိုတောင် လွန်ခဲ့တဲ့တစ်ပါတ်ကျော်က ဝယ်ထားတာ။ ဒီနေ့ ပိတ်ရက်မှာ တချို့လူတွေဖောင်ကိုကြည့်တော့ အမှတ်စဉ် တစ်သောင်းကျော်တာတွေတောင် တွေ့ရတယ်။ ခေါ်မှာက တော့ ရာဂဏန်းလောက်ပဲလို့ ပြောတယ်။ ကျွန်တော်လဲ လိုက်ရဦးမှာပေါ့ဗျာ" ဟု ပြောကြားသည်။
လျှောက်လွှာတစ်စောင်လျှင် ကျပ်၁၀၀၀ဖြင့် ဆိပ်ကမ်းသာလမ်းရှိ ၄င်းရုံးတွင် ဝယ်ယူရကြောင်း၊ လျှောက်လွှာနှင့်အတူ ဓါတ်ပုံသုံးပုံ၊ ရဲရပ်ကွက်ထောက်ခံစာ၊ မှတ်ပုံတင်မိတ္တူ၊ လေဘာကဒ်မိတ္တူ၊ ကျန်းမာရေးထောက်ခံစာ၊ အောင်လက်မှတ်မိတ္တူများအား ပူးတွဲတင်ပြရကြောင်း၊ တက္ကသိုလ်ဝင်တန်း အောင်မြင်ပြီး အသက် ၁၈မှ ၂၅နှစ်အထိ မျက်မှန်တပ်ဆင်ထားခြင်းမရှိသော အမျိုးသားများသာ လျှောက်ထားနိုင်ကြောင်း၊ ပဏာမရွေးချယ်ခံရသူများကိုသာ နေပြည်တော်၌ ရေးဖြေ စာမေးပွဲဝင်ခွင့်ပြုမည်ဖြစ်ကြောင်း၊ ရေးဖြေတွင် အင်္ဂလိပ်စာ၊ သင်္ချာနှင့် အထွေထွေ ဗဟုသုတများ ပါဝင်မည်ဖြစ်ကြောင်း၊ ဝင်ခွင့်ကြိုတင်ပြင်ဆင်မှု သင်တန်းများကို ရန်ကုန်မြို့ နေရာ အတော်များများတွင် တက်ရောက်နိုင်ကြောင်း၊ လက်ထောက် စုံစမ်းစစ်ဆေးရေးမှုရာထူး(လစာ-ငါးသောင်းစကေး)ဖြင့် စတင်ခန့်ထားမည်ဖြစ်ကြောင်း ၄င်းတို့ထံမှ စုံစမ်းသိရှိရသည်။
ယင်းဌာန၏ ဝန်ထမ်းသစ်ခေါ်ယူမှုမှာ တပ်မတော်ထောက်လှမ်းရေး ဖြိုခွဲခံရပြီးနောက်ပိုင်း ယခုအကြိမ်သည် ခေါ်ယူမှု အများဆုံးဖြစ်ကြောင်း၊ ဝန်ထမ်းခေါ်ယူမှုများမှာ လက်ရှိတာဝန်ထမ်းဆောင်နေသူများနှင့် နီးစပ်သူများကိုသာ ခေါ်ယူလေ့ရှိကြောင်း၊ ယခုကဲ့သို့ အများအပြားခေါ်ယူမှုမှာ နယ်ဘက်ထောက်လှမ်းရေး သြဇာကို မြှင့်တင်လိုသည့် သဘောဖြစ်ကြောင်း ယင်းဌာနနှင့် နှီးစပ်သူများထံမှ စုံစမ်းသိရှိရသည်။
ထိုနည်းတူ နယ်ဘက်ထောက်လှမ်းရေးဆိုင်ရာ ရာထူးအချို့ခေါ်ယူမှုရှိနေကြောင်း၊ ယင်းနေရာများမှာ ထောက်လှမ်းရေးအရာရှိများနှင့် နီးစပ်သူများကိုသာခေါ်ယူပြီး ဘွဲ့ရအမျိုးသမီးများကိုပါ ခေါ်ယူကြောင်း၊ ဖေဖော်ဝါရီ ၂၈ နှင့် မတ်လ ပထမပါတ်တွင် နေပြည်တော်၌ ဝင်ခွင့်စာမေးပွဲဖြေဆိုရမည်ဖြစ်ကြောင်း ထောက်လှမ်းရေး အသိုင်းအဝိုင်းနှင့် နီးစပ်သူအချို့ထံမှ စုံစမ်းသိရှိရသည်။
မကြာသေးမီကလည်း ရပ်ကွက်များတွင် တွဲဖက်ထားသော စစ်ထောက်လှမ်းရေး(စ.ရ.ဖ) များနေရာတွင် အထူးရဲ (S.B) များဖြင့် အစားထိုးခဲ့ကြောင်း သတင်းများထွက်ပေါ်ခဲ့သည်။
-----------------------------------------------------------------------------------------------------------------------------------------------------------------------------
စီးပွားရေးရင်းနှီးမြှုပ်နှံမှုများကြောင့် ထားဝယ်ရေနက်ဆိပ်ကမ်း မြေဈေးအဆမတန်တတ်
နိုင်ငံတော်မှ လုပ်ကိုင်လျှက်ရှိသည့် ထားဝယ်ရေနက်ဆိပ်ကမ်း စီမံကိန်းများကြောင့် ထားဝယ်မြို့ပေါ်ရှိ အိမ်ခြံမြေ နှင့် မြေယာဈေးနှုန်းများအဆမတန် တတ်သွားကြောင်း သိရသည်။
ယခင် မြေအနေအထားကောင်းသည့် သိန်းတစ်ထောင်တန် အိမ်ခြံမြေဈေးနှုန်းမှာ ထားဝယ်ရေနက်ဆိပ်ကမ်း စတင်လုပ်ကိုင်မည်ပာု ကြေညာသည့်အချိန်မှစ၍ သိန်းနှစ်ထောင်ထိ ဖြစ်သွားကြောင်း ကြားသိရသည်။ ထားဝယ်ရေနက်ဆိပ်ကမ်း လုပ်ကိုင်သည့်အချိန်တွင် ၎င်းသိန်းနှစ်ထောင်တန်မြေကွက် ဈေးနှုန်းမှာ ကျပ်သိန်းသုံး ထောင်အထိ ထိုးတတ်သွားကြောင်း သိရသည်။
သို့သော်၎င်း မြေကွက်များကို တောင်ကြီး၊ လားရှိုး၊ မြစ်ကြီးနား၊ မိုးကုတ်၊ မူဆယ် (၁၀၅) မိုင်တို့မှ ကုန်သည် များနှင့် စီးပွားရေးလုပ်ငန်းရှင်များမှ အများဆုံးလာရောက်ဝယ်ယူလျှက်ရှိပါသည်။ ထူးခြားချက်အနေနှင့် မြေကွက်များ ဝယ်ယူသူများမှာ တရုတ်စီးပွားရေးလုပ်ငန်းရှင်အများစုဖြစ်ပြီး မြန်မာလုပ်ငန်းရှင် အနည်းစုသာ မြေကွက်များ ဝယ်ယူခဲ့ကြောင်း သိရသည်။
-----------------------------------------------------------------------------------------------------------------------------------------------------------------------------------------------------------
သီရိမင်္ဂလာဈေးသစ်တွင် တည်းခိုခန်းဖွင့်မည်
ရန်ကုန်၊ ဖေဖော်ဝါရီ ၂၅။
သီရိမင်္ဂလာဈေးသစ်ဝင်းရှိ ဂိုထောင်ဟောင်းများဘေး သစ်သီးနှင့် စားသောက်ဆိုင်တန်းများ၏ မျက်နှာချင်းဆိုင် ယာယီပန်းအရောင်းဆိုင်များ၏နောက်တွင် တည်းခိုခန်းတစ်ခု ဆောက်လုပ်မည်ဖြစ်ကြောင်း ယင်းဈေးသူဈေးသားများထံမှ သိရှိရသည်။
"အဆောက်အဦးက အုတ်မြစ်ချတဲ့လုပ်ငန်းတွေ လုပ်နေပြီ။ တည်းခိုခန်းဆောက်မယ်လို့ ပြောတယ်။ သုံးထပ်လို့ ကြားတယ်။ ဘယ်ကုမ္ပဏီ၊ ဘယ်အဖွဲ့ကလုပ်တာလဲတော့ မသိရဘူး။ အိမ်သာခတောင် နှစ်ရာဖြစ်နေလို့ လူတွေက ညဆို တောထိုင်(လမ်းဘေးတွင် အခင်းကြီး၊အခင်းငယ်သွားခြင်း) နေကြတာ။ ဒီတည်းခိုခန်း ဘယ်သူတွေလာတည်းမလဲတော့ မသိဘူး။ ဈေးဟောင်းလို ညစားကျက် လုပ်မယ်ဆိုရင်တော့ မသိဘူးပေါ့လေ" ဟု သစ်သီးပွဲရုံပိုင်ရှင်တစ်ဦးက ပြောကြားသည်။
သီရိမင်္ဂလာဈေးကို လက်ရှိနေရာ (လှိုင်မြို့နယ်၊ပိတောက်ချောင်း)သို့ ဒီဇင်ဘာလအတွင်းက အခြေခံ ဆောက် လုပ်ရေး လုပ်ငန်းများ မပြီးပြတ်သေးမီတွင် ပြောင်းရွှေ့ခဲ့ပြီး ဈေးသစ်တွင် အထွေထွေကုန်ကျစားရိတ်၊ အလုပ်သမားခ၊ သယ်ယူစားရိတ်၊ နေထိုင်စားရိတ်၊ အခွန်အခများမှာ ဈေးဟောင်းထက် ကြီးမြင့်နေသည့်အပြင် အရောင်းအဝယ် ပမာဏမှာလည်း ဈေးဟောင်းနှင့်စာလျှင် ငါးဆယ်ရာခိုင်နှုန်းခန့် ကျဆင်းနေကြောင်း ဈေးဆိုင်ရှင်များက ပြောဆိုကြသည်။
"ကုန်စိမ်း(ဥပမာ-ဂေါ်ဖီထုတ်၊ မုန်လာထုတ်) တို့ဆို နယ်အမှာတောင် လျှော့ထားရတယ်။ ဒီမှာက အစားသမား (နေ့စဉ်အိမ်ဈေးဝယ်သမားများ)လည်း ဈေးဟောင်းလောက်မလာဘူးဆိုတော့ အရောင်းအဝယ်အများကြီး ထိခိုက်တယ်။ သယ်ဆောင်စရိတ်ကလည်း အရင်က ပျမ်းမျှ ဂေါ်ဖီတစ်တောင်းကို ကျပ်၁၀၀ ပေးရတာက အခုဆို ကျပ်၅၀၀လောက်အထိ နေရာအလိုက်ပေးနေရတယ်" ဟု ကုန်စိမ်းအရောင်းဆိုင်ရှင် ကိုထွန်းအောင်(အမည်လွှဲ)က ပြောကြားသည်။
The CJs News
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.