Transparency Myanmar

transparency.myanmar@gmail.com

yangonchronicle 2011
yangonchronicle 2011

၂.၅.၂၀၁၁

ဘာသာပြန်သတင်းများ - ၁

တရုတ်-မြန်မာ နယ်စပ်ဖြတ်ကျော် ရထားလမ်းဖောက်လုပ်မည်

(The Peninsula News မှသတင်းကို ဘာသာပြန်ဆိုသည်)

တရုတ်နိုင်ငံ အနောက်တောင်ပိုင်းဒေသကို အိန္ဒိယသမုဒ္ဒရာနှင့် ဆက်သွယ်ပေးမည့် မီးရထားလမ်း ဖောက်လုပ်ရန် မြန်မာနှင့် တရုတ်တို့ သဘောတူညီလိုက်ပြီ ဖြစ်ကြောင်း အစိုးရအရာရှိကြီးများနှင့် ပြည်တွင်း မီဒီယာများက ဆိုသည်။

အဆိုပါ မီးရထားလမ်းကို လာမည့်သုံးနှစ်အတွင်း အဆင့်ငါးဆင့်ဖြင့် ဖောက်လုပ်သွားမည်ဖြစ်ပြီး ရထားလမ်း စုစုပေါင်းအရှည်မှာ ၁၂၁၅ ကီလို မီတာ(၇၅၅မိုင်) ရှိမည်ဖြစ်ကြောင်း၊ ရထားလမ်းသည် မြန်မာနိုင်ငံ အနောက်ပိုင်း၊ ရခိုင်ပြည်နယ်၊ ကျောက်ဖြူ ရေနက်ဆိပ်ကမ်းနှင့် တရုတ်နိုင်ငံ၊ ယူနန် ပြည်နယ်တို့ကို ဆက်သွယ်မည်ဖြစ်ကြောင်း မီးရထား ပို့ဆောင်ရေးဝန်ကြီးဌာနမှ စီနီယာ အရာရှိကြီးတစ်ဦးက ဆိုသည်။

"အဲဒီစီမံကိန်းကြီးထဲမှာ မီးရထားလမ်းနဲ့ ပြိုင်တူ အဝေးပြေး ကားလမ်း ဖောက်လုပ်မယ့် အစီအစဉ်လည်း ပါဝင်ပါတယ်" ဟု အမည်မဖော်လိုသူ အဆိုပါ အရာရှိကြီးက ဆိုသည်။  အဆိုပါ မီးရထားလမ်းနှင့် မော်တော်ကားလမ်း တို့ကို လက်ရှိ တရုတ်နှင့်မြန်မာအကြား သွယ်တန်း ဖောက်လုပ် နေသည့် စွမ်းအင်ပိုက်လိုင်းနှစ်ခုနှင့် ပြိုင်တူ ဖောက်လုပ်သွားမည် ဖြစ်သည်။ လက်ရှိ ဖောက်လုပ်နေသည့် ရေနံနှင့် သဘာဝဓာတ်ငွေ့ ပိုက်လိုင်း နှစ်ခု ပြီးစီးသွားပါက နှစ်စဉ် တရုတ်နိုင်ငံသို့ ရေနံစိမ်းတန်ချိန် ၁၂ သန်း နှင့် သဘာဝဓာတ်ငွေ့ ကုဗမီတာ ၁၂ ဘီလီယံ တင်ပို့နိုင်မည်ဖြစ်သည်။

မီးရထားလမ်းဖောက်လုပ်သည့် စီမံကိန်းသည် တရုတ်နိုင်ငံ အနောက်တောင်ပိုင်းနှင့် အာရှ အိမ်နီးချင်းနိုင်ငံများ အကြား မီးရထားလမ်း၊ မော်တော်ကားလမ်း၊ လျှပ်စစ်ဓာတ်အားပေး လိုင်းများဖြင့် ဆက်သွယ်နိုင်ရေး ဟူသည့် ကွန်ယက် စီမံကိန်းကြီးတစ်ခု၏ တစ်စိတ်တစ်ပိုင်းလည်း ဖြစ် သည်။ ယင်းကွန်ယက် စီမံကိန်းကြီးတွင် တယ်လီ ဆက်သွယ်ရေး ကွန်ယက် ဖွဲ့ခြင်း၊ ရေနံနှင့် သဘာဝဓာတ်ငွေ့ ပိုက်လိုင်းသွယ်ခြင်း၊ ရေနက် ဆိပ်ကမ်း များ ဖောက်လုပ်ခြင်း တို့လည်း ပါဝင်သည်။

တရုတ်နိုင်ငံသည် မြန်မာ၏ လွန်စွာရင်းနှီးသော နိုင်ငံရေး မိတ်ဖက်နိုင်ငံကြီးတစ်ခုဖြစ်သလို မြန်မာနိုင်ငံတွင်း စွမ်းအင်နှင့် အခြေခံအဆောက် အအုံများ တည်ဆောက်ပေးခြင်းဆိုင်ရာ စီမံကိန်းကြီးများကို ဝင်ရောက်လုပ်ကိုင်ပြီး ဧရာမ ရင်းနှီးမြှုပ်နှံသည့်နိုင်ငံဖြစ်လာရန်တာစူနေပြီဖြစ်သည်။

ယင်းစီမံကိန်းများကို လတ်ရှိအနေအထားတွင် အကောင်အထည်ဖော်လျက် ရှိပြီး လာမည့်ငါးနှစ်အတွင်း အပြီးသတ်ရန်လည်း စီစဉ်ထားသည်။ တရုတ်နိုင်ငံသည် မြန်မာနှင့် စီးပွားရေး ပူးပေါင်းဆောင်ရွက်မှုများ ပြုလုပ်ပြီး ကုန်သွယ်ရေးကို နီးနီးကပ်ကပ် လုပ်ကိုင်ခွင့် ရရှိနေခြင်းအပေါ် များစွာ အာသီသတွေ့လျက် ရှိသည်။ ယင်းသို့ လုပ်ကိုင်ရာ တွင်လည်း တရုတ်အတွက် ပြိုင်ဘက် လွန်စွာ နည်းပါးသည်။ အကြောင်းမှာ မြန်မာနိုင်ငံသည် အနောက်ကမ္ဘာ၏ စီးပွားရေးပိတ်ဆို့မှုများ ရင်ဆိုင်နေရသောကြောင့်ဖြစ်သည်။ ယူနန်ပြည်နယ်နှင့် မြန်မာနယ်စပ်ဒေသ ကုန်သွယ်ရေးမှာ လတ်တလော နှစ်များအတွင်း လွန်စွာ မြင့်တက်ခဲ့ပြီ ဖြစ်သည်။

****************************************************************************************************************

မြန်မာ-ဘင်္ဂလားဒေ့ရှ် စစ်ဘက်ပူးပေါင်းဆောင်ရွက်ရန် သဘောတူ

(ABC Radio Australia မှသတင်းကိုဘာသာပြန်ဆိုသည်)

မြန်မာနှင့် ဘင်္ဂလားဒေ့ရှ် အပြန်အလှန် ဆက်ဆံရေးမြှင့်တင်ရန် နှင့် စစ်ဘက် အပါအဝင် ပူးပေါင်း ဆောင်ရွက်များ ပိုမိုလုပ်ကိုင်ရန် နှစ်နိုင်ငံ အစိုးရတို့ သဘောတူညီလိုက်ပြီ ဖြစ်ကြောင်း ABC ရေဒီယို သတင်းဌာနက ဆိုသည်။

မြန်မာနိုင်ငံ၊ တပ်မတော်ကာကွယ်ရေးဦးစီးချုပ်(လေ) ဒုတိယဗိုလ်ချုပ်ကြီး မြတ်ဟိန်းသည် ဧပြီလ နောက်ဆုံးပတ် တွင် ဘင်္ဂလားဒေ့ရှ် နိုင်ငံ သမ္မတ Zillur Rahman နှင့် ခြောက်ရက်တာ အလည်အပတ်ခရီးစဉ်အတွင်း တွေ့ဆုံဆွေးနွေးမှု ပြုလုပ်ခဲ့သည်။

Narinjara သတင်းဌာနအဆိုအရ အဆိုပါခရီးစဉ်သည် ၂၀၀၈ ခုနှစ်၊ နှစ်နိုင်ငံရေပိုင်နက်ကိစ္စ အငြင်းပွားမှု ဖြစ်ပေါ်ပြီး နောက်ပိုင်း မြန်မာ ထိပ်ပိုင်း အဆင့်မြင့်အရာရှိတစ်ဦး ဘင်္ဂလားဒေ့ရ်ှသို့ ပထမဆုံး လာရောက်လည်ပတ်မှု တစ်ရပ် ဖြစ်သည်ဟု ဆိုသည်။ တွေ့ဆုံဆွေးနွေးရာတွင် ဘင်္ဂလား ဒေ့ရှ် သမ္မတ Rahman က နှစ်နိုင်ငံ စစ်ဘက်ဆက်ဆံ ရေးကို မြှင့်တင်ရန် စိတ်ဝင်စားကြောင်း ပြောသည်။

မြန်မာ တပ်မတော်ကာကွယ်ရေးဦးစီးချုပ်(လေ)က အနာဂတ်ကာလတွင် ဘင်္ဂလားဒေ့ရ်ှသို့ မြန်မာတပ်ဖွဲ့များ စေလွှတ်ကာ စစ်သင်တန်း တက်ရောက် စေလိုကြောင်း ပြောကြားသည်။

***************************************************************************************************************

အမေရိကန်လူ့အခွင့်အရေးဖိအားပေးမှုများ အောင်မြင်မှုရှိမည်မဟုတ်ဟု တရုတ)