Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၎.၇.၂၀၁၂

ဆောင်းပါးကဏ္ဍ

  1. ပြုပြင်ပြောင်းလဲရေး

*****************************************

ဆောင်းပါးကဏ္ဍ

ပြုပြင်ပြောင်းလဲရေး

ဒေါက်တာနေဇင်လတ်

(ဇူလိုင်လ (၄)ရက်နေ့ထုတ် ရန်ကုန်တိုင်းမ်ဂျာနယ် အတွဲ(၈)၊ အမှတ်(၂၅)မှ ထုတ်ယူခြင်းဖြစ်သည်။)

မကြာသေးမီသော ရက်ပိုင်းအတွင်းက သမ္မတကြီးမှ အထွေထွေပြုပြင်ပြောင်းလဲရေး (General Refrom) နှင့် ပတ်သက်၍ ဒုတိယအဆင့်သို့ တက်လှမ်းရန် လမ်းညွှန်ခဲ့ပြီးဖြစ်သည်။ ဒုသမ္မတမှလည်း ထပ်ဆင့် ရှင်းလင်းညွှန်ကြားခဲ့ပါသည်။ နိုင်ငံတစ်ခု၏ ပြုပြင်ပြောင်းလဲမှုသည် အခြေခံအားဖြင့် နိုင်ငံရေးစနစ်ပေါ်တွင် မူတည်သည်ဖြစ်ရာ အကျပ်အတည်းတစ်စုံတစ်ရာရှိခဲ့သော မြန်မာ့နိုင်ငံရေးအခြေအနေကို များစွာ အားထုတ်ကြိုးစား၍ စွန့်စားမှုများယူကာ သမ္မတကြီးက အကျပ်အတည်းအခြေအနေမှ ထွက်ပေါက်ဖွင့်ပေးခဲ့သည်။ အကျပ်အတည်းအခြေအနေတွင် မည်သူက စွန့်စားမှုကိုရ ယူပါသလဲဟူသော မေးခွန်းကို သတိထားမိနိုင်ကြသူတချို့သာ ရှိနိုင်ပါသည်။ စွန့်စားမှုကို သမ္မတကြီးမှသာ ရဲရဲရင့်ရင့်ယူသွားခဲ့ပါသည်။ ပါတီများမှာ စွန့်စားမှုရှိခဲ့သည် မဟုတ်ပါ။ ပြေလျော့မှုများ မဆောင်ရွက်တတ်ပါက အကျိုးရလဒ်ကို ပြေလျော့သူကသာ ရယူတက်ကြရလေ့ရှိသည်။ ပြေလျော့ခံရသူ များက အခွင့်အလမ်းကိုသာ ရကြသူများဖြစ်ပါ၏။

နောက်ကြောင်းပြန်-မပြန် ဝိဝါဒ

အချို့ကလည်း နောက်ကြောင်းပြန်မှာ စိုးရိမ်ကြသည်။ စိတ်မချရသေးဟုလည်း ဆိုကြသည်။ နောက်ကြောင်းမပြန်ပါဟု ဆိုကြသည့်အပေါ် အကောင်းမြင်လွန်းသည်ဟု ဝေဖန်သည်ကိုလည်း ဖတ်ရ၊ ကြားရပါသည်။ ယခင်ရေးခဲ့သော ဆောင်းပါးများတွင် ပေးခဲ့သည့်ဥပမာနှင့်ဆိုရလျှင် ယခုအ ချိန်သည် “ထိမ်းမြားလက်ထက်ပြီးစီး”သည့်အခြေအနေ ဖြစ်ပါသည်။ နောက်ကြောင်းမပြန်လို၍ ဤအခြေအနေရောက်လာခြင်းဖြစ် သည်ကိုသတိရမိကြ ရန် လိုပါသည်။ နားလည်မှုထားနိုင်ကြရန် လိုပါသည်။ တစ်ဖက်ဖက်က အချိန်တိုင်းအပေးအယူမမျှဘဲ ဖြစ်နေခဲ့ပါလျှင်မူ အိမ်ထောင်သက်များစွာ ရခဲ့ပြီး သည့် အိမ်ထောင်များတွင်မှာလည်း ကွဲကြပြဲကြသည့် သဘောသဘာဝမျိုး ရှိတတ်ပါသည်။ ဤအခြေအနေမှတစ်ပါး မြော်မြင်မှုရှိကြပါလျှင် နောက် ကြောင်းပြန်စရာတို့ကို ဘာမှတွေ့ရသည်မဟုတ်ပေ။ ဒီမိုကရေစီလမ်းကြောင်းကို သွားလို၍  တပ်မတော်သားအစိုးရမှ အရပ်သားအစိုးရသို့ အသွင်ကူး ပြောင်းပြီးပြီလည်းဖြစ်၍ တပ်မတော်သည်လည်း သူ့ကဏ္ဍအတွင်း၌သာ ရှိနေပါသည်။ တပ်မတော် ကာကွယ်ရေးဦးစီးချုပ်သည်လည်း ဖွဲ့စည်းပုံအခြေခံ ဥပဒေကို လိုက်နာပါမည်ဟု ဖွင့်ဟပြီးဖြစ်ပါသည်။ ထို့ကြောင့် နောက်ကြောင်းပြန်ရန် မဖြစ်နိုင်ပါဟု ရေးခဲ့ခြင်းဖြစ်ပါသည်။ အရေးကြီးသည်က ဖြစ်ပေါ် လာသော နိုင်ငံရေးအခင်းအကျင်းသစ်တွင် တာဝန်ရှိသော နိုင်ငံရေးပါတီများမှာ မဟာဗျူဟာအမြင်များ တူညီစွာထားရှိကာ အချင်းချင်း နားလည်မှုရှိကြ ရန်၊ မြော်မြင်နိုင်ကြရန်သာ အရေးကြီးပါသည်။ အတိတ်သင်ခန်းစာကို ရယူနိုင်ကြရန်သာ အရေးကြီးပါသည်။

ကဏ္ဍတိုင်းပြုပြင်ပြောင်းလဲရေး

Public Centered ဟူသော ပြည်သူ့အခြေပြုရည်မှန်းချက်ဖြင့် ဆောင်ရွက်ရန် သမ္မတကြီးမှ လမ်းညွှန်ထားခဲ့ပါသည်။ အစိုးရနှင့် ဗျူရိုကရေစီ ယန္တရားသည် ပြည်သူတို့အား မိဘသဖွယ်ခံယူကာ အလုပ်အကျွေးပြုရမည့် သဘောဖြစ်ပါ၏။ ဤလမ်းညွှန်ချက်ကပင် အခြေခံကျကာ အရေးကြီးဆုံးများ ထဲမှ တစ်ခုဖြစ်ပါ၏။ ဤစိတ်မျိုး Mindset ကိုပါ ပြောင်းလဲနိုင်ပါမှ လုပ်နည်းလုပ်ဟန်များကို ပြောင်းလဲနိုင်မည်ဖြစ်ပါ၏။

ပြုပြင်ပြောင်းလဲရေး လုပ်ငန်းစဉ်များတွင် ထိပ်ဆုံးရှိ အရေးကြီးဆုံးမှာ နိုင်ငံရေးဝန်းကျင်ပြောင်းလဲခြင်း Changing On Political Environment ဖြစ်ပါ၏။ စစ်ဘက်အစိုးရမှ အရပ်သားအစိုးရ၊ ၎င်းမှတစ်ဖန် ပါတီစုံနိုင်ငံရေးဝန်းကျင်သို့ ပြောင်းလဲခြင်းဖြစ်သည်။ ဤအပြောင်းအလဲတွင် ကျွမ်းကျင်မှု အောင်မြင်မှု၊ ဟန်ချက်ထိန်းသိမ်းနိုင်မှုများ မရှိပါက ပရမ်းပတာ Chaos ဖြစ်နိုင်ပြီးနောက် နောက်ကြောင်းပြန်လှည့်သွားနိုင်သည်။ ယခုအခါ အဓိက အတိုက်အခံပါတီနှင့် အခြားပါတီစုံများ လွှတ်တော်ထဲ ချောမွေ့စွာရောက်ရှိလာခဲ့ပြီဖြစ်၍ တည်ငြိမ်စွာ ပြုပြင်ပြောင်းလဲမှုတို့ကို သမ္မတကြီးမှ ကောင်းစွာ ဆောင်ရွက်နိုင်ခဲ့ပြီးဖြစ်သည်ဟု ကောက်ချက်ချနိုင်ပါသည်။

နိုင်ငံရေးပတ်ဝန်းကျင် တည်ငြိမ်မှုရလာသောအခါ အလေ့အကျင့်ကောင်းများကို ကျင့်သုံးပြီး စီးပွားရေးဖွံ့ဖြိုးတိုးတက်မှုတို့ကို ဆောင်ရွက်ရပါ သည်။ တတိယနိုင်ငံများ၏ အကူးအပြာင်းတွင် ဆန့်ကျင်ဘက်ယဉ်ကျေးမှုသို့ ကူးပြောင်းကြမည်ဖြစ်၍ ဗျူရိုကရေစီယန္တရား၏ လိုက်ပါနိုင်မှုက ဒုတိယ အခက်အခဲဆုံးဖြစ်ပါ၏။ နိုင်ငံပတ်ဝန်းကျင်ကောင်းသို့ ကူးပြောင်းရာတွင် တာဝန်ရှိသူတို့က စွန့်စားမှုကို ရယူခဲ့ကြရသော်လည်း နိုင်ငံ၏ စီးပွားရေးဖွံ့ဖြိုး တိုးတက်မှုအတွက် စနစ်ကောင်းကို တည်ဆောက်ကြရာတွင်  ဗျူရိုကရေစီယန္တရားကို တစ်စုံတစ်ရာ ကြာညောင်းတတ်ပါသည်။ တစ်သက်လုံး ဖက်တွယ် ထားသော ယဉ်ကျေးမှုအဟောင်းကို ရုတ်တရတ် မစွန့်နိုင်သေးသူများ၊ အကျိုးစီးပွားကြောင့် မစွန့်လွှတ်နိုင်ကြသူများ၊ စွမ်းရည်မရှိ၍ ယဉ်ကျေးမှုအသစ် သို့ မကူးပြောင်းနိုင်ကြသူများဟူ၍ ရှိလာပါသည်။

ထိုအကူးပြောင်းနှင့် ပြုပြင်ပြောင်းလဲနိုင်မှုသည် ထိုက်သင့်သောအချိန်တစ်ခုထက် ပို၍ ကြာလျှင်လည်း မကောင်းလှပါ။ အရပ်သားအစိုးရ တာဝန်ယူခဲ့သည်မှာ တစ်နှစ်ပိုပိုအချိန်သို့ ရောက်ပြီဖြစ်၍လည်း မိမိ၏ စိတ်အခံ Mindset၊ မိမိတို့၏ စိတ်သဘောထား Attitude တို့ကို ပြောင်းလဲရန် လည်း အချိန်တန်ပြီဟု ယူဆသောကြောင့် သမ္မတကြီးမှ မထိုက်နိုင်သူများကို ချန်ထားမည်ဟူသည့်အဓိပ္ပါယ်ပါ လမ်းညွှန်မှုကို ဆိုခဲ့ခြင်းဖြစ်ပါသည်။

နိုင်ငံတိုင်းမှာ ဗျူရိုကရေစီပြဿနာ

ပညာအခြေခံခေတ်ကြီးဖြစ်၍ ပညာအခြေပြုကဏ္ဍများဖြင့်သာ နိုင်ငံကို တည်ဆောက်ကြရမည့်အပေါ် ငြင်းဆိုမည့်သူ ရှိမည်မထင်ပါ။ Capa- city Building ကို အမြဲတစေ ဆောင်ရွက်နေကြရပါမည်။ ဖွံ့ဖြိုးဆဲနိုင်ငံများမှာပင်မကဘဲ ဖွံ့ဖြိုးပြီးနိုင်ငံများတွင်ပါ ဗျူရိုကရက်များဖြစ်ပါ၏။ ကမ္ဘာ့ထိပ်တန်း ရောက် အမေရိကန်၊ အင်္ဂလန်၊ ဂျာမနီများတွင်ပင် ဗျူရိုကရေစီယန္တရား လည်ပတ်ပုံမမှန်သောကြောင့် တစ်နှစ်တစ်နှစ် ဆုံးရှုံးရသောပမာဏမှာ ဒေါ်လာ ဘီလီယံပေါင်းများစွာ ဖြစ်ပါ၏။ မြန်မာနိုင်ငံကဲ့သို့သာ အခု အသွင်ကူးပြောင်းစနိုင်ငံတွင် ဗျူရိုကရက်များ၏ နောက်ဆွဲအား မည်မျှကြီးမားမည်ကို ခန့်မှန်း နိုင်ပါသည်။ ဤနောက်ဆွဲအားက နိုင်ငံ၏ ယှဉ်ပြိုင်နိုင်မှု Competitive Advantage ကို ယိုင်လဲစေပါသည်။ မလိုလားအပ်သော အပိုကုန်ကျမှုများကို ဖြစ်စေသည်။ လုပ်ငန်းရှင်များကို ဝန်ထုပ်ဝန်ပိုးဖြစ်စေသည်။ သောကရောက်စေပါသည်။

သမ္မတသည် မဟာဗျူဟာကို ချမှတ်ပေးသူသာ ဖြစ်ပါသည်။ သမ္မတ၏မိန့်ခွန်းတွင် ဗျူရိုကရေစီယန္တရားတွင်ပါဝင်သော Stakeholder တို့အား လုံး ပို၍ နားလည်သဘောပေါက်ကြစေရန် မဟာဗျူဟာလမ်းညွှန်မှုထက် ပို၍ပင် ထည့်သွင်းပြောကြားထားခဲ့သည်ကို တွေ့ရပါသည်။

မည်သည့်အဆင့်က Public Policy ဟူသော ပြည်သူ့ရေးရာမူဝါဒများ ချမှတ်ကြရမည်။ ထိုမူဝါဒ ချမှတ်နိုင်ရေးအတွက် မည်သည့်အဆင့်က ပံ့ပိုး ကြရမည်။ လက်တွေ့နှင့် သီအိုရီကွာခြားချက်ကို ရှာဖွေ၍ မှန်ကန်သောလမ်းကြောင်းဖြစ်ရန် မည်သို့စဉ်းစားကြရမည်များကို လိုအပ်ပါသည်။ ဆိုင်ရာအဖွဲ့ အစည်းအသီးသီးတို့တွင်လည်း ဗျူရိုကရေစီယန္တရားလည်ပတ်ပုံကို ပြန်လည်စစ်ဆေး၍ အတိုဆုံနည်း၊ အထိရောက်ဆုံးနည်းလမ်းတို့ဖြင့် ဆောင်ရွက် နိုင်ကြရန် ပြုပြင်ပြောင်းလဲရေးများကို ဆောင်ရွက်ရွက်ကြရမည် ဖြစ်ပါသည်။ အဆင့်တိုင်းအဆင့်တိုင်းတွင် အချိန်ကိုအခြေခံသော ရလဒ်သတ်မှတ် ချက်များ ထားရှိဆောင်ရွက်ကြရမည် ဖြစ်ပါ၏။

အဆင့်တိုင်းတွင် တာဝန်ယူမှု တာဝန်ခံမှုတို့ကို ရှိစေရပါလိမ့်မည်။ လုပ်ပိုင်ခွင့်မျှဝေခြင်း Delegation of Authority ကို ဆောင်ရွက်သင့်ပါသည်။ လူအပေါ်အခြေခံသော မူဝါဒမဖြစ်စေဘဲ မူပေါ်အခြေခံသော မူဝါဒများ ဖြစ်သင့်ပါသည်။ ယန္တရားတစ်ခု၏ လည်ပတ်ပုံအဆင့်ဆင့်တွင် ယိုယွင်းနေသော အပိုင်းတို့အား ပြင်ဆင်၍ရလျှင် ပြင်ဆင်ကြရမည်ဖြစ်ပြီး ပြင်ဆင်၍မရပါက အစားထိုးပြုပြင်ရမည် ဖြစ်ပါသည်။ တစ်ဦးတစ်ယောက်ထက် သန်း ၆၀ကို အခြေခံသော လုပ်ကိုင်နည်းများ ဖြစ်သင့်ပါသည်။

သမ္မတကြီးနှင့် ဒုတိယသမ္မတကြီးတို့၏ လမ်းညွှန်မှုတွင် မဟာဗျူဟာ ရည်မှန်းချက်မူဝါဒများအပြင် လုပ်နည်း၊ နည်းစဉ်များပင် ပါဝင်နေပြီး ဖြစ်ပါ သည်။ မည်မျှအလေးထားသောကြောင့် ဤသို့လမ်းညွှန်ခဲ့သည်ကို ဗျူရိုကရက်များမှ အသိထားမိကြရန် ဖြစ်ပါသည်။ မဟာဗျူဟာရည်မှန်းချက် ဒုတိယ အဆင့်သို့ ရောက်ရှိလာပြီဖြစ်၍လည်းကောင်း၊ ဒီမိုကရေစီကျင့်သုံးခြင်း တစ်နှစ်သားမက ရလာခဲ့ပြီဖြစ်၍လည်းကောင်း၊ ဗျူရိုကရက်တို့အနေဖြင့် ပြုပြင် ပြောင်းလဲမှုများတွင် ကောင်းစွာ လိုက်ပါနိုင်သင့်ကြပƝ