Posts
 | yangonchronicle2011 |
၁၁. ၈. ၂၀၁၂
ပြည်တွင်းသတင်း
- စာပေစိစစ်ရေးဖျက်သိမ်းတော့မည်ဆိုသည့်သတင်းများ ထွက်ပေါ်
- တူရကီနိုင်ငံခြားရေးဝန်ကြီးအဖွဲ့ ရခိုင်သို့ သွားရောက်လေ့လာ
ပြည်တွင်းပါတီ၊ နိုင်ငံရေးသတင်း
- စစ်ထောက်ချုပ်ရာထူးနေရာ စစ်တပ်အတွင်း အခက်ကြုံ
- တရားဥပဒေဆိုသည်မှာ လူ့အဖွဲ့အစည်းကိုကာကွယ်ရန်ဖြစ်ကြောင်း ဒေါ်အောင်ဆန်းစုကြည်ပြောကြား
- နိုင်ငံတော်သမ္မတခန့်အပ်ဝန်ထမ်းများဝန်ကြီးဌာနများ ပိုင်ဆိုင်မှုတင်ပြရေးအဆို ပယ်ချခံရ
သတင်းနှင့် ဆောင်းပါးကောက်နှုတ်ချက်များ
*******************************
ပြည်တွင်းသတင်း
စာပေစိစစ်ရေးဖျက်သိမ်းတော့မည်ဆိုသည့်သတင်းများ ထွက်ပေါ်
သြဂုတ်လ ၁၀ရက်နေ့မှစတင်၍ စာပေစိစစ်ရေးဌာန ဖျက်သိမ်းတော့မည်ဆိုသည့်သတင်းနှင့် ပြန်ကြားရေးဝန်ကြီး ဦးကျော်ဆန်းရာထူးမှ လက်လွှတ်ရတော့မည်ဆိုသည့် သတင်းများနှင့် ပတ်သက်၍ သတင်းမီဒီယာများနှင့် အင်တာနက် စာမျက်နှာတို့ ကြား ပျံ့နှံ့ခဲ့ကြောင်း သိရှိရသည်။
"ဒီ စာပေစိစစ်ရေး ဖျက်သိမ်းတော့မယ်ဆိုတာကတော့ ဂျာနယ်တစ်စောင်ကနေစပြီး ကြားရတာပါ။ ပြီးတော့ ပြည်တွင်းဂျာနယ်တစ်ခုဖြစ်တဲ့ The Voice Weekly ရဲ့ ဖေ့စ်ဘွခ်စာမျက်နှာမှာလည်း လာမယ့်အပတ်ကနေစပြီး ထုတ်တင်စနစ်ကိုပြောင်းတော့မယ်ဆိုပြီး ရေးထားတယ်။ ဒါပေမယ့် စာပေစိစစ်ရေးကတော့ ဘာမှအတည်ပြုပြောကြားတာတော့ မရှိသေးပါဘူး"ဟု ပြည်တွင်း သတင်းမီဒီယာသမားတစ်ဦးက ဆိုသည်။
ယင်းကဲ့သို့ စာပေစိစစ်ရေးဌာန ဖျက်သိမ်းတော့မည်ဆိုသည့်သတင်းနှင့်ပတ်သက်၍ စာပေစိစစ်ရေးဌာနသို့ တိုက်ရိုက် ဆက်သွယ်မေးမြန်းခဲ့ရာ အဆိုပါသတင်းမှာ မှားယွင်းကြောင်း ဖုန်းဖြေဆိုသည့် စာပေစိစစ်ရေးဝန်ထမ်းတစ်ဦးက ငြင်းဆိုခဲ့ပြီး ပြန်ကြားရေးဝန်ကြီး ဦးကျော်ဆန်း ရာထူးမှ နှုတ်ထွက်ရန်ကိစ္စနှင့် စပ်လျဉ်း၍ နိုင်ငံတော်သမ္မတ ဦးသိန်းစိန်မှ တိတ်တဆိတ် သီးခြားတွေ့ဆုံမှုများ ပြုလုပ်ခဲ့ကြကြောင်း အင်တာနက်စာမျက်နှာများ၌ သတင်းဖော်ပြချက်များအရ သိရှိရသည်။
“ကျွန်တော်တို့တိုက်မှ အကိုတယေက်က စာပေစိစစ်ရေး ရုံးကို စာမူသွားတင်တာ စာမူတင်စရာ မလိုတော့ကြောင်း၊ ပြန်လို့ရပြီဟုပြောပြီး တနင်္လာနေ့လောက် တရားဝင်စာထွက်လာမယ်ဖြစ်ကြောင်း ပြောလိုက်ပါတယ်”ဟု ပြည်တွင်းဂျာနယ်တစ်စောင် သတင်းထောက်တစ်ဦးက ပြောကြား သည်။
၎င်းတို့ဂျာနယ်သည် အပတ်စဉ် သောကြာနေ့တွင် ထွက်ရှိမည်ဖြစ်သည့်အတွက် စာပေစိစစ်ရေးသို့ ပထမစာမူကြမ်း (body) တင်ပြရာ စာပေစိ စစ်ရေးဌာနမှ တာဝန်ရှိသူတစ်ဦး မည်သည့် စာမူမှ တင်ပြစရာမလိုတော့ကြောင်း၊ သြဂုတ် ၁၃ ရက်နေ့တွင် တရားဝင် စာထွက်ရှိရန်ရှိကြောင်း ပြောကြား ကာ မကြာမီရက်ပိုင်းအတွင်း ဦးကျော်ဆန်းကိုယ်တိုင် ပြောကြားမည်ဟု သိရှိပြီး မြန်မာနိုင်ငံ အမြူတေစာနယ်ဇင်းကောင်စီတစ်ရပ်အား သြဂုတ်လ၉ရက် နေ့၌ နိုင်ငံပိုင်သတင်း မီဒီယာများမှ တရားဝင်ထုတ်ပြန်ချက်အရ သိရှိရသည်။
"ဒီလ ၉ရက်နေ့က အဖွဲ့ဝင် ၂၀ပါဝင်တဲ့ မြန်မာနိုင်ငံ အမြူတေစာနယ်ဇင်းကောင်စီကိုဖွဲ့ပြီး လွှတ်တော်မှာ ပုံနှိပ်မီဒီယာနဲ့ ပတ်သက်တဲ့ ဥပဒေ မထွက်ရှိသရွေ့ ဒီကောင်စီက မီဒီယာတွေကို ကာကွယ်သွားမယ်။ စာနယ်ဇင်းသမားတွေနဲ့ ပတ်သက်ပြီး ပြဿနာတစ်ခုခုဖြစ်ခဲ့ရင် ဒီကောင်စီရဲ့ စည်းကမ်းချက်အတိုင်းသွားမယ်ဆိုပြီး ထည့်သွင်းဖော်ပြထားတော့ ဒီစာပေစိစစ်ရေးဌာန ဖျက်သိမ်းတော့မယ်ဆိုတဲ့ သတင်းတွေ ပေါ်ထွက်လာတာ ဖြစ် တယ်။ နောက်ပြီး ပြန်ကြားရေးဝန်ကြီး ဦးကျော်ဆန်း လက်ရှိရာထူးကနေ နှုတ်ထွက်မယ်ဆိုတာကလည်း ပထမဦးဆုံး လွှတ်တော်ထဲက ကိုယ်စားလှယ် တစ်ဦးက ဦးကျော်ဆန်းနေရာမှာ အလုပ်သမားဝန်ကြီးဌာန ပြည်ထောင်စုဝန်ကြီး ဦးအောင်ကြည်ကို အစားထိုးဖို့ လွှတ်တော်မှာ တင်သွင်း သွားမယ်လို့ ပြောရာကနေ ထွက်ပေါ်လာတာ ဖြစ်တယ်"ဟု နိုင်ငံရေးလေ့လာသူတစ်ဦးက ပြောကြားသည်။
သတင်းမီဒီယာသမားများကလည်း သတင်းလွတ်လပ်ခွင့်ရရှိရေးအတွက် သြဂုတ်လ ၄ရက်နေ့၌ သတင်းလွတ်လပ်ခွင့်ကော်မတီ(ယာယီ) အဖွဲ့အား သြဂုတ်လ ၁ ရက်နေ့တွင် သဘောထားထုတ်ပြန်ချက်များ ထုတ်ပြန်၍ ဆန္ဒထုတ်ဖော်မှုများ ပြုလုပ်ခဲ့ကြပြီး ဂျာနယ်တိုက်အချို့ ပိတ်ခံရခြင်းနှင့် ပတ်သတ်ပြီး ပေါ်ပေါက်လာသည့် သတင်းလွတ်လပ်ခွင့်(ယာယီ) ကော်မတီသည် လူပေါင်း ၅၅၂ယောက်နှင့်အထက် လက်မှတ်ရေးထိုးထားသော အချက် ၇ ချက်ပါ တောင်းဆိုစာကို သမ္မတထံ တင်ပြမည်ဖြစ်ကြောင်း သတင်းလွတ်လပ်ခွင့်ကော်မတီ(ယာယီ) ထံမှ စုံစမ်းသိရှိရသည်။
ATM
-----------------------------------------------------------------------------------------------------------------------------------
တူရကီနိုင်ငံခြားရေးဝန်ကြီးအဖွဲ့ ရခိုင်သို့ သွားရောက်လေ့လာ
သြဂုတ်လ ၁၀ရက်နေ့ မနက် ၁၀နာရီကျော်ခန့်မှစတင်၍ တူရကီနိုင်ငံမှ နိုင်ငံခြားရေးဝန်ကြီး H.E. Mr. Ahmet Davutoglu ဦးဆောင်သည့် ကိုယ်စားလှယ်အဖွဲ့သည် ရခိုင်အရေးကိစ္စအား လေ့လာကြည့်ရှုရန် ရန်ကုန်မြို့မှ ရခိုင်ပြည်နယ်သို့ ထွက်ခွာသွားရာ မနက် ၁၁နာရီအချိန်၌ စစ်တွေမြို့ နယ်သို့ ရောက်ရှိကြောင်း သတင်းဖော်ပြချက်များအရ သိရှိရသည်။
ထို့နောက် ၎င်းတို့အဖွဲ့သည် စစ်တွေမြို့နယ်ရှိ ရခိုင်တိုင်းရင်းသားဒုက္ခသည်စခန်းအချို့နှင့် မွတ်ဆလင်ဒုက္ခသည်စခန်းများသို့ သွားရောက် လေ့လာကြည့်ရှု၍ စားနပ်ရိက္ခာအချို့ ထောက်ပံ့မှုများ ပြုလုပ်ခဲ့ကြကြောင်း သိရသည်။
"အရင်ဦးဆုံး တူရကီနိုင်ငံခြားရေးဝန်ကြီးအဖွဲ့ဦးဆောင်တဲ့ ကိုယ်စားလှယ်အဖွဲ့က ဘောဒူဘနဲ့ အောင်မင်္ဂလာတို့က မွတ်ဆလင်ဒုက္ခသည် စခန်းတွေကို သွားရောက်ကြည့်ရှုခဲ့ပါတယ်။ ပြီးတော့ ဆုတောင်းပြည့်ဘုန်းကြီးကျောင်းမှာ ခိုလှုံနေကြတဲ့ ရခိုင်ဒုက္ခသည်စခန်းတွေကို သွားလေ့လာကြ တယ်။ စားနပ်ရိက္ခာအချို့ကိုလည်း ထောက်ပံ့ပေးသွားပါတယ်"ဟု စစ်တွေမြို့ နယ်ရှိ သတင်းထောက်တစ်ဦးက ဆိုသည်။
ထို့ပြင် တူရကီနိုင်ငံခြားရေးဝန်ကြီး H.E. Mr. Ahmet Davutoglu မှ ရခိုင်ပြည်နယ်ရှိ ဒုက္ခသည်များအတွက် အမေရိကန်ဒေါ်လာ သန်း ၅၀ လှူဒါန်းသွားခဲ့ကြောင်း သိရှိရပြီး နိုင်ငံတော်သမ္မတ ဦးသိန်းစိန်မှ ရခိုင်ပြည်နယ်အရေးနှင့် ပတ်သက်၍ လေ့လာမှုများပြုလုပ်ရန်အတွက် အစ္စလာမ် ဘာသာဝင်နိုင်ငံအဖွဲ့များပါဝင်သည့် OIC အား ဖိတ်ခေါ်ထားကြောင်း နိုင်ငံပိုင်သတင်းမီဒီယာများ၏ သတင်းဖော်ပြချက်များအရ သိရသည်။
ATM
*******************************
ပြည်တွင်းပါတီ၊ နိုင်ငံရေးသတင်း
စစ်ထောက်ချုပ်ရာထူးနေရာ စစ်တပ်အတွင်း အခက်ကြုံ
ရန်ကုန်။ သြဂုတ် ၁၀
တိုင်းဒေသကြီးဝန်ကြီးချုပ်ဖြစ်လာနိုင်ဖွယ်ရှိသည်ဟု သတင်းများထွက်ပေါ်ခဲ့သော စစ်ထောက်ချုပ် ဒုတိယဗိုလ်ချုပ်ကြီးဝေလွင်၏ ရာထူးနေရာ အတွက် မြန်မာစစ်တပ်အတွင်း ရာထူးခန့်အပ်ခြင်းအမိန့်များကို ပြန်လည်ပြင်ဆင်နိုင်ဖွယ်ရှိကြောင်း စစ်တပ်အသိုင်းအဝိုင်းနှင့်နီးစပ်သူ ရန်ကုန်တိုင်း ဒေသကြီး အစိုးရအဖွဲ့ဝင်တစ်ဦးက ဆိုသည်။
စစ်ထောက်ချုပ်ရာထူးနေရာအတွက် စစ်ဌာနချုပ်တိုင်းမှူးတဦးကို ခန့်ထားသည့်အမိန့် ထွက်ရှိပြီးဖြစ်သည့်အပြင် အဆိုပါစစ်တိုင်းမှူးနေရာ အပါအဝင် ကျန်လစ်လပ်သွားသည့် ရာထူးနေရာများအတွက် ခန့်အပ်သော အမိန့်များထွက်ရှိပြီး ဖြစ်ကြောင်း ၎င်းက ပြောကြားသည်။
"စစ်တပ်က ဘာမဆိုနောက်ကြောင်းပြန်နိုင်တယ် "ဟု ယခင်အစိုးရ အကြီးအကဲ ဗိုလ်ချုပ်မှူးကြီးသန်းရွှေ၏ လူယုံတစ်ဦးဖြစ်သူ ဒုတိယဗိုလ်ချုပ် ကြီးဝေလွင်ကို မူလရာထူးသို့ ပြန်လည်ခန့်ထားနိင်ကြောင်း ၎င်းက သုံးသပ်ပြောကြားသည်။
လစ်လပ်သွားသည့် ဒုတိယသမ္မတနေရာအတွက် ယခင်လပိုင်းက ရန်ကုန်တိုင်းဒေကြီးဝန်ကြီးချုပ် ဦးမြင့်ဆွေကို လျာထားခဲ့ပြီး၊ ဦးမြင့်ဆွေမှာ ဒုတိယသမ္မတ ဖြစ်လာနိုင်ခြင်းမရှိတော့သဖြင့် ဝန်ကြီးချုပ်အဖြစ် ဆက်လက်တာဝန်ယူနေကာ ၎င်း၏နေရာတွင် ခန့်အပ်ဖွယ်ရှိသော ဒုတိယဗိုလ်ချုပ်ကြီး ဝေလွင်မှာ စစ်ထောက်ချုပ်နေရာသို့ ပြန်လည်ရောက်ရှိဖွယ်ရှိကြောင်း သိရသည်။
sweet
-----------------------------------------------------------------------------------------------------------------------------------
တရားဥပဒေဆိုသည်မှာ လူ့အဖွဲ့အစည်းကိုကာကွယ်ရန်ဖြစ်ကြောင်း ဒေါ်အောင်ဆန်းစုကြည်ပြောကြား
တရားဥပဒေဆိုသည်မှာ လူအဖွဲ့အစည်းကို ထိန်းချုပ်ရန်မဟုတ်၊ လူ့အဖွဲ့အစည်းကို ကာကွယ်ရန်သာဖြစ်သည်ဟု ယုံကြည်ကြောင်း တရားဥပ ဒေစိုးမိုးရေးနှင့် တည်ငြိမ်းအေးချမ်းရေးကော်မတီဥက္ကဋ္ဌ ဒေါ်အောင်ဆန်းစုကြည်မှ ပြောကြားလိုက်ကြောင်း လွတ်တော်သတင်းများအရ သိရသည်။
အဆိုပါကော်မတီကို ယခုလ (၇)ရက်နေ့က ဖွဲ့စည်းလိုက်ခြင်းဖြစ်ပြီး၊ အဖွဲ့ဝင် ၁၃ဦးနှင့် ကော်မတီဥက္ကဋ္ဌ ဒေါ်အောင်ဆန်းစုကြည်၊ အတွင်းရေး မှူးအဖြစ် ပုသိမ်မဲဆန္ဒနယ်မှ ဦးဝင်းမြင့်တို့က ဆောင်ရွက်သွားမည်ဖြစ်ကြောင်း၊ လွတ်တော်၏ (၂၀)ခုမြောက်ကော်မတီဖြစ်ကြောင်း၊ (၁)နှစ်သက်တမ်း ရှိသော ပြည်ထောင်စုအဆင့်ရှိ ကော်မတီတရပ်ဖြစ်ကြောင်း သိရသည်။
ကော်မတီ၏တာဝန်များမှာ ပြည်သူ့လွတ်တော်ကိုယ်စားလှယ်များ၊ ပြည်သူ့အစိုးရ တရားရေးအဖွဲ့အစည်းများ တရားဥပဒေနှင့် အညီနေထိုင်ပြုမှု ဆောင်ရန်အတွက် ထိန်းညှိကူညီရန်နှင့် အရေးယူဆောင်ရွက်ရန်ရှိပါက ပြည်သူ့လွတ်တော်ဥက္ကဋ္ဌမှတဆင့် လွတ်တော်သို့တင်ပြခြင်း၊ တည်ငြိမ်အေးချမ်း မှုပျက်ပြားစေသော အကြောင်းကိစ္စများပေါ်ပေါက်ပါက သို့မဟုတ် ပေါ်ပေါက်စေနိုင်သည်ဟု ယုံကြည်ပါက သက်ဆိုင်ရာအဖွဲ့အစည်းများကို ကုညီစောင့် ကြည့် ထိန်းညှိပေးခြင်း၊ တရားဥပဒေစိုးမိုးမှုနှင့် ငြိမ်းချမ်းရေးဖော်ဆောင်မှု အောင်မြင်နိုင်စေရန် လေ့လာသုံးသပ်ခြင်း၊ သက်ဆိုင်ရာအဖွဲ့အစည်းများက ကျင့်သုံးလျက်ရှိသည့် ဥပဒေများကို လေ့လာပြီး ပယ်ဖျက်ခြင်း ပြင်ဆင်ခြင်း၊ အသစ်ပြဋ္ဌန်းရန် လိုအပ်ချက်များကို လွတ်တော်သို့ တင်ပြချင်းများကိုလည်း ကောင်း၊ ဋ္ဌာနအဖွဲ့အစည်းများက ထုတ်ပြန်သည့်အမိန့်ကြေငြာစာ၊ အမိန့်ကြေငြာချက်နှင့် လုပ်ထုံးလုပ်နည်းများသည် တည်ဆဲဥပဒေများ၊ ပြည်ထောင်စု လွှတ်တော်မှ ပြဋ္ဌန်းချက်ဥပဒေများနှင့် ညီညွတ်ဆီလျော်အောင် ဆောင်ရွက်ခြင်းတို့ကို ဆောင်ရွက်ရမည်ဖြစ်ပြီး၊ လိုအပ်ပါက လုပ်ငန်းနှင့်သက်ဆိုင်သော ဆက် စပ်အဖွဲ့အစည်းများကို မေးမြန်းဆွေးနွေးနိုင်သည်။
ပထမဆုံး အစည်းအဝေးကို ပြည်သူ့လွှတ်တော်ကော်မတီရေးရာအဆောင် I-12 တွင် သြဂုတ်လ (၉)ရက်နေ့တွင် ကျင်းပခဲ့ပြီး ကော်မတီဥက္ကဌ ဒေါ်အောင်ဆန်းစုကြည် တက်ရောက်ခဲ့ကြောင်း အဆိုပါအစည်းအဝေးတွင် ဒေါ်အောင်ဆန်းစုကြည်က ကော်မတီတွင်ပါဝင်သော အဖွဲ့ဝင်များထံမှ တရားဥပဒေစိုးမိုးရေးအပေါ် တစ်ဦးချင်းအမြင်များကို တောင်းခံခဲ့ ကြောင်းလွတ်တော်သတင်းများအရသိရသည်။
PL
-----------------------------------------------------------------------------------------------------------------------------------
နိုင်ငံတော်သမ္မတခန့်အပ်ဝန်ထမ်းများဝန်ကြီးဌာနများ ပိုင်ဆိုင်မှုတင်ပြရေးအဆို ပယ်ချခံရ
၂၀၁၂ သြဂုတ်လ ၈ ရက်နေ့တွင် ကျင်းပခဲ့သည့် ပထမအကြိမ် ပြည်သူ့လွှတ်တော် စတုတ္တပုံမှန်အစည်းအဝေး (၂၂)ရက်မြောက်နေ့တွင် ဇူလိုင် (၁၄) ရက်နေ့တွင် တင်သွင်းခဲ့သော ပုသိမ်မဲဆန္ဒနယ်မှ ဦးဝင်းမြင့်၏ ကောင်းမွန်သောအုပ်ချုပ်ရေးနှင့် သန့်ရှင်းသော အစိုးရဖြစ်ပေါ်စေရေးအတွက် နိုင်ငံတော်သမ္မတမှခန့်အပ်ထားသည့် ပုဂ္ဂိုလ်များ၏ ရွှေ့ပြောင်းနိုင်သောပစ္စည်း၊ မရွှေ့ပြောင်းနိုင်သောပစ္စည်းနှင့် အကျိုးစီးပွားကို ထုတ်ဖော်ကြေညာ၍ မှတ်တမ်းတင်ထားရန်အဆိုအား ကန့်ကွက်မဲများသည့်အတွက် ပယ်ချခံခဲ့ရကြောင်း သိရသည်။
ယင်းအဆိုအား လွှတ်တော်ကိုယ်စားလှယ် ဦးဝင်းမြင့်အပါအဝင် လွှတ်တော်ကိုယ်စားလှယ်များမှ ဆွေးနွေးရာတွင် လာဘ်ပေးလာဘ်ယူလျော့ နည်းပပျောက်ရန် ဆောင်ရွက်မည်ဆိုပါက သမ္မတကြီးမိန့်ကြားထားသည့်အတိုင်း တာဝန်ရှိသူများက မိမိတို့ပိုင်ဆိုင်ထားသည့် ပစ္စည်းများကို မှန်မှန်ကန် ကန် စာရင်းပေးကြရန်လိုအပ်ကြောင်းနှင့် ဖွဲ့စည်းပုံအခြေခံဥပဒေပုဒ်မ ၆၈ ကိုပြင်ဆင်၍ နိုင်ငံတော်၏ အုပ်ချုပ်ရေးအာဏာကို ခွဲဝေအပ်နှင်းခြင်းခံရ သည့် ပြည်ထောင်စုအစိုးရ၊ တိုင်းဒေသကြီးအစိုးရအဖွဲ့ဝင်များသာမက တရားမျှတမှုနှင့် သာတူညီမျှဖြစ်စေရန်အတွက် ခက်မသုံးဖြာဖြစ်သည့် ဥပဒေပြု ရေးနှင့် တရားစီရင်ရေးအာဏာကို ခွဲဝေအပ်နှင်းခြင်းခံရသည့် ကော်မရှင်နှင့် ရေးရာကော်မတီဝင်များ၏ ပြည်တွင်းပြည်ပရှိ ပိုင်ဆိုင်မှုများကို စာရင်းပြုစု ကာ ဖော်ထုတ်ကြေညာပြီး မှတ်တမ်းထားရှိသင့်ကြောင်း ပြောကြားခဲ့သည်။
နိုင်ငံတော်သမ္မတမှ ခန့်အပ်သည့် ဝန်ထမ်းများဝန်ကြီးဌာနများနှင့် သက်ဆိုင်ရာကဏ္ဍအသီးသီးရှိ ပုဂ္ဂိုလ်များ၏ ပိုင်ဆိုင်မှုစာရင်းပြုစု တင်ပြရန် အဆိုနှင့် ပတ်သက်၍ လွှတ်တော်၏ အဆုံးအဖြတ်ရယူရာတွင် ကန့်ကွက်ဆန္ဒမဲများပြားသည့်အတွက် ယင်းအဆို ပယ်ချခံခဲ့ရကြောင်း သိရသည်။
YC
*******************************
သတင်းနှင့် ဆောင်းပါးများမှ ကောက်နှုတ်ချက်များ
“မြန်မာနိုင်ငံ ပြုပြင်ပြောင်းလဲမှုဖြစ်စဉ်မှာ All Inclucive ဖြစ်ရမယ်၊ ပါဝင်ရမယ်ဆိုတဲ့ ရည်ရွယ်ချက်နဲ့ ဒီပွဲကိုလာခဲ့တာ နောက်ကြောင်းပြန်လှည့်လိုသူ တွေကို သမ္မတကြီးက ထားခဲ့မှာဖြစ်ပြီး နိုင်ငံအကျိုးအတွက် ဆောင်ရွက်မယ့်သူတွေကို သမ္မတကြီးက ကမ်းလင့်ကြိုဆိုနေပါတယ်”
သြဂုတ်လ ၁၀ရက်နေ့ထုတ် မြန်မာပို့စ်ဂလိုဘယ်ဂျာနယ် အမှတ် (၇၁) တွင်ပါရှိသည့် “ရှစ်လေးလုံးနှစ်ပတ်လည် အခမ်းအနားကျင်းပရေးကော်မတီသို့ ပြည်ထောင်စုဝန်ကြီးနှစ်ဦး အလှူငွေလာရောက်လှူဒါန်း”သတင်းမှ ဝန်ကြီးဦးအောင်မင်း၏ ပြောကြားချက်အပေါ် ကောက်နှုတ်ချက်။
----------------------------------------------------------------------------------------------------------------------------------
“ဒီနေ့ဟာမင်္ဂလာရှိတဲ့နေ့တစ်နေ့၊ ကြုံတောင့်ကြုံခဲနေ့တစ်နေ့ပါပဲ။ ကျွန်တော်တို့ကိုယ်တိုင်တောင် တပ်မတော်သားတစ်ဦးဖြစ်ခဲ့ပေမယ့် ခေတ်စနစ်ရဲ့ အရပ်ဆိုးကြီးအောက်မှာ ကြောက်နေရတဲ့အချိန်မှာ သူတို့က ဘယ်သူမှမလုပ်ရဲတဲ့အလုပ်ကို သူရသတ္တိပြောင်မြောက်စွာ စွမ်းဆောင်နိုင်ခဲ့ကြတယ်။ ဒါ့ ကြောင့် ကျဆုံးဆုံရှုံးမှုတွေ ဘဝပျက်မှုတွေ ဒီအရေးတော်ပုံကာလမှာရှိခဲ့ပေမယ့် အာဏာရှင်အစိုးရကို ဖြုတ်ချနိုင်ခဲ့တဲ့ နေ့တစ်နေ့ဖြစ်တဲ့အတွက် မင်္ဂလာ ရှိတဲ့နေလို့ ပြောတာပါ”
သြဂုတ်လ ၁၀ရက်နေ့ထုတ် မြန်မာပို့စ်ဂလိုဘယ်ဂျာနယ် အမှတ် (၇၁)တွင်ပါရှိသည့် “၂၄နှစ်မြောက် ၈၈၈၈ နှစ်ပတ်လည်အခမ်းအနားများ ရန်ကုန်နှင့် မန္တလေးမြို့တို့တွင် ကျင်းပ”သတင်းမှ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးတင်ဦး၏ ပြောကြားချက်အပေါ် ကောက်နှုတ်ချက်။
----------------------------------------------------------------------------------------------------------------------------------
“ဒေသခံတွေကအဖွဲ့အစည်းကို မုန်းတာမဟုတ်ဘူး။ အကြမ်းဖက်ကန့်ကွက်တာမလုပ်ပါဘူး၊ လုပ်ဖို့လည်းဆန္ဒမရှိဘူး။ ဒါပေမယ့် တစ်ဖက်စောင်းနင်း လုပ်ခဲ့တဲ့ အဖွဲ့တွေက ဒီမှာပြန်ဝင်မယ်ဆိုရင် လူထုရဲ့ အနာဟောင်းတွေ ကျက်တဲ့အချိန်ကာလတစ်ခုတော့ စောင့်ရလိမ့်မယ်”
သြဂုတ် ၉ရက်နေ့ထုတ် 7 Days ဂျာနယ် အတွဲ (၁၁) အမှတ် (၂၂) တွင် ပါရှိသည့် “ပြည်ပအဖွဲ့အစည်းများ ရခိုင်ပြည်နယ်တွင် ကူညီထောက်ပံ့ရေးလုပ် ငန်းများ ဆောင်ရွက်နေ”သတင်းမှ လူမှုအဖွဲ့အစည်းများအပေါ် ရခိုင်ပြည်သူများ၏သဘောထားနဲ့ ပတ်သက်၍ ဦးအောင်မြတ်ကျော်၏ ပြောကြားချက် အပေါ် ကောက်နှုတ်ချက်။
*****************************
Google Drive: create, share, and keep all your stuff in one place.
