Transparency Myanmar

transparency.myanmar@gmail.com

International media (2)

Snapshot of the item below:
International media (2)

ဘာသာပြန်သတင်းများ (၂)

၂၀၁၄ သို့မဟုတ် မြန်မာ့စီးပွားရေးပြုပြင်ပြောင်းလဲရေးအတွက် ဧရာမနှစ်တစ်နှစ်

(The Diplomat မှ 28 Jan 2014 ရက်စွဲပါ Big Year for Myanmar Economic Reforms  ကိုဘာသာပြန်ဆိုသည်)

ဦးစွာမေးလိုသည်မှာ မြန်မာနိုင်ငံအနေဖြင့် ရွေးကောက်ပွဲမတိုင်မီ ပြုပြင်ပြောင်းလဲရေးအရှိန်ကို ထိန်းသိမ်းထား နိုင်ပါမည်လောဟူသည့် မေးခွန်းဖြစ်ပါသည်။

ဇန်နဝါရီလ ၁၃ ရက်နေ့တွင် အထူးစီးပွားရေးဇုန်၊ သတ္တုတူးဖော်ရေးနှင့် နိုင်ငံခြားရင်းနှီးမြှုပ်နှံမှုဆိုင်ရာဥပဒေ ပြန်လည် ပြင်ဆင်ရေး အပါအဝင် လွန်စွာအရေးကြီးသည့် ဥပဒေမူကြမ်း ၃၀ ခန့်နှင့်အတူ မြန်မာနိုင်ငံ၏ လွှတ်တော် အစည်းအဝေးများ ပြန်လည်စတင်ခဲ့ပါသည်။

ယင်းလွှတ်တော်အစည်းအဝေးကြီးနှင့်အတူ လွန်စွာသေချာသည့် အချက်တစ်ခုလည်း ထွက်ပေါ်လာပါသည်။ ယင်းမှာ ၂၀၁၄ ခုနှစ်သည် မြန်မာနိုင်ငံအတွက် အလုပ်ရှုပ်မည့် နှစ်တစ်နှစ်ပင် ဖြစ်လာလိမ့်မည်ဟု ဆိုလိုခြင်းဖြစ်သည်။

တစ်ချိန်တစ်ခါက အထီးကျန်အပယ်ခံဘဝသို့ ရောက်ခဲ့ဖူးသည့် မြန်မာနိုင်ငံတွင်း စီးပွားရေးပြုပြင်ပြောင်းလဲရေး ဇာတ်ခုံပေါ်တွင် ယမန်နှစ်(၂၀၁၃ခုနှစ်)က ကြုံတောင့်ကြုံခဲသော မှတ်တိုင်များဆက်တိုက် ဆိုသလို စိုက်ထူနိုင်ခဲ့သည်။

ယင်းမှတ်တိုင်များတွင် မြန်မာ့မိုဘိုင်းလ် ဆက်သွယ်ရေးအခန်းကဏ္ဍ၌ နိုင်ငံတကာကုမ္ပဏီကြီးနှစ်ခု ဖြစ်သော တယ်လီနောနှင့် အော်ရီတူးတို့  ပါဝင်လုပ်ကိုင်ခွင့် တင်ဒါအောင်မြင်ကြောင်း ကြေညာချက်နှင့် နိုင်ငံခြား ရင်းနှီးမြှုပ်နှံမှု ဆိုင်ရာ ဥပဒေအတွက် လမ်းညွှန်ချက်များ အကောင်အထည်ဖော် ရေးဆွဲနိုင်ခဲ့ခြင်းတို့လည်း ပါဝင်ခဲ့သည်။ ယခုဆိုလျှင် အခန်းကဏ္ဍ အသီးသီးမှ ကမ္ဘာလုံးဆိုင်ရာ လုပ်ငန်းကြီးများသည် မြန်မာနိုင်ငံတွင် နှစ်ပေါင်း ၅၀ အတွင်း ပထမဆုံး အကြိမ်အဖြစ် ဝင်ရောက်ကာ စီးပွားရေးလုပ်ကိုင်ခွင့်ပြုမည့် ရင်းနှီးမြှုပ်နှံမှုဥပဒေနှင့် စည်းမျဉ်းစည်းကမ်းများကို စောင့်ဆိုင်းနေကြပြီ ဖြစ်ပါသည်။

သို့အတွက်ကြောင့် လာမည့် ၂၀၁၅ ခုနှစ်မှစ၍ မြန်မာ့စီးပွားရေးနယ်နမိတ်များကို ဖွင့်လှစ်ပေးပါမည်ဟု ပေးထားသည့် ကတိအတိုင်း အကောင်အထည်ဖော် လုပ်ကိုင်ပေးရေးဟူသည့် ဖိအားကြီးမှာ အစိုးရပေါ်တွင် ကျရောက်လျက်ရှိသည်။

၂၀၁၅ ခုနှစ် အထွေထွေရွေးကောက်ပွဲ နီးကပ်လာသည်နှင့်အမျှ နိုင်ငံတကာဘဏ္ဍာရေး အင်စတီကျူးရှင်းကြီးများ အလေးပေးပြောဆိုလာခဲ့ကြသည်မှာ မြန်မာ့စီးပွားရေး အောင်မြင်ဖြစ်ထွန်းမှုသည် ပြည်တွင်းနိုင်ငံရေး အရေးကိစ္စများ ကိုင်တွယ် ဖြေရှင်းနိုင်မှုအပေါ် များစွာမူတည်နေလိမ့်မည်ဟူ၍ ဖြစ်သည်။ အဆိုပါ အရေးကိစ္စများတွင် အလှမ်းဝေးကွာသော နေရာဒေသများမှ တိုင်းရင်းသားလက်နက်ကိုင်အုပ်စုများနှင့် အပစ်အခတ်ရပ်စဲမှု ဆက်လက် ထိန်းသိမ်းထားရေး ပါဝင်သလို မီဒီယာနှင့် လူ့အခွင့်အရေးလည်း ပါဝင်သည်။

“စီးပွားရေး အသွင်ကူးပြောင်းမှုဟာ ကြီးမားတဲ့စိန်ခေါ်မှုတွေနဲ့ ရင်ဆိုင်နေရတယ်၊ ဒါပေမဲ့ ကြီးမားတဲ့ အလားအလာတွေနဲ့ အခွင့်အလမ်းတွေလည်း ရှိနေတယ်” ဟု ကမ္ဘာ့ဘဏ်မှ မြန်မာနိုင်ငံဆိုင်ရာ Country Director ဖြစ်သူ Ulrich Zachau က ၂၀၁၃ ခုနှစ်ကုန်ပိုင်းတွင် ပြောကြားသည်။ “အခြေခံကျတဲ့ ပြုပြင်ပြောင်းလဲမှု တွေဆက်ရှိနေတာတို့၊ အားလုံးက စိတ်ရှည်လက်ရှည်နဲ့ ဆုံးဖြတ်ထားတဲ့အတိုင်း လုပ်ကိုင်နေတာတို့ စတာတွေက ဆင်းရဲနွမ်းပါးမှု လျှော့ချရေးအတွက် အခရာကျပါတယ်၊ မြန်မာတစ်ပြည်လုံးက ပြည်သူတွေရဲ့ လူနေမှုဘဝတွေ ကိုလည်း တိုးတက်ကောင်းမွန်အောင် သိသိသာသာ မြှင့်တင်ပေးပါလိမ့်မယ်” ဟု ၎င်းကပြောကြားသည်။

အဆိုပါအရေးကိစ္စများ အောင်မြင်ခဲ့မည်ဆိုပါက မြန်မာ့စီးပွားရေးနယ်ပယ်အတွင်းသို့ နိုင်ငံခြားရင်းနှီးမြှုပ်နှံမှုများ ဝင်ရောက်မှုမှာ ယခုနှစ်အတွင်း ၆ ဒသမ ၈ ရာခိုင်နှုန်းထိ မြင့်တက်လာမည်ဟု မျှော်လင့်ရကြောင်း ကမ္ဘာ့ဘဏ်၏ အဆိုအရ သိရသည်။

တစ်ချိန်တည်းမှာပင် နိုင်ငံခြားတိုက်ရိုက်ရင်းနှီးမြှုပ်နှံမှု(FDI) သည် ၂၀၁၃-၂၀၁၄ ဘဏ္ဍာရေးနှစ်၏ ပထမငါးလတာ အတွင်းမှာပင် ဒေါ်လာ ၁ ဒသမ ၈ ဘီလီယံထိရောက်ရှိခဲ့ပြီဖြစ်ရာ ယခုနှစ်တွင်မူ စံချိန်တင်မည့် အနေအထားတွင် ရှိနေပေသည်။ အဆိုပါပမာဏသည် ၂၀၁၂ ခုနှစ် တစ်နှစ်တာကာလလုံး FDI ပမာဏ(ဒေါ်လာ ၂ ဒသမ ၇ ဘီလီယံ) ကို ကျော်လွန်သွားခြင်း ဖြစ်သည်။ ယင်း ၂၀၁၂ ပမာဏသည်လည်း ၂၀၁၁ ခုနှစ်ကထက် ၄၂ ဒသမ ၁ ရာခိုင်နှုန်း တိုးမြင့်လာခြင်းဖြစ်သည်။

ယခုနှစ်အတွင်း မြန်မာအစိုးရ ဦးစားပေးလုပ်ဆောင်မည့် ကိစ္စများအနက် မိုဘိုင်းလ်အော်ပရေတာ လုပ်ငန်း လုပ်ကိုင်ခွင့် လိုင်စင်ကို နော်ဝေအခြေစိုက် တယ်လီနောနှင့် ကာတာအခြေစိုက် အော်ရီဒူးတို့အား ချပေးမည့်ကိစ္စ လည်း တစ်ခုအပါအဝင်ဖြစ်သည်။ ပြီးခဲ့သည့် ဇွန်လက မြန်မာ့ဆက်သွယ်ရေးက တင်ဒါခေါ်ယူခဲ့ရာ တစ်နိုင်ငံလုံး မိုဘိုင်းကွန်ယက် တည်ဆောက်ရေးအတွက် ယင်းကုမ္ပဏီကြီးနှစ်ခု တင်ဒါအောင်မြင်ခဲ့သည်။ ယခု ဇန်နဝါရီလ မကုန်မီ အချိန်အတွင်း ယင်းနိုင်ငံခြားကုမ္ပဏီကြီးနှစ်ခုကို မိုဘိုင်းလ်ကွန်ယက် တည်ဆောက်ရေးအတွက် လိုင်စင်ချပေး လိမ့်မည်ဟု မျှော်လင့်ရကြောင်း မြန်မာ့စာတိုက်နှင့်  တယ်လီကွန်းဆက်သွယ်ရေးဌာန (MPT) ကပြောကြားသည်။

လိုင်စင်ချပေးလိုက်သည်နှင့် တစ်ပြိုင်နက်တည်း ဆက်သွယ်ရေးတာဝါတိုင် ထောင်ပေါင်းများစွာ ဆောက်လုပ်တပ်ဆင် လိမ့်မည်ဖြစ်ရာ လာမည့် ၂၀၁၅ ခုနှစ်တွင် မြန်မာလူဦးရေ သန်း ၆၀ ၏ ၈၀ ရာခိုင်နှုန်းခန့် မိုဘိုင်းဖုန်း အသုံးပြုနိုင်မည်ဟု မျှော်လင့်ရသည်။ အစိုးရက ထုတ်ပြန်ထားသော ကိန်းဂဏန်းများအရ ၂၀၁၃ ခုနှစ်၊ ဇူလိုင်လတွင် မြန်မာနိုင်ငံလူဦးရေ၏ ၇ ဒသမ ၀၈ ရာခိုင်နှုန်းခန့်သာ မိုဘိုင်းလ်ဖုန်း အသုံးပြုနိုင်သည်။

“လိုင်စင်အသက်ဝင်တဲ့နေ့ကနေ ခြောက်လရောက်တာနဲ့ ဝန်ဆောင်မှုတွေစပေးနိုင်ဖို့ ကျွန်တော်တို့ ဆုံးဖြတ်ထားပြီး သားပါ။ ကျွန်တော်တို့ရဲ့ ကွန်ယက်ကိုလည်း ဖြစ်နိုင်လျင် အမြန်ဆုံးပေါ်ပေါက်လာအောင် လုပ်မှာပါ။ မြန်မာအစိုးရ ဘက်က အင်မတန်တိုးတက်ဖြစ်ထွန်းမှုရှိပြီး အလားအလာကောင်းတဲ့ အချက်ပြမှုတွေကို ကျွန်တော်တို့ တွေ့မြင်ထား ပါတယ်။ ဥပဒေလုပ်ထုံးလုပ်နည်းဆိုင်ရာ ပြုပြင်ပြောင်းလဲမှုတွေရှိလာမယ် ဆိုတဲ့အချက်ကို တွေ့မြင်ထားတာ ဖြစ်ပါတယ်။

ယခုလို မိုဘိုင်းဆက်သွယ်ရေးအခန်းကဏ္ဍအတွက် မူဘောင်တစ်ခုဖန်တီးဖို့ သူတို့ကြိုးပမ်းလုပ်ကိုင်နေတာကို ကျွန်တော်တို့က အားပေးအားမြှောက်ပြုသလို အထောက်အပံ့လည်း ပြုပါတယ်” ဟု အော်ရီဒူး(Ooredoo) ကုမ္ပဏီ၏ စီအီးအိုဖြစ်သူ Ross Cormack ကပြောကြားသည်။  အော်ရီဒူးသည် ၁၅ နှစ် လုပ်ကိုင်ခွင့် လိုင်စင်ရရှိမည့် ကာလတလျှောက် မိုဘိုင်းလ်ကွန်ယက် အခြေခံအဆောက်အဦး အတွက် ဒေါ်လာ ၁၅ ဘီလီယံ အသုံးပြုသွားမည်ဟု ကတိပြု ပြောဆိုထားသည်။

ပြီးခဲ့သည့် ဇွန်လအတွင်း မိုဘိုင်းလ်ဆက်သွယ်ရေး လုပ်ငန်းအတွက် တင်ဒါခေါ်ယူမှုမှာ ထိုနှစ်အတွင်း MPT ၏ဆောင်ရွက်မှုများ အနက်တစ်ခုအပါအဝင်ဖြစ်ခဲ့သည်။ ထိုနှစ်က MPT သည် တယ်လီဆက်သွယ်ရေးဥပဒေ သာမက တိုင်းပြည်အတွက်အရေးကြီးသည့် အခြေခံအဆောက်အဦး ဖွံ့ဖြိုးရေးကို လုပ်ကိုင်နိုင်မည့် ကန်ထရိုက် လုပ်ငန်းများ ကိုလည်း တံခါးဖွင့်ပေးခဲ့သည်။

မြန်မာနိုင်ငံ၏ အကြီးဆုံးဖွံ့ဖြိုးရေး စီမံကိန်းကြီးများအနက် တစ်ခုဖြစ်သော သီလဝါစီးပွားရေးဇုန်(SEZ) ကိုလည်း ယင်း ၂၀၁၃ ခုနှစ်တွင်ပင် စတင်လုပ်ကိုင်နိုင်ခဲ့သည်။ သီလဝါအထူးစီးပွားရေးဇုန်ကြောင့် ဒေသခံပြည်သူများ ပြောင်းရွှေ့နေထိုင်ရမှု၊ ၎င်းတို့အား လျော်ကြေးပေးဆောင်မှု အစရှိသည့် ပြဿနာများကြောင့် နှောင့်နှေးမှုများရှိနေသော်လည်း ဂျပန်ဧရာမ ကော်ပိုရိတ်ကြီးများဖြစ်သော ဆူမီတိုမိုနှင့် မစ်ဆူဘစ်ရှီတို့နှင့် ဖက်စပ်ပူးပေါင်းလုပ်ကိုင်ကာ ဒေါ်လာ သန်း ၁၅၀ ရင်းနှီးမြှုပ်နှံမည့် ယင်းစက်မှုဇုန်သည် မြန်မာနိုင်ငံအတွက် လိုအပ်နေသည့် နိုင်ငံခြားရင်းနှီးမြှုပ်နှံမှုများကို ဆွဲဆောင်ရာတွင် အထောက်အပံ့ပြုလိမ့်မည်ဟု ပညာရှင်များက ခန့်မှန်းထားကြသည်။

“ပြည်ပက ရင်းနှီးမြှုပ်နှံမှုတွေလက်ခံပြီး အလုပ်အကိုင်အခွင့်အလမ်းတွေကို ဖန်တီးနိုင်ဖို့ အင်မတန် အရေးကြီး ပါတယ်။ အဲဒါမှ မြန်မာပြည်သူတွေအနေနဲ့ ပြုပြင်ပြောင်းလဲရေး အသီးအပွင့်တွေကို ခံစားကြရမှာပါ” ဂျပန်လွှတ်တော်မှ စီးပွားရေး၊ ကုန်သွယ်ရေးနှင့် စက်မှုဝန်ကြီး Yoshihiko Isozaki က နိုဝင်ဘာလ ၃၀ ရက်နေ့တွင် ပြုလုပ်သည့် SEZ စတင်ခြင်း အခမ်းအနား၌ ပြောကြားသည်။ အဆိုပါ စီမံကိန်းကို လာမည့် ၂၀၁၅ ခုနှစ်ကုန်ပိုင်းတွင် အပြီးသတ်နိုင် လိမ့်မည်ဟု ခန့်မှန်းထားကြောင်းလည်း ၎င်းကဆိုသည်။

ထိုသို့ စီမံကိန်းပြီးဆုံးမည့်ရက်များသတ်မှတ်ထားခြင်း၊ ဥပဒေရေးဆွဲမည့်ကိစ္စများ ဆောင်ရွက်နေခြင်း အစရှိသည် တို့ကြောင့် ၂၀၁၄ ခုနှစ်သည် မြန်မာ့ဈေးကွက်ထဲသို့ ပထမဆုံးအကြိမ်အဖြစ် ဝင်ရောက်လာမည့် နိုင်ငံခြား ကုမ္ပဏီသစ်များအတွက် အရေးကြီးသော စမ်းသပ်ချက်များကို ပြသလိမ့်မည်ဖြစ်သည်။

“ယခု ၂၀၁၄ ခုနှစ်ထဲမှာ ဘဏ်လုပ်ငန်း၊ အာမခံလုပ်ငန်းစတာတွေ ဖက်စပ်လုပ်ငန်းသဘောမျိုးနဲ့ လုပ်ကိုင်လာတာကို တွေ့မြင်ရလိမ့်မယ်လို့ ယုံကြည်တယ်၊ ပြည်ပက ငွေကြေးထောက်ပံ့ပေးတာတွေလည်း တွေ့မြင်လာရလိမ့်မယ်” ဟု ရန်ကုန်အခြေစိုက် ဥပဒေအကြံပေးလုပ်ငန်းဖြစ်သော Polastri, Wint & Partners မှ Managing Partner ဖြစ်သူ Alessio Polastri ကပြောကြားသည်။ “မြန်မာနိုင်ငံမှာ ပူးပေါင်းလုပ်ကိုင်မယ့် စက်မှုလုပ်ငန်းတွေက နိုင်ငံခြားသားတွေအတွက် အဆင်ပြေချောမွေ့မှုရှိအောင် ဥပဒေအသစ်တွေက လုပ်ဆောင်ပေးပါ လိမ့်မယ်” ဟု ၎င်းက ဆက်လက် ပြောကြားသည်။

အစိုးရက နိုင်ငံခြားဘဏ်များနှင့် ပြည်ပမှအာမခံလုပ်ငန်းများအား မြန်မာဈေးကွက်တွင်းသို့ ဝင်ရောက်လုပ်ကိုင် ခွင့်ပြုမည်ဟု ဆိုထားသော်လည်း လတ်တလော အနေအထားအထိ လုပ်ကိုင်ခွင့်မရရှိကြသေးပေ။ ယခုနှစ်အတွင်း တွင်မူ အချို့သော ပြည်ပဘဏ်များ ဝင်ရောက်လုပ်ကိုင်ခွင့်ရရှိမည်ဟု ခန့်မှန်းရသည်။ သို့သော် မလေးရှားအခြေစိုက် CIMB ဘဏ်၊ စင်ကာပူ DBS ဘဏ် နှင့် ဂျပန်ဆူမီတိုမိုမစ်ဆူအီဘဏ် တို့အပါအဝင် နိုင်ငံခြားဘဏ် အတော်များများမှာ မြန်မာပြည်၌ ကိုယ်စားလှယ်ရုံးခွဲများ ဖွင့်လှစ်ထားသလို အာမခံလုပ်ငန်းပိုင်းတွင် နာမည်ရထားပြီးဖြစ်သော လုပ်ငန်းကြီးများလည်း ရန်ကုန်မြို့၌ ရုံးများဖွင့်လှစ်ထားကြသည်။ ယင်းအာမခံလုပ်ငန်းများတွင် ACE ၊ MetLife နှင့် Prudential တို့လည်းပါဝင်ကြသည်။

“ရင်းနှီးမြှုပ်နှံမှုတစ်ခုတည်းအတွက် လူတွေက မြန်မာပြည်ကိုမလာကြဘူး၊ အကျိုးအမြတ်ထုတ်လို့ရမယ့် အခွင့်အလမ်း တွေရှိလို့သာ လာကြတာ” ဟု Polastri ကသုံးသပ်ပြောကြားသည်။

မြန်မာအစိုးရအနေဖြင့် ယခု ၂၀၁၄ ခုနှစ်အတွင်း မကြာသေးခင်ကာလက သတ်မှတ်ပြဋ္ဌာန်းထားသော နိုင်ငံခြား ရင်းနှီးမြှုပ်နှံမှုဥပဒေကို ပြန်လည်ပြင်ဆင်ရေးဆွဲမည် ဖြစ်သည်။ သို့မှသာ နိုင်ငံခြားစီးပွားရေးလုပ်ငန်းများ အနေဖြင့် ဝန်ဆောင်မှုနှင့် ကုန်ထုတ်လုပ်မှု အခန်းကဏ္ဍထဲသို့ အလွယ်တကူဝင်ရောက်ကာ စီးပွားရေး လုပ်ကိုင်နိုင်မည် ဖြစ်သည်။

ယမန်နှစ် ဧပြီလအတွင်း ဥရောပသမဂ္ဂက မြန်မာနိုင်ငံကို အသိအမှတ်ပြုလိုက်ပြီးနောက် ၂၀၁၃-၂၀၁၄ ခုနှစ် ဘဏ္ဍာနှစ်အတွင်း အထည်ချုပ်လုပ်ငန်းများမှ ပြည်ပတင်ပို့မှုမှာ ပြန်လည်မြင့်တက်လာရာ ယခုနှစ်အတွင်း ဒေါ်လာ သန်း ၇၀၀ ဖိုးအထိရှိလာမည်ဟု ခန့်မှန်းရသည်။  Heineken ၊ Carlsberg ၊ Siam Cement Group နှင့် Nissan Corp တို့ကဲ့သို့ နိုင်ငံခြားကုန်ထုတ်လုပ်ငန်းကြီးများသည်လည်း ဒေါ်လာသန်းပေါင်းမြောက်မြားစွာ ရင်းနှီးမြှုပ်နှံထားပြီဖြစ်ပြီး ၂၀၁၅ ခုနှစ်မှစ၍  မြန်မာနိုင်ငံတွင် ၎င်းတို့၏စက်ရုံများလည်ပတ်နိုင်တော့မည်ဖြစ်သည်။

“လတ်တလော ဖွံ့ဖြိုးတိုးတက်မှုတွေနဲ့အတူ ကုန်သွယ်ရေးအခန်းကဏ္ဍဟာ ပိုပြီးထင်ရှားကျော်ကြားတဲ့ အပိုင်းထဲကို ရောက်လာတယ်၊ အဲဒီတော့ ဥပဒေရေးဆွဲတာတို့၊ ရှင်းလင်းဖော်ပြချက် လုပ်တာတို့ကို အမြန်ဆုံး တွေ့မြင်လာ ရနိုင်ပါတယ်” ဟု ရန်ကုန်အခြေစိုက် ရင်းနှီးမြှုပ်နှံမှုအဖွဲ့ဖြစ်သော Thura Swiss မှ သုတေသီ Jeremy Rathjen ကပြောကြားသည်။

မြန်မာနိုင်ငံ၏ အလားအလာအရှိဆုံးနှင့် အကျိုးအမြတ် အဖြစ်ထွန်းနိုင်ဆုံးသော စွမ်းအင်အခန်းကဏ္ဍကို ကြည့်မည် ဆိုလျှင် စွမ်းအင်ဝန်ကြီးဌာနက ကမ်းလွန်စွမ်းအင် တူးဖော်ရေးလုပ်ကွက်များအတွက် တင်ဒါခေါ်ယူမှု၌ လျှောက်ထားနိုင်သည့် လုပ်ငန်းအရေအတွက်ကို လတ်တလောလျှော့ချရန် ကြိုးပမ်းနေသည်။ ပြီးခဲ့သည့် နိုဝင်ဘာ ၃၀ ရက်နေ့က နောက်ဆုံးအကြိမ် လျှောက်လွှာခေါ်ယူကာ လုပ်ကိုင်ခွင့်ပြုသည့် စာရင်းတွင် Daewoo၊ PTTEP၊ TOTAL၊ Chevron၊ GAIL India၊ Hawkley နှင့် Petronas တို့ကဲ့သို့ ဧရာမစွမ်းအင် လုပ်ငန်းကြီးများ ပါဝင်ခဲ့သည်။ လာမည့် ဧပြီလအတွင်း စွမ်းအင်တူးဖော်လုပ်ကိုင်ခွင့်အတွက် ခေါ်ယူမှုပြုရာ၌ အဆိုပါ စာရင်းမှာ ထပ်မံလျော့နည်း သွားဖွယ် သာရှိသည်။

မြန်မာနိုင်ငံ၏ စီးပွားရေးအတွက် ကြိုးပမ်းအားထုတ်မှုများ မည်သို့ပင်ရှိနေစေကာမူ အချို့သော နိုင်ငံခြား ကုမ္ပဏီများမှာ ဈေးကွက်တွင်း သို့ဝင်ရောက်ရေးနှင့်ပတ်သက်၍ ခြေတုံချတုံဖြစ်လျက်ရှိသည်။ အကြောင်းမှာ ဥပဒေများသည် မကြာခဏဆိုသလို ပြောင်းလဲမှုများ ဖြစ်ပေါ်သောကြောင့်ဖြစ်သည်ဟု Polastri ကမှတ်ချက်ပြုသည်။

မြန်မာ့စီးပွားရေးတိုးတက်မှုတွင် အန္တရာယ်များသည့်အခြားသော ကိစ္စရပ်များလည်း ရှိပါသေးသည်။ ၂၀၁၄ ခုနှစ်အတွင်း မြန်မာနိုင်ငံ၏ ပြုပြင်ပြောင်းလဲရေးလုပ်ငန်းစဉ်မှာ အာဆီယံ စီးပွားရေးအသိုက်အဝန်း ထူထောင်ရေး ဟူသည့်ကိစ္စကြောင့် ပြတ်ပြတ်သားသားဖြစ်လာလိမ့်မည်ဟု ပညာရှင်များက ထောက်ပြသည်။

“အထူးသဖြင့် ပြုပြင်ပြောင်းလဲရေးအရှိန်ကို ထိန်းသိမ်းထားရေးဆိုတာ စိန်ခေါ်မှုတစ်ရပ် ဖြစ်လာနိုင်ပါတယ်။ ကမ္ဘာလုံး ဆိုင်ရာအတိုင်းအတာနဲ့ ဈေးနှုန်းတွေကျဆင်းနေတာတို့၊ တရုတ်ပြည်မှာ ရင်းနှီးမြှုပ်နှံမှုတွေ နှေးကွေးကျဆင်း တာတို့ စတာတွေကလည်း ပြင်ပဂယက်တွေထဲမှာ ပါနေပြန်တယ်” ဟု ကမ္ဘာ့ဘဏ်က လတ်တလော ထုတ်ပြန်သော မြန်မာ့ စီးပွားရေး လေ့လာစောင့်ကြည့်မှု အစီရင်ခံစာတွင် ဖော်ပြထားသည်။ မြန်မာအနေဖြင့် နိုင်ငံခြား ငွေလဲလှယ်မှု နှုန်းထားများ ဆိုးရွားနေခြင်း၊ ငွေကြေးဖောင်းပွမှုမြင့်မားနေခြင်း အစရှိသည်တို့ကိုလည်း ဖြေရှင်းရန် လိုအပ်သည်ဟု ကမ္ဘာ့ဘဏ်က သတိပေး ပြောဆိုထားသည်။

“မည်ကာမတ္တသဘောသာရှိသည့် အမေရိကန်ဒေါ်လာနှင့် မြန်မာကျပ်ငွေလဲလှယ်မှုနှုန်းက မြန်မာနိုင်ငံ၏ ပို့ကုန် တင်ပို့မှု ဆိုင်ရာ ယှဉ်ပြိုင်နိုင်စွမ်းပေါ်မှာ အနုတ်လက္ခဏာဆောင်စေသည့် ဂယက်ရိုက်ခတ်လာမည်ကို စိုးရိမ်ရပါသည်။

အထူးသဖြင့် ငွေကြေးဖောင်းပွမှုကလည်း မြင့်တက်လျက်ရှိသည်” ဟု ကမ္ဘာ့ဘဏ်၏ အစီရင်ခံစာတွင် ဖော်ပြထားသည်။

လျှပ်စစ်စွမ်းအင်ကဏ္ဍကို ကြည့်မည်ဆိုလျှင်လည်း မြန်မာပြည်သူလူထု၏ ၂၉ ရာခိုင်နှုန်းသာ လျှပ်စစ်မီးရရှိကြသည်။ စီးပွားရေးအရ အခရာကျသည့် ရန်ကုန်ကဲ့သို့ မြို့ကြီးများမှာ မကြာခဏမီးပျက်မှုများနှင့် ရင်ဆိုင်နေရသည်။ လျှပ်စစ်ဓာတ်အား ထုတ်လုပ်ရေးစက်ရုံများ ဖွံ့ဖြိုးရေးအတွက် ကမ္ဘာ့ဘဏ်နှင့် အာရှဖွံ့ဖြိုးရေးဘဏ် (ADB) တို့ထံမှ ချေးငွေ စုစုပေါင်း သန်း ၂၀၀ ရရှိထားသော်လည်း နှစ်စဉ်အစိုးရ၏ စရိတ်စိုက်ထုတ်မှုမှာ ဒေါ်လာ သန်း ၁၉၀ ခန့်ရှိရာ ပြဿနာများ ပိုမိုဆိုးရွားလာနိုင်ပါသည်။

ထို့ပြင် အစိုးရက ဧပြီလမှစ၍ အိမ်ထောင်စုအတော်များများအတါက် လျှပ်စစ်ဓာတ်အားခကို ၄၃ ရာခိုင်နှုန်း တိုးမြှင့်ကောက်ခံမည်ဟု ကြေညာထားပြီဖြစ်ရာ ယခုနှစ် သည် စားသုံးသူ (သုံးစွဲသူ)များအတွက် ကြီးမားသည့် အပြောင်းအလဲတစ်ရပ်နှင့် ကြုံတွေ့ရမည့် နှစ်တစ်နှစ် ဖြစ်လာပေလိမ့်မည်။ အစိုးရက အောက်တိုဘာလတွင် ဓာတ်အားခများ တိုးမြှင့်ရန် ကြိုးပမ်းခဲ့ပြီးနောက် အဆိုပါ ကြေညာချက်ကို ထုတ်ပြန်ခဲ့ခြင်း ဖြစ်သည်။ အဆိုပါ အစီအစဉ်ကြောင့် မြန်မာနိုင်ငံတစ်ဝန်းလုံးတွင် ဆန္ဒပြမှုများဖြစ်ပေါ်ခဲ့သည်။

“လျှပ်စစ်စွမ်းအင် အခန်းကဏ္ဍရဲ့ ဘဏ္ဍာရေး အလားအလာကောင်းဖို့ လုပ်မယ်ဆိုရင် အခွန်ကောက်တဲ့ နှုန်းထားတွေ တိုးမြှင့်ရမှာဖြစ်သလို အစိုးရစရိတ်စိုက်ထုတ်မှုတွေ ပိုပြီးလုပ်ပေးရတာမျိုးတွေလည်း လိုအပ်လာမှာ ဖြစ်ပါတယ်” ဟု ADB မှ စွမ်းအင်ရေးရာကျွမ်းကျင်သူ Jong Inn Kim ကပြောကြားသည်။

ထိုသို့ ရွေးကောက်ပွဲမတိုင်မီတစ်နှစ်အလို မြန်မာနိုင်ငံတွင် ပြုပြင်ပြောင်းလဲရေးနှင့် ပတ်သက်၍ လုပ်ကိုင်စရာ မြောက်မြားစွာရှိနေပေရာ ယခု ၂၀၁၄ ခုနှစ်သည် မြန်မာနိုင်ငံအတွက် လက်ဝှေ့ထိုးပွဲမတိုင်မီ တစ်ညနှင့်အလား သဏ္ဍန်တူညီနေမည်ဖြစ်ကြောင်း Jeremy Rathjen ကသတ်မှတ်ပြောကြားသည်။ “ယခု ၂၀၁၄ ခုနှစ်ကို အမှန် တကယ် ပွဲမထွက်မီ ကြိုတင်ပြင်ဆင်ရတဲ့ အဆင့်တစ်ခုလို့ ကျွန်တော်က ရှုမြင်မိပါတယ်” ဟု ၎င်းကဆိုပြီး ရင်းနှီးမြှုပ်နှံ သူများအနေဖြင့်လည်း အာရှ၏နောက်ဆုံးနယ်မြေသစ်သဖွယ်ဖြစ်သော မြန်မာနိုင်ငံသို့ ဝင်ရောက်လုပ်ကိုင်မှုမှ ဖြစ်ပေါ်လာမည့် အန္တရာယ်များကို ကြုံတွေ့ကြရမည်ဖြစ်ကြောင်း ဖြည့်စွက်ပြောကြားပါသည်။



Google Drive: create, share, and keep all your stuff in one place. Logo for Google Drive