Posts
Washington Post, 4th April 2010
တစ်နည်းအားဖြင့် စဉ်းစားကြည့်ပါက လူဦးရေ သန်း ၅၀ ကျော်သော အရှေ့တောင် အာရှနိုင်ငံ တစ်ခု ဖြစ်သော မြန်မာနိုင်ငံတွင် ရုပ်လုံး ပေါ်လာပြီ ဖြစ်သည့် ရယ်စရာ ရွေးကောက်ပွဲမှ ကောင်းသတင်းများ ထွက်ပေါ်လာသည်ဟု ဆိုနိုင်သည်။
မြန်မာ စစ်ဗိုလ်ချုပ်များသည် နိုင်ငံတကာ၏ သဘောထားကို ဂရုစိုက်ခြင်း မရှိပါက ဒီမိုကရေစီ ပေါ်ထွန်းအောင် ဖန်တီးမည့် ဆောင်ရွက်ချက်များကို ပြုလုပ်လိမ့်မည် မဟုတ်ပါ။ မြန်မာနိုင်ငံ၏ ငြိမ်းချမ်းရေး နှင့် ဒီမိုကရေစီကို အားပေး မြှင့်တင်ရန် စိတ်ဝင်စားသည့် ပြင်ပ နိုင်ငံများသည် အများ ယုံကြည်ထားသည်ထက် ပို၍ ခွန်အား စိုက်ထုတ်ရမည် ဆိုသည်ကို ဤအချက်က ညွှန်ပြနေသည်။
အခြား တစ်ဖက်တွင်လည်း ၎င်းနိုင်ငံများသည် အဆိုပါ ခွန်အားကို အပြုသဘော ဆောင်သော နည်းလမ်းတွင် အသုံးပြုရန် လိုလားသည် ဆိုရုံမျှနှင့်ပင် ကောင်းသတင်းများ ကြားသိရသည်ဟု ဆိုချင်သည်။ အဆိုပါ မျက်နှာစာတွင် သွားစရာ ခရီးရှည် ရှိနေသည်။
ယခုနှစ် အတွင်း တစ်ချိန်ချိန်တွင် ကျင်းပမည်ဟု ဆိုသည့် ရွေးကောက်ပွဲများတွင် ပါဝင် ယှဉ်ပြိုင်ခြင်း မပြုရန် အတိုက်အခံ NLD ပါတီက ယခင် အပတ်က တရားဝင် ဆုံးဖြတ်ခဲ့သည်။ အဆိုပါ မလွှဲမရှောင်သာ ဆုံးဖြတ်ချက်သည် စစ်ဖက် အုပ်ချုပ်သူများက အသိပေး ထုတ်ပြန်သော ရွေးကောက်ပွဲ ဥပဒေအရ နိုင်ငံရေး အကျဉ်းသား ပါတီဝင်များကို ထုတ်ပယ်မှသာ နိုင်ငံရေး ပါတီ အဖြစ် မှတ်ပုံတင် နိုင်မည်ဟု ဆိုခြင်းကြောင့် ထွက်ပေါ်လာခြင်း ဖြစ်သည်။
မြန်မာနိုင်ငံ၏ နိုင်ငံရေး အကျဉ်းသား ၂၀၀၀ ကျော်တွင် NLD ခေါင်းဆောင် အတော်များများ အပါအဝင် တိုင်းပြည်၏ ထင်ရှားသော နိုင်ငံသား အမြောက်အမြား ပါဝင်နေသည်။ ပါတီ ခေါင်းဆောင် ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည် မှာလည်း နေအိမ်တွင် အကျယ်ချုပ် ထိန်းသိမ်းခြင်း ခံနေရသည်။
"သူတို့ မပါရင် ကျွန်တော်တို့ ပါတီက ဘာမှ မရှိတော့ပါဘူး" ဟု မကြာသေးမီက ထောင်မှ လွတ်လာသော ဦးဝင်းတင်က အင်္ဂါနေ့တွင် စာဖြင့် ရေးသား ပေးပို့ခဲ့သည်။ "သူတို့ဟာ သူတို့ရဲ့ ဒီမိုကရေစီ ယုံကြည်ချက်ကြောင့် ထောင်ထဲ ရောက်နေသူတွေ ဖြစ်ပါတယ်။ ယုံကြည် လေးစားထိုက်တဲ့ ဒီမိုကရေစီ လုပ်ငန်းစဉ် ဖြစ်ဖို့ အတွက် ဆိုရင် သူတို့ အမြန်ဆုံး လွတ်မြောက်ပြီး ရွေးကောက်ပွဲ လုပ်ငန်းစဉ်မှာ ပါဝင်နိုင်ဖို့ လိုပါတယ်" ဟု ၎င်းက ပြောကြားသည်။
မည်သို့ပင် ဖြစ်စေ စစ်ဗိုလ်ချုပ်များသည် ၎င်းတို့၏ ရွေးကောက်ပွဲ နှင့်အတူ ရှေ့ဆက်ရန် အတွက် မျှော်လင့်နိုင်သည်။ ၂၀၀၈ ခုနှစ်က ပြည်သူများကို ရေအောက်သို့ ပို့ပစ်ခဲ့သည့် ဆိုးဝါး ကြမ်းတမ်းသော ဆိုင်ကလုန်း မုန်တိုင်းသည်ပင် စစ်ဗိုလ်ချုပ်များ၏ အခြေခံ ဥပဒေ ဆန္ဒခံယူပွဲ ကျင်းပခြင်းကို မတားဆီး နိုင်ခဲ့ပါ။ လူများစု၏ ဆန္ဒကဲ့သို့သော တစ်စုံတစ်ရာ အသေးအဖွဲကမှ ၎င်းတို့၏ အာဏာကို ဆွဲယူနိုင်လိမ့်မည် မဟုတ်ကြောင်း သေချာစေရန် အတွက်လည်း လုံလောက်သော လွှတ်တော် ကိုယ်စားလှယ် နေရာများကို တပ်မတော်သို့ ပေးရန် ဥပဒေက အာမခံ ပေးထားသည်။ ၎င်းတို့ အတွက် သေချာအောင် ပြုလုပ်သည့် အနေဖြင့် အစိုးရက ရွေးကောက်ပွဲ ဥပဒေကို စီမံ ရေးဆွဲခဲ့သည့် အတွက် ၁၉၉၀ အစစ်အမှန် ရွေးကောက်ပွဲကို လွှမ်းမိုးခဲ့သော NLD ပါတီမှာ ယခုအခါ ပါဝင် ယှဉ်ပြိုင်နိုင်မည် မဟုတ်တော့ပါ။
သို့ဖြစ်ရာ ရယ်စရာ ကောင်းပြီး၊ လူတိုင်း သိနေသည့် လှည့်စားမှုများကို အစိုးရက အဘယ်ကြောင့် ပြုလုပ်ပါသနည်းဟု မေးစရာ ရှိသည်။ အဖြေမှာ ကမ္ဘာ့ အရက်စက်ဆုံး၊ အဖိနှိပ်ဆုံး အစိုးရများထဲမှ တစ်ခု ဖြစ်သည်ဟု အများက သတ်မှတ်ထားကြခြင်းကို စစ်ဗိုလ်ချုပ်များက ဖုံးကွယ်လိုခြင်းပင် ဖြစ်သည်။ အမေရိကန် ပြည်ထောင်စုနှင့် အနောက်နိုင်ငံများက ချမှတ်ထားသော ဘဏ္ဍာရေး နှင့် ကုန်သွယ်ရေး ပိတ်ဆို့ အရေးယူမှုများမှလည်း လွတ်မြောက်လိုပုံ ရသည်။ ထို့အပြင် ၎င်းတို့အား တလေးတစား ဆက်ဆံခြင်းကိုလည်း ခံယူချင်ပုံ ရသည်။
ကမ္ဘာ့ နိုင်ငံများ အနေဖြင့် မိုက်ရူးရဲ ရှေ့တိုးနေသော မြန်မာနိုင်ငံ နောက်ပြန်လှည့်မှုကို အမှန်တကယ် ကြိုဆိုမည် ဖြစ်ကြောင်း ရှင်းလင်းစွာ ပြသသင့်သည်။ သို့ရာတွင် မြန်မာ အစိုးရ အနေဖြင့် နိုင်ငံရေး အကျဉ်းသား အားလုံးကို လွှတ်ပေးခြင်း နှင့် တိုင်းရင်းသားများ အပေါ် ကျူးလွန်နေသော စစ်ရာဇဝတ်မှုများကို ရပ်ဆိုင်းခြင်း တို့ကိုမူ ပြုလုပ်ရလိမ့်မည်။ အင်ဒိုနီးရှား၊ သြစတြေးလျ၊ ချက်သမ္မတနိုင်ငံနှင့် အမေရိကန် ပြည်ထောင်စု စသော နိုင်ငံ အနည်းငယ်ကို ဒီမိုကရေစီ ပြုပြင် ပြောင်းလဲမှု ထောက်ခံသည့် သိက္ခာရှိ နိုင်ငံများ အဖြစ် မြင်တွေ့ရသော်လည်း အိန္ဒိယ နိုင်ငံနှင့် ဒီမိုကရေစီဟု ယူဆရသော စင်္ကာပူ နိုင်ငံတို့မှာမူ ထိုသို့ မဟုတ်ပါ။ ဒီမိုကရေစီ ထောက်ခံသော နိုင်ငံများသည် အတူတကွ ပေါင်းစည်းခြင်းဖြင့် အမှန်တကယ် သြဇာသုံး လွှမ်းမိုးနိုင်သည်။
အစိုးရ ထိပ်ပိုင်း ခေါင်းဆောင်များနှင့် ၎င်းတို့ပိုင် ဓန ဥစ္စာများကို အမှန်တကယ် ပစ်မှတ်ထားသည့် ဘဏ္ဍာရေး ပိတ်ဆို့မှုများကို တင်းကျပ် နိုင်သည်။ အဓမ္မ ခိုင်းစေမှုနှင့် အုပ်စုဖွဲ့ အဓမ္မကျင့်မှု စသော မြန်မာ အစိုးရ၏ စစ်ရာဇဝတ်မှုများကို စုံစမ်း စစ်ဆေးရန် ကုလသမဂ္ဂ ယန္တရားကို တွန်းအား ပေးနိုင်သည်။ ထိုသို့ ပြုလုပ်ရန် ယခုအချိန်သည် အချိန်ကောင်း ဖြစ်ပြီး တစ်နည်းအားဖြင့် ပြောရလျှင် စားပွဲပေါ်တွင် ဖုံတက်နေသော (သို့မဟုတ်) အသုံးမပြု ရသေးသော စွမ်းအား၊ ခွန်အားများကို စုစည်း ညီညွတ်စွာ အသုံးပြုရမည့် အချိန် ဖြစ်သည်ဟု တင်ပြလိုက်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.