Posts
DVB News, 25th May 2010
ဝ ပြည်သွေးစည်း ညီညွတ်ရေး တပ်မတော် UWSA က ခံစစ် ကတုတ်ကျင်း တူးဖော်မှုနှင့် လက်နက် သိုလှောင်မှု တိုးမြှင့်ခဲ့ခြင်းကြောင့် ယခင် အပတ်က ဝ တောင်ပိုင်း တပ်ဖွဲ့မှ အရာရှိများနှင့် တွေ့ဆုံခဲ့သည့် နေပြည်တော်မှ စစ်ဖက် အုပ်ချုပ်သူများ စိုးရိမ်ပူပန်နေကြသည်ဟု ကြားသိရသည်။
နယ်စပ်မြို့ တာချီလိတ် အနီးတွင် ပြုလုပ်သော ဆွေးနွေးပွဲတွင် စစ်ဖက် ထောက်လှမ်းရေး အကြီးအကဲ ဒုတိယ ဗိုလ်ချုပ်ကြီး ရဲမြင့်က UWSA တပ်ဖွဲ့များ အင်အား တိုးချဲ့နေခြင်း၏ နောက်ကွယ်မှ အကြောင်းရင်းကို မေးမြန်းခဲ့သည်။ အင်အား ၃၀၀၀၀ ရှိသော UWSA စစ်တပ်သည် မြန်မာနိုင်ငံတွင် အင်အားအကြီးဆုံး အပစ်ရပ်အဖွဲ့ ဖြစ်၍ အရှေ့မြောက်ပိုင်း ရှမ်းပြည်နယ်၏ နယ်မြေ အချို့ကို ထိန်းချုပ်ထားသည်။
နယ်ခြားစောင့် တပ်ဖွဲ့ အဖြစ် အသွင်ပြောင်းရန် ဝ တို့က တုန့်ဆိုင်းနေခဲ့ခြင်းကြောင့် ယခုလပိုင်းများ အတွင်း စစ်ဖက် အုပ်ချုပ်သူများနှင့် UWSA အကြား တင်းမာမှု မြင့်တက်လာခဲ့သည်။
"အစိုးရက ဝ နဲ့တိုက်ခိုက်ဖို့၊ ရထားတဲ့ ငြိမ်းချမ်းရေးကို ချိုးဖောက်ဖို့ ဆန္ဒမရှိဘူးလို့ ဒုတိယ ဗိုလ်ချုပ်ကြီး ရဲမြင့်က ပြောသွားပါတယ်" ဟု အမည်မဖော်လိုသူ ဝ အရာရှိတစ်ဦးက ပြောကြားသည်။
ယခင် ဝ စစ်သားဟောင်းများကို ပြန်လည် ခေါ်ယူခြင်း အပါအဝင် စစ်ဆင်ရေး အစီအစဉ်များသည် မြန်မာ အစိုးရနှင့် တိုက်ခိုက်ရန် ပြင်ဆင်ခြင်း ဟုတ်၊ မဟုတ် ဒုတိယ ဗိုလ်ချုပ်ကြီး ရဲမြင့်က မေးမြန်းခဲ့သည်ဟု သိရှိရသည်။
အဆိုပါ စစ်ရေး စီမံမှုများမှာ လာအိုနှင့် ထိုင်းနယ်စပ်အနီး ဝ နယ်မြေမှ လက်နက်ကိုင် တပ်ဖွဲ့များ၏ ပုံမှန် လုပ်ငန်းများသာ ဖြစ်သည်ဟု ဝ တို့က ပြန်လည် ပြောကြားခဲ့ကြောင်း ဝ အရာရှိ၏ အဆိုအရ သိရှိရသည်။
တပ်မတော် စစ်ဖက် လုံခြုံရေးရာဌာနမှ အရာရှိကြီး တစ်ဦး ဝ နယ်မြေ ပန်ဆိုင်းသို့ မေ ၉ ရက်နေ့တွင် လာရောက်ခဲ့သော်လည်း UWSA က ခပ်စိမ်းစိမ်း ဆက်ဆံလိုက်သည်ဟု တရုတ် မြန်မာ နယ်စပ် အခြေစိုက် စစ်ရေး အကဲခတ် အောင်ကျော်ဇောက ပြောကြားသည်။
သို့ရာတွင် အထက်ပါ အရာရှိ၏ ခရီးစဉ် အပြီးတွင် ဝ ခေါင်းဆောင် ပေါက်ယူချမ်းက ဒုတိယ ဗိုလ်ချုပ်ကြီး ရဲမြင့်ထံ စာတစ်စောင် ပေးပို့ခဲ့ရာတွင် လာမည့် ရွေးကောက်ပွဲများ အတွက် အခြေခံ ပံ့ပိုး ကူညီမှုများ ပြုလုပ်ပေးမည့် UWSA ၏ အနေအထားကို ဖော်ပြခဲ့သည်။ သို့ရာတွင် နယ်ခြားစောင့်တပ် နှင့် စပ်လျဉ်းသည့် ပြဿနာများကြောင့် ဝ တို့၏ နယ်ခြားတလျှောက် ဖွံ့ဖြိုးရေး စီမံကိန်းများကို နှောင့်နှေးစေခဲ့သည်ဟု ဝ အရာရှိက DVB သို့ ပြောကြားခဲ့သည်။ ရှမ်းပြည်နယ်မှ ပထမဆုံး ပြဿနာ မီးပွားမှာ ယခင်နှစ် သြဂုတ်လက ဖြစ်ပွားခဲ့ခြင်း ဖြစ်ပြီး ထိုစဉ်က နယ်ခြားစောင့်တပ် အဖြစ် အသွင်ပြောင်းရန် ငြင်းဆန်ခဲ့သော ကိုးကန့် တပ်ဖွဲ့ကို မြန်မာ စစ်တပ်က ထိုးစစ်ဆင်ခဲ့ခြင်း ဖြစ်သည်။
"တကယ်တော့ ဝ တွေက ဝေးလံတဲ့ ရွာတွေအထိ သွားပြီး၊ စာသင်ကျောင်း ဆောက်တာ၊ စိုက်ပျိုးရေးလုပ်ငန်းကို ကူညီပေးတာ၊ ကျန်းမာရေး စောင့်ရှောက်မှုပေးတာ တို့ကို လုပ်နိုင်တဲ့ သူတွေပါ၊ ဒါပေမယ့် မနှစ်က ကိုးကန့် ပြဿနာ ဖြစ်ပြီး နောက်ပိုင်း မလုပ်နိုင်တော့ဘူး" ဟု ၎င်းက ပြောကြားခဲ့သည်။
၎င်းက ဆက်လက်၍ ဤကိစ္စ ဖြစ်ပြီးနောက် နယ်မြေတွင်း စစ်ရေး ပြင်ဆင်မှု ကြီးထွားလာခဲ့ပြီး အစိုးရ အရာရှိများက ဝ နယ်မြေ အတွင်း ကျူးကျော် ဝင်ရောက်ခဲ့ကြသည်ဟု ပြောကြားခဲ့သော်လည်း၊ NGO အဖွဲ့များနှင့် ကမ္ဘာ့ စားနပ်ရိက္ခာ အစီအစဉ် WFP မှ ဝန်ထမ်းများ နယ်မြေတွင်း လှုပ်ရှား ဆောင်ရွက်လျက် ရှိနေကြသည်ဟုလည်း အသိအမှတ်ပြု ပြောကြားလိုက်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.