Posts
အများက မတရားဘူး၊ မမျှတဘူးလို့ ဘက်စုံထောင့်စုံက အော်နေကြတဲ့ ဗိုလ်ချုပ်မှူးကြီး သန်းရွှေလုပ်တဲ့၊ လာမယ့် ၂၀၁၀ ရွေးကောက်ပွဲမှာ သူ့ရဲ့ တပ်မတော်ကိုယ်စားပြု ပါတီ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ က နိုင်ခြေဘယ်လောက်ရှိပါသလဲ၊ ရွေးကောက်ပွဲ အဆုံးအဖြတ် အနေအထား ဘယ်လိုဖြစ် လာနိုင်ပါသလဲ။ အားလုံးက သိထားပြီးသား မေးခွန်းနဲ့ ထွက်ပြီးသား အဖြေကို ချေးခြောက်ရေနှူး လုပ်သလို ဖြစ်ကောင်း ဖြစ်နေနိုင်တဲ့အတွက် အခု ဆောင်းပါးဖတ်ချိန်ကလေးကိုပဲ သည်းခံပြီး နှာခေါင်းတစ်ဖက် ပိတ်ထားပေးဖို့ ဦးစွာ မေတ္တာရပ်ခံ ပါရစေ။
စစ်တပ်က နှစ်ပေါင်း ၂၀ ကျော်ကြာ မတရား ရယူ ကြီးစိုးထားတဲ့ အာဏာကို တရားဝင်ဖို့ အတွက် သူတို့ စိတ်ကြိုက်စည်းမျဉ်းတွေ၊ ဥပဒေတွေ ထုတ်ပြန်ခဲ့ပြီး မဖြစ်ဖြစ်အောင်၊ မနိုင်နိုင်အောင်လုပ်မယ့် ရွေးကောက်ပွဲ၊ ဒီပွဲကို ဘာကြောင့် ယုံကြည်မလဲ၊ ဝင်ပြိုင်မလဲ၊ အားလုံးက ညီညွတ်စွာ ဆန့်ကျင်ကြရမယ်၊ တွန်းလှန် ကြရမယ်လို့ ယုံကြည်ကြဆဲ သူများအတွက် အခုဆောင်းပါးက စဉ်းစားစရာ တစ်ခုကို ပေးစွမ်းနိုင်မယ်လို့ ထင်တဲ့ အတွက်ကြောင့်ပါ။
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ နဲ့ အငြင်းပွားစရာများ
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ (USDP) ရဲ့ ဖွဲ့စည်းပုံကို ကြည့်ရင် ပါတီစတင်ဖွဲ့စည်းမှုကစပြီး အငြင်းပွားစရာတွေ ဖြစ်လာတာကို တွေ့နိုင်ပါတယ်။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ (USDP) ဟာ ကြံ့ခိုင်ရေးနှင့် ဖွံ့ဖြိုးရေးအသင်း (USDA) ကို နောက်ခံပြု ဖွဲ့စည်းခဲ့တာဖြစ်ပြီး အသင်းကို စတင်ဖွဲ့စည်းစဉ် ကာလက လူမှုရေးအသင်းအဖြစ် တရားဝင် ဥပဒေထုတ်ပြီး ဖွဲ့စည်းခဲ့တာ ဖြစ်ပါတယ်။ လက်ရှိ စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေက နာယကအဖြစ်ဆောင်ရွက်သလို၊ အစိုးရအဖွဲ့ဝင်တွေ၊ အစိုးရ ဝန်ထမ်းတွေက အသင်းရဲ့အမှူဆောင်အဖြစ် ဆောင်ရွက်ကြတာပါ။ အဲဒါကြီးကို ပါတီအသွင် ပြောင်းလိုက်တယ် ဆိုတာ ပြဿနာရှိပါတယ်။
လောကကြီးမှာ ရှူ့ဒေါင့်ကို လိုက်လို့ မှန်တယ်မှားတယ်ဆိုတာ အမျိုးမျိုး ရှိနိုင်ပေမယ့် အခုကိစ္စမှာတော့ အငြင်းပွားစရာတွေ အသေအချာ ရှိနေပါတယ်။ ပထမ အငြင်းပွားစရာက ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ (USDP) က နိုင်ငံတော်အထောက်အပံ့ရတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး အသင်းကို နောက်ခံပြုပြီး ဖွဲ့စည်းခြင်းဖြစ်တဲ့အတွက် ယခုအစိုးရနဲ့ ဆက်စပ်မှု ရှိတယ်ဆိုတာ သိပ်ကို ထင်ရှားနေပါတယ်။ အစိုးရနဲ့ တပ်မတော်၊ ကြံ့ခိုင်ရေးနဲ့ဖွံ့ဖြိုးရေးအသင်းနဲ့ အစိုးရ၊ အခုပေါ်လာတဲ့ ကြံ့ဖွံ့ပါတီနဲ့ အစိုးရ ချိတ်ဆက်ကြည့် လိုက်ရင် တပ်မတော်က ကြားကနေပြီး ဒိုင်လူကြီးနေရာကနေ ရွေးကောက်ပွဲ လုပ်ပေးမယ်ဆိုတာ အငြင်းပွားစရာ ထပ်ဖြစ်လာတယ်။ အခု တခါ တပ်မတော်က ဟန်ဆောင်ပန်ဆောင် လေးတောင် ဒိုင်လူကြီးလုပ် မပြတော့ဘဲ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဟာ ကိုယ်ဝင်ပြိုင်မဲ့ ပွဲကို အရှက်မရှိ ဒိုင်လူကြီးပါလုပ်ဦးမယ်လို့ ပြင်ဆင်နေပြန်ပါတယ်။
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ဖြစ်လာပြီး ပါတီဥက္ကဌဖြစ်တဲ့ ဝန်ကြီးချုပ်ကအစ ဝန်ကြီးအဖွဲ့ တစ်ဖွဲ့လုံးက တပ်မတော်ကပဲ အနားယူပြီး အစိုးရ အဖွဲ့ထဲက မထွက်ဘူး။ ဒီတော့ အငြင်းပွားစရာတွေ အများကြီးဖြစ်နေတာကို တွေ့ရတယ်။ ဝန်ကြီးတွေအနေနဲ့ ရွေးကောက်ပွဲကို ရာထူးလက်ရှိ ဝန်ကြီးများအနေနဲ့ ဝင်ပြိုင်မယ် ပြီးရင် ရွေးကောက်ပွဲ ရလဒ်အပေါ်မူတည်ပြီး ဝန်ကြီးဆက်လုပ်မယ် ဆိုတာမျိုးလို့ မြင်နိုင်တယ်။ အဲတော့ အငြင်းပွားစရာတွေက ထပ်ပြီးတော့ ဖြစ်လာတယ်။ ပါတီရဲ့ နိုင်ငံရေး ရပ်တည်ချက်ကို ခဏထားပြီး နိုင်ငံရေး လုပ်ကွင်းလုပ်ကွက်နဲ့ အလားအလာကိုကြည့်ရင် စဖွဲ့ကတည်းက အငြင်းပွားစရာတွေ အများကြီးရှိတဲ့ ပါတီဖြစ်တယ်။
အဲဒီ သမိုင်းကြောင်းတွေဟာ ပါတီကနေ ရွေးချယ်မယ့် နိုင်ငံရေးခံယူချက်၊ ၂၀၁၀ ရွေးကောက်ပွဲမှာ ဦးတည်မယ့် နိုင်ငံရေးလမ်းကြောင်း၊ အင်အားကြီး ပါတီတစ်ခုအဖြစ်နဲ့ သမ္မတ ဖြစ်အောင်လုပ်ပြီး အစိုးရဖွဲ့နိုင်ဖို့ ဆိုတဲ့ ရည်မှန်းချက်၊ စတာတွေ အတွက် အရိပ်မည်းတစ်ခုအနေနဲ့ရှိနေမှာ ဖြစ်ပါတယ်။
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၏ ခေါင်းဆောင်မှု
နောက်တစ်ချက်က ပါတီခေါင်းဆောင်မှု ဖြစ်ပါတယ်။ ခေါင်းဆောင်မှု အနေနဲ့ ပါတီမှာ အဓိက တာဝန်ယူမယ့်၊ ခေါင်းဆောင်မှုပေးမယ့် လက်ရှိဝန်ကြီးတွေ (လောလောဆယ်တော့ အရပ်ဝတ် ဖြစ်သွားပြီ) ဟာ စည်းလုံး ညီညွတ်မှု ရှိကြတာမဟုတ်ပါဘူး။ သူတို့ဟာ ဗိုလ်ချုပ်မှူးကြီး စကားကလွဲလို့ဘယ်သူ့ စကားမှ နားမထောင်ဘူး။ စည်းလုံး ညီညွတ်စွာ တစုံတဦးရဲ့ ဦးဆောင်မှုကို လက်ခံပြီး စကားကို နားထောင်ကြမှသာ ရွေးကောက်ပွဲ နိုင်မယ်ဆိုရင်လဲ ရွေးကောက်ပွဲသာ ရှုံးချင်ရှုံးပါစေ ဘယ်သူ့ဦးဆောင်မှုမှ လက်မခံဘူးလို့ သဘောထားရှိကြတယ်။
သွယ်ဝိုက်ဖော်ပြနေတဲ့ မြင်သာထင်သာ တွေကို ကြည့်ရင်လည်း စစ်အစိုးရ တခေတ်သိမ်းမယ့် အချိန်မှာ စီးပွားရေးအကွက်အကွင်းတွေ၊ လုပ်ပိုင်ခွင့် အခွင့်အလမ်းတွေကို ဝန်ကြီးအခြေပြု စီးပွားရေးအုပ်စုတွေက ပြောင်ပြောင်တင်းတင်း အပြိုင်လုနေကြတယ်။ အနိုင်ရဖို့၊ အသာစီးရဖို့ လုပ်နေတာကို ကြည့်ခြင်းဖြင့် ဒီစီးပွားရေးအုပ်စုတွေရဲ့ ပင်မဖြစ်တဲ့ ဝန်ကြီးတစ်ဦးချင်းစီရဲ့ စည်းလုံးညီညွတ်မှုက ဘယ်လိုမှ မရှိနိုင်ဘူး ဆိုတာတွေ့ရတယ်။ အခုဆိုရင် သူတို့ အနီးကပ်မွေးထားတဲ့ ခရိုနီတွေ၊ သားသမီးတွေ အုပ်စုချင်း အားပြိုင်တဲ့ နေတဲ့ ကိစ္စတွေ ပေါ်ပေါ်တင်တင် တွေ့နေရပါပြီ။ အကွက်အကွင်း တစ်ခုကို အမိအရရဖို့ အပြိုင်အဆိုင် ကြိုးပမ်းနေတဲ့ဟာက ပြင်ပမှာ သိပ်မသိသာပေမယ့် စီးပွားရေးလောက မှာတော့ စစ်ခင်း နေကြသလို တောင်ဖြစ်နေ ကြတယ်လို့ ဆိုပါတယ်။
ဝန်ကြီးများအနေနဲ့လည်း ဗိုလ်ချုပ်မှူးကြီး သန်းရွှေ ရဲ့ ရှေ့မှာပဲဖြစ်ဖြစ်၊ ဘယ်သူ့ရှေ့မှာပဲဖြစ်ဖြစ်၊ အချင်းချင်း ပြုံးပြပြီး စည်းလုံး သယောင်ပြု နေကြပေမယ့် တကယ့် နောက်ကွယ်မှာ ဖြစ်နေတဲ့ အခြေအနေက လုံးဝကို စည်းလုံးမှု မရှိနိုင်ဘူးလို့ သုံးသပ်လို့ရတယ်။
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီထောက်ခံမဲရနိုင်သလား
ရွေးကောက်ပွဲတစ်ခုမှာ သမိုင်းကြောင်း ဆိုတာ ရှိတယ်။ သမိုင်းကြောင်းဆိုတာက ပုံမှန်အားဖြင့် လက်ရှိ အာဏာရ အစိုးရရဲ့ ရွေးကောက်ပွဲကတိတွေကို အကောင်အထည်ဖော်နိုင်မှုနဲ့ တိုင်းတယ်။ လက်ရှိမှာက အာဏာသိမ်း စစ်အစိုးရဖြစ်နေတဲ့အတွက် ရွေးကောက်ပွဲ ကတိလည်းမရှိပါဘူး။ ဖွံ့ဖြိုးတိုးတက်မှု လုပ်ဆောင်နိုင်စွမ်း ဆိုတဲ့ဟာတွေ အားလုံးအပေါ်မှာတော့ ပြည်သူများက သူတို့ရရှိတဲ့ အကျိုး ရလဒ်နဲ့ တိုင်းမှာဖြစ်တယ်။ ဘာတွေ ဘယ်နှစ်ခု ဆောက်ပြီးပြီ။ ဘာကြီးတွေ ဘယ်နှစ်ခုပြီးပြီ ဆိုတာထက် ငါတို့ ဘယ်လောက် အကျိုး ခံစားခွင့်ရှိသလဲ ဆိုတာနဲ့ တိုင်းမှာဖြစ်တယ်။ အဲလိုဆိုရင် လက်ရှိအစိုးရရဲ့ ရလဒ်တွေက ကျေနပ်စရာ တစ်ခုမှ မရှိတဲ့အတွက် အဲဒီကနေရမယ့် ထောက်ခံမဲကတော့ ခက်ခဲမယ့် သဘောရှိတယ်။ ဝန်ကြီး များကတော့ သူတို့ ပိုက်ဆံ ဘယ်လောက် သုံးထားလဲ ဆိုတာနဲ့ တိုင်းပြပြီး ရွေးကောက်ပွဲ နိုင်မှာပါလို့ ပြောနေကြပါတယ်။ သူတို့ ကိုယ်တိုင် တကယ် ယုံမယုံတော့ မသိပါ။
ဒီမိုကရေစီနိုင်ငံတွေကို ကြည့်ရင် လက်ရှိ ခေါင်းဆောင်တွေရဲ့ ထင်ရှားကျော်ကြားမှု၊ ပြည်သူလူထုရဲ့ ထောက်ခံမှု ဆိုတာက ရွေးကောက်ပွဲ အသစ်တိုင်းမှာ အင်အားတစ်ရပ်အနေနဲ့ သက်ရောက်မှုရှိတယ်။ လက်ရှိ မြန်မာနိုင်ငံ အနေအထားမှာကြည့်ရင် ဗိုလ်ချုပ်မှူးကြီး သန်းရွှေ ဟာ တခါမှ ပြည်သူတွေကို တိုက်ရိုက်စကား မပြောဘူး ပါဘူး။ သူလုပ်ချင်ရာလုပ်နေတဲ့ အနေအထားကနေ ပြည်သူတွေရဲ့ ထောက်ခံမှုကို ရမယ်ဆိုရင် ဒါဟာ တော်တော် အံ့သြဖို့ကောင်းတဲ့ ကိစ္စဖြစ်တယ်။ အခုလို့ ငြင်းပယ်လို့မရတဲ့ အမှားတွေ အများကြီးထဲကနေ ရွေးကောက်ပွဲနိုင်ဖို့ စဉ်းစားတာဟာ တော်တော်လေး ရူးကြောင်ကြောင် နိုင်တဲ့ သဘောရှိပါတယ်။ ရွေးကောက်ပွဲလဲ နိုင်ချင်တယ်၊ ပါတီနာမယ် သီးခြား ပြောင်းရမှာလဲရှက်နေတယ်။ ရွေးကောက်ပွဲ နိုင်ချင်တဲ့ ပါတီ တခုရဲ့ အချိုးမချိုးဘဲ အာဏာရှင် ပုံစံ ဆက်လုပ်နေပြန်တယ်။ ဗိုလ်ချုပ်မှူးကြီး ဟာတကယ်ဘဲ ရွေးကောက်ပွဲနိုင်ချင်တာလား ဆိုတာတောင် သံသယ ဖြစ်စရာပါဘဲ။
ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ခေါင်းဆောင် နဲ့ နိုင်ငံရေး ရပ်တည်ချက်
ပါတီနိုင်ငံရေး ဝင်လုပ်နေပြီ ဖြစ်လို့ ပါတီသစ်မှာပါမယ့် ခေါင်းဆောင် များဟာ နိုင်ငံရေးအပေါ်မှာ ထားတဲ့ သဘောထား ၊ အတွေးအမြင် ခံယူချက်တွေကို ရှင်းရှင်းလင်းလင်းပြသဖို့ လိုအပ်နေပေမဲ့ ဗိုလ်ချုပ်မှူးကြီးနဲ့ သူ့ပါတီဝင်များကို ကြည့်ရတာ နိုင်ငံရေး ဆိုတာဟာ နှစ်ပေါင်း၂၀ လုံးလုံး အရိုးစွဲလာတဲ့၊ ကိုယ့်သဘောနဲ့ကိုယ် လုပ်ချင်ရာ လုပ်လို့ ရတယ်ဆိုတဲ့ အတွေ့အကြုံပဲ ရှိပါတယ်။
သူတို့လုပ်တာကို နိုင်ငံရေးလို့ ပြောရင်တောင်မှ သူတို့ကြုံတွေ့ဖူးတဲ့ နိုင်ငံရေး အတွေ့အကြုံ ဆိုတာဟာ ကိုယ်ထုတ်တဲ့ စည်းကမ်းနဲ့ကိုယ် ကစားဖူးတာမျိုးပဲ ဖြစ်တယ်။ အခုလုပ်တဲ့ပွဲမှာ ပြည်သူ့ထောက်ခံမှုရဖို့ ဘယ်လို လုပ်မလဲ ဆိုတာကို သူတို့နားလည်နိုင်မယ် ဆိုတာဟာ သံသယ ရှိစရာဖြစ်တယ်။ အရိုးစွဲနေတဲ့ သူတို့ရဲ့ ခံယူချက် တွေထဲမှာ ပြည်သူကို အလုပ်အကျွေးပြုရမယ်၊ နိုင်ငံရေးဘဝ ဆိုတာမှာ ပြည်သူ့ထောက်ခံမှုက အဓိက ကျတယ် ဆိုတဲ့ဟာတွေကို အသိပညာ အနေနဲ့ သော်လည်းကောင်း၊ အဖွဲ့အစည်းရဲ့ စည်းကမ်း အနေနဲ့ သော်လည်းကောင်း၊ လုပ်ငန်းလိုအပ်ချက် အနေနဲ့ သော်လည်းကောင်း တစ်ခါမှ မကျင့်သုံးဘူး။ ဒီတော့ ပြည်သူ့ ထောက်ခံမှုကို ရအောင် ဘယ်လိုလုပ်ရမယ်ဆိုတဲ့ဟာကို သေသေချာချာ ထဲထဲဝင်ဝင်သိမယ်လို့ မယူဆနိုင်ဘူး။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ရဲ့ တရားဝင်ခေါင်းဆောင် ဖြစ်တဲ့ ဦးသိန်းစိန်ဟာ သူပါတီ ခေါင်းဆောင် အဖြစ် သရုပ်ဆောင်နေတယ်ဆိုတာကို ရုပ်မြင်သံကြား ရိုက်ကူးနေချိန် ခဏလေးမှာတောင် မေ့နေပုံပါဘဲ။
ဗိုလ်ချုပ်မှူးကြီး နဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ခေါင်းဆောင်ပိုင်း ပြီးရင် ဒုတိယတန်းမှာရှိတဲ့ ပြည်ခိုင်ဖြိုးအသင်းကနေပါလာမယ့် ခေါင်းဆောင်တွေကို နှစ်မျိုးနှစ်စား ခွဲနိုင်ပါတယ်။
ပထမတစ်မျိုးကတော့ လုပ်ပိုင်ခွင့်တွေရချင်လို့ အသင်းဝင်တဲ့ သူတွေဖြစ်ပြီး ဥပမာအနေနဲ့ပြောရရင် အခွင့်အရေးသမားတွေ၊ လောင်းကစား ဒိုင်တွေ၊ ဘယ်ခေတ်မှ တရားမဝင်တဲ့ လုပ်ငန်းလုပ်သူတွေ ခိုးသစ်နဲ့ ပရိဘောဂလုပ်ငန်း လုပ်သူတွေ ပါဝင်တဲ့ အမျိုးအစားဖြစ်ပါတယ်။ ဒုတိယ အမျိုးအစား ကတော့ အုပ်ချုပ်ရေးနဲ့ အလှမ်းကွာတဲ့ နေရာဖြစ်တဲ့အတွက် ကိုယ်ပိုင် စီးပွားရေးလုပ်ငန်းကို အကာအကွယ်ရဖို့ အသင်းဝင်ခဲ့တဲ့ သူတွေဖြစ်ပါတယ်။ လုပ်ပိုင်ခွင့်ရဖို့ ဝင်ခဲ့တဲ့သူတွေဟာ ကိုယ့်အရပ်ဒေသမှာ လူမုန်းခံပြီးသား ဖြစ်နေပါတယ် ။ အသင်းအရှိန်ကို အသုံးပြုပြီး လုပ်ပိုင်ခွင့်တွေ ရယူခဲ့၊ လူထုကို ဖိနှိပ်ခဲ့၊ မောက်မာခဲ့သူတွေ အများစုဖြစ်တဲ့ အတွက် ပါတီသစ်ဟာ ပြည်သူတွေရဲ့ ထောက်ခံမှုကို ဘယ်လိုမှ မရနိုင်ဘူး။ ယခု ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ အနေနဲ့ လက်ရှိအနေအထားနဲ့ လက်ရှိ ခေါင်းဆောင်မှုနဲ့ ဝင်ပြိုင်ရင်၊ အရွေးခံရင်၊ ပြည်သူတွေရဲ့ ထောက်ခံမှု၊ ပြည်သူတွေရဲ့ ကိုးစားမှုနဲ့ ရိုးရိုးသားသား ထောက်ခံမှု ဆန္ဒမဲကို ရဖို့ဆိုတာ အကြောင်းလုံးဝ မရှိပါဘူး။ ဒါက လက်ရှိတွေ့မြင်ရတာတွေအပေါ်မှာ သုံးသပ်တာ ဖြစ်ပါတယ်။
ဗိုလ်ချုပ်မှူးကြီးသန်းရွှေ အသိအမှတ်ပြုဖို့က ပိုအရေးကြီးတယ်
အခု ရွေးကောက်ပွဲ ဝင်ပြိုင်မယ့် ဝန်ကြီးအများစုဟာ ရွေးကောက်ပွဲမှာ အနိုင်ရရေးဆိုတာထက် ရွေးကောက်ပွဲမှာ သူတို့ ဘယ်လောက် အားထည့်တယ်ဆိုတာ ဗိုလ်ချုပ်မှူးကြီးကို သက်သေထူနိုင်ဖို့က သူတို့အတွက် ပိုအရေးကြီးတယ်။ ဒါဟာ နှစ်ပေါင်း၂၀ အတွင်းမှာ အရိုးစွဲလာတဲ့ တပ်တွင်း အလေ့အထ ယဉ်ကျေးမှုတစ်ရပ် ဖြစ်တယ်။ သူတို့ တကယ်လုပ်နိုင်တာ မလုပ်နိုင်တာထက် ဦးသန်းရွှေ အသိအမှတ်ပြုခံရဖို့ ပိုပြီး အရေးကြီးတာ ဖြစ်တယ်။ တပ်မတော် အရာရှိကြီး တော်တော်များများ ဟာ ရွေးကောက်ပွဲ ကို ဒီတကွေ့မှာ ရှောင်လွဲလို့မရတာကြောင့် အလိုက်သင့် ပါဝင်နေကြတာ ဖြစ်ပြီး သူတို့ အခုလုပ်နေတာ အားလုံးဟာ ပြည်သူလူထု၏ ယုံကြည်ကိုးစားမှု ရရှိရေး ၊ ပြည်သူလူထု၏ ထောက်ခံမှု ရရှိရေး ဆိုတာတွေကို ဘယ်လိုမှ အထောက်အကူမဖြစ်ဘူး၊ ရအောင် မဖော်ဆောင်နိုင်ဘူးဆိုတာ တွေ့ရပါတယ်။ ပြည်သူလူထု ထံကရမယ့် ထောက်ခံမဲကသာ ရွေးကောက်ပွဲရဲ့ အဆုံးအဖြတ်ဖြစ်မယ့် အနေအထား ဖြစ်တယ် ဆိုတာကို သိကြပုံ တောင်မရပါဘူး။
အချို့ဝန်ကြီးတွေ အထူးသဖြင့် အနှစ်၂၀ အတွင်း နေရာကောင်း ရခဲ့သူ ဝန်ကြီးများဟာ အသက်အရွယ်လဲ ရနေပြီဖြစ်တဲ့ ရွေးကောက်ပွဲမှာ ရှုံးသွားလို့ပါဆိုတဲ့ အကြောင်းပြချက်နဲ့ ဒီကထွက်ပြီး အနားယူဖို့ စဉ်းစား နေကြတယ်လို့ သုံးသပ်လို့ရတယ်။ ဘာကြောင့် ဒီလိုပြောရသလဲဆိုရင် အကြောင်းပြချက်ရှိပါတယ်။ ရွေးကောက်ပွဲမှာ ဝင်ပါခြင်းကြောင့် ဝန်ကြီးဖြစ်ဖို့ မသေချာဘူး၊ ဖြစ်ရင်လည်း ဒီလိုဌာနမှာ ပြန်ရဖို့ မသေချာဘူး၊ ပြန်ရရင်တောင် အရင်လို အာဏာရှင်အငယ်စားတစ်ဦးလို စိတ်ကြိုက် ချယ်လှယ်ချင်သလို ချယ်လှယ်လို့ မရတော့ဘူး။ သန်းကြွယ် သူဌေးတွေ အနည်းဆုံး ဖြစ်ပြီးပြီ ဖြစ်လို့အုပ်စုတိုက်ပွဲ တွေကြားမှာ အသစ် တက်လာမဲ့ အုပ်စုကို ခေါင်းလျှိုပြီးလဲ မဝင်ချင်ဘူး။ လွှတ်တော် နှစ်ရပ်ပေါ်ပြီး အဲဒီကနေ အပြန်အလှန် ထိန်းကျောင်းမှုနဲ့ လုပ်ချင်ရာလုပ်လို့မရတဲ့ အနေအထားကို ပြန်ဆင်းဖို့က မလွယ်တော့ဘူး။ အရင်ရာထူးလို မက်လုံးမရှိတော့ဘူး။ သူတို့ ပုဂ္ဂိုလ် တစ်ဦးချင်းရဲ့ ခံယူချက်တွေကို အခုလို နားလည်လို့ရရင် ခေါင်းဆောင် စည်းလုံးမှုမရှိ၊ ပုဂ္ဂိုလ်ရေး မက်လုံး မရှိတဲ့အခြေအနေနဲ့ ညီညွတ်မှုမရှိတဲ့ အဖွဲ့အစည်းကနေ ရွေးကောက်ပွဲ နိုင်ဖို့၊ အပြတ်အသတ်မဲရဖို့ ဆိုတာ အံ့သြစရာဖြစ်ပါတယ်။
မဲလိမ်နိုင်တယ်
အချို့ကလဲ မဲလိမ်မယ်၊ မတရားအာဏာသုံးပြီး နိုင်အောင်လုပ်မယ် ဆိုတာတွေ ပြောကြတယ်။ ဒါဟာဖြစ်နိုင်ပါတယ်။ မြန်မာနိုင်ငံလို အာဏာရှင်စနစ်အောက်မှာ ဒီလိုကိစ္စမျိုးမဖြစ်ပါဘူးလို့ ငြင်းစရာ မရှိပါဘူး။ ဒါပေမယ့် သူတို့ကိုယ်တိုင်ထုတ်ထားတဲ့ ဥပဒေမှာ သေချာကြည့်မယ်ဆိုရင် တကယ်တမ်း သာ ပြည်သူတွေ၊ မဲဆန္ဒရှင်တွေဟာ ကိုယ့်ရပိုင်ခွင့်ကို အသေအချာကျင့်သုံးရင် မဲလိမ်ဖို့ ခက်တယ်ဆိုတာ သိနိုင်ပါတယ်။
ဒါကြောင့် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ရွေးကောက်ပွဲ နိုင်သွားတယ်ဆိုရင် သူတို့ ကြိုးစား အားထုတ်မှု ကြောင့် မဟုတ်ဘဲ ပြည်သူတွေ၊ မဲဆန္ဒရှင်တွေဟာ ကိုယ်လုပ်ရမယ့် အလုပ်ကို မလုပ်လို့ နိုင်သွားတယ်ဆိုတာ သုံးသပ်လို့ရပါတယ်။
အဓိက မဲလိမ်မဲ့ နည်းလမ်းက ကြိုတင်မဲပေးမှုမှာဖြစ်နိုင်ပါတယ်။ ဝက်ဝက်ကွဲ ရှုံးမှာဖြစ်လို့ နေရာတချို့မှာ ကြိုတင်မဲနဲ့ နိုင်လာတဲ့ အမတ်နေရာ သုံးလေးဆယ် ဟာ တပ်မတော် သမ္မတ ဖြစ်ဖို့ ဆောင်ကျဉ်းပေးမှာ မဟုတ်ဘူး။
ကျွန်တော်၊ ကျွန်မတို့ ပေးလိုက်မယ်၊ ကြည့်ထည့်ပေးမယ် ဆိုတဲ့ ကိစ္စတွေကနေ သူတို့ ထည့်ချင်တဲ့ မဲပုံးထဲကို ထည့်လိုက်တာမျိုး လည်းဖြစ်နိုင်ပါတယ်။ အဲလိုမဖြစ်ဖို့က မဲဆန္ဒရှင် တစ်ဦးချင်း၊ ပြည်သူ တစ်ဦးချင်းကနေ ကိုယ့်မဲကို လွယ်လွယ်မပေးလိုက်ဘူး။ တန်ဖိုးထားပြီး၊ သေချာ ကြည့်ပြီး မဲပေးမယ် ဆိုရင် ဒါမျိုးမဖြစ်အောင် ရှောင်လွှဲနိုင်ပါတယ်။ ပြည်သူတွေမှာ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ နဲ့ သူ့အပေါင်းအပါ ပါတီတွေက လွဲလို့ အခြားမဲထည့်နိုင်မယ့်၊ မဲထည့်ချင်စရာရှိတဲ့ ရွေးချယ်စရာ ကိုယ်စားလှယ် အမတ်လောင်းတွေ၊ ပါတီအမျိုးအစားတွေသာ ရှိမယ်ဆိုရင် မဲက အဲဒီ နေရာတွေကို စုသွားမှာ ဖြစ်ပါတယ်။ ဒီအခြေအနေက ဗိုလ်ချုပ်မှူးကြီးသန်းရွှေ အပေါ်မှာထားတဲ့ ပြည်သူတွေရဲ့ သဘောထားအမှန်ကိုမြင်တွေ့ရမယ့် အချိန်ဖြစ်ပါတယ်။ ပြည်သူတွေဟာသူတို့ ဒဏ်ခတ်လို့ ရမယ်ဆိုတာ သေချာရင် အပြစ်ပေးမှာ အသေအချာ ပါဘဲ။ ဒဏ်ခတ်လို့ရတဲ့ အခွင့်အရေးဖြစ်တဲ့အတွက် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ နိုင်ချေမရှိပါဘူး။ အဲလိုမဲပေးပြီး ဒဏ်ခတ်ခွင့်ရအောင် အခြေအနေကို အားလုံးကတက်ညီလက်ညီ ကြိုးစားဖန်တီးပေးနိုင်ရင် ဝိုင်းပြီးဒဏ်ခတ်ကြမယ့် အနေအထားဖြစ်ပါတယ်။ အခြေအနေ အရပ်ရပ်ကို ကြည့်ရင် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ရဲ့ နိုင်ချေဟာ အင်မတန်မှ နည်းပါးတာကို လက်တွေ့ကျကျ တွေ့မြင်နိုင် ပါတယ်။
NLD ရဲ့ ကဏ္ဍ
လက်ရှိ နိုင်ငံရေးအခြေအနေကို ကြည့်မယ်ဆိုရင် NLD ပါတီဟာ ရွေးကောက်ပွဲကို သပိတ်မှောက် သွားပါပြီ။ ၂၀၁၀ ရွေးကောက်ပွဲနဲ့ ၂၀၀၈ ဖွဲ့စည်းပုံ အခြေခံဥပဒေကို လက်မခံနိုင်လို့ သပိတ်မှောက်တာ၊ ပါတီ မှတ်ပုံမတင်တာဟာ ပါတီတစ်ခုအနေနဲ့ ကြည့်ရင် အင်မတန်ကောင်းတဲ့ ရပ်တည်ချက်ဖြစ်ပါတယ်။ နိုင်ငံသားတိုင်း ဂုဏ်ယူရမယ့် ရပ်တည်ချက်၊ သမိုင်းကြောင်းကောင်းတဲ့ ရပ်တည်ချက်ဖြစ်တယ်။ ပါတီက ဒေါ်စုအောင်ဆန်းစုကြည် နဲ့ ထောင်ထဲရောက်နေတဲ့ ခေါင်းဆောင်တွေ ဘာမှ သိက္ခာကျစရာ မလိုဘဲနဲ့ ၁၉၉၀ ရလဒ်ကို ကိုယ့်နည်းကိုယ့်ဟန်နဲ့ သမိုင်းကြောင်းကောင်းကောင်း ဆုပ်ကိုင်ထားနိုင်တယ် ဆိုတဲ့ အနေအထားကြောင့် ဒီလို လုပ်လိုက်တာက ဘာပြဿနာမှ မရှိပါဘူး။ ဒါက ဂုဏ်ယူရမယ့်ကိစ္စ။ သာမန်နိုင်ငံသား တစ်ယောက်အနေနဲ့လည်း ဂုဏ်ယူနိုင်တဲ့ကိစ္စ၊ အလေးပြုသင့်တဲ့ ကိစ္စဖြစ်ပါတယ်။ ဒါဟာ ပါတီရဲ့ ရပ်တည်ချက်ကို ရှင်းရှင်းလင်းလင်း ပြသနေတာလည်းဖြစ်ပါတယ်။ ဒါပေမယ့် ဒီလိုနိုင်ငံရေး သြဇာ၊ဂုဏ်သိက္ခာကြီးတဲ့ ပါတီက ကိုယ်ကိုယ်တိုင်တော့ ရွေးကောက်ပွဲကိုမဝင်ဘူး ၊ ဒါပေမယ့် ဝင်ပြိုင်တဲ့ သူတွေအားလုံးကိုလည်း အပြစ်ပေးတဲ့သဘောနဲ့ သစ္စာဖောက်တွေဆိုပြီး တံဆိပ်ကပ်တာ ဟာတော့ဖြစ်ရင် မတရားဘူးလို့ ပြောချင်ပါတယ်။
ဘာကြောင့်လဲ ဆိုတော့ ခုနက ပြောတဲ့ အခြေအနေအရ အဓိက ပြိုင်ဖက်ဖြစ်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ နိုင်ချေမရှိဘူး။ ဗိုလ်ချုပ်မှူးကြီးသန်းရွှေဟာ ကိုယ်တိုင်လုပ်တဲ့ပွဲ၊ သူချတဲ့ စည်းမျဉ်းစည်းကမ်း၊ သူကစား ခိုင်းချင်တဲ့ သူတွေသာ ပါဝင်တဲ့ ကစားပွဲ၊ သူ့စိတ်ကြိုက်လုပ်ထားတဲ့ ပွဲမှာ NLD မပါတာတောင် သူတို့ ရှုံးသွားတယ် ဆိုခဲ့ရင် ခါးသီးတဲ့ နိုင်ငံရေး သိက္ခာကျမှု အရသာကို ခံစားသွားရမှာဖြစ်ပါတယ်။ ခါးသီးတဲ့ နိုင်ငံရေး သိက္ခာကျမှု အရသာကို ဗိုလ်ချုပ်မှူးကြီး ခံစားသွားရစေ ဖို့အတွက် ဆရာကြီး ဦးဝင်းတင်လို လူမျိုး စဉ်းစားသင့်ပါတယ်။ NLD မပါတော့ဘူး ဆိုပေမယ့် ဗိုလ်ချုပ်မှူးကြီး နဲ့ သူ့ရဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ကို ဒဏ်ခတ်တဲ့ အနေနဲ့ ပြည်သူများကို ဘယ်လိုပါတီမျိုးကို မဲထည့်ပါဆိုပြီး လမ်းညွှန် သင့်တယ်လို့ အကြံပြုလိုပါတယ်။
တစ်ဖက်က နက်နက်နဲနဲ စဉ်းစားကြည့်ရင် ဗွိုက်ကောက် လုပ်ရေးသည် အဖြေမဟုတ်ဘူးဆိုတာကို တွေရပါတယ်။ မြန်မာနိုင်ငံရဲ့ လက်ရှိ လုပ်ထုံးလုပ်နည်း၊ ဥပဒေ၊ နည်းဥပဒေများ အရ လုံလောက်တဲ့ မဲမရလို့ ပွဲပျက်တယ်ဆိုတာ မရှိတဲ့အတွက် တစ်ယောက်တည်းထွက်ပြီး တစ်မဲတည်းထည့်ရင်လည်း ဗွိုက်ကောက်က မအောင်မြင်ပါဘူး။ အောင်မြင်ချင်ရင် တယောက်မကျန် အားလုံး မဲမထည့်မှသာ အောင်မြင်မှာဖြစ်ပါတယ်။ ဒါကြောင့် ဗွိုက်ကောက် ကိစ္စဟာ မဖြစ်နိုင်ပါဘူး။
အတွေးအခေါ်ပိုင်းဆိုင်ရာနဲ့ ဆက်ပြီး စဉ်းစားကြည့်ရင် ဗွိုက်ကောက်လုပ်ခြင်းနဲ့ မဲထွက်မထည့်ဘူး ဆိုသူများဟာ ဗိုလ်ချုပ်မှူးကြီးသန်းရွှေကို သဘောမကျသူများ၊ ဆန့်ကျင်သူများလို့ ယျေဘုယျအားဖြင့် ပြောလို့ရမယ်။ သို့သော် အဲလိုမဲထွက်မထည့်မယ့် လူတွေကို ဗိုလ်ချုပ်မှူးကြီးသန်းရွှေ လိုလား နှစ်သက်လား၊ မနှစ်သက်ဘူးလား ဆိုတာက ကလေးတောင် သိတယ်လို့ပြောရမှာ ဖြစ်ပါတယ်။ ဗိုလ်ချုပ်မှူးကြီးကို မနှစ်သက်သူတွေ များများထွက်ပြီး မဲထည့်မှသာလျှင်၊ သူ့ကိုကြောက်လို့ သော်လည်းကောင်း၊ ကြိုက်လို့ သော်လည်းကောင်း သူထောင်မယ့်ပါတီကို ထောက်ခံမဲ ထည့်မယ့် ပါတီ အင်အားများစုကို ကျော်ပြီး သူ့ကို မကြိုက်သူ NLD ဘက်တော်သား များသည် ပိုပြီး အင်အားကြီးတယ်ဆိုတာကို သက်သေထူနိုင်မှာ ဖြစ်ပါတယ်။ အခုပွဲမှာ ဗွိုက်ကောက်မလုပ်ဘဲနဲ့ သူတို့လုပ်တဲ့ပွဲရဲ့ ရလဒ်မှာ သူတို့ကို ဆန့်ကျင်သူ ပိုများတယ်ဆိုတဲ့ ငြင်းဆန်လို့မရတဲ့ ခါးသီးတဲ့ ရလဒ်တစ်ခုကို ပေးဖို့ လိုအပ်တယ်လို့ စဉ်းစားဆင်ခြင်လို့ ရပါတယ်။
ဦးဝင်းတင်အပေါ်မှာ ဗိုလ်ချုပ်မှူးကြီးသန်းရွှေရဲ့ ပုဂ္ဂိုလ်ရေး မုန်းတီးမှုကို ကာယကံရှင် ဦးဝင်းတင် ထက်ပိုပြီး အခြားလူတွေ သိနိုင်ကြလိမ့်မယ်လို့ မထင်ပါဘူး။ ဒါကြောင့် အဲဒါကို အခြေတည်ပြီး စဉ်းစားရင် ဦးဝင်းတင်ကို ထောင်က လွှတ်တာဟာ သနားညှာတာလို့ လွှတ်တာတော့ မဖြစ်နိုင်ပါဘူး။ အဲဒါထက်ပိုပြီး မြင့်မားတဲ့ ရည်မှန်းချက် ရှိမယ်လို့ ယူဆနိုင်ပါတယ်။ ဗိုလ်ချုပ်မှူးကြီးသန်းရွှေ အနေနဲ့ သတင်းစာဆရာကြီး ဦးဝင်းတင်ကို သူကြိုက်တာခိုင်းဖို့ ဝယ်ယူလို့ မရဘူးဆိုတာကို သိရှိနေမှာကတော့ အမှန် ဧကန်ဖြစ်တယ်။ သို့သော် ဦးဝင်းတင် ယုံကြည်ချက် နဲ့ လုပ်ကိုင်ဆောင်ရွက်မှု အားလုံးသည် ဗိုလ်ချုပ်မှူးကြီး သန်းရွှေ လိုလားမှုဖြစ်တဲ့ NLD နှစ်ခြမ်း ကွဲစေရေးကို ဧကန်ဒက်ထိ ဖြစ်သွားပြီဆိုတာ တွေ့ရပါတယ်။ အခုဖြစ်တဲ့အပေါ်မှာ ဦးဝင်းတင်ကို အပစ်တင် နေတာ မဟုတ်ပါဘူး။ ဒါပေမယ့် ဦးသန်းရွှေလိုချင်နေတာကိုတော့ ရသွားပါပြီ။
မြန်မာနိုင်ငံလို အာဏာပိုင်အဖွဲ့အစည်းတွေ လုပ်ချင်ရာ လုပ်နိုင်တဲ့ ဖိနိပ်မှုများတဲ့ နိုင်ငံမှာ ဦးဝင်းတင်ကို လေလှိုင်းပေါ်မှာ လွတ်လွတ်လပ်လပ် စိတ်ကြိုက် ပြောချင်ရာပြောခွင့်ရဖို့ တယ်လီဖုန်းကို ဖွင့်ပေး ထားတာဟာ အဖြေဖြစ်ပါတယ်။ တကယ်လို့သာ ဦးဝင်းတင်ပြောနေတာ အားလုံးသည် ဗိုလ်ချုပ်မှူးကြီးသန်းရွှေ စိတ်ညိုညင် စရာ နည်းနည်းလေးဖြစ်ခဲ့ရင် ထောင်ထဲပြန် မထည့်ရင်တောင် နေအိမ်အကျယ်ချုပ်နဲ့ ထားပြီး ပြည်ပ မီဒီယာနဲ့ အဆက်ဖြတ်ပစ်မှာပါ။ အကောင်းဆုံး သာဓကအနေနဲ့ ဒေါ်အောင်ဆန်းစုကြည်နဲ့ ဦးတင်ဦးကိစ္စက သိသာ ပါတယ်။ ဆရာကြီး ဦးဝင်းတင်အနေနဲ့ ပြန်စဉ်းစားသင့်တာက ကိုယ်ယုံကြည်ရာ ကိုယ့် လူ့အဖွဲ့အစည်းအတွက် အမှန်ဆုံးလို့ထင်ပြီး လုပ်နေတာဟာ လုပ်ရင်းတန်းလန်းနဲ့ တစ်ဖက်က ဗိုလ်ချုပ်မှူးကြီး လိုလားချက်ကို အတိအကျ အကောင်အထည်ဖော်ပေးနေသလို ဖြစ်နေသလား ဆိုတာကို ဖြစ်ပါတယ်။
ဗိုလ်ချုပ်မှူးကြီးသန်းရွှေ ရှေ့ဆက် လိုလားချက်တွေ ကို စဉ်းစားကြည့်မယ်ဆိုရင် အဓိကအားဖြင့် NLD က ခွဲထွက်သွားတဲ့ ဒီမိုကရက်တစ် အင်အားစုတွေ၊ သူ့ဟာသူထွက်ပေါ်လာတဲ့ ဒီမိုကရက်တစ် အင်အားစုတွေ၊ သူ့ကို ဆန့်ကျင်ကြမယ့် အင်အားစုတွေကို ရုပ်ပြကောင်းရုံ ရွေးကောက်ပွဲ ဝင်ခိုင်းတာမျိုး ဖြစ်ပါတယ်။ ဒီရည်ရွယ်ချက် ဟာလည်း ဦးဝင်းတင်ရဲ့ မရည်ရွယ်ဘဲ ပံ့ပိုးကူညီမှု နဲ့ အောင်မြင်သွားတော့မလို ဖြစ်နေပါတယ်။ အဲဒါတွေကို ပေါက်မြောက် မသွားဖို့ အတွက် သူ့ဟာသူနိုင်ခြေမရှိတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ ကိုအနိုင်ရဖို့၊ ကျန်တဲ့ ဒီမိုကရေစီ ဘက်တော်သား မည်သူမဆို၊ မည်သည့်ပါတီမဆို ရွေးကောက်ပွဲမှာ အနိုင်ရဖို့ ရွေးကောက်ပွဲကို အဟန့်အတားမလုပ်ဘဲ ချီးမြှောက်လိုက်တာက အကောင်းဆုံး မဟာဗျူဟာ ဖြစ်ပါတယ်။ ဗိုလ်ချုပ်မှူးကြီးသန်းရွှေဟာ သူဖော်တဲ့ဆေး သူကိုယ်တိုင် မစားနိုင်ဘူးဆိုတာ အခြေအနေ အမှန်တကယ် ဖြစ်နိုင်ချေ ရှိပါတယ်။
ဗိုလ်ချုပ်မှူးကြီးသန်းရွှေ အနေနဲ့ အခုလိုခါးသီးတဲ့ ဒဏ်ခတ်မှုအရသာကို ခံစားသွားစေဖို့ ဆိုရင် ပြည်သူတွေအနေနဲ့ အဲဒီလို ဒဏ်ခတ်နိုင်တဲ့ အခွင့်အရေးကိုရဖို့ နဲ့ ဘယ်လို တက်ညီလက်ညီ ထိထိရောက်ရောက် အပြစ်ပေးလို့ရတယ်ဆိုတာတွေ သိဖို့လိုအပ်ပါတယ်။ ဒီကိစ္စအတွက် ဒါကို ဒီလိုလုပ်ခြင်းအားဖြင့် ဒဏ်ခတ်ရာ ရောက်တယ်ဆိုတာ ဦးဝင်းတင်လို ခေါင်းဆောင်မျိုးက ရှေ့ဆောင်လမ်းပြ လမ်းညွန်ပေးဖို့ အမှန်တကယ် လိုအပ်နေပါတယ် ဆိုတာကို အကြံပြု ထောက်ပြလိုပါတယ်။ အသေအချာကို နိုင်တော့မဲ့ စစ်ပွဲကို အဘယ့်ကြောင့် မတိုက်ဘဲ နေရမလဲ ဆိုတာကို ဒီမိုကရေစီရေး ရှေ့ဆောင်လမ်းပြ များ အသေအချာ စဉ်းစား သင့်ပါကြောင်း။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.