Posts
CNN News, 25th May 2010
တရုတ်နှင့် အမေရိကန်တို့သည် ထိပ်တန်း အဆင့် ဆွေးနွေးပွဲကို တနင်္လာနေ့က စတင်ပြီး နှစ်ရက်ကြာ ဆွေးနွေးမည် ဖြစ်ရာ၊အမေရိကန်နိုင်ငံခြားရေး ဝန်ကြီး ဟီလာရီ ကလင်တန်က Bejing ကို မြောက်ကိုးရီးယားအား အရေးယူရာတွင် ထောက်ခံရန် တောင်းဆိုလိုက်သည်။
တရုတ်သမ္မတ ဟူကျင်းတောင်ကလည်း ယွမ်ငွေကို ပြုပြင် ပြောင်းလဲရန် စိတ်အား ထက်သန်ကြောင်း ပြသခဲ့သော်လည်း မည်သည့် အချိန်တွင် ပြုလုပ်မည်ကို ပြောဆိုခဲ့ခြင်း မရှိပါ။
နှစ်ဘက်စလုံးက ယခုပြုလုပ်မည့် မဟာဗျူဟာနှင့် စီးပွားရေးဆိုင်ရာ ဆွေးနွေးပွဲများသည် ကလင်တန် အဖွင့်စကား ပြောခဲ့သလို နှစ်ဦးနှစ်ဖက် အကျိုး ဖြစ်စေရမည် (win-win solution) ဖြစ်ပြီး၊ တဖက်ဖက်က အသားစီးရယူမှုကို ရှောင်ရှားမည် ဖြစ်ကြောင်း သဘောတူ ကြပါသည်။
သို့သော် နှစ်နိုင်ငံ အနေဖြင့် ခက်ခဲသော ပြဿနာ အတွက် တိုးတက်မှု မည်မျှ ပြုလုပ်နိုင်မည် ဆိုသည်မှာမူ မသိနိုင်သေးပေ။
အစည်းအဝေး အဖွင့်နေ့တွင် ကုလသမဂ္ဂက အီရန်ကို ပိုမို တင်းကြပ်စွာ အရေးယူရာတွင် တရုတ်၏ ထောက်ခံမှုအပေါ် ကလင်တန်က ချီးကျူးလိုက်ပြီး၊ ယခု မြောက်ကိုးရီးယား ကိစ္စတွင်လည်း ထိုကဲ့သို့ ပူးပေါင်း ဆောင်ရွက်မှုမျိုး လိုအပ်ကြောင်း ပြောဆိုခဲ့သည်။
တနင်္လာနေ့က အိမ်ဖြူတော်မှ ပြောကြားရာတွင် တောင်ကိုးရီးယား စစ်သင်္ဘော နစ်မြုပ်မှု အတွက် မြောက်ကိုးရီးယားမှ တော်ပီဒိုဖြင့် ပစ်ခတ်ခြင်း ဖြစ်ကြောင်း တရားဝင်စုံစမ်း စစ်ဆေးမှုများ အရ သိရှိရပြီးနောက် တောင်ကိုးရီးယားက စစ်ရေးအရ ရပ်တည်မှု ပိုမို တင်းကြပ်ရန်နှင့် ကုန်သွယ်ရေးများ ရပ်ဆိုင်းရန် ဆုံးဖြတ်ချက်ကို ထောက်ခံကြောင်း ပြောခဲ့သည်။
ကလင်တန်က ပြောကြားရာတွင် "မနှစ်ကလည်း မြောက်ကိုးရီးယားရဲ့ နျူကလီယာ စမ်းသပ်မှုကြောင့် ကုလသမဂ္ဂ လုံခြုံရေး ကောင်စီက ပြင်းထန်တဲ့ ဆုံးဖြတ်ချက် ချနိုင်အောင် ကျွန်မတို့ အတူတူ အလုပ်လုပ်ခဲ့ကြပါတယ်။ ဒီနေ့ ကျွန်မတို့ အရေးကြီးတဲ့ စိန်ခေါ်မှု တစ်ခု တွေ့ရပြန်ပါပြီ။ တောင်ကိုးရီးယား သင်္ဘောကို နစ်မြှုပ်ပြီး ဆွလိုက်ပြန်ပါပြီ။ ဒါကြောင့်မို့ ဒီစိန်ခေါ်မှု ကိစ္စရယ် ကိုးရီးယား ကျွန်းဆွယ်မှာ ငြိမ်းချမ်းရေးနဲ့ တည်ငြိမ်ရေး အတွက် တူညီတဲ့ ရည်မှန်းချက်တွေရယ်ကို ရှေ့ဆက်နိုင်ဖို့ ကျွန်မတို့ အလုပ် အတူလုပ်ကြရပါဦးမယ်'' ဟု ပြောကြားခဲ့သည်။
သို့သော် တရုတ်သည် အစွန့်ပစ်ခံ မြောက်ကိုးရီးယား၏ အရင်းနှီးဆုံး မဟာမိတ် ဖြစ်သည်။ ယခုလ အစောပိုင်းက တရုတ်သည် နိုင်ငံခြား ခရီးထွက်ခဲ့သော မြောက်ကိုးရီးယား ခေါင်းဆောင် ကင်ဂျုံအီကို တရုတ်သို့ အလည်ခေါ်ယူခဲ့သည်။
တရုတ်က အဆိုပါ သင်္ဘော နစ်မြုပ်မှုအား ကံမကောင်းမှု အဖြစ် ဖော်ပြခဲ့ပြီး၊ အခြား မှတ်ချက်များ မပေးခဲ့ဘဲ ကိုးရီးယား ကျွန်းဆွယ်တွင် ငြိမ်းချမ်းရေးကို ထိန်းသိမ်းရန်သာ ပြောကြားခဲ့သည်။
စီးပွားရေးနှင့် ပတ်သက်သော ဆွေးနွေးပွဲများကလည်း သူ့စိန်ခေါ်မှုများနှင့်သူ ရှုပ်ထွေးလျက် ရှိပါသည်။
အမေရိကန်က တရုတ်ကို ၎င်း၏ အမေရိကန် ပို့ကုန် ဈေးကွက်အား ဖြည့်ဆည်းမှုများ ပြုလုပ်ပေးစေလိုပြီး တရုတ်ငွေ ယွမ်၏ အရေးပါမှုကို ခွင့်ပြုစေလိုပါသည်။
သို့သော် ဂရိနိုင်ငံတွင် ဖြစ်နေသော စီးပွားရေး ပြဿနာများသည် ဥရောပ အခြား တိုင်းပြည်များသို့ ပျံ့နှံ့ခဲ့ပြီး ယူရိုငွေကို ဒုက္ခရောက်စေခဲ့သောကြောင့်၊ တရုတ်က ထိုသို့ လုပ်ရန် တုံ့ဆိုင်းနေခြင်း ဖြစ်သည်။
သမ္မတ ဟူကျင်းတောင်က တနင်္လာနေ့က ပြောကြားရာတွင် တရုတ်အနေဖြင့် ယွမ်ပြုပြင် ပြောင်းလဲမှုကို ရှေ့သို့ ဖြေးဖြေးမှန်မှန်သာ သွားလိုကြောင်း ပြောခဲ့ပြီး၊ အသေးစိတ် ဖြည့်စွက် ပြောကြားခြင်း မရှိခဲ့ပေ။
တရုတ်သည် တစ်ဒေါ်လာလျှင် (၆.၈၃) ယွမ်တွင် ထိန်းသိမ်းထားသည်မှာ နှစ်နှစ်ခန့် ရှိပြီ ဖြစ်ပြီး အမေရိကန် စီးပွားရေး ပညာရှင် အများအပြားက တရုတ်ငွေသည် ၄၀ % ခန့် တန်ဖိုးနှိမ့်၍ သတ်မှတ်ထားကြောင်း ဆိုသည်။
၎င်း၏ ငွေအား တန်ဖိုးနိမ့်၍ ထိန်းသိမ်းထားခြင်းကြောင့် ကမ္ဘာ့ဈေးကွက်တွင် တရုတ်ပစ္စည်းများ ပိုမို ဈေးပေါစေပြီး၊ ပိုမို ဝယ်ယူလာစေရန် ဖြစ်သည်။ သို့သော် ထိုအချက်သည် အမေရိကန် စီးပွားရေး လုပ်ငန်းများအား ထိခိုက်ကြောင်း ဝေဖန်သူများက ဆိုသည်။
တရုတ် အစိုးရ တာဝန်ရှိသူများက အမေရိကန် တို့သည် ၎င်းတို့၏ စီးပွားရေး ပြဿနာများကြောင့်ဟု မပြောဘဲ Bejing အား အကြောင်းမဲ့ ရမယ်ရှာခြင်း ဖြစ်ကြောင်း ပြောခဲ့သည်။
"တရုတ်နိုင်ငံဟာ ယွမ်လဲလှယ်မှု နှုန်းကို မိမိဘာသာ ထိန်းထိန်းသိမ်းသိမ်းနဲ့ တဖြည်းဖြည်း လုပ်သွားမှာပါ'' ဟု ဟူကျင်းတောင်က ပြောခဲ့သည်။
အမေရိကန် ပြည်ထောင်စုသည် တရုတ်၏ အင်တာနက် ဆင်ဆာ ဖြတ်တောက်မှုကိုလည်း စိုးရိမ်လျက် ရှိသည်။ အာဖဂန် နစ္စတန် အခြေအနေကိုလည်း ဆွေးနွေးပွဲတွင် အရေးပါသော နေရာမှ ဆွေးနွေးလိမ့်မည် ဖြစ်သည်။ အဘယ်ကြောင့်ဆိုသော် တရုတ်သည် အာဖဂန်တွင် အဓိက အလှူရှင်နိုင်ငံ တစ်ခု ဖြစ်သောကြောင့် ဖြစ်သည်။
တရုတ်တွင်လည်း အတွန့်တက်စရာများ ရှိနေသည်။ မကြာသေးမီက သမ္မတ Obama က ဒလိုင်းလားမားနှင့် တွေ့ဆုံခြင်း၊ ထိုင်ဝမ်သို့ အမေရိကန်က လက်နက်များ ရောင်းချခြင်းတို့သည် တရုတ်ကို စိတ်ဆိုးစေပြီး၊ လက်နက် ရောင်းဝယ်မှုတွင် ပါဝင်သော အမေရိကန် ကုမ္ပဏီများအား အရေးယူ ပိတ်ဆို့ရန် ခြိမ်းခြောက်မှုများ ရှိခဲ့သည်။
တနင်္လာနေ့က ဟူကျင်းတောင်က ပြောကြားရာတွင် နိုင်ငံတိုင်းသည် သက်ဆိုင်ရာ နိုင်ငံအလိုက် ကိုယ်ကျိုးစီးပွားနှင့် အခြေခံ ပိုင်ခွင့်များ ဖြစ်သော အချုပ်အခြာ အာဏာ၊ လွတ်လပ်ရေးနှင့် နယ်မြေ ပိုင်ဆိုင်ခွင့်များကို လေးစားရမည် ဖြစ်ကြောင်း ပြောခဲ့သည်။
တရုတ်ပြည်သူများ အတွက် အမျိုးသား အချုပ်အခြာ အာဏာနှင့် နယ်မြေပိုင်ဆိုင်မှု ထိန်းသိမ်းရေးထက် အရေးကြီးသော အရာ မရှိကြောင်း ဟူက ပြောကြားခဲ့သည်။
Obama အစိုးရမှ တာဝန်ရှိ ပုဂ္ဂိုလ် (၂၀၀) ကျော်သည် ကလင်တန်နှင့် အတူ (၂)ရက်ကြာ ဆွေးနွေးပွဲတွင် တက်ရောက်လျက် ရှိသည်။
အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေး ဝန်ကြီး Kurt Campbell က ယခု ကက်ဘိနက်နှင့် ၎င်းလက်အောက် အဖွဲ့မှ တာဝန်ရှိသူများ ပါဝင်သော တရုတ်ပြည်သို့ သွားသော ကိုယ်စားလှယ် အဖွဲ့သည် သမိုင်းတွင် လူအများဆုံး ပါဝင်သော အဖွဲ့ ဖြစ်ကြောင်း ပြောကြားခဲ့သည်။
အဆိုပါ အဖွဲ့တွင် အမေရိကန် အစိုးရ၏ ဋ္ဌာနအားလုံး နီးပါးမှာ ကိုယ်စားလှယ်များ ပါဝင်ကြောင်း Campbell က ပြောသည်။
အမေရိကန် အစိုးရအဖွဲ့၏ အေဂျင်စီတိုင်း၏ ကိုယ်စားလှယ်များ ပါဝင်ရာ၊ ရာထူးကြီး ပုဂ္ဂိုလ်များ ဖြစ်သော ဘဏ္ဍာရေး ဝန်ကြီး Timothy Geithner ၊ ကျန်းမာရေးနှင့် လူမှုရေးရာ ဝန်ဆောင်မှု ဝန်ကြီး Kathleen Sebelius၊ အမေရိကန် ကုန်သွယ်ရေး ကိုယ်စားလှယ် Ron Kirk၊ USAID အုပ်ချုပ်ရေးမှူး Rajiv Shah ၊ Federal Reserve ဥက္ကဋ္ဌ Ben Bernanke နှင့် သမ္မတ၏ စီးပွားရေး အကြံပေး ကောင်စီ ဥက္ကဋ္ဌ Christina Romer တို့ ပါဝင်ကြသည်။
ပင်တဂွန်နှင့် အမေရိကန် ပြည်ထောင်စု ပစိဖိတ် ဋ္ဌာနချုပ်မှ အဓိက ပုဂ္ဂိုလ်များလည်း ပါဝင်ကြသည်။
ယခု အစည်းအဝေးသည် ဝါရှင်တန်တွင် ၂၀၀၉ ဧပြီလက Obama နှင့် ဟူကျင်းတောင်တို့ စတင်ခဲ့သော မဟာဗျူဟာနှင့် စီးပွားရေး ဆွေးနွေးမှု၏ အဆက် ဖြစ်သည်။ ၂၀၀၉ ဧပြီလက တရုတ် ကိုယ်စားလှယ် အဖွဲ့သည်လည်း အများဆုံး ဖြစ်ခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.