Posts
Washinton Post, By Fred Hiatt, 21th June 2010
"အာဏာရှင်စနစ်ကနေ ဒီမိုကရေစီကို ကူးပြောင်းမယ့် ဘယ်လိုလှုပ်ရှားမှုမဆို ကြာရှည်ပြီး ခက်ခဲဖို့ များပါတယ်" ဟု ပြည်သူ့ခေါင်းဆောင်ဖြစ်သူ ဒေါ်အောင်ဆန်းစုကြည်က တစ်ခါက ရေးခဲ့ဖူးသည်။ "မျှော်လင့်ချက်နဲ့ အကောင်း မြင်ချင်တဲ့စိတ်ကို ချုပ်တည်းလို့ မရပေမယ့် ပြောင်းလဲချင်တဲ့ အတိုက်အခံတွေဟာ ရက်ရက်စက်စက် မကောင်းကြံ ခံရနိုင်တယ်လို့ စိတ်ထဲမှာ လေးလံပူပန်နေတယ်" ဟု သူမက ဆိုခဲ့သည်။
အထက်ပါ စိတ်ထင့်မှုကို ဒေါ်အောင်ဆန်းစုကြည် ပြောကြားခဲ့စဉ်က သူမ၏ အသက် ၄၄ နှစ် ပြည့်ခဲ့ပြီး မြန်မာနိုင်ငံသည်လည်း အနှစ် ၄၀ အာဏာရှင်စနစ် လက်အောက်မှ ရုန်းထွက်လုဆဲဆဲ အချိန် ဖြစ်သည်။ ယခု အချိန်တွင် သူမသည် လုံးဝ အထီးကျန်လုနီးနီး နေအိမ် အကျယ်ချုပ် ဘဝတွင် အသက် ၆၅ နှစ် ပြည့်ခဲ့ပြီ ဖြစ်၍ ဒီမိုကရေစီ လုပ်ငန်းစဉ်သည် ထင်သည်ထက် ပိုမို ကြာမြင့်ခဲ့ပြီး အတိုက်အခံများသည်လည်း သူမ မျှော်လင့်ခဲ့သည်ထက် ပို၍ ရက်စက် ကြမ်းတမ်းမှုများနှင့် ရင်ဆိုင်နေရသည်ဟု ပြောလျှင် လွန်မည် မထင်ပါ။
၁၉၄၇ အသက် ၃၂ နှစ်တွင် လုပ်ကြံခံခဲ့ရသည့် အမျိုးသား လွတ်လပ်ရေး ခေါင်းဆောင်၏ သမီးသည် မကျန်းမာသော မိခင်ကို ပြုစုရန် ဗြိတိန်မှ ရန်ကုန်သို့ ပြန်လာခဲ့ပြီးနောက် "ဒီမိုကရေစီကို ရှာဖွေရာတွင်" အမည်ရှိ ဆောင်းပါးတွင် ထိုသို့ သတိပေး ရေးသားခဲ့ခြင်း ဖြစ်သည်။ သူမသည် အောက်စဖို့ ပညာတတ်၊ တိဘက် ဗုဒ္ဓဘာသာဝင် ဗြိတိသျှ အမျိုးသားနှင့် လက်ထက်ခဲ့ပြီး သားနှစ်ယောက် ရရှိခဲ့သည်။ သူမတွင် နိုင်ငံကို ခေါင်းဆောင်ရန် အစီအစဉ် မရှိခဲ့ပါ။ သူမသည် တစ်ချိန်ချိန်တွင် မြန်မာပြည်သို့ ပြန်ရန် ရည်ရွယ်ချက် ရှိသော်လည်း လူထု စာကြည့်တိုက်များ တသီတတန်း ထူထောင်ရန်နှင့် ကျောင်းသားများ အတွက် ပညာသင်ဆု စကောလားရှစ် အစီအစဉ်များ ဟောပြော စည်းရုံးရန်သာ ရည်ရွယ်ခဲ့ခြင်း ဖြစ်၍ နိုင်ငံရေး လောကသို့ ဝင်ရန် မဟုတ်ပါ။
သို့သော်လည်း ဘီဂျင်း တီယန်မင် ရင်ပြင် အရေးအခင်း မပေါ်ပေါက်မီ မြန်မာ ကျောင်းသားများ ခေါင်းဆောင်သည့် ဒီမိုကရေစီ လှုပ်ရှားမှုများက ၁၉၈၈ အတွင်း တစ်နိုင်ငံလုံး ကူးစက် လောင်ကျွမ်းခဲ့ပြီး သူမအား ပြောင်းလဲစေကာ ခေါင်းဆောင် အဖြစ် စာရင်းဝင်စေခဲ့သည်။ သူမ၏ တည်ကြည်မှု၊ သိက္ခာရှိမှု၊ ရဲရင့်မှုတို့ကြောင့် သူမ၏ နိုင်ငံသည် စုစည်း ညီညွတ် လာခဲ့ပြီးနောက်၊ တန်းစီနေသော ပစ်မိန့်ရ စစ်သားများဆီသို့ ဦးတည်ကာ တစ်ဦးထဲ လမ်းလျှောက် ချီတက် သွားခဲ့ချိန်တွင် အလွန်ပင် လူသိများ ကျော်ကြားသွားခဲ့သည်။ ထိုစဉ်က စစ်ဖက် အရာရှိက နောက်ဆုံး အချိန်မှ ကပ်၍ ပစ်မိန့်ကို ပယ်ဖျက်ခဲ့သည်။
တိုင်းပြည်ကို ဆင်းရဲတွင်းသို့ နစ်စေခဲ့သည့် စစ်ဗိုလ်ချုပ်များသည် သူမ၏ ထင်ရှား ကျော်ကြားမှုကို စိတ်ရှုပ်ထွေးလာကြသည်။ သူမကို ကွန်မြူနစ်၊ စီအိုင်အေ သူလျို၊ သွေးမစစ် ကလေးများ၏ မိခင် စသဖြင့် စစ်ခေါင်းဆောင်များက သိက္ခာချ စွပ်စွဲခဲ့ကြသည်။ ထို့နောက်တွင် သူမအား ရန်ကုန်မြို့ အင်းလျားကန်စောင်း နေအိမ်တွင် အကျယ်ချုပ် ထိန်းသိမ်းထားခဲ့သည်။ ၁၉၉၀ တွင် စစ်ဗိုလ်ချုပ်များသည် "ပြည်သူ့ သဘောထား" ကို မစောကြောမိဘဲ လွတ်လပ်သည့် ရွေးကောက်ပွဲများကို ခွင့်ပြုခဲ့ရာ သူမ ခေါင်းဆောင်သည့် NLD ပါတီက "မိုးလုံးပြည့်" အနိုင်ရရှိခဲ့သည်။
မြန်မာ့ ဒီမိုကရေစီသည် ထိုစဉ်က အမြင့်ဆုံး ရေချိန် အမှတ်သို့ ရောက်ခဲ့သည်ဟု ဆိုရမည်။ သို့သော် အရွေးကောက်ခံ လွှတ်တော် ကိုယ်စားလှယ်များကို စစ်ဗိုလ်ချုပ်များက နေရာ ဖယ်မပေးခဲ့ပါ။ ပြည်သူလူထု သန်း ၅၀ ကို မလှုပ်နိုင်အောင် နှောင်ကြိုးတံထားသော စစ်ဖက် အစိုးရ၏ ရက်စက်မှုများကို ယှဉ်နိုင်မည့်သူမှာ မြောက်ကိုရီးယားသာ ရှိသည်။ ယခု နောက်ဆုံး ထွက်ပေါ်လာသော အထောက်အထားများက မြန်မာ စစ်ဗိုလ်ချုပ်များသည် မြောက်ကိုရီးယား၊ အီရန်တို့နှင့် ပူးပေါင်း ဆောင်ရွက်ကာ နျူကလီးယား လက်နက် ထုတ်နိုင်အောင် ကြိုးစားနေသည်ကို ညွှန်ပြနေသည်။
စစ်ခေါင်းဆောင်များသည် ယခုတိုင်အောင် ဒေါ်အောင်ဆန်းစုကြည်နှင့် ပတ်သက်၍ ရှုပ်ထွေးနေဆဲ ဖြစ်သည်။ ပြီးခဲ့သော ၂၁ နှစ် ကာလအတွင်း သူတို့သည် သူမအား ၁၅ နှစ်ခန့် သော့ခတ်ထားခဲ့ကြသည်။ ၁၉၉၉ တွင် ဗြိတိန်၌ သူမ၏ ခင်ပွန်း ကင်ဆာရောဂါဖြင့် ကွယ်လွန်စဉ်က သူမ မသွားရောက်နိုင်ခဲ့ခြင်းမှာ မြန်မာ အစိုးရက "သူမ မြန်မာပြည်သို့ ပြန်လာနိုင်ကြောင်း" အာမခံခြင်း မရှိသောကြောင့် ဖြစ်သည်။ ထို့အပြင် သူမ၏ သားနှစ်ယောက်ကိုလည်း လာခွင့်မပြုပါ။ ၂၀၀၃ တွင် သူမအား ခေတ္တ လွှတ်ပေးခဲ့ချိန်၌ သူမ သွားလေရာ ဒေသတိုင်းတွင် သူမ၏ ရေပန်းစား ကျော်ကြားမှုကို အတည်ပြုနိုင်မည့် ဂုဏ်ယူ ဝမ်းမြောက်ဖွယ် တုန့်ပြန်မှုများ ပေါ်ထွက်လာခြင်းကြောင့် စစ်ဗိုလ်ချုပ်များက လူဆိုး၊ လူရမ်းကားများ စေလွှတ် တုန့်ပြန်ခဲ့ရာ နိုင်ငံ အနောက်ပိုင်း ဒီပဲယင်းမြို့ အနီးတွင် သူမအား လုပ်ကြံ သတ်ဖြတ်လုနီးပါး အကြမ်းဖက်မှုများ ဖြစ်ပွားခဲ့ပြီးနောက် သူမအား နောက်တစ်ကြိမ် သော့ခတ် ထိန်းသိမ်းခဲ့သည်။
အထက်ပါ အကြောင်းအရာ အားလုံးက သူမ မဖြစ်ချင်ခဲ့သော "စံနမူနာ ခေါင်းဆောင်၊ နိုဘယ်ဆုရှင်၊ လွတ်မြောက်မှုနှင့် ဂရုဏာ၏ သင်္ကေတ" အဖြစ် ရောက်ရှိအောင် သူမအား ပြောင်းလဲပေးခဲ့ကြခြင်း ဖြစ်သည်။ အထက်ပါ တာဝန်များကြောင့် သူမသည် နိုင်ငံရေးသမား တစ်ယောက် ဖြစ်လာခဲ့သည်။ ပါတီကို ခေါင်းဆောင်နေရသည်။ သူမ လွန်ခဲ့သော ၂၁ နှစ်က ရေးသားခဲ့သော အသွင်ကူးပြောင်းရေး လုပ်ငန်းစဉ်ကို စေ့စပ်ညှိနှိုင်းနေရသည်။ သို့သော်လည်း တစ်ဖက်က စစ်ခေါင်းဆောင်များက သူမနှင့် NLD ပါတီကို ဖယ်ထုတ်ရန် အပြည့်အဝ ရည်ရွယ် ရေးဆွဲထားသည့် ရွေးကောက်ပွဲ ဥပဒေ၏ အောက်တွင် ယခုနှစ် နှောင်းပိုင်း၌ အတုအယောင် ရွေးကောက်ပွဲများ ကျင်းပရန် စီစဉ်နေသည်။
ကမ္ဘာတဝှမ်းရှိ အစိုးရများ နည်းတူ အိမ်ဖြူတော်ကလည်း ဒေါ်အောင်ဆန်းစုကြည်၏ မွေးနေ့ အထိမ်းအမှတ် ဂုဏ်ပြု သဝဏ်လွှာကို ထုတ်ပြန်ခဲ့သည်။ သို့သော်လည်း သမ္မတ အိုဘားမား၏ တွေ့ဆုံ ဆွေးနွေးရေး အစပျိုး ကြိုးပမ်းမှုများကို မြန်မာ အစိုးရက မသိကျိုးကျွံပြုခဲ့သည်။ ဒီမိုကရေစီ အရေးအတွက် အိုဘားမား၏ ထပ်မံ ကတိပေးထားမှုသည် မြန်မာ အာဏာရှင်များအား ဖိအားပေးရန် မြန်မာ အိမ်နီးချင်းများအား စည်းရုံးရာတွင် အောင်မြင်မှု ရခဲ့ခြင်း မရှိသည့်အပြင် အိုဘားမား အစိုးရ၌ အစားထိုးရန် ဒုတိယ အစီအစဉ် ယခုအထိ ရှိပုံ မရသေးပါ။
"အခြေခံ လူ့အခွင့်အရေးတွေ တည်ရှိခွင့်ကို ပိတ်ပင်ထားတဲ့စနစ် အတွင်းမှာ ကြောက်ရွံ့ခြင်းဟာ နေ့စဉ် အလုပ်တာဝန် တစ်ခုလို ဖြစ်လာနေပါတယ်" ဟု လွန်ခဲ့သော အနှစ် ၂၀ ခန့်တွင် ဒေါ်အောင်ဆန်းစုကြည် ရေးသားခဲ့ဖူးသည်။ "ဘဝပေး အသိယောင်ယောင်၊ တစ်ခါတစ်ရံ အမြော်အမြင် ရှိသယောင် ဟန်ဆောင်ထားသည့်၊ တစိမ့်စိမ့် ပျံ့နှံ့လာသည့် ကြောက်ရွံ့မှုသည် မွေးရာပါ လူ့သိက္ခာနှင့် မိမိကိုယ်မိမိ လေးစားမှုကို ထိန်းသိမ်းရာတွင် အထောက်အကူ ပြုသော ရဲရင့်သော စိတ်ကို မိုက်မဲခြင်း၊ ဆင်ခြင်တုံတရား မရှိခြင်း၊ အရေးမပါ (သို့) အလဟာသဖြစ်ခြင်း၊ အသေးအဖွဲဟု ယူဆခြင်း အဖြစ်သို့ ရောက်အောင် နေ့စဉ် ပြစ်တင် ရှုတ်ချနေသည်" ဟု သူမက အသေးစိတ် ရေးသားခဲ့သည်။
ယနေ့ မြန်မာနိုင်ငံတွင် အတိုက်အခံနှင့် ဒီမိုကရေစီ လှုပ်ရှားသူ ၂၀၀၀ ကျော်မှာ အကျဉ်းထောင်များတွင် ရှိနေပြီး၊ စက်ဆုပ်ဖွယ် အခြေအနေများတွင်လည်း မကြာခဏ ဖမ်းဆီးထားလေ့ ရှိသည်။ အကယ်၍ သူမသာ အများပြည်သူသို့ စကားပြောခွင့် ရမည်ဆိုလျှင် ဒေါ်အောင်ဆန်းစုကြည်လည်း သူမ၏ မွေးနေ့ကို သူတို့အတွက် ကောင်းစွာ အချိန်ပေးမည် ဖြစ်ပြီး စိတ်ကူးယဉ်ဖို့ပင် ခက်ခဲ့သော လွတ်မြောက်မှုအတွက် တိုက်ပွဲဝင်နေသော မိမိတို့ အများစု၏ သေးငယ်သော်လည်း ရဲရင့်သည့် နေ့စဉ် တာဝန်များကို ကောင်းစွာ ဂုဏ်ပြု ရည်ညွှန်းမည် ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.