Posts
နိုင်ငံတကာ ကယ်ဆယ်ရေး အဖွဲ့ဝင် တစ်ဦး အနေဖြင့် မြန်မာနိုင်ငံ အတွင်းသို့ ဝင်ရောက်ပြီး ကျန်းမာရေး စောင့်ရှောက်မှုများ၊ အကူအညီ အထောက်အပံ့များ ပေးသည့် စီမံကိန်းများ လုပ်ဆောင်ရန် ပြည်ဝင်ခွင့် ဗီဇာ လျှောက်ထားမှုကို ကြိမ်ဖန်များစွာ ပြုလုပ်ခဲ့သော်လည်း ပယ်ချခံခဲ့ရသည်။ အကြောင်းမှာ မြန်မာ စစ်အစိုးရက ၎င်း၏ တိုင်းပြည်ထဲသို့ ကျွန်ုပ်ကဲ့သို့ အကူအညီ ပေးရေး အဖွဲ့များ ဝင်ရောက်မှုကို လိုလိုလားလား မရှိသောကြောင့် ဖြစ်ပါမည်။ ထို့ကြောင့် မြန်မာနိုင်ငံထဲသို့ သွားရမည့် အစား ထိုင်း-မြန်မာ နယ်စပ် ဒေသရှိ မဲဆောက်မြို့သို့သာ သွားခဲ့ရသည်။
မဲဆောက်တွင် စိတ်အဝင်စားစရာ အကောင်းဆုံး နေရာကလေး တစ်ခု ရှိသည်။ ထိုနေရာလေးကို အခြေခံ လူတန်းစားများ အကျိုးအမြတ် ဖြစ်ပေါ် စေသည့် ဇာတ်လမ်းများစွာထဲမှ ဇာတ်လမ်း တစ်ခုဟု ဆိုလျှင်လည်း ရပါသည်။ စာဖတ်သူများလည်း ကြားဖူးပါလိမ့်မည်။ "မယ်တော် ဆေးခန်း" ဟု အမည်ရသည်။ မယ်တော်ကို ဦးဆောင်သူမှာ ဒေါက်တာ စင်သီယာမောင် ဖြစ်ပြီး ထိုင်း-မြန်မာ နယ်စပ် ဒေသရောက် ဒုက္ခသည်များ၊ ပြောင်းရွှေ့လုပ်သားများ သာမက ကျန်းမာရေး အခက်အခဲ လိုအပ်ချက် ရှိသူ အားလုံးကို နှစ်ပေါင်း ၂၁ နှစ် ကြာမျှ အခမဲ့ ဆေးကုသ ပေးလျက် ရှိသည်။
ဒေါက်တာ စင်သီယာမောင်ကို သိသူ အများစုက "ဒေါက်တာ စင်သီယာ" ဟု ခေါ်ကြသည်။ လူသားချင်း စာနာ ထောက်ထားသည့် အကူအညီများ အများဆုံး ပေးလျက် ရှိသူ တစ်ဦးလည်း ဖြစ်သည်။ ဒေါက်တာ စင်သီယာကဲ့သို့ လူမျိုးမှာ လူတစ်ရာတွင် တစ်ယောက် မရှိ။ သို့သော် တစ်နိုင်ငံလျှင် တစ်ယောက်တော့ ရှိကောင်း ရှိတတ်သည်။ အထူးသဖြင့် လူသားချင်း စာနာ ထောက်ထားသော အကူအညီမျိုး ပေးရာတွင် ဦးဆောင် လမ်းညွှန်မှု ပြုနိုင်သူ၊ ယဉ်ကျေးမှုများ အကြောင်း ထဲထဲဝင်ဝင် သိရှိသူ၊ ရိုးသား ဖြူစင်သော မိတ်ဆွေကောင်းစိတ် ရှိသူ ဟူသည်မှာ ရှားလွန်းလှသည်။ ဒေါက်တာ စင်သီယာသည် ထိုကဲ့သို့သော လူမျိုးများတွင် ပါဝင်သည်။ အခြေခံ ကျန်းမာရေး စောင့်ရှောက်မှုများ၊ အရေးပေါ် စောင့်ရှောက်မှုများ၊ ညှဉ်းပန်း နှိပ်စက်မှု အကာအကွယ် ပေးရေး အစီအစဉ်များ အပါအဝင် လူမှုရေး ဝန်ဆောင်မှုများကို တစ်စုတစ်စည်းတည်း ဖြစ်အောင် လုပ်ကိုင်လျက် ရှိသည်။ သူမ လုပ်ကိုင်နေသည့် အလုပ်များမှာ အလွန်အမင်း ဆွဲဆောင်မှု ရှိသည်။ ကောလိပ် ကျောင်းသူ ကျောင်းသား အရွယ်များ အပါအဝင် နိုင်ငံတကာမှ စေတနာ့ ဝန်ထမ်း များစွာ၏ အာရုံကို ဒေါက်တာ စင်သီယာက ဖမ်းစားထားသည်။ သူမ၏ စီမံကိန်းကြီးများ ထဲသို့ ဝင်ရောက်ပြီး အခမဲ့ ကူလီထမ်းနေသူ ရာပေါင်းများစွာ ရှိသည်။
ဥပဒေအရ ဟာကွက်များစွာ ရှိသည့် မဲဆောက်မြို့တွင် ကာလ ကြာရှည်စွာ လူသားချင်း စာနာ ထောက်ထားမှုဖြင့် အခမဲ့ ဆေးကုသမှုများ ပြုလုပ်ခဲ့ပြီး နောက်ဆုံးတွင် ဒေါက်တာ စင်သီယာ၏ မယ်တော် ဆေးခန်းကလေးမှာ ထိုင်းအာဏာပိုင်များထံ၌ တရားဝင် မှတ်ပုံတင်ခွင့် ရရှိခဲ့သည်။ မှတ်ပုံတင်ခွင့် ရရှိလိုက်ခြင်းကြောင့် ကျွန်တော်တို့ အဖွဲ့ ဖြစ်သော Operation USA ကဲ့သို့ နိုင်ငံတကာ အကူအညီ ပေးရေး အဖွဲ့များထံမှ ကျန်းမာရေး ဆိုင်ရာ ပစ္စည်းများနှင့် အကူအညီများ ရယူရာတွင် အခွန် ပေးဆောင်ရန် မလိုတော့ပေ။
မြန်မာ စစ်အစိုးရ၏ ဖိနှိပ် ချုပ်ခြယ်မှုများကြောင့် သော်လည်းကောင်း၊ ငြိမ်းချမ်းရေး နိုဘယ်ဆုရှင် ဒေါ်အောင်ဆန်းစုကြည် ဖမ်းဆီး ထိန်းသိမ်း ခံထားရမှုကြောင့် သော်လည်းကောင်း၊ နာဂစ် ဆိုက်ကလုန်းနှင့် သဘာဝ သယံဇာတ အရင်းအမြစ်များ အပေါ် တလွဲတချော် စီမံ ခန့်ခွဲခဲ့ခြင်းကြောင့် သော်လည်းကောင်း မြန်မာ နိုင်ငံသားများတွင် သမုဒ္ဒရာတစ်စင်းမျှ ကြီးမား ကျယ်ပြန့်သည့် စိတ်ခံစားချက်များစွာ ပြည့်နှက်နေသည်။ ထိုခံစားချက်များအတွက် နေရာလေး တစ်နေရာ ရယူပေးရန်မှာလည်း လွန်စွာ အရေးကြီးပါသည်။ ထိုကဲ့သို့သော နေရာများတွင် ဒေါက်တာ စင်သီယာ၏ မယ်တော်ဆေးခန်း စတင် ပါဝင်နေပြီ ဟူသော အချက်ကို သတိချပ်သင့်ပါသည်။
Richard Walden ၏ ဆောင်းပါးကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.