Posts
The Wall Street Journal, 31st July 2010
ဆင်းရဲသော မြန်မာနိုင်ငံတွင် စစ်အစိုးရ၏ ချုပ်ကိုင်ထားမှုများ အနက် ရွေးကောက်ပွဲ မတိုင်မီ ဆန်စပါး ထုတ်လုပ်ရေး လုပ်ငန်း အပေါ် ချုပ်ကိုင်ထားမှု ဖြေလျော့ပေးခဲ့ခြင်းသည် တိုင်းပြည်၏ စီးပွားရေးနှင့် ပတ်သက်၍ မျှော်လင့်ချက်များ မြင့်တက်လာရသည်။ နှစ်ပေါင်း များစွာ တင်းကြပ်စွာ ထိန်းချုပ်ခဲ့ပြီးမှ အစိုးရသည် မနှစ်က ပုဂ္ဂလိကများကို ဆန်တင်ပို့ခွင့် လိုင်စင်များ ပထမဆုံး အကြိမ် စတင် ထုတ်ပေးခဲ့ပြီး၊ ပုဂ္ဂလိက ဆန်စပါး ထုတ်လုပ်မှု အသင်းကို ဖွဲ့စည်း ခွင့်ပြုကာ လယ်သမားများနှင့် ဆန်စက်ပိုင်များကို ငွေထုတ်ချေး ခွင့်ပြုခဲ့သည်ဟု ပြည်တွင်း လူသားချင်း စာနာသော အကူအညီ ပေးရေး အဖွဲ့များက ပြောသည်။
အစိုးရသည် ပြောင်းလဲမှုများကို အချိန်မရွေး ပြောင်းပြန် လှန်ပစ်နိုင်သည်။ ၂၀၀၃ ခုနှစ်က ထိုသို့ ပြောင်းလဲမှုများ ပြုလုပ်ခဲ့ဖူးသည်။ သို့သော် ယခု ပြောင်းလဲမှုများတွင် နောက်ထပ် လမ်းဖွင့် ပေးမှုများပါ ထွက်ပေါ်လာခဲ့ပြီး၊ အစိုးရမှ ထိန်းထိန်းသိမ်းသိမ်း လုပ်နေဟန် မရှိပေ။ ယခု အခြေအနေကို ဆက်ထန်းနိုင်ခဲ့လျှင် နောက်ဆုံးတွင် ကမ္ဘာကြီး၏ ဆန်လိုအပ်နေမှုကို အထောက်အကူ ပြုလိမ့်မည် ဖြစ်သည်။
ပြောင်းလဲမှုများမှာ အရေးကြီးသည်။ အဘယ်ကြောင့်ဆိုသော် စီးပွားရေးနှင့် ပတ်သက်နေသော နိုင်ငံရေး ကိစ္စရပ်များပါ ပါဝင်နေသောကြောင့် ဖြစ်သည်။ ယခင် အချိန်များ၊ အထူးသဖြင့် ၁၉၈၀ နှောင်းပိုင်းနှင့် ၂၀၀၇ ခုနှစ်က မငြိမ်သက်မှုများသည် ဆန်ဈေး ကြီးမြင့်မှုကြောင့်လည်း ပါဝင်သည်။ အစိုးရသည် ပြည်တွင်း မဖူလုံခြင်းကို ကာကွယ်သည့် အနေဖြင့် ဆန်တင်ပို့မှုများကို ကန့်သတ်ထားခဲ့သည်။ ဆန်ဈေး ကြီးမြင့်မှုများသည် မကျေနပ်မှုများကို မီးထိုးပေးသကဲ့သို့ ဖြစ်ခဲ့ရသည်။
ထိုသို့ ထိန်းချုပ်ထားမှုများသည် မိမိ ဖြစ်စေလိုသည်များနှင့် ဆန့်ကျင်ဘက် ဖြစ်တတ်သည်ကို သက်သေပြသလို ဖြစ်ခဲ့သည်။ ရင်းနှီးမြှုပ်နှံမှုကို အားပေးမည့် ပို့ကုန် ဈေးကွက် မရှိသောကြောင့် လယ်သမားများသည် ထုတ်လုပ်မှု တိုးတက်ရေး အတွက် အားမထည့်တော့ပေ။
ယခုကဲ့သို့ ပို့ကုန်ကို ဖြေလျော့ ပေးခြင်းအားဖြင့် အပေါင်း လက္ခဏာ ဆောင်သော သက်ရောက်မှုများ ရရှိလာမည် ဖြစ်ကြောင်း၊ အကယ်၍ လယ်သမားများသည် မျိုးစေ့နှင့် အခြား ပစ္စည်းများ အတွက် လုံလောက်သော ငွေပင်ငွေရင်း ရရှိခဲ့လျှင် အကောင်း မျှော်လင့်နိုင်မည် ဖြစ်ကြောင်း လူသိရှင်ကြား ထောက်ခံခဲ့ကြသည်။ "တကယ်လို့ လယ်ယာမြေ ချေးငွေ လုံလုံလောက်လောက် ရရင် ထုတ်လုပ်မှု တိုးတက်အောင် အသာလေး လုပ်နိုင်ပါတယ်" ဟု ရန်ကုန်မှ စီးပွားရေးနှင့် နိုင်ငံရေး ပြောင်းလဲမှုများ အတွက် အားပေး လုပ်ဆောင်နေသော အဖွဲ့ ဖြစ်သည့် Myanmar Egress ဥက္ကဋ္ဌ ဦးတင်မောင်သန်းက ပြောသည်။
အစိုးရက လယ်သမားများ ချေးယူနိုင်သော ငွေပမာဏကို မြှင့်ပေးလိုက်သဖြင့် ချေးငွေမှာ လယ်သမားတိုင်းထံသို့ မရောက်သေးသဖြင့် ယခု ပြောင်းလဲမှုများမှာ သိသာ ထင်ရှားမှု မရှိသေးပေ။ လယ်သမား အများစုသည် အစိုးရ စိုက်ပျိုးရေး ဘဏ်မှ မျိုးစေ့နှင့် ဓာတ်မြေသြဇာ ဝယ်ရန် တစ်ဧကလျှင် ချေးငွေ ကျပ် ၁၀၀၀၀ (၁၀ ဒေါ်လာ) သာ ရရှိရာ လိုအပ်ချက်၏ ဆယ်ပုံတစ်ပုံသာ ရှိသည်။ လယ်သမားများက အစိုးရ ချေးငွေအား "လက်ဖက်ရည်ဖိုး" ဟု ဆိုကြသည်။ ထို့ကြောင့် အများစုသည် အတိုးနှုန်း မြင့်သော ပြင်ပ ချေးငွေများဘက်သို့ ဦးလှည့်ကြရသည်။
မြန်မာနိုင်ငံတွင် လူတစ်ဦးလျှင် တစ်နှစ် ပျမ်းမျှ ဝင်ငွေ ဒေါ်လာ ၄၆၀ သာ ရှိရာ ကမ္ဘာပေါ်တွင် အနိမ့်ဆုံး ဝင်ငွေရှိသော နိုင်ငံများတွင် ပါဝင်သည်။ ဆန်စပါး စိုက်သော လယ်သမားများသည် လွန်ခဲ့သော ရာစုနှစ်များက သူတို့ လုပ်ခဲ့သော အလုပ်ထက် များစွာ ပိုမို အလုပ်လုပ်နေကြရသည်။ နွားများလည်း ထမ်းပိုးများ ထမ်း၍ လယ်ကွင်းထဲတွင် လယ်ထွန်ကြရသည်။ ဆန်စက်ပိုင်များကလည်း ဆယ်စုနှစ်များစွာ အိုဟောင်းနေသော ပစ္စည်းများ အပေါ်တွင် မှီခိုနေကြရသည်။ ထို့ကြောင့် ထွက်ရှိလာသော ဆန်အကျိုး အကျေများသည် ဈေးကွက်သို့ တင်ပို့ရန် မသင့်တော်သော ဆန်များ ဖြစ်နေသည်။
အသက် ၅၁ နှစ်ရှိ လယ်သမားကြီး ဦးစံဖေက ပြောပြရာတွင် ၎င်းသည် မြန်မာနိုင်ငံ အလယ်ပိုင်းတွင် နေထိုင်ပြီး ၎င်း၏ ငါးဧက ရှိသော လယ်အတွက် ရင်းနှီးရန် ငွေချေး၍ မရနိုင်ကြောင်း ပြောသည်။ "ကျွန်တော့်မှာ အဆက်အသွယ် မရှိဘူး။ ဘဝက သိပ်ကြမ်းတယ်" ဟု ပြောသည်။ သူ့မိန်းမနှင့် ကလေးငယ်များ မိုးရေထဲတွင် နွားလှည်းဖြင့် သွားနေရပုံအား ခံစားချက်ဖြင့် ပြောပြသည်။
အဘယ်ကြောင့် ယခုကဲ့သို့ ပုဂ္ဂလိကများသို့ ဆန်တင်ပို့ခွင့် လိုင်စင် ထုတ်ပေးရသည်ကို ဗိုလ်ချုပ်မှူးကြီး သန်းရွှေ ခေါင်းဆောင်သော လျှို့ဝှက်တတ်သော အစိုးရက ရှင်းမပြခဲ့ပေ။ နိုင်ငံခြား မီဒီယာများကို စကားပြောခဲ့သဖြင့် အစိုးရသို့ ဆက်သွယ်မှုများမှာလည်း မအောင်မြင်ပေ။
ယခု ပြောင်းလဲမှုများမှာ ယခုနှစ် ကျင်းပမည့် ရွေးကောက်ပွဲ မတိုင်မီ ပြုလုပ်ပေးခဲ့ခြင်း ဖြစ်သည်။
အစိုးရ ဆန့်ကျင်သူများနှင့် သံတမန်များကမူ လာမည့် ရွေးကောက်ပွဲသည် လွတ်လပ်၍ တရားမျှတရန် မဖြစ်နိုင်ကြောင်း၊ လက်ရှိ အာဏာ တည်ဆောက်ပုံလည်း ပြောင်းသွားမှာ မဟုတ်ကြောင်း ပြောကြသည်။ အခြား သုံးသပ်သူများနှင့် ပြည်တွင်း နေထိုင်သူ အချို့ကမူ အစိုးရသည် စီးပွားရေးနှင့် နိုင်ငံရေး ပြောင်းလဲမှုကို တဖြည်းဖြည်း ပြောင်းလဲမှု အနည်းဆုံး အားပေးလိမ့်မည်ဟု ယုံကြည်ကြောင်း ပြောသည်။
ယခု ရွေးကောက်ပွဲ အကြိုကာလတွင်မူ စီးပွားရေး မူဝါဒနှင့် ပတ်သက်၍ ဆွေးနွေးမှုများ ရှားပါး၍ အကန့်အသတ်များနှင့် တွေ့နေရသည်။ ပြီးခဲ့သည့် ဒီဇင်ဘာလက နိုဘယ်ဆုရှင် စီးပွားရေး ပညာရှင် Joseph Stiglitz သည် မြန်မာနိုင်ငံသို့ သွားရောက်ပြီး၊ အစိုးရ တာဝန်ရှိသူများအား ကျေးလက် ချေးငွေများ တိုးချဲ့ခြင်း၊ အခြေခံ အဆောက်အဦး တိုးတက်ရေးနှင့် ပညာရေးများ ပါဝင်သော မြန်မာ့ စီးပွားရေး ပြုပြင် ပြောင်းလဲမှု လုပ်ခြင်းဖြင့် ရရှိလာမည့် အကျိုးကျေးဇူးများအား ပြောပြခဲ့သည်။ မကြာသေးမီက မြန်မာ စီးပွားရေး ပြုပြင် ပြောင်းလဲမှု လုပ်ခြင်းဖြင့် ရရှိလာမည့် အကျိုး ကျေးဇူးများအား ပြောပြခဲ့သည်။ မကြာသေးမီက မြန်မာ စီးပွားရေး ပညာရှင်တစ်ဦးအား တိုင်းပြည်၏ ဆန်စပါး ကဏ္ဍနှင့် ပတ်သက်၍ ဆွေးနွေးမှုအား ပုံနှိပ် ထုတ်ဝေခွင့် ပြုခဲ့သည်။ ထို့အတူ လာမည့် ရွေးကောက်ပွဲ အပြီးတွင် အနည်းဆုံး ကိုယ်စားလှယ် တစ်ဦးအား ကျေးလက် ပြောင်းလဲရေးနှင့် ပတ်သက်၍ ပြောကြားခွင့် ရလာမည်ဟု မျှော်လင့်ရသည်။
အကူအညီ ပေးရေး အုပ်စုများက ပြောကြားရာတွင် အစိုးရသည် ၂၀၀၈ ခုနှစ် နာဂစ် မုန်တိုင်း အပြီးတွင် ဆန်စပါး ကဏ္ဍနှင့် ပတ်သက်၍ ချဉ်းကပ်ပုံ ပို၍ မျက်စိဖွင့် နားပွင့် ဖြစ်လာကြောင်း ဆိုသည်။ နာဂစ်ကြောင့် လယ်ယာများ ပျက်စီးပြီး၊ ထိုဒေသမှ လူများကို ကျွေးမွေးရန် နိုင်ငံတကာ အကူအညီများ အပေါ် မှီခိုခဲ့ရသည်။
အချို့ ပုဂ္ဂလိက ကုန်သည်များက ဆန်စပါးနှင့် ပတ်သက်သော အပြောင်းအလဲသည် မကြာမီက အောင်မြင်နေသော ပဲသီးနှံနှင့် သက်ဆိုင်လိမ့်မည်ဟု ယုံကြည်နေကြသည်။ ပဲသည် ပြည်တွင်း စားသုံးမှု အတွက် အရေးမကြီးလှသောကြောင့် အချိန် အတော်ကြာကပင် နိုင်ငံခြားသို့ တင်ပို့မှုကို ခွင့်ပြုထားခဲ့သည်။
အာရှ ဖွံ့ဖြိုးရေးဘဏ်၏ အဆိုအရ အစိုးရသည် သဘာဝဓာတ်ငွေ့ ရောင်းရငွေမှ နိုင်ငံခြား အရန်ငွေ ဒေါ်လာ ၅ ဘီလီယံ ရှိသည်ဟု ဆိုသော်လည်း၊ ဆန်စပါး ကဏ္ဍ တိုးတက်ရေး အတွက် ငွေ အနည်းငယ်သာ အသုံးပြုသည်။
ထိုအစား အစိုးရသည် ပုဂ္ဂလိက လုပ်ငန်းရှင်များအား ၎င်းတို့၏ ငွေများကို ဆန်စပါး ကဏ္ဍတွင် အသုံးပြုရန် ညွှန်ကြားခဲ့သည်။ မြန်မာနိုင်ငံ ဆန်စပါး ထုတ်လုပ်မှု အသင်းသည် ယခုနှစ်တွင် လယ်သမားများသို့ ချေးငွေ ဒေါ်လာ သန်း ၂၀ နှင့် ၃၀ ကြား ထုတ်ပေးခဲ့ကြောင်း ၎င်းအဖွဲ့၏ အဆိုအရ သိရှိရသည်။ လိုအပ်ချက်မှာ ဒေါ်လာ ၁ ဘီလီယံသို့ ကပ်နေကြောင်း ဟားဗတ် တက္ကသိုလ်၏ Ash Center ၏ အဆိုအရ သိရှိရသည်။ ဆန်စပါး ထုတ်လုပ်ရေး အသင်း ကိုယ်စားလှယ်များကမူ email ဖြင့် မေးမြန်းချက်များကို ဖြေကြားခြင်း မရှိပေ။
မြန်မာ့ ဆန်ထုတ်လုပ်မှုမှာ ၁၉၃၀ ခုနှစ်များက ကမ္ဘာပေါ်တွင် ဦးဆောင် နိုင်ခဲ့သည်။ သို့သော် ၁၉၆၂ ခုနှစ် စစ်တပ်မှ အာဏာသိမ်းပြီး ဖိနှိပ်မှုများကြောင့် မြန်မာ့လယ်သမားများကို ဆယ်စုနှစ် များစွာ နောက်ကျ ကျန်ခဲ့စေသည်။
သို့သော် အလားအလာများက ကျန်ရှိနေဆဲ ဖြစ်သည်။ "မြန်မာ နိုင်ငံဟာ ကမ္ဘာပေါ်မှာ ဆန်တင်ပို့တဲ့ ထိပ်သီး နှစ်နိုင်ငံ သုံးနိုင်ငံ အတွင်းမှာ ပါဝင်ဖို့ ဖြစ်နိုင်ပါသေးတယ်" ဟု မြန်မာနိုင်ငံသို့ သွားရောက်ခဲ့သူ Ash Center မှ စီးပွားရေး ပညာရှင် David Dapiee က ပြောကြားခဲ့သည်။ ၎င်းသည် လယ်သမားများသို့ ချေးငွေများ ပိုပေးရေးနှင့် အခြား ပြောင်းလဲမှုများကို အစိုးရအား ထောက်ခံချက် ပေးခဲ့သည်။
ကမ္ဘာ့ဆန်ဈေးသည် ၂၀၀၈ ခုနှစ်က အံ့သြဖွယ် ခုန်တက်ခဲ့ရာ ကမ္ဘာ့စီးပွားရေး တိုးတက်မှုနှုန်း မြန်သောကြောင့် ဆန်ပြတ်လပ်မှုကြောင့် ဖြစ်သည်။ သုံးသပ်သူ အများစုက အနာဂတ်တွင် ဆိုးရွားသော ပြတ်လပ်မှုများ မဖြစ်စေရန် ဆန်တင်ပို့သော ဒေသသစ်များ ထွက်ပေါ်လာရန် လိုအပ်သည်ဟု ဆိုသည်။
မြန်မာနိုင်ငံသည် အခြေခံမှ ပြုပြင် ပြောင်းလဲမှုများကို တွန်းအားပေးသည့်တိုင် စိတ်ချရသည့် ဆန်တင်ပို့သော နိုင်ငံ ဖြစ်ရန် ဆယ်စုနှစ် တစ်စုခန့် အချိန်ယူရမည်ဟု Mr. Dapice က သတိပေးခဲ့ပြီး၊ ၎င်းအနေနှင့် မဖြစ်နိုင်သေးဟု မြင်ကြောင်း ပြောကြားခဲ့သည်။ သယ်ယူပို့ဆောင်ရေး အခြေခံ အဆောက်အအုံများမှ ခေတ်နောက်ကျနေပြီး၊ လျှပ်စစ်ဓာတ်အားကလည်း မလုံလောက်ဟု ဆိုသည်။ "သင်္ဘောပေါ် တင်ကာ ရက်သတ္တပတ် အတော်ကြာတယ်။ သူတို့မှာ အိတ်ထမ်းတဲ့ ကူလီကိုပဲ သုံးနေရတုန်းပါပဲ" ဟု Mr. Dapice က ပြောကြားလိုက်သည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.