Posts
Bangkok Post, 25th August 2010
တရုတ် အာဆီယံ လွတ်လပ်သော ကုန်သွယ်ရေး နယ်မြေ (Cafta) သည် ယခုနှစ် ဇန်နဝါရီလ ၁ ရက်နေ့တွင် စတင် အကျုံးဝင် သက်ရောက်ခဲ့သည်။ Cafta ၏ အောက်တွင် အာဆီယံ နိုင်ငံများမှ ကုန်စည် ၉၁.၅ % ကို အခွန် သုညအဆင့် သတ်မှတ်ခဲ့ပြီး တရုတ်နိုင်ငံကလည်း ပျမ်းမျှ အခွန်နှုန်းထားကို ၉.၈ % မှ ၀.၁ % အထိ လျှော့ချခဲ့သည်။ အာဆီယံ အဖွဲ့ဝင်သစ် ၄ နိုင်ငံ ဖြစ်သော ကမ္ဘောဒီးယား၊ လာအို၊ မြန်မာ၊ ဗီယက်နမ် တို့မှာမူ ၎င်းတို့၏ လက်ရှိ စီးပွားရေး ဖွံ့ဖြိုးမှု အဆင့်အရ တရုတ် ကုန်စည်များ အပေါ် အခွန် လျှော့ချမှုကို ၂၀၁၅ အထိ ပြုလုပ်နိုင်ဦးမည် မဟုတ်သော်လည်း တရုတ်နိုင်ငံနှင့် သုည အခွန်နှုန်း မူဝါဒ၏ အကျိုးကျေးဇူးကို ယခုမှစ၍ ၅ နှစ် ကြိုတင် ခံစားနိုင်ကြမည် ဖြစ်သည်။
အပြန်အလှန် ကုန်သွယ်ရေး ဝန်ဆောင်မှုများကို WTO စည်းကမ်းများအရ ဆက်လက် တိုးချဲ့ကြမည် ဖြစ်သည်။ တရုတ်နှင့် အာဆီယံ အဖွဲ့ဝင်များ၏ ဥပဒေ ပြဋ္ဌာန်းမှု တိုးတက်လာသည် နှင့်အမျှ ရင်းနှီး မြှုပ်နှံမှု မူဝါဒများလည်း ပိုမို တည်ငြိမ် ပွင့်လင်းလာမည်။ တရုတ်နှင့် အာဆီယံ နိုင်ငံများ အကြား လွတ်လပ်သော ကုန်သွယ်ရေးမှာ အများစု ပြီးမြောက်နေပြီ ဖြစ်ကာ မတည် ရင်းနှီးငွေ၊ သယံဇာတ၊ နည်းပညာနှင့် လူသားရင်းမြစ်တို့ အပါအဝင် ထုတ်လုပ်မှု အင်အားစုများ၏ စုစည်း ထိရောက်မှုကို တိုးတက်စေလိမ့်မည်။ Cafta ပြီးစီး အောင်မြင်မှုသည် အပြန်အလှန် စီးပွားရေး ပေါင်းစည်းမှုကို မမျှော်လင့်ထားသည့် အဆင့်ထိ ရောက်ရှိစေခဲ့ပြီး အာရှ၏ အကြီးဆုံး ကုန်သွယ်ရေး လွတ်လပ်ဇုန်ကို ထူထောင် နိုင်ခဲ့သည်။
Cafta စတင် အကောင်အထည် ဖော်ပြီး ၆ လ အတွင်း အပြန်အလှန် ကုန်သွယ်မှုနှင့် ရင်းနှီးမြှုပ်နှံမှု လျင်မြန်စွာ ကြီးထွားလာခြင်း၊ စီးပွားရေး ပေါင်းစည်းမှု နက်ရှိုင်းလာခြင်း၊ ကုမ္ပဏီ အဖွဲ့အစည်းများ၊ ပုဂ္ဂလိကများ နှစ်ဦးနှစ်ဖက် အကျိုးရလဒ်များ ရရှိခြင်း စသည်တို့ကို တွေ့ရှိရသည်။
ပထမဦးစွာ သတိပြုမိသည့် ရလဒ်မှာ တရုတ်နှင့် အာဆီယံ အကြား အပြန်အလှန် ကုန်သွယ်ရေး သိသိသာသာ တိုးတက်လာခြင်း ဖြစ်သည်။ လွတ်လပ်သော ကုန်သွယ်ရေး စာချုပ်၏ တွန်းအားကြောင့် ၂၀၀၃ မှ ၂၀၀၇ အတွင်း နှစ်စဉ် ကုန်သွယ်မှု နှုန်းထား ၃၀ % တိုးတက် လာခဲ့ပြီး၊ ၂၀၀၈ မှ ၂၀၀၉ တွင် ကမ္ဘာ့ငွေကြေး အကျပ်အတည်း ဖြစ်ပေါ်နေသည့် ကြားမှ ၃ % ဆက်လက် တိုးတက်ခဲ့သည်။ ၂၀၁၀ ပထမ နှစ်ဝက် အတွင်း အပြန်အလှန် ကုန်သွယ်မှု ဒေါ်လာ ၁၃၆.၅ ဘီလျံသို့ ရောက်ရှိကာ ယခင်နှစ်ကထက် ၅၅ % တိုးတက်လာပြီး၊ အလားတူ ကာလအတွင်း တရုတ်နိုင်ငံ၏ စုစုပေါင်း နိုင်ငံခြား ကုန်သွယ်မှု တိုးတက်နှုန်းထက် ၁၁ % မြင့်နေသည်။ တရုတ်နိုင်ငံက အာဆီယံထံမှ ဒေါ်လာ ၇၁.၉ ဘီလျံ တန်ဖိုး တင်သွင်းခဲ့ရာ ယခင်နှစ် အလားတူ ကာလကထက် ၆၄ % ပိုများလာခြင်း ဖြစ်ပြီး အာဆီယံသို့ ဒေါ်လာ ၆၄.၆ ဘီလျံ တန်ဖိုး တင်ပို့ခဲ့ရာ ယခင်နှစ်ကထက် ၄၅ % တိုးတက်လာခြင်း ဖြစ်သည်။ တရုတ်၏ အာဆီယံသို့ ပို့ကုန်ထက် သွင်းကုန်က ဒေါ်လာ ၇.၃ ဘီလျံခန့် ပိုများသည်။
ဒုတိယ ရလဒ်မှာ နှစ်ဖက်စလုံးမှ ကုမ္ပဏီ လုပ်ငန်းစုများကို အကျိုး ဖြစ်ထွန်းစေခဲ့ခြင်း ဖြစ်သည်။ Cafta သည် နှစ်ဖက် အခွန်နှုန်းထားများ လျှော့ချခြင်းဖြင့် ကုမ္ပဏီများ၏ အခွန် ပေးဆောင်မှု လျှော့နည်းသွားအောင် အထောက်အကူ ပြုသည်။ တရုတ်သည် ၂၀၀၉ တွင် အာဆီယံ သွင်းကုန်များ အပေါ် အခွန် ဒေါ်လာ သန်း ၉၀၀ ခန့် ဖယ်ရှား ပေးခဲ့ပြီး၊ ယခုနှစ် ပထမ နှစ်ဝက်တွင် အခွန် ဒေါ်လာ သန်း ၇၀၀ ဆက်လက် လျှော့ချခဲ့သည်။ တစ်နှစ်ပြီး တစ်နှစ် အခွန် လျှော့ချမှုမှာ ၉၈ % သို့ ရောက်ရှိခဲ့သည်။ တရုတ်သည် အာဆီယံထံမှ ပလပ်စတစ် ပစ္စည်း၊ လျှပ်စစ် ပစ္စည်း၊ ရာဘာ ထုတ်ကုန်များနှင့် ဟင်းသီးဟင်းရွက်၊ သစ်သီးဝလံများကို သိသိသာသာ ပိုမို တင်သွင်းခဲ့သည်။
တတိယ ရလဒ်မှာ အပြန်အလှန် ရင်းနှီး မြှုပ်နှံမှု အဆက်မပြတ် ကြီးထွား ကျယ်ပြန့်လာခြင်း ဖြစ်သည်။ တရုတ် နိုင်ငံတွင် အာဆီယံ၏ ရင်းနှီးမြှုပ်နှံမှုမှာ ၂၀၀၃ တွင် ဒေါ်လာ ၂.၉၃ ဘီလျံမှ ၂၀၀၉ တွင် ဒေါ်လာ ၄.၆၈ ဘီလျံသို့ မြင့်တက် လာခဲ့ပြီး အာဆီယံ နယ်မြေတွင် တရုတ်၏ ရင်းနှီးမြှုပ်နှံမှုမှာ ဒေါ်လာ သန်း ၂၃၀ မှ ဒေါ်လာ ၃ ဘီလျံသို့ ၁၃ ဆ မြင့်တက်ခဲ့သည်။ ၂၀၁၀ ပထမ နှစ်ဝက် အတွင်း တရုတ်နိုင်ငံ၌ အာဆီယံ၏ တိုက်ရိုက် ရင်းနှီးမြှုပ်နှံမှုမှာ ယခင်နှစ်ကထက် ၂၄.၉ % မြင့်တက်ကာ ဒေါ်လာ ၃.၁၃၁ ဘီလျံသို့ ရောက်ရှိခဲ့ပြီး အာဆီယံ နယ်မြေ၌ တရုတ်၏ ငွေကြေးမပါ တိုက်ရိုက် ရင်းနှီးမြှုပ်နှံမှုမှာ ၁၂၅.၇ % မြင့်တက်ကာ ဒေါ်လာ ၁.၂၂၁ ဘီလျံသို့ ရောက်ရှိခဲ့သည်။ ၂၀၁၀ ဇွန်လကုန်တွင် အာဆီယံ၏ ရင်းနှီးမြှုပ်နှံမှု ဒေါ်လာ ၅၉.၈ ဘီလျံ နှင့် တရုတ်၏ ရင်းနှီးမြှုပ်နှံမှု ၉.၆ ဘီလျံ တို့နှင့်အတူ အပြန်အလှန် ရင်းနှီးမြှုပ်နှံမှု ဒေါ်လာ ၆၉.၄ ဘီလျံသို့ ရောက်ရှိခဲ့သည်။
စတုတ္တ ရလဒ်မှာ ကမ္ဘာ့ ငွေကြေး အကျပ်အတည်း၏ ရိုက်ခတ်မှုကြောင့် ဖြစ်ပေါ်လာသော ကုမ္ပဏီများ၏ စိတ်ဖိစီးမှုကို Cafta လျှော့ချပေးခဲ့ခြင်း ဖြစ်သည်။ ၂၀၀၉ တွင် မလေးရှားမှ အမေရိကန် ပြည်ထောင်စု၊ ဥရောပ၊ ဂျပန်သို့ ပို့ကုန်များ ၂၇ %၊ ၁၉ %၊ ၂၃ % စီ အသီးသီး ကျဆင်းခဲ့ချိန်တွင် တရုတ်သို့ တင်ပို့မှုမှာ ၆ % မြင့်တက်ခဲ့သည်။ အလားတူပင် ထိုင်းနိုင်ငံမှ အမေရိကန် ပြည်ထောင်စု၊ ဥရောပ၊ ဂျပန်သို့ ပို့ကုန်များ ၁၈ %၊ ၂၃ %၊ ၂၂ % စီ အသီးသီး လျှော့ကျသွားချိန်တွင် တရုတ်သို့ ပို့ကုန်မှာ ၁% မျှသာ လျှော့နည်း ခဲ့သည်။
အားလုံး ခြုံငုံ ကြည့်ပါက Cafta အနေဖြင့် အပြန်အလှန် ကုန်သွယ်မှုနှင့် စီးပွားရေး ဆက်ဆံမှုများကို အားပေးရာတွင် အောင်မြင်မှု ရရှိခဲ့သည်။ သို့သော်လည်း Cafta ကို အချိန်တို အတွင်း အကျုံးဝင် သက်ရောက် စေခဲ့ခြင်းနှင့် ပြည်သူလူထု၏ သဘောပေါက် သိရှိမှု အားနည်းခြင်း တို့ကြောင့် ဒေသတွင်း ကုမ္ပဏီ များစွာမှာ Cafta ၏ ဦးစားပေး မူဝါဒများကို အကျွမ်းတဝင် မရှိကြသေးသလို ကောင်းစွာ အသုံးချနိုင်ခြင်းလည်း မရှိကြသေးပါ။ ထို့အပြင် အာဆီယံ နိုင်ငံများနှင့် တရုတ်နိုင်ငံ အကြား ဆက်သွယ် ချိတ်ဆက်မှု မလုံလောက်ခြင်း၊ သယ်ယူ ပို့ဆောင်ရေးနှင့် ဖြည့်တင်းရေး စနစ်များ လုံလောက် ထိရောက်မှု မရှိခြင်း တို့ကြောင့် Cafta ၏ အကျိုး ကျေးဇူးများမှာ အကန့်အသတ် ရှိနေသေးသည်။ အပြန်အလှန် ကုန်သွယ်ရေးနှင့် စီးပွားရေး ပူးပေါင်း ဆောင်ရွက်ရေးကို အားကောင်း မောင်းသန် ဖြစ်အောင် ပြုလုပ်ရာတွင် Cafta အနေဖြင့် ပိုမို ကြီးမားသော ကဏ္ဍမှ ပါဝင် နိုင်စေရန် တရုတ်နှင့် အာဆီယံ နှစ်ဖက်စလုံးမှ အစိုးရများ၊ ကုမ္ပဏီများ၏ တညီတညွတ်တည်း အားထုတ် ကြိုးပမ်းမှုကို လိုအပ်နေသည်။
Cafta အောင်မြင် ပြီးစီးမှုသည် လွတ်လပ်သော ကုန်သွယ်ရေး လုပ်ငန်းစဉ် ပြီးဆုံးသွားခြင်းဟု မဆိုလိုပါ။ ၎င်းနှင့် ဆန့်ကျင်စွာပင်၊ ထိရောက်သော စီးပွားရေး ပေါင်းစည်းမှု ပြီးမြောက်စေရန် အတွက် စင်္ကြန်တစ်ခု အဖြစ် အသုံးတော်ခံသော စတင်မှတ် အသစ် တစ်ခု ဖြစ်သည်။ တရုတ်နှင့် အာဆီယံတို့ အနေဖြင့် ကုန်သွယ်ရေးတွင် အခွန် သုည အဆင့်သို့ လျှော့ချခြင်း အပြင် လုပ်ငန်းစဉ် အတားအဆီးများကို ဖယ်ရှားခြင်း၊ ရင်းနှီးမြှုပ်နှံမှု ပူးပေါင်း ဆောင်ရွက်ရေးကို အားပေးခြင်း၊ အပြန်အလှန် ခရီးသွား စီးပွားလုပ်ငန်းကို မြှင့်တင်ခြင်းနှင့် နည်းပညာ ဖလှယ်မှု ချောမွေ့ လွယ်ကူစေခြင်းတို့ကို လုပ်ဆောင်ခြင်းအားဖြင့် ကုန်သွယ်ရေးနှင့် ရင်းနှီးမြှုပ်နှံမှု အပြည့်အဝ လွတ်လပ်မှု ရရှိရန်နှင့် စီးပွားရေး ပူးပေါင်း ဆောင်ရွက်ရေးကို အဖက်ဖက်မှ အားပေးရန် အတွက် လွတ်လပ်သော ကုန်သွယ်ရေး စီမံ ခန့်ခွဲမှု၏ အကူအညီဖြင့် ရှေ့သို့ ဆက်လက် ချီတက် သင့်ပါကြောင်း တင်ပြလိုက်ပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.