Posts
မြန်မာနိုင်ငံသို့ နှစ်စဉ် ကမ္ဘာလှည့် ခရီးသည် ဝင်ရောက်မှုနှုန်းမှာ ဆိုက်ရောက်ဗီဇာ ထုတ်ပေးသည့် စနစ်သစ်ကြောင့် ၂၀၁၀ ပြည့်နှစ် ပထမ ခုနစ်လအတွင်း ၃၇ ဒဿမ ၄ ရာခိုင်နှုန်းခန့် မြင့်တက်လာကြောင်း မီဒီယာ သတင်းပေးပို့ချက် တစ်ရပ်က ဖော်ပြသည်။
မည်သို့ပင် ကမ္ဘာလှည့် ဝင်ရောက်မှု ရှိနေစေကာမူ လာမည့် နိုဝင်ဘာလ ၇ ရက်နေ့တွင် ကျင်းပမည့် ဒီမိုကရေစီ ရွေးကောက်ပွဲကြောင့် ယခုနှစ်ပထမ သုံးလပတ်အတွင်း ရှိခဲ့သည့် နှုန်းထားကို ဆိုးဆိုးရွားရွား လျော့ကျသွားစေနိုင်သည်ဟု မြန်မာ့ ခရီးသွားလုပ်ငန်းမှ သတင်း ရင်းမြစ်များက ဆိုသည်။
မြန်မာ့ ဟိုတယ်နှင့် ခရီးသွားလာရေး ဝန်ကြီးဌာနက ထုတ်ပြန်သော စာရင်းဇယားများအရ ယခုနှစ် ဇန်နဝါရီမှ ဇူလိုင်လအတွင်း ဝင်ရောက်ခဲ့သော ကမ္ဘာလှည့် ခရီးသည် ဦးရေ ၁၆၁၃၂၂ ရှိသည်ဟု မြန်မာတိုင်းမ် သတင်းဂျာနယ်က ရေးသား ဖော်ပြသည်။ မြန်မာနိုင်ငံသို့ ကမ္ဘာလှည့် ခရီးသည် ဝင်ရောက်ရာတွင် ထိုင်းနိုင်ငံသည် အကြီးမားဆုံးသော ရင်းမြစ်တစ်ခု ဖြစ်ပြီး အဆိုပါ ကာလအတွင်း ထိုင်းနိုင်ငံမှ တစ်ဆင့် ဝင်ရောက်လာသူ ဦးရေ ၃၁၇၉၅ ဦး ရှိခဲ့သည်။ တရုတ်နိုင်ငံမှ ၁၉၅၈၀ ဦး၊ တောင်ကိုရီးယားမှ ၁၀၂၀၆ ဦး၊ ပြင်သစ်မှ ၇၃၈၀ ဦး၊ ဂျာမနီမှ ၅၆၇၈ ဦး နှင့် အီတလီမှ ၃၉၂၅ ဦး ဝင်ရောက်ခဲ့သည်။
ခရီးသွားလုပ်ငန်း သတင်းရင်းမြစ်များ အဆိုအရ မေလ ၁ ရက်နေ့မှ စတင်ကျင့်သုံးခဲ့သော ဆိုက်ရောက် ပြည်ဝင်ခွင့် ဗီဇာသစ်ကြောင့် မြန်မာနိုင်ငံသို့ တစ်ဦးချင်း ဝင်ရောက်လာသော ကမ္ဘာလှည့် ခရီးသည် ဦးရေ မြင့်တက်ခဲ့ခြင်း ဖြစ်သည်။ အဖွဲ့လိုက် မဟုတ်ဘဲ တစ်ဦးချင်းစီ ဝင်ရောက်လာသူ နိုင်ငံခြား ခရီးသည် ဦးရေမှာ ၈၉၆၄၅ ဦးရှိပြီး ၅၃ ဒဿမ ၄ ရာခိုင်နှုန်း မြင့်တက်ခဲ့ခြင်း ဖြစ်သည်။
နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲအတွက် စစ်အစိုးရက လုံခြုံရေး တင်းကြပ်မှုများ ပြုလုပ်ရမည် ဖြစ်ရာ စက်တင်ဘာလ ၁ ရက်နေ့မှစ၍ ဆိုက်ရောက်ဗီဇာ ထုတ်ပေးမှုကို ရပ်ဆိုင်းတော့မည်ဟု သိရသည်။ အဆိုပါ ရွေးကောက်ပွဲသည် နှစ်ပေါင်း ၂၀ အတွင်း ပထမဆုံးအကြိမ် ဖြစ်လာမည် ဖြစ်သည်။
လွယ်ကူစွာ ရရှိနိုင်သော ဗီဇာစနစ် ဖျက်သိမ်းလိုက်ခြင်းသည် ရွေးကောက်ပွဲ ကာလအတွင်း မတည်မငြိမ်မှုများ ဖြစ်ပေါ်မည်ကို စိုးရိမ်သောကြောင့်ဟု ယူဆရသည်။
"လာမယ့် အောက်တိုဘာနဲ့ နိုဝင်ဘာလအတွင်း လာမယ့် ဂျာမန် ကမ္ဘာလှည့် ခရီးသည်တွေရဲ့ ခရီးစဉ် ဖျက်သိမ်းပေးဖို့ ပြောလာတာတွေ ရှိပါတယ်။ အဲလို လှမ်းပြောတဲ့ အချိန်က ပြီးခဲ့တဲ့ ဇွန်နဲ့ ဇူလိုင်လ အတွင်းကပါ။ အဲဒီ အချိန်တုန်းက ဆိုရင် ရွေးကောက်ပွဲ ဘယ်နေ့ဘယ်ရက် ကျင်းပမယ်ဆိုတာ မသိရသေးပါဘူး" ဟု ရန်ကုန် အခြေစိုက် ထိပ်တန်း ခရီးသွား ကုမ္ပဏီကြီး တစ်ခုမှ ပြောခွင့်ရ ပုဂ္ဂိုလ်က မြန်မာတိုင်းမ်သို့ ပြောကြားသည်။
"ဘယ်လိုပဲဖြစ်ဖြစ် အောက်တိုဘာလအတွက် ဘွတ်ကင် လုပ်ထားတာတွေ အများကြီး ရှိထားပါတယ်။ လာမယ့် ခရီးသွားရာသီအတွက် အခြေအနေ ကောင်းမှာပါ" ဟု Chatrium Hotel မှ Sale Directior မမေမြတ်မွန်ဝင်းက ပြောကြားသည်။
"မနှစ်က စာရင် ဒီနှစ် စီးပွားရေးနဲ့ ကော်ပိုရိတ် ခရီးသွားတွေ ပိုလာတာကို တွေ့ရပါတယ်။ ဟိုတယ်ကို နိုင်ငံခြားဧည့်သည် ဝင်ရောက်မှုဟာ မနှစ်ကထက် ၂၀ ရာခိုင်နှုန်း မြင့်တက်လာပါတယ်" ဟု သူမက ဆက်လက် ပြောဆိုသည်။
Monster Sand Critics မှ သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.