Posts
Reuters, 14th October 2010
သြဂုတ်လ အတွင်း တရုတ်နိုင်ငံမှ အမေရိကန် ပြည်ထောင်စုသို့ တင်သွင်းသော ကုန်စည်များ စံချိန်တင် ၀င်ရောက်လာခဲ့ပြီး နောက်တွင် အိုဘားမား အစိုးရက ဘေဂျင်းအား ငွေကြေးမူဝါဒနှင့် ပတ်သက်၍ ဆက်လက် ဖိအား ပေးသွားမည်ဟု အိမ်ဖြူတော်က ကြာသပတေးနေ့တွင် ပြောကြားသည်။
"သမ္မတကြီး၊ ဘဏ္ဍာရေး ၀န်ကြီးနဲ့ အခြား တာဝန်ရှိသူ တွေက တရုတ်အစိုးရ စောင့်ထိန်းရမယ့် ၀တ္တရားတွေကို လိုက်နာအောင် ဆက်လက် ဖိအား ပေးသွားမယ် ဆိုတာ သံသယ ရှိစရာ မလိုပါဘူး" ဟု အိမ်ဖြူတော် ပြောရေးဆိုခွင့် ရှိသူ Robert Gibbs က သတင်းစာ ရှင်းလင်းပွဲတွင် ပြောကြားခဲ့သည်။
ဘဏ္ဍာရေး ၀န်ကြီး Timothy Geithne ကလည်း တောင်ကိုးရီးယားတွင် ကျင်းပမည့် စက်မှု ဖွံ့ဖြိုး တိုးတက်သော နိုင်ငံများအုပ်စု G 20 ဆွေးနွေးပွဲများတွင် တရုတ်ယွမ်ငွေ ပိုမို ဖြေလျှော့ရေး၊ တိုးတက်မှု ရရှိရန် တွန်းအား ပေးမည်ဟု ပြောကြားသည်။
အမေရိကန် လွှတ်တော် အမတ်များကလည်း "ဘေဂျင်းသည် ယင်း၏ ပို့ကုန် လုပ်ငန်းကို အထောက်အကူ ဖြစ်စေရန် အတွက် ဒေါ်လာနှင့် လဲလှယ်သည့် ယွမ်ငွေ တန်ဖိုးကို တမင်တကာ ချထားခြင်းကြောင့် အမေရိကန် အလုပ်အကိုင်များ ထိခိုက် နစ်နာရသည်" ဟု စွပ်စွဲ ပြောကြားလျက် ရှိသည်။
တရုတ် နိုင်ငံမှ တင်သွင်းသော ပစ္စည်းများ သြဂုတ်လ အတွင်း မျှော်မှန်းသည်ထက် ပိုမို များပြား ခဲ့ခြင်းကြောင့် အမေရိကန် ကုန်သွယ်ရေး လိုငွေ ပြမှု ၈.၈ % တိုးကာ ဒေါ်လာ ၄၆.၄ ဘီလျံ ရှိခဲ့သည်ဟု ကြာသပတေးနေ့ အစောပိုင်းက ထုတ်ပြန်သော ကုန်သွယ်ရေး ဌာန ကိန်းကဏန်းများက ဖော်ပြနေသည်။
ကျန် ကမ္ဘာ့ နိုင်ငံများက ယင်းတို့၏ ကုန်ပစ္စည်းများကို အမေရိကန် စားသုံးသူများက ဆက်လက် ၀ယ်ယူမည် ဆိုသည့်အပေါ် ယုံကြည်နိုင်တော့မည် မဟုတ် ဆိုသည်ကို ယခု ကိန်းဂဏန်းများက သတင်း ပေးခြင်း ဖြစ်သည်ဟု Gibbs က ဆိုသည်။
အမေရိကန် အောက်လွှတ်တော်က တရုတ် နိုင်ငံအပေါ် ယင်း၏ ငွေကြေး မူဝါဒနှင့် ပတ်သက်၍ လတ်တလော တုန့်ပြန် အရေးယူခဲ့ပြီး ဖြစ်ပြီး အမေရိကန် ပြည်ထောင်စု၏ စိုးရိမ် ပူပန်မှုများကို ဘေဂျင်းက ၀ါရှင်တန် နှင့်အတူ ဖြေရှင်းခြင်း မရှိပါက အထက် လွှတ်တော်ကလည်း မကြာမီ ဆက်လက် အရေးယူ ဆောင်ရွက်မည့် လက္ခဏာ ရှိသည်။
တရုတ် ငွေကြေးအပေါ် စိုးရိမ် ပူပန်မှုကို ပြသသည့် လတ်တလော ဥပဒေ ပြဌာန်းမှုကို ရီပတ်ဘလစ်ကန်နှင့် ဒီမိုကရက်တစ် ၂ ပါတီ စလုံးက ပါဝင် ထောက်ခံခဲ့ကြပြီး ကွန်ကရက်နှင့် အိမ်ဖြူတော်တွင်လည်း ထောက်ခံမှု ရရှိသည်ဟု သိရှိရသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.