Transparency Myanmar

transparency.myanmar@gmail.com

ချိုနန်စစ်သင်္ဘော နစ်မြုပ်မှုကြောင့် နှစ်နိုင်ငံအကြား တင်းမာမှုများ ရှိနေသော်လည်း မြောက်ကိုရီးယားသို့ ကလေးနိုမှုန့်များကို အကူအညီ အထောက်အပံ့အဖြစ် ပေးပို့ရန် တောင်ကိုရီးယား အစိုးရက သဘောတူ ခွင့်ပြုလိုက်ပြီ ဖြစ်သည်။

နယ်စပ် ဖြတ်ကျော်မှုများ အားလုံးကို ထိန်းချုပ်ထားသော ညီညွတ်ရေး ဝန်ကြီးဌာန အဆိုအရ ပုဂ္ဂလိက အုပ်စုများထံမှ ရရှိသော ဒေါ်လာ ၃၂၀၀၀၀ တန်ဖိုးရှိ နို့နှင့် အခြား ပစ္စည်းများကို ယခု လကုန်ပိုင်းတွင် မြောက်ကိုရီးယားသို့ တင်ပို့မည် ဖြစ်ကြောင်း သိရသည်။

ပြီးခဲ့သည့် မတ်လအတွင်း ချိုနန်အမည်ရ စစ်သင်္ဘော နစ်မြုပ်မှုသည် မြောက်ကိုရီးယား တော်ပီတိုဒုံးကျည် တိုက်ခိုက်ခံရမှုကြောင့် ဖြစ်သည် ဟူသော စွပ်စွဲ ပြောဆိုချက်များ ထွက်ပေါ်ခဲ့ပြီးနောက် တောင်ကိုရီးယားက မြောက်ကိုရီးယားနှင့် ကုန်သွယ်မှုကို ဖြတ်တောက်ပစ်ခဲ့သည်။ သို့သော် လူသားချင်း စာနာ ထောက်ထားသော အကူအညီများကို ကင်းလွတ်ခွင့် ပေးသည်။

မြောက်ကိုရီးယားသည် အစားအစာ ပြတ်လပ်မှုကို ဆိုးရွားစွာ ခံစားနေရသော နိုင်ငံတစ်ခု ဖြစ်သည်။ UNICEF အဖွဲ့အဆိုအရ မြောက်ကိုရီးယားရှိ ကလေးငယ် သုံးဦးတွင် တစ်ဦးမှာ အစာအာဟာရ မပြည့်ဝမှုကြောင့် မကြီးထွားဘဲ လှီနေကြောင်း သိရသည်။

နိုင်ငံပေါင်း ၅ နိုင်ငံ ပါဝင်သော စုံစမ်း စစ်ဆေးရေး အဖွဲ့က ချိုနန် စစ်သင်္ဘောကို မြောက်ကိုရီးယား ရေငုပ်သင်္ဘောက တော်ပီတိုဖြင့် ပစ်ခတ်ခဲ့သည့် သက်သေ အထောက်အထားများ ဖော်ထုတ်ခဲ့ပြီးနောက် တောင်ကိုရီးယားက လက်တုံ့ပြန်သွားမည် ဖြစ်ကြောင်း ကြေညာခဲ့သည်။ မြောက်ကိုရီးယားက စွပ်စွဲမှုများ မဟုတ်မမှန်ကြောင်း ငြင်းဆိုပြီး လက်တုံ့ပြန်မှုကြောင့် စစ်ဖြစ်နိုင်သည်ဟု သတိပေးသည်။

လက်ရှိအချိန်တွင် မြောက်ကိုရီးယား၏ ရန်ပြုလိုသော အပြုအမူအား ကုလသမဂ္ဂ လုံခြုံရေး ကောင်စီအနေဖြင့် အရေးယူပေးပါရန် တောင်ကိုရီးယားက တောင်းဆိုထားသည်။

AFP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခုအခါ မြန်မာအာဏာပိုင်များက စစ်အစိုးရ၏ နျူကလီယာ အစီအစဉ်များကို ထုတ်ဖော်ခဲ့သူ ပြည်ပြေး စစ်ဘက်အရာရှိ၏ မိသားစုဝင်များအား စစ်ဆေးမေးမြန်းမှုများ ပြုလုပ်လျက် ရှိကြောင်း သတင်း ရရှိသည်။

The Irrawaddy သတင်းဌာန အဆိုအရ မြန်မာစစ်တပ်မှ ထွက်ပြေးသွားသူ ဗိုလ်မှူးစိုင်းသိန်းဝင်း၏ မိသားစုဝင်များကို အာဏာပိုင်များက အနီးကပ် စောင့်ကြည့် လေ့လာနေပြီး ၎င်းတို့ အနေဖြင့် အိမ်ပြင်သို့ ထွက်လိုပါက ခွင့်ပြုချက် ရယူရန် လိုအပ်ကြောင်း သိရသည်။

ဗိုလ်မှူး စိုင်းသိန်းဝင်း ထုတ်ဖော်ခဲ့သော သတင်းကို အခြေခံပြီး နော်ဝေအခြေစိုက် ဒီမိုကရက်တစ် မြန်မာ့အသံ (DVB) က မြန်မာ နျူကလီယာ အစီအစဉ်နှင့် ပတ်သက်သော အစီရင်ခံချက် တစ်ရပ်ကို ထုတ်လွှင့်ခဲ့သည်။ ယင်းအစီရင်ခံချက်ကို Al Jazeera သတင်းဌာနက ပြီးခဲ့သည့် ရက်သတ္တပတ် အတွင်းက ထုတ်လွှင့်ပြသခဲ့သည်။

အဆိုပါ အစီရင်ခံချက်အရ ရုရှားနိုင်ငံတွင် ဒုံးကျည်နည်းပညာ သွားရောက် သင်ကြားခဲ့ဖူးသူ စစ်အင်ဂျင်နီယာ အရာရှိ ဗိုလ်မှူးစိုင်းသိန်းဝင်းသည် လူအမြောက်အမြား သေစေနိုင်သော လက်နက် ထုတ်လုပ်နိုင်ရန် တည်ဆောက်ထားသော စက်ရုံများတွင် လုပ်ကိုင်ပြီးနောက် ပြည်ပသို့ ထွက်ပြေးသွားသည်။ VOA သတင်းဌာန၊ မြန်မာ့ရေးရာ အစီအစဉ်က မြန်မာ အာဏာပိုင်များသည် မြေအောက် လိုဏ်ခေါင်းများ တည်ဆောက်ရာတွင် ပါဝင်ခဲ့သူများနှင့် ပြည်ပသို့ နျူကလီယာ စီမံကိန်းဖြင့် သွားရောက်ခဲ့သူ စစ်ဘက်အရာရှိ များကိုလည်း စစ်ဆေး မေးမြန်းမှုများ ပြုလုပ်နေကြောင်း သတင်း ပေးပို့သည်။

Radio Australia News မှ သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အီရန် နိုင်ငံအပေါ် ပိတ်ဆို့ အရေးယူမှုကြောင့် ဖြစ်ပေါ်လာသော အမေရိကန် ပြည်ထောင်စုနှင့် တရုတ် နှစ်နိုင်ငံ ဆက်ဆံရေး ပြန်လည် အသားတကျ ဖြစ်လာမှုကို လေ့လာမိသလောက် ပြောရလျှင် ခဏတာမျှသာ ဖြစ်ပါလိမ့်မည်။

အမေရိကန် ပြည်ထောင်စုက တောင်ကိုရီးယား သမ္မတ လီမြောင်ဘတ်၏ ချိုနန် စစ်သင်္ဘော နစ်မြုပ်မှုအပေါ် ထားရှိသည့် မူဝါဒကို အမေရိကန် ပြည်ထောင်စုက ကျောထောက် နောက်ခံ ပေးလျက် ရှိသည်။ တောင်ကိုရီးယားကို ယင်းသို့ ထောက်ပံ့ပေးမှုသည် အာရှဒေသတွင် တရုတ်နိုင်ငံအား သံတမန် နည်းလမ်းအရရော မဟာဗျူဟာအရပါ အထီးကျန်ဖြစ်အောင် ကြိုးပမ်းချက် တစ်ရပ် ဖြစ်သည်ဟု ဘေဂျင်းအစိုးရက နားလည် သဘောပေါက်သည်။

မြန်မာအစိုးရ၏ နျူကလီယာဆိုင်ရာ ရည်မှန်းချက်များနှင့် ပတ်သက်၍ ထွက်ပေါ်လျက် ရှိသော စွပ်စွဲ ပြောဆိုမှုများကို ဝါရှင်တန်အစိုးရက အရေးကိစ္စရပ်ကြီး တစ်ခုအဖြစ် ထုတ်ဖော်မည်မှာ သေချာသည်။ အမေရိကန်က မြန်မာစစ်အစိုးရ၏ နျူကလီယာ အရေးကိစ္စကို အခြေခံကာ အကြောင်းကိစ္စ နှစ်ရပ် ထုတ်ဖော်ပေလိမ့်မည်။ နံပါတ်-၁ အချက်မှာ မြန်မာတွင် ယင်းသို့ နျူကလီယာ လက်နက် တပ်ဆင်ရန်အထိ လုပ်ကိုင်နေခြင်းသည် တရုတ်နိုင်ငံ၏ တာဝန်ကင်းမဲ့မှုကြောင့် ဖြစ်ပေါ်လာသော အထောက်အထား တစ်ရပ်အဖြစ် ထုတ်ဖော်ခြင်း ဖြစ်သည်။ နံပါတ်-၂ အချက်မှာ အာရှဒေသ လုံခြုံရေး ဟာကွက်ဖြစ်နေမှုကို ဖြည့်စွက်ရာတွင် အမေရိကန် ပြည်ထောင်စုက တာဝန်ယူ ဖြေရှင်းသူ အဖြစ် ထုတ်ဖော်ခြင်း ဖြစ်သည်။

မကြာသေးခင် ရက်သတ္တပတ်အတွင်း စင်ကာပူ နိုင်ငံတွင် ကျင်းပသော ရှန်ဂရီလာ ဒိုင်ယာလော့ခ် အမည်ရ လုံခြုံရေးကွန်ဖရင့်တွင်လည်း အာရှ ကာကွယ်ရေး ဝန်ကြီးများအကြား သဘောထား ကွဲလွဲမှုများ ပြတ်ပြတ်သားသား ထွက်ပေါ်ခဲ့သည်။ မည်သို့ဆိုစေ မြန်မာ နျူကလီယာ အရေးနှင့် ပတ်သက်၍ အမေရိကန် ပြည်ထောင်စု၏ သဘောထားကို ဆီနိတ်တာ ဂျင်ဝက်ဘ်က ရှင်းရှင်းလင်းလင်း ထုတ်ဖော်ခဲ့သည်။ အာရှတွင် တရုတ်နှင့် စေ့စပ်မှု ဆန့်ကျင်ရေးကို အလွန်အမင်း ထောက်ခံ ပြောဆိုသူ တစ်ဦး ဖြစ်သော မစ္စတာဂျင်ဝက်ဘ်သည် မြန်မာနိုင်ငံသို့ လာရောက်ရန် စီစဉ်ခဲ့သော်လည်း နျူကလီယာဆိုင်ရာ စွပ်စွဲ ပြောဆိုမှုများ ပေါ်ပေါက်လာပြီးနောက် ခရီးစဉ်ကို ဖျက်သိမ်းခဲ့သည်။

မစ္စတာဂျင်ဝက်ဘ်သည် အမေရိကန် ကွန်ဂရက်နှင့် မြန်မာနိုင်ငံ စေ့စပ် ညှိနှိုင်းရေးတွင် အဓိက ကျသော ပုဂ္ဂိုလ်တစ်ဦး ဖြစ်သည်။ ထို့ပြင် သူသည် ကာလကြာရှည်စွာ အဖြေမထွက်နိုင်ခဲ့သော မြန်မာနိုင်ငံအပေါ် ပိတ်ဆို့ အရေးယူမှု မူဝါဒထက် စေ့စပ် ညှိနှိုင်းမှုကို အကောင်အထည် ဖော်နိုင်ခဲ့သည်။

Georgetown University ပေါမောက္ခ နှင့် မြန်မာနိုင်ငံ ဆိုင်ရာ အမေရိကန် မူဝါဒဆိုင်ရာ အာဏာပိုင်လည်း ဖြစ်သော David Steinberg က အိုဘားမား အုပ်ချုပ်ရေး အဖွဲ့သည် ဘီလ် ကလင်တန်နှင့် ဂျော့ဒဗလျူဘွတ် လက်ထက်တို့၌ ရှိခဲ့သည့် သဘောထား ဖြစ်သော မြန်မာနိုင်ငံတွင်း စစ်အာဏာရှင်စနစ် ပြောင်းလဲရေးထက် စစ်အစိုးရနှင့် စေ့စပ် ညှိနှိုင်းရေးကို ပြောင်းလဲ ကျင့်သုံးနေပြီ ဖြစ်ကြောင်း Asia Time Online သို့ ပြောကြားသည်။ အမေရိကန် ပြည်ထောင်စုနှင့် မြန်မာနိုင်ငံတို့ အပြန်အလှန် ထားရှိသော မူဝါဒကို Zero-Sum အဖြစ် မသတ်မှတ်သင့်ဟု ၎င်းက သတိပေးပြောဆိုသည်။ အမေရိကန်-မြန်မာ အပြန်အလှန် မူဝါဒ ဟူသည် မြန်မာနိုင်ငံတွင်း စီးပွားရေး၊ စွမ်းအင်နှင့် လုံခြုံရေး စသည်တို့၌ တရုတ်နိုင်ငံ၏ လွှမ်းမိုးလာမှုကို နားလည် သဘောပေါက်ရန် ဖြစ်သလို မြန်မာပြည်သူတို့၏ ဓနအင်အား ကြွယ်ဝချမ်းသာမှုကို မြှင့်တင်ရန် ဖြစ်ကြောင်း ပေါမောက္ခ David Steinberg က ပြောကြားသည်။

ဆီနိတ်တာဂျင်ဝက်ဘ်သည် အမေရိကန်၏ အာရှရေးရာ မူဝါဒတွင် အရေးပါသူ တစ်ဦး ဖြစ်သည်။ ၂၀၀၉ ခုနှစ်တွင် မစ္စတာဂျင်ဝက်က အမေရိကန်နှင့် မြန်မာ ဆက်ဆံရေး မြှင့်တင်နိုင်ရေးအတွက် အချိတ်အဆက်များ စတင်ပြုလုပ်သည်။ မြန်မာနိုင်ငံတွင်း တရုတ်ပြည်၏ သြဇာ လွှမ်းမိုးမှုများနှင့် ကိုယ်ကျိုးအတွက် အသုံးချမှုများကို ကာကွယ်ရန် လုပ်ဆောင်ခဲ့ခြင်း ဖြစ်သည်။

လတ်တလော ကာလအတွင်း မစ္စတာဂျင်ဝက်ဘ် ထုတ်ပြန်သော ကြေညာချက်များကို အခြေခံ၍ သုံးသပ်ရပါက မြန်မာနိုင်ငံနှင့် ပတ်သက်၍ တရုတ်-အမေရိကန် ပူးပေါင်းမှုတွင် သူနိုင်-ကိုယ်နိုင် (Win-Win) အနေအထားရမည့် သဘောမျိုး တဖြည်းဖြည်းချင်း လျော့ကျလာသည်ကို တွေ့ရသည်။

အမေရိကန် နိုင်ငံခြားရေး ဝန်ကြီးဌာန၊ အာရှနှင့် ပစိဖိတ်ဒေသ ဆိုင်ရာ ဆပ်ကော်မတီတွင် ပြုလုပ်သော အာရှရေးရာ ကြားနာမှု အစည်းအဝေးပွဲတွင် မစ္စတာ ဂျင်ဝက်ဘ်က တရုတ်ပြည်နှင့် တရုတ်ပြည်အပေါ် ထားရှိသော အမေရိကန် မူဝါဒဆိုင်ရာ ဆန်းစစ် ဝေဖန်မှုများကို ကြေညာချက်နှင့်တကွ မိတ်ဆက် ပြောဆိုသည်။ "ဤကမ္ဘာပေါ်တွင် တရုတ်နိုင်ငံထက် စီးပွားရေးအရ၊ မဟာဗျူဟာအရ ပို၍ သာလွန်သော နိုင်ငံမရှိ" ဟု ၎င်းက ဆိုသည်။

Asia Time မှ ဆောင်းပါးကို ဆီလျော်အောင် ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Relief Web, Danish Demining Group, 8th June 2010

ဆိုင်ကလုန်း နာဂစ်ကြောင့် ပြန်လည် နိုးထနေရဆဲ ဖြစ်သော ဒေသများတွင် နောက်ထပ် မုတ်သုန်ရာသီနှင့် အပူပိုင်းဒေသ မုန်တိုင်းရာသီ ရောက်လာပြန်ပြီ ဖြစ်သည်။ ဒိန်းမတ် ဒုက္ခသည် ကောင်စီ (Danish Refugee Council – DRC) သည် သောက်ရေသန့် အတွက် ကြွေရေစစ်များ ဝေငှခြင်း၊ ရေကန်များ ပြုလုပ်ပေးခြင်း၊ ရေတွင်းများ တူးပေးခြင်းဖြင့် လိုအပ်ချက်များကို ကူညီလျက် ရှိသည်။

၂၀၀၈ ခုနှစ်က မြန်မာနိုင်ငံသို့ ဆိုင်ကလုန်း နာဂစ် တိုက်ခတ်ခြင်းကြောင့် အိမ်ပေါင်း ၈ သိန်းခန့် ပျက်စီး ထိခိုက်ခြင်းများ ရှိခဲ့သည်။ မြစ်ဝကျွန်းပေါ် တောင်ပိုင်းဒေသမှ ထောင်ပေါင်း များစွာသော လူများသည် နေထိုင်စရာ အတည်မရှိသေးဘဲ ယာယီတဲများနှင့်သာ နေထိုင်နေရဆဲ ဖြစ်ရာ ယခု ရောက်ရှိလာသော မုတ်သုန်နှင့် မုန်တိုင်းရာသီ အတွက် အကာအကွယ် မဖြစ်ပေ။

"ကျွန်တော်တို့ကို ဖိစီးမှု အဖြစ်ဆုံး လုပ်ငန်း တာဝန်ကတော့ ထိုဒေသက လူတွေ အတွက် စိတ်ချရတဲ့ သောက်ရေ ရရှိရေးပဲ ဖြစ်ပါတယ်။ မုတ်သုန်မိုးက နောက်ကျတော့၊ ရေတွေက ခန်းတာတို့ လျော့သွားတာတို့ ရှိလာပြီး၊ ဆားဓာတ်တွေ မြင့်တက်လာပါတယ်။ အခု မိုးရွာတော့ ရေတွေတော့ ပြည့်လာပါရဲ့၊ မသန့်ရှင်းတော့ပြန်ဘူး။ အဲဒီ ဒေသက လူတွေ အတွက် အဖြေကို မရနိုင်သေးပါဘူး။ သူတို့အတွက် စိတ်ချရတဲ့ သောက်ရေ ရရှိဖို့ အကူအညီပေးရေးက အရေးကြီးနေပါတယ်" ဟု DRC မှ အာရှနှင့် ပတ်သက်သော ဌာနမှူး Aracely Jimenez Anderson က ပြောကြားခဲ့သည်။

မြစ်ဝကျွန်းပေါ် တောင်ပိုင်းဒေသများတွင် လူသားချင်း စာနာသော အကူအညီများ အတွက် စိန်ခေါ်မှုများသည် လတ်တလော လိုအပ်လျက် ရှိသည့်အပြင် ရေရှည် မဟာဗျူဟာ ချမှတ်ရန်လည်း လိုအပ်နေသေးသည်။

"၂၀၀၈ ခုနှစ်တုန်းက မြစ်ဝကျွန်းပေါ် တောင်ပိုင်းဒေသဟာ တော်တော် ပြင်းပြင်းထန်ထန် ထိခိုက်ခဲ့ပါတယ်။ အကူအညီတွေ ပေးခဲ့တယ် ဆိုပေမယ့်၊ သူတို့မှာ အရင်လို လမ်းကြောင်းပေါ် ပြန်ရောက်ဖို့ အရင်းအမြစ်တွေ အများကြီး လိုအပ်ပါတယ်။ ကျွန်တော်တို့ရဲ့ ရေတို စီမံချက်ကတော့ သောက်ရေသန့် အတွက် ရေစစ်တွေ ဖြန့်မယ်။ ရေတွင်းရေကန်တွေ တူးပေးမယ်။ ရေရှည်အနေနဲ့တော့ သူတို့အတွက် အမြဲတမ်း နေထိုင်နိုင်မယ့် အိမ်တွေ ဆောက်ပေးမယ်။ ကလေးတွေ အတွက် ကျောင်းတွေ ဆောက်ပေးမယ်။ သူတို့ မိသားစုဘဝ အတွက် အသက်မွေးနိုင်မယ့် စီမံချက်တွေ လုပ်ပေးရပါမယ်" ဟု Anderson က ပြောသည်။

DRC သည် ၎င်း၏ ကိုယ်ပိုင် ရန်ပုံငွေအပြင် ဒိန်းမတ် ကုမ္ပဏီအချို့က မြစ်ဝကျွန်းပေါ် ပြန်လည် ထူထောင်ရေး အတွက် ထည့်ဝင်သော ငွေများဖြင့် မြန်မာနိုင်ငံတွင် လူသားချင်း စာနာသော အကူအညီပေးရေး အစီအစဉ်များ ထူထောင်ထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

English.people.com, 9th June 2010

တောင်ကိုရီးယားနိုင်ငံသည် ၎င်း၏ "Seamual Undong Set Model" ပြည်ပနိုင်ငံများ အစီအစဉ်၏ တစ်စိတ်တစ်ပိုင်းအဖြစ် မြန်မာနိုင်ငံမှ စိုက်ပျိုးရေး ကျွမ်းကျင်သူများကို လေ့ကျင့်ရာတွင် အကူအညီပေးမည်ဟု မြန်မာ စိုက်ပျိုးရေး အာဏာပိုင်များက ဗုဒ္ဓဟူးနေ့တွင် ပြောကြားသည်။

လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာနမှ မြန်မာလူမျိုး ကျွမ်းကျင်သူ အများစုကို အရှေ့အာရှ တောင်ကိုရီးယား နိုင်ငံတွင် ဇွန် ၁၄ မှ ၂၃ အထိ လေ့ကျင့် သင်တန်းပေးမည်ဟု ဆိုသည်။

အဆိုပါ အစီအစဉ်ကို တောင်ကိုရီးယား အစိုးရက ၁၉၇၀ မှစ၍ အကောင်အထည် ဖော်ခဲ့ရာတွင် မြန်မာ စိုက်ပျိုးရေး ကျွမ်းကျင်သူများအား လေ့ကျင့်ပေးမှုသည် ယခု ပထမဆုံး အကြိမ် ဖြစ်လိမ့်မည်။

အဆိုပါ အစီအစဉ်မှ စုစုပေါင်း နိုင်ငံပေါင်း ၇၀ ခန့် အကျိုးကျေးဇူး ရရှိခဲ့ကြသည်ဟုလည်း သိရှိရသည်။

တစ်ချိန်တည်းတွင် ဂျပန်နိုင်ငံ လူသားအရင်းအမြစ် ဖွံ့ဖြိုးတိုးတက်မှု ကူညီရေး စီမံကိန်းအရ မြန်မာ အစိုးရ ဝန်ထမ်း ၂၅ ဦးကို လက်ရှိ ၂၀၁၀ - ၂၀၁၁ စီမံကိန်းနှစ်တွင် ဂျပန်နိုင်ငံသို့ လေ့လာရေး စေလွှတ်မည်ဟုလည်း အစောပိုင်း သတင်းများအရ သိရှိရသည်။

မြန်မာ သင်တန်းသားများတွင် ပညာရေး ဝန်ကြီးဌာန၊ အမျိုးသား စီမံကိန်းနှင့် စီးပွားရေး ဖွံ့ဖြိုးမှု ဝန်ကြီးဌာန၊ နိုင်ငံခြားရေး ဝန်ကြီးဌာနနှင့် လယ်ယာ စိုက်ပျိုးရေးနှင့် ဆည်မြောင်း ဝန်ကြီးဌာနများမှ အရာရှိများ  ပါဝင်ကြသည်ဟု သိရသည်။

သင်တန်းသားများသည် မဟာဘွဲ့အတွက် ဂျပန်နိုင်ငံတွင် နှစ်နှစ်ကြာ လေ့လာသင်ယူရာတွင် လူထု မူဝါဒနှင့် အုပ်ချုပ်စီမံခန့်ခွဲမှု၊ ဥပဒေ၊ စီးပွားရေး၊ စီးပွားရေးလုပ်ငန်း စီမံခန့်ခွဲမှု၊ နိုင်ငံတကာ ဆက်ဆံရေး၊ စိုက်ပျိုးရေး မူဝါဒ၊ သတင်း ဆက်သွယ်ရေးနှင့် နည်းပညာ စသော အဓိက ဘာသာရပ်များကို လေ့လာကြရမည် ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Business Mirror, 8th June 2010

ကမ္ဘာ့ငြိမ်းချမ်းရေး ညွှန်းကိန်းရမှတ် ဇယား GPI တွင် ယခင်နှစ်က ၀.၂၄၇ % ကျဆင်းခဲ့ရာမှ ယခုနှစ် ၂.၅၇၄ % အထိ ကျဆင်းခဲ့သော ဖိလစ်ပိုင်နိုင်ငံသည် အကြမ်းဖက်မှု ကြီးထွားလာသော ၅ နိုင်ငံ စာရင်းတွင် ပါဝင်လာခဲ့သည်ဟု Institute of Economics and Peace (IEP) ၏ လတ်တလော အစီရင်ခံစာတွင် ဖော်ပြထားသည်။ ၂၀၀၇ မှစ၍ ဖိလစ်ပိုင် နိုင်ငံ၏ ငြိမ်းချမ်းရေး ပြည့်ဝမှု ကျဆင်းခဲ့သည်မှာ ၁၂.၁၈ % ခန့် ရှိပြီ ဖြစ်သည်။

၂၀၁၀ GPI  ညွှန်းကိန်း ကျဆင်းခဲ့သော နိုင်ငံများတွင် အမြင့်ဆုံးမှ ရပ်တည်နေသော ဆိုက်ပရပ်စ်၊ ရုရှား၊ ဂျော်ဂျီယာ၊ ဆီးရီးယား နိုင်ငံများသို့ ဖိလစ်ပိုင် ပူးပေါင်း ပါဝင်လာမှုကြောင့် အာရှဒေသ၏ ညွှန်းကိန်းကိုပါ ဆွဲချခဲ့သလို နိုင်ငံ၏ အဆင့်မှာ ၁၀ ဆင့် ကျဆင်းကာ ယခုနှစ် အတွက် ၁၃၀ သို့ ရောက်ရှိသွားခဲ့သည်။

ကျွန်းစုနေရာ အနှံ့အပြားတွင် ဆိုးဝါးနေသော လုံခြုံရေး အနေအထား၊ ဆူလူကျွန်းစု၊ ဂျိုလိုကျွန်း ပေါ်တွင် အစ္စလာမ်မစ် အဘူဆေယက် အုပ်စု ASG နှင့် အစိုးရ အကြား ဖြစ်ပွားနေသော အကြမ်းဖက်မှု အကျပ်အတည်း စသည်တို့ကြားတွင် ဖိလစ်ပိုင်၏ (အကြမ်းဖက်) ရမှတ်များ သိသိသာသာ တက်လာခဲ့သည်ဟု IEP က တနင်္လာနေ့တွင် ထုတ်ပြန်သော အစီရင်ခံစာတွင် ဖော်ပြသည်။

ရုရှားနိုင်ငံသည်လည်း ဂျော်ဂျီယာနှင့် စစ်ဖြစ်ပွားမှု၊ အကြမ်းဖက် လှုပ်ရှားမှုများ ဖြစ်ပေါ်နေမှု၊ စီးပွားရေး အနေအထား ယိုယွင်းမှုကြောင့် နိုင်ငံအနှံ့ ဆန္ဒပြမှုများ ဖြစ်ပွားမှု စသည်တို့ကြောင့် ယခုနှစ် အတွက် ငြိမ်းချမ်းမှု အကျဆင်းဆုံး နိုင်ငံများတွင် တစ်နိုင်ငံ အဖြစ် ပါဝင်လာခဲ့သည်ဟု အစီရင်ခံစာတွင် တင်ပြထားသည်။

တရုတ်နိုင်ငံသည်လည်း နိုင်ငံတွင်း ဒေသအချို့တွင် လုံခြုံမှု အခြေအနေ ပျက်ပြားခဲ့ရာ အထူးသဖြင့် ဇင်ဂျီယန်း ပြည်နယ်တွင် လူ့အဖွဲ့အစည်း လုံခြုံရေး အစီအစဉ်များစွာ ဆောင်ရွက်ခဲ့ရသည် အထိ အကြမ်းဖက်မှုများ ဖြစ်ပွားခဲ့ခြင်းကြောင့် ၎င်း၏ ရမှတ်ညွှန်းကိန်း ကျဆင်းခဲ့သည်ကို တွေ့ရှိရသည်။

မည်သို့ပင် ဖြစ်စေ လွန်ခဲ့သည့် ၄ နှစ် အတွင်း အာရှဒေသ၏ ငြိမ်းချမ်းမှု ညွှန်းကိန်းကို ၃.၅ % ကျဆင်းစေခဲ့သော နိုင်ငံများမှာ သီရိလင်္ကာ၊ ကမ္ဘောဒီးယား၊ မြန်မာ၊ ဖိလစ်ပိုင်နှင့် ပါကစ္စတန်တို့ ဖြစ်ကြပြီး၊ တရုတ်နိုင်ငံ မပါဝင်ခဲ့ပါ။

လူ ၁၀၀,၀၀၀ တွင် ဖြစ်ပွားသော လူသတ်မှု အရေအတွက်၊ ပြည်တွင်းရေး ပြဿနာများမှ သေဆုံးမှု အရေအတွက်၊ ပြည်တွင်း၊ ပြည်ပ ပြဿနာ ဖြစ်ပွားမှု အရေအတွက် စသည်တို့ မြင့်တက်လာခြင်းကို အခြေခံပြီး ငြိမ်းချမ်းမှု ညွှန်းကိန်း ရမှတ်များ ကျဆင်းခြင်း ဖြစ်သည်။

အစ္စလာမ်မစ် သူပုန်ထမှုကို ဘေးဖယ်ထားကာ ဖိလစ်ပိုင်တွင် ကွန်မြူနစ် လက်နက်ကိုင်များနှင့် အစိုးရ တပ်ဖွဲ့များ အကြား ပြည်တွင်းစစ် ဖြစ်ပွားနေခဲ့သည်မှာ အနှစ် ၃၀ ကျော်ခဲ့ပြီ ဖြစ်သည်။

ဂျပန်၊ မလေးရှားနှင့် အင်ဒိုနီးရှား နိုင်ငံတို့၏ ငြိမ်းချမ်းရေး ပြည့်ဝမှုမှာ စစ်မှန်သော တိုးတက်မှုများ ရှိခဲ့သော်လည်း အထက် ဖော်ပြပါ ၅ နိုင်ငံ၏ ကြီးမားသော ကျဆင်းမှုက ပို၍ အလေးသာ နေခဲ့သည်ဟု အစီရင်ခံစာက ဆိုသည်။

အကြမ်းဖက် ဖြစ်ရပ် ကင်းစင်မှုကို ပြသသည့် GPI အဆင့်သည် ပြည်တွင်း၊ ပြည်ပ အကြောင်းရပ်များကို ပူးတွဲ တိုင်းတာသော စနစ်ကို အသုံးပြုထားပြီး၊ ညွှန်းကိန်းကို ပါဝင် ဖွဲ့စည်းထားသည့် ရည်ညွှန်းချက် ၂၃ ခုတွင် စစ်ရေး အသုံးစရိတ်မှသည် အိမ်နီးချင်း နိုင်ငံများနှင့် ဆက်ဆံရေးအထိ ပါဝင်သော နိုင်ငံ အလိုက် အဆင့် သတ်မှတ်ချက်၊ လူ့အခွင့်အရေး လေးစားမှု အပေါ် အဆင့် သတ်မှတ်ချက် စသည်တို့ ပါဝင်သည်။

ကမ္ဘာကြီးသည် နှစ်နှစ် ဆက်တိုက် ငြိမ်းချမ်းရေး ပြည့်ဝမှု ကျဆင်းခဲ့သည်ဟု IEP က တင်ပြ သုံးသပ်ထားသည်။ ကမ္ဘာ့ စီးပွားရေး ဆက်တိုက် ကျဆင်းနေမှုနှင့်အတူ ယခုနှစ် အချက်အလက်များက ပြသနေသော ပြဿနာများ ပြင်းထန်လာမှု၊ မငြိမ်သက်မှု ကြီးထွားလာမှုများသည် ၂၀၀၈ မှ စတင်ခဲ့သည့် စီးပွားရေး ကျဆင်းမှုနှင့် ဆက်စပ်နေခဲ့ပြီး နိုင်ငံပေါင်း မြောက်မြားစွာတွင် လူသတ်မှုများ၊ အကြမ်းဖက် ဆန္ဒပြမှုများနှင့် ရာဇဝတ် မှုခင်းများ အပေါ် စိုးရွံ့မှုများ မြင့်တက်လျက် ရှိသည်ဟု အစီရင်ခံစာက ဖော်ထုတ် တင်ပြခဲ့သည်။

အကြမ်းဖက် ဖြစ်ရပ်များကြောင့် ကမ္ဘာ့စီးပွားရေးတွင် နှစ်စဉ် ဒေါ်လာ ၇ ထရီလီယံခန့် နစ်နာ ဆုံးရှုံးနေရသည်ဟု အစီရင်ခံစာတွင် မှတ်ချက် ပေးထားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

IRIN, 9th June 2010

မြစ်ဝကျွန်းပေါ် ဒေသတွင် နာဂစ် ဆိုင်ကလုန်းက ဖျက်ဆီးခဲ့ပြီးနောက် နှစ်နှစ်ကြာသည်အထိ အိမ်ထောင်စုပေါင်း တစ်သိန်းကျော်သည် မြေယာဥပဒေ ဆိုင်ရာ ဗဟုသုတ နည်းပါးခြင်း၊ ထောက်ပံ့ငွေများ မရှိခြင်းတို့ကြောင့် ပြည့်စုံသော နေထိုင်စရာ မရှိဘဲ ဖြစ်နေဆဲဟု ကုလသမဂ္ဂ ပြန်လည် နေရာချထားရေး အစီအစဉ် (UN Human Settlements Programme) မှ ဒေသဆိုင်ရာ မန်နေဂျာ Srinivasa Popuri က ပြောကြားခဲ့သည်။

နာဂစ် အကူအညီများကို စောင့်ကြည့်ရန် တာဝန်ယူထားသော Recovery Coordination Center ၏ အဆိုအရ နေထိုင်ရန် အိမ်များ အပါအဝင် နာဂစ်လွန် ပြန်လည် ထူထောင်ရေး ကဏ္ဍမျိုးစုံ အတွက် လိုအပ်နေဆဲ ဖြစ်သော ထောက်ပံ့ငွေမှာ ဒေါ်လာသန်း ၁၅၀ ဖြစ်သည်ဟု ဆိုသည်။

နေအိမ်ပေါင်း ၇၅၂,၂၉၉ ထိခိုက်ခဲ့ရာ၊ မြန်မာ အစိုးရက အိမ် ၃၀,၀၀၀၊ နိုင်ငံတကာ အသိုင်းအဝိုင်းက ၃၇,၀၀၀ စုစုပေါင်း နေအိမ်သစ် ၆၇,၀၀၀ ဆောက်လုပ်ပြီးခဲ့သည်။

မုတ်သုန်မိုးသည် မေလလယ်ခန့်မှ စ၍ လေးလခန့် ကြာမြင့်တတ်သည် ဖြစ်ရာ အခြေအနေကို ပိုမို ဆိုးရွားစေမည် ဖြစ်သည်။ မသန်စွမ်းသူများ၊ သက်ကြီးရွယ်အိုများနှင့် ကိုယ်ဝန်ဆောင်မိခင်များ ပါဝင်သော မြစ်ဝကျွန်းပေါ်တွင် နေထိုင်သူ လူပေါင်း ငါးသိန်းခန့်သည် ဆိုးဝါးသော ဒုက္ခကို ခံစားရမည် ဖြစ်သည်။

မြန်မာနိုင်ငံ သမိုင်းတွင် စံချိန်တင် ဆိုးရွားလှသော သဘာဝ ဘေးအန္တရာယ် အပြီး နှစ်နှစ်အတွင်း ရရှိသော ချို့တဲ့သော ရန်ပုံငွေ မလုံလောက်မှုသည် ပြဿနာ၏ တစ်စိတ်တစ်ပိုင်း မျှသာ ဖြစ်သည်။

မြေယာ ရပိုင်ခွင့် ကိစ္စများသည် မြစ်ဝကျွန်းေးပါ် ဒေသရှိ နေစရာ မရှိသောလူများ ကြားတွင် လတ်တလော ဖိစီးလျက် ရှိသော စိုးရိမ်စရာ ကိစ္စတစ်ခု ဖြစ်လာသည်။ နာဂစ်ပြီးသည့် နောက်တွင် အိမ်ထောင်စုများစွာသည် ၎င်းတို့၏ ပျက်စီးသွားသော ရွာများသို့ ပြန်မသွားကြတော့ပေ။

"လူအတော်များများက သူတို့ နေရာဟောင်းကို ပြန်မသွားလိုတော့ဘူး။ သူတို့ရွာဟောင်းက မလုံခြုံဘူးလို့ သူတို့ ခံစားနေရပြီ" ဟု နော်ဝေ ဒုက္ခသည်ကောင်စီမှ Chris Bleers က ပြောသည်။

၎င်းတို့သည် ကုန်းမြေ ပိုမြင့်သော နေရာ၊ မြန်မာ့ ဥပဒေအရ လယ်ယာမြေဟု သတ်မှတ်ထားသော နေရာများသို့ ပြောင်းရွှေ့ နေထိုင်ကြသည်။ မြန်မာ့ မြေယာ ဥပဒေအရ ရွာမြေဟု သတ်မှတ်ထားသော နေရာတွင်သာ လူများကို နေထိုင်ခွင့်ပြုပြီး ဥပဒေ ချိုးဖောက်သူများကို ထောင်ဒဏ် ၆ လ အပြစ်ပေးနိုင်သည်။ ဥပဒေနှင့် မလွတ်သော နေရာများတွင် ဆောက်လုပ်ထားသော အိမ်များကို ဖျက်ပစ်ခဲ့သည်။ အစိုးရ ကိန်းဂဏန်းများအရ မြစ်ဝကျွန်းပေါ် တစ်ခုလုံး၏ ၁.၃၉ % ကသာ ရွာမြေဖြစ်သည်ဟု သိရှိရသည်။

သို့သော် နေအိမ်မဲ့နေသော လူအများစုသည် ဥပဒေနှင့် ပတ်သက်၍ လုံးဝမသိရှိသူများ ပါသည်။

"ဒီမှာ မြေတွေအားလုံးကို အစိုးရကပဲ ပိုင်ပါတယ်။ မြေအမျိုးအစားပေါ် မူတည်လို့ လူတစ်စု သို့မဟုတ် ရွာသားတွေကို အသုံးပြုခွင့် ချမှတ်ပေးပါတယ်။ မြေတစ်ခုဟာ အမှန်တကယ် လွတ်နေတယ်ဆိုရင် အသုံးပြုခွင့် လက်မှတ်ရဖို့ ရုံးမှာ လျှောက်ထားကြရပါတယ်။ သတင်း အချက်အလက်တွေကလည်း မပေးနိုင်ဘူး။ လူတွေက သူတို့ကို ဘယ်သူက ကူညီနိုင်မလဲ ဆိုတာလည်း မသိဘူး" ဟု Popuri က ပြောသည်။

မြစ်ဝကျွန်းပေါ်တွင် မြေယာမပိုင်ဆိုင်သူ မည်မျှရှိသည်ကိုလည်း မသိနိုင်ပါ။ မြို့နယ်များတွင် ရှိသော မှတ်တမ်းများအရ ရွာများတွင် အသစ် ရောက်လာသော မိသားစု အသစ်များ ရှိသည်ဟု သိရသော်လည်း၊ အဆိုပါ ဒေသတွင် ပြည့်စုံသော အချက်အလက်များ မရှိပေ။

ကုလသမဂ္ဂသည် လယ်ယာ စိုက်ပျိုးရေး ဝန်ကြီးဌာန ကြေးတိုင်နှင့် မြေစာရင်း ဦးစီးဌာနမှ ဒုတိယ ညွှန်ကြားရေးမှူး ဦးမြင့်သိန်းနှင့် ပူးပေါင်း၍ ထိုကိစ္စကို ဖော်ထုတ်ရန် ကြိုးစားခဲ့သည်။ ဦးမြင့်သိန်းသည် ဒေသဆိုင်ရာ အာဏာပိုင်များနှင့် NGO များအား မြေယာ ဥပဒေများနှင့် ပတ်သက်သော နည်းပညာ အကူအညီများ ပေးနေသူ ဖြစ်သည်။ ၎င်းသည် မုန်တိုင်းဒဏ် ဆိုးဝါးစွာ ခံရသော မြို့နယ်မှ လူအချို့နှင့် တွေ့ဆုံခဲ့သည်။

"သူတို့ဟာ မြေယာ ဥပဒေတွေနဲ့ မရင်းနှီးကြပါဘူး။ အဲဒီရွာက ခေါင်းဆောင် တင်ထားတဲ့ သက်ကြီးဝါကြီးတွေကိုပဲ ပြဿနာကို တင်ပြစေပြီး၊ ကျွန်တော်က အဖြေရှာပေးပါတယ်" ဟု ဦးမြင့်သိန်းက IRIN သို့ ပြောသည်။

မြေယာ ဥပဒေများကို သိလာရန် ပြုလုပ်ပေးနေသည့် တစ်ချိန်တည်းမှာပင် ဦးမြင့်သိန်းသည် မိသားစု ၃,၃၄၉ ခုအား တရားဝင် ပြန်လည် နေရာချထားပြီး၊ ရပိုင်ခွင့်များ ရအောင် အကူအညီပေးနိုင် ခဲ့သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Straits Times, 9th June 2010

လုံခြုံရေးဆိုင်ရာ စိုးရွံ့ပူပန်မှုများ ထွက်ပေါ်နေသည့် ကြားမှပင် အရှေ့တောင်အာရှ၏ စွမ်းအင် ဆာလောင်နေသော စီးပွားရေး နိုင်ငံများသည် လူဦးရေ သန်း ၅၀၀ ကျော်သော ဒေသ၏ ကြီးမားလာသော ဓာတ်အား လိုအပ်ချက်ကို ဖြည့်ဆည်းရန် အတွက် နျူကလီယာ စွမ်းအင် ကဏ္ဍကို လေ့လာမှု ပြုလုပ်နေကြသည်။

ဗီယက်နမ်နိုင်ငံက ၁၀ နှစ် အတွင်း လုပ်ငန်း လည်ပတ်နိုင်မည့် ပထမဆုံး နျူကလီယာ ဓာတ်အားပေးစက်ရုံကို တည်ဆောက်ရန် စီစဉ်နေပြီး၊ စင်္ကာပူ၊ မလေးရှား၊ အင်ဒိုနီးရှားနှင့် ထိုင်းနိုင်ငံတို့ကလည်း နျူကလီယာ စွမ်းအင် ဖြစ်နိုင်ချေ အလားအလာများကို လေ့လာစူးစမ်း နေကြသည်။

"လူတိုင်းက လေအေးစက် သုံးချင်တယ်။ လူတိုင်းက နောက်ဆုံးပေါ် အသုံးအဆောင်တွေ လိုချင်တယ်။ ဒီတော့ ဒါတွေ အားလုံးကို အဓိပ္ပာယ် ကောက်လိုက်ရင် လျှပ်စစ်ဓာတ်အားကို တောင်းဆိုလာကြတာပေါ့" ဟု မနီလာ အခြေစိုက် အာရှဖွံ့ဖြိုးရေးဘဏ် ADB မှ စွမ်းအင်နှင့်ရေ ဌာနခွဲ ညွှန်ကြားရေးမှူး Anthony Jude က ပြောကြားသည်။

ဝေဖန် ဆန်းစစ်သူများကမူ အရှေ့တောင်အာရှ နျူကလီယာ စွမ်းအင် အတွေ့အကြုံ မရှိခြင်းကို ထောက်ပြခဲ့ကြပြီး၊ မီးတောင်ပေါက်ကွဲမှုများ၊ မြေငလျင်များ စသည့် သဘာဝ ဘေးအန္တရာယ် အလားအလာများသော ဒေသ၏ လုံခြုံမှု အနေအထားနှင့် စပ်လျဉ်းသည့် သံသယများကို ထုတ်ဖော် ပြောကြားခဲ့ကြသည်။ ဖိလစ်ပိုင်တို့သည် ၁၉၇၀ ခုနှစ်များတွင် နျူကလီယာ ဓာတ်အားပေးစက်ရုံ တစ်ခု တည်ဆောက်ခဲ့သော်လည်း လုံခြုံမှု စိတ်မချရခြင်း၊ ကန်ထရိုက် လုပ်ငန်းအတွင်း လာဘ်စားခြင်းတို့ကြောင့် စီးပွားဖြစ် လည်ပတ်နိုင်ခြင်း လုံးဝ မရှိခဲ့ပါ။

သို့သော်လည်း အထက်ပါ စိုးရိမ်ပူပန်မှုများကို အောင်မြင်စွာ ကျော်လွှားနိုင်ဖွယ် ရှိသည်ဟု ကျွမ်းကျင်သူများက ဆိုသည်။ "အရှေ့တောင်အာရှက နျူကလီယာ ဓာတ်အားပေး စက်ရုံတွေဟာ တခြားနေရာတွေထက် ပိုပြီး အန္တရာယ်များတယ်လို့ သေချာပေါက် မပြောနိုင်ပါဘူး" ဟု ဆစ်ဒနီ အခြေစိုက် Lowy Institute for International Policy မှ ဒုတိယ ညွှန်ကြားရေးမှူး Martine Letts က ဆိုသည်။

အရှေ့တောင်အာရှ ဒေသတွင် နျူကလီယာ ဓာတ်အား လုံခြုံမှု စနစ်ကို အရှိန်မြှင့် ဆောင်ရွက်နိုင်ရန် အတွက် The World Association of Nuclear Operators ကဲ့သို့သော နိုင်ငံတကာ အဖွဲ့အစည်းများကို သူမက ညွှန်ပြသည်။

မလေးရှားက ၎င်း၏ ပထမဆုံး နျူဓာတ်အားပေး စက်ရုံကို ၂၀၂၁ နောက်ဆုံးထား၍ တည်ဆောက်ရန် မေလက အစီအစဉ် ချမှတ်ခဲ့ချိန်တွင် စင်္ကာပူတွင်မူ ဖြစ်နိုင်ခြေ လေ့လာမှုများကို အစိုးရက စတင်ကာစသာ ရှိသေးသည်။ အင်ဒိုနီးရှားနှင့် ထိုင်းနိုင်ငံတွင်လည်း နျူဓာတ်အားပေး စက်ရုံများ တည်ဆောက်ရန် စဉ်းစား သုံးသပ်နေကြသော်လည်း ဓာတ်ပေါင်းဖို တည်ဆောက်မည့် နေရာနှင့် ပတ်သက်၍ ပြင်းထန်သော ပြည်တွင်း ကန့်ကွက်မှုနှင့် ရင်ဆိုင်နေရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA News, 8th June 2010

မြန်မာနိုင်ငံသည် နျူကလီယာ အစီအစဉ် တိုးတက် ဖွံ့ဖြိုးစေရန် မြောက်ကိုရီးယားနှင့် ပူးပေါင်း လုပ်ဆောင်နေသည်ဟု တင်ပြလာသော အစီရင်စာများကို စုံစမ်း စစ်ဆေးရန် ဝါရင့် အမေရိကန် အထက်လွှတ်တော် အမတ်တစ်ဦးက နိုင်ငံခြားရေးဝန်ကြီး ဟီလာရီ ကလင်တန်အား တောင်းဆိုလိုက်သည်။

မြန်မာနိုင်ငံသို့ သွားရန် စီစဉ်ထားသော ခရီးစဉ်ကို ဆီနိတ်တာ Jim Webb ပယ်ဖျက်ခဲ့ခြင်းမှာ နော်ဝေး အခြေစိုက် အုပ်စု DVB ထံမှ စွပ်စွဲချက်များကြောင့် ဖြစ်သည်။ နျူကလီယာ အစီအစဉ်တွင် တာဝန် ထမ်းဆောင်ခဲ့ပြီးမှ မြန်မာနိုင်ငံမှ ထွက်ပြေး ခိုလှုံလာသော ဗိုလ်မှူးအဆင့်ရှိ မြန်မာ အရာရှိက ၎င်း၏ ပြောကြားချက်များကို အထောက်အကူ ဖြစ်စေမည့် အထောက်အထားများကို ယူဆောင်လာခဲ့သည်ဟု DVB က ပြောကြားခဲ့သည်။

ကုလသမဂ္ဂ နျူကလီယာ အေဂျင်စီက တနင်္လာနေ့တွင် ပြောကြားရာ၌ အစီရင်ခံစာကို အကဲဖြတ် စစ်ဆေးနေကြောင်းနှင့် အကယ်၍ လိုအပ်ပါက မြန်မာနိုင်ငံမှ "ထုချေ ရှင်းလင်းမှု" ကို ရရှိအောင် ကြိုးစားမည်ဟု ဆိုသည်။

ထို့အပြင် မြန်မာနိုင်ငံဆိုင်ရာ အထူးကိုယ်စားလှယ် ခန့်အပ်ရန် Jim Webb က အိုဘားမား အစိုးရကို တောင်းဆိုခဲ့သည်။ ၎င်းက အဆိုပါ ရာထူး အတွက် လက်ရှိ ထိုင်းနိုင်ငံဆိုင်ရာ သံအမတ်ကြီး Eric John ကို အကြုံပြုခဲ့သည်။

Jim Webb သည် အထက်လွှတ်တော် နိုင်ငံခြား ဆက်ဆံရေး ကော်မတီ၏ အရှေ့အာရှ ဆပ်ကော်မတီ ဥက္ကဌ ဖြစ်သည်။

၎င်းသည် မနှစ်က မြန်မာနိုင်ငံသို့ သွားရောက်ခဲ့စဉ် တပ်မတော် ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံ ဆွေးနွေးခဲ့သလို၊ အတိုက်အခံ ခေါင်းဆောင် ဒေါ်အောင်ဆန်းစုကြည်၏ အင်းလျားကန်စောင်း နေအိမ်သို့ တရားမဝင် ရေကူးဝင်ရောက်မှုဖြင့် ထောင်ဒဏ်ကျခံနေရသော အမေရိကန် လူမျိုး John Yettaw ကိုလည်း လွတ်မြောက်အောင် ကယ်ထုတ်သွားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.