Posts
 | yangonchronicle2011 Op-Ed |
၁၂.၃.၂၀၁၂
ဆောင်းပါးကဏ္ဍ
- ပုဂ္ဂလိက ကဏ္ဍ
*****************************************
ဆောင်းပါးကဏ္ဍ
ပုဂ္ဂလိက ကဏ္ဍ
မိုးမြင့်ငြိမ်း
မြန်မာနိုင်ငံတွင် အစိုးရဘတ်ဂျက် စီမံခန့်ခွဲရေးဟူသောကိစ္စမှာ လျို့လျို့ဝှက်ဝှက်နှင့် ပြည်သူများမသိအောင် ဆောင်ရွက်ရမည့်အရေးဟု ယခင် က မှတ်ယူခဲ့သည်။ ယခုအခါတွင်တော့ ဒီမိုကရေစီ အသွင်ကူပြောင်းမှုနှင့်အတူ ပွင့်လင်းမြင်သာမှုပါ အတူတကွ ဖြစ်ထွန်းပေါ်ပေါက်လာခဲ့သည့် အား လျှော်စွာ လွှတ်တော်တွင် အစိုးရ၏ အရအသုံးမှန်း ခြေငွေစာရင်းများကို ပြည်သူများထံသို့ အတိအလင်းကြေညာခဲ့သည်။ အထူးသဖြင့် နိုင်ငံ၏ နိုင်ငံခြား ကြွေးမြီးပမာဏကို ပွင့်ပွင့်လင်းလင်း ဖော်ပြခဲ့သည်။ ထိုသို့ အစိုးရ၏ ဘတ်ဂျက်ရေးရာ စီမံခန့်ခွဲမှုများ၏ ပကတိအခြေအနေမှန်ကို ထုတ်ဖော်နိုင်မှုမှာ ဒီမိုကရေစီနိုင်ငံရေးဖြစ်စဉ်၏ တိုးတက်မှုရှိသည့် လက္ခဏဟုဆို၍ ရနိုင်သည်။
အစိုးရ၏ လုပ်ဆောင်ချက်များ ပွင့်လင်းမြင်သာမှုရှိမှသာလျှင် ပြင်ဆင်သင့်သည်များကို ပြင်ဆင်နိုင်မည်၊ ရပ်ဆိုင်းသင့်သည့် လုပ်ငန်းများကို လည်း ရပ်ဆိုင်းနိုင်မည်၊ တနည်းအစိုးရ၏ ပျက်ကွက်မှုများ (goverment failure) မဖြစ်ပေါ်အောင် ကြိုတင်ကာကွယ် စီစဉ်ဆောင်ရွက်နိုင်မည်။ ထိုအတွက် ကြောင့်လည်း ဝန်ကြီးဌာနအသီးသီး၏ ဘတ်ဂျက်လျာထားမှုများကို သုံးသပ်၍ မလိုအပ်သေးသည့် စီမံကိန်းများကို ရပ်ဆိုင်းထားရန်နှင့် စွမ်းဆောင်ရည် မပြည့်သည့် စီမံကိန်းများကို ပြန်လည်သုံးသပ် ပြင်ဆင်ဖွဲ့စည်းရန် အဆိုများ လွှတ်တော်တွင် ဖြစ်ပေါ်ခဲ့သည်။ များမကြာမီကာလအတွင်း မြန်မာနိုင်ငံ၏ စီးပွားရေး ပြုပြင်ပြောင်းလဲမှုများကို အရှိန်အဟုန် တိုးမြှင့်ဆောင်ရွက်ရန် ရှိလာတော့မည်။ အကြောင်းရင်းမှာ နိုင်ငံရေး ပြုပြင်ပြောင်းလဲမှုများကို ခပ်မြန်မြန် အကောင်အထည်ဖော်ခဲ့ပြီး စီးပွားရေးပြုပြင်ပြောင်းလဲမှုများ နောက်ကျ ကျန်ရစ်ခဲ့ပါက ရှိပြီးနိုင်ငံရေးအပြောင်းအလဲများကိုပင် ပြည်သူများ မျှော်လင့်ချက်မဲ့ သွားနိုင်သည်။ အမှန်မှာ နိုင်ငံရေးပြောင်းလဲမှုနှင့် စီးပွားရေးပြောင်းလဲမှု ဒွန်တွဲ ဖြစ်ထွန်းလာရမှာဖြစ်သည်။ သို့တိုင်အောင် နိုင်ငံရေးအပြောင်းအလဲကြောင့် ဖြစ်ထွန်းလာသော လက်ရှိနိုင်ငံရေးအခင်းအကျင်းမှာ တည်တည်ငြိမ်ငြိမ်ရှိသောကြောင့် စီးပွားရေးအပြောင်းအလဲအတွက် ကောင်းမွန်သည့် အနေအထား တစ်ရပ်ဟုဆို၍ရသည်။ စီးပွားရေးအပြောင်းအလဲကိုသာ မြန်မြန်သွက်သွက်နှင့် မှန်မှန်ကန်ကန် အကောင်အထည်ဖော် ဆောင်ရွက်နိုင်မှသာ ပြည်သူများ၏ မျှော်လင့်ချက် ပြည့်ဝမည်။
မြန်မာနိုင်ငံ၏ စီးပွားရေးတွင် ပုဂ္ဂလိက၏ အခန်းကဏ္ဍမှာ အဓိကနေရာတွင် ရှိနေသေးသည်တော့မဟုတ်။ နိုင်ငံ၏ စီးပွားရေးကို မြှင့်တင်နိုင်ဖို့ ဆိုလျှင် ပုဂ္ဂလိကအခန်းကဏ္ဍကို အလေးထား ဦးစားပေးရမည်။ မြန်မာနိုင်ငံ၏ လုပ်ငန်းစု အများစုမှာ အစိုးရမှ တာဝန်ယူ လုပ်ဆောင်နေသည့်အတွက် နိုင်ငံပိုင် စီးပွားရေးလုပ်ငန်းများမှာ ပုဂ္ဂလိကထက် ပိုမို များပြားနေသည်။ အစိုးရဆိုသည်မှာ စီးပွားရေးလုပ်ငန်းကို လုပ်ဆောင်နေသော်ငြားလည်း စီးပွား ရေးဆန်လို့မဖြစ်။ တနည်း အမြတ်တစ်ခုတည်းအတွက် ရည်စူးပြီး ဆောင်ရွက်ဖို့မသင့်ချေ။ မြန်မာနိုင်ငံ၏ နိုင်ငံပိုင် စီးပွားရေးလုပ်ငန်းများမှာ အလုပ်ဖြစ် ရေးထက် အဖြစ်လုပ်သည့် ယဉ်ကျေးမှု ထွန်းကားနေသည်။ ကျွမ်းကျင်လုပ်သားနည်းပါးမှု၊ စနစ်တကျစီမံခန့်ခွဲမှု လျော့ရဲခြင်းများ အစရှိသည့် ကုန်ထုတ် လုပ်မှု စွမ်းရည် နည်းပါးသောအနေအထားမျိုးနှင့် ကြုံနေရသည်။ ထိုအတွက်ကြောင့် နိုင်ငံပိုင် စီးပွားရေးလုပ်ငန်းများကို ပုဂ္ဂလိကပိုင်ပြုရေးမှာ အလေး ထား စီစဉ်ဆောင်ရွက်သင့်သည့် စီးပွားရေးမူဝါဒဖြစ်လာသည်။ လွှတ်တော်တွင် ပုဂ္ဂလိကပိုင်ပြုရေးဥပဒေကို ပြဋ္ဌာန်း၍ စနစ်တကျ အကောင်အထည် ဖော် ဖို့လိုသည်။ ဖွဲ့စည်းပုံ အခြေခံဥပဒေအရ အစိုးရကသာလုပ်ဆောင်ရမည့် စီးပွားရေးလုပ်ငန်းစုကြီးများ ရှိပါသည်။ သို့သော် တစ်ဖက်၌လည်း နိုင်ငံတော် သမ္မတမှ အစိုးရနှင့် ပုဂ္ဂလိကဖက်စပ် (Public-Private Partnership) စီးပွားရေးလုပ်ငန်းများ ပေါ်ထွန်းလာဖို့ မူဝါဒ ချမှတ်ခဲ့ပြီးသည့်အပြင် ယင်းသို့ ဆောင်ရွက်နိုင်အောင်လည်း နည်းဥပဒေများ ရေးဆွဲလျက်ရှိနေသည်။
ပုဂ္ဂလိကပိုင်ပြုရေးတွင် ဆီလျှော်မှုရှိသည့် မူဝါဒ၊ လုပ်ထုံးလုပ်နည်းနှင့် စွမ်းရည်ပြည့် ဝန်ထမ်းများမရှိပါက ကျရှုံးမှုများ ဖြစ်ပေါ်လာမည်။ ထိုအ တွက်ကြောင့် ပုဂ္ဂလိကပိုင်ပြုရေးတွင် အဓိက ဖြတ်သန်းရမည့် အဆင့်သုံးဆင့်ကို အကြမ်းဖျင်း သုံးသပ်ဖော်ပြပါမည်။ ပထမတစ်ဆင့်မှာ ပုဂ္ဂလိကပိုင်ပြု ရေးကို စနစ်တကျ လုပ်ဆောင်နိုင်ရန် ပြင်ဆင်သည့် အဆင့်ဖြစ်သည်။ ယင်းအဆင့်ကို မှန်ကန်မှုရှိရှိ ဆောင်ရွက်နိုင်ခဲ့လျှင် အောင်မြင်သည့် ပုဂ္ဂလိကပိုင် ပြုရေး ဖြစ်ထွန်းလာဖို့ အခြေခံအုတ်မြစ်ကို ချမှတ်နိုင်မှာဖြစ်သည့်အတွက်ကြောင့် အလွန်တရာမှ အရေးကြီးသည့် အဆင့်ဖြစ်သည်။ ယင်းအဆင့်တွင် အ လေးထား လုပ်ဆောင်ရမည့် အချက်များမှာ အစိုးရဆိုင်ရာ အဖွဲ့အစည်းများနှင့် ဝန်ထမ်းများ၏ စွမ်းဆောင်ရည်ကို အကဲဖြတ်ခြင်း၊ ပုဂ္ဂလိကကဏ္ဍ လွှဲ ပြောင်းပေးဖို့ ရင်းနှီးမြုပ်နှံမှု၊ လုပ်ငန်းစီစစ်သုံးသပ်မှုနှင့် ဘဏ္ဍာရေးကိစ္စရပ်များကို ရွေးချယ်ခြင်း၊ ပုဂ္ဂလိကပိုင်လွဲပြောင်းရေးတွင် ဝန်ထမ်းများ၏ အလုပ်အ ကိုင်အပေါ် မည်ကဲ့သို့သော အကျိုးသက်ရောက်မှုများ ဖြစ်ပေါ်လာမည်ကို သုံးသပ်ခြင်းနှင့် ပုဂ္ဂလိကပိုင်ပြုရေးဖြစ်စဉ်ကို စီမံခန့်ခွဲခြင်းအစရှိသည့် အချက် လေးချက်ကို အဓိက လုပ်ဆောင်ရမည်။ ပုဂ္ဂလိကပိုင်ပြုရေး၏ ယင်းပထမအဆင့်ကို ဆောင်ရွက်နိုင်သည့်အပြင် ဟန့်လည်းဟန့်တားနိုင်သည့် အုပ်စုကြီး (၄)စုရှိသည်။ ယင်းတို့မှာ အုပ်ချုပ်ရေးနှင့် ဥပဒေပြုရေးတို့၏ နိုင်ငံရေးခေါင်းဆောင်မှု၊ ပြည်သူ့ရေးရာထုတ်ကုန်နှင့် ဝန်ဆောင်မှုများကို စားသုံးသူ ပြည်သူ အများ၊ ယင်းဖြစ်စဉ်၏ အကျိုးသက်ရောက်မှုကို တိုက်ရိုက်ထိတွေ့မည့် အစိုးရဝန်ထမ်းများနှင့် အစိုးရပိုင် စီးပွားရေးလုပ်ငန်းများကို တာဝန်ယူလုပ် ဆောင်ရန် စိတ်အားထက်သန်သော ပုဂ္ဂလိက စီးပွားရေးလုပ်ငန်း အသိုက်အဝန်းတို့ဖြစ်သည်။ အရေးကြီးသည်မှာ အထက်ပါအုပ်စုကြီး (၄)စုမှ ပုဂ္ဂလိက ပိုင်ပြုခြင်းကြောင့် ရရှိသော အခွင့်အလမ်းများ၊ စွန့်စားရမှုများ၊ တာဝန်ခံမှုများကို သေသေချာချာ သဘောပေါက်နားလည်ထားရမည်။ သို့မှသာ ပုဂ္ဂလိက ပိုင်ပြုရာတွင် အောင်မြင်နိုင်သည့် အခြေခံများကို တည်ဆောက်နိုင်မှာဖြစ်သည်။
ထိုသို့ ပုဂ္ဂလိကပိုင်ပြုရေး၏ အကောင်း၊ အဆိုးများ၊ ဖြစ်တန်ရာသော အခွင့်အလမ်းနှင့် စွန့်စားရမှုများကို သုံးသပ်ပြီးသကာလ ဒုတိယအဆင့်အ နေဖြင့် လက်တွေ့ အကောင်အထည်ဖော်ဆောင်ရွက်မှုနှင့် ပုဂ္ဂလိကပိုင်ပြုရေးဥပဒေနှင့် လုပ်ထုံးလုပ်နည်းများကို စောင့်ကြည့်ခြင်းနှင့် အရေးယူဆောင် ရွက်ခြင်းတို့ကို အရှိန်အဟုန်နှင့် လုပ်ဆောင်သွားနိုင်မည်။ စာ ရေးသူမှာ မြန်မာနိုင်ငံ၏ စီးပွားရေး ပြုပြင်ပြောင်းလဲမှုတွင် ပုဂ္ဂလိကပိုင်ပြုရေး၏ အခန်းကဏ္ဍ အရေးကြီးကြောင်း မီးမောင်းထိုးပြလိုရင်းသာဖြစ်ပြီး နိုင်ငံပိုင် စီးပွားရေးလုပ်ငန်းများ၏ အခန်းကဏ္ဍကို လုပ်ဆောင်ဖို့မသင့်ဟု ဆိုလိုခြင်းမဟုတ်ပါ။ စီးပွား ရေးတွင် အစိုးရနှင့် ပုဂ္ဂလိကအချိုးညီရေးမှာ ပုံသေနည်းမရှိဘဲ နိုင်ငံ၏ စီးပွားရေး ရေခံမြေခံ အနေအ ထားပေါ်တွင်သာမူတည်ပါကြောင်း….။
*****************************************
Google Docs makes it easy to create, store and share online documents, spreadsheets and presentations.
