Posts
 | CURRENT NEWS |
ပြည်တွင်း နိုင်ငံရေး၊ စီးပွားရေး သတင်းစဉ်
- ဖွဲ့စည်းပုံအခြေခံဥပဒေပြင်ဆင်နိုင်ရေးအတွက် ပါတီကြီးသုံးခုပြင်ဆင်
- ပုံနှိပ်ဥပဒေကြမ်းအပါအဝင် ဥပဒေများ ပြင်ဆင်၊ ပယ်ဖျက်ပေးရန် ကုလမှတစ်ဆင့် တောင်းဆိုမည်
- သမ္မတဦးသိန်းစိန် ဝါရှင်တန်သို့ သွားရောက်မည်
ဖွဲ့စည်းပုံအခြေခံဥပဒေပြင်ဆင်နိုင်ရေးအတွက် ပါတီကြီးသုံးခုပြင်ဆင်
ယခင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ တပ်မတော်အစိုးရ လက်ထက်တွင်ရေးဆွဲ၍ လက်ရှိ အသုံးပြုဆောင်ရွက်လျက်ရှိသော ၂၀၀၈ ဖွဲ့စည်းပုံအခြေခံဥပဒေကို ပြင်ဆင်နိုင်ရေးအတွက် ပြည်တွင်း နိုင်ငံရေးပါတီကြီး သုံးခုဖြစ်သည့် ၂၀၁၀ ရွေးကောက်ပွဲဝင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားဒီမိုကရေစီအင်အားစု (NDF) ပါတီနှင့် ကြားဖြတ်ရွေးကောက်ပွဲဝင် အမျိုးသားဒီမိုကရေစီ အဖွဲ့ချုပ်ပါတီတို့မှ ပြင်ဆင်ဆောင်ရွက်လျက်ရှိကြောင်း သိရသည်။
အမျိုးသားဒီမိုကရေစီ အင်အားစု(NDF)ပါတီအနေဖြင့် လွှတ်တော်၌ဖွဲ့စည်းပုံအခြေခံ ဥပဒေပြင်ဆင်နိုင်ရေး တင်ပြ ဆွေးနွေးနိုင်ရန် လိုအပ်သည့် အချက်အလက်များ ရှာဖွေစုဆောင်းခြင်း၊ ရရှိသည့် အချက်အလက်များအပေါ် အစည်းအဝေး နှစ်ကြိမ်ပြုလုပ်၍ဆွေးနွေးခြင်းနှင့် ပြည်သူလူထုအကျိုးနှင့် ဒီမိုကရေစီပိုမိုခိုင်မာစေမည့်အချက်အလက်များကို အဓိကဆွေးနွေး နိုင်ရန် ပြင်ဆင်ဆောင်ရွက်လျက်ရှိကြောင်း သိရသည်။
ထို့ပြင် ၂၀၀၈ ဖွဲ့စည်းပုံအခြေခံဥပဒေအား လက်ခံနိုင်ခြင်းမရှိသည့်အတွက် ပြီးခဲ့သည့် ၂၀၁၀ နိုဝင်ဘာလ ၇ ရက် နေ့တွင်ကျင်းပခဲ့သည့် ရွေးကောက်ပွဲ၌ ဝင်ရောက်ယှဉ်ပြိုင်ခြင်း မပြုခဲ့သော်လည်း ဖွဲ့စည်းပုံအခြေခံ ဥပဒေပြင်ဆင်ရန် ရည်ရွယ်ချက်ဖြင့် ကြားဖြတ်ရွေးကောက်ပွဲ ဝင်ရောက်ယှဉ်ပြိုင် အနိုင်ရရှိခဲ့သည့် အမျိုးသားဒီမိုကရေစီ အဖွဲ့ချုပ်(NLD)ပါတီ အနေဖြင့် ဖွဲ့စည်းပုံအခြေခံဥပဒေပြင်ဆင်နိုင်ရေး လွှတ်တော်၌တင်ပြနိုင်ရန် ပြင်ဆင်ဆောင်ရွက်လျက်ရှိကြောင်း သိရသည်။
ထို့ပြင် ပြီးခဲ့သည့် မတ်လ ၁၅ ရက်နေ့၌ ကျင်းပပြုလုပ်ခဲ့သည့် ပြည်သူ့လွှတ်တော် အစည်းအဝေးတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြု တက်ရောက်လျက်ရှိသည့် ပြည်သူ့လွှတ်တော်ကိုယ်စားလှယ် သူရအေးမြင့်က ၂၀၀၈ ဖွဲ့စည်းပုံအခြေခံဥပဒေ လေ့လာသုံးသပ်ရေး ကော်မတီ၊ ကော်မရှင်များဖွဲ့စည်းရေး တိုက်တွန်းကြောင်း အဆိုကို အရေးကြီးအဆိုအဖြစ် တင်သွင်းခဲ့ပြီး ပြည်သူ့လွှတ်တော် ကိုယ်စားလှယ်များမှ ထောက်ခံခဲ့သည့်အတွက် မေလ ၂၂ ရက်နေ့ တွင် ပြည်ထောင်စုလွှတ်တော်မှ အတည်ပြုခဲ့သည်။
အဆိုပါကိစ္စရပ်နှင့်ပတ်သက်၍ ပြည်ခိုင်ဖြိုးပါတီအထွေထွေ အတွင်းရေးမှူးဦးဌေးဦးက ဖွဲ့စည်းပုံအခြေခံဥပဒေ ပြင် ဆင်ရေးကိစ္စရပ်အား အခြားပါတီကြီးများ၏ တင်ပြချက်များအပေါ်တွင်မူတည်၍ စဉ်းစားဆောင်ရွက်လျက်ရှိကြောင်း ပြောကြား ခဲ့သည်။
YC
ပုံနှိပ်ဥပဒေကြမ်းအပါအဝင် ဥပဒေများ ပြင်ဆင်၊ ပယ်ဖျက်ပေးရန် ကုလမှတစ်ဆင့် တောင်းဆိုမည်
ဒီမိုကရေစီ အသွင်ကူးပြောင်းရေးကို ဖော်ဆောင်လျက်ရှိသည့် မြန်မာနိုင်ငံတွင် အခြေခံလွတ်လပ်ခွင့်များကို ထိခိုက် စေနိုင်သည့် တည်ဆဲဥပဒေသုံးခုနှင့် လွှတ်တော်သို့တင်သွင်းမည့် ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေအပါအဝင် ဥပဒေ ကြမ်းနှစ်ခုကိုပြင်ဆင်ပေးရန် ကုလသမဂ္ဂမှတစ်ဆင့် တောင်းဆိုသွားမည်ဖြစ်ကြောင်း အာရှလူ့အခွင့်အရေးနှင့်ဖွံ့ဖြိုးရေးဆုံရပ် အဖွဲ့(Forum – Asia)တာဝန်ခံ John Liu ကပြောကြားခဲ့သည်။
လွှတ်တော်သို့တင်သွင်းရန်ပြင်ဆင်နေသော ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့် NGO များ မှတ်ပုံတင်ခြင်း ဥပဒေတို့ကို ပြန်လည်ပြင်ဆင်၍ လွှတ်တော်သို့တင်သွင်းသင့်ကြောင်း John Liu ကပြောကြားခဲ့သည်။ ထို့ပြင် လက်ရှိ နိုင်ငံတွင်းကျင့်သုံးလျက်ရှိသော လွတ်လပ်စွာပြောဆိုခွင့်၊ စုဝေးခွင့်နှင့် စီတန်းလှည့်လည်ခွင့်တို့ကို ထိခိုက်စေသည့် ၁၉၀၈ ပြည့်နှစ် မတရားအသင်း အက်ဥပဒေ၊ ၁၉၈၈ အသင်းအဖွဲ့များ တည်ထောင်ခွင့်ဥပဒေ၊ ၂၀၁၂ ခုနှစ် လွတ်လပ်စွာစုဝေးခွင့်နှင့် လွတ်လပ်စွာစီတန်းလှည့်လည်ခွင့် ဥပဒေ၊ ရာဇာသတ်ကြီး ဥပဒေပုဒ်မ ၅၀၅(ခ)တို့ကိုလည်းပယ်ဖျက်ပေးရန် ၎င်းကတောင်းဆို ခဲ့သည်။
အဆိုပါဥပဒေများကို ပြင်ဆင်၊ ပယ်ဖျက်ရန်အတွက် အောက်တိုဘာလတွင် ပြုလုပ်မည့် ကုလသမဂ္ဂ အထွေထွေ ညီလာခံသို့ကုလသမဂ္ဂလူ့အခွင့်ရေး ကာကွယ်စောင့်ရှောက်သူများဆိုင်ရာ အထူးစုံစမ်းစစ်ဆေးရေးအရာရှိမှတစ်ဆင့် အစီရင် ခံစာတင်သွင်းကာ တောင်းဆိုသွားမည်ဖြစ်ကြောင်း မေလ ၂ ရက်နေ့တွင် ရန်ကုန်မြို့ ရွှေဂုံတိုင်ရှိ တောင်ဝင်နှင်းဆီခန်းမ၌ ပြုလုပ်ခဲ့သည့် မြန်မာနိုင်ငံ လူ့အခွင့်ရေးနှင့် ပတ်သက်သည့် သတင်းစာရှင်းလင်းပွဲတွင် ၎င်းက ပြောကြားခဲ့ခြင်းဖြစ်သည်။
မတရားအသင်းဥပဒေပါ အချက်အလက်အချို့ကို ပြင်ဆင်ခဲ့သော်လည်း ကန့်သတ်ထိန်းချုပ်မှုများ ရှိနေဆဲဖြစ်သည့် အပြင် အသင်းအဖွဲ့များ ထူထောင်ခွင့်နှင့် စီတန်းလှည့်လည်ခွင့်ဆိုင်ရာ ဥပဒေများတွင်လည်း လုပ်ထုံးလုပ်နည်းများမှာ ကုလ သမဂ္ဂ၏ အခြေခံသဘောတရားများနှင့် ကိုက်ညီမှုမရှိကြောင်း သိရသည်။ အာရှလူ့အခွင့်ရေးနှင့် ဖွံဖြိုးရေးဆုံရပ်အဖွဲ့ (Forum–Asia)သည် ထိုင်းနိုင်ငံ ဘန်ကောက်မြို့အခြေစိုက် အဖွဲ့အစည်းတစ်ခုဖြစ်ပြီး အာရှဒေသတွင်းနိုင်ငံများ၏ လူ့အခွင့် အရေးအခြေအနေများကို စောင့်ကြည့်လေ့လာနိုင်ရန် အဖွဲ့ခွဲပေါင်း ၁၂၀ ခန့်ဖြင့် ဖွဲ့စည်းထားခဲ့ကြောင်း သိရသည်။
YC
သမ္မတဦးသိန်းစိန် ဝါရှင်တန်သို့ သွားရောက်မည်
မြန်မာနိုင်ငံသမ္မတ ဦးသိန်းစိန်သည် အမေရိကန်ပြည်ထောင်စု ဝါရှင်တန်ဒီစီမြို့တော်သို့ မေလ ၂ဝ ရက်နေ့ဝန်းကျင် တွင် သွားရောက်လည်ပတ်နိုင်ဖွယ်ရှိကြောင်း AFP သတင်းဌာနဖော်ပြချက်အရ သိရသည်။
နိုင်ငံတော်သမ္မတဦးသိန်းစိန်သည် နိုင်ငံခြားရေးဝန်ကြီး ဦးဝဏ္ဏမောင်လွင်နှင့် သမ္မတရုံးဝန်ကြီး ဦးစိုးသိန်းတို့အပြင် အခြားသော ထိပ်တန်းခေါင်ဆောင်များလိုက်ပါပြီး ဝါရှင်တန်ဒီစီိသို့ မေလ ၁၈ ရက်နေ့ ရောက်ရှိမည်ဖြစ်ကြောင်း သိရသည်။
ယခုကဲ့သို့ နိုင်ငံတော်သမ္မတဦးသိန်းစိန်၏ အမေရိကန်ခရီးစဉ်အတွင်း အမေရိကန်သမ္မတအိမ်ဖြူတော်သို့သွားရောက် ၍ အမေရိကန်သမ္မတ အိုဘားမားနှင့် တွေ့ဆုံဆွေးနွေးမှုများ ပြုလုပ်မည်ဖြစ်ကြောင်း သိရသည်။ အမေရိကန်သမ္မတ ဘားရက် အိုဘားမားသည် မြန်မာနိုင်ငံသို့ ပြီးခဲ့သည့်နိုဝင်ဘာလက သွားရောက်ခဲ့ပြီးနောက်ပိုင်း ယခုကဲ့သို့ နိုင်ငံတော်သမ္မတ ဦးသိန်းစိန် ၏ အမေရိကန်ခရီးစဉ် ပေါ်ပေါက်လာခဲ့ခြင်းဖြစ်ကြောင်း နိုင်ငံရေးလေ့လာနေသူများက သုံးသပ်ပြောကြားသည်။
ထို့ပြင် နိုင်ငံတော်သမ္မတရုံး ဝန်ကြီးဌာန ပြည်ထောင်စုဝန်ကြီး ဦးအောင်မင်းကလည်း ဧပြီလအတွင်း အမေရိကန် နိုင်ငံ နယူးယောက်မြို့သို့ သွားရောက်ခဲ့သေးကြောင်း သိရသည်။
ထို့ပြင် နိုင်ငံတော်သမ္မတဦးသိန်းစိန် ဝါရှင်တန်မြို့တော်သို့ ရောက်ရှိနေစဉ်အတွင်း အမေရိကန်အစိုးရမှ မြန်မာနိုင်ငံ အား အင်္ဂလိပ်အခေါ်အဝေါ် Burma ဟု ခေါ်ဆိုနေရာမှ မြန်မာအစိုးရခေါင်းဆောင်များ လိုလားသည့်အတိုင်း Myanmar ဟု ပြောင်းလဲခေါ်ဝေါ်ရန် စဉ်းစားလျှက်ရှိကြောင်း အမေရိကန်လွှတ်တော် အသိုင်းအဝန်းမှ ရရှိသော သတင်းများအရ သိရှိရသည်။
သမ္မတဦးသိန်းစိန်သည် ပြီးခဲ့သည့်နှစ်နိုဝင်ဘာလတွင် အမေရိကန်ပြည်ထောင်စု နယူးယောက်မြို့သို့ သွားရောက်ခဲ့ ခြင်းမှာ ကုလသမဂ္ဂညီလာခံ တက်ရောက်ရန်အတွက်သာ ဖြစ်သောကြောင့် ယခုခရီးစဉ်သည် ၁၉၆၆ ခုနှစ်နောက်ပိုင်း မြန်မာ နိုင်ငံ၏ ခေါင်းဆောင်တစ်ဦး ဝါရှင်တန်ဒီစီမြို့တော်သို့ ပထမဆုံးအကြိမ် လာရောက်လည်ပတ်သော ခရီးစဉ်တစ်ခုဖြစ်လာမည် ဖြစ်ကြောင်း သိရှိရသည်။
YC
| Google Drive: create, share, and keep all your stuff in one place. |  |