Transparency Myanmar

{Yangon Chronicle 2010:1279} မြစ်ဆုံ ရေလှောင်တမံ ဗုံးကွဲမှု လူငါးဦး ဖမ်းဆီး စစ်ဆေးခံရ

Posted by Transparency Myanmar 2010

Saturday, April 24, 2010

မြစ်ဆုံ ရေလှောင်တမံ စီမံကိန်း အနီးရှိ ရာဘာ စိုက်ခင်းပိုင်ရှင်နှင့် အလုပ်သမား လေးဦးကို မြို့နယ် ရဲတပ်ဖွဲ့ဝင်များက ဧပြီလ ၁၈ ရက်နေ့တွင် ဖမ်းဆီး ထိန်းသိမ်းလိုက် ကြောင်း Kachin News Gourp (KNG) က သတင်း ပေးပို့သည်။ အလုပ်သမား နှစ်ဦးအား စစ်ဆေး မေးမြန်းမှုများ ပြုလုပ်ပြီးနောက် ပြန်လွှတ်လိုက်သည်ဟု ဆိုသည်။

ဖမ်းဆီးခံရသော ရာဘာစိုက်ခင်း ပိုင်ရှင်မှာ Chyinghkrange ကျေးရွာနေ Ze Lum ဆိုသူ ဖြစ်သည်။

ဧပြီလ ၁၇ ရက်နေ့တွင် မြစ်ဆုံ ရေလှောင်တမံ စီမံကိန်းအတွင်း ဗုံးများ ပေါက်ကွဲခဲ့သလို သင်္ကြန် အချိန်ကာလ အတွင်းက ရန်ကုန်မြို့တော်တွင် ဗုံးသုံးလုံး ပေါက်ကွဲခဲ့သည်။ ထိုင်းနိုင်ငံ အခြေစိုက် KNG သတင်း အယ်ဒီတာ Lapai Naw Din က " တကယ်တော့ သူတို့မှာ အပြစ် မရှိပါဘူး။ မြစ်ဆုံ ရေလှောင်တမံ စီမံကိန်း စတင်တော့ သူ့ရဲ့ ရာဘာခြံ ကြီးကို မီးရှို့ ဖျက်ဆီးခြင်း ခံခဲ့ရပါတယ်။သူက ကုမ္ပဏီကို လျော်ကြေး တောင်းခဲ့တယ်။ ဒါပေမဲ့ ကုမ္ပဏီက လျော်ကြေး ပေးဖို့ ကိစ္စကို ပယ်ချခဲ့တယ်" ဟု ပြောသည်။

အဆိုပါ ကိစ္စနှင့် စပ်လျဉ်း၍ မြစ်ကြီးနား ရဲဌာနသို့ Irrawaddy သတင်းဌာနက ဆက်သွယ် မေးမြန်းခဲ့သော်လည်း ပြန်လည် ဖြေကြားခြင်း မရှိပေ။ သတင်း ပေးပို့ချက်အရ မြစ်ဆုံ ရေလှောင်တမံ ဗုံးပေါက်ကွဲမှုတွင် လူ လေးဦး သေဆုံးပြီး ၁၂ ဦး ဒဏ်ရာ ရရှိခဲ့သည်။ အများစုမှာ တရုတ် အလုပ်သမားများ ဖြစ်ကြသည်။

အေးရှားဝေါလ် ကုမ္ပဏီရုံးခန်း ရှေ့ဘက်တွင် အနည်းဆုံး ဗုံးသုံးလုံး ပေါက်ကွဲခဲ့ခြင်း ဖြစ်သည်ဟု သတင်းများက ဆိုသည်။ အေးရှားဝေါလ်သည် အဆိုပါ စီမံကိန်းအတွက် အဓိက ကန်ထရိုက်တာ ဖြစ်ပြီး စီမံကိန်းကို တရုတ် နိုင်ငံပိုင် ကုမ္ပဏီ ဖြစ်သော China Power Investment Corporation(CPI) က ငွေကြေး မတည်ပေးခြင်း ဖြစ်သည်။

ဒေသခံများ၏ အဆိုအရ ယခုအခါ အဆိုပါ ဗုံးပေါက်ကွဲမှုကြောင့် စီမံကိန်း တစ်ဝိုက်တွင် လုံခြုံရေးများ တိုးမြှင့်ချထားသည်ဟု သိရသည်။ တရုတ်-မြန်မာ နယ်စပ်တွင် နေထိုင်သော ကချင် သတင်းရင်းမြစ် ဖြစ်သော Aung Wa က "မြစ်ကြီးနားက ဧရာဝတီ ဗလမင်းထင် တံတားကို ဖြတ်တဲ့ လူတိုင်းကို အာဏာပိုင်တွေက အသေးစိတ် စစ်ဆေးကြတယ်။ ပါလာသမျှ ပစ္စည်းတွေ အားလုံးကိုလည်း စစ်ကြတယ်။ ဗုံးမပေါက်ခင်တုန်းက ဗလမင်းထင် တံတားကို ၂၄ နာရီ ဖြတ်လို့ ရတယ်။ အခုတော့ ည ၇ နာရီ ကျော်ရင် ပေးမဖြတ်တော့ဘူး" ဟု Irrawaddy သို့ ပြောသည်။

အဆိုပါ စီမံကိန်းတွင် CPI ကုမ္ပဏီမှ တရုတ် အလုပ်သမား ၃၀၀ ခန့် လုပ်ကိုင်လျက် ရှိသည်။ လူ့အခွင့်အရေး အဖွဲ့များနှင့် သဘာဝ ပတ်ဝန်းကျင် ထိန်းသိမ်းရေး ဝါဒီများက အဆိုပါ စီမံကိန်းကို ပြစ်တင် ရှုတ်ချကြသည်။ ယင်း ရေလှောင်တမံ တည်ဆောက်ခြင်းကြောင့် လူပေါင်း ၁၅၀၀၀ ခန့် နေရာ ရွှေ့ပြောင်း နေထိုင်ခဲ့ကြရသည်။

Irrawaddy သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:1278} ပြည်ပြေးအရာရှိကြီးကို လုပ်ကြံသတ်ဖြတ်ရန် မြာက်ကိုရီးယား ကွန်မြူနစ်အစိုးရ အကွက်ချစီစဉ်

Posted by Transparency Myanmar 2010

comments (0)

မြောက်ကိုရီးယား ကွန်မြူနစ်အစိုးရ၏ ထိပ်တန်း ခေါင်းဆောင်တစ်ဦးကို လုပ်ကြံ သတ်ဖြတ်မည့် လျှို့ဝှက် အစီအစဉ် တစ်ရပ်အား ထုတ်ဖော်နိုင်ခဲ့ကြောင်း တောင်ကိုရီးယား အစိုးရက အသိပေးလိုက်သည်။

၁၉၉၇ ခုနှစ်အတွင်း မြောက်ကိုရီးယားမှ တောင်ကိုရီးယားသို့ ပြည်ပြေးဘဝဖြင့် ထွက်ပြေး ရောက်ရှိလာသော မြောက်ကိုရီးယား အကြီးတန်း အရာရှိကြီးတစ်ဦး ဖြစ်သည့် မစ္စတာ Hawang Jang-yop (၈၇ နှစ်) အား လုပ်ကြံ သတ်ဖြတ်ရန် စီစဉ်လျက် ရှိသော မြောက်ကိုရီးယား နိုင်ငံသား နှစ်ဦးကို ဖမ်းမိလိုက်သည်ဟု တောင်ကိုရီးယားက ဆိုသည်။ မစ္စတာ Hawang Jang-yop သည် တစ်ချိန်က မြောက်ကိုရီးယား ခေါင်းဆောင်ကြီး ကင်ဂျုံအီလ် ယုံကြည် စိတ်ချရသော အနီးကပ် မိတ်ဆွေ အရာရှိတစ်ဦး ဖြစ်ခဲ့ပြီး ၎င်းအား လုပ်ကြံသတ်ဖြတ်ရန် ကြံစည်နေသော ပြည်ပြေးနှစ်ဦးမှာ မိမိကိုယ်မိမိ ပြည်ပြေးများအဖြစ် ဝန်ခံ ပြောဆိုထားကြောင်း တောင်ကိုရီးယား အစိုးရ ပြောခွင့်ရ ပုဂ္ဂိုလ်က ဆိုသည်။

တောင်ကိုရီးယား Yonhap သတင်းဌာန အဆိုအရ မစ္စတာ Hawang Jang-yop ကို လုပ်ကြံ သတ်ဖြတ်မည့်သူ နှစ်ဦး၏ အမည်မှာ Kim နှင့် Tong ဆိုသူများ ဖြစ်ကြပြီး ၎င်းတို့သည် ထိုင်းနိုင်ငံမှ တစ်ဆင့် တောင်ကိုရီးယား နိုင်ငံသို့ ပြည်ပြေးများအဖြစ် ဝင်ရောက် လာကြခြင်း ဖြစ်သည်။

မကြာသေးမီက မြောက်ကိုရီးယား ပြုံးယမ်း အစိုးရ၏ အင်တာနက် ဝက်ဘ်ဆိုက်တွင် မစ္စတာ Hawang သည် သစ္စာဖောက်မှုကြောင့် သေခြင်းတရားနှင့် ရင်ဆိုင်ရလိမ့်မည်ဟု ခြိမ်းခြောက် ရေးသားခဲ့သည်ကို တွေ့ရသည်။

လက်ရှိ အနေအထားတွင် မစ္စတာ Hawang အား လုပ်ကြံ သတ်ဖြတ်ရန် စီစဉ်ခဲ့သူ နှစ်ဦးအား တောင်ကိုရီးယား အာဏာပိုင်များက စစ်ဆေး မေးမြန်းလျက် ရှိသည်ဟု ဆိုသည်။ တောင်ကိုရီးယား အရာရှိကြီး တစ်ဦး၏ အဆိုအရ ဖမ်းမိသော မြောက်ကိုရီးယား နှစ်ဦးသည် "သစ္စာဖောက်သူ၏ လည်မျိုကို ဓားဖြင့် လှီးရမည်" ဟူသော အမိန့်ဖြင့် ရောက်ရှိလာခြင်း ဖြစ်သည်ဟု AP သတင်းဌာနက
ကိုးကား ဖော်ပြသည်။

မစ္စတာ Hawang သည် တစ်ချိန်က မြောက်ကိုရီးယား အလုပ်သမား ပါတီ အတွင်းရေးမှူးအဖြစ် တာဝန် ထမ်းဆောင်ခဲ့သည်။ မြောက်ကိုရီးယား၏ ခက်ခဲ ကြမ်းတမ်းသော စီးပွားရေး ပေါ်လစီများကြောင့် ၁၉၉၀ ပြည့်နှစ်များအတွင်း အငတ်ဘေးကြီး ဆိုက်ရောက်လာချိန်တွင် ထွက်ပြေးလာခြင်း ဖြစ်ကြောင်း ၎င်းက ပြောဆိုသည်။ မစ္စတာ Hawang သည် ၎င်း ချစ်ခင်ရသော မိသားစု ရင်းချာများကို ထားရစ်ကာ ထွက်ပြေးခဲ့ခြင်း ဖြစ်သည်။ သူ၏ လုပ်ရပ်ကြောင့် မိသားစုဝင် အတော်များများမှာ အလုပ်သမား စခန်းသို့ ပို့ခြင်း ခံခဲ့ရသည်။

လက်ရှိ အနေအထားတွင် မစ္စတာ Hawang သည် အမေရိကန် ပြည်ထောင်စုသို့ သွားရောက်ပြီး သတင်းစာ ဆရာများနှင့် တွေ့ဆုံကာ သင်ခန်းစာပေးရန် စီစဉ်လျက် ရှိသည်။ ၎င်းအနေဖြင့် မိမိ လုပ်ကိုင်ခဲ့သမျှအပေါ် နောင်တရမည် မဟုတ်ကြောင်း ပြောဆိုမည်ဟု ဆိုသည်။

ဆိုးလ်မြို့ အခြေစိုက် BBC သတင်းထောက် John Sudworth က မြောက်ကိုရီးယား အစိုးရသည် မစ္စတာ Hawang ၏သစ္စာဖောက်မှုကို မည်သို့မျှ မမေ့ မဖျောက်နိုင်ဘဲ ရှိသည်မှာ သိသာ ထင်ရှားလွန်းသည်ဟု ပြောကြားသည်။ မြောက်ကိုရီးယား ကွန်မြူနစ် အစိုးရ ဝက်ဘ်ဆိုက်တွင် မစ္စတာ Hawang အား "သစ္စာဖောက်၊ ဆန်ကုန်မြေလေး" အဖြစ် ပြစ်တင် ရှုတ်ချဖော်ပြထားသည်။

BBC သတင်းကို ဘာသာပြန်ဆိုသည်။

{Yangon Chronicle 2010:1277} မြန်မာ့ရေးရာမူဝါဒကို အိုဘားမား အစိုးရ ခုခံကာကွယ်

Posted by Transparency Myanmar 2010

comments (0)

မြန်မာနိုင်ငံအပေါ် ထားရှိသော အမေရိကန်သမ္မတ ဘားရက်အိုဘားမား အုပ်ချုပ်ရေး အဖွဲ့၏ စေ့စပ်ညှိနှိုင်းရေး မူဝါဒကို ပြန်လည် ဆန်းစစ်သင့်သည်ဟု အမေရိကန် ဆီနိတ်တာများ၏ တိုက်တွန်း ပြောဆိုမှုများ ထွက်ပေါ်လာပြီးနောက် ဝါရှင်တန် အစိုးရက မြန်မာ့ရေးရာ မူဝါဒကို ပြောင်းလဲမည် မဟုတ်ကြောင်း ကာကွယ် ပြောဆိုလိုက်သည်။

အမေရိကန် အစိုးရ ပြည်သူ့ရေးရာ လက်ထောက်ဝန်ကြီး P J Crowley ကအိုဘားမား အုပ်ချုပ်ရေး အဖွဲ့သည် မြန်မာ စစ်အစိုးရနှင့် စေ့စပ်ညှိနှိုင်းရေး မူဝါဒကို အဆက်မပြတ် ကျင့်သုံးသွားမည် ဖြစ်ကြောင်း၊ စီးပွားရေး ပိတ်ဆို့ အရေးယူမှုများကိုလည်း ဖယ်ရှားမည် မဟုတ်ကြောင်း၊ မိမိတို့၏ မူဝါဒကြောင့် အပြုသဘော ဆောင်သော ရလဒ်များ ထွက်ပေါ် လာမည်ဟု မျှော်လင့်ကြောင်း ပြောဆိုသည်။

"မြန်မာနိုင်ငံရဲ့ စိန်ခေါ်မှုဟာ တစ်နှစ်တာအတွင်း ထွက်ပေါ်ခဲ့တာ မဟုတ်ပါဘူး။ မြန်မာ့ အရေးကိစ္စကိုလည်း တစ်နှစ်အတွင်း ဖြေရှင်းလို့ ရမှာ မဟုတ်ပါဘူး" ဟု P J Crowley က ပြောသည်။

"မြန်မာနိုင်ငံအပေါ် ထားရှိတဲ့ မူဝါဒကို နားလည် သဘောပေါက်အောင် ရီဗျူးလုပ်ခဲ့ပြီးမှ စေ့စပ်ညှိနှိုင်းရေး မူဝါဒကို ပြောင်းလဲ ကျင့်သုံးခဲ့တာပါ။ ရိုးရိုးသားသား ပွင့်ပွင့်လင်းလင်း ပြောရရင်စီးပွားရေး ပိတ်ဆို့ အရေးယူမှု သက်သက်နဲ့ ရလဒ် မထွက်ခဲ့လို့ အဲဒီလို ပြောင်းလဲ ကျင့်သုံးခဲ့ရတာပါ။ မြန်မာ စစ်အစိုးရရဲ့ ခေါင်းဆောင်ပိုင်းတွေနဲ့ အရေးကြီးတဲ့ကိစ္စ တွေကို ဒိုင်ယာလော့ခ်တွေ လုပ်ခဲ့ပါတယ်။ ရှေ့ဆက်ပြီး မြန်မာအစိုးရ ခေါင်းဆောင်တွေနဲ့ အဲဒီအတိုင်း ဒိုင်ယာလော့ခ် လုပ်သွားကြဦးမှာပါ" ဟု ၎င်းက ဆိုသည်။

ပြီးခဲ့သည့် ၂၀၀၉ ခုနှစ်က ကျင်းပ ပြုလုပ်ခဲ့သော ကုလသမဂ္ဂ အထွေထွေ ညီလာခံတွင် အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က မြန်မာနိုင်ငံအပေါ် အဆက်မပြတ် စေ့စပ် ညှိနှိုင်းပြီး စီးပွားရေး ပိတ်ဆို့ အရေးယူမည့် မူဝါဒသစ်ကို ကျင့်သုံးမည် ဖြစ်ကြောင်း ထုတ်ဖော် ကြေညာခဲ့သည်။

အိုဘားမား အုပ်ချုပ်ရေး အဖွဲ့သည် ထိုအချိန်မှ စ၍ စစ်အစိုးရနှင့် နှစ်ကြိမ်တိုင်တိုင် စေ့စပ်ညှိနှိုင်းခဲ့ပြီး ဖြစ်သည့်တိုင် သိသာ ထင်ရှားသော အောင်မြင်မှု တစ်စုံတရာ မရရှိသေးပေ။ စစ်အစိုးရက ကျင်းပ ပြုလုပ်ရန် စီစဉ်နေသည့် ရွေးကောက်ပွဲမှာလည်း နိုင်ငံတကာ အသိုင်းအဝိုင်း၏ ပြစ်တင် ဝေဖန်မှုများစွာနှင့် ရင်ဆိုင်နေရသည်။

"ကျွန်တော်တို့ ပြောခဲ့သလိုပါပဲ။ မြန်မာနိုင်ငံမှာ လက်ရှိ ဖြစ်ပျက်နေတဲ့ အနေအထားတွေနဲ့ ပတ်သက်ပြီး ကျွန်တော်တို့ အတော့်ကို စိတ်ပျက်မိပါတယ်။ အထူးသဖြင့် ရွေးကောက်ပွဲ ဥပဒေပေါ့။ မြန်မာနိုင်ငံဟာ စိန်ခေါ်မှုတွေ အဆက်မပြတ် ပေးနေပါတယ်။ မြန်မာနိုင်ငံအနေနဲ့ ပြည်တွင်းရေး စိန်ခေါ်မှုတွေကို ကိုယ့်ဘာသာကိုယ် ဖြေရှင်းရမှာပါ။ မြန်မာ လူ့အဖွဲ့အစည်းမှာ ရှိတဲ့သူတွေ အားလုံး ဒိုင်ယာလော့ခ်ကို ကျယ်ကျယ်ပြန့်ပြန့် လုပ်ရမှာ ဖြစ်ပါတယ်။ မြန်မာ အစိုးရအနေနဲ့ နိုင်ငံရေး ဖြစ်စဉ်ထဲမှာ နိုင်ငံရေးသမားတွေ ဒီထက် ပိုပြီး ပူးပေါင်း ပါဝင်နိုင်ဖို့ တံခါးဖွင့်ပေးဖို့လည်း လိုအပ်ပါတယ်" ဟု ၎င်းက သုံးသပ်သည်။

"ကျွန်တော်တို့က မြန်မာနိုင်ငံကို ခိုင်မာတဲ့ အမှာစကားတွေ ဆက်တိုက် ပေးပို့သွားမှာ ဖြစ်ပါတယ်။ အချိန်ကာလ တစ်ခု ကျော်သွားရင် ရလဒ်တွေ ထွက်ပေါ်လာမယ်လို့ ကျွန်တော်တို့ မျှော်လင့်မိပါတယ်။ ဒါပေမဲ့ ဒီကိစ္စဟာ အင်မတန် ခက်ခဲတဲ့ဖြစ်စဉ် လို့တော့ ကျွန်တော်တို့ မထင်မြင်မိပါဘူး။ အံ့အားသင့်မှုလည်း မဖြစ်မိပါဘူး" ဟု ဆက်လက် ပြောသည်။

ရွေးကောက်ပွဲနှင့် ပတ်သက်၍ မေးမြန်းရာတွင် ၎င်းက "ကျွန်တော်တို့ စိုးရိမ်ပူပန်မိတဲ့ အကြောင်း ထုတ်ဖော်ပြသပြီးပါပြီ။ လက်ရှိ အနေအထားအရ ပြောရရင် ထွက်ပေါ်လာမယ့် ရွေးကောက်ပွဲ ရလဒ်ကို ကျွန်တော်တို့ အသိအမှတ်ပြုမှာ မဟုတ်ပါဘူး" ဟု တုံ့ပြန် ဖြေကြားသည်။

မြောက်ကိုရီးယားသည် ဧပြီ လလယ်ခန့်က မြန်မာနိုင်ငံသို့ စစ်လက်နက်များ တင်ပို့ခဲ့သည် ဟူသော သတင်း ပေးပို့ချက်များနှင့် ပတ်သက်ပြီး Crowley က မြန်မာ အစိုးရအနေဖြင့် ကုလသမဂ္ဂ လုံခြုံရေး ကောင်စီ၏ ဆုံးဖြတ်ချက်အတိုင်း လိုက်နာရန် တာဝန် ရှိသည်ဟု ဆိုသည်။

"မြန်မာ အပါအဝင် အခြားနိုင်ငံတွေ အားလုံး မြောက်ကိုရီးယားနဲ့ ဆက်ဆံတဲ့အခါ၊ အပေးအယူ လုပ်တဲ့အခါမှာ ပွင့်လင်းမြင်သာမှု ဆိုတာကို ထုတ်ဖော် ပြသဖို့ တာဝန်ရှိပါတယ်။ မြန်မာနဲ့ မြောက်ကိုရီးယား အကြား စစ်ရေးအရ အဆက်အသွယ် ရှိတယ်ဆိုတဲ့ ကိစ္စအပေါ် ကျွန်တော်တို့ အထူးပင် စိုးရိမ် ပူပန်မိပါတယ်။ မြန်မာ အပါအဝင် ကုလသမဂ္ဂ အဖွဲ့ဝင် နိုင်ငံတွေ အားလုံး လုံခြုံရေး ကောင်စီရဲ့ ဆုံးဖြတ်ချက်အတိုင်း လိုက်နာ ဆောင်ရွက်ကြလိမ့်မယ်လို့ အမေရိကန် အစိုးရက မျှော်လင့်ပါတယ်" ဟု ၎င်းက ဆိုသည်။

Irrawaddy သတင်းကို ဘာသာပြန်ဆိုသည်။

{Yangon Chronicle 2010:1276} မြန်မာအစိုးရ စေ့စပ် ညှိနှိုင်းလာရန် အရေးယူ ပိတ်ဆို့မှုများနှင့် ဖိအား ပေးမည်

Posted by Transparency Myanmar 2010

Friday, April 23, 2010

comments (0)

www.theage.com, By Eva Sundari, 22^nd April 2010

လွန်ခဲ့သော အနှစ် ၂၀ အတွင်း မြန်မာနိုင်ငံတွင် ကြီးမားသော နိုင်ငံခြား ရင်းနှီးမြှုပ်နှံမှုများ ဝင်ရောက်လာခဲ့သလို အင်ဒိုနီးရှား အပါအဝင် အိမ်နီးချင်း နိုင်ငံများ၏ ကြိုးပမ်းမှုဖြစ်သော ကြိုတင် သတ်မှတ်ချက် မထားသည့် တွေ့ဆုံ ဆွေးနွေးရေး မူဝါဒကိုလည်း တွေ့မြင်ခဲ့ရသည်။ အာဆီယံတွင် အပြစ်ရှိသည့် အဆိုပါ စည်းကမ်းမဲ့ ဆွေးနွေးရေးကို ကျင့်သုံးမှုကြောင့် အလွန် ရဲရင့်၍ မျှော်လင့်ချက် များစွာ ထားကြသော မြန်မာ အိမ်နီးချင်းများထံ ကောင်းမွန်သော ပြောင်းလဲမှုကို ဆောင်ကြဉ်းပေးရန် ပျက်ကွက်ခဲ့ပြီ ဖြစ်သည်။

နိုင်ငံခြား ရင်းနှီးမြှုပ်နှံမှုနှင့် ကုန်သွယ်ရေး၏ အကျိုးရလဒ်များသည် သာမန် မြန်မာ ပြည်သူများထံ မရောက်ရှိခဲ့ဘဲ ဤအစား ဆင်းရဲမွဲတေမှု မြင့်မားလာကာ ကျန်းမာရေး ကဏ္ဍအတွက် ငွေသုံးစွဲမှု ကျဆင်းသွားသည်။ ထို့ပြင် လက်နက်သစ်များ တပ်ဆင်ထားသော အစိုးရ စစ်တပ် များကြောင့် တိုင်းရင်းသား အမျိုးသမီးများ အပေါ် လိင်ကိစ္စ အကြမ်းဖက်မှု၊ နှိပ်စက် ညဉ်းပမ်းမှု၊ သတ်ဖြတ်မှုများ ပေါ်ပေါက်၍ လူ့အခွင့်အရေး ပြဿနာမှာ အမြင့်ဆုံးသို့ ရောက်ရှိခဲ့သည်။ မြန်မာနိုင်ငံ၏ လူ့အခွင့်အရေး ပြဿနာမှာ ကြေကွဲဖွယ် အကျိုးဆက်များ နှင့်အတူ ပိုမိုဆိုးဝါးလာလျက် ရှိသည်။

အသက် ငါးနှစ်အောက် ကလေးငယ်များမှာ ဆယ်ယောက်တွင် တစ်ယောက် သေဆုံးလျက် ရှိပြီး အဆိုပါ ကိန်းဂဏန်းမှာ မြန်မာ စစ်တပ်က အရပ်သားများကို အကြမ်းဖက်နေသော ရှမ်းပြည် အရှေ့ပိုင်းတွင် ၂ ဆ မြင့်တက်နေသည်။ ကလေးသူငယ်များအား စစ်သားသစ် အဖြစ် အဓမ္မ စုဆောင်းမှုမှာလည်း အစိုးရက ရပ်ဆိုင်းရန် ကတိပေးထားသည့် ကြားမှ ဆက်လက် ဖြစ်ပွားနေသည်။

ကြိုတင် သတ်မှတ်ချက် မထားသည့် ဆွေးနွေးမှု၏ အကျိုးဆက်မှာ ရိုဟင်ဂျာ လှေစီး ခရီးသည်များ၏ ကြေကွဲဖွယ် ဖြစ်ရပ်၌ အင်ဒိုနီးရှား နှင့် အာဆီယံကိုပါ အပြစ်ရှိစေခဲ့ခြင်း ဖြစ်သည်။ ဤအခြေအနေတွင် ဒီမိုကရေစီ ပြုပြင် ပြောင်းလဲရေး ကင်းမဲ့ရုံသာမကဘဲ ၂၀၁၀ ရွေးကောက်ပွဲသည်လည်း အရေးပါသော ပြုပြင် ပြောင်းလဲမှုကို ဆောင်ကြည်းပေးမည့်ပုံ မရပါ။

နိုင်ငံခြား ရင်းနှီးမြှုပ်နှံမှု စီမံကိန်းများမှ ရရှိသော ဝင်ငွေကြောင့် စစ်ဖက် အာဏာရှင် အစိုးရမှာ လူ့အခွင့်အရေး ချိုးဖောက်မှုများ ဆက်လက် ကျူးလွန်ရန် စွမ်းရည် ရရှိခဲ့သည့် အဓမ္မ ခိုင်းစေခြင်း၊ နှိပ်စက် ညှဉ်းပမ်းခြင်း၊ ဥပဒေမဲ့ အပြစ်ပေးခြင်း၊ မုဒိန်းမှု ကျူးလွန်ခြင်း၊ အတင်းအကျပ် ပြောင်းရွှေ့ခြင်း စသည်တို့ အပါအဝင် ချိုးဖောက် ကျူးလွန်မှုများမှာ မြန်မာနိုင်ငံ တဝှမ်း ထင်ရှားသော သက်သေ၊ အထောက်အထားများ ရှိနေသည်။ နိုင်ငံတကာ အလုပ်သမား အဖွဲ့ချုပ် ILO နှင့် မြန်မာနိုင်ငံတွင်း အမျိုးသမီးများ အပေါ် ကျူးလွန်သော ရာဇဝတ်မှုများ ဆိုင်ရာ နိုင်ငံတကာ တရားရုံးတို့က မြန်မာ့ ရေနံနှင့် သဘာဝဓာတ်ငွေ့ လုပ်ငန်းသည် လူ့အခွင့်အရေး ချိုးဖောက်မှုများနှင့် ဆက်စပ်နေသည်ဟု သတ်မှတ်ထားကြသည်။

နိုင်ငံခြား ကုန်သွယ်ရေးနှင့် ရင်းနှီးမြှုပ်နှံမှု အစီအစဉ်များမှ ပိုက်ဆံများသည် ရက်စက်စွာ ဆက်လက် ဖိနှိပ်နေသော စစ်တပ်ထဲ ရောက်ရှိသွားသကဲ့သို့ ကိုယ်ကျိုးစီးပွား ရှာနေသည့် စစ်ဗိုလ်ချုပ်များ တစ်ဦးချင်းထံ ရောက်ရှိသွားသည်။ ဤအခြေအနေများကြောင့် နိုင်ငံရေး ပြုပြင် ပြောင်းလဲမှုကို ထောက်ခံသူ မည်သူနှင့်မဆို ဆွေးနွေးရန် အကြောင်း မရှိသလို နိုင်ငံခြား ရင်းနှီးမြှုပ်နှံမှုများက စေ့စပ် ဆွေးနွေးရေး စားပွဲဝိုင်းသို့ မည်သူကိုမျှ ခေါ်လာနိုင်ခြင်း မရှိပါ။

ပြီးခဲ့သော နှစ်က ဒေါ်အောင်ဆန်းစုကြည်သည် လက်ရှိ ချမှတ်ထားဆဲ ဖြစ်သော အရေးယူ ပိတ်ဆို့မှုများကို 'ဘုတ်' တစ်ခု သဖွယ် အောင်မြင်စွာ အသုံးပြုကာ မြန်မာအစိုးရနှင့် ၂ နှစ် အတွင်း ပထမဆုံး အကြိမ် အဖြစ် လည်းကောင်း၊ အမေရိကန်၊ ဗြိတိန်၊ သြစတြေးလျ၊ သံအမတ်များနှင့် ၆ နှစ် အတွင်း ပထမဆုံး အကြိမ် အဖြစ် လည်းကောင်း တွေ့ဆုံ ဆွေးနွေးနိုင်ခဲ့သည်ကို တွေ့ရသည်။

မီဒီယာများတွင် မည်သို့ ဖော်ပြကြစေကာမူ ဒေါ်အောင်ဆန်းစုကြည်က အရေးယူ ပိတ်ဆို့မှုများနှင့် ပတ်သက်သည့် သူမ၏ သဘောထား တစုံတရာ ပြောင်းလဲမှု ရှိသည်ဟု ရည်ညွှန်းခဲ့ခြင်း မရှိသလို ချမှတ်ထားသော ပိတ်ဆို့မှုများ ရုတ်သိမ်းရန် အတွက်လည်း တောင်းဆိုခဲ့ခြင်း မရှိပါ။ မဖြစ်နိုင်ဟုတော့ မဆိုနိုင်ပါ။ အကယ်၍များ မြန်မာ အစိုးရက တရားဥပဒေ၊ နယ်မြေနှင့် နိုင်ငံသားများ အပေါ် အကန့်အသတ်မဲ့ ထင်တိုင်းကြဲ အုပ်ချုပ်၊ ထိန်းချုပ်မှုများကို ရုတ်သိမ်းခြင်းဖြင့် ၎င်းတို့ ဆန္ဒအလျောက် အလျှော့ပေး လိုက်လျောမှုကို ပြသနိုင်သည် ဆိုသော အချက်ကို အမှန်တကယ်ပင် စဉ်းစားကြည့်သင့်သည်။

အသစ် ချမှတ်မည့် ကုန်သွယ်ရေးနှင့် ရင်းနှီးမြှုပ်နှံမှု ပိတ်ဆို့ အရေးယူရေး အစီအစဉ်တွင် အထူးသဖြင့် မြန်မာ့ ရေနံနှင့် သဘာဝဓာတ်ငွေ့ လုပ်ငန်းကို ထည့်သွင်းခဲ့မည် ဆိုပါက ဒေါ်အောင်ဆန်းစုကြည် အနေအထား အပါအဝင် မြန်မာ့ ဒီမိုကရေစီ လှုပ်ရှားမှုများ နေရာ ရရှိရေး မျှော်မှန်းချက်ကို ပိုမို ခိုင်မာစေမည် ဖြစ်သည်။

ဒေါ်အောင်ဆန်းစုကြည်ကို အထောက်အပံ့ပေးရန် အပိုဆောင်း မျှော်မှန်းထားသည့် ပိုမို ထိရောက်သော ကုန်သွယ်ရေးနှင့် ရင်းနှီးမြှုပ်နှံမှု ပိတ်ဆို့ အရေးယူရေး အစီအစဉ်သစ်များသည် အောက်ပါ အချက်များကို အခြေခံ၍ ချမှတ်ရလိမ့်မည်။

- တပ်မတော် အစိုးရက ၎င်းတို့၏ သီးသန့် အကျိုးအတွက် နိုင်ငံတော်၏ သယံဇာတများ ဖြစ်သော ရေနံနှင့် ဓါတ်ငွေ့သိုက်များ အပေါ် ကိုယ်ကျိုးရှာနေမှုမှ ကာကွယ်ရေး

- တည်ဆောက်ရေး စီမံကိန်း ရှိရာ ဒေသများ တလျှောက် ဖြစ်ပွားနေသော လူ့အခွင့်အရေး ချိုးဖောက်မှုများကို တားဆီးရန် စစ်ဖက် အစိုးရ၏ ဒေါ်လာ ဘီလျံနှင့် ချီသော ဘဏ္ဍာငွေများကို ပိတ်ပင်ရေး

- နိုင်ငံခြား ကုမ္ပဏီများသည် မြန်မာနိုင်ငံတွင် ဖြစ်ပွားနေသော လူ့အခွင့်အရေး ချိုးဖောက် ကျူးလွန်မှုများတွင် ပါဝင် ပတ်သက်ခြင်း (သို့) ဆက်နွယ်ခြင်း မရှိကြောင်း သေချာအောင် ပြုလုပ်ရေး စသည်တို့ ဖြစ်သည်။

မြန်မာနိုင်ငံအပေါ် နိုင်ငံ ပေါင်းစုံ၊ ဘက်ပေါင်းစုံမှ အရေးယူ ပိတ်ဆို့မှုများမှာ မူလကပင် ချမှတ်ထားခဲ့ပြီး ဖြစ်သည်။ ကုန်သွယ်ရေးနှင့် ရင်းနှီးမြှုပ်နှံမှု ပိတ်ဆို့ရေး အစီအစဉ်များကို အမေရိကန်၊ ဥရောပ သမဂ္ဂနှင့် ကနေဒါ နိုင်ငံတို့က လက်ခံထားပြီး ဖြစ်သလို ပုဂ္ဂလိက ကုမ္ပဏီများနှင့် နိုင်ငံ တစ်နိုင်ငံချင်းကလည်း ၎င်းတို့ ဆန္ဒအလျှောက် ပိတ်ဆို့မှုများ ချမှတ်ထားသည်။ ကုန်သွယ်ရေးနှင့် ရင်းနှီးမြှုပ်နှံမှု ပစ်မှတ်ထား ပိတ်ဆို့ရေးကို နိုင်ငံ တစ်နိုင်ငံချင်းက စတင် ကျင့်သုံးပါက နိုင်ငံပေါင်းစုံ၊ ဘက်ပေါင်းစုံ ချဉ်းကပ် ကိုင်တွယ်မှုကို ပိုမို အားကောင်းစေလိမ့်မည် ဖြစ်သည်။

သြစတြေးလျ Twinza Oil ကဲ့သို့ ကုမ္ပဏီများ စတင် ရင်းနှီးမြှုပ်နှံနေသည့် ရေနံနှင့် ဓာတ်ငွေ့ ကဏ္ဍမှ အမြတ်ငွေများ တပ်မတော်၏ အိတ်ကပ်ထဲသို့ ရောက်ရှိနေသည့် တိုက်ရိုက် လမ်းကြောင်း ဖြစ်နေ၍ ဤအချက်မှာ အထူးသဖြင့် အရေးကြီးနေသည်။

မြန်မာနိုင်ငံ၏ အကျပ်အတည်း အတွက် မိမိတို့အတွက် တာဝန်ရှိသည်ကို အာဆီယံကလည်း လက်ခံသည်။ အကြောင်းမှာ စစ်ဖက် အစိုးရ၏ နိုင်ငံရေးနှင့် စီးပွားရေး ခိုင်မာအောင် ဆက်လက် ပါဝင် ဆောင်ရွက်နေကြခြင်းကြောင့် ဖြစ်သည်။ မြန်မာ့ နိုင်ငံရေး ပြုပြင် ပြောင်းလဲလာအောင် ကုန်သွယ်ရေးနှင့် ရင်းနှီးမြှုပ်နှံမှု အရေးယူ ပိတ်ဆို့မှု ချမှတ်ရေး ကဲ့သို့သော ဖြစ်နိုင်သမျှ နည်းလမ်း အားလုံးကို အသုံးပြုခြင်း မရှိပါက အခြားနိုင်ငံများသည်လည်း အလားတူ လုပ်ဆောင်လာကြမည် ဖြစ်၍ မြန်မာနိုင်ငံတွင်းမှ အနေအထားများ အတွက် အာဆီယံကို အပြစ်တင် ရတော့မည် ဖြစ်သည်။

သြစတြေးလျ နိုင်ငံသည် ဒေသတွင်း လုံခြုံရေးနှင့် ဒီမိုကရေစီကို ကာကွယ်သူ အဖြစ် နာမည်ကောင်း ရထားသည်။ သို့သော် မြန်မာနိုင်ငံမှ လူ့အခွင့်အရေး ချိုးဖောက်မှုများကို သြစတြေးလျ ကုမ္ပဏီများက ရန်ပုံငွေ ထောက်ပံ့နေခြင်းကို ရပ်ဆိုင်းအောင် မဖြစ်မနေ လုပ်ရမည့် ဆောင်ရွက်ချက်များကို လုပ်ဆောင်ခြင်း မရှိပါက အဆိုပါ နာမည်ကောင်းကို လက်လွှတ်ရဖွယ် ရှိသည်။ ယခုနှစ်သည် မြန်မာနိုင်ငံကို ရှင်းလင်းစွာ ဖွင့်ဆိုမည့် နှစ်အဖြစ် ချီတက်နေသည်။ မြန်မာနိုင်ငံရေး အဓိက ပလေယာများကို စေ့စပ် ညှိနှိုင်းရေး စားပွဲဝိုင်းသို့ ခေါင်းဆောင်ရန် ရည်ရွယ်ချက်ဖြင့် သတ်သတ်မှတ်မှတ် ဖိအားပေးရန် သြစတြေးလျ နိုင်ငံက ကတိပြုထားသည့် အားလျော်စွာ စစ်ဖက် အစိုးရ၊ အာဆီယံ အစိုးရများ၊ နိုင်ငံတကာ အသိုင်းအဝိုင်းနှင့် ကျွန်ုပ်တို့၏ ရဲရင့်သော အိမ်နီးချင်း ပြည်သူများ ဖြစ်သည့် ဒီမိုကရေစီ တောင်းဆိုရေး အတွက် စည်းလုံးနေကြသည့် မြန်မာ တိုင်းရင်းသားပေါင်းစုံ ပြည်သူများထံ ရှင်းလင်းသော အသိပေး သဝဏ်လွှာ ပို့ဆောင်ရန် ကျွန်ုပ်တို့ အတူတကွ လုပ်ဆောင်ကြပါစို့ ဟု တိုက်တွန်းလိုက်သည်။

{Yangon Chronicle 2010:1275} ဗုံးပေါက်ကွဲမှုကြောင့် မြန်မာ စစ်တပ်နှင့် ကချင် စစ်တပ် အကြား တင်းမာမှု ကြီးထွား

Posted by Transparency Myanmar 2010

comments (0)

Asia News, 22^nd April 2010

မြန်မာနိုင်ငံ မြောက်ပိုင်း ကချင်ပြည်နယ်တွင် မြန်မာ အစိုးရက ၎င်း၏ အင်အားကို တောင့်တင်းအောင် ပြုလုပ်နေသည်မှာ KIA တပ်ဖွဲ့ကို ဧပြီ ၂၈ ရက် နောက်ဆုံးထား၍ နယ်ခြားစောင့် တပ်ဖွဲ့သို့ ပူးပေါင်းရန် ရာဇသံပေးခြင်းပင် ဖြစ်သည်။ သို့မဟုတ်ပါက ကချင် တပ်ဖွဲ့မှာ မတရားသင်း ကြေညာခံရဖွယ် ရှိသည်။ မြစ်ဆုံ ရေကာတာ တည်ဆောက်ရေးခွင်၌ ဗုံးပေါက်ကွဲမှုကြောင့်လည်း တင်းမာမှုများ ကြီးထွားလာခဲ့သည်။ မည်သူက စပစ်မည် ဆိုသည်ကို ပြည်သူများက စောင့်ကြည့်နေကြကြောင်း Asia News ထံ အောက်ပါအတိုင်း သတင်း ပေးပို့ လာသည်။

တရုတ်နိုင်ငံနှင့် နယ်စပ် မြန်မာနိုင်ငံ ကချင်ပြည်နယ်တွင် စစ်ရိပ် စစ်ငွေ့များ သန်းနေသည်။ မြစ်ဆုံ ရေလှောင်တမံ စီမံကိန်းတွင် ဗုံးများ အတွဲလိုက် ပေါက်ကွဲခဲ့ခြင်းနှင့် မြန်မာ အစိုးရက KIA ကို နယ်ခြားစောင့်တပ် ဖွဲ့စည်း အသွင်ပြောင်းရန် ရာဇသံ ပေးထားမှုတို့ကြောင့် တင်းမာမှုများ ဆက်လက် ကြီးထွားနေသည်။ ပထမဆုံး ပစ်ခတ်မှုကို မည်သူက စမည် ဆိုသည်ကို ပြည်သူတို့က စောင့်ကြည့်နေကြောင်း ပြည်တွင်း သတင်းရပ်ကွက်က Asia News သို့ ပြောကြားသည်။

နယ်ခြားစောင့်တပ် အဖြစ် ပူးပေါင်းရန် ကချင် စစ်ခေါင်းဆောင်များက ငြင်းဆန်ပါက KIA ကို တရားမဝင် အဖွဲ့အစည်း အဖြစ် သတ်မှတ်ရန် အဆင်သင့် ရှိသည်ဟု မြန်မာ စစ်ဖက် အုပ်ချုပ်သူများက ပြောကြားထားသည်။ အသွင်ပြောင်း ပူးပေါင်းရေး အတွက် နောက်ဆုံး သတ်မှတ်ရက်မှာ ဧပြီ ၂၈ ရက် ဖြစ်သည်။

တစ်ချိန်တည်းတွင်ပင် ပြည်နယ် မြို့တော် မြစ်ကြီးနားတွင် မြန်မာ စစ်တပ်မှ ကုန်တင်ယာဉ် ၁၀၀ ခန့်သည် KIA ဌာနချုပ် အနီးသို့ ရွှေ့ပြောင်းနေပြီး ပဋိပက္ခ အတွက် အဆင်သင့် ပြင်ဆင်နေသည်ကို တွေ့ရသည်။

ကချင် တပ်ဖွဲ့၏ နိုင်ငံရေး အဖွဲ့ဖြစ်သော KIO ကို မြန်မာ့ နိုင်ငံရေးတွင် သိသိသာသာ နေရာပေးခြင်း မရှိပါက နယ်ခြားစောင့် တပ်ဖွဲ့သို့ ပူးပေါင်းမည် မဟုတ်ဟု KIA က ငြင်းဆန်ထားသည်။ ယခုနှစ် ရွေးကောက်ပွဲများ မကျင်းပမီ KIO က ဤအချက်ကို အလိုရှိနေခြင်း ဖြစ်သည်။

ဧပြီ ၂၈ ရက်တွင် KIA က နယ်ခြားစောင့်တပ် အဖြစ် ပူးပေါင်းခြင်း မရှိပါက တရားမဝင် အဖွဲ့အဖြစ် ကြေညာရန် မြန်မာ စစ်တပ်က အဆင်သင့် ရှိနေပြီး တင်းမာမှုများ လျင်မြန်စွာ ကြီးထွားနေသည်ဟု ဒေသ သတင်းများက ဆိုသည်။ နှစ်ဖက် တပ်ဖွဲ့များ ထိပ်တိုက်တွေ့မည့် အနေအထား ရှိသည်ဟု ဆိုသည်။

မြစ်ကြီးနား ဒေသခံများက ကချင် လွတ်မြောက်ရေး အဖွဲ့ KIO ကို ကြိုက်နှစ်သက် ကြသော်လည်း ယခု နောက်ပိုင်းတွင် မြန်မာ စစ်ဖက် အစိုးရကို ရင်ဆိုင်ရန် ခိုင်မာသော ဖွဲ့စည်းမှု ချို့တဲ့နေသည်ဟု သိရသည်။

ပြီးခဲ့သော စနေနေ့တွင် မြစ်ဆုံ ရေလှောင်တမံ စီမံကိန်း နယ်မြေကို လှုပ်ခါ သွားစေခဲ့သော အတွဲလိုက် ဗုံးပေါက်ကွဲမှုများက သတိပေး တပ်လှန့်မှု အဆင့်ကို အမြင့်ဆုံးသို့ မြှင့်တင်လိုက်သည်။

တည်ဆောက်ရေးခွင်၏ တောင်ဘက် ၁၀ ကီလိုမီတာ အကွာရှိ လုံကာဇွပ် ကျေးရွာမှ အေရှားဝေါ ကုမ္ပဏီရုံးတွင် ဗုံးများ ပေါက်ကွဲခဲ့သလို အနီးအနား ရွာများတွင် ဗုံးအများစု ပေါက်ကွဲခဲ့ပြီး အတည်မပြုနိုင်သေးသော သတင်းများအရ တရုတ် လူမျိုး ၇ ဦး သေဆုံးခဲ့သည်ဟု ဆိုသည်။

မြစ်ဆုံ ရေလှောင်တမံသည် ပြည်မကြီး၏ အကြီးဆုံး နိုင်ငံပိုင် စွမ်းအင် ကုမ္ပဏီ China Power Investment Corporation ၊ မြန်မာ အေရှားဝေါ ကုမ္ပဏီနှင့် မြန်မာ အစိုးရ ဝန်ကြီးဌာနတို့ ပူးပေါင်း တည်ဆောက်မည့် စီမံကိန်း တစ်ခု ဖြစ်သည်။

အဆိုပါ ရေလှောင်တမံ ပြီးစီးခဲ့ပါက လျှပ်စစ်ဓာတ်အား ၃၆၀၀ မဂ္ဂါဝပ် ထုတ်လုပ်ရန် မျှော်လင့်ထားပြီး တရုတ် ယူနန်ပြည်နယ်သို့ ရောင်းချမည် ဖြစ်သည်။

အဆိုပါ စီမံကိန်း၏ ရေဝပ် ဧရိယာကြောင့် ဒေသခံ ရွာပေါင်း ၆၀ ခန့်မှ လူပေါင်း ၁၅၀၀၀ ခန့်ကို ရေလှောင်တမံ၏ အထက်ဖက်သို့ အတင်းအကျပ် ရွှေ့ပြောင်းခဲ့သည်။

ယင်းစီမံကိန်းသည် Virgin Mary ရုပ်ထုနှင့် ဂူကို ပျက်ဆီးစေသည်ဟု ဒေသခံများက ကန့်ကွက်ခဲ့ကြသည်။ ကချင်ပြည်နယ်တွင် ကြီးမားသော ခရစ်ယာန် အသိုင်းအဝိုင်း ရှိနေပြီး ဒေသခံ အများစုမှာ ဘုရားသခင်ကို လွန်စွာ ယုံကြည် ကိုးကွယ်သူများ ဖြစ်သည်။

ဗုံးပေါက်ကွဲမှုများ အတွက် KIO ကို မြန်မာ စစ်ဖက် အစိုးရက အပြစ်တင်ခဲ့သည်။ ကချင် အဖွဲ့အစည်းကမူ တစ်စုံတစ်ရာ ပတ်သက်မှု မရှိကြောင်း ငြင်းဆိုသည်။ ၎င်းတို့က ဤကိစ္စသည် ရေလှောင်တမံ စီမံကိန်းကို ဆန့်ကျင် ကန့်ကွက်ခြင်း ဖြစ်ကြောင်း လက်ခံ အသိအမှတ် ပြုသော်လည်း အထက်ပါ အကြမ်းဖက်မှု အတွက် အစိုးရတွင်သာ တာဝန်ရှိကြောင်း ပြန်လည် အပြစ်တင်ခဲ့သည်။ တင်းမာမှုများ အလျင်အမြန် ကြီးထွားလာမှု နှင့်အတူ အကြောင်းအရာ တစုံတရာကြောင့် စစ်ပွဲ ဖြစ်ပွားလာတော့မည်ကို ဒေသခံ ပြည်သူတို့က မျှော်လင့်ထားကြသည်။

{Yangon Chronicle 2010:1274} မြန်မာအစိုးရတာဝန်ရှိသူများ နယူးဇီလန်တွင် ပညာသင်

Posted by Transparency Myanmar 2010

comments (0)

n2.news.yahoo.com, 22 April 2010

မြန်မာ စစ်အစိုးရ၏ အစိုးရ တာဝန်ရှိ ပုဂ္ဂိုလ်သုံးဦးသည် အခွန်ထမ်း ပြည်သူများ ကျခံသော ငွေများဖြင့် နယူးဇီလန်နိုင်ငံတွင် အင်္ဂလိပ်ဘာသာ သင်ကြားလျက် ရှိသည်ဟု သိရသည်။

နိုင်ငံခြားရေးဝန်ကြီး Murray McCully က မနေ့က အတည်ပြု ပြောကြားရာတွင် မြန်မာ အစိုးရ အရာရှိ သုံးဦးကို နယူးဇီလန်တွင် ပညာသင်ကြားရန် သဘောတူခဲ့ပြီး ဖြစ်ကြောင်း နောက်ထပ် ထပ်မံ ရောက်ရှိလာရန် ရှိကြောင်းလည်း ပြောခဲ့သည်ဟု Dominion Post က သတင်း ပေးပို့ခဲ့သည်။

အဆိုပါ ကိစ္စအား Otago academic မှ ကန့်ကွက်ခဲ့ရာ အဆိုပါ ပညာသင်လာမည့် ဝန်ထမ်းများသည် နိုင်ငံတကာမှ ရှုတ်ချနေသော စစ်အစိုးရ၏ လူများ ဖြစ်မည် ဖြစ်ကြောင်း ပြောသည်။

"အစိုးရကတော့ သူ့ကို ဆန့်ကျင်တဲ့ သူတွေကိုတော့ လွှတ်မယ် မထင်ပါဘူး" ဟု Otago တက္ကသိုလ်မှ ပါမောက္ခ Kevin Clements က ပြောသည်။

မြန်မာနိုင်ငံသည် စစ်တပ် အစိုးရမှ အုပ်ချုပ်ပြီး အတိုက်အခံများကို နှိပ်ကွပ်နေသော နိုင်ငံ ဖြစ်သည်။

Labour ပါလီမန် အဖွဲ့ဝင် ဖြစ်သူ Burma Cross – Party Parliamentary Group ဥက္ကဌ Maryan Street က ပြောကြားရာတွင် ဤသို့သော အစိုးရမျိုးကို အထောက်အပံ့ပြုမည့် အစီအစဉ်မျိုး မလုပ်သင့်ကြောင်း ပြောသည်။

Ms Street က ပြောကြားရာတွင် ယခုစာလာသင်သော အစိုးရလူများသည် ဤနိုင်ငံရှိ ဒုက္ခသည်များကို လာရောက် ထောက်လှမ်းခြင်း ဖြစ်နိုင်ကြောင်း၊ ထို့နောက် မြန်မာနိုင်ငံရှိ ၎င်းတို့၏ မိသားစုများကို နှိပ်စက်ကောင်း နှိပ်စက်နိုင်ကြောင်း ဆိုသည်။

"အခုကိစ္စဟာ လူသားချင်း စာနာသော ကူညီ ထောက်ပံ့မှုနှင့် မတူပါဘူး။ ကိုယ့်နိုင်ငံကို ပြန်ပြီး တိုးတက်အောင် လုပ်ပေးမယ့် နိုင်ငံသားတွေကို လေ့ကျင့်ပေးတာနဲ့လည်း မတူပါဘူး" ဟု သူမက ပြောသည်။

နိုင်ငံခြားရေး ဝန်ကြီး Mr. McCully သည် ယခင်က မြန်မာ အစိုးရ ခေါင်းဆောင်များကို မြန်မာနိုင်ငံမှ လူသတ်သမားများ (Butchers of Burma) ဟု ပြောခဲ့သူ ဖြစ်ပြီး၊ ၎င်းက အစိုးရ ဝန်ထမ်းများကို အင်္ဂလိပ်ဘာသာ လေ့ကျင့် သင်ကြားရေး အစီအစဉ်ကို ပြန်လည် သုံးသပ်ပြီး ခွင့်ပြုခဲ့ခြင်း ဖြစ်ကြောင်း ပြောခဲ့သည်။

မြန်မာနိုင်ငံ ခေါင်းဆောင်များ အပေါ် ဆက်ဆံရေး ပြောင်းလဲသွားမှုနှင့် ပတ်သက်၍ တရားမျှတမှု ရှိမရှိ မေးမြန်းသောအခါ McCully က နိုင်ငံတကာ အသိုင်းအဝိုင်းနှင့် လိုက်လျောညီထွေ ရှိကြောင်း ပြောသည်။

အမေရိကန်သည်ပင် မြန်မာနိုင်ငံတွင် ဒီမိုကရေစီ ရွေးကောက်ပွဲ အတွက် ပြင်ဆင်နေခြင်းကြောင့် မြန်မာ အစိုးရနှင့် ပိုမို ဆက်ဆံလာရာ ယခုကိစ္စမှာလည်း နိုင်ငံတကာနှင့်အတူ လိုက်ပါဆောင်ရွက်ရခြင်း ဖြစ်ပေသည်။

ယခု အစီအစဉ် အတွက် မြန်မာ အစိုးရသည် ပညာသင် တစ်ဦး အတွက် ခြောက်လကျော် ပညာသင် စရိတ် ဒေါ်လာ ၃၅၀၀၀ ကျသင့်မည် ဖြစ်ကြောင်း Mr McCully က ပြောကြားသည်။

၁၉၉၈ ကတည်းက နယူးဇီလန်သို့ မြန်မာ အစိုးရ တာဝန်ရှိသူ ၃၅ ဦး လာရောက်ခဲ့သည်။

Labour နိုင်ငံခြားရေးရာ ပြောခွင့်ရ ပုဂ္ဂိုလ် Chris Carter က ပြောကြားရာတွင် ပညာသင်လာမည့် မြန်မာ ဝန်ထမ်းများအား ဒီမိုကရေစီသည် မည်သို့ လုပ်သင့်သည် ဆိုသည်ကို ပြသရန် အရေးကြီးသည်ဟု ဆိုသည်။

Greens' နိုင်ငံခြားရေးရာ ပြောခွင့်ရ ပုဂ္ဂိုလ် Keith Locke က ပြောကြားရာတွင် ယခု အစီအစဉ်တွင် ပါဝင်မည့် မြန်မာများသည်၊ တိုင်းသူပြည်သားများ အပေါ် သစ္စာရှိသင့်ကြောင်း ဆိုသည်။

{Yangon Chronicle 2010:1273} ဘန်ကောက် ဗုံးပေါက်ကွဲမှု၊ တစ်ဦး သေ၊ ၇၅ ဦး ဒဏ်ရာရ

Posted by Transparency Myanmar 2010

comments (0)

Latimes.com, By Mark Magnier, 22^nd April 2010

ဘန်ကောက်မြို့လယ် စီးပွားရေး ရပ်ကွက်တွင် ဗုံး ၅ လုံး ပေါက်ကွဲခဲ့ရာ ရဲအရာရှိများက အဆိုပါ ဗုံးသည် အစိုးရ ဆန့်ကျင် ဆန္ဒပြသူများ သိမ်းပိုက်ထားသည့် ပန်းခြံ တစ်ခု အတွင်းမှ စတင် မြစ်ဖျားခံခြင်း ဖြစ်သည်ဟု ပြောကြားနေသော်လည်း 'ရှပ်နီ' များကမူ တာဝန်ရှိသည် ဆိုခြင်းကို ငြင်းပယ်ထားကြောင်း သိရှိရသည်။

လူတစ်ဦး သေဆုံး၍ ၇၅ ဦး ဒဏ်ရာရခဲ့သော ကြာသပတေးနေ့က ဘန်ကောက် စီးပွားရေး ရပ်ကွက် ဗုံးပေါက်ကွဲမှုသည် ရှေ့မတိုး နောက်မဆုတ် နိုင်ငံရေး အကျပ်အတည်း ဖြစ်ပွားနေသော ထိုင်းနိုင်ငံ မြို့တော်တွင် ၂ ပတ် အတွင်း ဒုတိယ အကြိမ် အဖြစ် လူသေဆုံးမှု ဖြစ်ပွားခဲ့ခြင်း ဖြစ်သည်။

လက်ထောက် ဝန်ကြီးချုပ် ဆူသက်သောင်ဆူဘန်က နိုင်ငံတဝှမ်းမှ ရုပ်သံ ပရိသတ်များကို ပြောကြားရာ၌ ဟိုတယ် တစ်ခု အနီးတွင် တစ်လုံး၊ ဆီးလုံလမ်း ဘဏ်တိုက် အနီးတွင် တစ်လုံး ပေါက်ကွဲခဲ့သော M – 79 လက်ပစ်ဗုံးများသည် ဆန္ဒပြသူများ သိမ်းပိုက်ထားသည့် ဘန်ကောက် ပန်းခြံ အတွင်းမှ မြစ်ဖျားခံသည် ဆိုသည်။ သို့ရာတွင် မည်သူတွင် တာဝန်ရှိကြောင်း အတိအကျ မပြောနိုင်သေးဘဲ ရှုပ်ထွေးနေဆဲ ဖြစ်သည်။

"ထိခိုက်ဒဏ်ရာ ရသူတွေကို ကျွန်တော်တို့ အစိုးရက ဝမ်းနည်းစကား ပြောကြားလိုပါတယ်" ဟု ပြောဆိုခဲ့သော 'ဆူသက်' က လုံခြုံရေး အတွက် ပြည်သူများအား ထိုနေရာမှ ထွက်ခွာပေးရန် တောင်းဆိုခဲ့ပြီး "နောက်ထပ် ပဋိပက္ခတွေ ထပ်ဖြစ်လာမှာ စိုးရိမ်လို့ ဒီနေရာမှ လုံခြုံရေး တပ်ဖွဲ့တွေ ပိုပြီး ချသွားမှာပါ" ဟု ပြောကြားခဲ့သည်။

ရှပ်နီများဟု ကျော်ကြားသည့် အစိုးရ ဆန့်ကျင်ရေး ဆန္ဒပြသူများသည် ဘန်ကောက်မြို့လယ် ရပ်ကွက်များကို သိမ်းပိုက်ထားကြပြီး လက်ရှိ ဝန်ကြီးချုပ် အဘီဆစ် ဗဲ့ဂျာဂျီဗားအား ရာထူးမှ နှုတ်ထွက်၊ လွှတ်တော် ဖျက်သိမ်းကာ နိုင်ငံမှ ထွက်ခွာရန် တောင်းဆိုနေကြသည်။

ကျေးလက် နှင့် အခြေခံ လူတန်းစား မြို့နယ်များမှ ရောက်ရှိလာသော ဆန္ဒပြသူများစွာသည် ၂၀၀၆ ခုနှစ် အာဏာသိမ်းမှုကြောင့် ပြည်ပတွင် တိမ်းရှောင်နေသည့် ယခင် ဝန်ကြီးချုပ် သက်ဆင် ရှင်နာဝပ်ထရာကို ထောက်ခံသူများ ဖြစ်သည်။ ၎င်းတို့က အဘီဆစ် အစိုးရသည် ရေပေါ်ဆီများသာ ဖြစ်ပြီး တရားဝင် အစိုးရ မဟုတ်ကြောင်း နှင့် လူထု ဆန္ဒမဲ မပါဘဲ အာဏာရလာသူများသာ ဖြစ်သည်ဟု စွပ်စွဲထားသည်။

၎င်းတို့နှင့် ဆန့်ကျင်ဘက် အုပ်စုမှာ 'ရှပ်ဝါ' များ ဖြစ်ပြီး အဆိုပါ ရှပ်ဝါများသည် ဘုရင့် သစ္စာခံများ၊ ထိုင်းစစ်တပ် နှင့် ဆန္ဒရှိသည့်အတိုင်း အရာရာကို ထိန်းချုပ်လိုသူ နောက်ကွယ်မှ အာဏာရှင် တစ်စုနှင့် မဟာမိတ်ဖွဲ့ထားသည်။

တတိယ အုပ်စုကို ထောက်ခံသူများကမူ ရေရှည်နိုင်ငံရေး ပြဿနာ နှင့် အခြေခံ လူတန်းစား တော်လှန်မှုတို့ အပေါ် စိတ်ပါဝင်စားခြင်း မရှိဘဲ ဈေးဝယ်စင်တင်များ ပိတ်ရခြင်း၊ ခရီးသွားလုပ်ငန်း ထိခိုက် ကျဆင်းနေခြင်းနှင့် နိုင်ငံ၏ ဂုဏ်သိက္ခာ ကျဆင်းမှုတို့အပေါ် စိတ်မသက်မသာ ဖြစ်နေကြသည်။

ဆီးလုံလမ်းမှ ဘဏ်ဝန်ထမ်း တစ်ဦး ဖြစ်သူ အသက် ၃၀ အရွယ် ပရူချာလာဒါ သီနိုဂိုက "ပထမတော့ ကျွန်တော့်မှာ အရောင်အသွေး မရှိပါဘူး၊ အလယ်အလတ် လမ်းစဉ်သမားပေါ့ဗျာ" ဟု ဗုံးမပေါက်ကွဲမီက ပြောကြားခဲ့သည်။ "အခုတော့ သူတို့က စီးပွားရေး ရပ်ကွက်ထဲ ဝင်လာပြီး ဒီနေရာက ဝန်ထမ်းတွေကို အန္တရာယ် ပေးနေပြီ။ အခုဆိုရင် နေ့လယ်စာ ထွက်စားတာ၊ အလုပ်သွားရတာက စိန်ခေါ်မှု တစ်ခုလို ဖြစ်လာပြီ" ဟု ၎င်းက ဆိုသည်။

ကြာသပတေးနေ့ ဗုံးပေါက်ကွဲမှုသည် မိမိတို့တွင် တာဝန်မရှိဟု ရှပ်နီများက ငြင်းဆိုကြောင်း၊ ဆန္ဒပြ ခေါင်းဆောင် နာတာဝပ်ဆိုင်ကူး ပြောကြားသည့် အတိုင်း Channel – 7 ရုပ်သံလိုင်းက ထုတ်လွှင့်သွားသည်။

နိုင်ငံအား နိုင်ငံခြားငွေ အများဆုံး ရှာဖွေ ပေးနေသော ထိုင်းခရီးသွား လုပ်ငန်းသည် ၂၀၀၉ ခုနှစ် ပြည်တွင်း အသားတင် ထုတ်လုပ်မှု GDP ၆.၅ % အထိ စွမ်းဆောင်ခဲ့သည်။ အဆိုပါ ခရီးသွား လုပ်ငန်း စီးပွားရေးသည် ယခုအခါ အကြီးအကျယ် ပျက်စီးတော့မည်ဟု ဘဏ္ဍာရေး ဝန်ကြီး ကွန်ချာတီ ကာဗန်နစ်က လောလောဆယ် ပြောကြားခဲ့သည်။

{Yangon Chronicle 2010:1272} နယ်ခြားစောင့်တပ် ပြောင်းလဲရေး အစီအစဉ် KIO လက်မခံ

Posted by Transparency Myanmar 2010

comments (0)

Mizzima, 22^nd April 2010

ကချင် လွတ်မြောက်ရေး အဖွဲ့ (KIO) သည် အစိုးရက မြန်မာ စစ်တပ် လက်အောက်ခံ နယ်ခြားစောင့်တပ် အဖြစ် ပြောင်းလဲ ဖွဲ့စည်းရန် သတ်မှတ် ပေးထားသော နောက်ဆုံးရက်ကို ကျော်လွန်ခဲ့ပြီး ဖြစ်ရာ KIO က လက်မခံဘဲ ပယ်ချခဲ့သည် ဟု သိရသည်။

မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် စိုးဝင်းနှင့် စစ်ဖက်ရေးရာ လုံခြုံရေး အဖွဲ့မှ ဗိုလ်မှူးကြီး သက်ပုံတို့ အပါအဝင် အစိုးရ စစ်တပ်မှ ကိုယ်စားလှယ် လေးဦးနှင့် KIO မှ ဥက္ကဌ Layauk Zauhara ၊ အထွေထွေ အတွင်းရေးမှူး ဒေါက်တာ လဂျာနှင့် ဒုဦးစီးချုပ် ဗိုလ်မှူးကြီး ဂမ်မော်တို့သည် မြောက်ပိုင်းတိုင်း စစ်ဌာနချုပ်တွင် တစ်နာရီခွဲကြာ ကြာသပတေးနေ့ နံနက်က တွေ့ဆုံခဲ့သည်။ အဆိုပါ အစည်းအဝေးတွင် KIO သည် အစိုးရ၏ အစီအစဉ်ကို လက်မခံကြောင်း ပြောကြားခဲ့သည်။

"ကျွန်တော်တို့က သူတို့ကို လက်မခံကြောင်း ပြောခဲ့ပါတယ်။ ကချင် လူထုကရော KIO အောက်ဆုံးက အဖွဲ့ဝင်များကပါ အစိုးရရဲ့ နယ်ခြားစောင့်တပ် အစီအစဉ်ကို လက်မခံဘူးလို့ ပြောခဲ့ပါတယ်" ဟု အစည်းအဝေးတွင် ပါဝင်သော ကိုယ်စားလှယ် တစ်ဦးက မဇ္ဈိမသို့ ပြောကြားခဲ့သည်။

KIO က ထပ်တလဲလဲ ပြောခဲ့သည်မှာ ၎င်းတို့ ကချင်တပ်ရင်း အနေဖြင့် ဖက်ဒရယ် စစ်တပ် အဖြစ်သာ ပူးပေါင်းမည့် အစီအစဉ်ကိုသာ ခိုင်ခိုင်မာမာ ရပ်တည်မည် ဖြစ်ကြောင်း ပြောခဲ့ခြင်း ဖြစ်သည်။

ဗိုလ်ချုပ် စိုးဝင်းက KIO ၏ ပြန်ကြားချက်ကို နေပြည်တော်သို့ တင်ပြပေးမည် ဖြစ်ကြောင်း ပြောခဲ့သည်ဟု အဆိုပါ ကိုယ်စားလှယ်က ပြောသည်။

KIO တွဲဖက် အထွေထွေ အတွင်းရေးမှူး ဗိုလ်မှူးကြီး Sin Wah က ပြောကြားရာတွင် ၎င်းတို့ အဖွဲ့အနေဖြင့် ငြိမ်းငြိမ်းချမ်းချမ်းသာ အဖြေရှာလိုကြောင်း ပြောကြားခဲ့သည်။

"အစိုးရက ကျွန်တော်တို့ကို တိုက်ခိုက်လာမှာကတော့ သူတို့သဘောပါပဲ။ ဘာမှ မပြောလိုပါဘူး။ ကျွန်တော်တို့ကတော့ ပဋိပက္ခကို ငြိမ်းချမ်းစွာ ဖြေရှင်းလိုတာပါပဲ" ဟု ၎င်းက မဇ္ဈိမသို့ ပြောသည်။

KIO သည် အင်အား ၂၀၀၀၀ ခန့် ရှိပြီး ပုံမှန် စစ်သား ၈၀၀၀ ခန့် ရှိသည်။ KIO က နေပြည်တော်သို့ စစ်ရေး အသုံးမပြုရန် သတိပေးထားသည်။

အစိုးရသည် လက်နက်ကိုင် တိုင်းရင်းသား အဖွဲ့များသို့ ပြီးခဲ့သည့်နှစ် ဧပြီလ ၂၈ ရက်မှစ၍ နယ်ခြားစောင့်တပ် အသွင်ပြောင်းရန် ရာဇသံ ၃ ခု ပေးခဲ့သည်။

တစ်ချိန်တည်းမှာပင် ဝ သွေးစည်း ညီညွတ်ရေး တပ်မတော် (UWSA) ကလည်း KIO နှင့်အတူ အစိုးရ၏ ရာဇသံကို ပယ်ချခဲ့သည်။

"ဒီနေ့က အစိုးရကို အကြောင်းပြန်ရမှာ နောက်ဆုံးနေ့လေ။ ဒါပေမယ့် သူတို့ လိုချင်တာနဲ့ ကျွန်တော်တို့ ဖြစ်ချင်တာက တခြားစီ ဖြစ်နေတယ်။ ကျွန်တော်တို့ အချက် ကိုးချက် အဆိုပြု တင်ပြတာကို သူတို့က ရှစ်ချက် ပယ်ချတယ်။ သူတို့က ကျွန်တော်တို့ရဲ့ အချုပ်အချာ နယ်မြေ ပိုင်ဆိုင်ခွင့်ကို လက်မခံတော့ ကျွန်တော်တို့ ဘာမှ ဆက်ပြောစရာ မလိုတော့ပါဘူး" ဟု UWSA အရာရှိ တစ်ဦးက မဇ္ဈိမသို့ ပြောကြားခဲ့သည်။

{Yangon Chronicle 2010:1271} ရောဂါများကို ဖိတ်ခေါ်နေသည့် ဧရာဝတီတိုင်း သောက်ရေ ပြတ်လပ်မှု

Posted by Transparency Myanmar 2010

comments (0)

DVB, By Aye Nai, 22^nd April 2010

မြန်မာနိုင်ငံ တောင်ပိုင်းဒေသများတွင် ဆိုးဝါးသော သောက်သုံးရေသန့် ပြတ်လပ်မှုကြောင့် ကူးစက်ရောဂါများ ပြန့်ပွားလာမည်ကို စိုးရိမ်ရကြောင်း ဒေသခံများက ပြောကြားကြသည်။

ပြဿနာ၏ ပင်မမှာ ၂၀၀၈ ခုနှစ်က တိုက်ခတ်ခဲ့သော နာဂစ်မုန်တိုင်း ဖြစ်ပြီး မုန်တိုင်းကြောင့် ကျဉ်းမြောင်းသော ကုန်းမြေ ဧရိယာများ ပျက်စီးခဲ့ပြီး၊ သောက်ရေ ရရှိနိုင်သော ရေကန်များ ညစ်ညမ်းသွားသော ပြဿနာမှာ ယခု နှစ်နှစ်တိုင်သည့်တိုင် ရှိနေဆဲ ဖြစ်သည်။

"ကျွန်တော်တို့ သောက်ရေ အတွက် အသုံးပြုနေတဲ့ မြို့ထဲက ရေကန်မှာ ရေက မကောင်းတော့ဘူး" ဟု ဧရာဝတီတိုင်း ဘိုကလေးမြို့ခံ တစ်ဦးက ပြောသည်။ "မကြာသေးမီ နှစ်တွေက ရေကန်ကို ပြန်လည် ပြုပြင်ရေး လုပ်ပြီးတော့၊ ရေက အနီရောင် တောက်တောက်ကို ပြောင်းသွားတယ်။ အဲဒီရေက သောက်ဖို့ မကောင်းဘူးဗျ" ဟု ၎င်းက ပြောသည်။

"အခု နွေရာသီ ရောက်လာတော့ အခြေအနေကို ပိုဆိုးလာတယ်။ ရေကန်တွေက ခန်းကုန်ပြီ။ မြစ်ထဲက ရေတွေနဲ့ ကန်ထဲကို ဖြည့်ပြီး သောက်ရေ ရဖို့ ကျွန်တော်တို့ လုပ်ရမယ်" ဟု ၎င်းက ဖြည့်စွက် ပြောသည်။

နောက်ဆုံးတွင် လူများသည် ရေတစ်စည်လျှင် ၁၀၀၀ ကျပ် (တစ်ဒေါ်လာ) နှင့် မဝယ်မဖြစ် ဝယ်သုံးနေကြရသည် ဖြစ်ရာ အဆိုပါ ဆင်းရဲသော ဒေသမှ လူများအဖို့ ဈေးနှုန်းအရ ဖိစီးမှုများ ဖြစ်လာရသည်။ ဒေသခံ တစ်ဦးက ပြောကြားရာတွင် အကူအညီပေးရေး အေဂျင်စီတွေက ပေးထားတဲ့ ရေသန့် ဆေးပြားတွေကလည်း ပြတ်လပ်ကုန်ပြီ ဖြစ်ကြောင်း ပြောပြသည်။

"ကျွန်တော် မနေ့က ဆေးရုံ ရောက်ခဲ့တယ်။ အချို့ ဗိုက်နာပြီး ဝမ်းရောဂါ ဖြစ်နေတာ တွေ့ခဲ့ရတယ်။ ဒါပေမယ့် လူတော့ သိပ်မများသေးပါဘူး။ အသေအပျောက်လဲ မရှိသေးဘူး" ဟု ၎င်းက ပြောသည်။

လပွတ္တာမြို့ အနီးတွင် နေထိုင်သူ တစ်ဦးက ပြောကြားရာတွင် ရေပြတ်လပ်မှုသည် မြို့ပေါ်သို့ မထိခိုက်သေးကြောင်း၊ လပွတ္တာ အနီးတွင် ရှိသော ရွာများတွင် မြစ်ထဲသို့ ပင်လယ်ရေများ ဝင်ရောက်လာမှုကြောင့် ထိခိုက်မှုများ ရှိကြောင်း ပြောသည်။

အခြား ဧရာဝတီသား တစ်ဦးက ပြောကြားရာတွင်မူ ယခုလို ရာသီမျိုးတွင် ရေပြတ်လတ်မှုသည် ဖြစ်လေ့ဖြစ်ထ ရှိကြောင်း၊ ထို့ကြောင့် အသည်းရောဂါ အဖြစ်များပြီး၊ ရောဂါ ဖြစ်သော ဦးရေများလာသည်ဟု ဆိုသည်။

ဝါးခယ်မ ဆေးရုံရှိ မြို့နယ် အဆင့် ကျန်းမာရေး အရာရှိ တစ်ဦးက ပြောကြားရာတွင် နွေရာသီ ရေပြတ်သည်မှာ ဖြစ်လေ့ရှိကြောင်း ရေပြတ်သော ဒေသမှ လူများကို ပညာပေး အလုပ်ရုံ ဆွေးနွေးပွဲများ လုပ်ရန် တိုက်တွန်းထားကြောင်း ဆိုသည်။

"ကျွန်တော်တို့က ရေသန့်ကို သုံးဖို့၊ ရေကို ကျိုချက်သောက်ဖို့နဲ့ ရေကန်တွေမှာ ကလိုရင်းတွေ ထည့်ဖို့ ပညာပေး နေပါတယ်" ဟု ၎င်းက ပြောသည်။

ပုသိမ်မြို့ရှိ ပြည်တွင်း NGO တစ်ခုက ပြောကြားရာတွင် ရေပြတ်လပ်မှုသည် အရေးကြီးသော ပြဿနာ တစ်ခု အဖြစ် ရောက်မလာသေးကြောင်း၊ သို့သော် ယခင် ပြုလုပ်ပေးနေသော ရေသန့် စီမံချက်များမှာ ကုလသမဂ္ဂ ကလေးများ အေဂျင်စီက ရန်ပုံငွေ ပြန်လည် ရုတ်သိမ်းသွားသည့် နောက်ပိုင်း ရပ်ဆိုင်းသွားကြောင်း စောဒက တက်သည်။

"ကျွန်တော်တို့ နွေရာသီ ရေဖြန့်ဖြူးရေး အစီအစဉ်ကို ရန်ပုံငွေ မရှိလို့ ရပ်လိုက်ရပါတယ်။ မနှစ်က အေဂျင်စီက ရန်ပုံငွေ ချပေးတော့ လုပ်နိုင်ပေမဲ့၊ အခုနှစ် ဘယ်သူမှ ငွေပေးမယ့် လူမရှိတော့ မလုပ်နိုင်တော့ဘူး" ဟု အဆိုပါ NGO က ပြောသည်။

{Yangon Chronicle 2010:1270} ခေါင်းမာသော မြန်မာအစိုးရကို အာဆီယံခေါင်းဆောင်များ ပိုမိုစိတ်ပျက်

Posted by Transparency Myanmar 2010

Thursday, April 22, 2010

comments (0)

လွန်ခဲ့သော ဆယ်စု၏နှစ်အတွင်း ကျင်းပသော အာဆီယံညီလာခံတိုင်းတွင် မြန်မာနိုင်ငံ ကိစ္စကသာ လွှမ်းမိုးခဲ့ပါသည်။ မြန်မာအရေး ဆွေးနွေးမှုများကို ညီလာခံအဝန်းအဝိုင်းနှင့် လျှို့ဝှက်ဆွေး နွေးပွဲများတွင် ပြုလုပ်နေကြသလို ယခုနှစ် ဟနွိုင်းညီလာခံတွင်လည်း ကွဲပြားခြားနားခြင်းမရှိပါ။ တစ်ခု တည်းသော ခြွင်းချက်မှာ ညီလာခံအပြီး ထုတ်ပြန်သော အာဆီယံဥက္ကဌ၏ ကြေညာချက်ဖြစ်ပြီး မြန်မာ နိုင်ငံသည် ဘေးမသီရန်မခပဲ လွှတ်မြောက်လာသည့်ပုံရပါသည်။

သို့သော်လည်း လာမည့်နှစ် အာဆီယံဥက္ကဌ တာဝန်ယူရန် အလှည့်ကျသည့် မြန်မာနိုင်ငံ၏ မျှော်လင့်ချက်များမှာမူ လုံးဝပျက်စီးသွားပြီဖြစ်သည်။

အမှန်စင်စစ်မှာ မြန်မာနိုင်ငံအား အဓိကမဟာမိတ်ဖြစ်သော တရုတ်နိုင်ငံထံမှ ခွာထုတ်ရန် စည်းရုံးရေးမျှော်လင့်ချက်ဖြင့် စစ်ဖက်အစိုးရထံမှ အခွင့်အရေးယူရန်ကြိုးစားနေသော အိမ်ရှင် ဗီယက် နမ်မှ လွဲလျှင် ကျန်အရှေ့တောင်အာရှခေါင်းဆောင်အားလုံးက ကန့်လန့်ကာနောက်ကွယ်တွင် မြန်မာ နိုင်ငံကို တရစပ်ဝေဖန်ဖြစ်တင် ထိုးနှက်ခဲ့ကြခြင်းဖြစ်ပါသည်။ သို့ရာတွင် အစည်းအဝေး၏ အများစုထင် မြင်ချက်မှာ ဒေသတွင်း ထောက်ခံရပ်တည်ပေးနေသော အာဆီယံနိုင်ငံများကို ယုံယုံကြည်ကြည်ဖွင့် ဟရန် ပျက်ကွက်ခြင်းနှင့် ပွင့်လင်းမှုမရှိခြင်းစသော မြန်မာနိုင်ငံ၏ မိုက်မဲမှုများအပေါ် အာဆီယံ နိုင်ငံ များက စိတ်ပျက်ပြီးငြီးငွေ့လာကြခြင်းပင်ဖြစ်သည်။

ထိုင်းနိုင်ငံခြားရေးဝန်ကြီး ကာဆစ်ပီရှိမြမှ သိသိသာသာစိတ်တိုနေပုံရပြီး "ရွေးကောက်ပွဲနဲ့ ပတ်သက်လို့ မြန်မာတွေနဲ့ စကားပြောခဲ့ပါသလား"၎င်းအားမေးသော မေးခွန်းကို စိတ်မရှည်စွာဖြင့် "ကျုပ်သူတို့ကို တစ်ချိန်လုံးပြောနေတာပဲဗျာ"ဟု တိုတိုပြတ်ပြတ်ဖြေကာ လှေကားတစ်လျှောက် လျှင် မြန်မာစွာဆင်း၍ပျောက်ကွယ်သွားပါသည်။

အာဆီယံ အထွေထွေအတွင်းရေးမှူးချုပ် ဆူရင်ပစ်ဆူဝမ်မှာလည်း မြန်မာအာဏာပိုင်များ အပေါ် အလွန်ပင် စိတ်အနှောက်အယှက်ဖြစ်နေပုံရပြီး သတင်းထောက်များမေးသည့် မေးခွန်းကိုပင် စိတ်ပျက် လက်ပျက်ဖြေကြားခဲ့ပါသည်။ "အင်း၊ မြန်မာနိုင်ငံကိစ္စကတော့ဗျာ၊ ကျွန်တော်တို့ စိတ်ရှည်သီးခံဖို့ပဲရှိ ပါတယ်" ဟု ၎င်းကဆိုပါသည်။

အာဆီယံခေါင်းဆောင်များတွင် မြန်မာနိုင်ငံအပေါ် စိတ်ပျက်ငြီးငွေ့ရန် လုံလောက်သော အကြောင်းပြချက်များ ရှိနေကြသည်။ ၎င်းတို့အားလုံးသည် မြန်မာနိုင်ငံ၏ အနာဂတ်နှင့် ပတ်သက်၍ လုံးဝမသိရသည့် အခြေအနေပင်ဖြစ်ပါသည်။ "မြန်မာအာဏာပိုင်တွေ အားလုံးပြောနေတာက ရွေး ကောက်ပွဲကို ဒီနှစ်ကျင်းပမှာပါ။ ရွေးကောက်ပွဲဥပဒေလည်း ထုတ်ပြန်ပြီးပါပြီ၊ နိုင်ငံရေးပါတီတွေလည်း မှတ်ပုံတင်နေကြပါတယ်။ ဒါတွေပါပဲဗျာ"ဟု ဆူရန်ပစ်ဆူဝမ်က စိတ်ပျက်လက်ပျက်ပြောကြားခဲ့သည်။

တစ်နှစ်ကျော်ကာလအတွင်း မြန်မာအစိုးရက အာဆီယံ မဟာမိတ်များအပေါ် များများစားစား အသိပေးမှုမှာ ဤမျှသာဖြစ်သည်။ မြန်မာအစိုးရ၏ ခေါင်းမာမှုကြောင့် အာဆီယံခေါင်းဆောင်များ၏ စိတ်ပျက်လက်ပျက်ဖြစ်မှုများ ကြီးထွားလာခြင်းမှာ မထူးဆန်းလှပါ။ သို့သော်လည်း အာဆီယံသည် ဤ အမှန်တရားအတွင်းမှ လွတ်မြောက်နိုင်မည်မဟုတ်ပါ။ ယခုနှစ်ကုန်ပြုလုပ်မည့် ရွေးကောက်ပွဲများ သည် မြန်မာအစိုးရအတွက် သာမကဘဲ အာဆီယံအဖွဲ့ကြီးတစ်ခုလုံး၏ ဂုဏ်သိက္ခာအတွက်ပါ စမ်းသပ် မှုတစ်ခု ဖြစ်နေပါသည်။ ဤအချက်ကို ထိုင်းနိုင်ငံခြားရေး ဝန်ကြီးကလည်း ဝန်ခံသွားခဲ့ပြီးဖြစ်သည်။

"ကျွန်တော်တို့က အာဆီယံကို ရှေ့တစ်လှမ်းတိုးပြီး တခြားအဖွဲ့အစည်းတွေ၊ နိုင်ငံတွေနဲ့ ညှိနှိုင်းဆက်ဆံဖို့ ကြိုးစားနေတဲ့အချိန်မှာ မြန်မာနိုင်ငံကိစ္စက ပြဿနာပေးနေတုန်းပါပဲ"ဟု ဟနွိုင်း ညီလာခံအဝန်းအဝိုင်းတွင် ကာဆစ်ပီရိုမြက သတင်းထောက်များအား ပြောကြားခဲ့ပါသည်။ ဒီကိစ္စဟာ ကျွန်တော်တို့အတွက် အဓိကအကန့်အသတ်တစ်ခု ဖြစ်နေပါတယ် ဟု ၎င်းက ဆိုပါသည်။

ယခင်မြန်မာနိုင်ငံဆိုင်ရာ အထူးကိုယ်စားလှယ်ကမူ ပို၍ပင်ရှင်းလင်းပြတ်သားပါသည်။ "တကယ်လို့ ဒေါ်အောင်ဆန်းစုကြည်ကို နေရာမပေးပဲ စစ်ဗိုလ်ချုပ်တွေရဲ့ အစီအစဉ်အတိုင်း ရွေး ကောက်ပွဲကို ဆက်လုပ်မယ်ဆိုရင် အာဆီယံအဖွဲ့ကို အရမ်းအနှောက်အယှက်ဖြစ်စေပါလိမ့်မယ်"ဟု Razali Ismali က လတ်တလော ပြောကြားခဲ့ပါသည်။

အာဆီယံခေါင်းဆောင်များနှင့် သံတမန်များသည် အဆိုပါအနေအထားကို ရဲရင့်စွာ ရင်ဆိုင် ဖြေရှင်းရန် ကြိုးစားနေကြဆဲပင်ဖြစ်ပါသည်။ "ကျွန်တော်တို့ တတ်နိုင်သလောက်လုပ်နေပါတယ်။ အင် ဒိုနီးရှားဟာ မြန်မာနိုင်ငံကိစ္စကို အရမ်းအလေးထားပြီး၊ ဆောင်ရွက်နေတဲ့ နိုင်ငံတစ်ခုပါပဲ"ဟု အင်ဒိုနီး ရှား နိုင်ငံခြားရေးဝန်ကြီး မာတီနာတာလီဂါဝပ်က ဟနွိုင်းညီလာခံတွင် ပြောကြားခဲ့သည်။

ဒါပေမဲ့ တိတ်တဆိတ် ဆက်သွယ်ဆောင်ရွက်တာဟာ ပိုကောင်းတယ်လို့ ကျွန်တော်တို့ယူဆ ထားပါတယ်။ တကယ်လို့ ဖိအားဝင်နေတဲ့ပုံရတဲ့ သူတွေ မပါဘူးဆိုရင် ကျွန်တော်တို့အနဲ့ သီးသန့်ထိ ထိရောက်ရောက် ဖိအားပေးဆောင်ရွက်နိုင်မှာပါဟု ၎င်းက ဆက်လက်ပြောဆိုသည်။

ဝန်ကြီးချုပ်ဟောင်း ဗိုလ်ချုပ်ကြီး ခင်ညွှန်လက်ထက်တွင် မြန်မာနိုင်ငံကို အထီးကျန်ဘဝမှ ဆွဲထုတ်၍ နိုင်ငံရေးပြုပြင်ပြောင်းလဲမှုလုပ်စေရန် ထိုင်းနိုင်ငံခြားရေးဝန်ကြီးဟောင်း ဆူရာကမ်သီရာ ထိုင်း ကြိုးစားခဲ့စဉ်က ထိုင်းနိုင်ငံ၏ ပေါ်ပေါ်ထင်ထင် ဝေဖန်ဆက်ဆံရေးကို မြန်မာအစိုးရက ကန့်ကွက်ခဲ့ဖူးပါသည်။ ဝန်ကြီးချုပ်တာဝန် ပူးတွဲယူထားသော စစ်ထောက်လှမ်းရေး အကြီးအကဲကို ၂၀၀၄ အောက်တိုဘာတွင် ဖယ်ရှားခဲ့ပြီးချိန်မှစ၍ု စစ်ဖက်အစိုးရသည် နိုင်ငံရေးကိစ္စကို အာဆီယံ မဟာမိတ်များနှင့်ပင် ပွင့်ပွင့်လင်းလင်း မဆွေးနွေးလိုကြောင်း အထင်အရှားပြသခဲ့ပါသည်။

သို့ရာတွင် အာဆီယံဒေသတွင်း နိုင်ငံအများစု၊ အထူးသဖြင့် အင်ဒိုနီးရှား၊ ဖိလစ်ပိုင်၊ စင်ကာပူ နှင့် ထိုင်းနိုင်ငံတို့က မြန်မာအစိုးရအား ဖိအားပေးရန် ရည်ရွယ်ထားကြပါသည်။ မြန်မာအစိုးရအား လူသိရှင်ကြား အဆက်မပြတ် ကာကွယ်ပေးခဲ့သော ဒေသတွင်းအဖွဲ့ကြီးအား အတုအယောင်ရွေး ကောက်ပွဲဖြင့် အနှောက်အယှက်ပေးရန် အနည်းဆုံး တစ်ဦးချင်းဆွေးနွေးရန် ဆန္ဒရှိနေကြပါသည်။

နိုင်ငံတကာက လက်ခံနိုင်မယ့် ရွေးကောက်ပွဲတွေ ကျင်းပပါမယ်လို့ သူတို့ပေးထားတဲ့ ကတိ ကို စောင့်ထိန်းဖို့ ကျွန်တော်တို့မြန်မာအစိုးရကို ဆက်တိုက်သတိပေးသွားမှာပါဟု မစ္စတာ နာတာလီ ဂါဝမ်ကပြောဆိုခဲ့ပါသည်။

အဓိကဆွေးနွေးပွဲများတွင် အာဆီယံခေါင်းဆောင်များက မြန်မာအစိုးရကို ဒီမိုကရေစီလမ်း ညွှန်မြေပုံအား လိုက်နာထိန်းသိမ်းရန် တိုက်တွန်းခဲ့ကြသည်ဟု ဆူရင်ပစ်ဆူဝမ်က ညီလာခံအပြီးတွင် ပြောကြားခဲ့သည်။ "လာမယ့် ရွေးကောက်ပွဲတွေဟာ စစ်မှန်တဲ့ အမျိုးသား ပြန်လည်ပေါင်းစည်းမှုရရှိမဲ့ နည်းလမ်းကို ဖြည့်ဆည်းပေးလိမ့်မယ်လို့ ကျွန်တော်တို့မျှော်လင့်ပါတယ်။ ပြီးတော့ အကူအညီတွေ အထောက်အပံ့တွေ ပေးဖို့လည်း ကျွန်တော်တို့အဆင်သင့်ပါပဲ"ဟု ၎င်းကပြောဆိုခဲ့ပါသည်။

ရွေးကော်ပွဲကျင်းပရန် တာဆူနေသော ကာလတွင် အာဆီယံကုလသမဂ္ဂတို့နှင့် ညှိနှိုင်းဆွေး နွေးရန် အာဆီယံခေါင်းဆောင်များက မြန်မာနိုင်ငံကို တိုက်တွန်းထားပါသည်။ ရွေးကောက်ပွဲများကို စောင့်ကြည့်စစ်ဆေးမည့်လေ့လာစောင့်ကြည့်သူများ၊ အကဲခတ်များကို ခွင့်ပြုရန် ဖြစ်နိုင်ချေမှာလည်း ခက်ခဲသော ပြဿနာတစ်ရပ်ဖြစ်နေပြီး အဆိုပါအကြံဥာဏ်ကို မြန်မာအစိုးရက ယခတိုင်ရှောင်ရှား နေဆဲဖြစ်သည်။

မြန်မာနိုင်ငံ၏ရွေးကောက်ပွဲများသည် ဒေသတွင်းအဖွဲ့အစည်း အာဆီယံ၏ ဂုဏ်သိက္ခာ အတွက် စမ်းသပ်မှုတစ်ခုဖြစ်လာမည်ကို အာဆီယံခေါင်းဆောင်များက နားလည်ထားသလို ၎င်းတို့ အနေဖြင့် မြန်မာအစိုးရအပေါ် အနည်းဆိုရုံမျှသာ လွှမ်းမိုးနိုင်မည်ကိုလည်း ကောင်းစွာသဘောပေါက် ထားကြပါသည်။ "လာမယ့်လတွေကတော့ မြန်မာနိုင်ငံအတွက် အရေးကြီးတဲ့ ကာလတွေဖြစ်လာပါ လိမ့်မယ်။ ဒါပေမဲ့ နောက်ဆုံး ဘာဖြစ်မလဲဆိုတာကို မြန်မာပြည်သူတွေဆုံးဖြတ်ရမှာပါ။ ကျွန်တော်တို့ က အပြင်လူပါ။ အမြန်ဆုံးတိုးတက်ပြောင်းလဲအောင် လုပ်နိုင်ကြမယ်လို့တော့ မျှော်လင့်ပါတယ်။ ကျွန်တော်တို့ဟာ မြန်မာနိုင်ငံကို အရေးယူနိုင်တဲ့ အနေအထားမှာမရှိပါဘူး။ တရုတ်နဲ့ အိန္ဒိယက မြန်မာ ကို ဆက်ပြီး ညှိနှိုင်းဆွေးနွေးမယ်ဆိုရင် ကျွန်တော်တို့လည်း ဆွေးနွေးရုံပဲပေါ့"ဟု စင်ကာပူ နိုင်ငံခြား ရေးဝန်ကြီး George Yeo က ညီလာခံတွင် သတင်းထောက်များကို ပြောကြားခဲ့သည်။

ယခုနှစ်ရွေးကောက်ပွဲများအပြီး ပေါ်ပေါက်လာမည့် အရပ်ဖက်အစိုးရသစ်ကို စတင်မိတ်ဆက် ရာတွင် အထောက်အကူရရန်အတွက် လာမည့်နှစ်တွင် အာဆီယံအလှည့်ကျဥက္ကဌတာဝန်ယူခွင့်ရရန် မြန်မာအစိုးရ၏ အပြင်းအထန်တောင်းဆိုမှုကို မထိုက်တန်ဟုဆုံးဖြတ်ခဲ့သည့် ညီလာခံအတွင်း အာဆီ ယံအဖွဲ့က မြန်မာအစိုးရခေါင်းဆောင် ဗိုလ်ချုပ်မှူးကြီးသန်းရွှေ့ထံ တင်းမာသော အသိပေးလွှာကို ပေးပို့ခဲ့ပါသည်။ လွန်ခဲ့သော ၄ နှစ်၊ ပြင်းထန်သော နိုင်ငံတကာဖိအားများ ကျရောက်နေချိန်က အလှည့်ကျသည့် အဆိုပါဥက္ကဌတာဝန်ကို မြန်မာနိုင်ငံကငြင်းပယ်ခဲ့ပါသည်။

ဤအစား အင်ဒိုနီးရှား၊ ကမ္ဘောဒီးယားနှင့် ဘရူနိုင်းတို့ကို လာမည့် ၃ နှစ် တာဝန်ယူမည့် နိုင်ငံများအဖြစ် အတည်ပြုခဲ့ကြပါသည်။ ထိုနောက်မှသာ မြန်မာနိုင်ငံကို စဉ်းစားမည်ဟု အမည်မဖော် လိုသူ ဝါရင့်အာဆီယံသံတမန်တစ်ဦးက ပြောကြားပါသည်။ "ကျွန်တော်တို့ရဲ့ စိတ်အနှောက်အယှက် ဖြစ်မှုကို ပြသနိုင်တာ ဒီတစ်နည်းပဲရှီပါတယ်။ နောက်ပြီးတော့ ၂၀၀၄ မှာအာဆီယံဥက္ကဌ နေရာကို သူတို့အလိုအလျှောက်ရဖို့ သေချာတယ်လို့လည်း မပြောနိုင်သေးပါဘူး"ဟု ၎င်းကပြောကြားပါသည်။

သို့ဖြစ်၍ မြန်မာအစိုးရ၏ ပွင့်လင်းမှုမရှိခြင်း၊ ပူးပေါင်းဆောင်ရွက်လိုသည့် ဆန္ဒမရှိခြင်းတို့ အပေါ် အာဆီယံခေါင်းဆောင်များက စိတ်ပျက်လက်ပျက်ဖြစ်နေသည့် လက္ခဏာများ ပြသခဲ့ကြသော် လည်း နောက်ဆုံးတွင်မူ မည်သည့်ကိစ္စပင်ဖြစ်လာပါစေ။ ရွေးကောက်ပွဲကို ထောက်ခံရန် ဖိအားဝင် လာမည်သာဖြစ်သည်။ "တကယ်လို့ ရွေးကောက်ပွဲက စက်ဆုပ်ရွံရှာဖွယ်မဟုတ်ဘူးဆိုရင် အာဆီယံ အတွက်တော့ လက်ခံနိုင်ပါလိမ့်မယ်"ဟု ဒေါက်တာဆူရင်ပစ်ဆူဝမ်ကပြောကြားခဲ့ပါသည်။

Transparency Myanmar