Posts
မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်သည် သူမ၏ အမျိုးသား ဒီမိုကရေစီ အဖွဲ့ချုပ်အတွင်း ရာထူး အဆင့်အတန်းများ ပြောင်းလဲ လှန်လှောရမည့် အရေးပေါ် စိန်ခေါ်မှု တစ်ရပ်နှင့် ရင်ဆိုင်နေရကြောင်း လေ့လာ သုံးသပ်သူများက ပြောကြားသည်။
မကြာသေးမီက ဒေါ်အောင်ဆန်းစုကြည်နှင့် သူမ၏ ပါတီမှ သက်ကြီးပိုင်း ခေါင်းဆောင်များ တွေ့ဆုံ ဆွေးနွေးမှု တစ်ရပ် ပြုလုပ်ပြီးနောက် နိုင်ငံရေး ကျွမ်းကျင်သူများက ယင်းသို့ သုံးသပ် လာကြခြင်း ဖြစ်သည်။
လာမည့် ၂၀၁၀ ပြည့်နှစ်တွင် ဒီမိုကရေစီ ရွေးကောက်ပွဲ ကျင်းပမည် ဖြစ်သော်လည်း အမျိုးသား ဒီမိုကရေစီ အဖွဲ့ချုပ်၏ အဓိက ပုဂ္ဂိုလ်မှာ ယနေ့အချိန်အထိ ဖမ်းဆီး ထိန်းသိမ်းခံထားရဆဲ ဖြစ်ကြောင်း၊ သို့အတွက်ကြောင့် NLD အနေဖြင့် ပါတီတွင်း အတွေးအမြင် မတူညီသည့် ကိစ္စရပ်များကို ဖြေရှင်းရန် လိုအပ်နေပြီ ဖြစ်ကြောင်း ကျွမ်းကျင်သူများက ဆိုသည်။
မြန်မာပြည်ကို ၁၉၆၂ ခုနှစ် ကတည်းက အုပ်ချုပ်ခဲ့သော တပ်မတော် အစိုးရသည် ပြီးခဲ့သည့် ဒီဇင်ဘာလ ၁၆ ရက်နေ့တွင် ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား NLD ပါတီမှ သက်ကြီးပိုင်း ခေါင်းဆောင် သုံးဦးကို သွားရောက် ဂါရဝပြု တွေ့ဆုံခွင့် ပြုခဲ့သည်။ ယင်းသို့ တွေ့ဆုံစဉ် ဒေါ်အောင်ဆန်းစုကြည်က ပါတီတွင်း အပြောင်းအလဲများ ပြုလုပ်ရန် ၎င်းတို့ သုံးဦးကို တောင်းဆိုခဲ့သည်။
NLD ပါတီ ဥက္ကဋ္ဌ ဦးအောင်ရွှေ (၉၂ နှစ်)၊ အတွင်းရေးမှူး ဦးလွင်(၈၅ နှစ်) နှင့် ဗဟို အလုပ်အမှုဆောင် ကော်မတီ (CEC) အဖွဲ့ဝင် ဦးလွန်းတင် (၈၉ နှစ်) တို့ သုံးဦးက မည်သို့မျှ မမျှော်လင့်ထားသော ဒေါ်အောင်ဆန်းစုကြည်၏ ပြုပြင် ပြောင်းလဲရေး အဆိုပြုချက်ကို အတည်ပြုလိုက်ကြကြောင်း သိရသည်။
အဖွဲ့ဝင် စုစုပေါင်း ၁၁ ဦး ပါဝင်သော ကော်မတီတွင် ဒေါ်အောင်ဆန်းစုကြည်သည် အသက် ၆၄ နှစ် ဖြစ်ပြီး အသက် အငယ်ဆုံး ဖြစ်သည်။ အခြားသော အဖွဲ့ဝင် ကိုးဦးမှာ အသက် ၈၀ နှင့် ၉၀ ဝန်းကျင်များ ဖြစ်ကြကာ ၎င်းတို့သည် ကျန်းမာရေး အခြေအနေ လွန်စွာ ကောင်းမွန် သူများလည်း မဟုတ်ဟု ဆိုသည်။
NLD သက်ကြီးပိုင်း ခေါင်းဆောင်များသည် ပါတီတွင်း အသက် ငယ်ရွယ်သူ မျိုးဆက်သစ်များ အနေဖြင့် လာမည့်နှစ် ရွေးကောက်ပွဲ ဝင်ရောက် ယှဉ်ပြိုင်မည့် ကိစ္စ အပါအဝင် ပါတီ၏ ပေါ်လစီ ရေးရာများတွင် ပါဝင် ပတ်သက်လာမည်ကို သဘောမတူခဲ့ကြပေ။ မျိုးဆက်သစ် အတော်များများက ပို၍ လက်တွေ့ကျသော ချဉ်းကပ်မှုကို လိုလားကြသည်။
"ဒါဟာ NLD ပါတီအတွက် အကွဲအပြဲ ဖြစ်စေမယ့် အချက်ပါပဲ" ဟု ထိုင်းနိုင်ငံ၊ ဘန်ကောက် အခြေစိုက် အမည်မဖော်လိုသူ သံတမန်တစ်ဦးက ပြောသည်။
"NLD ရဲ့ ဗဟိုကော်မတီမှာ သဘောထား တင်းမာတဲ့သူတွေ ရှိနေတယ်ဆိုတာ သိသာပါတယ်။ သူတို့က အနာဂတ်ကို ကြည့်မယ့်အစား အတိတ်ကိုပဲ ပိုပြီး ဦးစားပေးကြည့် နေကြတယ်" ။
AFP သတင်းဌာန၏ Party needs new blood ကို ဘာသာပြန်ဆိုပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.