Posts
Xinhua, 20th Dec 2009
တရုတ် ဒုတိယ သမ္မတ ဇီဂျင်ပင်းသည် တနင်္ဂနွေနေ့က နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဒုတိယ ဥက္ကဋ္ဌ ဒုတိယ ဗိုလ်ချုပ်မှူးကြီး မောင်အေးနှင့် တွေ့ဆုံရာတွင် မြန်မာနိုင်ငံနှင့် ဆက်ဆံရေးကို မြှင့်တင်ရန်အတွက် အဆိုပြုချက် ၄ ခုကို တင်ပြ ဆွေးနွေးသွားပါသည်။
အဆိုပြုချက်တွင် ပါဝင်သည့် အချက်များမှာ အဆင့်မြင့် အရာရှိများ အဆက်မပြတ် ထိတွေ့ ဆက်ဆံရေး၊ ပိုမို နက်ရှိုင်းသည့် အပြန်အလှန် ပူးပေါင်း ဆောင်ရွက်မှုများ ပြုလုပ်ရေး၊ နယ်စပ်ဒေသများ၏ အေးချမ်းမှုနှင့် ဖွံ့ဖြိုးမှုကို ထိန်းသိမ်းရေး၊ နိုင်ငံတကာနှင့် ဒေသတွင်း ရေးရာများတွင် ပိုမို အားကောင်းစွာ ညှိနှိုင်း ဆောင်ရွက်ရေးတို့ ဖြစ်ပါသည်။
အိမ်နီးချင်းကောင်းများ ဖြစ်ကြသော တရုတ်နှင့် မြန်မာတို့သည် ငြိမ်းချမ်းစွာ ယှဉ်တွဲ နေထိုင်ရေး ဆိုင်ရာ မူဝါဒ ၅ ချက်ကို သဘောတူ ထောက်ခံခဲ့ကြသည်ဟု "ဇီ"က ပြောဆိုပါသည်။
လတ်တလော နှစ်များတွင် နှစ်နိုင်ငံအကြား ကဏ္ဍပေါင်းစုံ၌ ရင်းနှီးသော ဖလှယ်မှုများ၊ ပူးပေါင်း ဆောင်ရွက်မှုများကို တွေ့မြင်ရမည် ဖြစ်ပြီး နှစ်နိုင်ငံ ပြည်သူများအတွက် သိသာ ထင်ရှားသော အကျိုး အမြတ်များ ဆောင်ကြဉ်း ပေးနိုင်ခဲ့သည်ဟု "ဇီ"က ဆိုပါသည်။
တရုတ်နိုင်ငံ၏ အဓိက အကျိုးစီးပွားများ ဖြစ်သည့် ထိုင်ဝမ်၊ တိဘက်တို့နှင့် ပတ်သက်သည့် အရေးကိစ္စများတွင် မြန်မာနိုင်ငံ၏ ထောက်ခံ အားပေးမှုကို အသိအမှတ် ပြုပါကြောင်း "ဇီ"က အလေးအနက် ပြောကြားပါသည်။
မြန်မာနိုင်ငံနှင့် တန်ဖိုးရှိသော ဆက်ဆံရေးကို အမြဲတမ်း ထူထောင်ထားသည့် အကြောင်းကို အလေးပေးသည့် အနေဖြင့် "ဇီ"က ပြောကြားရာတွင် တရုတ်မြန်မာ ဆက်ဆံရေး နှစ် ၆၀ ပြည့်သည့် အထိမ်းအမှတ်အဖြစ် ၂၀၁၀ တွင် နှစ်နိုင်ငံ ဆက်ဆံရေးကို ချဲ့ထွင်ရန် မြန်မာနှင့် အတူ ဆောင်ရွက်လိုကြောင်းနှင့် မြန်မာနိုင်ငံသို့ ပေးအပ်မည့် အကူအညီများကိုလည်း ဆက်လက် ထောက်ပံ့သွားမည်ဟု ဆိုပါသည်။
ဒီမိုကရေစီစနစ်နှင့် အမျိုးသား ပြန်လည် ပေါင်းစည်းရေးကို ရှေ့ရှု၍ မြန်မာနိုင်ငံ ချီတက်နေခြင်းကို တွေ့မြင်ရ၍ တရုတ်က ဝမ်းမြောက်ကြောင်းနှင့် မြန်မာအစိုးရသည် ၎င်း၏ နိုင်ငံရေး ရည်မှန်းချက်ကို ကောင်းစွာ သဘောပေါက် နားလည်၍ နိုင်ငံတော် တည်ငြိမ်ရေးနှင့် ဖွံ့ဖြိုးရေးကို တောင်ရွက်နိုင်လိမ့်မည် ဟု ယုံကြည် စိတ်ချကြောင်း "ဇီ"က ဆက်လက် ပြောကြားပါသည်။
ဒုတိယ ဗိုလ်ချုပ်မှူးကြီး မောင်အေးကလည်း "တရုတ် ပြည်သူ့ သမ္မတနိုင်ငံ စတင် ထူထောင်သည့် ၁၉၄၉ ကတည်းက ပထမဆုံး အသိအမှတ် ပြုခဲ့ကြသော နိုင်ငံများတွင် မြန်မာနိုင်ငံ ပါဝင်ခဲ့ကြောင်း နှစ်ဖက်စလုံးတွင် အပြန်အလှန် ကူညီအားပေးမှု၊ လေးစားမှုများ အမြဲ ရှိခဲ့ကြောင်း ပြောကြားခဲ့ပြီး မြန်မာနိုင်ငံအား ရေရှည် ကူညီ ထောက်ပံ့ခဲ့ခြင်းအတွက် ကျေးဇူးတင်ကြောင်း အလေးအနက် ပြောကြားခဲ့ပါသည်။
တရုတ်မြန်မာ ဆက်ဆံရေးနှစ် ၆၀ ပြည့်သည့် အထိမ်းအမှတ်အဖြစ် အဆင့်မြင့် အရာရှိများ အပြန်အလှန် ဆက်ဆံရေးနှင့် ပိုမို ထိရောက်သော ပူးပေါင်း ဆောင်ရွက်မှုများကို ရှေ့ဆက်၍ လုပ်ဆောင်သွားရန် မြန်မာက မျှော်လင့်ပါကြောင်း ၎င်းက ပြောကြားပါသည်။
တွေ့ဆုံ ဆွေးနွေးမှု အပြီးတွင် ခေါင်းဆောင်နှစ်ဦးသည် ကုန်သွယ်ရေး၊ ဘဏ္ဍာရေးနှင့် လျှပ်စစ်ဓာတ်အား ဆိုင်ရာ ပူးပေါင်း ဆောင်ရွက်ရေး သဘောတူညီချက်များ လက်မှတ် ရေးထိုးခြင်း အခမ်းအနားသို့ တက်ရောက်ခဲ့ကြပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.