Posts
ရန်ကုန်မြို့ရှိ စီးပွားရေးလုပ်ငန်းများနှင့် တရုတ်သံတမန်များနှင့် နီးစပ်သော သတင်းရင်းမြစ်များ၏ အဆိုအရ တရုတ်ဘဏ်ကြီးနှစ်ခုသည် မြန်မာနိုင်ငံတွင်း ဘဏ်စီးပွားရေး လုပ်ငန်းများ ဖွင့်လှစ်နိုင်ရန် အရှိန်ယူ ပြင်ဆင်လျက်ရှိကြောင်း သိရသည်။
"တရုတ်ဖွံ့ဖြိုးရေးဘဏ် (China Development Bank) နဲ့ ချိုင်းနားဘဏ်(Bank of China) က မြန်မာပြည်မှာ လာပြီး စီးပွားရေးလုပ်ငန်းတွေ လုပ်ဖို့ စိတ်ထားထက်သန် နေကြတယ်။ ဘဏ်ကြီး နှစ်ခုစလုံးဟာ ငွေအရင်းအနှီးများတဲ့ ဘဏ်ကြီးတွေပါ"ဟု အဆိုပါ သတင်းရင်းမြစ်များက ပြောသည်။
မြန်မာနိုင်ငံတွင်း တရုတ်စီးပွားရေးလုပ်ငန်းများ များပြားလာခြင်းကြောင့် ယခုကဲ့သို့ ဘဏ် လုပ်ငန်းဝန်ဆောင်မှုများလုပ်ကိုင်နိုင်ရန် တွန်းအားပေးမှုများမြင့်တက်လာခြင်းဖြစ် သည် ဟု ဆိုသည်။ ထို့အတူ တရုတ်-မြန်မာ စီးပွားရေးပူးပေါင်းဆောင်ရွက်မှုလည်း ပိုမိုမြင့်မား လာမည်ဖြစ်သည်။
ယခု နှစ်လယ်ခန့်တွင် တရုတ်ဖွံ့ဖြိုးရေးဘဏ် ဥက္ကဋ္ဌ Jiang Chaoliang မြန်မာနိုင်ငံသို့ လာရောက် လည်ပတ်ပြီး ဘဏ်လုပ်ငန်း လုပ်ကိုင်နိုင်ရေးအတွက် စီးပွားရေး အခွင့်အလမ်းများကို ရှာဖွေခဲ့သည်။ မစ္စတာ Jiang Chaoliang သည် ခရီးစဉ်အတွင်း မြန်မာအစိုးရ ဘဏ္ဍာရေးနှင့် အခွန်ဝန်ကြီးဌာနမှ အရာရှိကြီးများနှင့်လည်း တွေ့ဆုံ ဆွေးနွေးခဲ့သည်။
အလားတူပင် ချိုင်းနားဘဏ်မှ အရာရှိကြီးများသည် ၂၀၀၇ ခုနှစ်က မြန်မာနိုင်ငံသို့ လာရောက် လည်ပတ်ခဲ့ပြီး နှစ်နိုင်ငံ ဘဏ်လုပ်ငန်း ပူးပေါင်းလုပ်ကိုင်ရန် ဆွေးနွေး တိုင်ပင်ခဲ့ကြသည်။
မည်သို့ပင် ဆိုစေကာမူ မြန်မာနိုင်ငံတွင်း ပြည်ပဘဏ်ခွဲများ လာရောက်ဖွင့်လှစ်ရေးမှာ လာမည့် နှစ်များအတွင်း ဖြစ်နိုင်ချေ မရှိသေးကြောင်း ပြည်တွင်းဘဏ်လုပ်ငန်း ကျွမ်းကျင်သူတစ်ဦးက သုံးသပ် ပြောကြားသည်။
"မဖြစ်နိုင်သေးဘူး ဆိုတဲ့အချက်က ဘာ့ကြောင့်လဲဆိုရင် မြန်မာစစ်အစိုးရမှာ ပြည်ပဘဏ်တွေနဲ့ ပတ်သက်တဲ့ ဥပဒေ၊ စည်းမျဉ်းစည်းကမ်းတွေ မရှိသေးလို့ပါပဲ" ဟု ၎င်းက ပြောသည်။ သို့သော် ကိုယ်စားလှယ်ရုံးများ ဖွင့်လှစ်မည့် ကိစ္စမှာ ပို၍ ဖြစ်နိုင်ချေ ရှိကြောင်း ၎င်းက ဖြည့်စွက် ပြောဆိုသည်။
မည်သို့ဆိုစေ မြန်မာပြည်သို့ နိုင်ငံခြားဘဏ်များ ဝင်ရောက် လည်ပတ် လုပ်ကိုင်မည် ဟူသော ကိစ္စကို ကြိုဆိုရမည် ဖြစ်ကြောင်း၊ သို့မှသာ နိုင်ငံစီးပွားရေးကို ပိုမို မြှင့်တင်နိုင်မည် ဖြစ်ကြောင်း ၎င်းက ဆိုသည်။
တရုတ်-မြန်မာ အပြန်အလှန် ကုန်သွယ်မှု တန်ဖိုးမှာ ၂၀၀၈ ခုနှစ်တွင် အမေရိကန် ဒေါ်လာ ၂ ဒဿမ ၆၂၆ ဘီလီယံထိ ရှိခဲ့သည်။ မှတ်တမ်းများအရ ၁၉၉၄ ခုနှစ်က မြန်မာနိုင်ငံတွင် ဗြိတိန်၊ စင်ကာပူ၊ မလေးရှား၊ ဂျပန်နှင့် အခြားသော နိုင်ငံများမှ ဘဏ်များ၏ ကိုယ်စားလှယ် ရုံးများ စုစုပေါင်း ၅၀ ခန့် ရှိခဲ့သည်။
Mizzima သတင်းဌာန၏ Chinese banks eye operations in Burma ကို ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.