Posts
မြန်မာနိုင်ငံ တစ်လွှားရှိ ပြည်သူလူထု တစ်ရပ်လုံး၏ နေထိုင်မှု အဆင့်အတန်းများ မြှင့်တင်နိုင်ရေးအတွက် ယခုနှစ် ရွေးကောက်ပွဲတွင် အစိုးရသစ် တစ်ရပ် ထွက်ပေါ်လာသည်နှင့် တစ်ပြိုင်နက်တည်း အဖွဲ့အစည်းဆိုင်ရာ ပြုပြင်ပြောင်းလဲမှုများ ပြုလုပ်ရန် လိုအပ်ကြောင်း မြန်မာ ထိပ်တန်း ပညာရှင်ကြီး တစ်ဦး ဖြစ်သော ဒေါက်တာ အောင်ထွန်းသက်က တိုက်တွန်း ပြောကြားလိုက်သည်။
၂၀၁၀ ပြည့်နှစ် ရွေးကောက်ပွဲ ပြီးဆုံးသည်နှင့် ကျန်းမာရေး စောင့်ရှောက်မှု၊ ပညာရေး နှင့် လူမှု ဖူလုံရေးဆိုင်ရာ ကဏ္ဍများကို ဦးစားပေး ပြုပြင် ပြောင်းလဲမှုများ ပြုလုပ်သွားသင့်ကြောင်း ကုလသမဂ္ဂ အကြီးတန်း အရာရှိဟောင်းနှင့် စီးပွားရေးပညာရှင် ဒေါက်တာ အောင်ထွန်းသက်က ပြောကြားသည်။ မြန်မာနိုင်ငံ၏ ဖွံ့ဖြိုးရေး ဖြစ်စဉ်အတွက် ထင်သာမြင်သာရှိမှု(Transparency) များ ပိုမို လိုအပ်မည် ဖြစ်သည်ဟု ဒေါက်တာ အောင်ထွန်းသက်က ဆိုသည်။
မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) တွင် ကျင်းပသော "ကျင့်ဝတ်နှင့် ညီသော ခေါင်းဆောင်မှုနှင့် ကျင့်ဝတ်နှင့် ညီသော အဖွဲ့အစည်း"ဟု အမည်ရသည့် ဟောပြောပွဲ၌ ဒေါက်တာ အောင်ထွန်းသက်က ခေါင်းဆောင်မှု အပိုင်းနှင့် စီးပွားရေး အဝန်းအဝိုင်းတို့တွင် ကျင့်ဝတ်နှင့် ကိုက်ညီရန် လိုအပ်သည်ဟု ဆိုသည်။
"တကယ်လို့ ခေါင်းဆောင်ပိုင်း (ထိပ်ပိုင်း) တွေမှာ ကျင့်ဝတ်ပိုင်း အားနည်းနေမယ်ဆိုရင် လူ့အဖွဲ့အစည်းရဲ့ အောက်ခြေပိုင်းမှာ ရှိတဲ့ အခြေခံ လူတန်းစားတွေ ဆီကိုလည်း ကူးစက်သွားပါတယ်" ဟု ၎င်းက ပြောသည်။
မြန်မာနိုင်ငံတွင် လူမှုကျင့်ဝတ် ရှိသော ကော်ပိုရိတ် (CSR) များ ထူထောင်ပေးခြင်းဖြင့် ကျင့်ဝတ်ရှိသော စီးပွားရေး အသိုင်းအဝိုင်းများ ဖြစ်ပေါ်အောင် ဖန်တီးပေးနိုင်မည် ဖြစ်ကြောင်း နှင့် မြန်မာနိုင်ငံအတွက် CSR မရှိမဖြစ် လိုအပ်ကြောင်း ပါမောက္ခ ဒေါက်တာ အောင်ထွန်းသက်က အကြံပေး ပြောကြားသည်။
မြန်မာနိုင်ငံမှ စီးပွားရေး လုပ်ငန်းကြီး အတော်များများမှာ အဂတိ လိုက်စားသော စစ်အစိုးရနှင့် ဆက်စပ်လျက် ရှိသည်။ မြန်မာ့ စီးပွားရေး အခန်းကဏ္ဍတွင် လူမှုကျင့်ဝတ် သိတတ်သော ကော်ပိုရိတ်ကြီးများ မရှိသလို အဆိုပါ ကော်ပိုရိတ်ကြီးများ ထူထောင်ရန် လိုအပ်သည် ဟူသော အချက်ကိုလည်း အလေးအနက် ထားရှိခြင်း မရှိပေ။
နိုင်ငံခြားမှ လာရောက် ရင်းနှီးမြှုပ်နှံသည့် Total နှင့် Daewoo ကဲ့သို့သော ကော်ပိုရိတ်ကြီးများသာ မြန်မာပြည်တွင် ရှိသည်။
လူ့အဖွဲ့အစည်း တစ်ခုတွင် တာဝန် သိတတ်သော ခေါင်းဆောင်များနှင့် စီးပွားရေး လုပ်ငန်းများ ပေါ်ထွန်းရေးအတွက် မီဒီယာဟူသော အခန်းကဏ္ဍသည် လွန်စွာ အရေးကြီးကြောင်း၊ ယနေ့ခေတ်တွင် မီဒီယာများသည် လျှင်မြန်သော နှုန်းဖြင့် လည်ပတ်လျက် ရှိသလို များပြား ကျယ်ပြန့်သော ပရိသတ်ထံသို့လည်း အချိန်တိုတွင်း ရောက်ရှိနိုင်ကြကြောင်း ဒေါက်တာ အောင်ထွန်းသက်က ဆိုသည်။
မကြာသေးခင်က ဆေးကုသမှုဆိုင်ရာ ကျင့်ဝတ်နှင့် ပတ်သက်ပြီး ဆရာဝန်များအကြား အငြင်းအခုန်ပေါင်း မြောက်မြားစွာ ဖြစ်ပေါ်စေခဲ့သည့် ရွှေဂုံတိုင် အထူးကု ဆေးခန်း(SSC) ကိစ္စကို ဥပမာပေးပြီး ၎င်းက ပြောဆိုသည်။
လွန်ခဲ့သည့် နှစ်လခန့်က ရွှေဂုံတိုင် အထူးကုဆေးခန်းသို့ တက်ရောက်ကုသသော သွေးလွန်တုပ်ကွေး လူနာတစ်ဦးအား မှားယွင်း ခွဲစိတ် ကုသမှု ပြုလုပ်ရာ သေဆုံးမှု ဖြစ်ပွားခဲ့သည်။ အဆိုပါကိစ္စနှင့် ဆက်စပ်ပြီး ဆေးကုသမှု ဆိုင်ရာ ကျင့်ဝတ်နှင့် ပုဂ္ဂလိက ဆေးခန်းများ၏ အခန်းကဏ္ဍကို ပြည်တွင်း မီဒီယာများက မေးခွန်းထုတ် ရေးသားဖော်ပြမှုများ ပြုလုပ်ခဲ့ရာ အစိုးရက ကြားဝင် ဖြေရှင်းပေးခဲ့ရသည်။
"ဆေးဝါးကုသတဲ့ အလုပ်ပေါ်မှာ ကျင့်ဝတ်တွေ ထားရှိသလို စီးပွားရေးနဲ့ ခေါင်းဆောင်မှု အပိုင်းတွေမှာလည်း ကျင့်ဝတ်တွေ ရှိသင့်ပါတယ်" ဟု ဒေါက်တာ အောင်ထွန်းသက်က ဆိုသည်။
မှန်ကန် တိကျသော သတင်းနှင့် အင်ဖော်မေးရှင်း ရရှိရန် သာမန် လူတန်းစားများ၏ အသံကို ထုတ်ဖော် ပြောဆိုရန်လည်း လိုအပ်သည်ဟု ၎င်းက ပြောသည်။ လူငယ် မျိုးဆက်သစ်များ အနေဖြင့် မိမိ လုပ်ကိုင်နေသော လုပ်ငန်းခွင်တွင် ကျင့်ဝတ်နှင့် ကိုက်ညီအောင် ပြုမူ နေထိုင်သင့်ကြောင်း၊ မိမိ ပတ်ဝန်းကျင်၊ လူ့အဖွဲ့အစည်း စာရိတ္တ မြင့်မားစေရန်အတွက် လေ့လာ သင်ယူမှုများ ပြုလုပ်ရန်လည်း အထူး လိုအပ်ကြောင်း ၎င်းက တိုက်တွန်းခဲ့သည်။
အဆိုပါ ဟောပြောပွဲကို ဇန်နဝါရီလ ၂ ရက်နေ့တွင် ကျင်းပခဲ့ပြီး ပညာရှင်များ၊ UMFCCI မှ အရာရှိကြီးနှင့် ကျောင်းသားကျောင်းသူများ အပါအဝင် ပရိသတ် ၅၀၀ ကျော် တက်ရောက် ခဲ့ကြကြောင်း သတင်း ရရှိပါသည်။
Mizzima သတင်းဌာနမှ Economist urges reforms and transparency ကို ဘာသာပြန်ဆိုပါသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.