Posts
BBC News, 30th December 2009
အမေရိကန် ကုန်သွယ်ရေး ကော်မရှင်က တရုတ်နိုင်ငံလုပ် စတီးပိုက် သွင်းကုန်များ အပေါ်တွင် အခွန်ကောက်ခံမည့် အစီအစဉ်ကို သဘောတူလိုက်ပါသည်။
တရုတ်အစိုးရ၏ စီးပွားရေး ထောက်ပံ့ကြေးများ လျော့ပါးသွားစေရန် ရည်ရွယ် ရေးဆွဲထားသည့် အခွန်စနစ်ကို အမေရိကန် ပြည်ထောင်စု နိုင်ငံတကာ ကုန်သွယ်ရေး ကော်မရှင်က တခဲနက် မဲပေး ထောက်ခံခဲ့ကြပါသည်။
အကောက်ခွန်နှုန်းထားကို (၁၀%) မှ (၁၅%) အတွင်း ကောက်ခံရန် စီစဉ်နေပါသည်။
တရုတ်နိုင်ငံသည် မမျှတသော ပံ့ပိုးမှုများနှင့် ဈေးနှုန်းလျော့ချ ပြိုင်ဆိုင်မှုများကို ကျင့်သုံးသည်ဟု စွပ်စွဲထားသော အမေရိကန် ပြည်ထောင်စုနှင့် တရုတ်နိုင်ငံ တို့အကြား လတ်တလော ဖြစ်ပွားနေသော ကုန်သွယ်ရေး အငြင်းပွားမှု တသီတတန်းကြီးတွင် ယခုကိစ္စမှာ နောက်ဆုံး ဖြစ်ပွားခြင်း ဖြစ်သည်။
ပြီးခဲ့သော နိုဝင်ဘာလက တရုတ်နိုင်ငံလုပ် တာယာများ အပေါ်တွင် အမေရိကန်သည် သွင်းကုန်အခွန် (၃၅%) ကောက်ခံခဲ့ပြီး အမေရိကန် ဈေးကွက် အတွင်းသို့ အရေအတွက် ကြီးမားစွာ တင်သွင်းခဲ့ခြင်းကြောင့် ဗရမ်းဗတာ ရလဒ်များ ထွက်ပေါ်စေခဲ့သည်ဟု စွပ်စွဲလိုက်ပါသည်။
နိုဝင်ဘာလကတည်းက စီစဉ်နေခဲ့သော အဆိုပါ တရုတ်စတီးပိုက်များ အပေါ် အခွန် ကောက်ခံမည့် ကုန်သွယ်ရေးဌာနအတွက် ယခု ဆုံးဖြတ်ချက်က လမ်းရှင်း ပေးလိုက်ခြင်းပင် ဖြစ်သည်။
စတီးပိုက် သွယ်တန်းခြင်း လုပ်ငန်းသည် အမေရိကန် ပြည်ထောင်စုတွင် ကြီးမားသော စီးပွားရေးလုပ်ငန်း တစ်ခု ဖြစ်၍ တရုတ်နိုင်ငံမှ စတီးပိုက်များကို ယခင်နှစ်က ဒေါ်လာ (၂.၇၄) ဘီလျံဖိုး တင်သွင်းခဲ့ပါသည်။
၎င်းပိုက်များကို ရေနံတွင်းများတွင် အသုံးပြုခြင်း ဖြစ်ပြီး ရေနံဈေးနှုန်းများ ပြန်တက် လာခြင်းကြောင့် စတီးပိုက် ဝယ်လိုအား မြင့်တက်နေသည်ကို တွေ့ရှိရပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.