Posts
www.theage.com.au, By Hamish McDonald, 5th January 2010
သြစတေးလျနိုင်ငံမှ မြန်မာနိုင်ငံသို့ ရောင်းချခဲ့သော အဆင့်မြင့် ရေဒီယိုစက်များကို စစ်တပ်အတွက် အသုံးပြုလျက် ရှိကြောင်း၊ မြန်မာစစ်တပ် စစ်ရုံးချုပ်နှင့် ဒေသဆိုင်ရာ တိုင်းစစ်ဌာနချုပ်များ အကြား ဆက်သွယ်ရာတွင် အသုံးပြုကြောင်း မြန်မာနိုင်ငံအား စောင့်ကြည့်နေသူများ၏ အဆိုအရ သိရှိရပါသည်။
အဆိုပါ ရေဒီယိုများကို သြစတြေးလျနိုင်ငံ Perth တွင် အခြေစိုက်သော Barrett Communication က ထုတ်လုပ် ရောင်းချပြီး၊ ပြီးခဲ့သည့်လများ အတွင်းက နေပြည်တော်ရှိ စစ်ရုံးချုပ်၊ ရှမ်းပြည်နယ် အရှေ့ပိုင်းနှင့် အရှေ့မြောက် ဒေသရှိ လက်နက်ကိုင် တိုင်းရင်းသားများအား တိုက်ခိုက်ရန် စစ်ဆင်ရေးများတွင် အသုံးပြုနေသည်ကို တွေ့ရှိရသည်ဟု ဆိုပါသည်။
မြန်မာအစိုးရသည် လှိုင်းမြင့် Barrelt 2050 ရေဒီယို အလုံး (၅၀) နှင့်အထက်၊ အသံများ၊ အချက်အလက်များ၊ email နှင့် ဖက်စ်များ လုံခြုံစွာ သယ်ပို့နိုင်သော Modems များကို တင်ဒါ ခေါ်ယူနေသည်ဟု သိရှိရပါသည်။
အဆိုပါ ရေဒီယိုများသည် လှိုင်းများ ခုန်နိုင်သော ဆော့ဖ်ဝဲ (frequency – hopping software) ကို အသုံးပြုထားပြီး၊ သတင်း အချက်အလက်များကို frequencies (၅၀၀) ခန့်အတွင်း လျင်မြန်စွာ ပေးပို့နိုင်ပြီး၊ အဆိုပါ အချက်အလက်များကို ကြားဖြတ် ဖမ်းယူခြင်း၊ ဖျက်ဆီးခြင်းများကို မပြုလုပ်နိုင်ကြောင်း သိရှိရပါသည်။ သို့သော် ကြားဖြတ် ဖမ်းယူခြင်း၊ ဖျက်ဆီးခြင်းများကို အဆင့်မြင့် နည်းပညာများ အသုံးပြုနေသော အမေရိကန် အမျိုးသား လုံခြုံရေး အေဂျင်စီနှင့် သြစတြေးလျ ကာကွယ်ရေးဌာန၏ ဆက်သွယ်ရေး ညွှန်ကြားရေးမှူးရုံး တို့ကသာ ပြုလုပ်နိုင်သည်ဟု ဆိုပါသည်။
Australian National University (ANU) မှ ပါမောက္ခ Desmond Ball က ပြောကြားရာတွင် ၎င်းအား ANU ၏ မဟာဗျူဟာနှင့် ကာကွယ်ရေး လေ့လာရေး ဗဟိုဌာန၏ သုတေသန ပရောဂျက်အတွက် မြန်မာစစ်တပ် ဆက်သွယ်ရေးကို လေ့လာရန်နှင့် Barrett 2050 ကို စစ်သုံးအဖြစ် မိတ်ဆက်ရန် ပြောကြားခဲ့သည်ဟု ဆိုပါသည်။
မြန်မာနိုင်ငံ၏ High Frequency ဆက်သွယ်ရေးကို စောင့်ကြည့်နေသော ရေဒီယို စတေရှင်များ၏ အဆိုအရ အဆိုပါ ရေဒီယိုများကို နေပြည်တော်နှင့် အနည်းဆုံး တိုင်းစစ်ဌာနချုပ် သုံးခုခန့် ဆက်သွယ်ရာတွင် ၂၀၀၉ ခုနှစ် တစ်နှစ်လုံး အသုံးပြုခဲ့သည်ဟု သိရှိရပါသည်။
အောက်ခြေ စစ်တပ် အဖွဲ့အစည်းများတွင် အခြား ရေဒီယိုစနစ်ကို အသုံးပြုလျက် ရှိနေသေးသော်လည်း၊ အဆင့်မြင့် စစ်တပ် အဖွဲ့အစည်းများအတွင်း ဆက်သွယ်ရာတွင် အဆိုပါ Barrett 2050 ရေဒီယိုစနစ်ကို စတင် အသုံးပြုနေသည်မှာ သံသယဖြစ်ဖွယ် မရှိဟု ဆိုပါသည်။
Barrett ၏ မန်နေဂျင်း ဒါရိုက်တာ Phil Bardshaw က ယမန်နေ့က ပြောကြားရာတွင် ၎င်း၏ကုမ္ပဏီသည် သြစတေးလျပွဲစားမှ တဆင့် မြန်မာနိုင်ငံသို့ အရပ်သုံး 2050 မော်ဒယ် ရေဒီယိုများ ရောင်းချခဲ့ဖူးကြောင်း၊ မြန်မာစစ်အစိုးရအား အရေးယူ ပိတ်ဆို့မှုများနှင့် ကိုက်ညီမှု ရှိမရှိ အကောက်ခွန် အရာရှိများ၏ အတည်ပြုချက် ရယူပြီးမှ တင်ပို့ခဲ့ခြင်း ဖြစ်ကြောင်း ပြောကြားခဲ့ပါသည်။
၎င်းတို့ကို စစ်တပ်မှ အသုံးပြုလိမ့်မည်ဟု မထင်ကြောင်း၊ မြန်မာနိုင်ငံတွင်း ဆက်သွယ်ရေးတွင်သာ အသုံးပြုလိမ့်မည် ထင်ကြောင်း ၎င်းက ပြောပါသည်။ မိမိတို့ ရေဒီယိုများသည် စစ်သုံးအတွက် မဟုတ်ကြောင်း၊ နည်းစနစ် ပြည့်စုံသော ရေဒီယိုလည်း မဟုတ်ကြောင်း၊ ပစ္စည်း တင်ပို့သူများ သိရှိကြောင်း ၎င်းက ဆိုပါသည်။
သို့သော် မြန်မာအစိုးရက Barrett 2050 ရေဒီယိုများနှင့် မိုဒမ်းများ အလုံး (၅၀) ကျော် တင်ဒါ ခေါ်ယူသည် ဆိုသည်ကို ဟုတ်မှန်ကြောင်း Bradshaw က ပြောပါသည်။
မြန်မာစစ်တပ်အနေဖြင့် အရပ်သုံး အကြောင်းပြပြီး နှစ်မျိုး သုံးနိုင်သော နည်းပညာ အဆင့်မြင့်များကို ရယူနေသည်မှာ သိပ်မထူးဆန်းကြောင်း ပါမောက္ခ Ball က ပြောပါသည်။
အရပ်သုံး အကြောင်းပြပြီး ၎င်းတို့ အသုံးပြုနေသော fibre-optic gear များကို ဝယ်ယူခဲ့ပြီး ဖြစ်ကြောင်း၊ သို့မဟုတ်လျှင် စစ်တပ်အတွက် ဝယ်ယူ ရရှိလိမ့်မည် မဟုတ်ဟု ပါမောက္ခ Ball က ပြောပါသည်။
ယခု Frequency – hopping စနစ်သည် ကြားဖြတ် ခိုးယူခြင်းများကို မပြုလုပ်နိုင်သဖြင့် အဆိုပါ စနစ်ပါသော ရေဒီယိုများကို စစ်ရေးတွင် များစွာ အသုံးဝင်နိုင်ကြောင်း Ball က ပြောပါသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.