Posts
ပြည်တွင်းရန် ကာကွယ်ရန် အင်အား ၉၀၀ မှ ၁၀၀၀ ရှိတပ်ဖွဲ့ ဖွဲ့စည်းပေးရန် နေပြည်တော်ရှိ အာဏာပိုင်တို့၏ တောင်းဆိုချက်နှင့် ပတ်သက်၍ ညှိနှိုင်း အစည်းအဝေး တစ်ရပ် ပြန်လည်ကျင်းပရန် ရှမ်းတိုင်းရင်းသား လက်နက်ကိုင် တပ်ဖွဲ့ ဖြစ်သည့် Shan State Army(SSA) "မြောက်ပိုင်း" က စီစဉ်လျက် ရှိကြောင်း တရုတ်-မြန်မာ နယ်စပ်ဒေသရှိ သတင်းရပ်ကွက် တစ်ခုထံမှ စုံစမ်း သိရှိရပါသည်။
SSA ၏ အမှတ်-၁ တပ်မဟာသည် ကီးဆိုင်မြို့နယ် ဝမ်ဟိုင်းတွင် အခြေစိုက်သည်ဟု သိရသည်။ မူလက အဆိုပါ နယ်ခြားစောင့်တပ် ဖွဲ့စည်းရေးနှင့် ပတ်သက်၍ ၂၀၀၉ ခုနှစ် ဒီဇင်ဘာလ ၂၈ ရက်နေ့တွင် အစည်းအဝေး တစ်ရပ် ကျင်းပခဲ့သည်။ အဆိုပါ အစည်းအဝေး ကျင်းပချိန်တွင် ကျိုင်းလန်း၌လည်း ဘာသာရေးပွဲတော် တစ်ခု ကျင်းပနေခဲ့သည်။
အစောပိုင်းက ကျင်းပခဲ့သော အစည်းအဝေးကို ဒီဇင်ဘာလ ၇ ရက်နေ့မှ ၁၈ ရက်နေ့အထိ ရှမ်းပြည်နယ် မြောက်ပိုင်း၊ သီပေါမြို့နယ်ရှိ SSA ဌာနချုပ်၌ ၁၂ ရက်တာမျှ ပြုလုပ်ခဲ့ကြောင်း၊ သို့သော် အဆိုပါ အစည်းအဝေးပွဲ၌ ခေါင်းဆောင်ပိုင်းများ လက်သင့်ခံနိုင်သော ဆုံးဖြတ်ချက် တစ်စုံတရာ ချမှတ်နိုင်ခြင်း မရှိခဲ့ကြောင်း အမည်မဖော်လိုသူ တပ်ဖွဲ့ဝင်တစ်ဦးက ပြောသည်။
တစ်ချိန်တည်းမှာပင် SSA အနေဖြင့် နေပြည်တော်၏ တောင်းဆိုချက်ကို အကြောင်းပြန်ရန် အချိန်ကာလ သတ်မှတ်ချက်ကလည်း ကုန်ဆုံးခဲ့ပြီ ဖြစ်သည်။ သို့အတွက်ကြောင့် မြန်မာစစ်အစိုးရက SSA အား နယ်ခြားစောင့်တပ် ဖွဲ့စည်းရန် မူလနောက်ဆုံး သတ်မှတ်ကာလ ဖြစ်သော အောက်တိုဘာလ အစား ဒီဇင်ဘာလ သို့ တိုးမြှင့်ပေးခဲ့သည်။
နယ်ခြားစောင့်တပ် (BGF) ဖွဲ့စည်းရေး အစီအစဉ်ကို ကန့်ကွက်လျက် ရှိသော အပစ်အခတ် ရပ်စဲရေး တပ်ဖွဲ့များတွင် "ဝ" ပြည်နယ် ပေါင်းစည်းရေး တပ်ဖွဲ့ (UWSA)၊ အမျိုးသား ဒီမိုကရက်တစ် မဟာမိတ်တပ်ဖွဲ့- ရှမ်းပြည်နယ် အရှေ့ပိုင်း (NDAA-ESS)၊ ကချင် လွတ်မြောက်ရေးတပ်ဖွဲ့(KIA)၊ ကယန်း နယ်မြေသစ်ပါတီ (KNLP)၊ မွန်ပြည်သစ်ပါတီ (NMSP) နှင့် Shan State Army (SSA) တို့ ဖြစ်သည်။
မြန်မာစစ်အစိုးရသည် KIA အတွက် သတ်မှတ် အချိန်ကာလကို ရုပ်သိမ်းလိုက်သော်လည်း အခြားသော တပ်ဖွဲ့များအတွက် အလားတူ ရုပ်သိမ်းမှု ပြုလုပ်မည်၊ မပြုလုပ်မည် ဟူသော ကိစ္စအတွက် သတင်း တစ်စုံတရာ ထုတ်ပြန်ခြင်း မရှိသေးပေ။
"ဝ" နှင့် စစ်အစိုးရ အကြား ဆက်ဆံရေးတွင် တိုးတက်မှု ရှိသော အရိပ်လက္ခဏာများ မတွေ့ရသေးပေ။ ဒီဇင်ဘာလ ၃၀ ရက်နေ့တွင် ကျိုင်းတုံ မြောက်ပိုင်းနှင့် "ဝ" တို့ ထိန်းချုပ်သော နယ်မြေ မိုင်းပေါက် တောင်ပိုင်းဒေသ ဖြစ်သော မိုင်းခတ်၌ အခြေစိုက်သည့် စစ်အစိုးရ၏ ခြေမြန်တပ်ရင်း အမှတ် ၃၂၇ မှ စစ်သည် ခြောက်ဦးအား "ဝ" လက်နက်ကိုင်များက လျို့ဝှက် ဝင်ရောက်သည် ဟူသော စွပ်စွဲချက်ဖြင့် ဖမ်းဆီးလိုက်ကြောင်း သတင်းရရှိသည်။
စစ်အစိုးရတပ်ဖွဲ့က "ဝ" နှင့် မဟာမိတ်အုပ်စုများ၏ လှုပ်ရှားမှုကို စုံစမ်းရန် အဆိုပါ စစ်သည် ခြောက်ဦးအား စေလွှတ်လိုက်ခြင်း ဖြစ်သည် ဟု ယူဆရသည်။ သို့သော် "ဝ" တပ်ဖွဲ့မှ ခေါင်းဆောင် အရာရှိများက အဆိုပါ စစ်သည်ခြောက်ဦးအား နောက်ထပ် အလားတူ သူလျှိုလုပ် ထောက်လှမ်းသည့် ကိစ္စမျိုး မကျူးလွန်ရန်နှင့် အကယ်၍ ကျူးလွန်ပါက ခွင့်လွှတ်တော့မည် မဟုတ်ကြောင်း ပြောဆို မှာကြားပြီးနောက် လွှတ်လိုက်ကြောင်း အဆိုပါ အမည်မဖော်လိုသူ က ပြောကြားသည်။
Shan Herald မှ Debate over BGF continues in Shan State Army ကိုဘာသာပြန်ဆိုပါသည်