Posts
The New York Times, 17th March 2010
ဧရာဝတီ မြစ်ဝကျွန်းပေါ်ဒေသရှိ ရွှံ့များကြားတွင် အလုပ်သမား တို့သည် သဘာဝ ဓါတ်ငွေ့ပိုက်လိုင်း၏ နောက်ဆုံး အစိတ်အပိုင်းများကို ဂဟေဆော်လျက် ရှိကြသည်။ အဆိုပါ ဓါတ်ငွေ့များဖြင့် နှစ်ပေါင်းများစွာ အမှောင်ထဲတွင် ဒုက္ခရောက်နေသော ရန်ကုန်မြို့ကို မီးပေးမည်ဟု မြန်မာ ဗိုလ်ချုပ်များက ပြောနေသည်။
ရန်ကုန်မြို့တွင် နေထိုင်သူများ အနေဖြင့် ကံကောင်း ထောက်မ သဖြင့် တစ်ရက် ရှစ်နာရီသာ မီးရနေရာမှ မကြာမီ အမြဲတမ်း အေးဆေးနေမည့် ရေခဲသေတ္တာများ၊ တီဗွီများကို ကြည့်နေနိုင်ကြတော့မည် ဖြစ်သည်။
သို့သော် အစိုးရက ပြင်ပကမ္ဘာနှင့် အဆက်ဖြတ်ပြီး နေအိမ်တွင် အကျယ်ချုပ် ချထားခြင်း ခံရသော နိုဘယ်ဆုရှင် အသက် ၆၄ နှစ်ရှိ ဒေါ်အောင်ဆန်းစုကြည် အတွက်မူ များစွာ ပြောင်းလဲ တိုးတက်မှုရှိမည် မဟုတ်ပေ။ သူမ၏ ရှေ့နေ၏ ပြောစကား အရ တယ်လီဖုန်းလိ်ုင်းကိ်ု ဖြတ်တောက်ထားသည်မှာ နှစ်ပေါင်းကြာပြီ ဖြစ်ပြီး၊ သူမတွင် ကွန်ပျူတာ၊ ရုပ်မြင်သံကြားလည်း မရှိဟု သိရှိရသည်။
ထိုအရာများကား ယနေ့ မြန်မာနိုင်ငံ၏ နှစ်ဦး နှစ်ဘက်ကြား အားပြိုင်မှုများပင် ဖြစ်ပေသည်။ ယခုအခါ နှစ်ပေါင်းများစွာ လိပ်ခဲတည်းလည်း ရပ်တန့်နေရာမှ၊ ပြောင်းလဲမှုများ ထွက်ပေါ်လာနေသည်ကို တွေ့ရသော်လည်း စစ်အစိုးရ အလိုကျ အပြောင်းအလဲများသာ ဖြစ်နေခြင်း ဖြစ်သည်။
မြန်မာနိုင်ငံရှိ စီးပွားရေးသမားများနှင့် သံတမန်များ ကြားတွင် ၅၅ သန်းရှိ နိုင်ငံ၏ လူဦးရေကို ဆင်းရဲမွဲတေစေခဲ့သော ဆိုဗီယက် စတိုင် စီးပွားရေး ဝါဒနှင့် မည်သူ့ကိုမျှ မယုံသော အာဏာရှင်စနစ်တို့မှာ တဖြည်းဖြည်း ပြောင်းလဲသွားတော့မည်ဟု မျှော်လင့်မှုများ ရှိနေသည်။
စစ်အစိုးရသည် နှစ်ပေါင်းနှစ်ဆယ်အတွင်း ပထမဆုံး အကြိမ် အဖြစ် ရွေးကောက်ပွဲ ကျင်းပပေးမည် ဖြစ်ပြီး အခြေခံဥပဒေသစ်ဖြင့် အုပ်ချုပ်သွားတော့မည် ဖြစ်သည်။ လေ့လာသူများက ပြောကြားရာတွင် ရွေးကောက်ပွဲသည် အပြည့်အဝ လွတ်လပ်ပြီး တရားမျှတသော ယှဉ်ပြိုင်မှု ဖြစ်နိုင်မည် မဟုတ်သော်လည်း စစ်အစိုးရသည် သူမ၏ အာဏာ တချို့ကို ခွဲပေးရန် ပြုလုပ်လိမ့်မည် ဖြစ်ကြောင်း ပြောခဲ့သည်။
''မြန်မာနိုင်ငံဟာ အရေးကြီးတဲ့ နိုင်ငံရေး အချိုးအကွေ့ကိုရောက်နေပါပြီ'' ဟု ကုလသမဂ္ဂ အရာထမ်းဟောင်း ဖြစ်သူ သမိုင်း ပညာရှင် ဦးသန့်မြင့်ဦးက ပြောသည်။ ''ကျွန်တော်တို့ဟာ ထိပ်ဆုံးမှာ ဗိုလ်ချုပ်မှူးကြီး တစ်ဦးသာ ရှိရမယ်ဆိုပြီး ကြီးစဉ်ငယ်လိုက် စဉ်ထားပြီး ရာထူးပေးတဲ့ စစ်မူဝါဒ ကနေ တဖြည်းဖြည်း ပြောင်းလဲလာနေပြီ ဆိုတာ ရှင်း နေပါပြီ'' ဟု ၎င်းက ဆိုသည်။
မြန်မာနိုင်ငံအတွက် ထားရှိရမည့် မျှော်လင့်ချက်များမှာ တဖြည်းဖြည်း တိုးတက်လာပြီး နိုင်ငံရေး စင်မြင့်ပေါ်မှ စစ်တပ်ကို တဖြည်းဖြည်း မှေးမှိန်သွားရေးပင် ဖြစ်သည်။ မြန်မာနိုင်ငံ၏ ပေါကြွယ်သော သယံဇာတများနှင့် မြေဆီမြေနှစ်များ ပြည့်ဝသော မြေကြီးများကို အသုံးချပြီး စီးပွားရေး အားကောင်းနေသော အိမ်နီးချင်း နိုင်ငံများနှင့် အတူ ပါဝင် လုပ်ကိုင်နိုင်ရေးပင် ဖြစ်သည်။
မျှော်လင့်ထားသည့် အတိုင်း ပြောင်းလဲမည့် လက္ခဏာများ တွေ့နေရသည်။ နှစ်ပေါင်း ငါးဆယ်နီးပါး အာဏာ ဆုပ်ကိုင်ထားသည့် စစ်အစိုးရသည် ယခင်က ခွင့်မပြုခဲ့ဖူးသည့် ဆေးရုံများ၊ ကျောင်းများကို ပုဂ္ဂလိကများသို့ ဖွင့်ပေးခဲ့သည်။ နိုင်ငံပိုင် စက်ရုံများနှင့် ပစ္စည်းများကို ၎င်းတို့၏ လက်ဝေခံ ကုမ္ပဏီများသို့ ရောင်းချပေးခဲ့ပြီး ပြစ်ဒဏ်ပေးသည့် အနေဖြင့် ကန့်သတ်ထားသော မော်တော်ကားနှင့် ဆိုင်ကယ်သွင်းခွင့် အချို့ကို ဖြေလျော့ပေးခဲ့သည်။ ယခုအခါ မြန်မာနိုင်ငံသည် အလားအလာ ကောင်းသော ဆန်တင်ပို့မှုကို ပြန်လည် အသက်သွင်း နေပြီ ဖြစ်သည်။
ကမ္ဘာ့ဘဏ်၊ အပြည်ပြည်ဆိုင်ရာ ငွေကြေး ရန်ပုံငွေ အဖွဲ့အစည်း စသည်တို့မှ နိုင်ငံတကာ စီးပွားရေး ပညာရှင်များအား လာရောက်ခဲ့သော်လည်း ကျွဲပါးစောင်းတီးသာ ဖြစ်ခဲ့သည်ဟု အနောက်တိုင်း သံတမန် တစ်ဦးက ပြောသည်။ သို့သော် မြန်မာနိုင်ငံသို့ ပြီးခဲ့သည့် ဒီဇင်ဘာလက လာရောက်ခဲ့သော ဘောဂဗေဒ နိုဘယ်ဆုရှင် Joseph E. Stiglitz က ၎င်းတွေ့ဆုံခဲ့သော ဝန်ကြီးများနှင့် စစ်တပ်အရာရှိများသည် စီးပွားရေး ဖွံ့ဖြိုးတိုးတက်မှုနှင့် ပုဂ္ဂလိက လုပ်ငန်းများ ဖွံ့ဖြိုးရေး အတွက် အကြံဥာဏ်များကို စိတ်အားထက်သန်စွာ ခံယူသည်ကို တွေ့ရသည်ဟု ဆိုသည်။
ယခင်က မြန်မာနိုင်ငံတွင် မျှော်လင့်ချက်များ မကြာခဏ ဆုံးရှုံးခဲ့ရဖူးပြီး ဗိုလ်ချုပ်များသည် စိတ်အပြောင်းအလဲ မြန်သည့်အလျောက် ပေးထားသော ကတိများကို ဖျက်ပစ်လေ့ ရှိသည်။ သို့သော် လာမည့် နှစ်များအတွင်း အလွန် အရေးပါလှသော အပြောင်းအလဲ တစ်ခုကို မြင်တွေ့ရတော့မည်မှာ အသေအချာပင် ဖြစ်သည်။ အထီးကျန် စစ်ခေါင်းဆောင် ဗိ်ုလ်ချုပ်မှူးကြီး သန်းရွှေသည် အသက် ၇၈ နှစ် ရှိပြီ ဖြစ်ပြီး၊ ၎င်း၏ ပြိုင်ဖက်များအား အမြဲတမ်း အနိုင်ယူခဲ့ပြီး၊ ယခု ၎င်း၏ နေရာကို ဆက်ခံမည့်သူလည်း မရှိ သေးပေ။
ပြောင်းလဲမည့် ဦးတည်ချက်နှင့် ပတ်သက်၍ ယေဘုယျ ရှင်းချက် ထုတ်ရလျှင် ဗိုလ်ချုပ်မှူးကြီးသည် နှစ်ပေါင်း နှစ်ဆယ်ကျော် အာဏာ၊ မတရား ရှာဖွေလာသည့် ကြွယ်ဝမှုများနှင့် ၎င်း၏ မိသားစုကို ခြိမ်းခြောက် အန္တရာယ်ပြုမည့် နောက်ထပ်အာဏာရှင် တစ်ဦး ပေါ်ပေါက်လာမည်ကို အလိုရှိလိမ့်မည် မဟုတ်ဘဲ၊ ၎င်း၏ လက်ရှိ အကြွင်းမဲ့အာဏာကို ဖျက်သိမ်းလိမ့်မည် ဖြစ်ပါသည်။ ၂၀၀၂ ခုနှစ်က သေဆုံးသွားခဲ့သော ဦးနေဝင်းဆိုလျှင် မသေမီ နေအိမ်အကျယ်ချုပ်နှင့် နေရပြီး ကွယ်လွန်ခါနီး အချိန်တွင် ဆေးကုသခွင့်ပင် မရသော အဖြစ်ကို တွေးလျက် သမိုင်း တစ်ပတ်လည်မည်ကို ကြောက်နေမည်မှာ သေချာသည်။
မြန်မာနိုင်ငံတွင်း အဓိက အားပြိုင်မှုသည် ဒေါ်အောင်ဆန်းစုကြည်နှင့် ဗိုလ်ချုပ်များကြားတွင် မဟုတ်ဘဲ စစ်တပ်အတွင်းမှာပင် ဖြစ်ကြောင်း ဦးသန့်မြင့်ဦးက ပြောသည်။
'' နိုင်ငံပြင်ပမှာ ထင်နေတာက စစ်တပ်ဟာ သူ့ရဲ့ အာဏာ တည်မြဲရေးကို ကြိုးစားနေတယ်လို့ ခပ်ရိုးရိုးပဲ ထင်နေကြတာ။ တကယ်တော့ ဒီစစ်တပ်က လက်တစ်ဆုပ်စာ လူတစ်စု အတွင်းမှာပဲ အားပြိုင်မှုတွေ ဖြစ်နေတာ၊ စစ်တပ် တစ်ခုတည်းတင် မကပဲ၊ အငြိမ်းစား စစ်တပ် အရာရှိတွေ၊ ဝါရင့် ဗျူရိုကရက်တွေနဲ့ တစ်စခန်း ထနေတဲ့ စီးပွားရေး လုပ်ငန်းရှင်များကြားမှာ ဖြစ်နေတာ'' ဟု ၎င်းက ပြောသည်။
စစ်တပ် အရာရှိများက ၎င်းတို့ ဘဝရှေ့ရေးသည် ရွေးကောက်ပွဲ ပေါ်တွင် မူတည်သယောင် ရှိနေသောကြောင့် ရွေးကောက်ပွဲ အတွက် မဲဆွယ် စည်းရုံးနေကြပြီ ဖြစ်သည်။ ရန်ကုန်တွင် ၁၄ နာရီ မီးလင်းရေး အစီအစဉ် အပါအဝင် စီမံကိန်းများစွာကို မက်လုံးပေးကာ ၎င်းတို့အား မုန်းတီးနေသော လူထုကြီးထံမှ မေတ္တာများ ပြန်လည် ရယူလျက် ရှိသည်။
ဆန်ထုတ်လုပ်မှုတွင်လည်း အရေးကြီး ပြောင်းလဲမှုများ ဖြစ်ပေါ်လျက် ရှိသည်။ တိုင်းပြည် လူဦးရေ၏ သုံးပုံနှစ်ပုံခန့်ကို ကိုယ်စားပြုသော လယ်သမားများ၏ ဝင်ငွေ တိုးတက်လာစေမည့် အလားအလာများ ရှိနေသည်။ မြန်မာနိုင်ငံသည် တစ်ချိန်က ကမ္ဘာ့အကြီးဆုံး ဆန်တင်ပို့သူ ဖြစ်ခဲ့သော်လည်း၊ ယနေ့ အိမ်နီးချင်း ထိုင်း နိုင်ငံက ထိုနေရာကို ယူထားသည်။
''ကျွန်တော်တို့ကို ဆယ်နှစ်ပဲ အချိန်ပေးပါ။ အရင်ကလို ဆန်တင်ပို့မှု အကြီးဆုံး ဖြစ်လာနိုင်ပါတယ်'' ဟု အသစ် ဖွဲ့စည်းလိုက်သော ဆန်လုပ်ငန်းအဖွဲ့ အကြံပေးပညာရှင် ဦးတင်မောင်သန်းက ဆိုသည်။
နိုင်ငံခြား အစိုးရများက ရွာများကို ပေးသော စပါးစိုက်ရန် အကူအညီများသည် မုန်တိုင်း ဒဏ်ခံ ဧရာဝတီတိုင်းကို ပြန်လည် နိုးထလာစေသည်။ လယ်သမားများကို မြေသြဇာ အသုံးပြုနည်းများ၊ မျိုးစေ့ကောင်းများ သုံးနည်းနှင့် ခေတ်မီ နည်းစနစ်များကို သင်ကြားပေးလျက် ရှိသည်။
ယခု အခါ အစိုးရသည် ဆန်စပါးလုပ်ငန်း အသင်းကြီးသို့ တိုင်းပြည်အရန် ဆန်သိုလှောင်မှုက အစ စီမံခန့်ခွဲခွင့်ကို ပေးအပ်ခဲ့ပြီး ဖြစ်ရာ၊ ယခင်က ဆန်ပြတ်မည်ကို ကြောက်၍ မည်သူတွေ မည်သည့် စာချုပ်ချုပ်ထားထား ကလောင်တစ်ချောင်းနှင့် ဆန်တင်ပို့မှု ခဏခဏ ပိတ်ခဲ့သော ဗိုလ်ချုပ်များ၏ ကြီးမားသော အပြောင်းအလဲစတင်ခဲ့ပြီ ဖြစ်သည်။
လာမည့် ရွေးကောက်ပွဲသည် မြန်မာနိုင်ငံရေးကို ပြောင်းလဲလိမ့်မည် ဆိုသည်မှာ မဖြစ်နိုင်ပေ။ မီဒီယာများကို အစိုးရက လုံးလုံး ချုပ်ကိုင်ထားမိပြီး၊ ရွေးကောက်ပွဲတွင် ဝင်ရောက်နိုင်ဖွယ် ရှိသည့် နိုင်ငံရေး လှုပ်ရှားသူ (၂၁၀၀) ခန့်ကလည်း ထောင်ထဲတွင် ရောက်ရှိနေသည်။
သြစတြေးလျနိုင်ငံ Macquarie တက္ကသိုလ်မှ မြန်မာ့အရေး ကျွမ်းကျင်သူ Sean Turnell က ပြောကြားရာတွင် ရွေးကောက်ပွဲသည် ၁၉၆၀ ခုနှစ်များက အင်ဒိုနီးရှားနိုင်ငံတွင် ဆိုရှယ်လစ် စနစ်မှ အသွင်ပြောင်းသည့် နည်းတူ မြန်မာနိုင်ငံတွင် စီးပွားရေး ပြောင်းလဲမှုများ အတွက် ပြတင်းပေါက်တစ်ခု ဖန်တီးပေးလိုက်သလို ဖြစ်သည်ဟု ဆိုသည်။
''ကျွန်တော့် အနေနဲ့ကတော့ နားလည်ရ လွယ်တဲ့၊ ရှင်းလင်းတဲ့ ဖြေလျော့ပေးတဲ့ စနစ်တစ်ခု အဖြစ် မမြင်ပါဘူး။ စီးပွားရေး ပြောင်းလဲမှုတွေကတော့ မတော်တဆ ဖြစ်သွားတာမျိုး ဖြစ်ပြီး၊ ပြည်သူတွေကတော့ ရရစားစားပဲ ဖြစ်နေဦးမှာပဲ'' ဟု ၎င်းက သုံးသပ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
To unsubscribe from this group, send email to yangonchronicle2010+unsubscribegooglegroups.com or reply to this email with the words "REMOVE ME" as the subject.