Posts
ကမ္ဘာပေါ်တွင် မွတ်စလင်လူဦးရေ အထူထပ်ဆုံး နိုင်ငံဖြစ်သော အင်ဒိုနီးရှားသို့ လာရောက် လည်ပတ်ရန် စီစဉ်ထားမှုအား အမေရိကန်သမ္မတ ဘားရက်အိုဘားမားက ခေတ္တ ဖျက်သိမ်းလိုက်ရသော အကြောင်းအရင်းကို မိမိတို့အနေဖြင့် နားလည် သဘောပေါက်ကြောင်း အင်ဒိုနီးရှား အစိုးရက ထုတ်ဖော်ပြောဆိုပါသည်။
သမ္မတအိုဘားမားသည် အင်ဒိုနီးရှားသို့ မတ်လနှောင်းပိုင်း ရက်သတ္တပတ်တွင် သွားရောက် လည်ပတ်ရန် မူလက စီစဉ်ထားခဲ့ပါသည်။ အဆိုပါ ခရီးစဉ်အတွင်း လုံခြုံရေး၊ ကုန်သွယ်ရေးနှင့် စစ်ရေးကိစ္စများကို နှစ်နိုင်ငံ ပူးပေါင်းဆောင်ရွက်နိုင်ရေး အတွက် အရေးပါသော အခွင့်အလမ်းကြီး တစ်ရပ် အဖြစ် နှစ်ဖက်စလုံးက ရှုမြင်ခဲ့ကြပါသည်။
အမေရိကန်သမ္မတ အိုဘားမားသည် ငယ်စဉ်ဘဝက အင်ဒိုနီးရှားနိုင်ငံတွင် လေးနှစ်တာမျှ နေထိုင်ခဲ့ဖူးသည်။ အင်ဒိုနီးရှားသမ္မတ ဆူစီလိုဘန်ဘမ်းယူဒိုရိုနို ၏ ပြောခွင့်ရ ပုဂ္ဂိုလ် Dino Djalal ၏ အဆိုအရ အိုဘားမားသည် အမေရိကန်ပြည်ထောင်စု ကျန်းမာရေး စောင့်ရှောက်မှုဆိုင်ရာ ဥပဒေမူကြမ်း ကိစ္စကြောင့် အင်ဒိုနီးရှားသမိုင်းဝင် ခရီးစဉ်ကို ဖျက်သိမ်းလိမ့်မည်ဟု သမ္မတကြီးက ဟောကိန်းပင် ထုတ်ခဲ့ကြောင်း သိရပါသည်။
ခရီးစဉ်ရွှေ့ဆိုင်းမှုနှင့် ပတ်သက်၍ တိုင်ပင်ဆွေးနွေးရန် အိုဘားမားက သမ္မတ ယူဒိုယိုနို ထံ ဆက်သွယ်လာသော အခါ မစ္စတာယူဒိုယိုနိုက ခရီးစဉ်ကို လာမည့်ဇွန်လသို့ ပြောင်းရွှေ့ပေးရန် အကြံပြု ပြောဆိုခဲ့ကြောင်း Dino Djalal က ပြောပါသည်။
အင်ဒိုနီးရှားသို့ လာရောက်လည်ပတ်ရန် စီစဉ်ထားသောနေ့သည် အမေရိကန် ပြည်ထောင်စု၌ အငြင်းပွားဖွယ်ရာ ဖြစ်နေသည့် ကျန်းမာရေး စောင့်ရှောက်မှုဆိုင်ရာ ဥပဒေအား မဲခွဲဆုံးဖြတ်မည့် နေ့ရက်နှင့် တိုက်နေသောကြောင့် အိုဘားမားက ဝါရှင်တန်တွင်ပင် နေရန် ဆုံးဖြတ်ခဲ့ခြင်း ဖြစ်ပါသည်။
သမ္မတ အိုဘားမားသည် အင်ဒိုနီးရှား ခရီးစဉ်နှင့်အတူ ဂူအမ်၊ သြစတြေးလျ နိုင်ငံများသို့လည်း သွားရောက်ရန် စီစဉ်ထားခဲ့ပါသည်။ ထို့ပြင် အဆိုပါခရီးစဉ်သည် အာရှဒေသ၌ တရုတ်ပြည်၏ လွှမ်းမိုးမှုကို တန်ပြန် ချိန်ခွင်လျှာညှိရန် စီစဉ်ထားခြင်း ဖြစ်သည်ဟု ရှုမြင်ခံထားရပါသည်။
အာရှဒေသအပေါ် အမေရိကန် သြဇာလွှမ်းမိုးနိုင်ရေး အတွက် အဓိကအရေးပါသော တွန်းအားပေးမှုများ ပြုလုပ်ရန် အိုဘားမားက အင်ဒိုနီးရှားသို့ လာရောက် လည်ပတ်ရန် စီစဉ်ခြင်း ဖြစ်သည် ဟု ဘီဘီစီသတင်းဌာနက ဆိုပါသည်။
အင်ဒိုနီးရှားသည် အရှေ့တောင်အာရှ ဒေသတွင် စီးပွားရေးအင်အားကြီး နိုင်ငံတစ်ခု ဖြစ်ပြီး အင်ဒိုနီးရှား၏ ဈေးကွက်မှာလည်း တဖြည်းဖြည်းချင်း ကြီးထွားလာလျက် ရှိရာ အမေရိကန် စီးပွားရေး လုပ်ငန်းများက ဝင်ရောက် လုပ်ကိုင်လိုကြသည်။
အမေရိကန်သမ္မတ အိုဘားမားသာ လာရောက်လည်ပတ်ပါက ခရီးစဉ်အတွင်း ကုန်သွယ်ရေး၊ ရင်းနှီးမြှုပ်နှံမှု ပြုရေးတို့ကို ကနဦး ဆောင်ရွက်ရန် သဘောတူညီချက် လက်မှတ်များ ရေးထိုး နိုင်လိမ့်မည် ဟူသော မျှော်လင့်ချက်များ နှစ်ဖက်စလုံးတွင် ထွက်ပေါ်ခဲ့သည်။
ဤအတောအတွင်း တရုတ်ပြည်သူ့သမ္မတနိုင်ငံ ဝန်ကြီးချုပ် ဝမ်ကျားပေါင်လည်း လာမည့် ဧပြီလတွင် အင်ဒိုနီးရှားသို့ လာရောက်လည်ပတ်ရန် စီစဉ်ထားကြောင်း သိရပါသည်။ မစ္စတာ ဝမ်ကျားပေါင် သည် အဆိုပါခရီးစဉ်အတွင်း ကုန်သွယ်ရေးနှင့် ပတ်သက်၍ ပူးပေါင်းဆောင်ရွက်မှုများ ပြုလုပ်သွားရန် အဓိက ဆွေးနွေးသွားဖွယ် ရှိပါသည်။
တရုတ်နိုင်ငံသည် ယခုနှစ်ဆန်းပိုင်းတွင် စတင်သက်ဝင်သော အာဆီယံ လွတ်လပ်စွာ ကုန်သွယ်မှု သဘောတူညီချက်ကို လက်မှတ် ရေးထိုးထားသည်။ ထို့ပြင် တရုတ်သည် အာရှဒေသရှိ နိုင်ငံအတော်များများ၏ အဓိက စီးပွားရေး မိတ်ဖက် နိုင်ငံတစ်ခုအဖြစ် ပိုမိုပီပြင်လာလျက် ရှိသည်။
BBC သတင်းဌာန၏ သတင်းကိုဘာသာပြန်ဆိုပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
To unsubscribe from this group, send email to yangonchronicle2010+unsubscribegooglegroups.com or reply to this email with the words "REMOVE ME" as the subject.