Posts
မြန်မာနိုင်ငံတွင် "အတိုက်အခံ ခေါင်းဆောင်ဖြစ်လျှင် ဘယ်တော့မှ မလွတ်မြောက်" ဟု ဆိုပါက ယင်းအဆိုသည် မြေကြီးလက်ခတ်မလွဲ မှန်ကန်သည်ဟု ဆိုရပေမည်။ ပြည်သူများ အနေဖြင့်လည်း အဆိုပါ ကိစ္စကို နားလည် သည်းခံရပေလိမ့်မည်။
မြန်မာနိုင်ငံ တရားရုံးချုပ်က ဖေဖော်ဝါရီလ ၂၅ ရက်နေ့တွင် ဒေါ်အောင်ဆန်းစုကြည်၏ အယူခံဝင်မှုကို နောက်တစ်နေ့ နံနက်တွင် ကြားနာစစ်ဆေးကာ ဆုံးဖြတ်ချက် ချမှတ်မည်ဟု ကြေညာချက် ထုတ်ပြန်ခဲ့သည်။ မြန်မာနိုင်ငံအပေါ်၊ အထူးသဖြင့် ဒေါ်အောင်ဆန်းစုကြည် အပေါ် နိုင်ငံတကာက စိတ်ဝင်စားလျက် ရှိနေချိန်တွင် အဆိုပါ နောက်တစ်နေ့ ဟူသည့် ကြေညာချက်သည် မျှော်လင့်ချက် တစ်ရပ်သဖွယ် ဖြစ်ခဲ့သည်။
အယူခံ အမှုအပေါ် ကြားနာ စစ်ဆေးရာတွင် ကျိုးကြောင်း ဆက်စပ်မှုများ၊ ထူးခြားမှုများ ပါဝင်မည်ဟု ထင်မှတ်မည်ဆိုပါက ထင်မှတ်နိုင်သည်။ တောင်အာဖရိက ခေါင်းဆောင် နယ်လ်ဆင် မင်ဒဲလား လွတ်မြောက်စဉ်က အဖြစ်မျိုး ဖြစ်လေမလား ဟုလည်း တွေးမိကောင်း တွေးမိနိုင်သည်။
မည်သို့ပင် ရှိစေကာမူ မြန်မာနိုင်ငံ၏ လက်တွေ့ဘဝမှာ စိတ်ကူးစိတ်သန်းဖြင့် ထင်မှတ်ထားသလို ဖြစ်နိုင်ချေ မရှိဘဲ အားလုံးနှင့် ကွဲပြားခြားနားနေပေလိမ့်မည်။ ရန်ကုန်မြို့လမ်းများ၊ ရပ်ကွက်များတွင် စီးပွားရေး လုပ်ငန်းများမှာ ပုံမှန်အနေအထားတွင် ရှိသည်။ လက်ဖက်ရည်ဆိုင် စကားဝိုင်းများ၊ သံတမန် အသိုင်းအဝိုင်းများတွင် ဒီမိုကရေစီ ခေါင်းဆောင် ဒေါ်စုကြည်နှင့် ပတ်သက်သော ဝေဖန် သုံးသပ်ချက်များ မရှိသလောက်ပင် ဖြစ်သည်။
"ဒေါ်စုကြည်ရဲ့ အယူခံမှု ဘယ်လိုဖြစ်လာမယ်လို့ ထင်လဲ" ဟု လူအများကို မေးကြည့်မိသည်။ အဖြေတစ်ခုမှ မရပါ။ စိုးရိမ်ပူပန်သည့် အရိပ်အယောင်မျိုးလည်း မတွေ့ရပါ။ မိမိတို့နှင့် မည်သို့မျှ မသက်ဆိုင်သလိုပင် နေကြသည်။
ရန်ကုန်မြို့မှ တရားရုံးချုပ် အဆောက်အအုံသည် လွန်စွာ ခန့်ညား ထည်ဝါလှသော အဆောက်အအုံ တစ်ခုဖြစ်သည့်တိုင် အရောင်အဆင်းမှာ မှေးမှိန်လျက်ပင် ရှိနေသည့် ကိုလိုနီခေတ် လက်ကျန် အဆောက်အအုံကြီး ဖြစ်သည်။ အတွင်းပိုင်း ရုံးခန်းများတွင် အစိမ်းရောင်နှင့် ချောကလက်ရောင်များ သုတ်ထားသည်။ မြင့်မားလှသော မျက်နှာကြက်များတွင် တပ်ဆင်ထားသော ပန်ကာအိုကြီးများမှာ မလည်ချင်၊ လည်ချင် ပုံစံမျိုးဖြင့် လည်နေရသည်။ ရုံးအဆောက်အအုံများကို ဝန်းရံထားသော ပန်းခြံမှာ အလယ်ခေါင် တည့်တည့်တွင် ရှိနေသည်။
ထိုတရားရုံးချုပ်တွင် အမှုကိစ္စ ဆောင်ရွက်ကြမည့် ရှေ့နေများက ဝတ်ရုံနက်ကြီးများ တကားကားနှင့်။ မြန်မာ့ရိုးရာ ခေါင်းပေါင်းကိုလည်း ပေါင်းထားသေးသည်။ ရှေ့နေများ တစ်ဦးနှင့် တစ်ဦး တီးတိုး တိုင်ပင်ကာ လှုပ်လှုပ်ရှားရှား ဖြစ်နေကြလေသည်။ တရားခွင်သို့ လာရောက် ကြည့်ရှု နားထောင်သူ အများစုမှာ မြန်မာနိုင်ငံ၏ အဖြစ်အပျက် အမှန်အကန်ကို ကြိုတင်သိရှိထားပုံ မပေါ်ပေ။ တရားခွင်အမှုသွား၊ အမှုလာသဘောအရ ဥပဒေကြောင်းဖြင့် စီရင်ကာ အပြစ်ရှိသူ ပြစ်ဒဏ်ကျခံ၊ အပြစ်မရှိသူ လွတ်မြောက် ဟူသည့် ဘက်မလိုက် ဥပဒေချိန်ခွင် လျှာအတိုင်း ဆောင်ရွက် နေကြသည်ဟု ရှုမြင်နေကြပုံ ရသည်။ ယခင် အစဉ်အလာအတိုင်း အမှုစစ်ရာတွင် တရားလိုနှင့် တရားခံ ရှေ့နေများလည်း ရှိသည်။ ထိုရှေ့နေများ စားပွဲပေါ်တွင် ဥပဒေနှင့် သက်ဆိုင်သော စာအုပ်နှင့် စာရွက်စာတမ်းများကို တွေ့ရသည်။
ယခုအမှုသည် နိုင်ငံတကာ အသိုင်းအဝိုင်း တစ်ခုလုံးက စိတ်ဝင်စားသော အမှုတစ်ခု ဖြစ်သည့် အတွက်ကြောင့် သံတမန်များက တရားခွင်က ချမှတ်မည့် စီရင်ချက်ကို သေသေချာချာ အာရုံစိုက် နားထောင်နေကြသည်။ ထိုအချိန်တွင် ကျွန်တော်၏ မိုဘိုင်းဖုန်းက မြည်လာသည်။ စီရင်ချက် ကိစ္စကို မေးမြန်းကြခြင်း ဖြစ်သည်။ တရားစွဲဆိုမှုမှာ မကြာမီပင် ပြီးဆုံးသွားသည်။ လာရောက် ကြည့်ရှုသူများလည်း အမှုမှာ အယောင်ဆောင် သဘောမျှ ပြုလုပ်ခြင်း ဖြစ်သည်ကို သဘောပေါက် သွားကြသည်။
ပြီးခဲ့သည့် ၂၀၀၉ ခုနှစ်၊ မေလတွင် စီရင်ချက် ချမှတ်ခဲ့သည့် အမှုကိုပင် ပြန်လည် အကွက်ဆင်ကာ စီရင်ချက် ချမှတ်လိုက်ခြင်း ဖြစ်ကြောင်း သဘောပေါက်သွားခြင်း ဖြစ်သည်။
အမှန်တကယ်တွင် အဆိုပါ အမှုကို ကာယကံရှင် ဒေါ်အောင်ဆန်းစုကြည်မှတစ်ပါး မည်သူမျှ အမှန်အတိုင်း သိနိုင်မည် မဟုတ်ပေ။ ဒေါ်စုကြည်မှာ သူမ၏ အမှုအတွက် ကြားနာသည့် တရားခွင်သို့ပင် တက်ရောက်ခွင့် မရရှိခဲ့ပါ။ သေချာသည့်အချက်မှာ သူမအနေဖြင့် လာမည့် နိုဝင်ဘာလအထိ နေအိမ်အကျယ်ချုပ် ကျခံနေရဦးမည်သာ ဖြစ်သည်။ ဒေါ်စုကြည်ကို ယင်းသို့ နေအိမ် အကျယ်ချုပ် ထားရခြင်း၏ အဓိက ရည်ရွယ်ချက်မှာ လာမည့် ရွေးကောက်ပွဲ ကာလအတွင်း သူမအနေဖြင့် တက်ကြွစွာ ပါဝင်လှုပ်ရှားခွင့် မရရှိစေရေးပင် ဖြစ်သည်။ ယခု အမှုတွင် တရားခံဘက်မှ လျှောက်လဲချက်များသည် ၁၉၇၄ အခြေခံဥပဒေနှင့် မကိုက်ညီသောကြောင့်ဟု ဆိုကာ ပယ်ချခံ လိုက်ရသည်။
ကျွန်တော်သည် ထိုနေ့က တရားခံဘက်မှ ပုဂ္ဂိုလ်များနှင့် တရားရုံး ပြင်ပတွင် တွေ့ဆုံစကားပြော ဖြစ်ခဲ့သည်။ ထို့နောက် ရုံးသို့ ပြန်ကာနီးတွင် အထူး ရဲတပ်ဖွဲ့ဝင်များ ရောက်လာကာ ဓာတ်ပုံများ ရိုက်ကြသည်။ (ပြီးခဲ့သည့် ဇူလိုင်လ ကျွန်တော် မြန်မာပြည်ကို ရောက်ရှိလာကတည်းက ရိုက်လိုက်ကြသည့် ဓာတ်ပုံများမှာ မရေမတွက်နိုင်အောင်ပင် ဖြစ်သည်။ ကျွန်တော့် ဓာတ်ပုံတွေကို သူတို့ ဘာလုပ်ကြမည်ဆိုသည်ကို ဘုရားသခင်သာ သိပါလိမ့်မည်)
တရားရုံးက ထွက်လာပြီး အပြင်ဘက်တွင် သတင်းထောက် အနည်းငယ်မျှသာ တွေ့ရသည်။ လူအများကြားထဲမှ တိုး၍ လမ်းဖြတ်လျှောက်ခဲ့ရသည်။ သို့သော် လူတွေကို ကြည့်ရသည်မှာ ထူးခြားမှု တစ်စုံတရာ မတွေ့ရ။ တရားရုံးတွင် ဘယ်လို ဆုံးဖြတ်ချက်မျိုး ချသည်၊ ဘာတွေ လုပ်နေသည်ကိုလည်း သိပုံ မပေါ်ပေ။ တရားရုံး၏ ဆုံးဖြတ်ချက် တရားမျှတမှု ရှိပါမည်လော ဟူသည်ကိုပင် တွေးတောကြဟန် မရှိပေ။ ကျွန်တော် လေးလေးနက်နက် စဉ်းစားကြည့်မိသည်။ ယခုလို ဖြစ်ရပ်များနှင့် အပြုအမူများသည် မြန်မာပြည်ကို အမှောင်ထုထဲသို့ ပြန်လည် တွန်းပို့နေသလို ဖြစ်နေသည်။ ရှေ့ဆက်မတိုးဘဲ နောက်ပြန်ဆုတ်နေသည့် ပုံစံမျိုး ဖြစ်နေသည်။
မြန်မာပြည်သူများနှင့် ဒီမိုကရေစီ လှုပ်ရှားမှုများသည် ယခုလို အနေအထားမှ မည်သည့်ဘက်သို့ ဦးတည်သွားနိုင်သနည်း။ သေချာသည်မှာ အားလုံး ဖိနှိပ်မှုအောက်မှာပင် ဆက်ရှိသွားဦးမည်သာ ဖြစ်သည်။ ဤအချိန်တွင် ရွေးကောက်ပွဲနှင့် ပတ်သက်၍ မေးခွန်းများ ထပ်ပြီး ထုတ်ကြည့်မိသည်။
စစ်အစိုးရအပေါ် မည်သို့ ယုံကြည်ရမည်နည်း။ ဖမ်းဆီး အကျဉ်းချခံ ထားရသော နိုင်ငံရေး အကျဉ်းသား ၂၁၀၀ ၏ အမြင်များ၊ ပြောဆို ရေးသားချက်များ ထုတ်ဖော်ခွင့် ရမည်လော။ ပုံနှိပ်သတင်းစာ၊ လေလှိုင်းသံနှင့် ရုပ်မြင်သံကြား စသည့် မီဒီယာများတွင် စစ်အစိုးရ၏ နိုင်ငံရေး ကိုယ်စားလှယ်များ နှင့်အတူ ယှဉ်ပြိုင် ပြောဆိုရေးသားခွင့် ရပါမည်လော။ တိုင်းရင်းသား လူနည်းစု အဖွဲ့အစည်းများ အနေဖြင့်လည်း အနာဂတ် အမိနိုင်ငံတော် အရေးနှင့် ပတ်သက်၍ မည်သည့် အချိန်အခါတွင်မှ လွတ်လပ်စွာ ဆွေးနွေးညှိနှိုင်း နိုင်ကြမည်နည်း။ ရွေးကောက်ပွဲ ကျင်းပသည့် နေ့တွင် အများပြည်သူတို့ လွတ်လပ်စွာ မဲပေးခွင့်နှင့် မှန်မှန်ကန်ကန် မဲရေတွက်ခွင့် ရရှိနိုင်ပါသလော။
လတ်တလော အချိန်ကာလတွင် ဒေါ်အောင်ဆန်းစုကြည်၏ ရှေ့နေများ အနေဖြင့် သူမ၏ အမှုနှင့် ပတ်သက်၍ အခွင့်အရေးတစ်ရပ် ရရှိပြန်သည်။ ရှေ့နေများ၏ တောင်းဆိုချက်ကြောင့် စစ်အစိုးရက အထူးတရားရုံးတွင် ချေပချက်များကို တစ်လအတွင်း တင်ပြခွင့် ရမည်ဟု ကြားသိရသည်။ အကယ်၍သာ ပြောသည့်အတိုင်း တင်ပြခွင့်ရပြီ ဆိုပါက တရားသူကြီးသုံးဦး ပါဝင်သော အထူးတရားရုံးက ပြန်လည် စဉ်းစားပေးမည် ဖြစ်သည်။ သို့သော် ရန်ကုန်တွင် မဟုတ်။
နေပြည်တော်တွင် ဖြစ်နိုင်ချေရှိသည်ဟု ဆိုကြသည်။ ရန်ကုန်မြို့မှ လေးနာရီခန့် ကားမောင်းသွားလျှင် ရောက်နိုင်သော မြို့တော်ကြီးတွင် ပြုလုပ်ဖွယ် ရှိသည်ဟု ဆိုသည်။ နေပြည်တော်တွင် အပြောင်းအလဲများ ဖြစ်လာနိုင်ပါသလော။ မဖြစ်လာနိုင်ဟုပင် ဆိုရမည်။ တရားခွင်နေရာသာ ပြောင်းသည်၊ ရလဒ်နှင့် အဖြေမှာ အပြောင်းအလဲမရှိ အတူတူပင် ဖြစ်နေပါလိမ့်မည်။
Guardian သတင်းစာမှ Andrew Heyn ၏ ဆောင်းပါးကို ဆီလျော်အောင် ဘာသာပြန်ဆိုသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.