Transparency Myanmar

transparency.myanmar@gmail.com

{Yangon Chronicle 2010:2495} တိုက်ပွဲများ ထပ်မံ ဖြစ်ပွား၍ ထိုင်းဘက်သို့ ရာနှင့်ချီ၍ ထွက်ပြေး

Posted by Transparency Myanmar 2010
Tuesday, November 30, 2010
comments (0)

Reuters, 28th November 2010

မြန်မာ စစ်တပ်နှင့် တိုင်းရင်းသား ကရင် သူပုန်များ ကြားတွင် တိုက်ပွဲများ ထပ်မံ ဖြစ်ပွားမှုကြောင့် တနင်္ဂနွေနေ့က မြန်မာ ရွာသား (၁၀၀၀) ကျော်သည် ထိုင်းနိုင်ငံသို့ ထွက်ပြေး လာကြသည်ဟု မျက်မြင် သက်သေများနှင့် တာဝန် ရှိသူများက ပြောကြားခဲ့သည်။

မြန်မာ စစ်တပ်နှင့် DKBA ကြားတွင် ယခုလ ဒုတိယ အကြိမ် တိုက်ပွဲများ ဖြစ်ပွားမှုကြောင့် စနေနေ့က ထိုင်းနိုင်ငံ နယ်စပ်မြို့ မဲဆောက်သို့ လူနှစ်ရာခန့် ထွက်ပြေးလာ အပြီး တနင်္ဂနွေနေ့တွင် လူ (၁၀၀၀)ခန့် ထပ်မံ ထွက်ပြေးလာခြင်း ဖြစ်သည်။

နိုဝင်ဘာ (၈) ရက်နေ့က နေရာ နှစ်ခုတွင် တိုက်ပွဲများ ဖြစ်ပွားခဲ့ပြီး၊ ကရင်အဖွဲ့မှ ခွဲထွက်သော အဖွဲ့တစ်ခုသည် မြဝတီ၏ နေရာ တော်တော် များများကို သိမ်းယူခဲ့သည်။ ထို့ကြောင့် လူ (၁၂၀၀၀) ခန့် မဲဆောက်သို့ ထွက်ပြေး လာခဲ့ကြပြီး ဒုံးကျည်များ ထိုင်းနိုင်ငံသို့ ကျရောက်မှုကြောင့် ထိုင်းလူမျိုး ငါးဦး ဒဏ်ရာ ရရှိခဲ့သည်။

အဆိုပါ ပဋိပက္ခများသည် မြန်မာ အစိုးရနှင့် တိုင်းရင်းသား လက်နက်ကိုင် အုပ်စုကြား တင်းမာမှု များကြောင့် ဖြစ်ခဲ့ရသည်။ တိုင်းရင်းသား လက်နက်ကိုင်များသည် ၁၉၄၈ ခုနှစ် လွတ်လပ်ရေး ရကတည်းက ကိုယ်ပိုင် အုပ်ချုပ်ခွင့် ရရေးအတွက် တိုက်ပွဲ ဝင်ခဲ့ကြသည်။ တိုင်းရင်းသား အဖွဲ့ တစ်ဒါဇင် ကျော်ကျော်မှာ အစိုးရနှင့် ငြိမ်းချမ်းရေး သဘောတူ ထားသော်လည်း သေချာ ရေရာမှု မရှိ ဖြစ်နေပေသည်။

မြန်မာ စစ်တပ်သည် တိုင်းရင်းသား လက်နက်ကိုင်များကို အစိုးရ လက်အောက်ခံ နယ်ခြားစောင့်တပ် အသွင် ပြောင်းရန် တိုက်တွန်းလျက် ရှိပြီး၊ အများစုက လက်မခံဘဲ ရှိရာ ပဋိပက္ခ ဖြစ်လာပါက ထိခိုက် ဆုံးရှုံးမှုများ ရှိလာနိုင်သည်။

အစိုးရကလည်း အချို့ တိုင်းရင်းသား ခေါင်းဆောင်များ ရွေးကောက်ပွဲ ဝင်ရန် ကြိုးစားမှုအား ငြင်းပယ်ခဲ့သည်။ ၎င်းတို့သည် နယ်ခြားစောင့်တပ် အစီအစဉ်ကို လက်မခံ ခဲ့ခြင်းကြောင့် ဖြစ်သည်။ အများစုက အစိုးရကို မယုံကြည်ကြပဲ မြန်မာနိုင်ငံသည် ဖက်ဒရယ် ပြည်ထောင်စုသာ ဖြစ်သင့်သည်ဟု ယုံကြည်လျက် ရှိကြသည်။

ဝေဖန် သုံးသပ်သူများက စစ်ဖြစ်လာမည်ဟု မျှော်လင့်လျက် ရှိပြီး၊ ထိုသို့ ဖြစ်လာပါက ထိုင်းနှင့် မြန်မာနိုင်ငံ၏ အဓိ စီးပွားရေးနှင့် နိုင်ငံရေး မဟာမိတ် တရုတ်တို့ကို စိုးရိမ် ပူပန်မှုများ ဖြစ်စေမည် ဖြစ်သည်။ တရုတ်က ပဋိပက္ခ ဖြစ်လာပါက ဒုက္ခသည် ကိစ္စများ၊ ကုန်သွယ်ရေးနှင့် အရေးကြီးသော စွမ်းအင် စီမံကိန်းများ နှောင့်နှေးမည်ကို စိုးရိမ်လျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2494} ဒေါ်အောင်ဆန်းစုကြည်နှင့် တွေ့ဆုံ ဆွေးနွေးရန် ဥရောပ ပါလီမန်က မြန်မာ အစိုးရအား တောင်းဆို

Posted by Transparency Myanmar 2010
comments (0)

www.eubusiness.com, 25th November 2010

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည် လွတ်မြောက် လာပြီးနောက် သူမ အပေါ် ချမှတ်ထားသော ချုပ်ချယ်မှုများကို ရုတ်သိမ်းကာ သူမနှင့် ဆွေးနွေးပွဲများ ကျင်းပရန် ဥရောပ သမဂ္ဂက မြန်မာ စစ်ဖက် အုပ်ချုပ်သူများကို ကြာသပတေးနေ့တွင် တောင်းဆိုလိုက်သည်။

ဒေါ်အောင်ဆန်းစုကြည်အား အကျယ်ချုပ် ဖမ်းဆီးထားရာမှ နိုဝင်ဘာ ၁၃ ရက်တွင် လွှတ်ပေးခဲ့ခြင်းအား ဥရောပ ပါလီမန်က ကြိုဆိုကြောင်း ဆုံးဖြတ်ချက် ချမှတ်ခဲ့သော်လည်း အနှစ် ၂၀ အတွင်း ပထမဆုံးအကြိမ် ရွေးကောက်ပွဲ ပြုလုပ်ပြီးမှ လွှတ်ပေးသည့် အချက်ကိုမူ ပြစ်တင် ဝေဖန်လျက် ရှိသည်။

သူမအား လွန်ခဲ့သော နှစ်ပေါင်း ၂၀ အတွင်း အကျယ်ချုပ် ဖမ်းဆီးထားခဲ့ပြီးနောက် ယခု တစ်ကြိမ် လွတ်မြောက်လာမှုသည် လမ်းကြောင်းမှန်ကို ဦးတည်သည့် ပထမခြေလှမ်း အဖြစ် ကောက်ချက်ချနိုင်သည်ဟု ဆုံးဖြတ်ချက်တွင် ဖော်ပြထားသည်။

သို့သော်လည်း သူမအား အစိုးရ လုံခြုံရေး အဖွဲ့အစည်းများ၏ စောင့်ကြည့်မှုအောက်တွင် ထားရှိသည့် အချက်ကိုမူ စိုးရိမ်ပူပန်ကြောင်း ဥရောပ ပါလီမန်က ထုတ်ဖော် ပြောကြားသည်။

သူမအား ခြွင်းချက်မရှိ၊ ချုပ်ချယ်ခြင်းမရှိ လွှတ်ပေးခြင်းသာ ဖြစ်သင့်သည်ဟု ဆုံးဖြတ်ချက်တွင် ဖော်ပြသည်။

ဒေါ်အောင်ဆန်းစုကြည် အမျိုးသား ဒီမိုကရေစီ အဖွဲ့ချုပ်၊ တိုင်းရင်းသား လူမျိုးစု ကိုယ်စားလှယ်များနှင့် ဆွေးနွေးမှုများ စတင်ပြုလုပ်ရန် မြန်မာ အစိုးရကို ဥရောပ ပါလီမန်က ပြင်းပြင်းထန်ထန် တိုက်တွန်းသည်ဟုလည်း ဖော်ပြ ပါရှိသည်။

ထို့အပြင် ပြည်သူ့ဘဏ္ဍာငွေများဖြင့် ကြွယ်ဝနေသော ဒီမိုကရေစီ ကင်းမဲ့သည့် စစ်အစိုးရကို ထောက်ခံအားပေးခြင်းအား ရပ်ဆိုင်းရန်နှင့် တိုင်းပြည်တွင် အပြုသဘော ပြောင်းလဲမှုများ ဖြစ်ပေါ်အောင် ပိုမို ဖိအားပေးရန် ဥရောပ ပါလီမန် အမတ်များက မြန်မာ၏ အဓိက ကုန်သွယ်ဖက် တရုတ်၊ အိန္ဒိယ၊ ရုရှားနှင့် အာဆီယံ ၁၀ နိုင်ငံ တို့ကို တိုက်တွန်းလိုက်သည်။

ဒေါ်အောင်ဆန်းစုကြည်သည် NLD ပါတီ ၁၉၉၀ ရွေးကောက်ပွဲများတွင် အနိုင်ရအောင် စွမ်းဆောင်ပေးခဲ့သော်လည်း စစ်ဖက် အုပ်ချုပ်သူများက လုံးဝ အာဏာ လွှဲမပေးခဲ့ပါ။ ယခု တစ်ကြိမ်တွင်လည်း သူမအား ပါဝင်နိုင်ခြင်း မရှိစေရန် တားမြစ်သည့် ရွေးကောက်ပွဲ ဥပဒေကို တုန့်ပြန်သည့် အနေဖြင့် NLD ပါတီက ယခုလ ရွေးကောက်ပွဲကို သပိတ်မှောက်ခဲ့ပြီး နောက်ပိုင်း ပါတီ ဖျက်သိမ်းခြင်း ခံခဲ့ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2493} အမေရိကန်နှင့် တရုတ် ကိုရီးယား တင်းမာမှုအား ဆွေးနွေး

Posted by Transparency Myanmar 2010
comments (0)

AP, 27th November 2010

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က တရုတ်အား လတ်တလော ကိစ္စရပ်များသည် လက်ခံ နိုင်ဖွယ် မရှိသဖြင့် မြောက်ကိုရီးယားအား ရှင်းရှင်းလင်းလင်း သိစေရေး ပြုလုပ်ရန် တိုက်တွန်းခဲ့သည်။

နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် P.J Crowley က ပြောကြားရာတွင် ကလင်တန်သည် သောကြာနေ့က တရုတ် နိုင်ငံခြားရေး ဝန်ကြီး Yang Jiechi နှင့် မြောက်ကိုရီးယား ကိစ္စအား ရှည်လျားစွာ ဖုန်းဖြင့် စကားပြောခဲ့သည်ဟု ဆိုသည်။ ကလင်တန်က Beijing အား မြောက်ကိုရီးယား၏ အပြုအမူသည် လက်မခံ နိုင်ကြောင်း ရှင်းရှင်းလင်းလင်း သိစေရန် ဆောင်ရွက်ရေးကို တိုက်တွန်း အားပေးခဲ့ကြောင်း Crowley က ပြောသည်။

Beijing တွင် တရုတ် နိုင်ငံခြားရေး ဝန်ကြီးက အဆိုပါ ဖုန်းစကား ပြောမှုကို အတည်ပြုခဲ့ပြီး၊ သောကြာနေ့က Yang သည် မြောက်ကိုရီးယား သံအမတ်နှင့် သီးခြား တွေ့ဆုံခဲ့သည်။ တရုတ်က ထုတ်ပြန်သော သတင်း ကြေညာချက်တွင် Yang က လက်ရှိ အခြေအနေ အပေါ် စိုးရိမ် ပူပန်မှုများ ရှိနေကြောင်း၊ ကိုရီးယား နှစ်နိုင်ငံသည် စိတ်ရှည် သည်းခံမှု ပြသသင့်ပြီး၊ တွေ့ဆုံ ဆွေးနွေးပြီး ပြဿနာ အဖြေရှာသင့်ကြောင့် ဆိုခဲ့သည်။

အင်္ဂါနေ့က မြောက်ကိုရီးယား၏ တိုက်ခိုက်မှုကြောင့် လူလေးဦး သေဆုံးခဲ့ရသောကြောင့် တောင်ကိုရီးယား အစိုးရသည် ပြန်လည် ထူထောင်ရေးကို ကြိုးစား လုပ်ဆောင်လျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2492} ကုလကိုယ်စားလှယ်နှင့် ဒေါ်အောင်ဆန်းစုကြည် တွေ့ဆုံ၊ အစိုးရ တာဝန်ရှိသူများနှင့် တွေ့ဆုံရန် မသေချာ

Posted by Transparency Myanmar 2010
comments (0)

Reuters, 27th November 2010

ကုလသမဂ္ဂ အဆင့်မြင့် ကိုယ်စားလှယ်သည်  မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် စနေနေ့က တွေ့ဆုံ ဆွေးနွေးမှုများ ပြုလုပ်ခဲ့သော်လည်း မြန်မာနိုင်ငံ၏ အိမ်တွင်းပုန်း စစ်ဖက် အုပ်ချုပ်သူများကမူ ၎င်းနှင့် လိုလို လားလား တွေ့ဆုံလိုသည့် လက္ခဏာ မရှိပါ။

ဗီဂျေး နမ်ဘီယာသည် မြန်မာနိုင်ငံတွင် ၇ နှစ်ကြား နေအိမ် အကျယ်ချုပ် ထိန်းသိမ်းခံရခြင်းမှ နိုဝင်ဘာ ၁၃ ရက်တွင် လွတ်မြောက်လာသူ နိုဘယ်ဆုရှင် ဒေါ်အောင်ဆန်းစုကြည်နှင့် ရန်ကုန်မြို့တွင် ၂ နာရီ နီးပါးမျှ တွေ့ဆုံခဲ့သော်လည်း ၎င်း၏ ခရီးစဉ်တွင် စစ်ဗိုလ်ချုပ်ကြီးများနှင့် အစိုးရဝန်ကြီးများ ရုံးစိုက်ရာ နေပြည်တော်သို့ သွားရောက်မည့် အစီအစဉ် မပါဝင်ပါ။

နမ်ဘီယာ အနေဖြင့် မြန်မာနိုင်ငံမှ ရွေးကောက်ပွဲများ အပြီး သီတင်းပတ် အနည်းငယ် အကြာ၊ အရပ်ဖက် အစိုးရသစ် မဖွဲ့စည်းခင် စပ်ကြား ၎င်း၏ ပထမဆုံး ခရီးစဉ်တွင် စစ်ဖက် အစိုးရနှင့် တွေ့ဆုံရန် မအောင်မြင် ခဲ့ခြင်းသည် စစ်ဖက် ခေါင်းဆောင်များနှင့် တွေ့ဆုံ ညှိနှိုင်းမည့် အနောက် နိုင်ငံများ၏ အားထုတ်မှုများတွင် အခက်အခဲ များစွာ ရှိနေနိုင်သည်ကို ညွှန်ပြနေသည်ဟု သံတမန်များက ပြောဆိုသည်။

ယခုနှစ် အစောပိုင်းတွင် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက မြန်မာနိုင်ငံ ဆိုင်ရာ အထူး ကိုယ်စားလှယ် အဖြစ် ခန့်အပ်ခြင်း ခံရသူ နမ်ဘီယာသည် ယခု သီတင်းပတ်ကုန် ရုံးပိတ်ရက်တွင် သံတမန်များ၊ လတ်တလော ရွေးကောက် တင်မြှောက်ခံ အမတ်များနှင့် တွေ့ဆုံရန် စီစဉ်ထားပြီး တနင်္လာနေ့တွင် မြန်မာနိုင်ငံမှ ပြန်လည် ထွက်ခွာမည်ဟု သိရသည်။

စစ်ဖက် အာဏာရှင်များကို ဆန့်ကျင်မှုကြောင့် လွန်ခဲ့သော ၂၁နှစ်အတွင်း ၁၅ နှစ်ခန့် ပုံစံ အမျိုးမျိုးဖြင့် ထိန်းသိမ်းခြင်း ခံခဲ့ရသော ဒေါ်အောင်ဆန်းစုကြည်ကို စစ်ဖက် ခေါင်းဆောင်များက ပြစ်ဒဏ် လျှော့ပေါ့ လွတ်ပေးခဲ့ခြင်း ဖြစ်ကာ သူမအား လွှတ်ပေးချိန်မှ စ၍ စစ်ဗိုလ်ချုပ်များ၏ ရည်ရွယ်ချက်များ အပေါ် အများစုက သံသယ ရှိခဲ့ကြသည်။

သူမက ကုလသဂ္ဂ သံတမန်၏ ခရီးစဉ်ကို ကြိုဆိုလိုက်ပြီး ကုလ သမဂ္ဂနှင့် ပိုမို တွေ့ဆုံ ဆွေးနွေးရန် တောင်းဆိုခဲ့သည်။

"ကျွန်မတို့ လုပ်ချင်တဲ့ ကိစ္စကို သူ့ကို ပြောပြခွင့် ရတဲ့အပြင် ကုလ အထွေထွေ အတွင်းရေးမှူးရဲ့ ခံစားချက်တွေကို သိဖို့ အခွင့်အရေး ရခဲ့ပါတယ်" ဟု သူမက သတင်းထောက်များအား ပြောကြားခဲ့သည်။

"အားလုံးအတွက် အကျိုး ရှိတဲ့ တွေ့ဆုံမှုပါ၊ ကျွန်မတို့ ဒီထက် ပိုပြီး တွေ့ဆုံဖို့ လိုအပ်ပါတယ်" ဟုလည်း သူမက ဆိုသည်။

စစ်ဖက် ဗိုလ်ချုပ်ကြီးများ၏ ရိုင်းပြမှုသည် ကုလသမဂ္ဂနှင့် နှစ်အတန်ကြာ ဆက်ဆံရေး တန်းနေခဲ့ပြီးနောက် ယခုဆိုင် ပူးပေါင်း ဆောင်ရွက်ရန် မလိုလားသည့် လက္ခဏာပင် ဖြစ်သည်ဟု အမည် မဖော်လိုသူ အငြိမ်းစား မြန်မာ ပညာရှင် တစ်ဦးက ပြောကြားလိုက်သည်။

"ဒါဟာ ဇာတ်ကွက် အသစ်ရဲ့ အစပိုင်းလို့ ပြောလို့ ရပါတယ်၊ ကုလသမဂ္ဂ ကိုယ်စားလှယ် အသစ်၊ ဒေါ်အောင်ဆန်းစုကြည် နေအိမ် အကျယ်ချုပ်မှ လွတ်မြောက်မှု၊ အရွေးချယ်ခံ ပါတီနှင့် ကိုယ်စားလှယ်လောင်း အသစ်တွေ အစ ရှိသဖြင့် ပေါ့ဗျာ၊ ဒါပေမယ့် အဓိက သော့ချက်က ပလေယာ ပျောက်နေသေးတယ်" ဟု ၎င်းက ပြောကြားသည်။

"ထိပ်ပိုင်း အစိုးရ ခေါင်းဆောင်တွေနဲ့ တွေ့ဆုံခြင်း မရှိတဲ့ အတွက် သူ့ရဲ့ ခရီးစဉ်ကနေ သိသာ ထင်ရှားတဲ့ ရလဒ်ကို မမျှော်လင့်နိုင်ပါဘူး" ဟု ၎င်းက မှတ်ချက် ပေးသည်။

နမ်ဘီယာသည် ယခင်က တရုတ်နိုင်ငံ ဆိုင်ရာ အိန္ဒိယ သံအမတ်ကြီး ဖြစ်သောကြောင့် မြန်မာ စစ်အစိုးရ၏ အဓိက မဟာမိတ် ဖြစ်သော ဘီဂျင်းနှင့် ကောင်းမွန်သော ဆက်ဆံရေး ရှိသည်ဟု ယုံကြည်ရသည်။ ၎င်းသည် မြန်မာနိုင်ငံ အကြောင်း တိုင်းပြည်၏ နိုင်ငံရေး လုပ်ငန်းစဉ်တို့နှင့် ဆက်စပ် ပတ်သက်သော ကိစ္စရပ်များကို ဆွေးနွေးရန် အတွက် အိန္ဒိယ၊ တရုတ်နှင့် စကာင်္ပူ နိုင်ငံများသို့ လတ်တလော သွားရောက်ခဲ့သည်။

နမ်ဘီယာသည် ဘန်ကီမွန်း၏ ရုံးအဖွဲ့ အကြီးအကဲ ဖြစ်ပြီး အီဘရာဟင် ဂမ်ဘာရီ၏ နေရာကို အစား ဝင်ရောက်လာသူ ဖြစ်သည်။ ယခင်က မြန်မာနိုင်ငံ ဆိုင်ရာ ဂမ်ဘာရီမှာ ထိရောက်စွာ တာဝန် ထမ်းဆောင်နိုင်ခြင်း မရှိသဖြင့် ကျယ်ကျယ်ပြန့်ပြန့် ပြစ်တင် ဝေဖန်ခြင်း ခံခဲ့ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2491} တရုတ်က နယ်စပ်တွင် တိုက်ပွဲ ဖြစ်ပွားမည်ကို စိုးရိမ်

Posted by Transparency Myanmar 2010
comments (0)

The Economist, 25th November 2010

Meng'a ရွာရှိ နယ်စပ် စစ်ဆေးရေး စခန်းရှေ့ရှိ ကွက်လပ်မှာ အကြီးအကျယ် ခြောက်ကပ်လျက် ရှိသည်။ လေးထပ်တိုက်မှ လှမ်းကြည့်လျှင် ရေစီးသန်သော နမ့်ခမြစ် အပေါ်ရှိ တံတား တစ်ဖက်ကမ်းမှာ မြန်မာနိုင်ငံ ဖြစ်သည်။ တရုတ် အာဏာပိုင်များသည် မြန်မာဖက်တွင် စစ်ဖြစ်မည်ကို စိုးရိမ်မှုကြောင့် နယ်စပ် ဖြတ်ကျော်မှုကို ကန့်သတ်ထားသည်။ စစ်ဖြစ်ပွားမည့် အချက်သည် တရုတ် အတွက် အိပ်မက်ဆိုးပင် ဖြစ်သည်။

Meng'a သည် တရုတ်အတွက် မြန်မာနိုင်ငံ အတွင်းသို့ ဝင်ရောက်သည့် အဓိက ဝင်ပေါက် ဖြစ်သည်။ မြစ်တစ်ဖက်ကမ်းတွင် မြန်မာနိုင်ငံ အထူးဒေသ (၂) မြို့တော် ပန်ဆန်း ရှိသည်။ အားလပ်ရက်များတွင် တရုတ် ဧည့်သည်များသည် ၎င်းတို့ တိုင်းပြည်တွင် လောင်းကစား ပိတ်ပင်ထားမှုကြောင့် ပန်အင်း ကာစီနိုသို့ နေ့ချင်းပြန် လာရောက် လည်ပတ်လျက် ရှိသည်။ သို့သော် ယခုလပိုင်းများအတွင်း တရုတ်သည် နယ်စပ်တွင် နေထိုင်သူများကိုသာ တံတား ဖြတ်ကူးခွင့် ပေးသည်။ အဆိုပါ အထူးဒေသ (၂) ကို တိုင်းရင်းသား လက်နက်ကိုင်များတွင် အင်အား အကြီးဆုံး ဖြစ်သော 'ဝ' တပ် (USWA) က ထိန်းချုပ်ထားသည်။ တရုတ်က ကြောက်ရွံ့သည့် အချက်မှာ မြန်မာ အစိုးရသည် ရွေးကောက်ပွဲ ကျင်းပပြီးနောက် USWA နှင့် အခြား လက်နက်ကိုင်များ ၎င်းတို့ အမိန့်နာခံ လာရေးအတွက် နှစ်ရှည်လများ အပစ်အခတ် ရပ်စဲထားမှုကို ချိုးဖောက်၍ စစ်တိုက်ရန် အသင့်ပြင်မှုကိုပင် ဖြစ်သည်။

ပြီးခဲ့သည့်နှစ် သြဂုတ်လက USWA နယ်မြေ၏ မြောက်ဖက်ရှိ ကိုးကန့်ဒေသတွင် တရုတ် တိုင်းရင်းသားများ ပါဝင်သော စစ်တပ်အား မြန်မာတပ်က ချေမှုန်းခဲ့သည်။ ဒုက္ခသည် (၃၇၀၀၀) ခန့်သည် တရုတ်နိုင်ငံ ယူနန် နယ်မြေထဲသို့ ထွက်ပြေးခဲ့ကြသည်။ အာဏာပိုင်များသည် ၎င်းတို့အား အစာရေစာနှင့် ယာယီတဲများ ပေးပို့ပေးခဲ့သည်။ အများစုမှာ ရက်ပိုင်းအတွင်း မြန်မာနိုင်ငံသို့ ပြန်သွားခဲ့ကြသည်။ သို့သော် USWA ကမူ စစ်ပွဲအတွက် ကာကွယ်ရေးကို ကောင်းကောင်း ပြင်ဆင်ထားသည်။ အစိုးရသည် တိုင်းရင်းသားလက်နက်ကိုင်များအား ၎င်းတို့၏ လက်အောက်ခံ နယ်ခြားစောင့်တပ် အသွင်ပြောင်းရန် တောင်းဆိုနေသော်လည်း၊ ထိုင်းနှင့် တရုတ်နယ်စပ်တွင် မူးယစ်ဆေးဝါး ရောင်းဝယ်ရေး ပြုလုပ်သော နယ်မြေအား တပါးသူအား လွှဲပြောင်းပေးရေးကို အချို့ကသာ စိတ်ဝင်စားသည်။

အသံဗလံ အချို့ကို စတင် ကြားလာရပြီ ဖြစ်သည်။ ပြီးခဲ့သည့်လက မြန်မာနိုင်ငံပိုင် မီဒီယာများသည် ကချင်လွတ်မြောက်ရေး တပ်မတော် (KIA) ကို သူပုန်များဟု ညွှန်းဆို ပြောကြားခဲ့ရာ ၁၉၉၄ ခုနှစ် အပစ်အခတ်ရပ်ရန် သဘောတူပြီးကတည်းက ထိုအသုံးအနှုန်းကို အသုံးပြုခဲ့ခြင်း မရှိပေ။ ကိုးကန့်ကိစ္စကြောင့် KIA သည် ရွာသားများအား လက်နက် တပ်ဆင်ပေးပြီး၊ အစိုးရ၏ တိုက်ခိုက်လာမှုကို ကာကွယ်ရန် ပြင်ဆင်ခဲ့သည်။ တရုတ် ခရီးသွားလုပ်ငန်း၏ အဓိကနေရာ တစ်ခုဖြစ်သော စစ်ဆောင်ပနား၏ တဖက်ကမ်းရှိ အမျိုးသား ဒီမိုကရက်တစ် မဟာမိတ်တပ် (NDAA) ကလည်း အင်အား ဖြည့်တင်းလျက် ရှိသည်။ USWA သည် လက်နက်များ ဝယ်ယူနိုင်ရန် မက်သာဖက်တမင်းနှင့် ဟီးရိုးအင်းများကို ပိုမို ထုတ်လုပ်ခဲ့ကြောင်း ပြည်ပရောက် မြန်မာများက သတင်းပေးပို့ခဲ့ကြသည်။ USWA သည် အင်အား (၂၀၀၀၀) ရှိရာ KIA နှင့် NDAA တို့ထက် များပြားသည်။

USWA မူးယစ်ဆေးဝါး ပိုမို ထုတ်လုပ်သည့် သတင်းမှာ တရုတ်အတွက် သတင်းဆိုးပင် ဖြစ်သည်။ တရုတ်မှာ မြန်မာနိုင်ငံမှ မူးယစ်ဆေးဝါးများ၏ ဆိုးကျိုးများ မခံရအောင် ကြိုးစားနေရသော နိုင်ငံ ဖြစ်သည်။ ပြီးခဲ့သည့် နှစ်များအတွင်း တရုတ်သည် 'ဝ' တောင်သူများ တဖြည်းဖြည်း ဘိန်း စိုက်ပျိုးမှုကို လျော့ချပြီး၊ အစားထိုး သီးနှံအဖြစ် ရာဘာနှင့် ကော်ဖီများ စိုက်ပျိုးရန် ပံ့ပိုးပေးခဲ့သည်။

Meng'a တွင် နေထိုင်သူ တစ်ဦးက ပြီးခဲ့သည့်နှစ်က သူမသည် ရာဘာပင်များ စိုက်ပျိုးထားရာ တစ်စုံတစ်ယောက်က မီးရှို့ခဲ့ခြင်းကြောင့် ရာဘာ စိုက်ပျိုးခြင်းကို စွန့်လွှတ်ခဲ့ရသည်။ သူမကမူ မြန်မာ စစ်တပ်၏ လက်ချက်ဟု သံသယ ရှိနေသည်။

တရုတ်သည် ဝေခွဲရခက်သော အခြေအနေနှင့် ကြုံတွေ့နေရသည်။ ၎င်းသည် ရေနံနှင့် ဓာတ်ငွေ့ပိုက်လိုင်းကြောင့် မြန်မာနိုင်ငံအား အရေးကြီးသည်ဟု အလေးထားပြီး မြန်မာ အစိုးရအား ပံ့ပိုးပေးခဲ့သည်။ တချိန်တည်းတွင် တိုင်းရင်းသား လက်နက်ကိုင်များနှင့်လည်း နီးကပ်သော ဆက်ဆံရေးများ ရှိနေပြန်သည်။ USWA နှင့် NDAA တို့မှာ မြန်မာပြည် ကွန်မြူနစ်ပါတီမှ ပေါက်ဖွားလာသူများ ဖြစ်ပြီး နယ်စပ်ဒေသများမှာပင် နေရာယူထားပြီး၊ တစ်ချိန်က တရုတ်ထံမှ လက်နက်များ ရယူထားခဲ့သည်။ တရုတ်သည် အဆိုပါ လက်နက်ကိုင်များ မူးယစ်ဆေးဝါး ရောင်းဝယ်သည်ကို မနှစ်မြို့ပေ။ သို့သော် ၎င်းတို့၏ နယ်မြေကို ကြားခံနယ်မြေ အဖြစ် အသုံးဝင်သည်ကို သဘောတွေ့လျက် ရှိသည်။ မြန်မာနိုင်ငံဥည် ကုလသမဂ္ဂတွင် တရုတ်၏ ထောက်ခံပေးမှုကို သဘောကျသော်လည်း တရုတ်၏ ပြိုင်ဖက် အိန္ဒိယကိုလည်း မျက်နှာ မပျက်ရအောင် ဆက်ဆံလျက် ရှိသည်။ တရုတ်မှာ ရန်ဖြစ်ခြင်းကို မလိုလားချေ။ ဘရပ်ဆဲ အခြေစိုက် International Crisis Group က ပြောကြားရာတွင် ပြီးခဲ့သည့် ဖေဖော်ဝါရီလက UWSA နှင့် မြန်မာ အစိုးရကြားတွင် တရုတ်က ပွဲစားသဖွယ် လုပ်၍ စကားပြောစေခဲ့သော်လည်း အဖြေမထွက်ခဲ့ဟု ဆိုသည်။

ယူနန်ရှိ အစိုးရ တာဝန်ရှိသူများသည် နယ်စပ် တည်ငြိမ်မှု ထိန်းသိမ်းရေးကို အထူး စိတ်ဝင်စားသည်။ ယူနန် ကုမ္ပဏီများသည် မြန်မာနိုင်ငံတွင် သတ္ထု တူးဖော်ရေး၊ ရာဘာနှင့် အခြား စက်မှုလုပ်ငန်းများတွင် ကြီးမားစွာ ရင်းနှီးမြှုပ်နှံထားသည်။ ပန်ဆန်း၏ လူနေမှုစနစ်သည် တရုတ် နယ်စပ်မြို့များ အဆင့် နောက်တွင် နှေးကွေးနေသေးသော်လည်း၊ ပန်ဆန်း၏ တိုးတက်မှုများမှာ တရုတ် စီးပွားရေးကြောင့်ဟု ကျေးဇူးတင်ရမည်ဟု ဆိုသည်။ ပန်ဆန်းတွင် အားလုံး တရုတ်စာနှင့်သာ ရေးသားထားပြီး၊ ယွမ်ငွေကိုသာ အသုံးပြုသည်။ ထိုနည်းတူ တရုတ်နိုင်ငံတွင်လည်း 'ဝ' ပြည်နယ် လိုင်စင်နံပါတ်နှင့် ကားများ တွေ့နေရသည်။ Meng'a တွင် ပြောစမှတ် တစ်ခုမှာ 'ဝ'  ဖက်မှ ထရပ်ကား စီးလုံးပြည့် ဒေါ်လာငွေများ တရုတ်ပြည်သို့ ခိုးသွင်းရန် ကားဒရိုင်ဘာအား ဒေါ်လာ ထောင်ပေါင်းများစွာ ပေးသည်ဟု ဆိုသည်။ ထိုအချက်က 'ဝ' များ မည်မျှ ချမ်းသာသည် ဆိုသည်ကို ပြသခြင်း ဖြစ်သည်ဟု ရွာသားတစ်ဦးက ပြောသည်။

ယမန်နှစ်က ကိုးကန့်တွင် တိုက်ပွဲဖြစ်ပွားစဉ်က တရုတ်နယ်ထဲသို့ အမြောက်ဆံ (၃) လုံး ကျခဲ့ရာ တစ်ဦး သေဆုံး၍ နှစ်ဦး ဒဏ်ရာရခဲ့သည်။ ထိုအချိန်က မြန်မာနိုင်ငံမှ ထွက်ပြေးလာသူများမှာ မြန်မာနိုင်ငံတွင် စီးပွားရေး လုပ်နေသော တရုတ် နိုင်ငံသားများ ဖြစ်ကြသည်။ ယခု တရုတ်က နယ်စပ် ဖြတ်ကျော်မှုကို ကန့်သတ်ထားသည့်တိုင် နယ်စပ်ဂိတ်တွင် ငွေပေး၍ မြစ်ကို ဖြတ်ကူးလျက် ရှိရာ နေ့စဉ် ဒါဇင်နှင့် ချီ၍ ဖြတ်ကူးနေကြောင်း ရွာသားတစ်ဦးက ပြောသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2490} ကိုရီးယားကျွန်းဆွယ် တင်းမာမှုကို လျော့ချရန် တရုတ် ယခုမှ လုပ်ငန်းစ

Posted by Transparency Myanmar 2010
comments (0)

BBC News, 22nd November 2010

တရုတ် နိုင်ငံခြားရေး ဝန်ကြီးဌာနသည် ကိုရီးယား ကျွန်းဆွယ်တွင် တင်းမာမှုများ ပြေလျော့စေရေး အတွက် လုပ်ငန်း စတင်လျက် ရှိပြီး၊ ဝါရှင်တန်၊ ဆိုးလ်၊ ပြုံယမ်းတို့နှင့် ဆွေးနွေးပွဲများ အတွဲလိုက် ကျင်းပနေသည်။

တောင်ကိုရီးယား ပိုင်ကျွန်းကို မြောက်ကိုရီးယားက အမြောက်ဖြင့် ပစ်ခတ်ခဲ့သည့် အင်္ဂါနေ့က အကြမ်းဖက် ဖြစ်ရပ်မျိုး ထပ်မံ မပေါ်ပေါက်အောင် ရှောင်ရှားရေးသည် ဦးစားပေး ကိစ္စ ဖြစ်သည်ဟု တာဝန်ရှိသူများက ပြောကြားသည်။

ယခု ဖြစ်ရပ်တွင် တောင်ကိုရီးယားက ပြန်လည် တုန့်ပြန် ပစ်ခတ်ခဲ့ပြီး၊ အမေရိကန် တပ်ဖွဲ့များနှင့် ပူးတွဲ စစ်ရေး လေ့ကျင့်မှုကို တနင်္ဂနွေနေ့တွင် စတင်မည်ဟု ကြေညာခဲ့သည်။

၎င်းစစ်ရေး လေ့ကျင့်မှုသည် ကျွန်းဆွယ် ဒေသကို စစ်ပွဲ ချောက်ကမ်းပါးသို့ တွန်းပို့ နေသည်ဟု ပြုံယမ်းက ပြောကြားသည်။ အမေရိကန်နှင့် အခြား အင်အားကြီး နိုင်ငံများက ပြုံယမ်း၏ တစ်ဦးတည်းသော မဟာမိတ် ဘီဂျင်းအား ၎င်း၏ သြဇာကို သုံး၍ အကြပ်အတည်းကို ပြေလည်အောင် ပြုလုပ်ရန် အကြိမ်ကြိမ် တိုက်တွန်းထားကြသည်။

တရုတ် နိုင်ငံခြားရေး ဝန်ကြီး ယန်ကျားချီသည် မြောက်ကိုရီးယား သံအမတ်နှင့် သောကြာနေ့က တစ်ဦးချင်း တွေ့ဆုံခဲ့ပြီး အမေရိကန် ပြည်ထောင်စုနှင့် တောင်ကိုရီးယားမှ နိုင်ငံခြားရေး ဝန်ကြီးများနှင့်လည်း တယ်လီဖုန်းဖြင့် ပြောဆိုခဲ့သည်ဟု နိုင်ငံပိုင် ဆင်ဟွာ သတင်းဌာန ထုတ်ပြန်ချက် အရ သိရှိရသည်။

လတ်တလော ထိပ်တန်း ဦးစားပေး ကိစ္စမှာ အနေအထားကို ထိန်းချုပ် နိုင်ရေးနှင့် အဆိုပါ ဖြစ်ရပ်မျိုး နောက်ထပ် မဖြစ်ပွား စေရေးပင် ဖြစ်သည်ဟု သတင်း ကြေညာချက်တွင် ဖော်ပြထားသည်။

ဝန်ကြီးခြင်း စကားပြောဆိုမှု၏ အသေးစိတ် အချက် အနည်းငယ်ကို ထုတ်ပြန်ခဲ့သော်လည်း အမေရိကန် နိုင်ငံခြားရေး ဌာနက ယခုတိုင် မှတ်ချက် မပေးသေးပါ။

အင်္ဂါနေ့က တောင်ကိုရီးယားပိုင် ယွန်ပြောင်းကျွန်းကို မြောက်ကိုရီးယားက အမြောက်ဖြင့် ပစ်ခတ်ခဲ့စဉ် အနည်းဆုံး တောင်ကိုရီးယား (၄) ဦး သေဆုံးခဲ့သည်။

အဆိုပါ ဖြစ်ရပ်ကြောင့် တောင်ကိုရီးယားက ၎င်း၏ ကာကွယ်ရေး ဝန်ကြီးကို အစားထိုး ခန့်အပ်ကာ ကျွန်းပေါ်မှ အရပ်သား အများစုကို ဘေးကင်းရာသို့ ရွှေ့ပြောင်းပေးခဲ့ရသည်။

သောကြာနေ့ မွန်းလွဲပိုင်းက နောက်တစ်ကြိမ် ဖြစ်ပွားသော ဖြစ်ရပ်တွင် ကျွန်းအနီးမှ အမြောက်သံများ ကြားရသဖြင့် လူအများ အပြေးအလွှား ပုန်းရှောင်ခဲ့ကြရသည်။ သို့သော်လည်း ၎င်းပစ်ခတ်သံများသည် မြောက်ကိုရီးယားတို့၏ ပုံမှန် စစ်ရေး လေ့ကျင့်ခန်းမှ ထွက်ပေါ်လာခြင်း ဖြစ်နိုင်သည်ဟု တောင်ကိုရီးယား စစ်ဖက်က နောက်ပိုင်းတွင် ပြောကြားခဲ့သည်။

အထက်ပါ ဖြစ်ရပ်ကြောင့် သတိပေး တပ်လှန့်ထားစဉ် အတောအတွင်း တောင်ကိုရီးယားရှိ အမေရိကန် တပ်မှူး ဗိုလ်ချုပ် ဝေါ်လ်တာရှပ်သည် ယွန်ပြောင်းကျွန်းသို့ သွားရောက်ခဲ့သည်။

အင်္ဂါနေ့က အမြောက်များဖြင့် ပစ်ခတ်မှုသည် ငြိမ်းချမ်းရေးစာချုပ် မချုပ်ဆိုပဲ ပြီးဆုံးခဲ့သော ၁၉၅၀-၁၉၅၃ ကိုရီးယားစစ်ပွဲ နောက်ပိုင်း မြောက်ကိုရီးယားတို့၏ ရန်စမှုများထံမှ တစ်ခုသာ ဖြစ်သည်။

ယွန်ပြောင်းကျွန်းနှင့် နီးနီးကပ်ကပ် စစ်ရေး လေ့ကျင့်ခန်း ပြုလုပ်ကာ အမြောက်ဖြင့် ပစ်အောင် လှုံ့ဆော် ရန်စခဲ့သည်ဟု ပြုံယမ်းက တောင်ကိုရီးယားကို ပြစ်တင် စွပ်စွဲလိုက်သည်။

နောက်ပိုင်းတွင် မြောက်ကိုရီးယား အစိုးရပိုင် KNCA သတင်းဌာနက ဆိုးလ်က စီစဉ်နေသော သီတင်းပတ်ကုန် စစ်ရေး လေ့ကျင့်မှုကို ကန့်ကွက် သတိပေး ပြောကြားခဲ့သည်။

မြောက်ကိုရီးယားကို ပစ်မှတ်ထားသည့် စစ်ရေး လေ့ကျင့်မှုများ ထပ်မံ ပြုလုပ်ရန် စစ်ပွဲ လိုလားသူများက မိုက်မိုက်မဲမဲ စီစဉ်နေမှုကြောင့် ကိုရီးယား ကျွန်းဆွယ်၏ အနေအထားမှာ စစ်ပွဲနှင့် တစ်လက်မချင်း နီးကပ်လာနေသည်ဟု KNCA ကြေညာချက်တွင် ဖော်ပြထားသည်။

မကြာမီ ပြုလုပ်မည့် အမေရိကန် - တောင်ကိုရီးယားတို့၏ (၄)ရက်ကြာ စစ်ရေး လေ့ကျင့်ခန်းများကို ယခုအပတ် တိုက်ခိုက်မှု မတိုင်မီကပင် ကောင်းစွာ စီစဉ်ထားပြီးဖြစ်ကာ မြောက်ကိုရီးယားနှင့် တရုတ် နှစ်နိုင်ငံ စလုံးကို ဒေါသထွက်စေခဲ့သည်။

တရုတ် ကမ်းရိုးတန်းမှ ကီလိုမီတာ ၃၂၀ အထိ ကျယ်ပြန့်သော ၎င်း၏ သီးသန့် စီးပွားရေးဇုံ အနီးတွင် မည်သည့် ကျူးကျော် ရန်စမှုမှ မလုပ်ရန် ဘီဂျင်းက သတိပေးထားသည်။

သို့သော်လည်း ပင်တာဂွန်က တရုတ်နိုင်ငံသည် ရေတပ် လေ့ကျင့်မှုများနှင့် ပတ်သက်၍ သတင်း ရရှိထားပြီး ဖြစ်သည်ဟု အခိုင်အမာ ပြောကြားလိုက်ပြီး တရုတ် နိုင်ငံကို ဦးတည် ပြုလုပ်ခြင်း မဟုတ်ဟုလည်း ခုခံပြောကြားခဲ့သည်။

ယခင်က ပြုလုပ်ခဲ့သည့် စစ်ရေး လေ့ကျင့်ခန်းများ နည်းတူ ယခုလေ့ကျင့်မှုများသည် ကာကွယ်ရေးအသွင် သဘာဝကို ဆောင်ပြီး၊ ရန်လိုသော မြောက်ကိုရီးယားအား တားဆီးမှု ခိုင်မာ တောင့်တင်းစေရန် ရည်ရွယ်သည်ဟု ပင်တာဂွန်က ပြောကြားသည်။

တချိန်တည်းတွင် တောင်ကိုရီးယားကလည်း ယွန်ပြောင်းကျွန်းပေါ်ရှိ တပ်ဖွဲ့ဝင် အင်အားကို တိုးမြှင့်လိုက်ပြီး အလားတူ ကျူးကျော်ရန်စသည့် ဖြစ်ရပ်မျိုးကို ပြင်းပြင်းထန်ထန် တုန့်ပြန်နိုင်ရန် အတွက် တွေ့ဆုံညှိနှိုင်းရေး စည်းကမ်းများကို ပြောင်းလဲမည်ဟု ပြောကြားလိုက်သည်။

တွေ့ဆုံညှိနှိုင်းရေး စည်းမျဉ်းဟောင်းများသည် စစ်ပွဲဖြစ်ပေါ်မှုကို တားဆီးရန် အတွက် အလွန်အမင်း အလေးထားလွန်းသည်ဟု တောင်ကိုရီးယား ကက်ဘိနက်က ဆုံးဖြတ်သည်။

မြောက်ကိုရီးယားက စစ်ဖက် (သို့) အရပ်ဖက် ပစ်မှတ်များကို တိုက်ခိုက်မှုပေါ် မူတည်၍ လာမည့် အနာဂတ်တွင် အဆင့်အမျိုးမျိုးဖြင့် တုန့်ပြန်ခြင်းကို တောင်ကိုရီးယားက အကောင်အထည် ဖော်တော့မည်ဟု သမ္မတ၏ ပြောရေးဆိုခွင့်ရှိသူက ပြောကြားသည်။

မြောက်ကိုရီးယားခေါင်းဆောင် ကင်ဂျုံအီက ၎င်း၏သားငယ် ကင်ဂျုံအန်းအား သိသိသာသာ အာဏာလွှဲပြောင်းမှု ပြုလုပ်နေသည့် အတွက် ယခု သီတင်းပတ် တင်းမာမှု ပေါ်ပေါက်လာခြင်း ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2489} အီးယူက မြန်မာကိစ္စကို စုစည်း ညီညွတ်စွာ ရပ်တည်ရန် ဒေါ်အောင်ဆန်းစုကြည် တောင်းဆို

Posted by Transparency Myanmar 2010
Thursday, November 25, 2010
comments (0)

The Earth Times, 24th November 2010

ဥရောပ သမဂ္ဂ အနေဖြင့် မြန်မာ နိုင်ငံအပေါ် မူဝါဒ ချမှတ်ရာတွင် အဖွဲ့တွင်း စုစည်းမှုဖြင့် ချဉ်းကပ်ရန် တောင်းဆိုလိုက်ပြီး၊ အကယ်၍ မြန်မာ အစိုးရ၏ သွေးခွဲရေး ဗျူဟာတွင်း သက်ဆင်းမိပါက လက်မခံ နိုင်ဖွယ် အခြေအနေများ ဖြစ်လာနိုင်ကြောင်း သတိပေးခဲ့သည်။

"အီးယူ အနေနဲ့ရော တခြား ကျွန်မတို့ရဲ့ မဟာမိတ်တွေရော စုစုစည်းစည်းနဲ့ ချဉ်းကပ်မှုကို ကျွန်မ မြင်ချင်ပါတယ်" ဟု ဒေါ်အောင်ဆန်းစုကြည်က ဂျာမန် သတင်းဌာန dpa သို့ တယ်လီဖုန်းဖြင့် အင်တာဗျူးတွင်  ပြောကြားခဲ့သည်။

အသက် (၆၅) နှစ်ရှိပြီ ဖြစ်သည့် ဒေါ်အောင်ဆန်းစုကြည်သည် ရွေးကောက်ပွဲ အပြီး တစ်ပတ်အကြာ နိုဝင်ဘာလ (၁၃) ရက်နေ့က  ခုနှစ်နှစ်အကြာ နေအိမ် အကျယ်ချုပ်မှ လွတ်မြောက်ခဲ့သည်။

ဒေါ်အောင်ဆန်းစုကြည်သည် ရွေးကောက်ပွဲ ရလဒ်နှင့် ပတ်သက်၍ အီးယူ၏ ကြေညာချက် အပေါ် ကျေနပ်မှု မရှိခဲ့ပဲ အားနည်းချက်များ ရှိသည်ဟု ထုတ်ဖော် ပြောကြားခဲ့သည်။

"စုစည်း ညီညွတ်တဲ့ ချဉ်းကပ်မှု မရှိရင်တော့၊ သူတို့ရဲ့ ကြေညာချက်ဟာ ကျွန်မတို့ ဖြစ်စေချင်သလို အားပါတဲ့ ကြေညာချက် ဖြစ်မလာ နိုင်ဘူးလို့ ကျွန်မ ထင်ပါတယ်" ဟု သူမက ပြောသည်။

အီးယူ အဖွဲ့ဝင်များ ကြားတွင် မြန်မာနိုင်ငံ အပေါ်တွင် ချမှတ်ထားသော အရေးယူမှု ကိစ္စရပ်များနှင့် အဆင်းရဲဆုံး မြန်မာနိုင်ငံအပေါ် ဖွံ့ဖြိုးရေး အကူအညီများ ပြန်လည်ပေးရေး ကိစ္စရပ်များနှင့် ပတ်သက်၍ သဘောထား ကွဲလွဲလျက် ရှိသည်။

ဒေါ်အောင်ဆန်းစုကြည်သည် အီးယူ၏ မြန်မာ နိုင်ငံအပေါ် ချဉ်းကပ်မှုများနှင့် ပတ်သက်၍ စိုးရိန်မှုများကို ဖော်ပြခဲ့သည်။

"တကယ်လို့ စစ်အစိုးရက သူတို့ကို သွေးခွဲတာကို လက်ခံမယ် ဆိုရင်တော့၊ အီးယူကို လက်မခံနိုင် စရာတွေ ရှိလာမယ်လို့ ကျွန်မ ထင်ပါတယ်" သူမက ပြောသည်။

NLD သည် ယခင်က မြန်မာ နိုင်ငံအပေါ် စီးပွားရေးအရ အရေးယူ ပိတ်ဆို့မှုများကို ထောက်ခံခဲ့သည်။

"ကျွန်မတို့ အရေးယူ ပိတ်ဆို့မှုများနဲ့ ပတ်သက်လို့ ပြန်လည် သုံးသပ်ပါမယ်။ အရေးယူမှုတွေဟာ ပြည်သူတွေကို တကယ်ပဲ ထိခိုက်သလားဆိုတဲ့ အချက်ပေါ်မှာပဲ အခြေခံ စဉ်းစားမှာပါ။ ပြည်သူတွေက တကယ်ပဲ ထိခိုက်တယ် ဆိုတဲ့ ခိုင်မာတဲ့ အကြောင်း ပြချက်တွေ ရှိမရှိ ပြန်လှန် သုံးသပ် သွားမှာပါ" ဟု ဒေါ်အောင်ဆန်းစုကြည်က ပြောသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2488} အိန္ဒိယ၏ မြန်မာအပေါ် ထားရှိသော မူဝါဒသည် တတိယနိုင်ငံ၏ သက်ရောက်မှု မရှိဘဲ လွတ်လပ်မှုရှိဟုဆို

Posted by Transparency Myanmar 2010
comments (0)

Calcultta News.Net, 24th November 2010

မြန်မာ နိုင်ငံ အပေါ်တွင် တရုတ်က သြဇာ လွှမ်းမိုးမှုများ ရှိနေချိန်တွင်၊ အိန္ဒိယက ဗုဒ္ဓဟူးနေ့က ပြောကြားရာတွင် ၎င်း၏ မြန်မာ နိုင်ငံအပေါ် ထားရှိသော မူဝါဒသည် မည်သည့် တတိယ နိုင်ငံ၏ သက်ရောက်မှု မပါပဲ လွတ်လပ်မှု မရှိကြောင်း ပြောခဲ့သည်။

"အိန္ဒိယရဲ့ မြန်မာနိုင်ငံ အပေါ် အပြန်အလှန် ထားရှိသော မူဝါဒဟာ မြန်မာနိုင်ငံမှာ တတိယနိုင်ငံ တစ်ခုရဲ့ ပါဝင် ပတ်သက်မှုနဲ့ မဆိုင်ပါဘူး။ လွတ်လပ်စွာ တည်ရှိပါတယ်" ဟု ပြင်ပ ရေးရာ ဝန်ကြီး Preneet  Kaur က Lok Sabha သို့ ပြောကြားခဲ့သည်။

တရုတ်၏ မြန်မာ နိုင်ငံအပေါ် သြဇာ လွှမ်းမိုးမှုများ နိုးထလာချိန်တွင် နယူးဒေလီသည် ၎င်း၏ မူဝါဒကို ပြန်လည် သုံးသပ်မည်လားဟု သူမအား မေးမြန်းခဲ့သည်။

အိန္ဒိယ နိုင်ငံ၏ မြန်မာနိုင်ငံအပေါ် ထားရှိသော မူဝါဒသည် နှစ်နိုင်ငံ ပူးပေါင်း ဆောင်ရွက်ရေးနှင့် ဖွံ့ဖြိုး တိုးတက်မှု ပူးပေါင်း ဆောင်ရွက်ရေးကို အခြေခံထားသော အပြုသဘော ဆောင်သည့် ဆက်ဆံရေး ဖြစ်ကြောင်း သူမက ပြောသည်။

အိန္ဒိယ နိုင်ငံသည် ပြီးခဲ့သည့် ဇူလိုင်လက ဗိုလ်ချုပ်မှူးကြီး သန်းရွှေအား နိုင်ငံတော် လည်ပတ်မှု အဖြစ် လက်ခံခဲ့သည်။ အိန္ဒိယသည် မြန်မာနိုင်ငံတွင် ပြန်လည် စည်းလုံး ညီညွတ်ရေးနှင့် ပြုပြင် ပြောင်းလဲမှုများ ပြုလုပ်ရန် ပြောကြားခဲ့ပြီး၊ အနောက်နိုင်ငံများက မြန်မာ နိုင်ငံအပေါ် ထားရှိသော အရေးယူ ပိတ်ဆို့မှုများကို ဆန့်ကျင်ခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2487} ဒေါ်အောင်ဆန်းစုကြည်နှင့် အာဆီယံကြား အကာအရံများ ဖယ်ရှားပြုပြင်ရန် လို

Posted by Transparency Myanmar 2010
comments (0)

The Nation, 22nd November 2010

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည်သည် နိုဝင်ဘာ ၁၃ ရက်တွင် နေအိမ် အကျယ်ချုပ်မှ လွတ်မြောက် လာပြီးနောက် ကမ္ဘာတလွှားမှ သတင်း ခေါင်းစဉ်သစ်များကို မီဒီယာ အင်တာဗျူး များစွာဖြင့် နေရာ ယူလိုက်သည်။ လာမည့် လပိုင်း၊ နှစ်ပိုင်းအတွင်း သူမ၏ တိုင်းပြည်နှင့် လူထုအတွက် သူမ လုပ်ဆောင် ပေးချင်သမျှ အရာရာကို ဖော်ပြခဲ့သလို စစ်အစိုးရက သူမအား နောက်တစ်ကြိမ် မဖမ်းဆီးရေး အချက်လည်း ပါဝင်သည်။

သို့သော်လည်း သူမ ကျော်လွှား သွားခဲ့သည့် အကြောင်းအရာ တစ်ခု ရှိသည်။ အားလုံးအသိ အာဆီယံပင် ဖြစ်သည်။ လွန်ခဲ့သည့် ၁၅နှစ်လုံးလုံး သူမနှင့် ဆက်သွယ်ရန် ငြင်းဆန်ခဲ့သော အာဆီယံ အဖွဲ့၏ အကြောင်းကို အထက်ပါ အင်တာဗျူးများတွင် လုံးဝ ထည့်သွင်း ပြောကြားသွားခဲ့ခြင်း မရှိပါ။ ၁၉၉၅ ခုနှစ်က အာဆီယံ နိုင်ငံခြားရေး ဝန်ကြီးများထံ သူမပေးပို့သည့် စာမှာလည်း ယခုအထိ ပြန်ကြားခြင်း မရှိသေးပါ။ အမှန်တကယ်ပင် နှစ်ဖက်စလုံးသည် အမှားဖြင့် စတင်ခဲ့ကြခြင်း ဖြစ်သည်။

ထိုစဉ်က သူမနှင့် စစ်အစိုးရ အကြားတွင် အာဆီယံ၏ အသိအမှတ် ပြုခံရရေး ပြိုင်ဆိုင်မှု တစ်ခုမျှသာ ရှိနေသည်။ သူမ ပထမဆုံး အကြိမ် လွတ်မြောက်ခဲ့ပြီး ၂ ပတ် အတောအတွင်း အာဆီယံ ခေါင်းဆောင်များနှင့် တိုက်ရိုက် ဆက်သွယ် လိုခဲ့ခြင်း ဖြစ်သကဲ့သို့ မြန်မာ အစိုးရကလည်း အာဆီယံ တင်းပြည့် အဖွဲ့ဝင် ဖြစ်လာရေး လမ်းကြောင်းအတွက် ဘရူနိုင်းတွင် ချစ်ကြည်ရေးနှင့် ပူးပေါင်း ဆောင်ရွက်ရေး စာချုပ်ကို လက်မှတ် ထိုးရန် ပြင်ဆင် နေချိန် ဖြစ်သည်။ သံသယ ရှိစရာ မလိုပါ၊ အာဆီယံက စစ်အစိုးရ ဖက်ကို ရွေးချယ်ခဲ့သည်။

ထိုအချိန်က သူမသည် အာဆီယံ၏ ကဏ္ဍကို အလွန်အကျွံ စိတ်ဝင်တစား အားကိုးခဲ့ပြီး အာဆီယံ အဖွဲ့က သူမကို ကူညီနိုင်မည့် အပြင် မြန်မာနိုင်ငံကို လမ်းကြောင်း မှန်အောင် ထိန်းကျောင်း ပေးနိုင်မည်ဟု ကြောင်းကျိုး ဆင်ခြင်မှု မရှိပဲ စဉ်းစားခဲ့ခြင်း ဖြစ်သည်။ ၁၉၆၇ ခုနှစ် အာဆီယံ မထူထောင်မီကပင် မြန်မာနိုင်ငံကို အာဆီယံ စတင် ထူထောင်သူ အဖွဲ့ဝင် ဖြစ်လာရန် ထိုင်းနိုင်ငံက ချဉ်းကပ်ခဲ့သည်။ အမြဲတမ်း ကြားနေရေး မူဝါဒကို ကိုးကား၍ ထိုစဉ်က ခေါင်းဆောင် ဦးနေဝင်းက အာဆီယံသို့ ပူးပေါင်းရေး အစီအစဉ်ကို ငြင်းပယ်ခဲ့ပြီး၊ ဖွဲ့စည်းမည့် အုပ်စုသည် အမေရိကန် ပြည်ထောင်စု၏ ထိန်းချုပ် ကိရိယာ တစ်ခုသာ ဖြစ်သည်ဟု ဝေဖန်ခဲ့သည်။ ထိုအချိန်မှ နှစ်ပေါင်း ၃၀ကြာသော အချိန်တွင်မူ တရုတ်နိုင်ငံ၏ သြဇာ ကြီးထွားလာမှုကို အလျင်စလို စိုးရိမ် နေရသောကြောင့် မြန်မာ နိုင်ငံကို အာဆီယံက အဖွဲ့ဝင်အဖြစ် လက်ခံလိုက်သည်။ အဆိုပါ ကိစ္စတွင် မြန်မာ နိုင်ငံကို အနောက် နိုင်ငံများက ပြင်းထန်စွာ ပြစ်တင် ဝေဖန်နေမှုကို ဆန့်ကျင်၍ အာဆီယံ၏ သံတမန်ရေး လွတ်လပ်ခွင့်ကို သိသိ သာသာ အသုံးပြုကာ ဝင်ခွင့် ပေးခဲ့ကြခြင်း ဖြစ်သည်။

ထိုအချိန်မှ စ၍ အာဆီယံနှင့် ဒေါ်အောင်ဆန်းစုကြည်တို့သည် ဒေသ၏ ရွေ့လျားမှု ပုံစံ အသစ်နှင့် သူမ၏ နိုင်ငံရေး ပြည့်ဝ ရင့်ကျက်မှုတို့ကို အသီးသီး ထင်ဟပ်နေသည့် ကိုယ်ပိုင် လမ်းကြောင်းများကို ကူးပြောင်း လျှောက်လှမ်းခဲ့ကြသည်။ မြန်မာနှင့် လာအို နိုင်ငံတို့ ဝင်ရောက်ခဲ့ပြီး ၁၀ နှစ်ခန့် ကြာလာချိန်တွင်မူ အာဆီယံ အဖွဲ့သည် စည်းမျဉ်း အခြေပြု အဖွဲ့အစည်း တစ်ခု ဖြစ်လာစေရန် လုံလောက်သော စိတ်ချ ယုံကြည်မှု ရှိလာခဲ့သည်။ လွန်ခဲ့သော ၂ နှစ်အတွင်း နာဂစ် အလွန်ကာလတွင် အာဆီယံ ဦးဆောင်သည့် လူသားချင်း စာနာသော ကူညီမှု အစီအစဉ်များ ရှိခဲ့သော်လည်း အာဆီယံ၏ အတူတကွ တာဝန်ယူရေး စိတ်ကူးသစ်ကို  လိုက်နာရန် လိုလားမှုကို မြန်မာနိုင်ငံက ယခုတိုင် ပြသခြင်း မရှိသေးပါ။

လတ်တလောတွင်မူ ဒေါ်အောင်ဆန်းစုကြည်နှင့် အနောက်နိုင်ငံ သံတမန်တချို့ တွေ့ဆုံခဲ့ကြပြီး ဖြစ်သည်။ မကြာမီ အတောအတွင်း သူမနှင့် အာဆီယံ သံအမတ်များ အကြား တွေ့ဆုံရန် စီစဉ်မှုများကို ပြုလုပ်ကြမည် ဖြစ်သည်။ ၁၉၉၅ ဇူလိုင်လတွင် ထိုသို့ တွေ့ဆုံရန် ထိုင်းနိုင်ငံက ကမကထ ပြုခဲ့သော ပထမအကြိမ် ကြိုးပမ်းမှုမှာမူ စစ်အစိုးရ၏ အပြင်းအထန် ကန့်ကွက်မှုကြောင့် ပျက်ပြား သွားခဲ့ရသည်။ ထိုစဉ်က မြန်မာနိုင်ငံရောက် ထိုင်းကိုယ်စားလှယ် ဖိုဆက်နီလူဘောက အာဆီယံသည် မြန်မာနိုင်ငံကို အာဆီယံ အဖွဲ့ဝင် အဖြစ် စည်းကမ်း သတ်မှတ်မှုမရှိ ဝင်ခွင့် မပြုရန် စည်းလုံးနိုင်မည့် အခွင့်အလမ်းကို ဆုံးရှုံးခဲ့ရသည်ဟု ပြောကြားခဲ့ပြီး ဒေါ်အောင်ဆန်းစုကြည် အနေဖြင့် အလည်အလတ် အင်အားစုသာ ဖြစ်နိုင်မည်ဟု ၎င်းက ဆိုခဲ့သည်။

အာဆီယံ ကိုယ်စားလှယ်များသည် တစ်ဦးချင်း အနေဖြင့် သူမနှင့် တွေ့ဆုံကာ သဘောထား တီးခေါက် ကြည့်နိုင်သည်။ ယင်းကဲ့သို့ တွေ့ဆုံမှုမျိုးကို တားမြစ်သည့် စည်းကမ်းချက်များ အာဆီယံ ချာတာတွင် မပါဝင်ပါ။ ယခုကဲ့သို့ အရေးပါသော လုပ်ငန်းမျိုးကို ထိုင်းနိုင်ငံ အနေဖြင့် နောက်ဆုတ် ရှောင်ဖယ် မနေသင့်ပါ။ အဆိုပါ ကိစ္စမျိုးနှင့် ပတ်သက်၍ ကမ္ဘောဒီးယား နိုင်ငံသည် အိမ်နီးချင်း နိုင်ငံများမှ ပြည်တွင်း ပလေယာများနှင့် တွေ့ဆုံခြင်းဖြင့်  အဖုံးအကာများကို တွန်းဖယ် ထုတ်ခဲ့သည်ကို တွေ့ရသည်။ ဧပြီလက ဂျကာတာတွင် ကျင်းပသော ဒီမိုကရေစီ ဆိုင်ရာ နိုင်ငံတကာ ညီလာခံ၏ အဝန်းအဝိုင်းတွင် သမ္မတ ဆူစီလိုဘမ်ဘန်းယူဒိုအိုနို က အန်နဝါ အီဘရာဟင်နှင့် အလွတ်သဘော အသေးစိတ် တွေ့ဆုံ ဆွေးနွေးခဲ့သည်ကိုလည်း တွေ့မြင်နိုင်သည်။

ဒေါ်အောင်ဆန်းစုကြည် အတွက်မှာမူ ထင်ရှား ကျော်ကြားသော အာဆီယံပြည်သူ တစ်ဦး အနေဖြင့် တစ်ဦးတည်းသော နိုဘယ်ဆုရှင်၊ ဝါရင့် အမျိုးသမီးခေါင်းဆောင်စသော သူမ၏ အဆင့်အတန်းနှင့် တံခွန်မှာ အတိုင်းထက် အလွန် မြင့်မားလျက် ရှိသည်။ ဒေါ်အောင်ဆန်းစုကြည်၏ ကိစ္စကို ကိုင်တွယ်နေသော အာဆီယံနှင့် လုပ်ပုံကိုင်ပုံ နည်းလမ်းကြောင့် အာဆီယံချာတာကို ဖော်ပြထားသမျှ အားလုံးနှင့် အာဆီယံ၏ လေးစားဖွယ် အထောက် အထားများ အားလုံးသည် အောင်မြင်မှုမရ၊ အသုံးမကျ ဖြစ်လာတော့မည် ဖြစ်သည်။ အာဆီယံ၏ ကတိကဝတ်များကို ရယ်စရာ ကောင်းအောင် အသေအချာ ပြုလုပ်ကြလိမ့်မည်။

အာဆီယံ ခေါင်းဆောင်များ ဝန်ခံဖွယ် ရှိသည်ထက် ပို၍ သူမ၏ ကိုယ်ကျင့်တရား သိက္ခာ အာဏာစက်က ၎င်းတို့ထက် များစွာ ကျော်လွန်နေသည်။ လက်ရှိ အာဆီယံ ပြည်သူ အားလုံးထဲတွင် သူမသည် လူသိ အများဆုံး ခေါင်းဆောင် ဖြစ်သည်။ သူမ၏ ကိစ္စကို ပြန်လည် လေ့လာပြီး အာဆီယံ ပြည်သူများအတွက် လုပ်ဆောင်ပေးရန် တာဝန်ရှိကြောင်း ၎င်းတို့ ကတိပြု ထားသည့် နည်းလမ်းဖြင့် ကိုင်တွယ်ရန် အာဆီယံ ခေါင်းဆောင်များကို သူမအနေဖြင့် စိန်ခေါ်နိုင်သည်။ အမေရိကန် လွတ်လပ်ရေး ကြေညာစာတမ်း နည်းတူ အာဆီယံ ချာတာတွင် "ကျွန်ုပ်တို့ပြည်သူများ" ဟူသော စကားလုံးများနှင့် စတင်ထားခြင်းကို အာဆီယံ ခေါင်းဆောင်များအား သတိပေးရန် မလိုအပ်ပါ၊ ၂၀၀၇ ခုနှစ် အာဆီယံ ချာတာ မူကြမ်း ရေးဆွဲမှု လုပ်ငန်းစဉ်တွင် အဆိုပါ အကောင်းဆုံး ပဋိဥာဉ် စာတမ်းကို သဘော ကွဲလွဲမှု မရှိပဲ အလျင်အမြန် အတည်ပြု ခဲ့ကြပြီး ဖြစ်သည်။

အကယ်၍ သူမသာ ဆန္ဒ ရှိပါက လက်ရှိ အာဆီယံ ဥက္ကဋ္ဌ ဗီယက်နမ် (သို့) လာမည့် နှစ်အတွက် ဥက္ကဋ္ဌ အင်ဒိုနီးရှား နိုင်ငံသို့ လိပ်မူသည့် အိတ်ဖွင့် ပေးစာ ရေးသားကာ ယခင်နှင့် ရှင်းရှင်း လင်းလင်း ကွဲပြားသည့် သူမ၏ မှန်ကန်မှု အထက်စီး အနေအထားကို တောင်းဆို ရယူနိုင်သည်။ ၁၉၉၅ ခုနှစ် ဝန်းကျင်က အာဆီယံ၏ ချုပ်ချယ်မှု ရှိသော အနေအထားနှင့် မတူတော့ဘဲ၊ လက်ရှိ အာဆီယံ ပြည်သူ အများစုမှာ ယခင်ကထက် ဒီမိုကရေစီ ဆန်သော ပတ်ဝန်းကျင်တွင် နေထိုင်လျက် ရှိကြသည်။ လက်ရှိ မြန်မာ စစ်ဖက်၏ ပုံစံကို အသုံးပြုခဲ့ဖူးသော အင်ဒိုနီးရှား နိုင်ငံသည် ယခုအခါ ဒီမိုကရေစီ နိုင်ငံအဖြစ်သို့ ၎င်းဘာသာ၎င်း အသွင် ကူးပြောင်းခဲ့သည်။ ဖိလစ်ပိုင်သည်လည်း ဒီမိုကရေစီ တန်ဖိုးများကို တာဝန်ယူသည့် သမ္မတသစ်ကို ပိုင်ဆိုင်ထားပြီ ဖြစ်သည်။ အာဆီယံ အဖွဲ့ဝင် အားလုံးသည်လည်း လူထု ဦးစားပေး  အသိုင်းအဝိုင်း အဖြစ် အာဆီယံ အဖွဲ့ကို ပြုလုပ်ရန် ကတိပြုထားကြသည်။

အဆိုပါ လမ်းကြောင်းဖြင့် သူမသည် အာဆီယံ ခေါင်းဆောင်များ၊ သာမန်ပြည်သူများနှင့် ကျယ်ကျယ်ပြန့်ပြန့် ဆက်သွယ် နိုင်ပါလိမ့်မည်။ ဒေါ်အောင်ဆန်းစုကြည်သည် အာဆီယံတွင် မြန်မာကို ကိုယ်စားပြု၍ ဖြစ်စေ၊ ကမ္ဘာတွင် အာဆီယံကို ကိုယ်စားပြု၍ ဖြစ်စေ၊ အပြုသဘော ဆောင်သော ကဏ္ဍ ၂ ရပ်မှ အမှန်တကယ်ပင် ပါဝင် လုပ်ဆောင်နိုင်သူ ဖြစ်သည်။ မြန်မာနိုင်ငံနှင့် အာဆီယံ ၂ ခုစလုံး၏ ရပ်တည်မှုနှင့် ပုံရိပ်ကို သူမက တိုးတက်စေနိုင်သည်။ သူမ လွတ်မြောက်လာပြီး နောက်ပိုင်း သူမ၏ ပြောဆိုမှုများကို အကဲခတ်မည် ဆိုလျှင် သူမသည် အလည်အပတ် သွားခြင်း၊ အချိန် ဖြုန်းခြင်းများကို ပြုလုပ်မည် မဟုတ်ပဲ တက်ကြွသော လူမှု ဘဝကို အမှန်တကယ် အသေအချာ ထိန်းသိမ်း ထားမည့် လက္ခဏာကို တွေ့ရသည်။ သူမ၏ နိုင်ငံရေး အနာဂတ်သည် နောက်ပိုင်းတွင် ခေါင်းဆောင် ကဏ္ဍကို ရရှိသွားသော ကမ္ဘာတလွှားမှ အခြား အတိုက်အခံ ခေါင်းဆောင်များ၏ လမ်းကြောင်းအတိုင်း တစ်ချိန်ချိန်တွင် လိုက်ပါနိုင် ပါလိမ့်မည်။ ဘာလင်တံတိုင်း ပြိုကျသွားပြီး နောက်တွင် အာဆီယံ အတွင်းမှ ရန်သူများစွာသည် မိတ်ဆွေများအဖြစ်သို့ ပြောင်းလဲ သွားခဲ့ကြသည်။

လာအို၊ ဗီယက်နမ်နှင့် ကမ္ဘောဒီးယားမှ ခေါင်းဆောင်များသည် အာဆီယံသို့ ဝင်ရောက်ပြီး နောက်တွင် ၎င်းတို့၏ ယခင်က ရန်သူ ဖြစ်ခဲ့သူများနှင့် ပထမဆုံးအကြိမ် ဆွေးနွေးမှုများကို အလွယ်တကူ ပြုလုပ် ကျင်းပနိုင်ခဲ့ကြသည်။ အဆိုပါ ခေါင်းဆောင်ပိုင်း နားလည် လေးစား ချစ်ခင်မှုမျိုး စတင်ဖြစ်ပေါ်ရန် နှစ်ပေါင်းများစွာ အချိန်ယူခဲ့ရသည်။ ယခုအခါ ဒေါ်အောင်ဆန်းစုကြည်နှင့် အာဆီယံ အဖွဲ့သည် ထိုသို့ ပြုလုပ်ရန် အတွက် အမျှော်အမြင် ရှိကြလိမ့်မည်ဟု တင်ပြလိုက်ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2486} တရုတ် စွမ်းအင် ရင်းမြစ်များကို မဟာဗျူဟာမြောက် ခွဲဖြာ ဖြန့်ကျက်ထားမည့် တရုတ်မြန်မာ ရေနံဓာတ်ငွေ့ ပိုက်လိုင်း

Posted by Transparency Myanmar 2010
comments (0)

www.gasandoil.com, 24th November 2010

တရုတ် အမျိုးသား ရေနံ ကော်ပိုရေးရှင်း CNPC သည် မြန်မာ နိုင်ငံသို့ ဆက်သွယ်မည့် ၇၇၁ ကီလိုမီတာ အရှည် ပိုက်လိုင်း၏ တရုတ်နိုင်ငံအပိုင်း အစွန်းကို စက်တင်ဘာ ၁၄ ရက်က စတင် တည်ဆောက်ခဲ့သည်ဟု ကုမ္ပဏီက ပြောကြားသည်။

တရုတ်-မြန်မာ ရေနံနှင့် ဓာတ်ငွေ့ ပိုက်လိုင်းသည် ယူနန်ပြည်နယ် မြို့တော် ကူမင်းနှင့် မြန်မာ အနောက်ဖက် ကမ်းရိုးတန်းရှိ ကျောက်ဖြူ ဆိပ်ကမ်းကို ဆက်သွယ်မည် ဖြစ်သည်။

အဆိုပါ စီမံကိန်းကို ကျောက်ဖြူတွင် ဇွန်လက စတင်ခဲ့သည်ဟု တရုတ်နိုင်ငံ၏ ထိပ်တန်း စီးပွားရေး စီမံကိန်း ရေးဆွဲမှုအဖွဲ့ ဖြစ်သည့် "အမျိုးသား ဖွံ့ဖြိုး တိုးတက်ရေးနှင့် ပြုပြင် ပြောင်းလဲရေး ကော်မရှင်" က အတည်ပြုသည်။

ရေနံနှင့် ဓာတ်ငွေ့ ပိုက်လိုင်းများကို တစ်ခုနှင့် တစ်ခု မျဉ်းပြိုင် သွယ်တန်းသွားမည် ဖြစ်ပြီး ရေနံ ပိုက်လိုင်းဖြင့် တရုတ်နိုင်ငံသို့ နှစ်စဉ် ရေနံစိမ်း တန်ချိန် ၂၂ သန်း သယ်ဆောင်ရန် မျှော်လင့်ထားသည်။ ကီလိုမီတာ ၂၈၀၆ အရှည် ရှိသော သဘာဝ ဓာတ်ငွေ့ ပိုက်လိုင်းကို ကူမင်းမှ တဆင့် အနီးအနား ဂွမ်ဇီ၊ ကွီကျိုးမြို့များသို့ ဆက်လက် သွယ်တန်းမည် ဖြစ်ကာ နှစ်စဉ် သဘာဝ ဓာတ်ငွေ့ ကုဗမီတာ ၁၂ ဘီလျံ သယ်ယူရန် မျှော်လင့်ထားသည်။

"တရုတ်-မြန်မာ ရေနံ ပိုက်လိုင်းတွေဟာ ရေနံစိမ်း တင်သွင်းမှု နည်းလမ်းနဲ့ ရင်းမြစ်တွေကို ခွဲဖြာ ဖြန့်ကျက်ပေးမှာ ဖြစ်ပြီး၊ တရုတ် နိုင်ငံရဲ့ စွမ်းအင် ဖြည့်ဆည်းနိုင်စွမ်းကို အထောက် အကူ ဖြစ်စေမှာပါ" ဟု CNPC အကြီးအကဲ ကျန်ကျားမင်က ပြောကြားသည်။

အာရှ၏ အကြီးဆုံး ရေနံ၊ ဓာတ်ငွေ့ ကုမ္ပဏီ ဖြစ်ပြီး ရှန်ဟိုင်း အခြေစိုက် Petro China ၏ မိခင် ကုမ္ပဏီ ဖြစ်သော China National Petroleum က ပိုက်လိုင်းများကို တည်ဆောက် စီမံ လုပ်ကိုင်မည် ဖြစ်သည်။ အဆိုပါ ပိုက်လိုင်းများသည် အရှေ့ အလယ်ပိုင်းနှင့် အာဖရိကမှ တင်သွင်းသော ရေနံစိမ်းများကို မလက္ကာ ရေလက်ကြားကို ဖြတ်သန်းစရာ မလိုပဲ တရုတ် နိုင်ငံသို့ ရောက်ရှိ စေမည် ဖြစ်ကာ လက်ရှိ ရေကြောင်း ပို့ဆောင်ရေး လမ်းကြောင်းကို ကီလိုမီတာ ၁၂၀၀ မျှ လျှော့ချနိုင်မည် ဖြစ်သည်။

တရုတ်-ခါဇက်စတန်၊ တရုတ်-ပါကစ္စတန်၊ တရုတ်-ရုရှား ရေနံ ပိုက်လိုင်းများ ပြီးလျှင် စတုတ္တမြောက် တရုတ်-မြန်မာ ရေနံ ပိုက်လိုင်း စီမံကိန်းကို ၂၀၁၃ တွင် ပြီးစီးရန် မျှော်မှန်းထားသည်။

တရုတ်-ခါဇက်စတန် ရေနံပိုက်လိုင်းသည် ၂၀၁၀ ဇန်နဝါရီတွင် စတင် လည်ပတ်ခဲ့ပြီး၊ တရုတ်-ရုရှား ရေနံပိုက်လိုင်း သည်လည်း ၂၀၁၀ နှစ်ကုန်တွင် စတင် လည်ပတ် နိုင်လိမ့်မည်ဟု မျှော်လင့်ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2485} မြန်မာ အစိုးရနှင့် ဆက်ဆံခြင်း အတွက် အိန္ဒိယကို ဒေါ်အောင်ဆန်းစုကြည် ဝေဖန်

Posted by Transparency Myanmar 2010
comments (0)

AFP, 24th November 2010

မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က သူမအား လွန်ခဲ့သော ၁၁ ရက်ခန့်က အထိ အကျယ်ချုပ် ဖမ်းဆီး ထားခဲ့ကြသည့် စစ်ဖက် အာဏာရှင်များ နှင့်အတူ စီးပွားရေး လုပ်နေသည့် အိန္ဒိယ နိုင်ငံကို ဗုဒ္ဓဟူးနေ့က သတင်းစာ အင်တာဗျူး တစ်ခုတွင် ပြစ်တင် ဝေဖန်လိုက်သည်။

၁၉၈၀ ခုနှစ်များက အိန္ဒိယနိုင်ငံတွင် နေထိုင်ခဲ့ဖူးသော ဒေါ်အောင်ဆန်းစုကြည်သည် ၇ နှစ် ဆက်တိုက်မက ထိန်းသိမ်း ခံရပြီးနောက် နိုဝင်ဘာ ၁၃ ရက်တွင် ရန်ကုန်မြို့၌ လွတ်မြောက် လာခြင်း ဖြစ်သည်။

အိန္ဒိယ နိုင်ငံသည် သူမအား တစ်ချိန်က အခိုင်အမာ ထောက်ခံသူ ဖြစ်ခဲ့သော်လည်း ၁၉၉၀ ခုနှစ်များ အလယ်ခန့်တွင် လုံခြုံရေးနှင့် စွမ်းအင် ကိစ္စများနှင့် ပတ်သက်၍ မြန်မာ စစ်အစိုးရနှင့် စတင် ဆွေးနွေး ညှိနှိုင်းခဲ့သည်။ နယူးဒေလီ အစိုးရသည် မြန်မာနိုင်ငံမှ ရေနံနှင့် ဓာတ်ငွေ့သိုက်များကို လိုချင် မက်မောလျက် ရှိသလို အရှေ့တောင် အာရှတွင် တရုတ်နိုင်ငံ၏ သြဇာ ကြီးထွားလာမှုကို တုန့်ပြန်ရန် ဆန္ဒ ပြင်းပြနေသည်။

"အိန္ဒိယ နိုင်ငံကြောင့် စိတ်မကောင်း ဖြစ်ရပါတယ်။ ကျွန်မတို့ရဲ့ နောက်မှာ အိန္ဒိယနိုင်ငံ ရပ်တည် ပေးလိမ့်မယ်လို့ပဲ ကျွန်မ ယူဆချင်ပါတယ်။ အိန္ဒိယနိုင်ငံဟာ မဟတ္တမ ဂန္ဒီနဲ့ ဂါဝါဟာလာ နေရူး တို့ရဲ့ အစဉ်အလာ နောက်ကိုသာ လိုက်ရမှာပါ" ဟု ဒေါ်အောင်ဆန်းစုကြည်က Indian Express သို့ ပြောကြားသည်။

"စစ်ဗိုလ်ချုပ်တွေနဲ့ ဆက်ဆံရေးကို ကျွန်မ ဆန့်ကျင်တာ မဟုတ်ပါဘူး။ ဒါပေမယ့် အိန္ဒိယ အစိုးရက ကျွန်မတို့ကိုလည်း ဆွေးနွေးလိမ့်မယ်လို့ မျှော်လင့်ပါတယ်" ဟု သူမက ဆိုသည်။

မြန်မာနိုင်ငံနှင့် နယ်နိမိတ်ချင်း ဆက်စပ်နေသော အိန္ဒိယနိုင်ငံသည် ၎င်း၏ အရှေ့ဖက် အိမ်နီးချင်း တိုင်းပြည်မှ အိမ်တွင်းပုန်း စစ်ဖက် ခေါင်းဆောင် ဗိုလ်ချုပ်မှူးကြီး သန်းရွှေကို နိုင်ငံတော် ခရီးစဉ် အဖြစ် ဇူလိုင်လက ကြိုဆိုခဲ့သည်။

ယင်းကဲ့သို့ ဖိတ်ခေါ်မှုကို ဒေါသ ထွက်ခဲ့ကြသော လူ့အခွင့်အရေး အုပ်စုများက အိန္ဒိယနိုင်ငံသည် ၎င်း၏ ကုန်သွယ် ဆက်ဆံရေး တိုးတက်စေရန်နှင့် တရုတ်နိုင်ငံကို ယှဉ်ပြိုင်ရန် အတွက် ဒီမိုကရေစီ စည်းမျဉ်းများကို ဖောက်ဖျက်လျက် ရှိသည်ဟု ပြောကြားခဲ့ကြသည်။

အမေရိကန် ပြည်ထောင်စု သမ္မတ ဘားရက် အိုဘားမားကလည်း ယခုလ အစောပိုင်းက အိန္ဒိယနိုင်ငံ ခရီးစဉ်တွင် မြန်မာနိုင်ငံမှ လူ့အခွင့်အရေး ချိုးဖောက် ညှင်းပန်းမှုများကို ပြစ်တင် ရှုတ်ချရန် ပျက်ကွက်မှု အတွက် အိန္ဒိယနိုင်ငံကို ဝေဖန်ခဲ့သည်။

"အခု မြန်မာနိုင်ငံမှာ ဖြစ်နေသလိုမျိုး ငြိမ်းချမ်းတဲ့ ဒီမိုကရေစီ လှုပ်ရှားမှုတွေ ဖိနှိပ်ခံရတဲ့ အချိန်မှာ ကမ္ဘာပေါ်က ဒီမိုကရေစီ နိုင်ငံတွေက အသံ တိတ်နေဖို့ မဖြစ်နိုင်ပါဘူး" ဟု အိုဘားမားက အိန္ဒိယ ပါလီမန်သို့ ပြောကြားခဲ့သည်။

ဒေါ်အောင်ဆန်းစုကြည်ကလည်း သူမ လွတ်မြောက်လာပြီးနောက် အင်တာနက် ချိတ်ဆက်ခွင့် ရရန်အတွက် လျှောက်ထားကြောင်းနှင့် လူမှုကွန်ယက် ဝက်ဘ်ဆိုဒ်များ ဖြစ်သော Facebook နှင့် Twitter တို့မှတဆင့် သူမအား ထောက်ခံသူများနှင့် ဆက်သွယ်နိုင်ရန် မျှော်လင့်နေကြောင်း သတင်းစာသို့ ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2484} တရုတ်က ဂျပန်သို့ ရှားပါး တွင်းထွက်သတ္တုများ ပြန်လည် ပို့ဆောင်

Posted by Transparency Myanmar 2010
comments (0)

AP, 24th November 2010

တရုတ် နိုင်ငံသည် ရှားပါးသော တွင်းထွက်သတ္တု (rare earth minerals) များအား ဂျပန် နိုင်ငံသို့ ပြန်လည် တင်ပို့ခဲ့ကြောင်း ဂျပန် ကူးသန်း ရောင်းဝယ်ရေးနှင့် စက်မှုလုပ်ငန်း ဝန်ကြီးက ပြောကြားခဲ့သည်။ ၎င်းရှားပါး သတ္တုများကို ဂျပန်နိုင်ငံတွင် အဆင့်မြင့် နည်းပညာသုံး စက်မှု ထုတ်လုပ်မှုများတွင် အသုံးပြုသည်။

ဝန်ကြီးဌာနက ဗုဒ္ဓဟူးနေ့တွင် ပြောကြားရာ၌ သတ္တုများ တင်ဆောင်ထားသော သင်္ဘော နှစ်စီးသည် ဂျပန်နိုင်ငံသို့ ထွက်ခွာသွားပြီ ဖြစ်ကြောင်း ဆိုသည်။

တရုတ်နိုင်ငံသည် ဂျပန်နိုင်ငံနှင့် ကျွန်းပိုင်ဆိုင်မှု ကိစ္စ အငြင်းပွားမှုကြောင့် အဆိုပါ ရှားပါး သတ္တုများ ဂျပန်သို့ တင်ပို့ခြင်းကို ပြီးခဲ့သည့် စက်တင်ဘာလ ကတည်းက တရားမဝင် ပိတ်ပင် ထားခဲ့သည်။

တရုတ်နိုင်ငံသည် ကမ္ဘာတစ်ဝှမ်း လိုအပ်သော သတ္တုများကို တင်ပို့သော နိုင်ငံ ဖြစ်သည်။ ၎င်းသတ္တုများသည် အဆင့်မြင့် နည်းပညာသုံး ထုတ်လုပ်မှုများ အတွက် အရေးပါသော သတ္တုများ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2483} မြောက်ကိုရီးယား လက်နက်ကြီးများ တောင်ကိုရီးယားကျွန်းကို ထိမှန်

Posted by Transparency Myanmar 2010
comments (0)

BBC News, 23rd November 2010

တောင်ကိုရီးယားက ပြောကြားရာတွင် မြောက်ကိုရီးယားသည် ၎င်း၏ နယ်စပ် ကျွန်းများပေါ်သို့ လက်နက်ကြီး ကျည်ဆံများ ဒါဇင်နှင့် ချီ၍ ပစ်ခတ်ခဲ့ပြီး၊ မရိန်း တပ်သား နှစ်ဦး သေဆုံး ခဲ့သဖြင့် ပြန်လှန် ပစ်ခတ်ခဲ့သည်ဟု ဆိုသည်။

တောင်ကိုရီးယားသည် ၎င်း၏ Yeonpyeong ကျွန်းပေါ်သို့ လက်နက်ကြီးများ ကျရောက် ပြီးနောက် စစ်တပ်အား စစ်အတွင်း မဟုတ်သော်လည်း အမြင့်ဆုံး တပ်လှန့် ထားသည်။

ပြုံယမ်းကမူ တောင်ကိုရီးယားက စတင် ပစ်ခတ်ခြင်း ဖြစ်သည်ဟု စွပ်စွဲခဲ့သည်။ တောင်ကိုရီးယား စစ်တပ်က ပြောကြားရာတွင် ၎င်းတို့သည် စစ်ရေး လေ့ကျင့်မှုများ ပြုလုပ်ခဲ့ပြီး ပစ်ခတ်မှုများမှာလည်း မြောက်ကိုရီးယားနှင့် ဝေးကွာသော နေရာသို့သာ ချိန်ရွယ်ခဲ့ကြောင်း ဆိုသည်။

ယခု အကြိမ်သည် ကိုရီးယား စစ်ပွဲပြီးနောက် ပထမဆုံး အကြိမ် အဆိုးဝါးဆုံး ပဋိပက္ခ ဖြစ်ကြောင်း သုံးသပ်သူများက ပြောသည်။

၁၉၅၃ ခုနှစ်က ငြိမ်းချမ်းရေး စာချုပ် မရှိဘဲ၊ ပြီးဆုံးခဲ့သော ကိုရီးယား စစ်ပွဲအပြီးတွင် နယ်စပ် ပဋိပက္ခလေးများ မကြာခဏ ဖြစ်ပွားခဲ့သော်လည်း ယခု အကြိမ်မှာမူ နှစ်နိုင်ငံ တင်းမာမှုများ မြင့်တက်လျက် ရှိစဉ် ဖြစ်ပွားခဲ့ခြင်း ဖြစ်သည်။

မြောက်ကိုရီးယား၏ အထီးကျန် ခေါင်းဆောင် ကင်ဂျုံအီမှာ နေမကောင်း ဖြစ်နေသည်ဟု ယူဆရပြီး၊ ၎င်းသည် သားအငယ်ဆုံးအား အာဏာ ဆက်ခံစေရေး အတွက် ကြိုးစား စီမံလျက် ရှိသည်။

ပြီးခဲ့သည့် စနေနေ့က မြောက်ကိုရီးယားသည် အမေရိကန် သိပ္ပံပညာရှင် တစ်ဦးအား ယူရေနီယမ် သန့်စင်မှု အဆောက်အဦသစ် တစ်ခုအား ထုတ်ဖော် ကြွားဝါ ပြသခဲ့သည်။

ထိုသို့ ပြသခဲ့မှုကြောင့် အမေရိကန်တို့က ခြောက်နိုင်ငံ နျူကလီယာ လက်နက် ဖျက်သိမ်းရေး ဆွေးနွေးပွဲ ပြန်လည် ကျင်းပရေးမှာ မဖြစ်နိုင်သေးကြောင်း ချက်ချင်း ပြောကြားခဲ့သည်။

အိမ်ဖြူတော် သတင်း ထုတ်ပြန်ရေး တာဝန်ခံ Robert Gibbs က မြောက်ကိုရီးယားအား ရန်လိုသည့် လုပ်ရပ်များ ရပ်တန့်ရန် တောင်းဆိုခဲ့ပြီး၊ တောင်ကိုရီးယား၏ ပြန်လှန် ခုခံ ကာကွယ်မှုအား ခိုင်မာစွာ ကာကွယ် ပြောကြားခဲ့သည်။

ကုလသမဂ္ဂ လုံခြုံရေး ကောင်စီ အရေးပေါ် အစည်းအဝေးကို အင်္ဂါနေ့ သို့မဟုတ် ဗုဒ္ဓဟူးနေ့တွင် ကျင်းပဖွယ် ရှိကြောင်း ပြင်သစ် သံတမန် သတင်းတစ်ရပ်က ပြောသည်။

တောင်ကိုရီးယား ပူးတွဲ စစ်ဦးစီးချုပ်များ၏ ပြောခွင့်ရ ပုဂ္ဂိုလ်က ပြောကြားရာတွင် မြောက်ကိုရီးယား လက်နက်ကြီး ကျည်ဆံများသည် Yeonpyeong ကျွန်း၏ ရေပြင်သို့ ဒေသဆိုင်ရာ စံတော်ချိန် ၁၄၃၄ (၀၅၃၄ GMT) တွင် စတင် ကျရောက်ခဲ့သည်ဟု ဆိုသည်။

ကျွန်းပေါ်သို့ အလုံး (၅၀) ခန့် တိုက်ရိုက် ထိမှန်ပြီး၊ အများစုမှာ ကျွန်းပေါ်ရှိ တောင်ကိုရီးယား စစ်တပ် ဌာနချုပ်ကို ထိမှန်ခဲ့သည်။ ထို့ကြောင့် တောင်ကိုရီးယား မရိန်းတပ်သား (၁၆) ဦးနှင့် အရပ်သား (၃) ဦး ဒဏ်ရာ ရရှိခဲ့သည်။

ကျွန်းပေါ်တွင် နေထိုင်သူ တစ်ဦးက AFP သတင်းဌာနသို့ ပြောကြားရာတွင် လက်နက်ကြီး ထိမှန်မှုကြောင့် အိမ်ဒါဇင်ပေါင်း များစွာ ပျက်စီးခဲ့သည်ဟု ဆိုသည်။ ရုပ်မြင်သံကြား ဓာတ်ပုံများတွင် ကျွန်းပေါ်၌ မီးခိုးလုံးကြီးများ တက်နေသည်ကို တွေ့ကြရသည်။

"အိမ်တွေနဲ့ တောင်တွေပေါ်မှာ မီးလောင်နေပြီး လူတွေဟာ ကြောက်လို့ ထွက်ပြေး ကုန်ကြပါပြီ" ဟု ကျွန်းပေါ်ရှိ မျက်မြင် သက်သေ တစ်ဦးက YTN ရုပ်မြင်သံကြား သတင်းဌာနသို့ ပြောကြားခဲ့သည်။

ဒေသဆိုင်ရာ အစိုးရ ပြောခွင့်ရ ပုဂ္ဂိုလ် Yoon Kwan-seok က ပြောကြားရာတွင် ပစ်ခတ်မှုများမှာ တစ်နာရီခန့် ကြာပြီးမှ ရုတ်တရက် ရပ်သွားသည်ဟု ဆိုသည်။

"ကျွန်းပေါ်မှာ နေထိုင်သူ ၁၆၀၀ ကျော်ကတော့ လုံခြုံရာကို ပြောင်းရွှေ့ပေးခဲ့ပါတယ်" ဟု ၎င်းက ပြောသည်။

တောင်ကိုရီးယား စစ်တပ်က လက်နက်ကြီး အချက် (၈၀) ခန့် ပြန်လည် ပစ်ခတ်ခဲ့သော်လည်း မြောက်ကိုရီးယားဖက်မှာ အထိအခိုက် မည်မျှ ရှိသည်ကိုမူ မသိရှိရချေ။

တောင်ကိုရီးယား တိုက်လေယာဉ်များကလည်း ကျွန်းပေါ်တွင် နေရာယူထားသည်။ ထိုကျွန်းသည် ကိုရီးယား နှစ်နိုင်ငံကြား အငြင်းပွားနေသော ရေပိုင်နက်၏ တောင်ဖက် ၃ ကီလို (၁.၈ မိုင်) အကွာတွင် ရှိသည်။

တောင်ကိုရီးယား သမ္မတ Lee Myung-bak က ၎င်း၏ စစ်တပ်သို့ အမိန့်ပေးထားခဲ့ရာ အကယ်၍ မြောက်ကိုရီးယားတို့က ထပ်မံ တိုက်ခိုက်လာပါက လက်တုန့်ပြန်ရန် အမိန့် ပေးထားသည်ဟု ၎င်း၏ ပြောခွင့်ရ ပုဂ္ဂိုလ်က ပြောသည်။

အစောပိုင်း သမ္မတရုံးက ပြောကြားရာတွင် "မြောက်ကိုရီးယား၏ Yeonpyeong ကျွန်းကို ပစ်ခတ်ခြင်းသည် လက်နက်ဖြင့် ရန်စခြင်း ဆိုတာ ရှင်းပါတယ်" ဟု ပြောသည်။

သို့သော် မြောက်ကိုရီးယား၏ စစ်ဦးစီးချုပ်က ထိုကိစ္စအတွက် တောင်ကိုရီးယား အပေါ် အပြစ်တင်ခဲ့သည်။

"ရန်သူ တောင်ကိုရီးယားတွေဟာ ကျွန်တော်တို့ သတိပေး နေတဲ့ကြားက Yeonpyeong ကျွန်း အနီးက ကျွန်တော်တို့ရဲ့ ရေပိုင်နက်ထဲကို ၁၃၀၀ နာရီ (၀၄၀၀ GMT) မှာ လက်နက်ကြီးတွေနဲ့ စတင် ပစ်ခတ်ခဲ့ပါတယ်" ဟု မြောက်ကိုရီးယား နိုင်ငံပိုင် KCNA သတင်းဌာနက ပြောခဲ့သည်ကို ကိုးကား၍ ဖော်ပြခဲ့သည်။

"အကယ်၍ ရန်သူ တောင်ကိုရီးယားဟာ ကျွန်တော်တို့ ပင်လယ် ပိုင်နက်ကို တစ်မီလီမီတာပင် ကျူးကျော်လာပါက မဆိုင်းမတွ မညှာမတာ ပြန်လည် တိုက်ခိုက်ပါ့မယ်" ဟု မြောက်ကိုရီးယားတို့က သတိပေးခဲ့သည်။

"ရန်စမှုတွေကို မိုးကြိုးသွားလို ပြင်းထန်တဲ့ တုန့်ပြန်မှုနဲ့ ရပ်ဆိုင်အောင် ပြုလုပ်တာဟာ ကျွန်တော်တို့ စစ်တပ်ရဲ့ ရိုးရာပါပဲ" ဟု ၎င်းတို့က ဆိုသည်။

တောင်ကိုရီးယား စစ်တပ် တာဝန်ရှိသူများက နောက်ပိုင်းတွင် ပြောကြားခဲ့သည်မှာ ထိုအဖြစ်အပျက် မတိုင်မီ ၎င်းတို့သည် ပုံမှန် စစ်လေ့ကျင့်ခန်းများကို ပြုလုပ်နေခဲ့ပြီး၊ မြောက်ကိုရီးယားကို ရည်ရွယ်ပြီး ပစ်ခတ်ခဲ့ခြင်း မရှိဟု ဆိုသည်။

ရုရှား၊ အီးယူနှင့် ဗြိတိန်တို့မှ မြောက်ကိုရီးယားအပေါ် ရှုတ်ချမှုများ ပြုလုပ်ခဲ့သော်လည်း ၎င်း၏ အဓိက မဟာမိတ် တရုတ်ကမူ မြောက်ကိုရီးယား အပေါ် အပြစ်တင်ရန် ငြင်းဆန်ခဲ့သည်။

တရုတ် နိုင်ငံခြားရေး ဌာန ပြောခွင့်ရ ပုဂ္ဂိုလ်က ပြောကြားရာတွင် နှစ်နိုင်ငံစလုံးက ငြိမ်းချမ်းရေး အတွက် ပိုမို လုပ်ဆောင်သင့်သည်ဟု ဆိုခဲ့သည်။

"အခု အရေး အကြီးဆုံးကတော့ ခြောက်နိုင်ငံ ဆွေးနွေးပွဲကို အမြန်ဆုံး ပြန်စဖို့ပါပဲ" ဟု Hong Lei က Beijing တွင် သတင်းစာ ရှင်းလင်းပွဲ၌ ပြောကြားခဲ့သည်။

ဂျပန် ဝန်ကြီးချုပ် Naoto Kan ကလည်း ၎င်း၏ ဝန်ကြီးများအား ဖြစ်လာမည့် အဆိုးများ အတွက် ပြင်ဆင်ထားရန် အမိန့်ပေးထားသည်ဟု ဆိုသည်။

"ကျွန်တော်က ပြင်ဆင်မှုတွေ လုပ်ထားဖို့ အမိန့်ပေးထားပါတယ်။ ဒါမှသာ မမျှော်လင့်ပဲ ဖြစ်လာ တာတွေကို ကြံ့ကြံ့ခံ ပြန်လည် လုပ်ဆောင်နိုင်မှာ ဖြစ်ပါတယ်" ဟု ဂျပန် ဝန်ကြီးချုပ်က တိုကျိုတွင် ပြုလုပ်သော အရေးပေါ် ကက်ဘိနက် အစည်းအဝေးတွင် ပြောကြားခဲ့သည်။

ရုရှား နိုင်ငံခြားရေး ဝန်ကြီးက ယခု ကိစ္စသည် ကြီးမားသော အန္တရာယ် ဖြစ်ကြောင်း၊ တိုက်ခိုက်မှု နောက်ကွယ်တွင် ကြီးမားသော တာဝန်ယူရမှုများ ရှိကြောင်း သတိပေးခဲ့သည်။

ဆိုးလ်ရှိ BBC သတင်းထောက် John Sudworth က ပြောကြားရာတွင် ယခု ကိစ္စသည် နိုင်ငံတကာ ငွေကြေး ဈေးကွက်အပေါ် စိုးရိမ် ပူပန်မှုများ ဖြစ်ပေါ်စေကြောင်း၊ အဘယ်ကြောင့် ဆိုသော် ကိုရီးယား ဝမ်ရော ဂျပန်ယန်းပါ ကျဆင်းလျက် ရှိသည်ဟု ဆိုသည်။ သို့သော် တောင်ကိုရီးယား မြို့တော်တွင်မူ စိုးရိမ် ကြောက်ရွံ့မှု လက္ခဏာများ မတွေ့ရဟု ဆိုသည်။

ယခု ဖြစ်ပွားသော ရေပိုင်နက်သည် အနောက်ဖက် ကန့်သတ်မျဉ်း (Northern Limit Line) အဖြစ် လူသိ များပြီး ယခင်ကလည်း မကြာခဏ ရန်ဖြစ်မှုများ ရှိခဲ့သည်။

မတ်လက ထိုပိုင်နက် အနီးတွင် တောင်ကိုရီးယား  စစ်သင်္ဘော နစ်မြုပ်ခဲ့ရာ လူ (၄၆) ဦး သေဆုံးခဲ့ပြီး၊ နိုင်ငံတကာ စုံစမ်း စစ်ဆေးသူများက မြောက်ကိုရီးယား တော်ပီဒိုကြောင့်ဟု ဆိုခဲ့သော်လည်း၊ မြောက်ကိုရီးယားကမူ ငြင်းဆိုခဲ့သည်။ ထိုအချိန်မှစ၍ နှစ်နိုင်ငံ ဆက်ဆံရေးမှာ တင်းမာလာခဲ့ခြင်း ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)