Posts
ပြည်သူ့လွှတ်တော်ကိုယ်စားလှယ် ဦးတင်အေး အမတ်အဖြစ်မှနှုတ်ထွက်
ရန်ကုန် ဖေဖော်ဝါရီ ၁၆
တံတားဦးမြို့မှ ပြည်သူ့လွှတ်တော်ကိုယ်စားလှယ်အဖြစ် တက်ရောက်သည့် ဒုတိယဗိုလ်ချုပ်ကြီးဟောင်း ဦးတင် အေးသည် ဖေဖော်ဝါရီလ ၁၆ ရက်နေ့က လွှတ်တော်အမတ်အဖြစ်မှ နှုတ်ထွက်သွားခဲ့ကြောင်းသိရသည်။
ဦးတင်အေး လွှတ်တော်ကိုယ်စားလှယ်အဖြစ်မှ နှုတ်ထွက်သွားခဲ့ကြောင်းကို ပြည်ထောင်စု လွှတ်တော်နာယက၊ အမျိုးသားလွှတ်တော်ဥက္ကဌဖြစ်သူ ဦးခင်အောင်မြင့်က ဖတ်ကြားသွားခဲ့ကြောင်း အမတ်တစ်ဦးက ရှင်းပြသည်။
ဦးတင်အေးသည် စစ်တက္ကသိုလ်ဗိုလ်လောင်းအပတ်စဉ်(၉)မှ ဆင်းသည့်သူတစ်ဦးဖြစ်ပြီး တနင်္သာရီ တောင်ပိုင်း တိုင်းစစ်ဌာချုပ်မှုး၊ စစ်လက်နက်ထုတ်လုပ်ရေးအရာရှိချုပ်စသည့်တာဝန်များကို ထမ်းဆောင်ခဲ့သည်။ ထို့ပြင် မြောက်ကိုရီး ယားနှင့်စစ်ရေးပူးပေါင်းမှုတွင် အဓိကကျသည့်ပုဂ္ဂိုလ်ဖြစ်ကာ မြန်မာ့တပ်မတော်၏ လက်နက်ဝယ်ရေးယူအပိုင်းတွင် အဓိက ကျသည့်ဆုံးဖြတ်ချက်များကို ချမှတ်ရသူ လည်းဖြစ်လာခဲ့သည်။
ဦးတင်အေးသည် တပ်မတော်ပို်င်စီးပွားရေးဖြစ်သည့် ဦးပိုင်လီမိတက်ကို ဦးဆောင်ကာ မြန်မာဘီယာ၊ တိုက်ဂါး ဘီယာ၊ ရမ္မာမော် တော် ကားစက်ရုံ၊ ရူဘီမတ် ကုန်တိုက်၊ မြန်မာတံဆိပ် အထည်ချုပ်စက်ရုံ၊ ဘိလပ်မြေစက်ရုံ၊ ကြယ်ငါးပွင့် သင်္ဘောလိုင်း၊ ပါရမီ ကားလိုင်း၊ မြောက်ကိုရီးယား နိုင်ငံသို့ ဆန်တင်ပို့ခြင်း စသည့်လုပ်ငန်းများကို ကြိုးကိုင်ခဲ့သူအဖြစ် လူသိများသည်။
ပြီးခဲ့သည့်နှစ်က တံတားဦးမြို့နယ်မှ ပြည်သူလွှတ်တော်ကိုယ်စားလှယ်အဖြစ်ဝင်ရောက် ယှဉ်ပြိုင်ရန် တပ်မ တော်မှ အငြိမ်းစားယူခဲ့ပြီး ဦးပိုင်ကုမ္ပဏီလိမိတက်ကို ဗိုလ်ချုပ်ခင်ဇော်ဦးကို လွှဲပြောင်းပေးခဲ့ကာ ၎င်းကနောက်ကွယ်မှ ဆက်လက်ကြိုးကိုင်ညွှန်ကြားခဲ့သည်။
ယခုကဲ့သို့ ဦးတင်အေးနှုတ်ထွက်သွားခြင်းအပေါ် စစ်တပ်အသိုင်းအဝိုင်းက ဦးတင်အေးသည် အစိုးရသစ်တွင် အာဏာခွဲဝေမှုကို မကျေနပ်သဖြင့်နှုတ်ထွက်သွားသည်ဟု ပြောကြားနေကြသည်။
လွှတ်တော်ကိုယ်စားလှယ်များကမူ ဦးတင်အေးနှုတ်ထွက်သွားခြင်းသည် အရေးကြီးရာထူးတစ်ခုခုကို ရယူရန် ကြိုတင်ပြင်ဆင်ခြင်းဖြစ်လိမ့်မည်ဟု ပြောကြားနေကြသည်။ တစ်ဆက်တည်းမှာပင် ဦးတင်အေးမှာ ခက်ထန်မောက်မာသူ ဖြစ်သဖြင့် အစိုးရအဖွဲ့တွင် ရာထူးကြီးကြီးရယူသွားမည်ကို စိုးရိမ်လျှက်ရှိနေကြကြောင်းလည်းသိရသည်။
ဖေဖော်ဝါရီ ၁၂ ရက်နေ့က နေပြည်တော် ဆာဖာရီဥယျာဉ်ကို ဦးတင်အေး သွားရောက်ဖွင့်လှစ်ပေးခဲ့ရာ အစိုးရပိုင် သတင်းစာများ၌ ၎င်းကို နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဝင်ဟု သုံးနှုန်းထားကြောင်း တွေ့ရသည်။
Ref; Internet News
--------------------------------------------------------------------------------------------------------------------------------
ရပ်ကွက်၊ ကျေးရွာ အဆင့်အုပ်ချုပ်ရေးပြင်ဆင်ဖွဲ့စည်းမည်
ရန်ကုန်၊ ဖေဖော်ဝါရီ ၁၆။
ရွေးကောက်ပွဲအပြီး ထွက်ပေါ်လာသည့် အစိုးရသစ်နှင့်အတူ ရပ်ကွက်၊ ကျေးရွာ အဆင့်အုပ်ချုပ်ရေး ယန္တယား အဆင့်ဆင့်ကို ပြောင်းလဲဖွဲ့စည်းသွားမည်ဖြစ်ကြောင်း သိရသည်။
မြို့နယ်၊ ရပ်ကွက်၊ ကျေးရွာအဆင့်အုပ်ချုပ်ရေးတွင် ပြည်ခိုင်ဖြိုးပါတီဝင်များအုပ်ချုပ်ခဲ့ရာမှ ဖေဖော်ဝါလ ၁၅ ရက် နေ့မှစ၍ ပါတီ၌သာတာဝန် ထမ်းဆောင်ရတော့မည်ဖြစ်ကြောင်းသိရသည်။
" ရယက အုပ်ချုပ်ရေးက ဟိုးအရင်ကလို သူကြီးပုံစံမျိုးနဲ့အုပ်ချုပ်သွားလိမ့်မယ်" ဟု တွံ့တေးမြို့မှ ရယကအဖွဲ့ ဝင်ဟောင်းတစ်ဦးက ဆိုသည်။ တွံ့တေးမြို့၊ကွမ်းခြုံကုန်းနှင့် ဒလတို့တွင် မယက၊ရယက တို့တွင်တာဝန်ထမ်းဆောင် နေသည့် ပြည်ခိုင်ဖြိုးပါတီဝင်များသည် ဖေဖော်ဝါရီ ၁၅ရက်နေ့တွင် ရာထူးမှနှုတ်ထွက်သွားကြပြီဖြစ်ကြောင်း တွံ့တေးမြို့ နယ်မှဒေသခံတစ်ဦးကပြောသည်။
"ကျွန်တော်တို့ဆီမှာတော့ မပြောင်းသေးဘူး။ဘယ်တော့လာမယ်ဆိုတာလဲ မသိရသေးဘူး။" ဟု သံလျင်မြို့ခံ တစ်ဦးကဆိုသည်။ ယင်းသို့ပြောင်းလဲအုပ်ချုပ်မှုကို ရန်ကုန်တိုင်းအတွင်းရှိ မြို့နယ် ၃၆မြို့တွင် စတင်ပြောင်းလဲ သွားမည်ဖြစ်ကြောင်းသိရသည်။
ခရိုင်အဆင့်ဆင့်နှင့်ရပ်ကွက်အဆင့်ဆင့်တို့၏ အုပ်ချုပ်ရေးကို နိုင်ငံဝန်ထမ်းများအား တာဝန်ပေးဆောင်ရွက် စေရမည်၊ ရပ်ကွက် သို့မပာုတ် ကျေးရွာအုပ်စု၏ အုပ်ချုပ်ရေးကို ရပ်ရွာက ကြည်ညိုလေးစားပြီး သိက္ခာသမာဓိရှိသည့် ပုဂ္ဂိုလ်တစ်ဦးဦးကို ဥပဒေနှင့်အညီ ခန့်အပ်တာဝန်ပေးရမည်ဖြစ်ကြောင်း ဖွဲ့စည်းပုံအခြေခံ ဥပဒေ၌ဖော်ပြထားသည်ကို တွေ့ရသည်။
ထို့ကြောင့် ဖွဲ့စည်းပုံအခြေခံဥပဒေအရ ရပ်ကွက်၊ ကျေးရွာလူကြီးများသည် ကျန်းမာသန်စွမ်း၍ ကိုယ်ကျင့်သိက္ခာ ကောင်းမွန်ရမည်ဖြစ်ကြောင်း၊ ရပ်ကျိုးရွာကျိုးသယ်ပိုးနိုင်မည့် လူများဖြစ်ရမည်ဖြစ်ကြောင်း၊ ပညာအရည်အချင်းပြည့်ဝ ရမည်ဖြစ်ကြောင်း၊ ကိုယ်ပိုင်စီးပွားရေးခိုင်မာကာ ရပ်ရွာက လေးစားကြည်ညိုမည့်သူများကိုသာ တာဝန်ပေးအပ်သင့် ကြောင်း ဒေသခံအများစုက ပြောဆိုကြသည်။
--------------------------------------------------------------------------------------------------------------------------------
မပြောဘဲရေးသည့် ဂျာနယ်အမည် ဖော်ထုတ်ရန် ဦးခင်မောင်ဆွေငြင်းဆို
ရန်ကုန်၊ ဖေဖော်ဝါရီ ၁၆။
အမျိုးသားဒီမိုကရေစီအင်အားစုပါတီ မှ နိုင်ငံရေးခေါင်းဆောင်ဦးခင်မောင်ဆွေက ပြည်တွင်းထုတ်ဂျာနယ်တစ် စောင်၌ မိမိတို့မပြောသည်ကို ပြောသည်ပာု စွပ်စွဲထားသည့် ကိစ္စနှင့်ပတ်သတ်၍ Hot News ဂျာနယ်မှ အမည်ဖော်ထုတ် ပေးရန် လျှပ်တစ်ပြတ်ဂျာနယ်ကို တိုက်တွန်းထားပြီး True News ဂျာနယ်မှလည်း ဆရာလူထုဦးစိန်ဝင်းက " တိတိကျကျ မပြောပဲ ဝါးလုံးရှည်နှင့် မရမ်းသင့်ကြောင်း" ဆောင်းပါးရေးခဲ့သည်။
အဆိုပါ ကိစ္စနှင့်ပတ်သတ်၍ ဦးခင်မောင်ဆွေ ကို ပြည်သူ့ခေတ်ဂျာနယ်မှမေးမြန်းရာ ဦးခင်မောင်ဆွေမှ ဂျာနယ် အမည်ကို တိတိကျကျပြောဆိုရန် ငြင်းဆိုခဲ့သည်။ အမျိုးသားဒီမိုကရေစီအင်အားစုပါတီ လသာမြို့နယ်မှ ဝင်ရောက်ယှဉ် ပြိုင်ခဲ့သည့် ဦးကြည်မြင့်ကလည်း "ဗပိာုအလုပ်အမှုဆောင်အစည်းအဝေးမှာ မပြောသည့် အကြောင်းအရာများကို ထည့်ရေး ထားကြောင်း၊ ထိုသို့ မပြောသည့်အကြောင်းအရာများကို ထည့်ရေးသည့်အတွက် မိမိတို့ပါတီ ထိခိုက်နစ်နာကြောင်း၊ မိမိတို့ အနေနှင့်လည်း ဂျာနယ်၏သိက္ခာပိုင်းကိုထည့်တွက်၍ မပြောပဲထားသည်ကို သိက္ခာပိုင်းထည့်မတွက်ပဲ အပြောခံချင်၍ တောင်းဆိုမှုများကို အံ့သြကြောင်း" ပြောကြားခဲ့သည်။ သတင်းဂျာနယ်တစ်ခု၏ အယ်ဒီတာတစ်ဦးကလည်း" လူတစ်ဦး တစ်ယောက် သို့မပာုတ် အဖွဲ့အစည်းတစ်ခုခုကို ထိခိုက်နစ်နာစေသည်ဆိုပါက ဦးခင်မောင်ဆွေသာမက မည်သူ့ကိုမဆို တရားစွဲဆိုနိုင်ကြောင်း၊ သို့သော် တရားစွဲဆိုခြင်းမပြုပဲ မည်သည့်ဂျာနယ်ကိုပြောဆိုမှန်း မသိရသည့်လုပ်ရပ်မျိုး မလုပ်သင့် ကြောင်း" ဝေဖန်ပြောဆိုခဲ့သည်။
NDF ပါတီ၏ နိုင်ငံရေးခေါင်းဆောင်ဦးခင်မောင်ဆွေမှလည်း " မိမိတို့အနေနှင့် မည်သည့်ဂျာနယ်ဖြစ်သည်ကို ပြောဆိုတော့မည်မပာုတ်ကြောင်း၊ ယခင်ကဲ့သို့ ဦးသိန်းညွှန့်၏အကြောင်းကိုသာ ဦးစားပေးရေးမည်ဆိုပါက မိမိတို့ပါတီ ၏အမြင်ကိုပါ မေးမြန်းသင့်ကြောင်း၊ ပထမဆုံးအနေနှင့် မိမိတို့ကမေတ္တာရပ်ခံ၍ မလုပ်ရန် အကြောင်းကြားသတိပေးသွား မည်ဖြစ်ကြောင်း၊ အကယ်၍ မရပါက နောက်ဆုံးအဆင့်အနေနှင့် တရားစွဲဆိုသွားမည်ဖြစ်ကြောင်း၊ မိမိယခုကဲ့သို့ ပြောဆို နေသည်မှာ မည်သည့်ဂျာနယ်ကိုမှ ပစ်မှတ်ထား၍ပြောခြင်းမပာုတ်ကြောင်း၊ ဖြစ်လာခဲ့ပါက ယခုကဲ့သို့ လုပ်ဆောင်သွား မည်ဖြစ်ကြောင်း ဂျာနယ်များကို လှမ်း၍အသိပေးခြင်းဖြစ်ကြောင်း၊ မည်သည့်ဂျာနယ်ကိုမှ ရန်သူကဲ့သို့ဆက်ဆံ၍ လုပ် ဆောင်မည့်သဘော မပာုတ်ကြောင်း" ရှင်းပြပြောဆိုခဲ့သည်။
--------------------------------------------------------------------------------------------------------------------------------
ဒီကေဘီအေတပ်များ နယ်ခြားစောင့်တပ်အသွင်ပြောင်းသော်လည်း ဒေသတွင်းလွှမ်းမိုးမှုကြီးနေဆဲ
ရန်ကုန်၊ ဖေဖော်ဝါရီ ၁၆။
လက်နက်နှင့် ငြိမ်းချမ်းရေးလဲလှယ်ခဲ့သော ဒီကေဘီအေတပ်များသည် ၂၀၁၀နှစ်အတွင်းက နယ်ခြားစောင့်တပ် အဖြစ်အသွင်ပြောင်းခဲ့ပြီး တပ်မတော်သားများအဖြစ် ခံယူခဲ့သော်လည်း ဒေသခံများအတွင်း သြဇာအာဏာကြီးမားနေဆဲ ဖြစ်ကြောင်း ဒေသခံများ၏ပြောကြားချက်များအရ သိရှိရသည်။
"ဒီကောင်တွေက ဒေသခံရဲတွေနဲ့ပူးပေါင်းပြီး အာဝါဒေးပွဲတွေ လုပ်တယ်။ ပွဲတော်က တစ်နှစ်ပါတ်လုံးရှိတယ်။ လုံခြုံရေးကိုလဲ ရပ်ကွက်ဥက္ကဋ္ဌနဲ့ သူတို့အုပ်စုတွေ ပေါင်းပြီးတာဝန်ယူကြတယ်။ ရဲတွေကတော့ ပိုက်ဆံယူပြီး မျက်စိမှိတ် နေထားတာပေါ့။ သူတို့တွေကို နယ်ခြားစောင့်တပ်အဖြစ် ပြောင်းသွားတယ်ဆိုပေမယ့် စီးပွားရေးတာဝန်ခံတွေထားပြီး အဖွဲ့အတွက် ဖန်ငွေရှာကြတယ်။ ကျွန်တော်တို့ဘက်မှာ ရဲထက်ဒီကေဘီအေက တန်ခိုးကြီးနေတယ်။"ဟု သထုံမြို့နယ် အတွင်းရှိ ကျေးရွာအုပ်စုတစ်ခုမှ တက္ကသိုလ်ကျောင်းသားတစ်ဦးက ပြောကြားခဲ့သည်။
သထုံနှင့် မြဝတီသို့ ကုန်ကူးနေသော အသက် ၅၀အရွယ် အမျိုးသမီးတစ်ဦးက " ဒီလမ်းကြောမှာ ဒီကေဘီအေ ကတော့ ဘုရင်ပဲ။ တောင်ပေါ်အတက်အဆင်းလမ်းကို သူတို့ပဲထိန်းချုပ်ထားတာ။ သူတို့လက်ထဲမှာ သေနတ်ရှိတော့ အားလုံးကကြောက်နေရတယ်။ သူတို့တွေက မထင်ရင် မထင်သလို ထထပစ်တတ်တာလေ။ ဒီလမ်းကြောမှာတော့ သေနတ်သံဆိုတာ မထူးဆန်းတော့ပါဘူး။ လူတွေကို သေနတ်ဒင်နဲ့ထု၊ ခြေထောက်နဲ့ကန် လုပ်တဲ့သတင်းတွေက မကြား ချင်မှအဆုံးပဲ။ ကေအန်ယူတောင်မှ ဒီကေဘီအေထက် ကောင်းတယ်။ ပြည်သူတွေကို ဘာမှဒုက္ခမပေးဘူး "ဟု ပြောကြား ခဲ့သည်။
တပ်မတော်အစိုးရသည် တိုင်းရင်းသားလက်နက်ကိုင်တပ်များကို နယ်ခြားစောင့်တပ်အသွင်ပြောင်းရန် ဖိအား ပေးခဲ့သောကြောင့် ဒီကေဘီအေတပ်များသည် နယ်ခြားစောင့်တပ်အဖြစ်အသွင်ပြောင်းလဲခဲ့ပြီး နယ်စပ်ဒေသတွင်း တိုက်ပွဲ များပြင်းထန်လာလျှက်ရှိသည်။
The CJs News
(အထက်ပါ သတင်းများကို ရွှေပြည်တော် ဝက်ဘ်ဆိုက်မှ ကူးယူဖော်ပြခြင်းဖြစ်ပါသည်။ ခရော်နီကယ် ပရိတ်သတ် များအတွက် သတင်းများနှင့် ဆောင်းပါးများကိုအချိန်ပေးဖတ်ရှုရ သည့်အလျှောက် ပေးရသည့်အချိန်နှင့် ထိုက်တန်သည့် ရလဒ် တခုခုကိုရရှိကျေနပ်စေရန် ရည်ရွယ်၍ ထပ်ဆင့်ဖော်ပြပေးခြင်းသာဖြစ်ပြီး ပေးပို့သည့် သတင်းများ၊ ဆောင်းပါးများ အားလုံးသည် yangon chronicle ၏ အာဘော်(လုံးဝ)မဟုတ်ပါကြောင်း အသိပေး ဖော်ပြအပ်ပါသည်။)
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.